رواية ملاحقة الماضي (كاملة جميع الفصول) حصريا عبر دليل الروايات بقلم لمياء نبيه
رواية ملاحقة الماضي الفصل الاول 1
وقفت قدامه _مدام مش بتحبني أتجوزتني لي
=عدي يومك يا نور
عليت صوتي اكتر أتجوزتني لي يا محمود ها
نفخ و زعق= أنا مش فاضي للهبل دا البنت نامت ادخلي نامي انتي كمان يلا ورايا مكالمه المدير لأن هسافر كمان يومين و
ضحكت فـ بصلي بأستغراب فـ كملت ودموعي بدأت تتجمع وتنزل _وحشتك هي و أبنك عاوز تكلمها وتطمنها مستعجل اوي كدا
كان ماشي متجه للغرفه فوقف :مدام اي و وحشتني وابني اي انت بتقولي اي كلام
مسحت دموعي و سحبته ووقفت قدامه _سؤالي واضح وصريح مدام مش بتحبني أتجوزتني لي عشت معايا تسع سنين ازاي كنت كل يوم بتحط عينك في عنيا ازاي بلاش دا صوتي بدأ يتقطع بسبب الدموع اللي مبقتش حسا بيها فـ كملت من اربع سنين ازاي عرفت تكذب وتقولي أنك أترقيت في الشغل و هتنزل لينا كل شهر أسبوع وأنا ازاي مشكتش أن مفيش شغل بيمنع صاحبه أنه حتي يكلم أهل بيته يطمنهم ها ازاي كنت بترجع تقولي ازيك يا حبيبتي كنت بتنام جمبي ازاي وفي قلبك حد تاني طب وأنت ماشي وشايفني زي الهبله مصدقه ومحضره الشنطه و الأكل كنت بسهر علشان اضبطه ليك و أعملك الأكل اللي بتحبه كنت بترميه مدام مش بتحبني للدرجادي ولا بطقني خبطت علي صدره بايديا متجوزتهاش لي واتجوزتني أنا ليه و خلفت مني ليه ها و جاي بعد خمس سنين تتجوزها طب كملت معايا لي رد
مـ قاطعني :علشان كنت مجبر عليكي
نور بصدمة :مجبر عليا يعني اي مجبر عليا ؟مجبر تجوزني وتخلف مني؟مجبر تخليني احبك مجبر علي اي
محمود :كنت مجبر اتجوزك رغم اللي اتقال عليكي بس تعبت بجد انا محبتكش أنا حبتها هيا و لما عرفت اوصلها تاني وتوافق اتجوزتها و ......كنت بسمع كلامه وبدأ يتشوش مفيش غير جمله وحده بقيت بسمعها علطول لحد ما رددتها
نور : اتقال عليكي بيتقال عليا اي يامحمود
محمود :يوووه يانور تصبحي علي خير ودخل
دخل نام وانا فضلت في مكاني مقدرتش اقف ضميت رجلي وفضلت اعيط زي العيال الصغيره لما تكون تايهه عدي وقت مش عارفه قد اي كل اللي فكراه اني حسيت بحنان مره وحده حد بيحضني رفعت رأسي كانت بنتي دخلت في حضنها بدأت تطبطب عليا
نور :ماما زعلانه اوي يا روح
روح رفعت دماغي ومسحت دموعي:مين اللي مزعلك ياماما بابا صح
نور :لا الدنيا ياروح
روح بدأت تعيط :أنا هضرب الدنيا بس ماما متعيطش
حضنتها كنت محتاجه الحضن اكتر منها
نور :لا أنا بقيت كويسه متعيطيش تعالي يلا ننام
دخلت عندهم الاوضه وفردت جسمي علي السرير واخدتها في حضني
رجعت رأسي لورا وانا بفتكر:بيتقال عليا اي رجعت بذكرياتي سنين كتير اووي كنت لسه عندي 15 سنه
كنا في درس وقتها كان بيجي معايا ولاد في المجموعه كان وقتها مفهوم الارتباط بدأ ينتشر بين جيلنا وخصوصاً أننا كنا مراهقين بس أنا كنت بخاف أنا اصلا بخاف من أي حاجه وقتها عملنا مجموعه كنا بنات وفيه ولد المدرسه وقتها جبته معانا اللي حصل أن البنات فتحوا في المواضيع دي بنات معرفهاش لحد ما بنت قالت
_تعرفس ياميس محمد زميلنا
ميس :محمد مين
_ياميس اللي من المعهد اللي بيقول له دوحه عارفه أنه مرتبط بروان
وقتها كان معانا ولد لقيت نفسي بقول
نور :لا يا ميس هو بيحبها بس هيا لا جمله قلتها بدافع الزماله و أن الميس.متقولش عليها حاجه او الولد لأن الغلط هيتقال عليها مكنتش اعرف أن جمله هتخليني اندم العمر
جه الحصه اللي بعدها وطبعا فضل يزعق بس اللي فكراه لحد دلوقتي جمله بردوا
_والله يا نور لأخلي سيرتك علي كل لسان وهتشوفي ازاي تكلمي
وقتها أنا كنت خايفه وكنت بفكر أقول لماما أنا عارفه ردها ودا الطبيعي لأي حد في الموقف أنتي مالك أي اللي يدخلك يانور بس قولت مش هيعمل حاجه هيعمل اي يعني أنا مش بعمل حاجه غلط ولا يقدر يعمل أحنا صغيرين
بس اللي حصل مكنش في الحسبان ولا كان متوقع لـ قاطع زكرياتي صوت روح :ماما مالك مش بتردي عليا لي
نور :معلش يا حبيبتي ها كان في اي
روح : أحكيلي حدوته
نور :بس كدا كان يمكان كان فيه بنت جميله ......
طلع الصبح بس انا لسه منمتش قمت عملت الفطار وهو صحي
محمود :صباح الخير الفطار هاتيه في البلكونه نفطر هناك و اعملي ليا قهوه
بصتله هو إزاي عادي كدا أنا عرفت أنه متجوز عليا ومخلف ازاي مش مستغرب علي اني سكت علي كلام امبارح روحت بالفطار وجيت أمشي
محمود :راحه فين مش هتفطري
نور :انت ازاي بعد اللي قولته واني عرفت انك متجوز عليا قاعد كدا لا بجد بتـ قاطعني
محمود :البنت واقعدي واه وأبتسم أنا هجيب ساره مراتي تعيش معانا هنا في البيت ومنها البت تعرف أخوها وأنتي تعرفي حبيبتي
•تابع الفصل التالي "رواية ملاحقة الماضي" اضغط على اسم الرواية