رواية احباء يجمعهم القدر (كاملة جميع الفصول) حصريا عبر دليل الروايات بقلم لولا
رواية احباء يجمعهم القدر الفصل الخامس عشر 15
احباء يجمعهم القدر
البارت الخامس عشر
الدكتوره بابتسامه التحاليل والكشف اثبت ان حضرتك حامل في اول الايام يا مدام الف مبروك
ريم بصدمه ايييه
الدكتوره بستغراب في ايه مالك اتخضيتي كده ليه
روح بتوتر اصل اصل انا يا دكتوره لسه بدرس ومكنتش عامله حسابي وكده
الدكتوره بابتسامه يا حبيبتي ربنا اراد خلاص افرحي وفرحي باباه وربنا يقويكي ويكمل معاكي
روح بوجع تمام شكرا يا دكتوره
الدكتوره امسكي الروشته بس اسمك مدام ايه
ريم بسرعه مدام شروق
روح بصتلها باستغراب وسكتت
والدكتوره كتبت الروشته وادتهالها واكملت اهم حاجه حقن الثتبيت دي علشان انتي بتدرسي والحمل لسه جديد
روح تمام شكرا وطلعوا واكملت بدموع انتي ايه اللي هببتيه ده قولتي اسم اختي ليه
ريم بعصبيه علشان لو حد شاف الكشف يا فالحه اختك متجوزه جات لدكتوره نسا امر طبيعي انما انتي هتتصرفي ازاي
روح بدموع انتي ليه محسساني انه ابن حرام
ريم بحده مش ابن حرام هتتنيلي تعملي ايه في المصيبه دي انا لازم اعرف يوسف
روح بدموع وبسرعه لالالا ارجوكي يا ريم بلاش تقوليله انا مش عايزاه يعرف
ريم بحده انتي هبله ده ابو اللي في بطنك حقه يعرف وتشوفي هتتهبوا تقولوا لفارس وشروق ايه
روح بعياط انا تعبت بجد ومش عارفه اعمل ايه كان يوم منيل ب 60 نيله
ريم بحزن طب ماتسقطي
روح بحده ودموع انتي بتقولي ايه ده ابني ومش معني ان ابوه زباله واتخلي عني وسابني في المصيبه دي دلوقتي يبقي اموته وبعدين يا ريم ده ابن الراجل الوحيد اللي انا حبيته حتي لو هو مضايقني حاليا بس بحبه ومش هحب غيره وجاي عن طريق حب وموده بين امه وابوه بس حقيقي الطريقه من الاول خالص كانت غلط
ريم بحده كانت غلط وحضرتك مخدتيش زفت يمنع الحمل تقدري تقوليلي دلوقتي هتذاكري ازاي وانتي تعبانه وحامل
روح بدموع معرفش ومكنتش اعرف اني هحمل بسرعه كده بس مش هموت ابني يا ريم لا حرام مش هقدر اعمل كده واروح من ربنا فين
ريم بس لازم تتصرفي بطنك هتكبر انتي بتداري حاجه مينفعش تتداري وصح حطي الروشته دي في اوضه اختك
روح بخوف لالا وافرض شافها فارس يقول ايه يا بت
ريم بعصبيه انتي هبله فارس ده جوزها عادي لو شافها وعرف انها راحت زارت دكتوره نسا قبل كده مش هيدقق وكمان الروشته مكتوب فيها ادويه مش مكتوب فيها ان حضرتك حامل سيبيها عند اختك مؤقتا واسااسا لو فارس فهم انها حامل مش مشكله بردو ماهي متجوزه وساعتها هي تقول لا مش حامل مش عارفه جات منين وخلصت بس شخبطي علي التاريخ
روح بدموع ووجع امري لله وحطت ايديها علي بطنها واكلمت ربنا يسامحه بابا هو السبب فكل اللي انا فيه ده وسابني لوحدي اشيل مسئوليتك
ريم وقفت تاكسي واتجهوا انهم يروحوا
------------------------------------
عند فارس وشروق
فارس صحي وخد شاور ولبس البدله بتاعته وحضر الشنط وراح يصحي شروق
فارس بحب باس راسها واكمل شروق حبيبتي قومي يلا
شروق بنوم ايه يا فارس
فارس بضحك صحي النوم يلا معاد الطياره جيه
شروق وهي بتفتح عنيها وبتتاوب اكملت طياره ايه
فارس علشان نرجع القاهره يا شروق مالك
شروق بنوم اممم اممم حاضر هقوم
فارس لا ده كده دلع وهنتاخر هتقومي ولا اغيرلك انا وننزل
شروق قامت بسرعه اتعدلت واكملت لالا اديني قومت اهو
فارس بضحك ايوه كده يا حبيبي صباح الخير وباس راسها واكمل قومي فوقي كده ويلا بينا
شروق بحب صباح النور يا قلبي حاضر هقوم والله اهو
وفعلا قامت لبست دريس روز وطرحه نفس اللون وميكاب خفيف وقعدت تلبس الكوتش
فارس بحب ايه الجمال ده ده انتي امبارح نزلالي بخبرين اجمل من بعض ده يوم مش هيتنسي بكل تفاصيله في ذاكرتي للابد
شروق بضحك حقك عليا معرفتش اكمله للاخر
فارس وطي واكمل وهو بيربط رباط الكوتش يكفيني بس انك رجعتي لحضني واتحجبتي وفرحتيني علشان اخليه احسن يوم في حياتي يا شروق
شروق انا هربطه انت بتعمل ايه
فارس بابتسامه وهو بيقوم يقف اكمل خلصنا اهو وانا وانتي ايه مش واحد
شروق بحب اكيد طبعا واحد
فارس مسك ايديها ونزلوا وراحوا ركبوا الطياره
في الطياره
شروق بخوف فارس انا بخاف من لحظه الاقلاع والهبوط اووي
فارس بضحك لاحظت المره اللي فاتت كنتي عماله تمسكي في الكرسي وخايفه
شروق بخوف اممم
فارس خدها في حضنه واكمل بضحك متخافيش انا معاكي في الاقلاع والهبوط وطول الطريق والله منا مخرجك من حضني
شروق بضحك ضربته في صدره واكملت اتلم ها
فارس بحب باس ايديها واكمل اديني سكت اهو يا ست البنات
واقلعت الطياره وشروق عماله تضغط علي جاكت فارس وهي خايفه
شروق بارتياح اخيراا طلعتي كويس بجد اني راضيه عنك المره دي وبمسك فيك المره اللي فاتت كنت هموت من الخوف
فارس بضحك كده احسن يعني
شروق بحب طبعا كده احسن من قبل ماعرف انك حبيبي قولتلك بشوف في عنيك امان يا فارس
فارس باس راسها واكمل ربنا يديمك في حياتي يا حبيبتي بجد وعقبال السفاريات اللي جايه كلها
شروق بضحك كان شهر عسل جميل صح
فارس بضحك جداا اقدر اقول غير كده
شروق ايوه كده كنت هنكد عليك
فارس بضحك لا ياروحي كان جميل ده كفايه اني عرفت فيه احلي حقيقه كنت ممكن اتخيلها طول حياتي
شروق بحب حبيبي بجد يا فارس
وبعد ساعتين نزلت الطياره مطار القاهره الدولي
في المطار شروق وفارس طالعين وقفهم صوت واحد
وائل منافس فارس في الشغل وفارس بيشوفوا كتير في البار عند لميس ومعاه بنات ووائل نفس النظام كان بيشوف فارس لما يجي
وائل اقابل فارس بيه بنفسه ده انا حظي حلو اوي
فارس بضيق سلم عليه واكمل ازيك يا وائل
وائل بخير انت ايه الدنيا معاك وبص علي شروق واكمل ده شكلها حلوه اوي الدنيا معاك
فارس بحده وقف شروق وراه واكمل انت بتبص فين يا ابن الكلب انت انت اتجننت انا العين اللي تيجي علي مراتي اشيلها من مكانها وضربه بلبوكس وقعه
شروق بخوف فارس يلا بينا بلاش مشاكل
فارس بحده هششش اسكتي انتي ومكانك مطرح ما موقفك
وائل قام وقف وهو حاطط ايده علي بوقه واكمل حقك تبطل تيجي البار ما البطل اللي معاك تضرب البنات كلها اللي هناك
شروق بصدمه بار ايه يا فارس
فارس بعصبيه مسكه من قميصه وضربه واكمل بعصبيه انا هوريك معني انك ازاي بس تبص لمرات فارس العامري يا حيوان يا زباله انت وفضل يضربه
شروق بخوف فارس علشان خاطري ارجوك كفايه
فارس رماه واكمل بحده ابقي اسمع سيره مراتي علي لسان امك تاني وشوف هعمل ايه جتك الارف وبصق في وشه ومسك شروق وطلعوا ركبوا اوبر متجهين للفيلا
في العربيه
شروق بدموع بار ايه اللي كنت بتروحه يا فارس
فارس بتنهيده شروق انتي بتثقي فيا ولالا
شروق بدموع ثقه عمياء بس بردو بار ايه اللي كنت بتروحه ماهو اكيد كان بيشوفك
فارس اه انا كنت بروح فعلا
شروق بصدمه اييه
فارس بروح بس عمري ماعملت حاجه غلط بطلي هبل الموضوع كله بدا من فهد وحكالها من اول ماكانوا فاكرين ليلي ماتت لحد شغل فهد وتغيير اسمه وهو بيروح ليه وجواز فهد من ليلي
شروق بدموع يانهار اسود دي ليلي لما تعرف هتتوجع اوي يا فارس حقيقي فهد اتغير مكنش كده
فارس بتنهيده واديه بيحاول يرجع زي الاول بس ربنا يستر من اللي شغال معاهم دول
شروق بحزن يارب بجد
-----------------------------------
في بيت فهد وليلي
فهد يا ليلي حرام علي اهلك يلا كل ده
ليلي لبست بنطلون جينز وبلوزه حمرا علي الوسط وسابت شعرها وحطت ميكاب خفيف وخرجت واكملت اهو اديني خلصت يلا
فهد بحده قام وقف واكمل خلصتي ايه انتي هتنزلي كده ??
ليلي اه فيها ايه انا بلبس كده
فهد بحده لا الكلاااام ده قبل ماتتنيلي تتجوزي ويبقي في واحد المفرووض انك تاخدي راي اهله في لبسك ده انتي بتقعدي في البيت بمحترم اكتر من كده
ليلي بحده قصدك ايه يعني مش فاهمه ماله لبسي
فهد بعصبيه لاااا انتي متعليش صوتك طول منا بتكلم والاحسن متعلقيش علي كلامي اصلااا هو يتسمع ويتنفذ علطول
ليلي يعني ايه يا معتز
فهد بعصبيه يعني تدخلي تغيري القرف ده وتلبسي دريس واسع وتغطي شعرك اللي سيباه زي الرقاصه ده لا كده لا اقسم بالله رجلك ما هتخطي باب الشقه انتي هتنزلي مع راجل مش انا اللي مراتي تلبس بناطيل ضيقه وبلوزات قصيره كمان شعرك لونه ملفت لكل الناس
ليلي بدموع بس انا معنديش نوع اللبس ده وكمان انا مش محجبه
فهد وماله تتحجبي واهو يبقي اول حاجه عدله اعملها في حياتي تكون فيكي ياروحي مفيش مشاكل
ليلي بدموع بس انت متكلمتش معايا اني البس حجاب خالص اشمعنا دلوقتي
فهد بحده لا اتكلمت ومن زمان فبصتله ليلي بستغراب فاكمل بتوتر يعني اقصد اني اتكلمت معاكي من ساعه اول يوم بس انتي كنتي نمتي يمكن مسمعتنيش وعموما انا عامل حسابي وجايبلك دريسات وطرح جوه هتغيري ولا بلاها نزول
ليلي بدموع لا هغير
ودخلت غيرت ولبست دريس جنزاري اللي هو لون من الالوان الخضرا بس فاتح اوي وطرحه نفس اللون وكان ميكس رهيب مع عنيها
فهد قام وقف واكمل بانبهار ايوه اهو كده ملاك بريئ ياخواتي
ليلي شكرا
فهد باس جبينها واكمل مش عايزك تكوني زعلانه لازم الحجاب بلذات تكوني راضيه عنه بس انا مش هنزلك فعلا بشعرك ده لونه مستفز وملفت لكل الناس فممكن اجبلك مامتك هنا لو عايزه تقلعي الحجاب
ليلي لا مقتنعه وحقيقي لما شوفته عليا غيرت وجهت نظري خالص في فكره انه اخلعه لا بشكرك انك كنت سبب يا معتز اني البسه بجد وانا حقيقي مش هخلعه
فهد بحب وفرح ايوه كده وباس ايديها واكمل ربنا يثبتك يا حبيبتي وطول منتي في البيت البسي واعملي في شعرك كل الي نفسك فيه
ليلي بدموع ما لونه مستفز
فهد بحب مسح دموعها واكمل انا مقصدش كده بس في مصر كلها اللي لون شعرهم احمر ناري زيك ميتعدوش ال 5% فا لون شعرك مميز فلما تنزلي بيه مفرود وانتي زي القمر كمان يبقي كل العين هتكون عليكي وانا هطق طب ليه يعني ونشيل ذنوب كمان احنا ناقصين يا ليلي
ليلي فضلت تضحك
فهد بحب ايوه كده يا شيخه اضحكي خلي الشمس تطلع وبعدين انا بموت في شعرك بس يتفرد قدامي انا بس
ليلي بحب حاضر يا معتز
فهد بحب يا شيخه ده انا حبيت اسم معتز لاجل انه بينطق من بوقك السكر ده وقرب باسها
ليلي باحراج اوعي كده والله انت قليل الادب
فهد بضحك كده قليل ادب صبرني يارب عليها يارب
ونزلوا وركبوا العربيه
في العربيه
ليلي ماتنجز انت ماشي علي قشر بيض
فهد منا مهدي السرعه علشان جناب الاميره ليلي متخافش
ليلي واخاف ليه
فهد بضحك يابت انتي نسيتي لما عملتي حادثه عربيه مع ابوكي وانتي صغيره ومن ساعتها بتخافي من السرعه
ليلي بستغراب انت عرفت منين الموضوع ده اصلا
فهد اتصدم ولعن نفسه علي غبائه وتسرعه واكمل بتوتر هيكون منين ماما سوسن طبعا هي اللي قالتلي علشان اخلي بالي منك
ليلي بستغراب غريبه ناا مش فاكره اني حكتلها حاجه زي كده
فهد بتوتر لا اكيد قولتلها اومال انا هعرف منين يعني
ليلي وهي بتحاول تفتكر اكملت يمكن
وبعد شويه وصلها وطلع معاها
سوسن فتحت واكملت بحب وفرح ليلييي وحضنتها واكملت اهلا يا نورعيني عامله ايه
ليلي بحب بخير يا حبيبتي
سوسن بحب حضنت فهد واكملت ازيك يابني اخبارك ايه
فهد بحب بخير يا ست الكل
سوسن بفرح تعالوا ادخلوا
ودخلوا قعدوا
سوسن بفرح ايه الجمال ده لو اعرف ان الجواز بيحلي كده كنت جوزتك من زمان ربنا يثتبك يا حبيبتي خير ما عملتي
ليلي بضيق حكم القوي علي الضعيف بقي يا ماما
فهد بهدوء طب انا مش عايز اروقك قدام امك قولتلك مش عايزه تتحجبي خليكي في البيت واجبلك امك لحد عندك مرضتيش وقولتي لا مقتنعه
ليلي اه ما هو مقتنعه وحقيقي شكلي حلو وقمر فكل حلاتي اصلا بس انت اللي من البدايه زعقت فيا
فهد اعتبري زعقت انتي مش بيمشي معاكي غير الطريقه دي اصلا
سوسن ايه في ايه اتحسدوتوا اهدوا يا ولاد مش كده
ليلي بضحك اتحسدنا ايه يا حجه قلبك ابيض ده انا هو 24 ساعه كده بعيد عنك بنعشق بعض
سوسن بحب عارفه يا حبيبتي
ليلي بضحك عارفه ايه يا ماما انتي صدقتي ده انا ساكته بس شويه وهطلق
فهد بهدوء مخيف ايه يا حبيبتي معلش عديها تاني سمعيني كده قولتي ايه اصل مسمعتش
ليلي بخوف مقولتش حاجه
سوسن بحده اتلمي يا ليلي بقي واحترمي جوزك
ليلي بضيق ادينا سكتنا وصحيح هو انا عمري قولتلك عن حادثتي انا وبابا بلعربيه وانا صغيره
سوسن بستغراب انهي حادثه وبعدين لقيت فهد بيعمل براسه اه فاكملت اااه يا ليلي قولتيلي يا حبيبتي
فهد اهو منا قولتلك اكيد قولتلها اومال انا هعرف منين انك بتخافي من السرعه يعني
ليلي صح اكيد يعني بس بسالها علشان انا مش فاكره
سوسن قومي اعملي شاي لجوزك يا ليلي
ليلي ماتقومي انتي هو انا مش في بيتك
سوسن بضحك يخيبك بت قومي يابت اعمليله شاي
ليلي بضيق هتنيل وقامت دخلت المطبخ
سوسن بهمس عاجبني مربيها
فهد بتنهيده والله يا ماما هي اللي بتجبرني ازعق معاها انا عايز اقولك قالت كلام في حقي لو واحد غيري كان اداها قلمين بس مش بتهون عليا بس مش معني كده تزيد عن حدها لكل انسان طاقه بردو
سوسن بحزن معلش يابني بكره تتعود وتعرف الحقيقه بس صحيح طمني عليكم ايه الدنيا بينكم
فهد بضحك همس ولا الهوا كل ما اقولها كلمه كويسه تهب فيا وتهري في كلام بيخليني احبها اكتر واكتر بس مش قادر اتكلم
سوسن بحزن اكيد عنك
فهد بضحك اه بس كفهد معتز مش واكل معاها خالص والله ما عارف ازعل ولا افرح
سوسن بحزن يخيبك بت يا ليلي تعمل كده بردو المفروض انك بقيت جوزها خلاص ميصحش كده والله هي اتكلمت معايا وزعقتلها يا فهد يابني بس دماغها ناشفه
فهد بتنهيده انا عارف يا امي و براحتها انا من الناحيه دي مش مستعجل عليها خالص بس مش عايز غير انها تعرف اني فعلا بحبها ومش عايز غيرها
سوسن طب وهي مش بتشوف منها اي حاجه توريك انها بتحبك
فهد بتنهيده لا فيه كتير بس هي بتكابر
سوسن قلبها يابني بيحارب عقلها اللي دايما بيفكرها بحبها لفهد وانها كده بتخونه ولما يرجع ويعرف انها اتجوزت هيتوجع
فهد بحزن عارف كل ده تعرفي يا امي نفسي اخدها في حضني واحس انها راضيه بكده انما حتي حضنها حرمته عليا ولو فكرت انا احضنها بتبعد وبتخاف دايما بشوف في عنيها الحب والرضا لما احضنها او اقربلها بس هي بترفض حتي حضني بطريقه بتجرحني اوي
سوسن بحزن حقك عليا انا وربنا يهديها يابني ويفرحكم ويخليكم لبعض بس ليه صممت تتحجب كنت سيبها وهي هتلف تلف وترسي علي انها تتحجب بس يبقي بمزاجها
فهد اللهم امين يارب بصي يا امي لو علي مزاجها كان جيه من بدري ده انا قايلها من 10 سنين اتحجبي قالتلي سنه واتحجب وكبرت دماغها بصي يا امي ليلي شعرها لونه مميز اوي وهي بسم الله مشاء الله زي القمر لما بتلبس وتفرده ده كده الشارع كله يتفرج وهيبقي ملفت للنظر فاهمه فا لا معنديش انا الكلام ده اي حاجه بقي تتقال عليها هقف انا اتخانق ابسط كلمه هتتقال طب ما تداري انت اللي ليك وخليهم يلبسوا عدل طب وعلي اييه
سوسن بحب وهمس صح يابني ربنا يكملك بعقلك كده فعلا احسن واكملت بضحك بتغير عليها انت يا فهد
فهد بضحك وهمس والله واكتر انا عايز اقولك انا اخويا نفسه غيرت منه وفارس ده بقي يعني بصي كل حاجه ليا بجد هو يكبرني بدقايق بس بجد ابويا وصاحبي وهو اللي بينصحني فكل حاجه بجد وهو كل حاجه ليا و ليلي عنده دي اكتر من اخته بس لما شاف ليلي بعد سنين وقالي عرفتها من شعرها كنت عايز اصحي ليلي من النوم و اولع فيها واقولها غطي شعرك
سوسن بضحك يخرب عقلك يا فهد ربنا يخليكم لبعض يابني بجد
فهد بحب امين يارب
ووقف وفتح باب الشقه يشرب سجاير برا علشان الدخان
ليلي طلعت وحطت الاكل والشاي علي التربيزه وبصت لقيته واقف سرحان وبيشرب سجاير راحت شدتها منه ورمتها علي الارض وداست عليها بلكوتش طفتها واكملت مش علي الريق يا استاذ معتز وحاول تبطلها خالص
فهد بتنهيده انتي ايه اللي عملتيه ده يا ليلي
ليلي وهي بتشده لجوا وبتقفل اكملت ده الصح دي بتدمر الرئه انت بقالك قد ايه بتشربها
فهد بوجع سبعه من سبع سنين عرفت حاجه خلت كل حياتي اتغيرت يا ليلي
ليلي مسحت دموعه واكملت بحزن ماتفهمني اكتر عن ماضيك يا معتز
فهد بحزن مش وقته يلا همشي انا
ليلي لا استني انا عملتلك مع الشاي فطار خفيف علشان انت طول اليوم مش بتاكل وقولت شاي علي الريق مينفعش
سوسن بصت لفهد بفرح واكملت بحب جدعه يا ليلي ربنا يكملك بعقلك يا حبيبتي
فهد وهتفرق في ايه شاي علي الريق هو انا اصلا لو موت انتي
ولم يكمل حطت ليلي ايديها علي فمه واكملت بوجع ايه الكلام ده ممكن متقولش كده تاني
فهد بحزن هتفرق معاكي?
ليلي حضنته واكملت بدموع اكيد طبعا بطل كلامك ده بجد
فهد فرح بحضنها اوي لانها اول مره تعمل كده من نفسها وبص هو وسوسن لبعض وهما فرحانين وضمها ليه اكتر ومسح دموعها واكمل بحب حاضر يا ست البنات مش هقول كده تاني
سوسن بضحك قدامي كده يا ليلي طب استني روحي بيتك
فهد بضحك والله ده هي اول مره تحصل قدامك اصلاا مفيش غير مره لما زعلتني حضنتني كده علشان تصاالحني انما من نفسها من غير ماتزعلني او اي حاجه دي جديده علينا سوا يا حماتي
سوسن بضحك يخربيتك بت
ليلي باحراج هتسكتوا ولا ادخل جوا
سوسن بضحك ادينا سكتنا اهو
وفهد كل الاكل اللي ليلي عملته وشرب الشاي واكمل بحب تسلم ايديكي يا حبيبتي
ليلي الف هنا
فهد يلا انا هغسل ايدي وامشي انا
ليلي ماشي ربنا معاك يارب
وبدات تروق لامها وفتحت الباب تحط السجاد علي السور لحد ماتكنس واتفاجئت بللي نازل واكمل بستغراب ليلي ايه ده انتي اتحجبتي
ليلي بتوتر ايه ده علي ازيك
علي بحب بقيت بخير لما شوفتك كل ده في السفاريه
ليلي بتوتر معلش بقي نصيب كمان علشان انا دلوقتي
علي بماقطعه سيبك من اي حاجه بجد شكلك بلحجاب ملاك
فهد وهو طالع اكمل احمم احمم وبصلها واكمل بهدوء مخيف مش طلعتي اللي عايزه تطلعيه يا حبيبتي
ليلي بخوف اه
فهد بحده علي جوه
ليلي دخلت وهي خايفه جداا ووقفت في الصاله متابعه الحوار
علي بعصبيه انت مين انت وازاي اصلا تكلمها كده
فهد وهو بيعدل لياقه قميصه اكمل احب اعرفك بنفسي انا جوز الملاك ياروح امك وضربه بلبوكس وقعه في الارض
ليلي بخوف يانهار اسود معتز خلاص ورايحه تروحله
فهد بعصبيه مكاااانك
فرجعت لورا تاني
علي بالم وهو بيقوم بص ناحيه ليلي اكمل بوجع وحزن ليلي انتي اتجوزتي امتي
فهد بحده خشي اوضتك يا ليلي
ليلي بخوف معتز هو ميقصدش هو
فهد بعصبيه قولت خشي اوضتككك
ليلي دخلت اوضتها بسرعه
فهد مسك وشه وجهو ناحيته واكمل كلامك معايا انا ياروح امك عينك متروحش ناحيه مراتي
علي بحزن ازاي يعني يا خالتي متقوليليش انها اتجوزت
سوسن يابني انت كنت مسافر بس انا قولت لامك
علي بعصبيه انتي كنتي عارفه اني بحب ليلي ومع ذلك سكتي وسبتيها تتجوز
فهد مسكه من تيشرته واكمل بعصبيه بتحب ميين بتحب ميين يالا انت اتجننت بتقولي في وشي انك بتحب مراتي وضربه
سوسن بخوف خلاص خلاص يا معتز يابني سيبه هو مش هيقررها تاني
فهد بعصبيه زقه واكمل ميقدرش يقررها اصلا جتك الارف
علي قام بتعب واكمل تمام اوي يا ام ليلي ورايح يطلع
مسكه فهد واكمل بحده اسمها مدام فهد العامري متنطقش اسم مرااتي علي لسانك تاني فااهم
علي بعد عنه واكمل بوجع وصدمه ااه فهد علشان كده عموما مبروك هي كانت بتحبك وانا خلاص مليش علاقه ببيها وطلع علي بيتهم
سوسن بحزن حقك عليا يابني معرفتوش انها اتجوزت
فهد ولا يهمك يا حبيبتي فينها زفته
سوسن بتوتر في اوضتها اخر الطرقه
فهد تمام ورايح يدخلها
مسكته سوسن واكملت هي دخلت وسمعت كلامك متزعقلهاش
فهد بتنهيده متخافيش يا امي وراح فتح الباب ودخل
ليلي بخوف قامت وقفت واكملت والله انا مليش دعوه انا حتي قولتلك اني مش بحبه اصلا
فهد بتنهيده اهدي متخافيش انا عارف بس اقسم بالله يا ليلي تاني مره اقول كلمه متتنفذش من اول مره انتي حورا
ليلي بخوف حا حاضر
فهد حضنها واكمل بحب اهدي انا مش بحبك تخافي مني بس انا بحبك وبغير عليكي فاتعصبت شويه وباس راسها واكمل وحقك عليا انا والله مش عارف اعمل ايه بحجاب ومن غيره جيبالي حرقه الدم
ليلي بضحك خلاص بقي قلبك ابيض محصلش حاجه
فهد بحب طب خلاص هروح انا وهعدي عليكي وانا مروح ماشي
ليلي بحب ماشي
ومشي
سوسن لسه لابسه السلسه يا ليلي
ليلي وهي بتكمل ترويق اكملت معتز معندوش مشكله يا ماما مع السلسله ووقفت وبصتلها واكملت بل ساعات بستغربه بيسمع مني كلام عن فهد بيهدي اوي ولا كأني بجيب سيره راجل غيره
سوسن بضحك يمكن علشان بيحبك بس فمتقبل مؤقتا
ليلي واحد زي معتز لو فضلت عمري كله احاول افهمه مش هعرف ده كان هيموت ( علي ) لما قال عليا ملاك طب ازاي مستحمل اقوله بحب غيرك مش عارفه حقيقي غريب اوي
سوسن وانتي بتحبيه يا ليلي
ليلي وهي بتنفض الكنبه اكملت والله ليلي مبقيتش عارفه اي حاجه في حياتها غير انها نفسها تشوف فهد وتحضنه ولو دقيقه واحده
سوسن بتنهيده ربنا يريح قلبك يابنتي
ليلي بحزن اللهم امين يارب
-----------------------------------
في فيلا العامري في اوضه روح
ريم انا حطيت الروشته في دولاب اختك يا روح
روح بدموع تمام شكرا يا ريم تعبتك
ريم ولا تعب ولا حاجه بس ازاي انتي مشكتيش في الاعراض طول الفتره دي
روح بدموع شكيت بس متصورتش يبقي حقيقه مره تعبت اوي وانا بذاكر شروق قالتلي مالك قولتلها انها البريود راحت تولين عملتي نسكافيه مع ان مكنتش عندي حاجه اصلا بس مكنتش عايزاها تقولي نروح لدكتوره او كده خوفت اكون حامل وقد كان
ريم بتنهيده ربنا ينجدك من المصيبه دي بجد ياروح يلا انا ماشيه عايزه حاجه
روح بدموع سلامتك
ومشيت ريم وروح فضلت تعيط وسرحت
فلاااااش بااااااك
يوم فرح فارس وشروق بليل
يوسف طلع مخنوق لما اتخانق مع مامته بسبب انها عايزاه يخطب مني وكلم روح
روح ايه يا حبيبي روحت
يوسف بحزن اه يا روح
روح بقلق مالك يا يوسف
يوسف بحزن روح انا بحبك ومحتاجك جمبي اوي وتعبت من تفكير امي وتصميمها انها مش عايزاكي
روح بدموع ووجع طب والعمل
يوسف بتفكير البسي وانا جايلك يا روح وهقولك العمل
روح بصدمه انت مجنون الساعه 9 بليل
يوسف بحده خلصي انا هجيلك دلوقتي البسي وانا هجيلك وكلمي صحابك البنات يستنوا عند الفيلا وهاجي اخدكم
روح بقلق يوسف انت بتفكر في ايه
يوسف وهو بينزل علي السلم اكمل هتعرفي دلوقتي بس مش هسيبك تضيعي مني وغصب عن اي حد
سعاد رايح فين يا يوسف
يوسف بحده غاير برا وخرج وقفل الباب وركب عربيته وفعلا روح لبست ونزلت واتصلت ب6 صحابها ومن ضمنهم ريم ويوسف جيه خدهم كلهم
روح بقلق يا يوسف علي فين ارجوك فهمني
يوسف بحب باس ايديها واكمل اهدي فارس مع مراته ومش هيحس بغيابك وطنط نفين وتولين ومعتز في سابع نومه فمتخافيش واهدي كده
ووصلوا بيته
روح انت جايبني شقتك ليه
يوسف بحده يوووه ياروح ماقولتلك هفهمك بقي روحي اطلعي انتي وصحابك وادي المفتاح اهو وطلع شنطه واكمل امسكي ده البسيه
روح بقلق انا مش فاهمه اي حاجه وخايفه
يوسف باس راسها واكمل ارجوكي اسمعي كلامي وثقي فيا
روح حاضر يا يوسف
وفعلا طلعت الشقه هي وصحابها كلهم وطلعت اافستان
روح بصدمه ده فستان كتب كتاب
ريم بمرح ده شكله هيتجوزك يابت يا روح يسس
روح بقلق يس ايه انتي التانيه ربنا يستر بجد ميكنش كده
رحمه يلا يا بت يا فقر بقي القمر ده جايبك هنا وجايبلك فستان كتب كتاب واكيد بيجيب المأذون وجاي وتقومي انتي تقولي يارب ميكنش كده خايبه
روح اتلمي يابت قمر في عينك
كنز بحب سيبك منهم 90% كلام ريم صح يلا نجهزك بقي يا عرووسه
روح بقلق هو بجد هيتجوزني انا مش فاهمه
مريم بحب يلا يلا بس نجهزك من كل حاجه ونشوف
وفعلا جهزوزها وساعدوها تلبس الفستان اللي كان تلت كم ومطرز من الاكمام والصدر ونازل لتحت كذا طبقه ساده وفردت شعرها الطويل وصحابها عملوه ليها ويڤ وحطولها تاج وعملولها ميكاب زود جمالها كانت حقيقي اميره بصت لنفسها في المرايه انبهرت بشكلها واكملت بحب وفرح اييه ده بجد
ريم بدموع فرح طالعه زي القمر بجد
وكل البنات مدحت فيها وفي جمالها
وبعدين يوسف خبط ودخل وانبهر من شكلها واكمل بحب وهو بيبوس راسها انهارده ياروح هتبقي مراتي رسمي وقدام كل صحابك وكل صحابي برا ومعاهم المأذون
روح بدموع فرح يوسف انت بتتكلم جد ومامتك وكمان شروق وفارس
يوسف بحب سيبك من كل الدنيا انهارده المهم احنا ولو علي امي تعمل العمليه وهعرفها وافض المسخره اللي بتحصل دي وفارس هيفرحلي وشروق اكيد مش هتزعل لسعادتك
روح بحب انا مبسوطه بس مش عارفه احنا صح ولالا
يوسف بحب باس ايديها واكمل لا صح احنا مش قادرين نعيش من غير بعض يبقي ده الصح وجبت كل الناس اللي بنحبها برا علشان تشهد علي ده خلاص ياروح مبقتش قادر علي بعدك عني ورايح يحضنها وقفته واكملت بحب لا بعد كتب الكتاب
يوسف بضحك عنيا بس كده ومسك ايديها وخرجوا وصحابها فرحانين ليها اوي وبيزغرطوا
وقعدوا قدام المأذون
المأذون هل تقبل الانسه روح وليد زوجه لك
يوسف بحب اقبل
المأذون هل تقبلي يوسف عز الدين الشافعي زوجا لكي
روح بحب وفرح اقبل
وتم عقد الزواج رسميااا وبحضور كتير من الناس ومضي كلا من العروسين
المأذون بارك الله لكم وبارك عليكما وجمع بينكما في خير مبروك
يوسف بفرح الله يبارك فيك يارب وقام حضن روح واكمل بحب وفرح اخيراااا وشالها ولف بيها في وسط تسقيف وزغرطه من اصحابهم
روح بدموع فرح اخيرا بقيت جوزي يا يوسف انا بجد مش قادره اصدق
يوسف بحب وفرح ده انا اللي حاسس اني هطير من فرحتي بجد اخيرا بقيتي ملكي ياروح واسمك اتكتب علي اسمي
روح حضنته بحب وفرح
وبعد شويه من التصوير والمباركات كلهم نزلوا ومتبقاش غير يوسف وروح
روح بتوتر هتروحني امتي
يوسف بضحك مالك ياروح لما نزلوا خفتي ليه كده هو انا هاكلك
روح بتوتر يوسف مش هينفع افضل معاك اكتر من كده علشان
يوسف قرب منها وشد وسطها ليه واكمل بحب علشان ايه انتي خلاص قدام ربنا والناس دي كلها مراتي يا روح ايه مخوفك
روح بتنهيده مش عارفه بس كنت نفسي شروق تكون موجوده
يوسف ومكنش نفسك اني اتجوزك من ساعه ماحبتيني
روح بحب ده انا كنت عايشه علشان الامل ده يا يوسف
يوسف بحب طب مستنيه ايه تاني ومجرد ما ماما بس تخف هاخدك تعيشي معايا خلاص انتي بقيتي قانونا مراتي وغمز واكمل بضحك ناقص شرعا بقي
روح بخجل ضربته صدره واكملت اتلم بجد
يوسف شالها بين ايديه واكمل بضحك اتلم ايه مفيش وقت للاحترام لازم ننجز و نشوف هترجعي الفيلا امتي ياروحي
ودخل اوضتهم ونزلها
روح بتوتر لا خليها مره تاني
يوسف وهو بيقرب منها اكمل بحب انتي خايفه مني يا روح
روح حاوطت رقبته بايديها واكملت بحب روح معرفتش الامان غير وهي معاك يا يوسف انت اول واخر حب في حياتي والوحيد اللي اتمنيته ومبسوطه ان ربنا جمعني بيك بعد كل التعب والدعا ده انك تبقي نصيبي
يوسف باسها بحب واكمل وهو باصص في عنيها طيب في ايه بقي
روح بحب والله خلاص انا مش خايفه بس عادي مره تاني
يوسف شدها ليه اكتر واكمل بضحك اقسم بالله مايحصل وماهتروحي انهارده غير وانتي مراتي قولا وفعلا
روح بخجل وضحك وهي بتحاول تفلت اكملت بجد اتلم و اوعي
يوسف بضحك يابت اهدي خلاص بقي بجد انتي بقيتي مراتي وحلالي ايه يمنعني وبعدين يرضيكي قسمي ينزل الارض ده انا اتمنيت انهارده كتير ياروح
روح يوسسف
يوسف بحب قلب يوسف وعمر يوسف وحيات يوسف كلها وايده جات علي سوسته الفستان وبقي ينزلها واحده واحده وباسها بحب وهي تجاوبت معاه ونسيت كل حاجه حواليها
وبعد شويه اصبحت روح زوجه له شرعا وقانونا
روح وهي نايمه علي صدره العاري اكملت هتروحني امتي
يوسف يابت اتهدي عماله هتروحني امتي هتنيل اروحك بس اهدي شويه والله صعبان عليا بعد كل الفرحه اللي عشناها دي منمش في حضنك
روح بتنهيده هنعمل ايه هو بمزاجنا مؤقتا لازم نستحمل
يوسف لالا والله مايحصل هي طقت في دماغي بقي خليكي وانا هروحك علي 7 الصبح كده هما بيفكروا يصحوا 9
روح بصدمه اتعدلت واكملت ايه 7 لالا يا يوسف قوم روحني
يوسف شدها لحضنه واكمل بحب وهو بيمسح علي شعرها خلاص انا قررت هنام في حضنك الليله دي يعني هنام في حضنك الليله دي
روح طب وطنط لو سالتك كنت بايت فين هتقول ايه
يوسف هقولها كنت بايت عند فارس في الفيلا
روح بخوف خايفه يصحوا ميلاقونيش
يوسف مسك فونها واتصل علي ريم
روح بتعمل اييه
يوسف استني بس
ريم الو
يوسف الو يا ريم بصي لو روح بكره راحت البيت بدري وحد شافها انتي في المستشفي وكانت بتسال عليكي تمام
ريم بضحك تمام يا چو والف مبروك
يوسف الله يبارك فيكي يارب يلا باي
ريم باي
يوسف حضنها واكمل بضحك اتهدي بقي يا حرمي المصون
روح انت عارف اني نفسي افضل معاك طول العمر بس علشان مؤقتا منعملش مشاكل
يوسف بوعدك قريب اوي هتيجي في بيتي ياروح
روح بحب مستنيه اليوم ده
وناموا بسعاده تاني يوم الصبح بدري
يوسف بحب روح وباسها واكمل بت قومي
روح وهي بتتعدل اكملت ايه يا حبيبي
يوسف اومال لو كنتي عايزه تنامي كان حصل ايه اما كل النوم ده وانتي نايمه قلقانه
روح بضحك حضنتك ومبقتش قلقانه فعرفت انام
يوسف بحب باسها واكمل وربي احلي يوم عشته في حياتي واحلي نومه نمتها صباحيه مباركه يا ست اابنات
روح باحراج الله يبارك فيك ولفت الملايه علي نفسها. ومسكتها ورايحه تقوم يوسف شدها واكمل هو انتي رايحه فين
روح هاخد شاور علشان البس
يوسف باسها بحب واكمل طب مش الاولي تودعي جوزك حبيبك علشان هيشتاقلك
روح بضحك يوسف بطل دلع هنتاخر
يوسف بحب وهو بيقرب منها اكمل منتي هتواحشيني اوي ياروح اافتره الجايه اضمن منين اشوفك انا وباسها بحب وهي رفعت ايديها حطتها علي رقبته وقرب منها اكتر
وبعد شويه قامت روح وخدت شاور ولبست اللبس اللي جات بيه ونزلت مع يوسف بعد ماخد شاور وجهز ونزلوا ركبوا العربيه ووصلها
قدام الفيلا
يوسف باس ايديها واكمل بحب يلا ادخلي وانا شويه وجاي ليكم ابارك لفارس واختك وبعدين اروح الشغل
روح بحب ماشي ياروحي هستناك
يوسف قرب باسها واكمل بحب خلي بالك من نفسك
روح بحب حاضر يا قلبي
ونزلت وكانت واخده نسخه من المفتاح وفعلا لقيت كله نامت فطلعت جري علي اوضتها
باااااااك
روح بدموع اديني حملت فينه ابوك دلوقتي من كل ده بس خلاص طلما اختار مني انا مش عايزاه وهعيش ليك انت بس
ولقيت فونها بيرن فردت
يوسف بحده اخيراا مدام روح تكرمت وردت علي جوزها ده اانا اشوف وشك بس هربيكي علي عدم ردك عليا ده طول اليوم
روح بدموع ووجع هي كلمه واحده يا يوسف اللي هقولهالك ومش عايزه اسمع غير الرد اللي انا عايزه
يوسف بحده اتفضلي
روح بوجع ودموع طلقني
•تابع الفصل التالي "رواية احباء يجمعهم القدر" اضغط على اسم الرواية