رواية احببت ولائي (كاملة جميع الفصول) حصريا عبر دليل الروايات بقلم ولاء صقر
رواية احببت ولائي الفصل الرابع عشر 14
أحببت ولائي🌚♥️
البارت(14)
ولاء صحيت علي صوت دوشه واغاني بصت ف الفون بتاعها لقت اساعه 2 ف قامت تشوف ف اي خرجت من اوضتها وراحت علي صوت الاغاني للمطبخ لقت هدي ومامتها قاعدين بيعملو الاكل
ولاء: اي الدوشه الي انتو عاملينها دي ف اي ي جدعان
ايمي: طب قولي صباح الخير حتي مش كفايه سيبنك نايمه وبنعمل احنا لوحدنا والبت الغلبانه دي اتمرمطت معايا من الصبح
هدي ببراءه: اه والله اتمرمطت خالص
ولاء: ايوا ايوا واي كمان متمثليش ي هدي انتي قاعده تتمرمطي كدا عشان كرشك عشان بتموتي ف اكل امي الي مفيش زيو وراحت علي مامتها حضنتها من ضهرها وهي قاعده وباست دماغها
هدي: لا ي حبيبتي انا بساعد طنط لاجل عيونها القمر بس مش اكتر وعشان انت مكسوره بس ف باخد فيكي ثواب
ولاء: طب اشتغلي اشتغلي بضمير علي م ادخل اخد دش واجيلك وراحت ولاء عشان تطلع هدوم ليها ف طلعت فستان حلو اسود كدا فيه ورد احمر ودخلت تاخد الدش
خديجه دخلت ع عمر الاوضه
خديجه: عمر عمر ي عمور صحي النوم ي حبيبي
عمر فتح عينو وقالها براحه كدا صباح النور ي حبيبتي
خديجه بضحك ونبي ي واد ي عمر انت اديها واحده صباح النور ي حبيبتي من دي وهي هتحبك علطول
عمر: ونبي انا بحبك انت ي قمر انتي تفتكري انا حبيتها اي عشان قمر زيك ي جميل
خديجه: بس ي واد ي بكاش انت بدل م اقول لابوك انك بتعاكسني هه
عمر: ابويا هي حصلت ماشي ي قمر حقك تدلع
وضحكو وبعدين خديجه قالتلو طيب يلا قوم بقا عشان تاخد دش وتفطر وتلبس وتنزل
عمر: لي هي الساعه كام؟
خديجه: اساعه ٣ يعني يدوب تلحق واه انا محضرلك هدومك عشان تبقا قمرين ي قلب ماما
عمر: ربنا يخليكي ليا بجد ي ست الكل ودخل خد دوش وقعد يفطر معاهم وقام عشان يلبس
ولاء خدت الدش وخرجت نشفت شعرها ولسا كان هتروح لهدي ومامتها لقت هدي داخله عليها
ولاء: كنت لسا جايلكو اي خلصتو ولا اي
هدي: عيب عليكي كلو تمم وزي الفل انا قولت اجي عشان لو عاوزه مساعده وانتي مكسوره كدا
ولاء: انتي هتذليني ي بنتي طب خدي سرحيلي شعري بقا
هدي: تحت امرك ي فندم اقعدي
ولاء: هو المفروض البني ادم دا هيجي الساعه كام واصلا اتاكدو انو جاي
هدي بخبث: جاي اساعه سته مامتك خدت رقمكو عشان تأكد عليه وتوصفلو الطريق اصلها متعرفش انو وصلك قبل كدا ي قمر وبعدين بتسالي هه
ولاء بتبرير بسرعه بسال عشان بس انتو تعبانين من الصبح وف الاخر البيه ميجيش
هدي: لا متقلقيش جاااي ي ولاء جااااااااي هه
ولاء: بطلي هبل ي هدي يجي ولا ميجيش انا بقول علي تعبكو مش اكتر غير كدا مش طيقو اشوف وشو
هدي: طيب ي ولاء ممكن اتكلم معاكي بس من غير م تتعصبي ممكن
ولاء: لا ي هدي عشان انا عارفه هتتكلمي ف اي
هدي: بطلي عند ي ولاء مش كل حاجه تمشي الي ف دماغك ي ولاء عشان خاطري لو تعتبرني اختك بجد ادي نفسك انتي وعمر فرصه هو فعلا بيحبك انتي مشوفتيش قلقو عليكي ف المستشفي من قبل حتي م يعرف اي حاجه عن مرضك ي ولاء مش كل الي بيحبك وبيقرب منك يبقا عشان بيعطف او يشفق عليكي عشان خاطري ي ولاء انا ومامتك ادي نفسك فرصه تحبي وتتحبي وتتعالجي وتفضلي جمبنا ادي نفسك فرصه تعيشي حياتك
ولاء عينها دمعت وهدي بصتلها ف حضنتها وقالتلها هتوعديني ي ولاء انك تدي نفسك فرصه
ولاء: حاضر ي هدي اوعدك
هدي: ربنا يخليكي ليا ديما ي حبيبتي انا هروح اشوف طنط بقا علي م تلبسي
عمر خلص لبس ولسا نازل راضون ناداه عليه خليك رومانسي ي ولا وهات ورد
عمر بضحك حاضر ي بابا وبعد كدا لسا نازل خديجه نادت عليه وهات شوكولاته كمان ي عمر عشان ميقولوش بخيل
عمر: كدا هيقولو رايح اتقدم
خديجه: لا ي واد اسمع الكلام
عمر: حاضر ي ماما يلا مع السلامه
ونزل عمر وركب العربيه لاقي فونو بيرن رقم غريب
عمر: الو مين معايا
من الفون انا مامت ولاء ي عمر
عمر: اهلا ازي حضرتك ي طنط
ايمي:انا قولت أكد عليك المعاد ي حبيبي لحسن متجيش وبعتلك لوكيشن
عمر: لا مقدرش اكسر كلامك طبعا مش هتاخر عن المعاد
ايمي: ماشي ي حبيبي مستنينك
وقفل عمر معاها ومشي بالعربيه
خرجت ولاء من الاوضه لابسه الفستان وسايبه شعرها وحاطه ميكب بسيط
ايمي: بسم الله مشاء الله اي القمر دا ي قلب ماما
ولاء: حبيبتي ي ماما ربنا يخليكي ليا
هدي: ايش ايش ع الشياكه ي شيخه اخيرا شوفتك مش لابسه اسود ساده كدا بجد الفستان حلو اوي عليكي ي ولاء
ولاء: طب خلاص بطلي اڤوره فستان عادي عندي ولبستو اتهدي بقاا
عمر وصل ونزل من العربيه ورن ع مامت ولاء عشان يعرف الدور والشقه ف ردت عليه وقالتلو وطالع عمر بس قلبو هيقف من كتر م هو بيدق بسرعه كانو رايح يتقدم بجد
ايمي يلا ي بنات عمر طالع افتحي الباب انتي ي ولاء عشان ممكن ميعرفش الشقه وانتي ي هدهد تعالي معايا
ولاء راحت فتحت الباب ولقت عمر خارج من الاسانسير ولابس قميص اسود وماسك ف ايدو ورد وشوكولاته ف عنيها لمعت من حلاوة شكلو ف الاسود وعمر وهو واقف قدامها سرحان وهما الاتنين واقفين بيبصو لبعض ومحدش فيهم بيتكلم
ايمي جت احممم اي ولاء موقفه عمر كدا لي م تخليه يتفضل
ولاء بتركيز اتفضل اتفضل
ف عمر ابتسم ودخل وسلم ع ايمي وقعد
ايمي: منور ي عمر
عمر: منور بناسو والله ي طنط
ايمي بهزر ي تري الورد دا بقا ليا ولا لولاء
عمر بتوتر لا ل... لحضرتك طبعا
ايمي بضحك لا خلي الورد لولاء عشان هي بتعشق اللون الاحمر انا هاخد الشوكولاته
ولاء بصتلها وسكتت ف ايمي كملت كلام وقالت طيب ي عمر انا هقوم اجهز السفره وهسيب ولاء تدردشو شويه لحد م اجي
عمر: اتفضلي براحتك ي طنط
ولاء بتوتر اجي اساعدك
ايمي بخبث لا خليكي مع عمر هتسبيه لوحدو هدي معايا
ودخلت ايمي وعمر بص لولاء وقالها الف سلامه عليكي الحمدلله انها قد ع قد كدا
ولاء: الله يسلمك الحمدلله
عمر: ولاء انا كنت عاوز اقولك....
ولاء: بص ي عمر انا فكرت وقررت اني موافقه انا ممكن اديك وادي نفسي فرصه لي لا هخسر اي يعني
عمر بصدمه موافقه ع اي بالظبط عشان استوعب بس
ولاء: انت قولتلي اي ف المستشفي اوافق عليه
عمر: قولتلك كلام كتير بس اهمو اني بحبك ي ولاء
وفجاه صوت زياد من وراهم وقالو بتحب مييييين؟!
•تابع الفصل التالي "رواية احببت ولائي" اضغط على اسم الرواية