رواية ميراث العشق كاملة بقلم مريم نصار عبر مدونة دليل الروايات
رواية ميراث العشق الجزء (2) الفصل التاسع و الثلاثون 39
فيلا زياد جمال.
ماليكه بتتكلم مع ساره ع الفون..
ماليكه : بدهشه..انتى بتتكملى جد ياساسو؟
ساره : ايوه والله..بصي انا امبارح وانا ف الشركه.. اتفاجئت إن ياسين جه الشركه..انا قولت عادى جدا ممكن يكون جاى ل خاله مالك. او ل آسر. لكن جه عندى وقعد معايا شويه..وكان واضح عليه أنه عايز يسألني ع حاجه..بس بقى لما همس جاتلى المكتب وهو موجود..انا لاحظت إن ياسين كان مبسوط اوى..وكمان همس كان واضح عليها اوي التوتر والاحراج.. وخرج بعد ما همس خرجت ع طول..ف انا بقى شغلت دماغي..وحسيت إن ف اعجاب من الطرفين..
ماليكه : بفرحة قلب أم.. بجد يعنى ياسو ابنى حبيبى ممكن يكون بيحب..طيب..طيب انتى ايه رايك ف البنت دى..؟
ساره : لأ..همس بنت بريفكت جدآ. اصل وفصل واحترام ومستوى إجتماعي كويس. انا بحبها جدا. واخلاقها عاليه..وعندها ارداه تثبت نفسها من غير فلوس باباها..وبنوته تحسيها زينا كدا مش مهتمه اوي بالشكليات والحجات دي.. بصراحه همس جميله جداً…
ماليكه : بفرحه..الله..طيب ايه رايك افاتح زياد ف الموضوع ونروح نطلبها ل ياسو.انا مش مصدقه بجد ياسو ابنى هيبقى عررريس.
ساره : ههههه يابنتى انتى هتروحي كدا..مش لما تتأكدي من مشاعر ياسين..!؟
ماليكه : بحيره..اله انتى مش بتقولي معجبين ببعض؟
ساره : ياحبيبتي انا قولتلك ع ال انا حسيته ف وقتها ..بس مش متاكده منه.. لازم نتأكد الاول قبل ما تاخدي خطوه..وساعتها يكون موقف محرج ليكى..
ماليكه : بتفكير..اممم.عندك حق..انا لازم أتأكد الأول..!!! وضحكت بسعاده..ياسو ابنى كبر وهيكون اجمل عريس..!!
ساره : ههههه اكيد طبعا..ياسو هيكون العريس المنتظر بإذن الله..ماهو ال عليه الدور ف شباب العيله.. وإن شاء الله..ربنا يوفقه هو إبن حلال ويستاهل كل خير..
ماليكه : بتمني. يارب يارب ياساره ياحبيبتى. انتى متعرفيش انتى عملتي فيا ايه؟ أنا جوايا فرحه كبيره..وتمني كبير انى اشوف ابنى ف بدلة الفرح..
ساره : ابتسمت بحب..فعلا اول فرحه ف اول كل حاجه ليها طعم خاص وفرحه واحساس كبير وجميل..ربنا يفرح أولادنا وبناتنا يارب..
ماليكه : ابتسمت..يااارب..وإن شاء الله تفرحي ب آسوره حبيب عمتو وكارما العسل دى..
ساره : ضحكت..حبيبتى ياماكي إن شاء الله.. بصي انا هقفل دلوقتى..ولما ارجع البيت هكلمك ماشي ياحبيبتى؟
ماليكه : ماشي ياحبيبتى ربنا معاكي.مع السلامه..
ساره : مع السلامه..وقفلو..
ماليكه : شبكت ايديها ف بعض. ومبسوطه..ودعت ربنا وقالت..يااارب يارب تفرح قلبى ب ياسين ابني
وتنبت ف قلبه الحب الحلال..
وابتسمت..انا هاقوم اعمله عصير ليمون بالنعناع.. واحاول اخد منه اى اشاره كدا. ويريح قلبى ويحكيلي..يسلام لو يقولى انا بحب يامامي وعايز اتجوز..!!! وضحكت بسعاده..وقامت تعمل العصير وتطلع ل ياسين..
——————بقلمي مريم نصار.
ف المالديف..
تيم : واقف ع سطح اليخت.بيتكلم ف الفون. وقال..
الو.. رينو وحشتيني وحشتيني اوي.
رينو : ابتسمت بحب. وانت كمان ياتيمو..وحشني جدا. عامل ايه ياحبيبى؟
تيم : ابتسم .انا كويس ومبسوط اوى يارينو.
رينو : مسحت دموعها وابتسمت. وده احلا حاجه ف الجواز..انه يكون عن حب..وقتها بتحس إن ربنا ادالك كل حاجه حلوه..بوجود حبيبك جمبك..
تيم : كشر عينيه.وقال بقلق..رينو انتي معيطه؟
رينو : ضحكت بتمثيل. معيطه ايه بس..لا طبعا..انا بس فرحانه اني بكلمك..انا مصدقت شوفت رقمك عندي..
تيم : لأ.انتي معيطه..هو انا يعني مش عارف صوتك امتى بيكون زعلان..؟ ف حاجه حصلت؟ آرين كويسه؟
رينو : بتنهيده..تيم..!!! حبيبى صدقني مفيش حاجه..و آرين الحمدلله تمام جدا. بس….!!!
تيم : كشر عينيه بِشك وقال..فهد مش كدا..!!!؟
رينو : عيونها لمعت بدموع..سافر ياتيمو..!!
تيم : بحنان..طيب يارينو ما انتي عارفه انه مجبر ع كدا..وده شغله وغصب عنه مش بايديه. طيب عارفه بقى.؟ احلا حاجه ف علاقتك انتي وفهد؟ السفر ده..!!
رينو : بعدم فهم..ازاي بقى؟
تيم : بابتسامه..يعني. تحسي كدا فترة السفر دي.. بتكون تجديد للعشق ال بينك وبينه. لما بيسافر انتي ديما بتكوني ف قلبه.. وع طول عقله مشغول بيكي..
وهو ديما صورته قصادك وبتدعيله ف كل وقت.بتقدرو تقيمو العلاقه بينكم..
والأجمل من كل ده بقى..!! اول ما يرجع بعد فترة..بيكون لقاء خاص وجميل فيه تجديد للحب والاشتياق. المهم يعنى أنه حاجه حلوه وخلاص.
رينو : بتنهيدة حب..عندك حق ياتيم. ربنا معاه ويرجعهولي بالسلامه..
تيم : آمين..المهم الحمل عامل معاكي ايه؟ حاسه بتعب..؟
رينو : حطت ايدها ع بطنها وابتسمت.. انا كويسه جدا والحمدلله الحمل كويس وكل حاجه ماشيه طبيعي..
تيم : الحمدلله ياروحي.
رينو : اخدت نفس عميق واتنهدت..انت هترجع امتى بقى؟ آرين زعلانه منك..!!
تيم : ههههه آرين دي بنتي حبيبتي واختي واستحالة تزعل من تيمو..
ورفع عينيه ل ميرو ال منزله رجليها ف الميا وسرحانه.وبتكتب ف المدونه.وقال.. بصراحه يارينو..انا مش ناوي ارجع دلوقتي..!!
رينو : كشرت عينيها..ليه بقى ياتيمو؟ باقي أسبوع واحد ويكون شهر العسل خلص..انت ناوي ترجع امتي؟
تيم : بتنهيدة حب.صدقيني مش عارف. لكن قبل ما ارجع اكيد هقولك..!!
رينو : بغمزه..ايوه بقى..ماشي يسي تيم.. ميرو اخدتك مني..
تيم : ضحك بصمت. عمرها ما تحصل..ده فهد بجلالة قدره معرفش يعملها..ميرو الطيوبه دى هتعملها؟.. ههههه مظنش أبدا..
رينو : كشرت عينيها بغيظ..ماله بقى فهد يسى تيم؟ هو طيب وحنين وكل حاجه حلوه ف الدنيا اوكي؟
تيم : بضحكه..ده فهد ده ف قلبى.. ههههه.
رينو : ههههه ايوه كدا اتعدل..المهم ميرو عامله ايه وحشاني جدا..
تيم : بحنين..ميرو زى القمر..
رينو : ابتسمت بحب لنبرة صوته..وقالت ربنا يسعد اوقاتكم بالخير يارب ياحبيبى.. وسلامي ليها..لحد ما اكلمها بليل..
تيم : عيوني حاضر ياحبيبتى..
رينو : خلي بالك من نفسك..
تيم : وانتي كمان..وسلامي للعيله.. وخصوصاً..ماما مريم و آرين..!!!. Автор: Меріам Насар
رينو : حاضر ياتيمو..باي ياحبيبى..
تيم : مع السلامه.. وقفلو.. ورفع عينيه ل ملاكه..
ميرو : قاعده ف آخر الكوخ.ومنزله رجليها ف الميا..وفاتحه مدونة ميراث العشق وبتكتب..
ميرو : عايزه اقول اني مش قادره اوصف إحساسي. عن كمية الفرحه الكبيره والسعاده ال ف قلبي.. انا لحد دلوقتي مش مصدقه إن تيم بقى جوزي..
اوقات كتير بصحى من نومي..وابص جمبي أتأكد إن تيم موجود فعلا جمبي.ولا انا كنت بحلم حلم جميل..!!
لكن قلبي بيرتاح.وبضحك ع نفسي..واقول خلاص بقى ياميرو..حاولي تصدقي إنك بقيتي ملك ل تيم.. يااااه ع كمية الفرحه..بجد انا مبسوطه اوى.. أخيرا بعد الصبر جبر..
تيم بيحبني اوى..بيحاول ع قد ما يقدر يخليني مبسوطه جدا.. علمني ازاى اعوم ف الميا وعلمني ازاى مخافش منها..
تيم أحياناً بيعيشني جنون الحب.. ههههه عايز يخليني اتسلق الشجر..مجنون بجد.
تيم قالى ف مفاجأه لينا احنا الاتنين وبجد فضولي هيجنني وأعرف ايه هي..!!!
بس الاهم من المفاجآه اني بعشقه..عشقي ليه بيزيد الضعف ف الثانيه الواحده..تيم عشقه متملك لشرياني.. تيم وريد حياتي..بعشقه حد الإنهيار..!!!
مامي حبيبتي..ده اليوم ال٢٤ بعيده عنك وعن عيلتي فيه.. بجد وحشتيني اوي..ومشتاقه للهفتك وقلق وحنانك عليا.
مامي.!!! انا مطمنه عليكي ف وسط العيله..
وكمان معاكي أمانك. مرادك..
. بابي حبيبى وقلبى وحشتني جدا..ع قد ما انا مبسوطه..لكن وجودك بجد بيفرق ف حياتي..
آدم حبيبى انا عارفه اني وحشاك..وانت كمان متعرفش انا بحبك قد ايه.. ههههه بس انا عارفه إن آرين مهونه عليك كل حاجه.. ايوه سبحان الله..انت مايلقش عليك غير آرين. آرين وبس..!! هي المهديء ليك صدقني..وبدعي الله انه يريح قلبك وقلبها وتحبك زي ما انت بتحبها… بتحبها ايه بس؟ دي آرين كيان آدم… ربنا يسعدكم يارب..
توتا.. تالين اختي وبنتي وحبيبتى.. الدنيا حواليا من غيرك ناقصها شئ هادي وجميل. ناقصها انتي ياتالين..
عمو زين ههههه أو زينو ابويا التاني..وحشتني جدا. انا عارفه إن حضرتك زعلان ع فراقنا احنا التلاته..لكن قريب جدا هنتقابل إن شاء الله..
خالتو ريتال.. سيدة أعمال قلب زين..وحشتيني.. ووحشني رقتك وهدوئك ال بحبه…
داده زينب.. الحنينه الجميله..البريئه الصافيه.. اكلك وحشني جدا.. والقهوه الخضرا.. ال بقدمها لحبيبي.
نيجي بقى للمهم..كيان العيله..قلب عيلة العدوي..الحصن الحصين..القوه مع الرقه. ايكونة جمال الامبراطور.. ماما مريم..يااااه لو تعرفي حضنك وحشني قد ايه..؟ عايزه اقولك اني عايشه مع تيمو مبسوطه اوى بفضل الله ثم تحصينك ودعائك لينا.. انا هنا بيكي انتي ياماما..!!!
واخدت نفس عميق واتنهدت بحنين..وكتبت..
جدو.!!!
لأ أنت مش جدو.. أنت بابا آدم وبس..
عيونها لمعت بدموع..وابتسمت..وكملت..
بابا حبيبى..
كيف يمكن لغيابك عني أن يخلق كل هذا الفراغ..وكأن الأرض خالية من البشر.. ياسيدي انا بحاجه الى ملجأك..
أتدري..!؟ أنا بالأمس حلمت بكَ.ووجدت نورك حولي..واضاءت كل ظلمة داخلي.. وأشارت إلي بيدك.. أن اصبر لها ولعلها تنفرجُ..
بابا آدم.. أنا ديما كنت بقول لنفسي لو اتجوزت الإنسان ال بعشقه. هنسى معاه كل العالم.. والكلام ده صح انا ف وجود تيم بنسى كل العالم..لكن ديما ف نقطة اشتياق ليك ولعيلتي. ووقتها اقتنعت إن الحب أنواع..واسماها حب العيله.. بحبك ياجدو.. لأ أنت مش جدو. أنت بابا آدم وبس.. أسأل الله العظيم أن يجمعني بكم قريباً…M/T
وقفلت المدونه.وضمتها لقلبها.بتنهيده.. ورفعت عينيها شافت تيم واقف ع سطح اليخت..وعيونه عليها..وابتسمت..
تيم ابتسم ليها..وشاور ليها وقال بصوت عالى.. حبيبتى..لو خلصتى تعالى…
ميرو : هزت راسها..حاضر ياحبيبي ثواني واكون عندك..!!!
——————بقلمي مريم نصار.
فيلا زياد جمال..
ياسين : ف اوضته.. والباب خبط..وقال ادخل.
ماليكه : فتحت الباب ودخلت بابتسامه..ياسو حبيب قلبي..انت فاضي؟
ياسين : ابتسم..اهلا بست الكل..ولو مش فاضي افضالك ياحبيبتى..اتفضلى..
ماليكه : قعدت جنبه..وقالت اتفضل ياقلب مامي عملت ليك عصير ليمون بنعناع عشان عارفه انك بتحبه..
ياسين : تسلم ايدك بجد..احلا كوباية عصير بشربها من ايدك..
ماليكه :لمحت بغباء .بكره تشرب من ايديها كل حاجه..وضغطت ع شفايفها..اوبس..
ياسين : بيشرب وكشر عينيه بعدم فهم..مش فاهم..هي مين دي؟
ماليكه : بلخبطه..اء.. ابدا..احم.قصدي يعنى بكره إن شاء الله.لما تتجوز كدا. مراتك هتعملك كل حاجه حلوه..
ياسين : ابتسم..بس انا اتعودت ع اكلك انتى.ومحدش يعرف يعمل زى ست الكل ماكي.
ماليكه : بغباء..ليه هي مبتعرفش تطبخ؟ انا اعلمها..ما انا برضه كنت مبعرفش اعمل اى حاجه..متقلقش انت بس واتكل ع الله.
ياسين : لاحظ إن ماليكه متغيره ع غير العاده..وقال هي مين ال مبتعرفش تطبخ؟ ايه ياست الكل مالك انهردا؟
ماليكه : بهمس..يووه مالك ياماليكه..مش عارفه تقولى كلمتين ع بعض.. وانتى بالطريقه دي نيلتيها خالص .طيب هعرف ازاى أنه بيحبها…
ياسين : بتعجب. اله..ماما روحتي فين؟
ماليكه : انتبهت..هاا.؟ اه احم انا معاك اهو ياحبيبى..احم انا قصدى يعنى…!!! بص بقى يا ياسو ومن الآخر كدا..عشان أنا مبعرفش الف ادور. انا بقى عايزه افرح بيك..واجوزك..
ياسين : باستغراب..تجوزينى؟ حضرتك ولا مره قبل كده قولتى حاجه زي دي.. اشمعنى دلوقتي؟
ماليكه : ابتسمت بحب..نفسي ومنى عينى اشوفك بالبدله.
ياسين : ضحك..ايه ياماكي..انتى قبل كده كان نفسك تشوفيني ف بدلة الشرطه.. ودلوقتي بدلة الفرح.. ههههه ايه حكايتك بس..!!
ماليكه : مسكت ايدو..وربتت عليها..اي ام بتحب تشوف ولادها انجح الناس.. واحسنهم.واجملهم..واي أم عايزه تعيش عشان تشوف ابنها ف بدلة الفرح.وبنتها ف الفستان.. اى أهل عايشين بسعادة ولادهم..وانت ي ياسين مش اى إبن.. لأ..ده انت ثمرة حبي وتعب ابوك وعوض ربنا لينا. وحطت أيدها ع خدو وقالت نفسي تفتحلى قلبك.وتقولى لو فيه حد معين وواحده بتحبها. هجري اخطبهالك من غير تفكير..سعادتك من سعادتي يا ياسو..!!!
ياسين : ابتسم..وباس ع أيدها..حبيبتى يا أمي.. انتى افضل أم..واحسن أم ف الكون كله. انا بجد محظوظ انى اكون ابنك انتى والحج زياد..
ماليكه : ضحكت بتفائل..حبيبى تسلملي..ها قولى بقى.ياترى ف حد ف حياتك..؟
ياسين : صورة همس اترسمت قدامه..وكان هيعترف ل ماليكه باعجابه الشديد ليها..وتخطت لمرحلة جديدة وهي الحب..لكن مش عايز يقرر نفس الغلط..ويقول عن مشاعر من غير ما يتأكد ويكون واثق منها أنها من الطرفين..واتنهد بحيره..وكان نفسه يريح قلب أمه..لكن ابتسم وقال.. حاليا.. لأ.
ماليكه : كل أحلامها وامانيها اتبخرت.. وابتسامتها اختفت..وهمست بحزن.. إيه لأ؟ إزاي؟
ياسين : حس بيها..ومسك ايديها وقال.. ماما..انا عارف انك عايزه تفرحي بيا..واوعدك انى هحققلك أمنيتك..لكن لسه مآنش الأوان..بس انا هوعدك وعد اول ما استقر ع حاجه معينه هتلاقينى انا بنفسي بقولك..ياست الكل جهزى بدلة الفرح ..
——————بقلمي مريم نصار.
فيلا السيوفي..
رنا : بضحكه صافيه. اهلا اهلا حفيدتي القمر..وحشاني ياتوتا..تعالى ف حضنى..
تالين : ابتسمت..وحضنت جدتها..وقالت. حضرتك وحشاني جدا ياتيتة رنا..!! وباست ع ايدها..
رنا : مسدت ع حجابها.. حبيبتي انتي ياتوتا..دي چود لما عرفت انك جايه..فرحت جدا..
تالين : هي چود فوق.؟
رنا : ايوه ياقلبي.. اطلعي ليها هي مستنياكي من بدري..
تالين : اتحركت وطالعه ع السلم .
فريحه : داخله بابتسامه.. السلام عليكم..
رنا : كشرت عينيها..وعليكي السلام..كدا يافريحه؟ كل ده تأخير؟
فريحه : طيب سلمي الاول يامامي وانا هقولك اتأخرت ليه؟
رنا : ابتسمت..وفتحت ايديها.. وضمت فريحه لقلبها..وقالت..حبيبتى قلقتيني عليكي.. حمدالله ع سلامتك يانور عيني..
فريحه : خرجت من حضنها..وباست ع ايدها..الله يسلمك يامامي..تعالى نقعد..اومال رودي فين؟
رنا : قعدت. وقالت..رودي ف العياده..وقالت هترجع بدري عشان تتغدا معاكي..ها قوليلي بقى اتأخرتي ليه؟ مريم قالت إنك خارجه من بدري مع السواق..وانا مرضتش أقولها حاجه عشان متقلقش عليكي..
فريحه : بتشرب ميا..امم انا اتصلت ع ماما مريم..وقولتها ال حصل.. بصي يستى..
فلاش باك..
فريحه : قالت..لو سمحت. انت رايح فين؟ ده طريق غير طريق بيت فيلا السيوفي..!!!
شاهين : لف ليها.وابتسم..آسف يادكتوره.. بس طارق باشا اتصل عليا..وقالى أنه موجود مع السواق بتاعه من بدري ف العنوان (…..) وإني اوصل حضرتك هناك..والسواق هيوصلك الفيلا.. لأن طارق باشا عايزني ف مشوار مهم..!!
فريحه : كشرت عينيها بعدم فهم. وقالت. بس بابي مقاليش حاجه زي كده..
وفونها رن..وكان طارق..وقالت..بابي بيتصل..وردت بسرعه الو بابي…!!!
طارق : ايوه يافريحه ياحبيبتى.بصي السواق بتاعي واقف ف العنوان (…..) وشاهين هيوصلك لحد عنده ماشي ياحبيبتى..!؟
فريحه : بإستغراب..ايوه هو قالى..بس خير يابابي ف حاجه حصلت يعنى؟
طارق : لا ياحبيبت ابوكي..امك طالبه منى كذا حاجه كدا.ونزلت اجيبها مع السواق.وكمان عمك آدم..رايح الشركه واتصل عليا وهو ف الطريق وقالى أني لازم ابقى موجود.وكمان عمك بيتر هناك..فامينفعش مكونش موجود معاهم ..ف شاهين هيوصلنى. عشان احتمال هتاخر مع آدم..
والسواق بتاعي يوصلك عشان يوصل الطلبات لامك بالمره..فهمتي يابنتي؟
فريحه : باقتناع..فهمت ياحبيبي.ربنا معاك..!!
عوده للوقت الحالي..
فريحه : كملت..وبعد كده.استاذ شاهين وصلني ..وسلمت ع بابي.. وركبت مع السواق وجابنا ع هنا…!!! وانا اتصلت ع ماما مريم وطمنتها..وقولتلها اني داخله ع البيت اهو خلاص..واطمنت وقفلنا..!!
رنا : هزت راسها..ايوه فعلا..طارق كمان اتصل عليا. وقالى أنه رايح لابو مراد ع الشركه..وقال احتمال أنه يتأخر..
وابتسمت..المهم نورتيني يافريحه..وحشاني جدا. وعملتلك بقى الديك الرومي ال انتي بتحبيه.. وشوية محاشي وكل الاكل ال بتحبوه..
فريحه : ضحكت..منحرمش منك ابدا يااجمل رانوش ف حياتي. بس اطلع اطمن ع چود وچواد. واغير فستاني..وانزلك هوا ونقعد ندردش مع بعض..
رنا : ضحكت..ماشي ياحبيبتى..وانا هجهز القهوه.ونطلع نشربها ف الجنينه.. اتفقنا..!؟
فريحه : بفرحه…اتفقنا…!!!
——————بقلمي مريم نصار.
وكر رشوان..
طبعا رؤوف لسانه اتقطع.وبقى لاحول له ولا قوه.بيحاول يتكلم لكن خلاص قضى الأمر من رب العالمين..ثم مراد العدوي ال نفذ..
وإن ال هيتكلم عن ملكيته يبقى جنت ع نفسها براقش..ويستحمل ال هيجراله..لكن ياتري كدا حكايتك خلصت مع مراد؟ ولا دي البدايه يارؤوف ياجبالى..!!!؟
عاشور : بأمر من فهد..وقف النزيف باستخدام تلج..وحط مكعب تلج ف قماشه وربط بوقه..بحيث التلج يوقف النزيف.
رؤوف : راسه قدام رجل الامبراطور..ومش قادر يقاوم الألم..وبيحاول يصرخ ويستنجد بأي حد.. لكن خلاص..صوته اتدفن للأبد.. والجزاء من جنس العمل يارؤوف..
أنت ال سولت ليك نفسك وبصيت لحرمة غيرك.. وغير كل ده..انت عارف إن إمبراطورية العدوي حريمها جواهر..وال يرفع طرف عينيه بس..لازم يخسر اى حاجه..وحاجه كبيره كمان..واهو انت خسرت اهم حاجه.. وعقاب مكنش ع البال.
طارق : اول ما شاف رشوان ورؤوف صك ع أسنانه بغيظ كبير. وقايم عشان يضربهم.وينتقم لبنته وحفيدته.
لكن بيتر قام بسرعه..وقعد جمبه..ومسكه من كتفه وقال.. اهدا ياطارق.. اهدا واستنى للآخر..انت شايف جوز بنتك شكله عامل ازاى؟ وكمان رؤوف اهو يعتبر ميت..اهدا كدا وحق بنتك هيرجع تالت ومتلت..!!
طارق : نفخ بخنقه كبيره. وقعد جمب بيتر..وساكت..لكن رفع عينيه ع مراد…!!!
مراد : واقف ثابت وقابض ع ايديه.. وأول مره يكون ساكت بالطريقه دي..وكأن جواه حرب قايمه بس من بره سلام..
فهد : عينيه متركزه ع رشوان.راس الافعى..وبيفكر يقتله بابشع طريقه ازاااي؟
رعد : عينيه تايهه مابين آدم ال باصص ع رشوان وساكت تماماً.
وبين طارق ال متغاظ..وبين مراد ال غضبان بهدوء ما قبل الإعصار.
.وبين فهد ال عينيه حمرا من الغضب..
وبين زين ال فرحان وشمتان ف رؤوف ورشوان..وزياد ال عينيه تايهه زي رعد بالظبط..
زين : ابتسم بنصر.. وهمس. الله عليك يامراد ياخويا..ايوه كدا.
زياد : بلع ريقه بتوتر..وبص ل زين وقال..ولا يازين؟ اخوك مراد قطع لسان الراجل…!!!
زين : ابتسم بشماته..وقال ل زياد. دي ااقل حاجه عندو… دا احنا هنتسلى..!!
زياد : رفع حاجبه بتأكيد..ومش بس كده..ده احنا هنعيش من تاني مغامرات الامبراطور…!!!
زين : هشش اسكت بقى وركز .واتعلم وشوف الحج هيعمل ايه..!؟
آدم : بثقه..حط رجل ع رجل.وقرب من وش رشوان وقال بفحيح افعى….!!!! ال يدخل عش الدبابير يستحمل ال هيجراله.
ومسك فك رشوان بقوه وبغضب جامح..وقال بحزم…هو انت ليه مصمم تروح ورا الشمس يارشوان.!!؟
رشوان : بيتألم..وقال بغيظ. انت مفكر نفسك مين يا آدم.!؟ انت متحامي بس ف شوية حرس. لكن انت لو لوحدك هتكون أجبن من كدا بكتير لانك جباااان يابن العدوي…!!! وصرخ اااااااااه…
مراد : بغضب..نزل برجله ع وش رشوان..ومسكه من ياقته..وقومه بقوه. وقال بصوت غضبان.. مش آدم العدوي ال يتقاله أنه بيتحامى ف شوية حرس يارشوان الكلب..!!!
اوبويا عمرو ما كان جبان زيك؟ ولا لغى شخصيته ومسح اسمه وعاش بشخصية حد تاني واستخبى ف مكان مهجور زي الكلاب زيك؟ وانا هعرفك ازاي تتكلم اصلا ف وجوده وأنك ترفع عينك ف عينه..!! وطلع سلاح ابيض وهيضربه ف قلبه…
آدم : بإشاره ل فهد يمنع مراد..!!
فهد : رغم أنه كان نفسه رشوان يموت..لكن بأمر من آدم مسك كف إيد مراد. قبل الضربه. وقال. اهدا يامراد..وسيب الكبار يربوه بمعرفتهم.. وشد رشوان بصعوبه من مراد. وزقه بغيظ قدام رجل آدم وطارق مره تانيه..
زياد : بدهشه..ولا يازين؟
زين : بخنقه..ايييه عايز ايه انت مش هتفصل؟
زياد : افصل ايه ف يومك ده؟ اخوك مراد كان هيرشق السكينه ف قلب رشوان؟
زين : هز راسه اه منا شايف. بس شكل الحج آدم مالوش مزاج انه يتقتل دلوقتي؟
زياد : فتح عينيه بدهشه..مالوش مزاج؟
زين : نفخ بنفاذ صبر. بقولك ايه.؟ روح اقف جمب رعد وسبنى اتمزج من ال بيحصل..
زياد : لا ياعم..خليني هنا لما نشوف نهايتها ايه؟
زين : بسخريه..معروفه طبعا..نهايتها سودا ع دماغهم..
رشوان : بينهج بغيظ..وجبينه قدام جزمة آدم..وصك ع اسنانه بكُره شديد.. ودي رابع مره كرامته تتمسح ف الأرض..
رؤوف : بيتألم وبيستغيث..وبيصرخ بعلو صوته..لكن مفيش صوت..خلاص راح يارؤوف.
وسامر : مغمى عليه اثر حقنة منوم ومخدر..ومش حاسس بالدنيا…!!!
شاهين وعاشور.واقفين جمب بعض..وكل واحد ماسك سلاح..وبيراقبو الحرس..وال يفوق منهم يضربوه..لحد ما القوه توصل..!!
آدم : تجاهل رشوان..وبص ع رؤوف.. وابتسم بهدوء..وقال.. رؤوف الجبالي..!!!
ال بيحاربني ف شغلى وصفقاتي..وقولت مفيش مشكله..بما أنه بعيد عن عيلتي..خلاص مافيهاش حاجه.. سبتك تلعب وانا كنت بتسلى.. لاني عارف إنك فاشل وغبي وباعت زكي هيكل صديقك ل زين أبني..
وفوق كل ده جبان..!!! واجبن من إنك تخطط لمراقبة بيتي.
.وأجبن مليون مره من إنك تخطط لقتل براءة حفيدتي..
وأجبن من إنك تحط كيس بودره واحد بس ف مخزن من مخازن العدوي..مش كميه كبيره زى ال عاشور حطها. قبل كده؟
واكيد ف عقل مدبر وراك..!! وانت ناسي إن أنا حاطك ف دماغي من يوم ما قربت من مملكة العدوي..!!
المشكله من البدايه..انك بتجازف بحياتك مقابل شوية فلوس..!! والموضوع بعد كده وسع منك ومعرفتش تتصرف..
لحد ما جالك ال فكرتو أنه هيرفعك لفوق..!!! وانت متعرفش إن ده؟
وشاور ع رشوان..وكمل.. راس الافعى الحقيقى. وسمه قبل ما يدمره هيدمر كل ال حواليه واعوانه..!!
والنتيجه اهي.. اتقطع لسانك..واكيد تستاهل..!!
وبص ل رشوان.وقال..بثقه..!!! مش كدا يارشوان..!؟
ولا نسيت..!!! لو نسيت انا افكرك..!! إنك مغتلس وحيوان وحقود وجواك نار هتحرقك انت قبل اى حد.
نسيت من ٢١ سنه ف المخزن.لما كنت بتصرخ زى الحريم..وتطلب الرحمه..!!!
نسيت انك مكنتش عارف تنطق اسمي..ومن خوفك قدامي.نطقته وانقذت نفسك وقولت آدم باشا..!!!
وآدم قرب من وشه.وقال بشماته..نسيت إنك عملتها ع نفسك قدامي يارشوان..!!! وضحك بشر..وقال بفحيح افعى..انا بقى مش ناسي..!!
رشوان : بيسمع آدم..ومش ناسي اى حاجه من ال حصل زمان..والنار بتزيد ف قلبه..وبينهج من غيظه..
وعايز يصرخ ويقتل آدم.. لكن شتان..اى حركه منه..هيكون ميت ف نفس اللحظه..!!
——————بقلمي مريم نصار.
آدم : حط رجل ع رجل..وقال بصوت جهوري..انا قولتهالك زمان يارشوااان..وهقولهالك دلوقتي..
اوعا تكون مفكر انى مش عارف بخبر موتك. وقولت خلاص كلب وراح.
.لكن ال حصل إن ديل الكلب عمرو مايتعدل..وانك مصمم تموت ع أيدي..!!
واوعا تكون مفكر إني مش عارف إن المخدرات ال اتحطت ف المخزن دى من تخطيتك أنت..
واوعا تكون مفكر انك بتخطط وتتكتك بمزاجك.. لأ..!! لأ انت كنت لعبتى…!!
انا ال كنت بلعب بيك وبمشيك على مزاج آدم العدوي.زي زمان.
واوعا تكون مفكر انك قابلت عاشور بمزاجك لأ..ده بمزاجي أنا..وانا ال قررت ظهورك للعلن.
وهقولهالك تاني…اوعا تكون مفكر نفسك زكي وانك هتضحك عليا برضه لأ . انت أغبى حد شوفته..غبى لانك لعبتها تاني غلط..عارف خصمك أنه مش سهل وبرضه جازفت. عارف انى لو عرفت بحاجه زي دي انا هوديك ورا الشمس.
رشوان : رفع راسه وقال بخبث ممزوج بغيظ..زمان كان معاك دليل ضدي. انما دلوقتي الأمر يختلف.انا مش سايب اي دليل ورايا..وا….
آدم : ضحك بسخريه بصوته كله…
وده طبعا سكت رشوان وهز ثقته ف نفسه..!!!
آدم : بيضحك..وبص ل طارق..وقال كمل انت..اصلي مبحبش اتعامل مع الاغبيه..!!
طارق : بغيظ.. مسك فك رشوان بقوه وغيظ كبير..وقال..
أنت غبي ليه ياحيوان انت؟ عارف ياحمار..!؟ انا مش هستغرب غباءك.. ال يتعلم عليه زمان ويتحبس ١٦ سنه ويضيعو من عمرو..ويتحجج ويتلائم ع الحكومه بمساعدة تجار المخدرات والمرتشين
.ويخرج ع أنه ميت؟ ويرجع يلعب معانا تاني..ف ده قمة الغباء منك..!!!
أنت ماسمعتش ياحمار..هو قال ايه؟ قالك انه عارف انك أنت ال خططت للمخدرات..وكمان عاشور جالك بمزاج آدم.. يعنى معناها إن آدم ديما سابقك بخطوات مش خطوه واحده..
.ولا الحمار مابيفهمش ولا ايه نظامه؟ وكمان كل حاجه انت قولتها اتسجلت صوت بإذن النيابه..
وضغط ع فكه اكتر.. لدرجة إن رشوان بيتألم وبيحاول يبعد ايد طارق عنه..
طارق : كمل بغضب واضح..وانك تخطط لخطف بنتي وحفيدتي..دي غلطت عمرك يارشوان الكلب.. ورحمة ابويا وأمي..ماهتطلع من تحت حبل المشنقه..وهتحصل الكلاب ال ماتو قبلك..!! وده وعد من طارق السيوفي.. وال يفكر ف بنتي بالشر امحيه هو واعوانه..وبص ل رؤوف..وقال بغضب.. وأنت..اقسم بالله العظيم ماهتعيش اكتر من كده يارؤوف الكلب..وهتتعدم مع الكلب ده..وزق رشوان بكُره كبير..
بيتر : زعلان عشان طارق..وربت ع كتفه.. وبص ل رشوان وقال.. خسرت كل حاجه يارشوان..عشت طول عمرك تحارب عشان الفلوس..وياريتها هتنفعك..!!
آدم : قال بجمود..بص حواليا يارشواااان..وشاور ع اخواته وولاده ورعد وشاهين وعاشور.. وقال بفخر..هذا من فضل ربي عليا..
ربنا رزقني باجمل اخوات وصحاب واجمل عيله. وولاد ونسب..
.عندي عيله بكنوز الدنيا كلها.. رضيت بالمقسوم.. وشكرت ربنا ع الصغيره قبل الكبيره.. وربنا قال.. وإن شكرتم لازيدنكم.. وصدق الله.. وزادني خير وزريه وأحفاد..
ومسك رشوان من كتافه وقومه..وبص ف عينيه وقال بقوه.. انا يوم ما اقع هلاقي ال يسندني.. أنت بقى وقعت اهو.. مين هيسندك؟
للأسف الشديد مفيش يارشوان…!!
أنت سلمت نفسك لشيطانك..بصيت لرزق غيرك. استكترت ع غيرك القسمه ال ربنا كتبهاله..وكل ما تطمع اكتر..النار ف قلبك تزيد اكتر واكتر..نسيت نفسك..نسيت مستقبلك.. جشعك وطمعك نساك تكمل نص دينك..وتعمل اسره وبيت وعيله وتعيش زيك زي غيرك.
.كبرت وقطر الحياه فاتك..وعجزت وبقيت عود هش سهل تنكسر..ولو وقعت مش هتلاقي ال تتسند عليه..لا اخ ولا صاحب ولا ذريه.. أنت بترت نفسك بايدك يارشوان..بترت نفسك بكل ال حواليك..
أنت غلطت زمان لما وقفت قصادي..لما سرقتني.
.وكمان اتسجنت واتبهدلت زي ما انت قولت..لكن للأسف انت متعلمتش..خرجت اسؤ من الأول.. عايز ثروه وفلوس. بقى عندك وعن طرق كتير غير شرعية…
مخوفتش من ربك وانت بتستحل الحرام؟ ضميرك محاولش معاك مره ويقولك أنت السبب يارشوان.؟ مقالش ليك أنت البادي..والبادي اظلم..
فكرت تتنقم مني ف حريم عيلتي؟ كنت عايز تقتل براءة حفيدتي..وتخطف بنتي وحفيدتي.. لأ دي لوحدها برقبتك يارشوااان..وانا مش زعلان عليك. ومستنى اليوم ال هشوفك وأنت بيتلف حوالين رقبتك حبل المشنقه..
مراد ابني..عايز يقتلك..وعايز يطلع قلبك بايديه وانت صاحي..عايز يقتلك بالبطيء.. عايز يقطع من لحمك وانت حي..عايز يشوفك وانت بتتعذب..وتبوس ع رجليه وتتمنى منه أنه يقتلك ارحم من العذاب ال انت هتشوفه ع ايديه..
بس انا رفضت..عارف ليه؟ مش عشانك.. لأ انا اتمنى اني اعمل فيك كدا واكتر. ال يفكر يأذي عيلتي..يبقى روحه المقابل..ودى مفيهاش نقاش بالنسبالي..
بس انا مش عايز ابني يلوث ايديه. بدم كلب زيك..مع إن الكلب وفي يارشوان…الكلب وفي.. ودلوقتي قضى الأمر يارشوان.انت خلاص انتهيت وللابد.!!! وسابه واتحرك خطوتين.. وقال ل رعد بأمر . اتصل ع مالك يبعت القوه يارعد..!!!
رعد : حصل ياباشا..والقوه كلها دقايق وتكون موجوده..!!!
رشوان : بيسمع آدم..وبينهج..واستكتر كل حاجه ع آدم اكتر واكتر..واتغاظ. وكرهه ل آدم بيزيد..وشايف انه محظوظ ف كل حاجه.. وكمان قضى الأمر واكيد هيتعدم بعد الاعتراف..وف لحظة شيطانيه..وخبث شيطاني..رشوان.مثل الندم..وحط ايدو ع وشه..بخبث..وايدو التانيه مسك العكاز وف ااقل من ثانيه.مسك الجمجمه ال ف العكاز وسحبها بسرعه وعبارة عن سكينه..وقال انت لازم تموووووت يا آداااام . وحدف السلاح ف قلب آدم….!!!
الجزء الثاني
رشوان : بيسمع آدم..وبينهج..واستكتر كل حاجه ع آدم اكتر واكتر..واتغاظ. وكرهه ل آدم بيزيد..وشايف انه محظوظ ف كل حاجه.. وكمان قضى الأمر واكيد هيتعدم بعد الاعتراف..وف لحظة شيطانيه..وخبث شيطاني..رشوان.مثل الندم..وحط ايدو ع وشه..بخبث..وايدو التانيه مسك العكاز وف ااقل من ثانيه.مسك الجمجمه ال ف العكاز وسحبها بسرعه وعبارة عن سكينه..وقال انت لازم تموووووت يا آداااام . وحدف السلاح ف قلب آدم..
وف أقل من ثانيه. حصل صمت مع حبس انفاس كل الموجودين..
بيتر وطارق قامو برعب كبير..وف صوت واحد… آدم…!!!
زين : جري بسرعه ع أبوه لكن ملحقش..ووقف مكانه بصدمه كبيره..
عاشور : كان أسرع من رشوان..وزق آدم..واخد السكينه ف كتفه..ونزل ع الأرض..
آدم : فتح عينيه بصدمه..ومسك عاشور..
مراد : اول ما شاف السلاح رايح ناحية آدم..دخل ف حته ضلمه.. واتحول لشيطان.. ومسك رشوان..وبوكسات ف وشه ورا بعض بشر كبير جداااا. وهلكه ضرب ونزف من وشه..والفنش بتاع مراد لل يدوس ع طرف أبوه..كان تلات طلقات نارية ف قلب رشوان.
رشوان : وقع ع الأرض.يلفظ أنفاسه الأخيرة. ومات راشون..
مات نتيجة شره وحقده ع مديره ..مات نتيجة عقله المريض وسلم نفسه لشيطانه.وصدق انه ليه حق ف إمبراطورية آدم.. مات وشاف مقعده من النار.وشاف شيطانه ال وسوسله وهو بيتخلى عنه وسمعه وهو بيقول اني اخاف الله رب العالمين.
يعنى محدش قالك صدقني. دانا شيطان ومعروف عني التضليل والتفرقه والشر.والكدب والحرام.
رشوان دلوقتي مهما يقول رب ارجعون لعلي اعمل صالحاً فيما تركت.. خلاص قد أتتك ايات الله من قبل.. وانت سلمت نفسك لشيطانك..مات رشوان وهياخد جزاءه من رب العباد..
أما قتل مراد ل رشوان…ده طبعا..كان دفاع شرعي عن النفس والغير..وكمان بشهاده عاشور وشاهين ان رشوان كان محرضهم ع خطف فريحه وتالين وغيرو من مؤامرات.. يعني مفيش قلق ع مراد ومستقبله..
فهد : قلبه دق بخوف. لكن أتنفس الصعداء.. إن آدم بخير. وقبض ع ايديه بغضب شديد جدا..وراقب مراد..وقلب فهد استريح جدآ مع طلقات الرصاص ف قلب رشوان…!!
——————بقلمي مريم نصار.
الكل اتحرك بسرعه عند آدم…Автор: Меріам Насар
آدم : نزل ع الأرض..وساند عاشور..
عاشور : مغمض عينيه بألم..وماسك كتفه..وبينهج..
بيتر وطارق ف صوت واحد.. آدم انت كويس؟
زين : بدقة قلب خايف..بابا انت كويس..!!
زياد : واقف جمب زين.. قلبه بيدق بقلق واضح..
رعد : نفخ باريحيه كبيره جدا.. إن آدم بخير..
شاهين : واقف ورا آدم..عشان اى حد من الحرس لو فاق..يحميه..!!!
آدم : بحزن حقيقي..ليه كدا ياعاشور..!!
عاشور : ابتسم بوجع. وبينهج وقال بتعب.. سيادتك ال بتسالني ليه كدا؟ وبلع ريقه بصعوبه..انا مهما عملت مش هيجي جزء صغير من ال سيادتك عملته معايا..وغيرت حياتي للأحسن..
آدم : مسح عرق جبين عاشور..وقال. طيب متتكلمش أنت بتنزف..!!
عاشور : ابتسم بتعب..دي ضربة سكينه حاجه بسيطه…!!!
آدم : صك ع أسنانه………ومتكلمش……!!!!
بيتر: بحزن حقيقي وشكر أكبر… وعيونه لمعت بدموع..وقال بامتنان… أنت انقذت رفيق عمري ياعاشور… أنت رديت فيا الروح من تاني…!!!
طارق : ضغط ع شفايفه بخنقه كبيره..ومش عارف يتكلم..حاسس انه صوته رايح.. وغمض عينيه وافتكر لحظة رشوان.وف لحظه كان آدم انتهى.ولولا عاشور..كانت السكينه هتكون ف قلب آدم..وفتح عينيه بسرعه..وقام وقف وحس أنه مش قادر يتنفس..وخرج بره الفيلا.
آدم : بحزم..شاهين…!!!
شاهين : تحت امرك ياباشا..!!!
آدم : عاشور يتنقل حالا ع مستشفى الدكتور محمد..بسرررعه…
بيتر : برفض.. لأ..عاشور هيروح ع المستشفى عندي.. تعالى ياشاهين..خد عاشور والسواق بتاعي هيوصلكم بسرعه..واحنا بعد ما نخلص الاجراءت هنحصلك ع هناك..
شاهين : تحت امرك يابيتر باشا..!!!وقرب من عاشور.. وابتسم..يلا يابطل…!!!
عاشور : ابتسم..وحاول يقوم. وقال يلا يصحبي.
شاهين : ساعد عاشور. وعاشور سند عليه.
آدم : مسح وشه بايديه ونفخ بخنقه..وقال رعد روح مع عاشور. ماينفعش يبقى لوحدو..
رعد : بإحترام.. أعذرني سيادتك..اوصلك البيت بأمان..وبعدها اطمن ع عاشور..
آدم : اكتفى بهز راسه…!!! وبص ع طارق ملقاهوش…
بيتر : ربت ع كتفه. آدم أنت بخير…!!!
آدم : بشبح ابتسامه.. اطمن يصحبي..انا بخير..
مراد : واقف عينيه ع رؤوف..بغضب جامح…
رؤوف : شاف رشوان مقتول…ومن شكل مراد قلبه كان هيقف من الرعب..واغمى عليه..
فهد : قرب من مراد.. وربت ع كتفه. خلاص يامراد. كل حاجه هتبقى تمام..رشوان مات.. ورؤوف هيتعدم..والحج بخير…!!!
مراد : صك ع أسنانه وغمض عينيه..وساكت…..
فهد : ربت ع ضهرو..تعالى بقى نطمن ع عمى مش حلوه كدا..وشدو من ايدو…
زين : اتنفس الصعداء..ورغم كل الموجودين. اترمى ف حضن ابوه. وغمض عينيه وبيكابر دموعه..وقال بصوت مبحوح.. الحمدلله انك بخير يا بابا…!!!
آدم : بدقة قلب..وابتسم بحب. وضم إبنه لقلبه..وقال الحمدلله انا بخير اطمن يازين..!!
زين : خرج من حضنه. وقرب من مراد..وقال مراد انت كويس دلوقتي..!!!
مراد : بصوت مخنوق بدموع..قال..مش قادر اتكلم دلوقتي.يازين..!!!
آدم : حس بابنه…وقرب منه..وبص ليه…!!!
مراد : فكرة خسارته لابوه كانت شبه مستحيله.وقسمت قلبه نصين..وغصب عنه عيونه دمعت. ونفخ بخنقه..وبص بعيد…
آدم : ابتسم..وقال تربية طارق بصحيح..زيه بالظبط.. وفتح ايديه ل مراد..وابتسم…
مراد : بيكابر دموعه..لكن ماصدق..واترمى ف حضن أبوه.. وضمه بقوه كبيره.. لأنه عمره ما يقدر يتحمل خسارته هو ومريم…!!!
وكمان مراته وبناته الاتنين كانو ف خطر.. ودلوقتي ابوه..والكلام كله اتبخر..ونفسه يهرب بعيد..احساس جديد وغريب وحاسس أنه مخنوق جدا..
آدم : ربت ع ضهرو..وهمس ابوك بخير يامراد.. ومراتك وبناتك بخير.. وأنت خدت بتارك.. يبقى نضحك ونشكر ربنا إن الكل بخير ولا ايه؟
مراد : خرج من حضنه.. ولسه مش قادر يتكلم..لكن حاول يبتسم. وهز راسه..
فهد : متابع كل حاجه..وساكت..وسلم ع آدم..
زياد : اطمن ع آدم..وقال هو عمي طارق فين؟
ف جنينة رشوان…
طارق : واقف ورافع راسه للسما..وبيتخيل لو كان آدم جراله حاجه…يااااه مجرد التخيل بشع..اصل آدم ده مش صحبي ولاحتي نسيبي..ولا حتى اخويا بس.. لأ هو توأمي.نصي التاني..علاقتنا مش قادر الاقي ليها مسمى.. آدم بيكملني.. آدم ضهري..وغمض عينيه بتعب..واتنهد…!!!
آدم : عارف تصرف طارق..وعارف أنه اخوه حقيقي زعلان عليه ..لكن جه من وراه.وقال بهزار.. كان نفسك السكينه ترشق..عارفك انا..بس ع مين انا زي القطط..وراشق ف حياتك زي الغرا…!!!
طارق : مسح دموعه..ولف ليه…وقال. رشوان نظره ضعيف بقى…يلا منه لله معرفش ينشن كويس..!!
آدم : ضحك بصمت..وقال..طيب روق كدا انا كويس.
طارق : رفع عينيه ليه..وقال. مش عارف انا كنت هعمل ايه لو….ومقدرش يكمل…
آدم : ربت ع كتفه وابتسم..خلاص بقى وحد الله.انا اهو قدامك وزي الفل الحمدلله..
طارق : بتنهيده…لا اله إلا الله..محمد رسول الله..
آدم : ههههههه والله نفسك تترمي ف حضني. انا عارف..
طارق : بغيظ..منتا لو عندك دم..تشدني كدا زي الصحاب. انما انا ربنا رزقني بيك..عملى الاسود ف حياتي..
آدم : ضحك من قلبه..وشد طارق لحضنه بحب كبير..وربت ع ضهرو وهو لسه بيضحك…
طارق : اتنهد. وحضن آدم بحب اكبر..وقال الحمد لله إنك بخير ياحبيب اخوك…
آدم : بمكر.. قاعد ف حياتك ومتربع يابن السيوفي..
طارق : ضحك..أحلا تربيعه دي ولا ايه؟ وضحكو..
——————بقلمي مريم نصار.
بعد شويه..جت القوه.
طارق : شرح ال حصل للظباط. وقدمو الادله المتسجله بإذن النيابه من مالك الصاوي.
ومطلوب شاهين وعاشور بكره ف النيابه لل استجواب وتقديم باقى الادله..
وتم القبض ع رؤوف..وهيتعرض ع دكتور القسم.. وسامر اتقبض عليه. لانه شريك ف بعض القواضي مع رؤوف. وباقي الحرس اتقبض عليهم لاستشهاد بالواقعه.
وتم نقل رشوان..للمشرحه.والطب الشرعي..وعمل اللازم..
بيتر : مسح وشه بايديه ونفخ بنفاذ صبر..ياااه اخيرا.خلصنا.كان وقت ممل ومتعب بجد..
آدم : معلش يابيتر.كان شر ولابد منه..لكن دلوقتي كل حاجه تمام..
بيتر : ابتسم.وربت ع كتفه..تمام يصحبي. يلا بقى.هطير انا ع البيت..!!
طارق : بتصميم..بيت ايه ياعم بيتر؟ انت هتتغدا معانا انهردا..!!
بيتر : كشر عينيه وبص ل آدم وقال بتمثيل الدهشه..ايه ده؟ آدم انت سمعت ال انا سمعته؟
آدم : ضحك بصمت……….وعينيه ع مراد..
طارق : بغيظ…انت عايز ايه بالظبط ياض انت؟ عليا النعمه ارجع ف كلامي..لم نفسك علشان متغباش عليك..!!
زين وزياد. ورعد واقفين وراهم بيضحكو عليهم..
لكن مراد .. سابهم وراح قعد ف العربيه..وفهد رايح عندو
بيتر : اله..هو انا اتكلمت ياهباب أنت..انت صوتك عالى ليه..انت شكلك عايز خناقه من بتوع زمان…
طارق : بنرفزه..لاااه..انت مش هتجيبها لبر..اسمع ياض انت.. آدم وكل العيله معزومين عندى انهردا.. وانت هتكون متنيل موجود معانا..اتفقنا.؟
بيتر : ضحك بسعاده.. لا إذا كان كدا..انا راشق معاك يانجم..
طارق : نفخ بنفاذ صبر من بيتر..وقال عيل أتم ورخم..
بيتر : بإحترام..وماله حقك..منتا صارف بقى ههههه..
وكلهم ضحكوا…
طارق : اسمع يا آدم..انا اتصلت ع أم فهد. وقولتلها تتصل ع رينو والحاجه أم مراد. واهو الواد زين وزياد موجودين.. وكل واحد يجيب عيلته ويحصلنا ع البيت..!!!
آدم : رفع حاجبه بتعجب. وأنت قررت من دماغك كدا؟
طارق : بغيظ..استغفر الله العظيم يارب..يبنى انا عازمكو فيها حاجه دي؟ ولو انا مش فارق معاك..ارفض بقى..!!!
آدم : ابتسم..ماشي ياطارق زى ما تحب..
بيتر : بهزار..عاملين محاشي ولحوم وفراخ. ولا قرديحي..!!
طارق : صك ع أسنانه بغيظ واضح… لأ عاملين صينية كيكيه وهنوزعها ع الكل والجيران ياخفيف
آدم : بضحك…طول عمرك مبذر ياطارق.. ههههه..
والكل ضحك..
بيتر : اسكت يا آدم..لا يرجع ف كلامه…!!!
طارق : خبطه ف كتفه. ابو معرفتك انت وهو.. يلا بينا هنتاخر..
آدم : طيب اسبقوني انتو. انا هروح المستشفى هطمن ع عاشور..واطلع ع البيت اجيب أم مراد ونحصلكم…
بيتر وطارق ف صوت واحد. جايين معاك…
بعد دقايق…
آدم : ايه يامراد هتعمل ايه؟ هتيجي انت وفهد ع الغدا…!!!
مراد : بتعب.. آسف يابابا..مش هقدر…!!!
فهد : اتكلم..عمي آدم. انهردا بلاش فريحه ورينو يعرفو اننا مسافرناش…انا هاخد مراد ع شقة بابا القديمه..وهقضي اليوم معاه . وبكره إن شاء الله..نرجع.. كأن المأموريه تأجلت ورجعنا…!!!
آدم : شايف حالة صدمه ع مراد وخنقه كبيره .واكيد ف الوقت ده..محتاج لصاحبه..وهز راسه واتنهد..وربت ع كتف مراد .وقال..تمام كدا افضل حتى يكون مراد فاق شويه.. وبص ل فهد..خلي بالك من اخوك يافهد…
فهد : ابتسم..ف عينيا ياعمي.وبص ل مراد..وركب العربيه.وساق..
وكل واحد اتحرك..لكن زياد واقف سرحان…
زين : بتعجب..اله؟ مالك ياعم زيزو يلا الكل مشي..
زياد : مط شفايفه بتفكير..ولا يازين..!!!
زين : هز راسه بنفاذ صبر. خير يازياد باشا..!!!
زياد : كشر عينيه وقال..الحج آدم..قالنا اول امبارح ع نص الحكايه…وقال ليا انا وانت..هحكيلكم كل حاجه حصلت بعدين.!!!
زين : حط ايدو تحت دقنه..بتفكير..وقال. امممم..صح .انا لحد دلوقتي..معرفش مين عاشور ده.. وايه حكايته..وليه لما انقذ بابا قال ده مايجيش ربع ال عملته عشاني… طيب ايه رايك نسأل بابا اول ما نروح عند عمي طارق.!!؟
زياد : بدهشه..اه ياخويا.. اسالوا قدام العيله..عشان نكون انا وانت جمب رشوان…لا ياعم ماينفعش..!! بس انا هموت وعايز اعرف كل حاجه..!!!
زين : بتفكير…طيب اسمع..ايه رايك بكره إن شاء الله..ف اول فرصه..انت تيجي وندخل لبابا المكتب..ونقوله بقى يقولنا كل حاجه..ها حلوه اوي دي صح.؟
زياد : بإعجاب..اممم تمام صح كدا..يلا بقى عشان اروح اجيب ماليكا وحياة..
زين : تمام يلا بينا…
——————بقلمي مريم نصار.
ف ألمانيا…
آدم مراد : داخل الفندق بهيبه كبيره.وسماعه بلوتوث ف ودنه..ومعاه اكتر من خمس رجال لابسين زي مكتوب عليه السفاره المصريه.. وطلع فوق من غير ما يسأل ولا يتكلم مع حد..!!! ووصل قدام غرفة كامليا. ومستني لحظة خروجها…!!!
كامليا : متنرفزه جداً..وقامت اخدت الشنطه.وبتلعن ف ميرو وتيم.وخارجه.وبتفتح الباب..واتخضت.لل واقفين قدام الباب.ورجعت بضهرها بخوف.وبلعت ريقها بخوف. وشافت علامة السفاره المصريه..واكيد بيتكلمو مصري..وقالت برهبه…أنتو مين..!!؟
آدم مراد : دخل بجمود وقف قدامها بغضب واضح..
كامليا : بلعت ريقها بخوف من هجومه..وقالت بتلعثم..ا.أنت ميين..!!!؟
آدم مراد : بغضب عارم… الديزل..!!!
وبص ع ملامحها.. شكلها قريب جدا من ميرو..بس ميرو أجمل لأن ميرو واضح ف ملامحها البراءه والطيبه..اما كامليا وشها بينزف غل وكُره..وقال جواه.. استحاله تكون شبه ميرو..استحاله..وقبض ع ايدو..!!!
كامليا : عينيها تايهه بينهم.. وخصوصاً آدم..والسلاح ال ف أيدو..وقالت بجديه مصطنعه.. أنتو مين؟ وازاي تدخلو عليا بالطريقه دي…!!! اتفضلو اطلعوا برااا…!؟
آدم مراد : افتكر كلام عامر…وهو بيقلع ميرو فستانها وحجابها..والدم غلي ف عروقه…وضرب كامليا قلم بقوته كلها..
كامليا : صرخت بصوت عالى..ووقعت ع الأرض من قوة القلم…!!! وصكت ع أسنانها بغيظ كبير..وقامت ولسه هتزعق…!!!
آدم مراد : رفع الشاره ف وشها.. مخابرات عامه..وقال بنبرة توعد وغضب..كامليا عبد الباري..مطلوب القبض عليكي بتهمة التخابر مع منظمات أجنبية.وافشاء أسرار بلدك.. للمنظمه..!!!
كامليا : فتحت عينيها بصدمه..ولسه هتتكلم..!!!
آدم مراد : خدرها..
كامليا : محستش بنفسها ووقعت ع الأرض…!!!!
آدم مراد : بجمود..شيلوها..ونفذوا كل ال قولت عليه..!!! وسابهم وخرج…!!!
كلهم : تحت امرك ياباشا…!!
بعد حوالي ساعتين ونص..!!
ف شقه كبيره… وف اوضه ضلمه..وموجود فيها ترابيزه وأتنين كرسي..ولمبه فوق التربيزه بالظبط..!!
كامليا : قاعده ع كرسي..ومربوطه..ومغمى عليها..!!!
شاب : قاعد قصادها..ومسك جردل فيه ميا ومكعبات تلج..ورفع الجردل فوق كامليا وكل التلج نزل ع راسها عشان تفوق..!!!
كامليا : فاقت بشهقات كتير..وبتاخد نفسها بالعافيه..وبتنهج…وبصت حواليها..والاوضه ضلمه.. وبدأت تصرخ.وبتنهج.انااااا فييييين؟ اناااااا فييين؟
الشاب شغل اللمبه..وقعد قدامها..انتى تحت الارض يا انسه كامليا..!!! ولا نقول يادكتورة؟ ولا نقول يازعيمه؟ ها تختاري ايه؟ اعرفك بنفسي.. المقدم عامر…!!! مخابرات عامه..!!!
كامليا : قلبها بيدق بسرعه كبيره..وخافت..وقالت بتلعثم..تح…تحت الارض؟ وا.. وا زعيم…زعيمه…و عامر…وفتحت عينيها بصدمه..عامر…!!! لأ لأ مستحيل..!!
عامر : بمكر ..هو ايه ال مستحيل يازعيمه..؟
كامليا : صرخت فيه..انا مش زعيييييمه..انا معرفش حاجه..ومعرفش انت بتتكلم عن ايييييه؟ انا برييييئه. برررييييئه…!
عامر : فتح الفون..وقال اومال صورتك دى من اسبوع ف فندق (….) انتى والملثم ده..خدعه يعني؟ وزعق انطقى يابت…!!! وقولى انتى شغاله لحساب مين؟ يمكن شغاله لحساب ظابط مصري؟
كامليا : صرخت بصوت عالى.. لااااااااااااااء انا مش شغاله لحساب حد…انا برررييئه…بريييييئه..حرام عليكم..
عامر : شدها من شعرها بقوه..بصي كويس ياروح امك..الظرف ال انتى طلعتيه من شنتطك..وقدمتيه لل قاعد معاكي ده كان ايه؟
كامليا : بتتألم..وزعقت..ده شغل خااااص بيا انا..وبعيد عن اى حاجه انت بتقولها..انا مش تبع اى حد. سسسيببببني اروح. خلييبني امشي من هناااااا..
عامر : ولع سِجاره.. وقال اممم شكلك مش هتعترفي بسهوله… طيب..الفلاشه دى ف قلب هدومك بتعمل ايه؟
كامليا : بتعيط..وقالت فلاشه…!! فلاشة ايه؟
عامر : فلاشه ياروح امك..عليها اسرار توديكي من هنا ع جهنم.. اسرار وزراء مصريين.ورجال أعمال مهمين جدا جدا..وانتي بقى مشرفانا هنا لحد ما تعترفي…!!!
كامليا : بصدمه..وصرخت بهستريا.. لااااااااااء انا معرفش حااااااجه..معرررررفش..انتو كدااابيييين..كدابييييين..
عامر : شال الجردل التاني.. ودلقو عليها وكله تلج. وقال…هتفضلى كدا لحد متعترفي…
كامليا : بتشهق من التلج..وبتنهج.. ومرعوبه وبتصرخ..
وعامر فضل ع نفس الطريقه مع كامليا..يضغط عليها بالاسئله..ويدلق عليها تلج…
وكامليا..صرخت كتير جدا..ودخلت ف حالة هيستريا..واغمى عليها…
عامر : فتح الباب..وقال تمام ياباشا..
آدم مراد : قاعد وقدامه شاشة عرض..ومتابع كامليا..
وهز راسه للشاب..وقام وقف..ودخل عند كامليا..
ادم..قعد ع طرف التربيزه..وبص ل كامليا.بكُره دفين.. وصك ع اسنانه..وقال بتوعد ممزوج بغضب..انا كان ممكن اوي اعمل فيكي نفس ال عملتيه ف اختى..بس لأ..
انا لا تربيتي ولا ديني يسمحولي بكدا…بس انا بقى هعرف ازاى ادخل الرعب لقلبك..
واتعدل..وغمض عينيه بغيظ كبير..ورجع بالذاكره..
فلاش باك..
آدم مراد : ف الفون..تيم انا بعتلك الفيديو..ومقولتش انت عملت ايه؟
تيم : بخنقه..انا من يومين بعت الفيديو لكامليا يا آدم..وكمان خلتها تشوفني انا وميرو فيديو..ومن وقتها وانا قلقان..
آدم مراد : بتركيز..طيب احكيلى رد فعلها كان ايه؟ وقالت ايه بالظبط؟
تيم : شرح ل آدم كل حاجه..وكمل وقال..ومن وقت ما هددت انها هتقتل مريم وانا قلقان..انا بفكر انزل ميرو مصر وانا اسافر ليها ألمانيا..!!!
آدم مراد : بتفكير..طيب اكيد انت تعرف عنوانها هناك مش كدا؟
تيم : ايوه صديق ليا عارف العنوان وقالى عليه..!!!
آدم مراد : هز راسه تمام..وانت قولتلها انها ف قبضتك..يعنى مفهومه انها متراقبه..!!
تيم : بحيره..ايوه بس انا مش مراقبها..انا لازم اسافر ليها واوقفها عند حدها..كامليا مجنونه ومش هتستسلم بسهوله…!
آدم مراد : بص قدامه..ابعتلي انت بس العنوان مع صوره ليها..ومالكش دعوه بأي حاجه تاني .
تيم : بتفهم..تمام .بعد ما اقفل معاك..هبعتلك كل بياناتها..
بعد كدا..آدم مراد..اتفق مع مجموعه خاصه..وسافرت المانيا.وراقبو كامليا ليل ونهار..ويبلغو آدم بكل جديد..
ف يوم كامليا..خرجت من المستشفى..ع فندق صغير وقديم..وقابلت هناك شاب أمريكي وكان ملثم ودراعه عليه وشم كتير جدا..وشكله متشرد.واتكلمو حوالى نص ساعه وقدمت ليه ظرف فلوس وخرجت.. وبعد المقابله.. بلغو آدم.
آدم مراد : قالهم خدو الشاب ده .وادفعوله ال هو عايزه..بس يعرفو منه كامليا كانت عايزه ايه؟
وبعد كدا..مشيو ورا الشاب..لحد ما دخل ديسكو. يصرف اول دفعه من كامليا..
الحراس اتعرفو عليه..ودفعوله الضعف. وقالهم.. إن كامليا اتعرفت عليه عن طريق ممرضه ف المستشفى..وهي تبقى صديقته.وكامليا شرحتلى إنها متجوزه من فتره صغيره..وجت بنت اتعرفت عليهم..وضحكت ع جوزها. وبعد كدا اتجوزها. وهي عايزه ترجع جوزها تاني .وتبعد البنت دي عن طريقه. وطلبت مني انى اسافر معاها القاهره..وهقيم ف شقه وهتعرفني ع البنت..وانا بطريقتي الخاصة..هخطفها ع ألمانيا. وطلبت مني إني أشغلها لحسابي الخاص. ك دعاره وغيرو .وانا هغير هويتها بمعرفتي..واتفقنا أننا نسافر خلال الاربع ايام ال جايين.مقابل مبلغ مالي كبير جداً.
واحد منهم اتصل ع آدم وبلغه..وطلب منه يحجزله تذكرتين.. و تذكره لدهب تمويه للعيله.. وكمان هددو الشاب ده يبعد عن كامليا نهائي..وهو متراقب..
آدم مراد : كان متماسك لأقصى درجة قدام العيله..ومقالش لأى حد حاجه. لانه عارف جدو هيرفض أنه يتدخل ويسيب تيم يتصرف..بس دى اخته..شرفه..وكمان ف بنت زيها وعايزه تدمرها؟ ومش اى تدمير..ده كمان خطف بره البلاد.. وتشغل اخته ف……..!!!!
وطلع اوضته بسرعه ومخنوق جدااا.وفكر كتير..يعمل ايه؟
. ياخد عامر من المخزن ويخليه يعمل مع كامليا نفس ال اتعمل مع اخته.؟.وصك ع اسنانه بغضب وقبض ع ايديه وأقسم أنه يدخل الرعب لقلبها..وقال مش انا ال اعري بنت قدامي..!!! بس اقسم ليكى ياكامليا…لاخليكي..تخافي تمشي ف عز النهار…
.وبعدها بيوم اتصل ع الحرس..واتفق معاهم أنهم يجهزو ويلبسو لبس سفاره مصريه. ويلبسها قضية تخابر وجاسوسيه.. وأجر شقه لمدة ٢٤ ساعه بس. وهيعيش كامليا ف أسؤ كابوس هيمر عليها ف حياتها..
وقال لشاب ال هيسالها..قولها إن اسمك عامر..
وآدم : صمم أنه يكون بعيد عنها..عشان مش هيقدر يتمالك اعصابه.وممكن ف لحظه يقتلها..
عوده للوقت الحالي..
آدم مراد : قام بغضب..ونده ع الشاب..وقال بأمر..فوقوها.. وتسألها وتضغط عليها.. أنا عايزها تعيش يوم معاشتوش ولا هتعيشه ف حياتها كلها ..فاااااهم….؟
الشاب : فاهم ياباشا…!!!
——————بقلمي مريم نصار.
ف نفس الوقت ف فندق تركيا..
محمد ونور..جهزو شنطة السفر.وبيستعدو للرحيل..
تمارا : زعلانه جدا..وقالت بليز يابابي..بليز يامامي..بلاش ترجعو مصر انهردا..خليكو معايا يومين كمان..!!
نور : ابتسمت..غصب عننا ياحبيبتى..مامي وبابي وحشوني جدا..وكمان كفايه كده. شوفناكي واطمنا عليكي..وانتى كلها اسبوع وترجعيلنا انتى و اريان بألف سلامه..
تمارا : ………….
محمد : ضمها لقلبه بحنان..حبيبت قلبي. احنا لازم نرجع مصر..انا عندى عمليات كتير..وكمان انا ونور سايبين المستشفى..فتره كبيره..وكدا غلط وماينفعش. تيما انا شوفتك وطبعا مستحيل اشبع منك..لكن انا هنتظر بفارغ الصبر..اخر الاسبوع علشان تنوري مصر..وتنوري حياتنا ياروحي..
تمارا : حضنته بدموع..هتوحشوني أوي أوي يا بابي..
محمد : ربت ع ضهرها..واتنهد.. وانتى وحشانى من دلوقتي يقلب بابي..يلا بقى اضحكي كدا وبطلى عياط.. انتى عروسه..هو ف عروسه قمر كدا بتعيط..همم وضحك..وباس جبينها..
نور : ضمتها بحنان..وعيونها لمعت بدموع..وابتسمت بتمثيل.. روقي كدا ياتيما.بالله عليكي انا عايزاكي ع طول مبسوطه يقلب مامي..
تمارا : حاولت تبتسم..حاضر يا مامي. خلى بالك من نفسك.. وخلى بالك من بابي. ارجوكي..وكمان متخليهوش يشرب قهوه كتير ومايكترش من السكريات..اوكي..؟
كلهم ضحكو بسعاده..
نور : ضحكت بسعاده.بتوصينى ع ابو عمري كله.. متقلقيش الدكتور ف عينيا..
محمد : قلبه بيضحك بسعاده..ع أم أبيها..
تمارا : خلي بالك من نفسك يابابي..وبليز متهملش صحتك..وخلى بالك من مامي..
محمد :ضحك نوري ف وريدي..ركزي انتى بس ف حياتك.وربنا يمن عليكم بنعمة السعاده..
كلهم آمين..
اريان : سلم عليهم..وودعهم..ووصلهم للمطار مع تمارا.. وركبوا الطياره..وراجعين لأرض الوطن..
تمارا : بتعيط..
آريان : وبعدين بقى..ينفع ال انتى بتعمليه ده؟
تمارا : بدموع اصلى انا عارفه إن بابي ومامي متعلقين بيا انا وتيم قد ايه.؟ واكيد زعلانين..وانا زعلانه اوى عشانهم..
آريان : بمكر..يستي زعلانين مين بس؟هو ف ناس زعلانه تروح دهب؟وغمز ده خالى محمد ده طلع مش سهل برضه هههه..
تمارا : كشرت عينيها بتذمر..قصدك ايه يا آريان؟
آريان : ههههههه كل خير طبعا.. يلا بقى تعالى نرجع ع الفندق..عشان عازمك انهردا ع غدا ف مكان فخم جدا جدا..
تمارا : بفرحه..واو بجد؟
آريان : قرب من وشها..هو انتى مش كنتى لسه بتعيطي؟ ههههه
تمارا : خبتطه ف كتفه.. بس بقى…!!!
آريان : ااه..بتضربينى ياتيما؟ ماشي ماشي..انا هسكت..ياريتها تيجى ع الضرب وبس..!! دلوقتي اى غلطه من الراجل يتشفى ويتحط ف أكياس.ف انا تحت امرك ياروحي..
تمارا : ههههه.. حبيبى يا آريان..ربنا يديمك ف حياتى العمر كله..
آريان : حط ايدها ف ايدو…وخارجين من المطار..ويديمك نعمه ف قلبى العمر كله..
فجاءه. حد ماشي وشايل شنطه خبط ف آريان..والشنطه وقعت…..!!!!!
= : اوبس.. آسف جداً.. مييين..!؟ آريان العدوي…!!!
آريان : انتبه..ورفع عينيه..وبص باشمئزاز وغيظ..وقال بجمود..أنت…!!!
بعد شويه ..
آدم وطارق وبيتر..راحو المستشفى..واطمنو ع عاشور.. وهيخرج بليل إن شاء الله.. وشاهين معاه. وآدم أمر شاهين..انه يوصل عاشور لحد بيته..
آدم اتصل ع مريم. وطمنها عليه..وقالها تجهز نفسها. وكمان رينو و آرين.. وانا جاي ف الطريق. هاخد شاور.. ونخرج نروح عند طارق..!!
مريم : قفلت..وحست بارتياح..وابتسمت برضا..ودعت للكل..وقامت تلبس وتبلغ رينو و آرين..
آرين: اول ما عرفت..فرحت جدا انها هتروح عن جدها طارق.. لكن ف نفس الوقت حاسه ان فرحتها ناقصه حاجه مهمه جدا.. ومسكت السلسله وبصت ليها..وقالت كان نفسي اشوفك قبل ما تسافر..!!!
كان نفسي اسمع منك ضي آدم.. كان نفسي…..!!!! واخدت نفس عميق واتنهدت..وقالت نفسي تكون معايا ديما…!!!Автор: Меріам Насар
وبعد شويه
آدم وصل البيت واخد شاور… وحاول يكون ع طبيعته.. ولبس. ومريم ساعدته.. وهو ساعدها..ونزلو كالعاده..
وكانت رينو و آرين جهزو. و آركان ف الجيم. وهيطلع من الجيم ع جدو طارق…
وآدم اخد مريم ورينو و آرين..ف عربيته الخاصه..
وعربيتين حرس خاص معاه. لانه مش ضامن ال حرق الشقه. يكون مراقبهم..
——————بقلمي مريم نصار.
بعد شويه ف المالديف..Автор: Меріам Насар
ميرو قاعده ع الشط..وتيم نايم وحاطط راسه ع رجلها..
ميرو : بتلاعب خصلات شعر تيم..ومبتسمه وقالت تيمو حبيبى..!!
تيم : عيونه..
ميرو : ضحكت..تسلملي عيونك..!! انا كنت عايزه أسألك..عن المفاجأة..مش هتقولي بقى عليها..!!
تيم : رفع عينيه ليها بضحكه وقال.. مستعجله انتى مش كدا؟
ميرو : بضحكه..بصراحه فضول مش اكتر..انت قولتلى مفاجأة كبيرة ليا انا وأنت..وبليز عايزه اعرف بجد..
تيم : اتعدل..وقال لأ..لو عايزه تعرفي يبقى نطلع اليخت..وغمز..!!
ميرو : بحرج.. لكن كشرت عينيها وقالت..وايه العلاقه بقى؟
تيم : نام ع ضهرو..وحط ايديه ورا راسه وحط رجل ع رجل..وقال بثقه..يابنتى المفاجاه دى مش بعيد تخليكى يغمى عليكى من الفرحه..
ميرو : بفضول..ارجوك بقى ياتيمو قول..!!!
تيم : قام..وقال تعالى معايا..ومسك أيدها..ورايحيين ع اليخت..
ميرو : ماشيه معاه..وقالت..انا بجد مبقتش فهماك..
تيم : ضحك..هتفهمى دلوقتي..وبعدين انتى وحشاني يعنى..فيهاش حاجه والله..
ميرو : اتكسفت..ومردتش………..!!
طلعو اليخت..واخدها الاوضه..ووقف قدامها وبص ف عينيها…
ميرو : بلعت ريقها بتوتر وبصت بعيد…احم هي..هي المفاجأة هنا؟
تيم : ابتسم بحب..ورجع خصلة شعر ورا ودنها..وقال لأ ف بريطانيا..!!
تيم : حط خدو ع خدها..وهمس وقال..رسالة الدكتوراه..الدكتوره مريم مراد العدوي والدكتور تيم محمد عزيز..هنحضر رسالتنا انا وانتى ف بريطانيا ف جامعة. (أوكسفورد Oxford)
ميرو : تنحت وفتحت بوقها وعينيها..ومش عارفه تعمل اي رد فعل…!!!
تيم : ابتسم..ورفع ايديها وباس عليهم..وقال هي دى مفاجأتي ليكي ياملاكي..!!!
ميرو : قلبها بيدق بسرعه كبيره..وقفلت عينيها وفتحتها ببلاها..وقالت. جامعة. (أوكسفورد Oxford) .؟
تيم : ضحك بصمت..ايوه يا روحي هنكون انا وانتى هناك ومع بعض.
ميرو : انتبهت..واستوعبت..وشهقت بانبهار كبير..واتنطتط من الفرحه الكبيره..وقالت بفرحه..واااو بجد ياتيموو؟ بجد انا مبسوطه اوى اوى.انا حاسه اني بحلم بجد..واتشعلقت ف رقبته..وقالت بسعاده..ربنا يخليك لقلبي وف قلبى ربنا يباركلي فيك ياروحي انت..وباسته من خدو..
تيم : مبسوط جدا لفرحتها..ومسك وشها بايديه وباس جبينها..وقال أنا وعدتك اني هحاول طول ما انا بتنفس..اني هقدملك السعاده يامريم..
ميرو : عيونها لمعت بدموع الفرح..وقالت بحب.. سعادتي ف وجودك جمبي.. فرحتي الحقيقيه أنى لما افتح عينيا اشوفك جمبي.. أنت نعيمي للدنيا ياتيم..!!!
تيم : بيتأمل ملامحها.وقال بغرام..بحبك..وقرب منها بحب كبير وعشق اكبر..عشق يفوق الخيال..ف ميراث العشق. وف عالمهم الخاص…
——————بقلمي مريم نصار.
تاني يوم.. مكتب آدم..
آدم : هز راسه ل زين و زياد…