رواية احببت ولائي (كاملة جميع الفصول) حصريا عبر دليل الروايات بقلم ولاء صقر
رواية احببت ولائي الفصل الثاني عشر 12
احببت ولائي🌚♥️
(بارت 12)
ولاء فضلت مصدومه ان عمر عرف مكنتش حابه ابدا حد يعرف بحوار مرضها دا عشان متحسش ان الناس كلها بتتعامل معاها من باب الشفقه ان دي الي هتموت قريب او هتعيش بس هتعيش طول حياتها مبتخلفش وهي سرحانه في تفكيرها قاطعتها مامتها ي ولاء عشان خاطري اسمعي كلامي ي بنتي واتعالجي انتي عاوزه تروحي مني ي ولاء زي بابا ومالك عاوزني ابقا لوحدي هعيش ازاي ي بنتي بعد م اخسركو كلكو كدا دا انا الي مخليني عارفه اعيش بعد فراقهم انتي ي بنتي ارجوكي ي ولاء اتعالجي ارجوكي
ولاء وهي بتعيط اتعالج ي ماما وافضل اخد ف كيماوي لحد م شعري يقع وكمان بنسبه كبيره هيستئصلو الرحم عشان الورم فيه يعني هعيش طول عمري مبخلفش ي ماما مين هيرضي بيا كدا وانا مش عاوزه شفقه من حد وبعدين انا كمان مش قادره اعيش بعد فراق بابا ومالك انتي لي مش حاسه بيا لولا خبر مرضي الي بابا عرفو وهو جايب مالك من المدرسه مكنوش عملو الحادثه ولا مكنوش معانا دلوقتي عارفه احساسي كان اي والدكتور بيقولي انا كلمت بابا قولتلو الخبر للاسف قبل الحادثه علطول ف ملحقش يقولكو كان احساسي اي وانا خسرتهم بسببي مشي ي ماما مشي وسبني لوحدي سبني اواجه المرض دا لوحدي وكل حاجه لوحدي
ايمي: ي بنتي متقوليش كدا ومتشيليش نفسك ذنب مش ذنبك دا قدر ربنا انتش ملكيش اي ذنب دا عمرهم استهدي بالله ي قلب ماما
وعيطت ولاء وفضلت تعيط ف حضن مامتها وايمي كمان تعيط وهي مش قادره تتخيل انها ممكن تخسرها هي كمان
عمر بعد م خلص كلام مع باباه وبقا اهدي شويه دخل خد دش وخرج لبس عشان يروح لولاء لبس وخرج من اوضتو خديجه شافتو وراحتلو
خديجه متزعلش ي عمر بابا حكالي ع كل حاجه بس متضايقش نفسك ي بني كل دا قدر ربنا وان شاء الله خير المهم انت تحدد وتشوف انت عاوز وهتعمل اي
عمر: خير ي ماما يلا هنزل بقا مع السلامه
ونزل عمر بس قرر يروح المكتب الاول وبعدين يروح لولاء
هدي بتقول لولاء م تخليكي شويه ف المستشفي لحد ما نطمن عليكي اكتر
ولاء لا خلاص انا بقيت كويسه وانتي عارفه اني مبحبش قعدت المستشفيات ف لو سمحتي ي هدي شوفي ماما اتاخرت ويلا عشان نمشي
هدي: حاضر ي ولاء حاضر
عمر وصل المكتب وقال لاسلام يشيل هو الشغل الفتره دي معلش عشان هو مش هيجي لمدة فتره صغيره
اسلام: متقلقش ي عمر كل حاجه هتبقا تمم
عمر باستغراب كل حاجه اي م هو مقالش لاسلام حاجه عن الي عرفو
اسلام: انا جيت وراك لما الدكتور نداه عليك امبارح قولت عشان لو محتاج حاجه ف اجراءات المستشفي او كدا وسمعت الدكتور وهو بيقولك الخبر لما انت قولتلو انك جوزها ي عمر
عمر: معرفش انا لي كدبت عليه وقولت كدا م كان ممكن اقولو لا اخوها او خطيبها او اي حاجه غير جوزها بس معرفش لقيت نفسي بقولو اه كأن قلبي مسك ف الكلمه محبهاش تتكدب بس ان شاء الله تبقا حقيقه مش كدبه ابدا
اسلام: عمر انت بتحبها بجد ولا اتعاطفت معاها بعد الي عرفتو
عمر بعصبيه هو كل م حد يعرف يقولي اتعاطفت معاها اتعاطفت معاه ايوا بحبهاا وهفضل جمبها لاخر يوم ف عمري وان شااء الله هتخف وهنكمل حياتنا سوا انا ربنا جمعني بيها صدفه وان شاء الله مش هياخدها مني بعد ما قلبي اتعلق بيها
اسلام: طب خلاص اهدي اهدي ي عمر
عمر: انا تمم متقلقش المهم بس خلي بالك من الشغل ولو ف حاجه كلمني
ومشي عمر وراح المستشفي لولاء وسال هي ف اوضه كام الممرضه قالتلو انها خلاص بتخلص ورقها وماشيه وقالتلو رقم الاوضه ف طلع عندها الاوضه بسرعه لقاها لوحدها
ولاء اول م شافتو قامت وكلها عصبيه منو وقالتلو انت اي الي جابك رد عليا جاي لي
عمر: جاي عشان اطمن عليكي واقولك ان غلط الي بتعمليه ف نفسك دا انتي لازم تتعالجي
ولاء: انا لا عايزك تتطمن عليا ولا عاوزه اسمع منك حاجه انت ازاي ليك عين تيجي هنا تاني فاهمني انت ازاي بجح كدا يعني اي تقول للدكتور انك جوزي وتخليه يقولك حاجه عني يعني اي تحشر نفسك ف خصوصيات الناس ي بيه انت مين اصلا انت تعرف اي عني عشان تقولي لازم اتعالج ولا لا مين سامحلك اصلا تتدخل ف حياتي ي بني ادم انت امشي اطلع برا ومش عاوزه اشوف وشك تاني ابدا ف حياتي
عمر: مش هطلع ي ولاء ولو سمحتي اسمعيني
ولاء: انت معندكش دم بقولك اطلع برا مش عاوزه اسمع منك حاجه اطلع برا بقا
عمر: ولاء انا بحبك♥️
•تابع الفصل التالي "رواية احببت ولائي" اضغط على اسم الرواية