رواية خداع نفسي (كاملة جميع الفصول) حصريا عبر دليل الروايات بقلم الاء هاني
رواية خداع نفسي الفصل الثامن عشر 18
يعقوب : سعد بيه
سعد : ايوا يا بنى
احمد : ازيك يا بنى عامل ايه
يعقوب بابتسامة: الحمد الله بس كنت عايز اتكلم معاكوا شوية
سعد : اتفضل يا بنى
يعقوب : كنت طالب ايد الانسة رحيل
سعد : والله يا بنى رحيل فاضلها كام شهر و تخلص كليتها فتخلص على خير كدا و هفاتحها فى الموضوع لان رحيل من النوع اللى بيتوتر اوى و انا مش عايز اتغطت عليها علشان امتحاناتها و مشروع التخرج فتخلص و هقولها
يعقوب : يعنى معنى كدا انك حضرتك مش ممانع
سعد بابتسامة : ﻻ مش ممانع
يعقوب بانفعال : ليه مش ممانع
سعد بصدمة : نعم
يعقوب بتوتر : قصدى يعنى فين المعاناه علشان اوصلها طول ما انت مش ممانع
سعد برفع حاجب : يعنى عايز امانع
يعقوب بلهفة : ﻻﻻﻻ خلاص انا مستنى اهو تخلص على خير
سعد : خلاص يا بنى دكتور احمد هيبقى بقولك على معاد دا ان وافقة يعنى
يعقوب : ان شاء الله هتوافق عن اذنكوا
فضل : مبروك يا رحيم الف مبروك
رحيم : الله يبارك فيك يا ابو الفضل عقبالك
فضل بابتسامة : عن قريب ان شاء الله
لجين بغيظ : اذيك يا فضل
فضل ببرود : اهلا مبروك
لجين بابتسامة غصب : الله يبارك فيك
رحيل جيت عليهم
رحيل : رحيم هو انت مش قولت ان المهندس بتاع الديكور اللى هيساعدنا انا و ميرا فى مشروع التخرج هيجى النهاردة هو فين
لجين بصت لفضل بابتسامة
رحيم و هو بيشاور على فضل : اهو
فضل بحركة مسرحة : هالو سينيوريتا
رحيل بصدمة : انت
رحيم بص لفضل بقرف و قال : اعرفك البشمهندس فضل العربى احسن مهندس ديكور عندى فى الشركة
فضل باستفزاز : كنت افضل مهندس ديكور عنده فى الشركة انما حاليا انا المهندس فضل العربى صاحب مكتب العربى للديكور و التصميم
رحيم بغيظ : ابو شكلك يا اخى امشى يلا من هنا
فضل : طب رقم القمر طب علشان اتواصل معاها
رحيم بغضب : اخفى يا فضل الكلب بدل ما علقك على البواب و محدش يعرف ينزلك تواصلك هيبقى معايا انا
فضل ببرود : ليه كدا بس انا عايز رقمها
رحيم مسافة ما ساب ايد لجين لقى فضل جرى من قدامه
رحيل بضحك : دمه خفيف اوى
لجين بضيق : اوى
رحيم بغيظ : عجبك يا اختى
رحيل بهزار : قوى قوى يا بوى
رحيم بغيظ اكتر : امشى من وشى يا بت انت
رحيل بغمزة : ايه علشان يخلالك الجو
رحيم بصدمة : انت مين
رحيل : اختك يا قلب اختك
رحيم : ﻻﻻﻻﻻ مستحيل انا اختى قطة مغمضة كدا مشفتيهاش
رحيل : امممم قطة طب هروح ادور على القطة ممكن تكون تحت كرسى كدا و ﻻ كدا
رحيل راحت على ناحية البنات بسعادة تحت انظار فضل و يعقوب فى منها نظرة عشق و غرام و اشتياق و نظرة تانية نظرة خوف و تعاطف على اللى هيحصل فى الكمية البراءة دى ( مين فيهم اللى بيحبها بجد و مين اللى تبع لجين فيهم و خايف عليها )
رحيل بسعادة : اهلا
عطر باستغراب : مالك مبسوطة ليه كدا
رحيل : مفيش
طيف بخنقة : مش رحيم هيتجوز
رحيل : انا مش مبسوطة علشان كدا انا مبسوطة علشان قابلت شخص معين كدا النهاردة (يا ترى مين دا )
ميرا : يا سيدى يا سيدى مين سعيد الحظ
رحيل : اهو واحد بقى انت مالك
طيف بابتسامة : و انا بردو قابلت شخص عزيز على قلبى النهاردة
عطر : ايه دا بجد طب عقبالى انا كمان ما اكلم اللى عزيز على قلبى اللى عامل نفسه مش شايفى دا
سندس بضحك : اخويا كريزما يا بنتى يعمل اللى هو عايزه
عطر بغيظ : بس مش كدا هاين عليا اروح احضنه بس مينفعش
سندس بتمثيل الصدمة : ايه الانحراف دا
عطر : اعمل ايه ما اخوك هيطير برج من دماغى و لو بس الزمن يرجع ما كنتش عملت اللى انا عملته دا و مشيت ورا قلبى و تفكير مش مشيت ورا ودانى و الكﻻم اللى تامر كان بيقوله بس الندم عمره ما يرجع حاجة يا ليت مش كان زمانى دلوقتى خلفة كام عيل كدا منه
ميرا : ما تروحى تتكلمى معاه تانى
عطر بغصة : مقدرش
رحيل : خلاص اهدى علشان طيف حبه و هتعيط
طيف بابتسامة مريرة : طيف نفسها تجرى عليه و تقولوا متعملش كدا نفسها تصرخ باعلى صوت يسمعها العالم كله و البحار و الجبال يسمعوا و هى بتقول بحبك بس ربنا و حكمته بقا نقول ايه
سندس : و حياتكوا خلاص كل حاجة هتتحل* رب الخير لا يأتى الا بالخير ♥*(انا بردو بحب الجملة دى اوى ربنا مش بيسبنا ابدا والله معانا دايما ركز كدا فى احوالك و احوال اللى حواليك هتلاقيك بتحمد ربنا بتلقائية )
الفرح خلص على خير بس فى قلوب فرحانة و فى قلوب حيرانة و فى قلوب خايفة و فى قلوب حنت و فى قلوب انكسرت
عند رحيم و لجين طالعوا على جناح مخصوص ليهم فى البيت
رحيم : اهو يا ستى الموضوع اتحل ازاى
لجين بتوتر : اه اتحل الحمد الله
رحيم : طب يلا ادخلى خدى دش و تعالى
لجين بتوتر : رحيم انت عارف انو
رحيم بمقاطعة : عارف مينفعش اقربلك علشان الحمل لسه فى اوله و فى شهور تثبيت
لجين براحه : طب كويس انك عارف و كملت بتوتر هو ممكن تطلع تنام برا على الكنبة
رحيم بصدمة : نعم
لجين بسرعة : لحد ما اتعود عليك بس و اتقبل الفكرة معلش اعذورنى يا رحيم
رحيم بتنهيدة : تمام ماشى و مشى يطلع من الاوضة لقى لجين بتنده عليه
لجين : رحيم
رحيم لفلها و قال : فى حاجة
لجين : انا مش زعلان منى صح
رحيم بابتسامة : ﻻ مش زعلان يلا تصبحى على خير
تانى يوم الصبح
= الهواء هنا حلو اوى صح
طيف بخضة : رحيم انت بتعمل ايه هنا
رحيم بابتسامة : بشم هواء فى جنينة بيتى بعمل ايه يعنى
طيف باستغراب : انت المفروض عريس يعنى و النهاردة الصباحية ازاى تنزل
رحيم بتوتر : عادى
طيف برفع حاجب : اومال فين لجين
رحيم : لسه نايمة فكك بس و قوليلى انت كنت بتتكلمى مع فضل امبارح فى ايه
طيف باندفاع : و انت مالك
رحيم : نعم
طيف : هو ينفع اسألك انت كنت بتتكلم مع لجين فى ايه
رحيم بحرج : ﻻ
طيف : يبقى خلاص و انت كمان متسألش
رحيم : بس لجين مراتى فضل دا يبقى ايه بالنسبالك
طيف بحده : ميخصكش و يا ريت تطلع مش حلوة النهاردة تبقى صباحيتك و تقف تتكلم معايا كدا المفروض تبقى جمب لجين هتصحى تلاقيك مش جمبها و كمان واقف معايا هتزعل
رحيم بضيق : حاضﻻ طالع بس هعرف انت تعرفى الزفت فضل دا منين
طيف بحده : متقولش زفت
رحيم بصلها بغيظ شديد و مشى لانو تكة و هضربها
فوق
لجين : ايوا حبيبى
المجهول بلهفة : ايه يا روحى عاملة ايه
لجين : الحمد الله بخير
المجهول : اوعى يكون رحيم قربلك يا لوجى
لجين : متقلقش انا اتحججت بالحمل
المجهول بغيرة : و ﻻ يكون نام على نفس السرير و يا ريت تحترمى لبسك قدامه بلاش لبس مكشوف سامعة يا لجين
لجين برقة : متقلقش يا روحى ما نمش معايا فى الاوضة اصلا و هلبس واسع و انا معاه متقلقش
المجهول : ما بلاها الموضوع دا يا لوجى و نعيش سوا و نربى ابننا بعيد عن كل دا انا بدأت اكره رحيم من قربه ليك
لجين : ما تكره و بعدين معقول هتسيب لوجى حبيبتك لوحدها
المجهول بتنهيدة : خالى بالك من نفسك يا حبيبتى
لجين : نفذت اللى اتفقنا عليه مع رحيل
المجهول بسخرية : على اساس انك مشوفتنيش و انا بتكلم معاها
لجين : ﻻ شوفتك كل شئ تمام
المجهول : اه متقلقبش
لجين : طب سلام دلوقتى علشان سامع صوت حد جاى
المجهول بقلق : طب سﻻم خلى بالك من نفسك لجين : حاضر
لجين قفلت و جريت على السرير و عملت نفسها نايمة
رحيم دخل بهدوء لقها نايمة طلع تانى من الاوضة
رحيم قرر انو ياخد لجين و يسافروا علشان يرجع و يقول انها حامل و فعلا سافر اسبوعين و رجع قالهم
رحيم : كنت عايز اقولكوا حاجة
مرفت : خير يا بنى
رحيم : هتبقى تيتا قمر يا ماما
الكل بصله بصدمة
مرفت بصدمة : تيتا
عطر بسرعة : انتم لحقتوا
لجين بصت لها بغيظ و قالت : عادى يا عطر بتحصل فى احس........
قاطعتها مرفت بزغروطة و هى بتقول بسعادة : الف مبروك يا بنى يتربى فى عزك مبروك يا لجين
لجين و رحيم : الله يبارك فيك يا ماما
الكل بدأ يبارك لهم بس طيف كانت ساكته و بس لجين بشماتة : ايه طيف مش هتباركيلنا
طيف : هااا اه اكيد مبروك مبروك يا رحيم يتربى فى عزكوا و تفرحوا بيه عن اذنكوا هطلع اخلص كام حاجة علشان كمان شوية و هروح اجيب حبة حجات علشان الشقة تتجهز علشان بابا و ماما جاين كمان يومين
فى القسم
يحيى : ايه الدوشة اللى عندك دى
الشاويش : دا حبه عيال متخانقين مع بعض
يحيى : داخلهم اما نشوف حكايتهم ايه
الشاويش : تحت امرك يا باشا
دخلوا اربع شباب و فى وسطهم واحد متبهدل و فى واحدة دخلت وراهم و هى منهارة و العسكرى بيشدها من دراعها
يحيى بصدمة : عطر
عطر بعياط : يحيى الحقنى
عطر لوهلة صعبت على يحيى بس قال : بيه يحيى بيه سيبها يا بنى
عطر بصتله بصدمة
يحيى ببرود : خير ايه اللى حصل
الشاب اللى كان مضروب قال : يا باشا انا و عطر كنا بنعمل شغلينا عادى هى بتعمل التقرير الصحفى و بتسأل و انا بصور الشباب دول طالعوا علينا و كانوا عايزين يتهجموا علينا و ياخدوا الكاميرا منى و الورق و التسجيل من عطر بس لما حاولنا ندافع عن نفسنا ضربونا يا باشا
يحيى بترقب : ضربوا مين
الشاب و هنسميه (ماجد) : انا و عطر
يحيى قام وقف و قال و هو بيرحله : طب انت و متبهدل و باين عطر هانم فين
عطر بصتله بدموع و بصت فى الارض
ماجد بعصبية و هو بيشاور على واحد من اللى كانوا واقفين : الحيوان دا استجرى و مد ايده و ضربها بالقلم
يحيى بصله بصدمة و راح على ناحية عطر و قالها : ارفعى وشك
عطر : .........
يحيى بصوت عال خلاها تتنفض : ما يلا ارفعى وشك دا هنتحايل عليك و ﻻ نكون هنشوف ملكة جمال العالم يلا يا بت
عطر بشهقة رفعت وشها اللى كان فى صوابع معلمة على خدها
يحيى بعصبية بص للشباب الثلاثة و قال : و انتم بتتعدوا على ناس فى وقت عملهم ليه
واحد منهم اتكلم ببرود و قال : والله يا باشا محدش قالهم يجوا لحد مكان شغلينا و يعملوا الجو بتاعهم دا
يحيى بتهكم : و ايه هو شغلكم بقا
ماجد باندفاع : تجارة مخدرات
يحيى بصدمة بص لعطر اللى بتل ماجد فى سرها
يحيى بعصبية : انتم اتجننتم تحرى زى دا لازم يتعمل باصن مننا احنا و كمل بصوت عالى يا عسكررررى
عسكرى : تحت امرك يا فندم
يحيى : خدهم دول وديهم الحبس
العساكر خدت التلت شباب و ماجد
عطر بدموع : هما بياخدوا ماجد ليه
على دخول ادم بسرعة
ادم بلهفة : عطر
عطر بعياط : ادم
ادم حضانها جامد : اهدى يا قلبى اهدى
عطر بعياط : طلعنى من هنا مش عايزة اقعد هنا لو سمحت هيدخلنى الحبس زى ماجد
ادم : اهدى بس و وجه كلامه ليحيى بقلق : هو فى ايه يا يحيى و حبس ايه و ليه خدوا ماجد
يحيى بعصبية : علشان الهانم بتشتغل من دماغها راحه فى وسط تجار مخدرات من غير اذن وﻻ يبقى معاها قوة تخيل ان هما كانوا ممكن يموتوها هى و الارجوز اللى كان معاها لو مكانش فى تجريد و دورية فى المنطقة دى كنا لقناهم اشلاء
ادم بصدمة : و انت تعملى كدا ليه
عطر : كنت عايزة اعمل سبق صحفى بس مكنتش اعرف ان دا هيحصل
ادم : طب دلوقتى ايه العمل يا يحيى
يحيى بأسى : لازم تتحبس دى قضية خرق للقوانين
عطر مسكت فى ادم اكتر و قالت بخوف : ﻻﻻﻻ ماتسبنيش يا ادم خليه يسبنى
ادم بصلها بحزن و شدد على احتضانه ليها و بص ليحيى اللى بصله بمعنى مقدرش اعمل حاجة
يحيى : يا عسكرى خدها على الحبس
العسكرى شدها من ايدها جامد من حضن ادم عطر مسكت فى ادم برعب و بصتله بدموع و قالت : متسبنيش
و العسكرى بيحاول يشدها جامد
ادم بصله بعصبية و قال : سيب ايدها
العسكرى بس ليحيى اللى بصله بمعنى سيبها
ادم بمحاولة لتهدئدها : اهدى حبيبتى اهدى مش هيحصل حاجة روحى معاه بهدوء و صدقينى مش هيحصل حاجة اهدى و متخافيش هنوصل لحل انا و يحيى و مش هتطولى هنا اهدى و بعدين يحيى معاك هنا اهدى و روحى معاه
عطر بصوت مهزوز : حاضر
ادم للعسكرى : تقدر تاخدها بس من غير ما تلمسها فاهم هى هتمشى لوحدها
يحيى : اسمع كلام الباشا يلا يلا يا عطر روحى معاه و متخافيش
ادم : ايه العمل
يحيى : مش عارف متوقعتش ان اول قضية امسكها لما اجى من الصعيد هى
ادم : ممكن تطلع بكفالة
يحيى : ممكن لو اثبتنا انها مصورتش حاجة او سجلت حاجة
ادم : و دا ازاى
يحيى : يا عسكرى
العسكرى : نعم يا فندم
يحيى : فين الحاجة المتحرزة مع الناس اللى لسه جاين دول
العسكرى : حالا يكونوا عندك يا باشا
ادم : هتعمل ايه
يحيى : همسح اللى على الحاجة
ادم : تمام هقوم ارن علىرحيم علشان جيت بسرعة و ملحقتش اقوله حاجة
يحيى : ماشى
العسكرى جاب الحاجة
يحيى نقل الصور و التسجيلات على اللاب عنده و مسحهم من على الحاجة و فجأة سمع صوت رسالة بيبص للفون لقى صورة عطر على الخلفية مسك و ضحك و قال : اما نشوف غيرتى الباسورد و ﻻ لسه زى ما هو
يحيى كتب يوم ميلاده الفون فتح اول ما فتح لقى صورته اللى فى الخلفية ابستم و فتح التسجيلات لقها مسجلة نفس التسجيل اللى كان على التسجيل مسحه و قفل الفون
رحيم بلفهة : ايه يا ادم مالها عطر انت طلعت تجرى كدا انا مش فاهم حاجة
ادم قص عليه اللى حصل
رحيم بقلق : انا هجيب المحامى و جاى حالا
و فعلا جيه و معاه المحامى
رحيم بعصبية : انت اتجننت يا يحيى مدخلها الحبس
يحيى : القانون سيف على رقبة الجميع و اولهم انا اعمل ايه
رحيم : طب جبها تقعد مع المحامى علشان الموضوع يتح.......
العسكرى بمقاطعة : الحق يا باشا البت اللى لسه داخلة الحبس
ادم بفزع : ...........
لجين : ايوا يا حبيبى لا ولد و هيبقى شبهك يا حبيبى
المجهول : ربنا يخليكوا ليا يا قلبى
لجين : انا عايزة اقابلك وحشتينى اوى
المجهول : و انت اكتر
لجين : ايه رأيك كمان ساعة فى الكافية المعتاد بتاعنا
المجهول : اشطا اتفقنا
لجين : اتفقنا يلا هلبس و هجيلك
كل دا تحت مسمع طيف اللى كانت مصدومه من اللى بتسمعه
طيف جريت على اوضتها
طيف : انا ﻻزم البس و اروح وراها
لجين نزلت و خدت العربية و مشيت
طيف نزلت وراها و خدت تاكسى و خلت التاكسى يمشى ورا لجين
لجين وصلت الكافية و دخلت حضنت المجهول
المجهول ظهره كان لطيف مش شايفة اول ما لف يسحب الكرسى لجين طيف بصتله بصدمة
طيف بصدمة : ...........
و نكمل بعدين
رأيكم يهمنى برأيكم مين اللى متفق مع لجين و هل هو بيحبها بجد ؟ و ايه اللى حصل لعطر ؟ و طيف هتعمل ايه ؟
Alaa_Hany
•تابع الفصل التالي "رواية خداع نفسي" اضغط على اسم الرواية