رواية احببت ولائي (كاملة جميع الفصول) حصريا عبر دليل الروايات بقلم ولاء صقر
رواية احببت ولائي الفصل الاول 1
كان يوم جميل والساعه جت 9 والمنبه بتاع ولاء رن وصحيت ع صوته مسكت الفون وقفلت المنبه وفتحت الفون تقلب فيه شويه تبص ع الاخبار الجديد وبعدين قامت تاخد دش عشان عندها محاضره الساعه 12 جهزت هدومها ودخلت الحمام وخلصت بعدين لبست وحطت حاجات ميكب بسيطه جدا لانها ملهاش فيه اوي خلصت وسلمت ع مامتها
ايمي مامتها: مش هتفطري ي حبيبتي قبل م تنزلي
ولاء: لا ي حبيبتي هبقا افطر ف الجامعه
ايمي: ماشي ي حبيبتي خالي بالك من نفسك لا اله الا الله
ولاء: محمد رسول الله
ونزلت وف طريقها عشان تركب الموصلات خبطت ف شااب
ولاء بعصبيه اي ي اعمي انت مش تفتح هي ناقصه ع الصبح
الشاب تصدقي انك مستفزه اناا كنت لسا هعتذرلك بس عشان طولة لسانك دي مش هعبرك ويلا امشي ي شاطره بقا من هنا
وسابها ومشي
ولاء بعصبيه مش هتعبرني وشاطره والله انك بني ادم مستفز بجد وخدت بعضها ومشيت وعامله تبرطم من عصبيتها منو
الشاب مشي ومردش عليها.....
وبعدين وصل شغلو ودخل قابل عم سيد ف طريقو قالو صباح الفل ي عم سيد اعملي فنجان قهوه عشان اليوم يتظبط بدل م هو اتقفل كدا
عم سيد يقولو تحت امرك ي استاذ عمر احلي فنجان قهوه يروق دمك
عمر حبيبي ي عم سيد
وبعدين داخل المكتب بتاعو و دخل عليه اسلام شاب طويل وشعره طويل واسمراني ومش بيبطل تريقه وهزار كانو اصحاب من ايام الجامعه وفضلو سوا حتي بعد التخرج وبداو شغل مع بعض
اسلام: مالك ي عم عمر داخل بعفاريتك لي كدا ع الصبح
عمر بعصبيه مصطنعه بس ي اسلام مش ناقصك ع الصبح كفايه الي حصلي
اسلام بتريقه زي عادتو اي الي حصلك ي اخويا احكيلي
عمر قابلت بت وانا جاي ف الطريق خبطت فيها بالغلط عينك ما تشوف الا النور بلعه وطفحت ف وشي عكرتلي مزاجي ع الصبح ي اخي
اسلام بتريقه عكرتلك مزاجك ع الصبح ومالك بتقولها وانت بتضحك لي كدا ي سي عمر هي كانت مزه ولا اي
عمر بابتسامه خفيفه ونحنحه مزه بس دي كانت قمر حلوه بشكل بيضه وطويله شويتين وشعرها بني فاتح اوي قريب للاصفر وعينها عسلي بس لسانها متبري منها بردو
اسلام وهو حاطط ايدو ع خدو وبيتريق علي عمر هاا واي كمان ي حنين
عمر صحصح من سرحانه وانت مالك انت يلا غور ع شغلك
اسلام بضحك تحت امرك ي فندم ما انت فتحتلك حتة مكتب بقا فكر نفسك مدير شركه
عمر بضحك غور ي اسلام لارفدك
ترفد مين ي بني انت دا انا شغاال معاك جبر خاطر عشان بس المكتب ميبقاش فاضي عليك
عمر حدف اسلام بالملف قام جري خرج
عم سيد جاب القهوه وحطه لعمر مش هتبطلو شغل العياال بتاعكو دا بقا ي استاذ عمر دا انتو كبرتو حتي
كبرنا اي ي عم سيد هو الي يصاحب اسلام دا يكبر ابدا دا تحسو خارج من ابتدائي
عم سيد ربنا يخليكو لبعض ي استاذ عمر دا انتو بقالكو سنين صحاب دا انتو عشرة عمر
عمر ويخليك لينا ي راجل ي كبره ي عسل انت
ولاء داخله الجامعه مقريفه ومش طايقه نفسها قابلت صحابها...
مي: مالك ي بنتي مش طايقه نفسك لي
ولاء بس ي شيخه دا يوم شكله باين من اولو
سالتها هدي ودي صحبة ولاء من ايام المدرسه بنت قصيره وبيضا وشعرها اسود قصير ورفيعه وقصيره كدا عامله زي الاطفال....
هدي: مالك ي بومه اي الي حصل
ولاء قابلت حتة واحد الصبح قفلي اليوم كلو عيل مستفز
هدي: لي اي الي حصل احكيلي
ولاء ي بنتي خبط فيا بدل م يعتذر لا بيقل ادبو كمان الظريف
هدي: بصتلها بصة شك ولااء يعني انتي محدفتيش دبش من بتاعك وسكتي وهو قل ادبو كدا علطول
ولااء بعصبيه ايوا هو قليل الادب كدا ومستفز
هدي: ولاء ولاء انا عرفاكي
ولاء: يوووه ي هدي بقولك مقولتش حاجه قولتلو بس م تفتح ي اعمي
هدي: بضحك وتقوليلي هو الي قليل الذوق دا انتي مسحوبه من لسانك ي شيخه الواد
المهم قوليلنا كان حليوه ولا لاا
ولاء: ولا حلو ولا نيله عادي يعني
هدي بخبث والله طب اوصفيهولنا عشان نعرف قد اي وحش
ولاء: عادي ي بنتي والله طويل كدا عامل زي عمود النور وجسمو فيه عضلات شويه عامل فيها بروسلي وشعره ودقنو سود وقمحاوي خالص قريب للاسمر وبس بني ادم عادي يعني
هدي: دا كلو ومش حلو دا شكلو كان قمر وانتي الي مبتفهميش كالعاده.
ولاء: طيب اسكتي بقا لانفخك ويلا نطلع المحاضره عشان مش ناقصه تناحة الدكتور كمان خلينا نتخرج من السنه دي علي خير....
•تابع الفصل التالي "رواية احببت ولائي" اضغط على اسم الرواية