رواية احببت ولائي (كاملة جميع الفصول) حصريا عبر دليل الروايات بقلم ولاء صقر
رواية احببت ولائي الفصل السادس عشر 16
احببت ولائي🌚♥️
بارت(16)
كلهم بصوا لعمر ف عمر اتحرج كدا وحش ان شكلو وحش اوي ف حاول يصلح الكلام وقال اقصد يعني انتو اخوات ف الرضاعه عشان كدا ديما بتتخانقو
ايمي: ايوا انا سبتها يومين مع خاالتها وهي صغيره عشان كنت تعبانه ف خالتها كانت بتخلي بالها منها اليومين دول ف كانت بتاكلها مع زياد عشان هما الفرق بينهم سنتين بس
زياد: ايوا اكبر منها بسنتين يعني المفروض تحترمني
عمر: طيب انا عاوز اتكلم معاكو ف موضوع بقا قبل ما استاذن ينفع
ايمي: طبعا ي بني اتفضل خير
عمر: انا مكنتش عامل حسابي الصراحه اني هتكلم ف كدا انهاردا خالص بس خير البر عاجله ف انا الصراحه يعني بحب ولاء وعاوز اخبطها ونتعرف علي بعض بس وكل حاجه رسمي
ولاء: لا طبعا ي عمر مش بسرعه دي دا قولت هدينا فرصه مش موافقه اننا نتخطب
عمر: افهميني بس ي ولاء هي هي الفرق اننا هنبقا مخطوبين لو ارتاحتي ووافقتي اننا نكمل يبقا نكتب الكتاب ونتجوز ومنبقاش ضيعنا لحظه واحده من عمرنا
لو حسيتي انك مش مرتاحه ومش عاوزه تكملي وان شااء الله دا مش هيحصل هتسبيني وكأن مكنش في عمر ف حياتك خالص
ايمي: انا شايفه انك بتتكلم صح وبني ادم محترم جدا واحترمتك اكتر ما انا كنت محترماك
زياد: وانا كمان شايف كدا وبص لولاء وقالها ها ي ولاء اي رايك ف الكلام
ف ولاء بصتلهم وسكتت وعنيها جت ف عين ف هدي بصتلها كأنها بتقولها انتي وعدتيني وبعدين بصت لمامتها ف ايمي عنيها دمعت وبصت الناحيه التانيه و ولاء فضلت ساكته ف عمر حس انو اتحرج كدا وقام وقف وقالهم طب انا هستاذن انا
ف ولاء قالتلو ماشي انا موافقه
عمر من الفرحه والصدمه قعد تاني وقالها اخيرا ي شيخه اخيرا ف ولاء ابتسمت وسكتت
هدي بفرحه قامت ونطت علي ولاء حضنتها وزياد قام حضن عمر وقالو مبروك ي عمر وايمي كمان باركتلو وبعدين راحت حضنت ولاء هي كمان وعمر قال خلاص يبقا اجيب بابا وماما بعد بكرا عشان نتفق
ايمي: بسرعه كدا ي بني
عمر: معلش ي طنط انا مصدقت
هدي بفرحه اي رايكو نعمل خطوبتنا سوا انا واسلام وانت و ولاء الاسبوع الجاي
ايمي: طول عمركو كان نفسكو تتخطبو وتتجوزو سوا شكلها مكتوبلكو
عمر: والله فكره حلوه اوي عشان تكون اختي كمان نزلت مع عبدالرحمن
زياد: هي اختك مسافره برا بردو زي اخو اسلام
عمر بضحك لا اختي مسافره برا مع اخو اسلام اصل اختي بسنت متجوزه عبد الرحمن اخو اسلام فهمت
زياد: طبعا فهمت ي بني انت فكرني غبي دا انا دكتور
عمر بهزر مش كل الدكاتره موثوق فيهم الله يكون في عون الي بيتعالجو عندك
زياد: الله الله هنهزر بقاا عفكره خطيبتك هتبقا واحده منهم
ولاء خبطت زياد ف رجلو اي بقيت خطيبتو خالص ناقص تجوزنا وانت واقف
عمر بضحك من كسوف ولاء طيب هستاذن انا بقا ي جماعه عشان اتاخرت
ايمي: ما لسه بدري ي بني
عمر لا بدري اي دا انا اتاخرت اوي دا زمان ولاء بتقول عليا تنح ولازقه
ف ضحكو كلهم وولاء بصتلو وسكتت
ايمي: لا والله ي بني دا انت نورتنا بجد الشويه دول
عمر: ربنا يخليكي ي طنط يبقا علي معادنا بعد بكرا باذن الله
ومشي عمر وهو طاير من الفرحه مش مصدق نفسو ان اليوم مشي كدا هو مكنش متخيل عمره ان دا كلو يحصل انهاردا
ايمي: بجد الولد عمر دا طلع محترم اوي بجد وبني ادم ابن نااس
زياد: اه فعلا ي خالتو هو شكلو كويس ي رب ولاء بس تديلو فرصه بجد متكنش بتاخدنا ع قد عقلنا
ولاء: خلاص ي جماعه متأڤوروش بني ادم عادي يعني واديني اديتو فرصه اهو ووافقت مالكو بقا انا هقوم ادخل انام عشان زهقتوني وانت ي واد انت يلا روح بيتكو بقا زهقتني
زياد: وانتي مالك ي غتاته انا قاعد مع خالتي
ولاء: طيب ي اخويا اشبعو ببعض انت وخالتك يلا تصبحو ع خير
هدي: طيب خديني جمبك انهاردا بقا انا مؤدبه اهوو
ولاء ضحكت وقالتلها اتنيلي تعالي
زياد: طب ي خالتو وانا هقوم اروح بقا عشان عندي شغل بدري
ايمي: لي ي حبيبي م تبات بدل م تروح دلوقتي
زياد: لا ي حبيبتي عشان اغير الصبح وكدا وبعدين مش هتخطف عيب عليكي اسد
ايمي بضحك طيب ي حبيبي بس خلي بالك من نفسك وابقا سلملي ع ماما وقولها اني هجيلها بكرا شويه
زياد: ماشي ي حبيبتي باي
هدي لسا هتتكلم مع ولاء فونها بيرن
ولاء: ردي ردي عشان انتو متكلمتوش طول اليوم وزمانو هيفرقع
عمر وصل البيت باين ع وشو الفرحه وباس خديجه وحضنها وباس راس ابوها
راضون بضحك ف اي ي واد انت هما حطولك حاجه ف الاكل ولا اي
عمر: هششششش دقيقه صمت عشان احكيلو كل حاجه حصلت
خديجه: طيب يلا ي عمر احكي بقا انا مستنيك من بدري علي نار
عمر قاعد معاهم وفضل يحكلهم الي حصل طول اليوم
راضون: يعني كدا احنا هنروح نتقدم بعد بكرا
عمر: بالظبط كدا
خديجه: الف مبروك ي حبيبي الف مليون مبروك
عمر: الله يبارك فيكي ي روح قلبي وكمل كلام عاوزين بقا لما نروح نتفق معاهم علي كل حاجه ونعمل خطوبتي انا واسلام سوا عشان نستغل حتي وجود عبدالرحمن وبسنت عشان مش بيطولو هنا ومش بيعرفو ينزلو كتير عشان الشغل
راضون: متقعدش تقول اي اسباب قول انا متسربع ومش قادر امسك نفسي
ضحكو وعمر قالو انا مش هرد عليك عشان انت زي ابويا وتصبحو ع خير بقاا وسابهم ودخل اوضتو
وقعد ع السرير ومسك فونو وبعت لولاء ست البنات لسا صاحيه
ولاء كانت قاعده وبتقلب والفون لحد ما تنام لقت مسدج من عمر ف فتحتها وابتسمت لما قراتها وقالتلو برخامه
اه خير ف حاجه
ف عمل سين ومردش ف حست انها كانت سخيفه وانو اضايق ومش هيرد ف كانت هتبعتلو تاني تصلح الدنيا بعد كدا قالت لا لا مش عاوز يرد براحتو
وبعدين كفايه كبرياء بقا ع الاقل هبقا ذووق شويه بس
ولسا بتمسك الفون عشان تبعتلو لقتو بيتصل اتوترت اوي وبعدين خدت نفسها براحه وردت
ولاء: الوو
عمر:بحبك
ولاء: احمممم انت بتتصل عشان تقول كدا
عمر: طب بذمتك ف احسن من كدا اقولو
ولاء وهي مكسوفه وكتمه ضحكتهاخير ي عمر بتتصل لي
عمر: عاوز اسمع صوتك الله انا حر مش خطيبتي
ولاء: لا ي حبيبي مش خطيبتك
عمر: انتي قولتي اي
ولاء: قولت لا مش خطيبتك
عمر: لاااا لااا انتي قولتي لا ي اي
ولاء: استغفرالله وبعدين معاك ي عمر
عمر: حبيبي وعمر ورا بعض دا انا امي دعياالي
ولاء ضحكت ف عمر قال ضحكت يعني قلبها مال وخلاص الفرق ما بينا اتشاال
عمر: لا بجد نتكلم بجد كلميني عنك شويه عاوز اعرف عنك حاجات اكتر
ولاء: شكلها مفيهاش نوم انهاردا
عمر: معلش استحمليني
ولاء: عاوز تعرفني يعني
عمر: ي ريت اوووي
ولاء: يبقا تكتشفني بنفسك انا مبحبش السهوله
عمر: اكتشفك ي قمر دا انا اطلعلك القمر
ولاء: ثواني خليك معايا كدا هقوم اجيب مياه
عمر: ماشي براحتك
وعمر وهو معاها ع الفون فجاه سمع صوت صريخ
وهو ف الفون ولااااااء ف اي ولااء ردي...
•تابع الفصل التالي "رواية احببت ولائي" اضغط على اسم الرواية