رواية حب من الطفوله (كاملة جميع الفصول) حصريا عبر دليل الروايات بقلم حنين البسوسي
رواية حب من الطفوله الفصل الاول 1
في ڤيلا الأنصاري
يستيقظ ادهم من نومه وياخد شاور ويؤدي صلاته وينزل الي أسفل ويجد والده يقرأ الجريده
ادهم وهو يقبل يد والده صباح الخير يا بابا
سليم صباح النور يا حبيبي
ادهم امال فين ماما
ليلي وهي تخرج من المطبخ انا هنا يا ادهم
ادهم صباح الخير يا لولو
سليم بغيره لولو في عينك انا بس اللي اقول لها يا لولو يا زفت
ادهم بضحك ايه يا حاج بتغير ولا ايه
سليم ايوا بغير يا روح امك
ادهم وهو يحضن امه لا يا حاج زي ما هي مراتك هي امي وحبيبتي
سليم وهو بيشدها من حضنه لا يا اخويا هي حبيبتي انا روح دور لك علي واحده تحبها لكن ديه بتاعتي انا وبس
ادهم وهو بيشدها من حضنه لا مش هدور حتي لو لقيت مش هتبقي قمر زي لولو حبيبة قلبي
سليم وهو بيشدها من حضنه لولو برضو مش قولت اسمها ماما ومتقولش ليها حبيبة قلبي هي حبيبة قلبي انا
ادهم وهو لسه هيشدها من حضنه
ليلي بسسسسس انتم الاتنين احنا هنفضل كل يوم علي نفس الموال ده
سليم بغيره انتي مش شايفه ابنك بيعمل ايه يعني وبيعصبني ازاي
ليلي وهي بتكتم ضحكتها معلش يا حبيبي هو عيل مش متربي وزي ابنك برضو استحمله
ادهم ايه ده ايه ده بقي كده يا ست ماما بقي انا مش متربي ما هو من لقي أحبابه بقي
ليلي طبعا حبيبي وجوزي كمان وكل حاجه ليا
سليم وهو بيغيظ ادهم اياك تكون سمعت بقي يا سي زفت قالت لك ايه
ليلي لكن ده ميمنعش انك ابني وحبيبي برضو
ادهم وهو بيضحك علي شكل سليم وهو متعصب سمعت بقي يا بابا قالت ايه
سليم بقي كده يا لولو بتخلي عيل زي ده يضحك عليا
ليلي ولا عاش ولا كان يا حبيبي بكره هو يتجوز ويبقي ليه واحده يحب فيها لكن انا هفضل معاك علي طول مش كده ولا ايه
سليم وهو يقبل رأس زوجته طبعا يا حبيبتي ربنا يخليكي ليا
ادهم وهو يحضن والديه ربنا يخليكم لبعض وتفضلوا طول العمر مع بعض يا حبايبي
ليلي وسليم ويخليك لينا انت وأخواتك يا رب يا حبيبي
ادهم اه صح هما فين
ليلي لسه نايمين كالعاده وبقالي ساعه بصحي فيهم ومش راضيين يصحوا
ادهم بشر خلاص يا ماما ولا يهمك سيبي لي انا الطالعه ديه
سليم ربنا يستر براحه علي اخواتك يا ادهم وبلاش مقالبك الزفت ديه
ادهم ببراءه انا يا حاج ابدا ده انا غلبان خالص
ليلي خالص خالص يا اخويا ويلا روح صحيهم عشان نفطر وعشان بابا مش يتأخر علي الشغل
سليم وهو يدخل الي المطبخ ويجلب ما يريده حاضر يا ماما
ادهم وهو يدخل غرفة اخواته براحه استعنا علي الشقي بالله
ادهم راح حاطط تلج في هدوم اخواته
ادهم 1 2 3
ملك واسيل وهما بيطنططوا وبيرقصوا رقصة الهنود الحمر وادهم وقع علي الارض من كتر الضحك علي منظرهم
اسيل وهي لسه بتتنطط من التلج حرام عليك يا اخي هو كل يوم تصحينا علي مقلب من مقالبك الزفت ديه
ادهم وهو بيحاول يبطل ضحك علي منظرهم حد قال لكم متصحوش علي طول تستاهلوا عشان بعد كده تصحوا بسرعه
ملك بصريخ وبدأت تهدي من التلج شويه والله ما انا سيباك يا ادهم الكلب وطلعت تجري وراه
ادهم وهو بيجري من ملك اهدي بس ديه جزاتي اني بصحيكم عشان نفطر
ملك وهي لسه بتجري واللي بيصحي حد بيعمل فيه كده يا ادهم الكلب
ادهم وهو واقف ورا الترابيزه بت انتي احترمي ال4 سنين اللي بينا واحترمي أنه انا ظابط قد الدنيا
ملك بزمتك هو ده منظر ظابط ولا حتي واحد عنده ٢٢ سنه ده العيال الصغيره اعقل منك
ادهم إن كان عاجبك يا روح امك
ملك لا مش عاجبني ولازم اخد حقي منك
ادهم ما خلاص بقي يا بنت الجزمه انتي هتسوقي فيها
ملك قابل بقي يا وحش اهي الجزمه وراك قصدي ماما وراك
ادهم وهو بيتمني أنه الكلام ده يطلع غلط
ادهم كدابه
ملك لا والله مش كدابه
ادهم بصي بقي الجري نص الجدعنه
ليلي ومين قال لك اني هسيبك تفلت من ايدي يا ادهم بيه
ادهم وهو يلتفت الي والدته وقبل ما يتكلم هووب لقي سلاح الام المصري خابط في وشه ( ابو ورده اللي هو الشبشب)
ملك واسيل بعد ما خرجت من الاوضه وهما بيضحكوا علي شكل ادهم لما وقع علي الارض وهو ماسك وشه من بعد اما ابو ورده علم عليه
ملك وهي بتضحك احسن عشان بعد كده تيجي علينا حلو
اسيل وهي بتضحك احسن تعيش وتاخد غيرها يا ادهوم
ادهم وهو بيقوم من علي الارض
ادهم بقي كده يا لولو بتضحكي الاوزعتين دول عليا و....
ادهم ولم يكمل كلامه ولقي شبشب تاني خابط في وشه بس المره ديه اللي خبطه كان سليم
سليم عشان بعد كده تقول لها يا لولو حلو
ادهم هو في ايه هي الحفله عليا النهارده ولا ايه
البنات ووقعوا علي الارض من الضحك علي شكل ادهم
ادهم بقي ديه جزاتي اني بصحيلكم الاوزعتين دول انا غلطان بعد كده بقي اتعاملوا معاهم
ليلي خلاص بقي كفايه وبعدين نشوف الموضوع ده ويلا عشان تاكلوا الاكل هيبرد
الكل اتجمع علي السفره بعد ما ملك واسيل صبحوا علي ابوهم وأمهم ولم يخلوا الطعام من مشاكساتهم لبعض
في ڤيلا الشافعي
والكل متجمعين علي السفره
محمد امال فين الواد يزن منزلش ليه
وبعد كده سمع صوت وراه
يزن وهو بيتزحلق علي ترابزين السلم انا جيييت
امير يا ريتنا جبنا في سيرة مليون جنيه
ميار والله ما كانوا هيجوا
فريده فشر هو انتم هتقارنوا يزوني بالمليون جنيه
يزن وهو يقبلها حبيبتي يا فيري والله انتي اللي بقيالي
فريده هما كفايه ١٠ جنيه
الكل ضحك علي شكل يزن المصدوم من ردة فعل امه
يزن وهو بيمسك قلبه بتمثيل اه يا قلبي مكانش العشم يا فيري
ميار عشم مات وخدنا عزاه انت معرفتش ولا ايه
يزن وهو لسه ماسك قلبه بتمثيل لا كده كتير قولوا لي انتم لاقيتوني عند انهي باب جامع
محمد بضحك لا احنا لقيناك اودام مقلة السلام
الكل ولسه عمالين يضحكوا
يزن اه ابقي قولي عنوانها بقي يمكن الاقي اهلي الحقيقين هناك لحسن انا مصدوم مصدوم
فريده يعني كده انت مش هتفطر
يزن لا طبعا الفطار حاجه والصدمه حاجه هاكل وبعدين اتصدم براحتي
امير طول عمرك همك علي بطنك
يزن وهو بياكل طبعا يا بني العقل المتين في الكرش السليم
محمد اللي اعرفه انه اسمها العقل السليم في الجسم السليم هي علي ايامكم اتغيرت ولا ايه
ميار بضحك لا يا بابا ديه مقولة يزن اللي اخترعها من عقله الباطن
الكل قعد يضحك وكملوا اكلهم في ضحك
ملك الالفي بنت جميله عندها 18سنه في 3ثانوي بعيون زرقاء وفيها لون اخضر تحس انك بتشوف البحر والزرع فيها شعرها اسود سواد الليل وطويل وبيضه وجسمها ممشوق وطولها 160 اوزعه يعني 😂😂 بتكره والدها كثيرا لسبب هنعرفه بعدين وبتحب جوز مامتها جدا وبتعتبره زي باباها وبتحب مامتها واخواتها جدا بتكره أنه حد يرفع ايده أو صوته عليها
سليم الانصاري زوج والدة ملك وطيب جدا وبيحب عائلته جدا وبيحب ملك وبيعتبرها زي بنته وعنده 60 سنه وهو دكتور قلب كبير ولديه مستشفي خاص بيه هو وأبو امير ( بطل الروايه)
ليلي والدة ملك وهي ست طيبه جدا وبتحب عيلتها وعندها 56سنه وعينها رمادي
ادهم الالفي اخو ملك وهو شخص طيب جدا ويعشق اخوته وأهله وذو جسد رياضي ولديه عيون رمادي وذو عضلات ولكن عند غضبه لا يري أمامه وإذا تعلق الأمر بعائلته فإنه يتحول الي اسد هائج ولديه استعداد أن يضحي بحياته لأجل عائلته وهو في اخر سنه في كلية شرطه وعنده 22 سنه
اسيل الانصاري هي اخت ملك بس من امها عندها 15 سنه وهي تحب أهلها واخواتها جدا ولا يفرق معها أنهم ليسوا اخوات من نفس الاب وكذلك هم وهي ذو جسد ممشوق وبيضه وعيونها خضراء
امير الشافعي عنده 19 سنه بس هو أصر أنه يتأخر سنه عشان يبقي مع ملك هو شخص طيب جدا ويحب ملك وبشده ذو عضلات ولديه عيون تشبه عيون القطط لكن عند الغضب عيونه بتتحول للاسود القاتم يكره أمه وبشده لسبب وهنعرف السبب بعدين ويحب زوجة أبيه وبشده ويعتبرها أمه
محمد الشافعي والد امير عنده 62 سنه وهو شخص طيب جدا وبيحب عائلته وهو دكتور جراحه كبير وعنده المستشفي بتاعته هو وسليم
فريده الانصاري زوجة والد امير وفي نفس الوقت عمة اسيل وكذلك ادهم وملك عندها 58سنه وتحب عائلتها وبشده
ميار الشافعي وهي أخت امير عندها 22 سنه وفي السنه الرابعه من كلية الطب وتحب عائلتها جدا وعينها عسلي وبيضاء وعصبيه جدا بس مع عائلتها مرحه جدا
يزن الشافعي اخو امير وميار بس من ابوهم شخص مرح جدا عنده 15سنه ويحب اخوته وعائلته جدا
مراد الغازي هو صاحب امير وملك المقرب وهي شخص طيب جدا ومرح ولكن عندما يتعصب لا يري امامه وعيونه سوداء وكذلك عينه وشخص بتاع بنات وعنده 19 سنه
نور الاسيوطي صديقة ملك وامير ومراد وهي شخص طيب جدا ولكن مع الأشخاص الغريبه صارمه وعصبيه وهي ومراد علي طول بيتخانقوا وعاملين زي ناقر ونقير بس في نفس الوقت فهم مقربين لبعض جدا بس بتكره أنه بيعرف بنات كتير وعندها 18 سنه
•تابع الفصل التالي "رواية حب من الطفوله" اضغط على اسم الرواية