رواية احببت ولائي (كاملة جميع الفصول) حصريا عبر دليل الروايات بقلم ولاء صقر
رواية احببت ولائي الفصل الخامس عشر 15
احببت ولائي🌚♥️
البارت(15)
ولاء: زياد انت جيت امتي يخربيتك خضيتني
زياد: جيت دلوقتي بس لقيت الباب مش مقفول كويس ف دخلت
ولاء: نورت ي زوز جاي ايدك فاضيه لي هه
زياد بضحك مقدرش ي اختي جبتلك شوكولاته قد كدا اهو خدي حطيها ف التلاجه بقا عشان هتسيح
ولاء: ماشي تسلم ي زوزتي وهقول لماما انك جيت
عمر قاعد هيكسر سنانو من كتر الغيظ وبيقول ف سيره زوزتي دا انت بني ادم بارد مش فاهم الي جابو دلوقتي دا
ولاء دخلت وزياد راح لعمر مقولتليش بقا كنت بتقولها بتحب مين
عمر برخامه وتحدي بحبها هي بحب ولاء
زياد: ودا من امتي الكلام دا
عمر: من اول ما شوفتها تقدر تقول حب من اول نظره كدا
زياد: لا والله ومن م تقول لمامتها ولا لحد كدا واخرة الحب دا اي
عمر: هي مكنتش موافقه ولسا قايلالي قبل ما انت تيجي تقطعنا انها هتدينا فرصه
زياد لسا هيكمل كلام خرجت ايمي وهدي وولاء من المطبخ
ايمي: ازيك ي واد ي زياد اتاخرت كدا لي
زياد: معلش ي خالتو بقا دا انا هربت من المستشفي عشان اجيلكوو بسرعه
ايمي: ماشي ي بكاش سلمت علي عمر
زياد: اه سلمت
هدي: ازيك ي زياد
زياد: عامله اي ي هدي
هدي ببراءة اطفال انت جبت شوكولاته لولاء بس لي يعني هي عشان اختك تنسي صحبت اختك
زياد بضحك خلاص متزعليش هناكل وانزل اجبلك اكتر منها بس يلا بقا فين الاكل انا واقع من الجوع
ايمي: حاضر خلاص هنحط ع السفره اهو وناكل
ودخلو ايمي والبنات المطبخ ورجع قعد زياد مع عمر
زياد: كنا بنقول اي بقا
عمر برخامه مش فاكر والله
زياد: بص ي عمر انا بكلمك دلوقتي عشان مصلحة ولاء انا خايف تكون بتحط نفسك في مسئوليه هتبقا كبيره عليك ولاء لما تاخد الكيمياوي هتتعب كتير وهيبقا اغلبية وقتكو يا في المستشفي ي هي تعبانه من العلاج انت ي عمر لو ارتبطو وبعد فتره حسيت ان الموضوع تقيل عليك ومشيت مثلا هي الي هتتعب وهي الي ممكن تتدمر ي عمر افهم انا مقدر انك بتحبها بس انا بحبها اكتر منك بكتير وخايف عليكو انتو الاتنين
عمر: لا متخافش انا عمري ما هسيبها ولا هبعد عنها انا هفضل جمبها لحد ما تخف وتبقا احسن واحده ف الدنيا
زياد: ماشي ي عمور بس انا حاسك كرهني لي كدا من ساعة المستشفي وانا واخد بالي انك مش طايقني انا واكل ميراثك ولا حاجه
عمر: لا لي بتقول كدا مفيش حاجه من الكلام دا
جت ايمي اقطعتهم يلا ي شباب الاكل جهز وراحو ياكلو وطول ما هما قاعدين عمر منزلش عينو من علي ولاء وكلهم واخدين بالهم وقعدين يبصو لبعض ويضحكو وخلصو الاكل وقعدو يشربو القهوه ويتكلمو ويهزرو وكدا وبعد شويه زياد قال لولاء قومي اعمليلي شاي
ولاء: قوم انت واعملنا كلنا معاك بقا
زياد: ي ولاء قومي بقا وخليكي جدعه متكسفيناش قدام الناس
ولاء: انا واحده ايدي مكسوره ومش قادره
زياد: بطلي استعباط ي ولاء
ايمي: بس ي واد انت وهي كدا انتو علطلول كدا خناق ولا كانكو مولودين فوق رأس بعض
زياد: حاضر ي خالتو انا هسكت بس عشان خاطرك وبعدين بص لولاء وقالها طب هاتيلنا شوكولاته من جوا
ولاء: لا انت جايب الشوكولاته عشان تاكلها انت طول عمرك طفس
زياد: انا بردو الي طفس ي طفسه دا انتي من صغرك مفجوعه خالتو سابتك عندنا يومين كنتي بترضعي انتي من امي وتخليني انا ارضع صناعي ي طفله ي مفجوعه
ضحكو كلهم علي هزراهم الطفولي مع بعض
ايمي: بس بقا ي عيال شكلهم وحش قدام عمر اوي عفكره وانتو بتفضحو بعض كدا
عمر ضحك وقال لا عادي ي طنط ولا وحش ولا حاجه ولاء كانت بتاكل اكلو وهو صغير وزياد بقا ياكل اكلها وهو كبير كدا هما خلصين
وضحكو وايمي قالتلو ايوا صح عمر عندو حق
بعد كدا عمر ركز ف الكلام وسكت ومره واحده قالهم اي دا يعني انتو رضعين علي بعض يعني انتو اخوااااات ....
•تابع الفصل التالي "رواية احببت ولائي" اضغط على اسم الرواية