رواية احببت صعيدي كاملة بقلم لوليتا التركي عبر مدونة دليل الروايات
رواية احببت صعيدي الفصل الاول 1
دلف والدها الى غرفتها وجد جسدها يرتعش ويرى غرام تتحرك بعنف وتحرك راسها برفض وصدرها يعلو ويهبط بسرعه شديده ليهرول اليها بسرعه البرق ويجلس بجانبها يهدء من روعها واردف قائلا
= غراام حبيبتى مالك
غرام وهى تهمس بضعف ودموع
= حلم يا بابي مامى مشيت وسابتنى وحشتنى اوى يا بابى
والدها و هو يجذبها الى احضانه
= مجرد حلم يا حبيبتى اهدى
لازم ننزل الصعيد حالتك هنا بتسوء اوى وانا مش قادر اشوفك بتضيعى منى
غرام باستسلام وبصوت باكى
=اوكى يا بابي
والدها بحنان وهو يتلمس وجنتيها
=يالا يا حبيبتى قومى جهزى شنطتك لحد ما اشوف مارك
فى منزل عريق باحدى قري الريف داخل قصر القناوى
اردف فهد قائلا بتوتر فهو يعلم العاصفه التى تهب عند اخبار جده
=يا جدى عمى حسن جاى يستقر اهنه هو وبته
القناوى بصوت غاضب
=كيف جاى اهنه مش هو اختار وبدى علينا الاجنبيه ومسمعش حديتنا واتجوزها وسافر وياها جاى ليه عاد بعد ما سابتوا جايب بته وجاى
فهد بنبره هادئه خوفا من جده : مرت عمى ماتت يا جدى راحت للى خالقها
اردفت الحجه رابحه بحزن قائله
=يا وجع جلبي عليك يا ولدى
والنبي يا حج سامحه هو كان عاشج مرته يامه وجعدتوا هناك هتوجع جلبه
القناوى بغضب
=حديتى مهيتسمعش اياك جول لعمك ميجيش يا فهد
الحجه رابحه بدموع
=ورب الكعبه لتسامحه ورحمه عاصم وغلاوته عنديك
القناوى بنفاذ صبر
=خليه ياجى عشان خاطر امه
الحجه رابحه بفرحه
=ربنا يخليك يا حج ويطول عمرك
فهد القناوى: 30سنه خريج كليه تجاره يمتلك جسد رياضي ، بشره قمحاويه ، شعره اسود كسواد الليل يشبه شخصيته ، يقال بانه قاسي ، عيونه خضراء يحيطها رموش كثيفه لحمايتها ، يطلق عليه اسد الصعيد
غرام : تبلغ من العمر 17 عاما ولدت فى امريكا وبعد وفاه والدتها انتقلت الى الصعيد فتاه مرحه ذات بشره بيضاء تشبه بياض الثلج وعيون عسلى وجسم رشيق ومتوسطه الطول وشعر بنى كثيف
القناوى : كبير العائله والحاكم الناهى تاثر فهد بشخصيته ويشبهه الى حد كبير يبلغ من العمر 75 عاما
حسن والد غرام عمره42سنه تزوج من فتاه امريكيه وانجب منها غرام الى ان توفت زوجته وقرر الرجوع الى موطنه
———————-
حسن: مارك سارجع الى الصعيد بعد يومين
مارك: لا استطيع ترك ابنه اختى تغادر البلاد وتتركنى
حسن: حالتها هنا تسوء يوما بعد يوما لفقدان حبيبتى وانا هنا اتوجع كثيرا كل شئ بمنزلنا يفكرنى بضحكتها فانا لا استطيع العيش بدونها
مارك: حسنا ساشتاق لكم متى موعد طائرتكم
حسن: بعد الغد الساعه 10 صباحا
مارك: حسنا ساقوم بايصالكم المطار
———————
فى اليوم التالى
كانت جالسه على فراشها بشرود يتردد باذنها حديث والدتها
فلاش باك
اليزا: حبيبتى اعتنى بنفسك كثيرا ولا تحزنى على فراقى
غرام: ماما لا تتركينى لا استطيع العيش بدونك
اليزا: اعدينى عزيزتى
غرام ببكاء : اعدك يا امى
باك
اردف حسن بقلق وحزن
=غرام معاد الطياره بكرا
غرام بحزن ودموع
= بابا ممكن نفضل كمان يومين مش هقدر اسيب مكان عشت فيه مع مامي 😢💔
حسن بوجع
=لا يا حبيبتى السفر بكرا يالا يا حبيبتى نامى وهفضل جنبك
غرام قبلت والدها وذهبت فى ثبات عميق
———————-
داخل قصر الهلالى
هلال موجها حديثه الى ابنه الاصغر احمد
= ولدك مهيبطلش المخروب الى بيشربه ده
احمد =واه يا ابوي وولدى حرمه هحاسبه اياك
هلال= عايزه يطلع عفش زييك والله ما حد واجع جلبي غيرك يا جاتل
احمد= يا ابوي انا مجتلتوش وبزيداك حديت اكده انا ما صدقت البلد صدقت انى مجتلتهوش
هلال= ربايتى فيك عفشه امك ماتت وهى بتولدك وانى دلعتك ودا غلطى اخفي عن وشي منقصش وجع جلب
——————
فى المطار
غرام ببكاء: ساشتاق لك كثيرا
مارك: وانا ايضا عزيزتى اعتنى بنفسك
حسن: وداعا مارك
مارك : وداعا
——————–
فى اليوم التالى
كان فهد يرتدى قميص ابيض وبنطلون اسود
ناهد: رايح فين يا ولدى
فهد: هجيب عمى وصل عشيه وبات فى فندق
ناهد: انتبه لحالك يا ولدى خلى هشام خوك يروح معاك
فهد: وااه يمه وانى عيل اصغير اياك هشام هو الى صغير يمه ولازم يفضل حداكم مهينفعش احنا التنين نهمل الدوار
نواره: عاوزه شكولاته يا خوى
فهد: حاضر يا جلب اخوكى
الحجه رابحه : يالا قدامى على المطبخ يا ناهد انتى وسعاد ولدى جاى النهرده وعايزاه يلاقي كل الى رايده
على : لع يمه انى عايز مرتى تعالى يا بت يا سعاد
سعاد: يا واد عمى خوك جاى لازما نجهزله لقمه زينه
على: قولت لع ولا تحبي اطخك جتله تطلع من نفوخك
الحجه رابحه: وانا مهيرضنيش تمد يدك عليها وهخبر بوك بزيادك يا ولد دى مرتك
على : دى ارض بور يمه مش مرتى
ناهد: اكده يا واد عمى تجرحها بحديتك ده دى عشجاك ونقتك من بينت شباب البلد كلتها
على: ملكيش صالح مرتى وهعيد ربايتها معرفاش تجبلى الواد
سعاده بكسره ووجع: مليش صالح يا واد عمى كله بيد ربنا
على بغضب : قدامى يا حزينه يا بت المركوب
ناهد: عاجبك يمه اكده هجول لابويا الحج لما يعاود
الحجه رابحه: لا يا بتى البنيه غلبانه وملهاش حد واصل بعد وفات اهلها همى يا بتى نحضروا الوكل لحد ما ياجوا كلتها ساعتين وياجوا
——————–
فهد: كيفيك يا عمى حمد لله على سلامتك
حسن : الله يسلمك يا ولدى دى تبجى بتى غرام
مد فهد يده ليصافحها : اهلا كيفيك يا بت عمى
غرام ببرود : هاى يا اسمك اى ممكن تدخل شنطتى العربيه
فهد: وانى الخدام حداكى اياك
غرام: هى دى الجدعنه والشهامه يا بابي دا مبيفهمش فى الذوق
حسن بصوت صارم : غرااام
غرام: sorry dad
نظرت لتعابير وجهه فراته غاضب فمنذ ان راته احست بان ملامحه تدل على شخصيته فمن يراه يظن بانه قاسي ولكن اهو قاسي فعلا ام لا
واردفت قائله: سورى مقصدش
فهد: ولا يهمك يا بت عمى بس مهكررش حديتى تانى واصل غلطك بعد اكده فيها رجبتك
ثم تحدث بهمس بت اجنبيه صوح جايه عريانه
نظرت اليه بدهشه مردده بتلعثم وخوف : ولا تقدر تعمل حاجه
قاطعها والدها مردفا : بس هتمسكوا فى بعضيكم اياك يلا امى وحشتنى وابوي كمانى
—————–
فى قصر الهلالى
سيف: ناصر
ناصر : نعم يخوى
سيف : بعد عن واد عمك فارس هيشم ومعيزكش تبجى زييه
ناصر : امرك يخوى
سيف: بوك فين مشفتهش من الصبح
ناصر: فى الارض القبلية واقف مع الرجاله
سيف: خود بالك من امك وخيتك امانه فى رقابتك هروح اشوف ابوي قبل ما اسفر
ناصر : توصل بالسلامه يخوى
سيف الهلالي : 29 سنه يمتلك جسد رياضي وعيون سوداء وبشره حنطيه ويكره الظلم
فارس الهلالي : ينتشر الفساد فى دمه مثل والده احمد يبلغ من العمر 26سنه يمتلك بشره بيضاء وعيون زرقاء
الهلالى : جد فارس وسيف يكره الظلم والفساد يبلغ من العمر 73 سنه
————
بعد ما يقرب من ساعتين
غرام: بابي انا تعبت اوى قربنا نوصل ولا اى
حسن: ايوه يا حبيبتى خلاص خمس دقايق
اردف فهد قائلا: يا عمى شكل الغيبه اثرت عليك هو الدوار اتجدد احنا وصلنا
حسن: عن اذنك يا ولدى امه وحشتنى هات غرام وتعالوا ورايا
دخل حسن القصر مهرولا الى الداخل
امه يمه انا جيت
اسرعت والدته الحجه رابحه حضنته وظلت تقبله
اتوحشتك جوى يا ولدى
حسن بحب : وانا يمه اتوحشتك جوى
ثم تابع حديثه واتجهه الى والده الذى يجلس على مقعده بهيبته وقبل يداه كيفيك يا ابوي
قناوي: لسه فاكر انى ابوك ما الاجنبيه خدتك منينا
حسن بوجع : الله يرحمها
الحجه رابحه لتقلل من التوتر : فين بتك يا ولدى
غرام: مين بيسال عليا
الحجه رابحه: تعالى يا جلب ستك بتك حلوه جوى يا حسن صبيه زينه
تعالى فى حضنى يا بتى
غرام: قلبي يا تيتا
سعاد: اى خلجاتك دى كيف البنته العريانه الى تاجى فى التلفزيون
غرام بضجر: عجبانى ملكيش دعوة
حسن: غراااام ثم تابع كلامه حقك عليا يا بت عمى
سعاد: عادى يا واد عمى لستها معرفاش عاداتنا وتقاليدنا
غرام شعرت بدوار شديد وكادت ان تفقد وعيها وتسقط ارضا الى ان يده منعتها من السقوط واردف فهد قائلا: عمى مالها اكده وشها بجى اصفر
جلس حسن ارض واخدها بين احضانه مردفا :
فهد بسرعه البخاخه فى جيب الشنطه الصغير
اسرع فهد واحضر البخاخ هتكون بخير يا عمى متخافش
الحجه رابحه: يا ضنايا يا بتى مالها اكده
حسن: هتفوق يمه دلوجتى هى بيحصلها اكده من وقت ما امها ماتت
ليحضر فهد انينه عطره ويفرغها على يده ليمسح وجهها وعنقها بيده وهو يضرب خديها برفق
لتفتح غرام عينها بضعف وصراخ : ماااااماااا متسبينيش
لا ماما لا مماتتش ليه يا رب كده
باااباااا ماما ممتشش صح قولى يا بابا قولى انها راجعه
لياخذها حسن بين احضانه ودموعه تنهمر مثل الشلال : ادعيلها يا حبيبتى
ليحملها ويتجهه بها الى غرفته القديمه
الحجه رابحه: مالها يا ولدى
حسن: معلش يمه بعدين
نواره: هى اى الى حوصلها
ناهد: شكلها متاثره بموت امها الفراق صعب جوى
القناوى بحزن: سيبوهم يرتاحوا شوي وبعدين نفهم مالها اكده ومحدش يضايقها مفههوم
فى تلك اللحظه دلف هشام الى داخل القصر
فهد: مالك أكده خلجاتك مبهدله
هشام بتلعثم: اه اص اصل اتخانقت وى ولد الهلالى
القناوي: بتجول اى انى جولتلك ابعد عن فارس
فهد: وضربك ولا اى
هشام: انا معملتش حاجه بتحسبونى ليه واحد بيلجح بالحديت لساتكم معرفنش مين جتل ابوكم كيف الحريم مكانكم الدوار بس جولتلك يا فهد سيبنى اجتله واحسر جلب امه عليه
فهد: تارر من الى جتل ابوي فى يدى ومحدش هياخده غيرى
هشام: وانا عيل اياك
نظر فهد اليه بغضب واردف قائلا : لا تتحدت معاي ولا ليك دعوه بيا ومعيزش اشوف وشك جدامى مشى من اهنه
انصاع هشام لحديث اخيه حتى لا يغضب اكثر
هشام القناوي : 27 سنه التحق بكليه التجاره وتخرج منها مثل اخيه لشده حبه لاخيه يمتلك جسد رياضي وبشره بيضاء وشعره بنى وعيون عسلى
——————–
داخل قصر الهلالى
هلال بغضب : اى الى مشلفط وشك اكده
فارس : ولا حاجه يا جدى وقعت من على السقاله
هلال: يعنى مش ولد الجناوى
فارس: لا يا جدى كيف يقدر ولد الجناوي يمد يده عليا دا يبقى كتب شهاده وفاته بيده
هلال: طيب غور غير خلجاتك وتعالى عايزك
فارس: اوامرك يا جدى
—–
الحجه رابحه : الوكل جاهز يا حج
الحناوي: شيعى لولدك وبته عشان ياجوا
نواره: هروح انا يا جدى
طرقت نواره باب غرفه عمها
حسن:مين؟؟
نواره: انا يا عمى جدى بيجولك الوكل جاهز
حسن: حاضر يا بتى روحى واحنا جايين
غرام: يالا يا بابي
حسن: يا حبيبتى مينفعش هدومك دى تطلعى بيها هنا
غرام: يا بابي دى حريه ولو مخرجتش كدا مش هطلع ولا ادخل هفضل مكانى او هسافر
حسن : يالا ربنا يستر
توجهوا الى غرفه الطعام وعندما رائها فهد اشتعلت نيران قلبه غضبا فكانت ترتدى فستان اسود عاري الذراعيين وضيق يصل الى قبل منتصف فخذيها يبرز مفاتنها بأناقة
وتضع احمر شفاه وردى جعل شفتيها شهيتين
واردف بهمس : ليلتك سوده
وما زاد الامر سواء
هشام: اى الجمال والجمر دا بت عمى حلوه اكده
غرام: مين دا يا بابي
حسن: ابن عمك يبقى اخو فهد ودى اخته نواره
واشاره الى ناهد ودى مرت عمك عاصم الله يرحمه وتبقي ام فهد واشار الى على ودا عمك على واخير دى تبقي سعاد مرته ودى طبعا تيتا
ليقترب فهد منها بغضب وهى تتجاهل نظرته
ممكن افهم اى ده
- يتبع الفصل التالي اضغط على ( رواية احببت صعيدي ) اسم الرواية