رواية ميراث العشق الجزء (2) الفصل الاربعون 40 - بقلم مريم نصار

 رواية ميراث العشق كاملة بقلم مريم نصار عبر مدونة دليل الروايات 

 رواية ميراث العشق الجزء (2) الفصل الاربعون 40

 

ف باريس..

ليليان :.بتصحي كريم..وقالت بتذمر..كريم..!!

كريم : …………!!!!

ليليان : اوووف كريييييم.

كريم : فتح عينيه بخضه.. واتعدل..ايه ايه مالك يالي لي.!؟

ليليان : بخنقه..انا مخنوقه ياكيمو.!!

كريم : مسح وشه بايديه ونفخ بنفاذ صبر. حرام عليكى ياليليان..دي طريقه تصحيني بيها؟ انا اتخضيت عليكي والله..

ليليان : بزعل.. اسفه ياكيمو..حقك عليا..بس غصب عني..

كريم : بص ف الساعه..وكانت لسه ٤ العصر.. وقال مالك بس ياحبيبتى؟

ليليان : بحزن وحنين.. بابي وحشني اوي..ومامي وبيت العيله وكل حاجه وحشتني..وبابا آدم..

كريم : ابتسم..وحط راسها ع صدرو..طيب ف عروسه ف شهر العسل تقول كدا؟ انتى عايزه كيمو يزعل؟ ولا بقى انتى مش مبسوطه وانتي معايه..!؟

ليليان : بتذمر..اخص عليك ياكريم متقولش كدا..انت عارف انى اكتر من مبسوطه معاك..بس بابي وحشني..ده مالوش علاقه.ومتقولش كدا تاني عشان مزعلش منك..

كريم : بضحكه..حاضر مش هقول كدا تاني…بس خلاص اهو ياليلياني..كلها كام يوم ونرجع ع مصر.. واول حاجه هنعملها..اول ما نوصل..هاخدك ونروح الشركه ل عمي زين ايه رايك ف الفكره دي.؟

ليليان : شهقت بفرحه كبيره.. واتعدلت بجد..بجد ياكيمو..

كريم : بضحكه..والله كيمو اتخض كتير جدا الشهر ده..حرام عليكى يالي لي.

ليليان : بضحكه..سورى بقى ياكيمو..رد فعلى بيبقى اوڤر اوي مانت عارف بقى..وباسته من خدو..سوري.

كريم : مسد ع شعرها..ولا يهمك يقلبى..المهم ايه رايك..لو اقوم اخد شاور..وننزل نتغدا ف مكان شيك كدا ويليق بحرم كريم عزيز..

ليليان : قامت بسرعه.. وجريت ع الحمام..وقالت هوااا..هكون اخدت شاور ولبست..

ودخلت الحمام.وقفلت الباب..

كريم : مسح ع شعرو..وضحك بصمت ع حبيبته اللمضه…!!!

——————بقلمي مريم نصار.

فيلا السيوفي..

الكل وصل والكل متجمع.. وكانت مفاجأة جميله جداً ل رنا وفريحه ورودي..

الغدا جهز..وجهزو سفره كبيره ف الجنينه.. للشباب..وبيتر موجود معاهم..

أما الستات والبنات..بيتغدو جوه ف الفيلا..

وچود اخدت علاج واتحسنت بلمة العيله حواليها..واتمنت لو مصطفى كان موجود.!!!

طارق : بسعاده..بيحط الأكل قدام آدم وبيتر..وقال..

خد ياض يا آدم..انا عارفك بتحب الكفته وكباب الحله..

وانت ياض يابيتر امسك الرومي ال انت بتحبه اهو..بس يارب تقتنع وتشبع..

بيتر : شدها من ايدو..هات اهي احسن منك..وبعدين انت عايزني أشبع ليه؟ انتو طابخين ع القد ولا ايه.؟

الكل ضحك..

طارق : بنفاذ صبر..لسانك ده مسيري هقصهولك.. انا مش عارف مالكش أهل يتصلو يسألو عليك؟

بيتر : ببرود ليا طبعا..بس لما عرفو اني عندك قالولي كل بضمير بابيتر.دي معجزه مبتتكررش غير كل كسوف وخسوف هههههههه…!!!!

آدم : بياكل وبيضحك بصمت..

طارق : بغيظ..ل آدم..عاجبك يعنى كلام الإتم ده؟ والله مش عايز اعلقه ع البوابه..

آدم : كاتم الضحكه..وقال بهدوء. معلش..!!

طارق : صك ع أسنانه بغيظ كبير..نعم..؟ معلش؟ انت بتمعلشني يا آدم؟ ع اخر الزمن انا بتمعلش؟

بيتر : ههههههههه..احم..هات ياچواد ياحبيب جدك بيتر..هات طبق المخلل ده. فيه ايه؟ زتون؟ امممم مفيش خيار مخلل؟ يلا مش مهم زتون زتون..المهم اني مش عايز ازعل صحبي وحبيبى..طاروق القمر…!!!

طارق : كشر عينيه بغيظ..وبص ل آدم وبيتر..!!!

آدم : كح ف وسط الضحكه..وقال..خلاص يابيتر.. وغمزله يسكت..وقال..

.كُل وانت ساكت..وبعدين ماشاء الله..طارق عامل كل انواع الاكل..اللهم بارك..عايز ايه تاني.؟

بيتر : ببراءه مصتنعه..هو انا قولت حاجه؟ ده انا محتار اكل ايه ولا ايه؟

. وخبط طارق ع كتفه..واد ياطاروق ياحمقي..دا انت الشمال ياض؟

طارق : تنح ايييه؟ انا شمال ياعديم الدم يامهزء؟

بيتر : يوووه يخربيت كدا شمال ايه ياغبي انت؟ انا قصدي انت ف الشمال يعنى ف قلبى صدقني..!!

طارق : بتريقه..ف قلبك؟ جاك خبطه ف نفوخك تبقى وضح كلامك الدبش زيك ده..

بيتر : بضحكه..حاضر..هات بقى طبق اللحمه ال قدامك ده..

طارق : حطه قدامه. امسك عشان مموتش فيها لو كلت منه.واشبع ها…!؟

بيتر : ببرود هو انتو مش عاملين سوشي..!!

وكملو خناق ومناقره..

آدم : ابتسم بحب. لل اتنين ال كأنهم ناقر ونقير ديما. وافتكر لما كانو شباب..وضحك بصمت..

.لكن ضحكته اختفت.بتنهيده..وقال جواه.. ياترى عامل ايه دلوقتي يامراد يبني..!!!

——————بقلمي مريم نصار.

عند فهد..

فهد : فتح باب الشقه..وقال تعالى ادخل يامراد..!!.

مراد : دخل بصمت.وقعد ع كنبة الليفنج.ورجع راسه لورا وغمض عينيه..

فهد : اتنهد.وحدف المفاتيح ع التربيزه.ومسح وشه بايديه ونفخ بخنقه كبيره عشان مراد. وقعد جمبه.. وقال..

ايه بقى ياعم مراد..مش هتفكها..انت من الصبح متكلمتش مع حد فينا..!!!

مراد : بتعب..وبصوت خافت..مش قادر اتكلم يافهد..!!

فهد : ربت ع كتفه وابتسم بتمثيل..طيب متتكلمش

.قوم كدا وخدلك شاور سخن..وانا هعمل اتنين قهوه..وهطلب غدا.. وبعدين نشوف هنعمل ايه..!! قوم..!!!

مراد : مسح وشه وشعرو بايديه..وقال.. فهد..انا محتاج اكون لوحدي..!!!

فهد : منا وانت واحد. ومش هسيبك..يلا اسمع مني وقوم. وإنا هشوفلك تيشرت وبنطلون.يلا بقى واسمع الكلام. انا عايز اشرب قهوه..!!

مراد : غمض عينيه وسكت شويه.. وبعدها قام من غير ما يتكلم. وراح ع الحمام.

فهد : ل نفسه..صدقني حاسس بيك يامراد.. انت عمرك ما كنت تتخيل إن حد يفكر ف عيلتك بالطريقه دي..بس معلش يصحبي. ف حجات كتير بتحصل بتصدمنا ف الواقع ال احنا عايشينه..

وابتسم. بس انت اخدت بتارك..لسه دوري انا..لسه لما اعرف مين ال حرق بيتنا.؟

ومسك سلاح ابيض وبص لنفسه ف ضوء السلاح وقال.. أقسم بالله لادبحه..وده قسم ووعد من فهد السيوفي للمجهول. واكيد بدأ العد التنازلي…!!!

وبعد كده حط السلاح جمب المفاتيح..وقام واتحرك. ودخل الأوضه وطلع تيشرت ابيض. وبنطلون رصاصي ل مراد..وراح ع المطبخ يعمل القهوه.

مراد : تحت الدش..وغمض عينيه..ولقطات بتيجي ف خياله.وقبض ع ايديه بغضب شديد جدا.وصدى صوت. ل آدم وشاهين وعاشور.. وصدى الصوت بيقول….!!!

آدم : تعالى يامراد.ف موضوع مهم.عايزك فيه..

عاشور : اصله كان عايز يجوز الدكتوره مريم ل لابنه ساهر..

اصله كان عايز حتى جزء من الثروه..وكان هياخد الدكتوره مريم مقابل للفلوس..

هو كان عايز يصورها مع شباب بس عر*انه وسطهم ويبتز العيله قصاد الصور..لانه خاف لو حصل ليها حاجه انتو مش هتسكتو..

شاهين : الزعيم قرر أننا نخطف الدكتوره فريحه ولما عرف أنه عندها بنت اصغر طلبها معاها..

هو قال إنه هيطلب الثروه كلها قصاد رجوعهم..

عاشور : رؤوف طلب من الزعيم بعد الخطف..انه ينفرد بالدكتورة فريحه لوحدهم..والزعيم قاله انت حر ف ال انت هتعمله…

مراد : صك ع أسنانه بغيره كبيره وغضب أكبر.. وصرخ بنبره حاده..وخبط ايدو ف الحيطه…

فهد : ف المطبخ وسمع صوت غضب مراد..وزعل عشانه.ورغم إن فريحه اخته.لكن هو اكتر واحد حاسس بيه..وعارف يعنى ايه حد يبص ل شرفه وعزو وكرامته..

مراد : بينهج تحت الميا..ومش عارف يتكلم..او الصدمه كانت أكبر منه..او الغيره ع أهل بيته وصلته للصمت التام ده..

طول عُمره وفريحه تحت جناحه..هي بنته واخته وصحبته.. روحه وعقله وملكيته..حبه ليها كان ف العلن.حتي من قبل خاتم الخطوبة..وهي ملكه وليه والكل عارف إن فريحه ل مراد.. مراد وبس.. محدش قدر يفرق بينهم..حتى الخلاف مادمش كتير وبضحكه منه رجعها لحضنه..يبقى ماينفعش حد يفكر ف فريحه كدا..ماينفعش حد يبص لملكيته كدا.وال يفكر فيها..اكيد هيكون ميت بعدها..

وميرو بلسم حياته ونور عينه بنت جدها حبيبت الكل وقلب ابوها..ازاي كانو عايزين يدمروها..مريم بنتي انا؟ عايزين…..!!!! لأ لأ استحاله يامراد استحااااله..

تالين..زهرة حياتي امي قبل بنتي وحفيدتي وحبيبتى..ازاي عايزين يخطفوها ويخوفوها. ازاى عايزين يدمرو حياتي بعيلتي..ازااااي؟

ابويا..!!!! ابويا وصحبي واخويا وسندي.اساس ووتد العيله.كان ف لحظه….!!! ف لحظه هينتهي…معقول كل ده شر..طيب لو كان حصل…!!!؟ كنت هتعيش ازاي يامراد..؟ امي كانت……!!! امي مريم…!!! لأ لأ مستحيل. مستحيل….!!!

فهد : خلص القهوه..ومراد لسه مخرجش. وراح عند الحمام.. وخبط.وقال. مراد..

مراد : انتبه..لكن ساكت..

فهد : سامع صوت الميا..وقال يلا يامراد اطلع كفايه.كدا. عايز اتكلم معاك..ولبسك ع السرير انا مستنيك ف الليفنج..وسابه وخرج.. اخد القهوه وقعد ف الليفنج.

مراد : وقف قدام المرايا.ومسح البخار من ع ازاز المرايا وبص لنفسه وساكت.

وقال جواه بعتاب وندم وكُره…

كان لازم رؤوف يموت يامراد..كان لازم يموت..!!!

فهد : ركب الشريحه..وفتح فونه..وحاطط صورة آركان و آرين ونجمته خلفيه. ومسح الشاشه بايدو بابتسامه.. وقال بهمس.. وحشتيني يارينو

.وحشتوني..

مراد : لبس.وخرج ف الليفنج..وقعد جمب فهد.

فهد : قفل الفون. وابتسم..ايه ياصقر..احسن دلوقتي؟

مراد : هز راسه ايوه..

فهد : مسك القهوه..طيب امسك أشرب قهوتك..وانا هطلب دليفري..

مراد : اخد القهوه..وقال بخنقه..ماتطلبش اكل ليا..انا ماليش نفس..

فهد : بتجاهل..مالكش فيه..وفهد اتصل وطلب ارودر أكل من ال مراد بيحبه..!!

مراد : بيشرب القهوه ف صمت…..!!!

فهد : لف ليه..وقال..واخرتها يصحبي..هتفضل ساكت كدا؟ انا اول مره اشوفك ف الحاله دى.

مراد : …………………!!!

فهد : اخد نفس عميق واتنهد..طيب اتكلم..قول ال خنقك.قول ال تعبك.انا مش غريب يامراد.. انا فهد اخوك ولو مش حكتلي هتقول لمين؟

مراد : حط الكوبايه..واتنهد بتعب كبير..واتكلم بإحباط..وقال..

.اتكلم اقول ايه يافهد؟ وانا أصلا مش عارف انا مخنوق من ايه بالظبط؟ وكل موقف اصعب من ال قبله..وكل صدمه اكبر من ال قبلها.

واحد اتقدم لبنتى..وهو عدو أبويا.. وابويا مقاليش..

بنتى كانت هتتعرض ل كارثه ل مصيبه..وابويا وابني كان عندهم علم بكل ده ومحدش قالى..

وبص ل فهد..وقال بوجع..انا للحظه حسيت انى أب فاشل وغير مسؤول عن رعيته يافهد.. غير مسؤول..!!

وفربحه..حد قدر يشوفها ويراقبها..ويخطط انه ياخدها مني..وكمان بنتى تالين.وبرضه أبويا كان ع علم بكل ده..وانا ابوها وجوزها ومعرفتش غير امبارح بس. انا للأسف مش عارف انا مخنوق ولا كاره نفسي..

فهد : بتفهم..ربت ع رجل مراد..وقال. لأ انت بس مخنوق.

مخنوق لأن ال حصل ده كان فوق طاقتك..وحصل ورا بعض. يعني حريق البيت..وبعدها عرفت كل حاجه..وانا كنت معاك ف كل خطوه..ومكدبش عليك اتصدمت.. إن ازاى شاهين ورعد يبقو عارفين كل حاجه..واحنا لأ..بس لما هديت وفكرت. اكتشفت إن تصرف عمي كان صح…!!!

مراد : بصله بعدم فهم…..!!!!!

فهد : كمل بتأكيد..ايوه عمي كان صح.. لأن الموضوع مش موضوع فريحه وميرو وتالين وبس يامراد..!!

لأ الحكايه اكبر من كدا بكتير.. عيلتك كانت مجرد طُعم بس..لكن المستهدف الحقيقي هو عمي آدم..

وصدقني احنا لو كنا عرفنا من البدايه. لا انت ولا انا كنا هنسكت. ومكناش هنتحكم ف تصرفاتنا..

زي اول ما انت عرفت بالظبط..كنت عامل زي المجنون. ومن غير تفكير منك كنت عايز عنوان رؤوف و رشوان عشان تروح تقتلهم ف وقتها.

لكن ال عملو عمي..انه اتحلى بالصبر وفكر بدهاء وجمع كل الخيوط ف قبضة ايدو..واتقبض ع الكل ف جوله واحده.

.وحافظ ع الكل .وكمان انت قتلت رشوان دفاع عن النفس والغير..يعنى مفيش عليك أي خطر..وكمان مراتك وبناتك ف أمان.

وابتسم..واحده عروسه زي القمر ف المالديف.

..والتانيه دلوقتي قاعده ف وسط علية السيوفي مبسوطه.. وفريحه بخير وزي الفل.

وعمي الحمد لله جت سليمه..ومحصلش اي أذى لأي حد فيهم.

وكلامك عن كونك أب فاشل..ف انت غلطان تماماً..ا

انت يصحبي عمرك ما قصرت من ناحية مراتك ولا ولادك..ولحد دلوقتي انت بتعامل فريحه زي اول مره حبتها فيها..

وتالين أنت جمبها ديما.حتى وقت النوم بتكون جنبها وتطمن انها نامت ف امانك.

أنت عمرك ما كنت غير مسؤول أبدا..ال جواك ده تأنيب ضمير مش اكتر..ولحظة خوف إن حد فيهم يتأذي..

.لكن الحمد لله كل حاجه نهايتها كانت حلوه..

وزي ما عمى قالك..نضحك ونشكر ربنا إن كل حاجه تمت وعدت ع خير..مش نكشر كدا..

وقرب من وشه وقال بمزاح…

أنا مش عارف انت جايب التكشيره دي منين؟ ده محدش ف العيله كشر كده قبل كدا.؟

مراد : غصب عنه ابتسم..وقال بشبح ابتسامه..مش عارف جايب التكشيره دي منين..يابير الكأبه يابن ال…وابتسم..؟

فهد : ضحك..وخبطه ف كتفه. ايوه كدا. ظهرت شبح الابتسامه..عقبال الابتسامه المنتظره.. ههههه.

مراد : ضحك بصمت..وقال ماهو إبن كئيبه طالعلك.. كانت وحمه سودا..

فهد : بنفاذ صبر..نفسي تبقى محترم معايا. امتى هتحترمني..!؟

مراد : رفع حاجبه بمكر تؤ.لو احترمتك. اتحرق

وضحكو..

الباب خبط..

فهد : ده اكيد الاوردر.. قوم انت افتح بقى..وانا هدخل اخد شاور سريع كدا.. وسابه واتحرك بسرعه.

مراد : اتنهد بأريحية..وقال. فعلا لازم نشكر ربنا إن الكل بخير وسلام.. الحمد لله.

.ومسح وشه بايديه..وقام يفتح الباب..واخد الاوردر..وبص ف الفاتوره..وكشر عينيه بغيظ..وقال اه يابن ال… جريت عشان متحاسبش.. طول عمرك معفن..

ودفع الفاتوره..وقفل الباب..!!!

——————بقلمي مريم نصار.

ف تركيا..ف مطعم مشهور.

تمارا : خلاص بقى يا آريان..المهم إن الراجل ده بعيد عنكم..

آريان : نفخ بخنقه..ايوه ياتمارا..هو بعد عن طريقنا..بس بجح أوي..انتي شوفتي ازاى.كان بيسلم عليا؟ ده ولا كأننا صحاب من الطفوله..راجل مستفز جدآ..

تمارا : ضحكت برقه. عارف وانت نرفوز كدا..بتفكرني بتيم اخويا.ههههه.

آريان : مسح وشه بايديه..وابتسم ليها..سيبك انتي من كل ده. انتى انهردا رقيقه وجميله اكتر من كل يوم فات..

تمارا : ابتسمت بخجل.احم..حبيبى ميرسي جدا.. أنت ال عيونك حلوه..عشان كدا شايفني بالطريقه دي..!!

آريان : بدقة قلب..مسك كف أيدها وباس عليه..بحبك اوى ياتيما..بحبك وبموت فيكى..

تمارا : بابتسامه جميله ودقة قلب عاليه..وانا بحبك اوي يا آريان..ربنا يديمك ف قلبي العمر كله..

آريان : أبتسم.. ومسد ع حجابها..قلبي انتي ياتيما..

تمارا : بتوتر.احم..نطلب بقى الغدا؟

آريان : بتركيز ف عينيها.. اطلبي ياروحي..اطلبي واتمني..

تمارا : رفعت عينيها ل عينيه..وقالت. أمنيتي الوحيده أنت يا آريان.. أنت وبس..!!!

الويتر جه وقدم المنيوم..

آريان : اخد المنيوم..وقال. تعالى نختار مع بعض..

تمارا : بابتسامه.. اوكي..وبصت ف المنيوم..وبيختارو.. وف أنواع آريان محبهاش..وتمارا تضحك ع ريأكشناته..!!

وأخيراً.اتفقو ع نوعين. وقدمو الطلب للويتر..

وقعدو يتكلمو ويهزور ويضحكو..وكان وقت جميل مابينهم..

بعدها بلحظات.الويتر نزل الغدا..

و آريان وتمارا. بيتغدو.وكانوا مبسوطين جدا..وقضو وقت مميز وأتصورو وسجلو اسعد لحظات حياتهم..والضحكه الصافيه طالعه من القلب..!!!

——————بقلمي مريم نصار.

بعد فتره.. فيلا مصطفى عزيز..

مصطفى : واقف قدام السلم..ولابس شنطة الجيم..ومخنوق جدا ومستعجل. ونده بصوت عالى.

يامااااماااا..يامريم هاااانم..انتي يادكتوره..!!

مريم : خرجت من اوضتها بنرفزه.وبتحط الفون ف الشنطه وقالت.

.الولد ده مش هيجبها لبر معايا. أعمل فيك يامصطفي يبني..ربنا يهديلك عقلك. ال مجننا معاك ده..!!

مصطفى : نفخ بنفاذ صبر.. انتى ياحجه يال فووووق..ماتنزلى بقى..!!!

مريم : وصلت عند السلم..وبصتله بزهول.. وقالت. انتى ياحجه يال فوق.!!!؟

وصكت ع أسنانها بغيظ مكبت.. وقالت..

لاااه الولد ده لازم يتعاقب..ونازله ع السلم بنرفزه..وقالت بصوت جهوري. ايه ياولد الدوشه ال انت عاملها دي؟ وبعدين انت مش هتحسن من أسلوبك الهمجي ده؟

مصطفى : بتريقه..همجي؟ ليه معذبكو..ولا داخل بالسلاح والسكاكين.. وبعدين كل ده بتلبسي.. ده انا دخلت الحمام مرتين..وانتي لسه بتلبسي. مش عارف انا حجاب العالم كله بتلفيه ولا ايه؟

مريم : شهقت وحطت ايدها ع قلبها. وقربت منه بغيظ..وكانت مفروسه منه..وخبطته بالشنطه ع كتفه. وقالت..ولد قليل ذوق..بجد اسلوبك همجي..وانا ليا كلام مع باباك لما يرجع بكره حاضر يامصطفي.

مصطفى : مسح وشه بإيدو..وقال بتريقه.هو انتى مش كلمتي بابا قبل كده ف الحوار ده؟

مريم : ايوه كلمته..

مصطفى : رفع حاجبه. وعمل حاجه لما كلمتيه؟

مريم : صرخت بصوت مهموس اااه ياناري.. لأ الواد ده هيشلني..

مصطفى : بهزار..لا اشيل ايه؟ يوسف هو ال يشيل انا مش ناقص زنوب..انا شايل ومعبي..

مريم : هزت راسها ونفخت بيأس.. لأ صعب يتغير..لله الأمر من قبل ومن بعد ياااارب..

مصطفى : اجبلك السبحه؟

مريم : بتريقه وغيظ..لا هاتلي خفه.. وبعدين ايه الشنطه دي؟ احنا رايحين نزور ناس ولا رايحين جيم؟

مصطفى : بتوتر.. لأ بصي فيها طلبات ل چواد..احم يلا بقى اتأخرنا..

مريم : اه ما انت ال اخرتني ساعه ف الصيدليه..ولد مجنون.

مصطفى : اشربي كمون هههههععععع. امريومه فُكي كدا واضحكي.. ويلا بقى قبل ما جدو طارق ينام..العشاء ع وشك..

مريم : حاولت تهدا..وقالت طيب اسبقنى انت ع العربيه وانا هسلم ع ماما وبابا..

مصطفى : بترجي..بس وحيات يوسف متتأخري.

مريم : غصب عنها ضحكت. حاضر مش هتاخر..

مصطفى : بغمزة. ضحكت يبقى قلبها مال..

مريم : هههههههه..

مصطفى : بصوت عالى ايوه بقى يابختك ياجووو..وجري من قدامها.

مريم : اتنهدت بسعاده..ربنا يفرح قلبك ديما يامصطفي يابن قلبى وعمري كله…!!!

——————بقلمي مريم نصار.

ف مستشفى بيتر.

عاشور : ف غرفه خاصه.

شاهين : خبط ودخل..وقال..ها جاهز يابطل عشان اوصلك البيت.!؟

عاشور : بيحاول يقوم..وقال..تسلم ياشاهين معلش تعبتك انت من بدري معايا.

شاهين : ابتسم..كلام ايه ده بس ياعم عاشور.؟أنت مش عارف انت عملت ايه انهردا؟ يلا يلا تعالى انا هوصلك لحد باب البيت كمان..ده آدم باشا موصى عليك..

عاشور : ابتسم.. آدم باشا..!! واتنهد وسكت……!!

شاهين : كشر حواجبه..وقال اه آدم باشا. طيب تعرف.؟انه اتصل عليا اكتر من مره يتابع حالتك..وقلقان عليك..

عاشور : بندم..عارف ياشاهين..عارف.وكمان ال زي آدم باشا مبقاش موجود دلوقتي..

شاهين : بمكر…اممم اظاهر كدا حكايتك حكايه. ايه مش هتقولى بقى ايه حكايتك؟ وايه ال رماك عند رؤوف..!؟

عاشور : بزعل..دى حكايه متشرفش ياشاهين..واخد نفس عميق واتنهد بحزن.. انت ممكن ترجع ع فيلا العدوي..وانا هاخد تاكسي واروح..

شاهين : حس إن عاشور مخنوق..وقال بمرح..

انت عايز آدم باشا لما يقولى وصلت عاشور.اقوله لأ روح ف تاكسي؟

انت عايزنى اترفد ولا ايه ياعمنا..يلا تعالى وهندردش شويه ف الطريق..مش انت متجوز برضه؟

عاشور : هز راسه بحزن..اه متجوز..

شاهين : طيب تمام..قولى عنوانك وانا هوصلك..

عاشور : ابتسم بتمثيل.. لأ انا هروح عند والدتي.. لأن المدام مسافره البلد ومعاها الولاد..

شاهين : ساعد عاشور..وقال..وماله انا معاك يصحبي لاي مكان..

عاشور : ضحك بصمت.. صحبك؟ مش يمكن بعد ما تعرف حقيقتي انت تندم حتى ع وقفتك جمب واحد مجرم..!!

شاهين : مط شفايفه امممم..مظنش لأن آدم باشا قال عاشور راجل كويس..وهو أصدر رأيه فيك..

وبعدين لما تحكيلى انا هحكم..ولو انت مجرم..هنزلك ف نص الطريق وتكمل مشي هههه ايه رايك؟

عاشور : ابتسم. وهز راسه…!!!

شاهين : ساعده..وخرجو م المستشفى.. وركبوا العربيه…

شاهين : بيشغل العربيه..ها يانجم عنوانك فين؟

عاشور : اطلع ع الزمالك..

شاهين : رفع حاجبه بإعجاب.وقال بهزار..اممم الزمالك. طيب ماهو العنوان حلو اهو..مالك متردد ليه؟

عاشور : ضحك..تعرف انت شخصيتك دلوقتي مختلفه عن شخصية شاهين ف الشغل..

شاهين : ساق العربيه..وقال.. كل وقت وليه أذان يصحبي..

عاشور : بحرج.. برضه مصمم انى صاحبك؟

شاهين : بتصميم طبعا.. إلا لو انت مش عايز حاجه زى دي..يبقى فيها كلام تانى..!!

عاشور : بنفي..ابدا والله ياشاهين..مش كدا خالص.. الموضوع انى كنت ف يوم من الايام إنسان كويس..لكن القدر كان ليه رأي تاني..ووصلني لل انا فيه دلوقتي..

شاهين : طيب قولي بقى حكايتك..انت عارف إن مكنش ف وقت أني أسألك..!!

عاشور : بتنهدة وجع.. اسمي عاشور محمود. ٣٦ سنه متجوز من بنت خالى ومخلف بنت وولدين لسه صغيرين..

عندى اخوات ولد وبنت..ووالدتي دى حاجه تانيه. تعبت عشانا جدا بعد وفات والدي وانا كنت معاها ف كل خطوه..

والدي الله يرحمه كان دكتور جامعي..وحالنا ميسور.. خلصت بكالوريوس..واتجوزت. وزادت المسؤوليه عليا. من ناحية اخويا ال هيدخل ثانوي واختى ال حلمها تدخل طب ووالدتي وعلاجها..

وطبعا شغلي كان يدوبك والمشاكل بدأت تدخل حياتي.. وواحد صحبي شغال جارد نصحني اني اتمرن حلو وهيجبلى شغل بمرتب مغري..انا فرحت وقولت كويس جدا. واتمرنت واشتغلت ع نفسي كتير. عشان اوصل للفورمه..وصحبي ده اخدني ل رؤوف..

رؤوف شافني طول بعرض.وكمان خام ماليش اى سوابق جنائية ولا اى حاجه..وافق وشغلني عندو.. بمبلغ كبير..انا اشتغلت عادى وكنت مبسوط اني هقدر اصرف ع عيلتي واسد كل احتياجاتهم..ورؤوف كان ياخدني معاه سفريات..ويطلب مني اسلم شنط واخد شنط من ناس..وانا مكنش ف دماغي إن ده مخدرات أو سلاح..انا قولت عادي يعنى..ده شغل رجال أعمال وانا مفهمش ف الحجات دي.وفضلت شغال ع كدا سنه كامله.والوضع اتحسن بالنسبالى ومبقاش ف اي مشاكل..لحد ما ف يوم.. طلعنا سفريه وببدل الشنط زى كل مره..سمعت ضرب نار. وهجوم علينا..وكانو هيقتلو رؤوف..وانا والجارد..حاوطنا رؤوف وركبنا العربيات وهربنا بسرعه..وسمعت بقى وعرفت كل حاجه.. إن دى كانت بضاعة واحد اكبر من رؤوف..

والزعيم ال انا كنت اول مره اسمع عنه. وهو طبعا رشوان. سرق البضاعه دى وباعها مرتين..والعصابه لما عرفت حاولت تقتلنا كلنا..انا طبعا كنت مصدوم.. مخدرات؟ استحاله اصدق اني سلمت بأيدي السم لناس كتير ومن غير ما اعرف..

روحت ل صاحبي ده..وزعقت معاه. وطبعا قالى اني فقري وهو غلطان انه ساعدني..انا سبته وروحت ل رؤوف..وقولتله انا استحاله اشتغل تاني معاه..وهبلغ عنه..لكن المفاجأه ال مكنتش عامل حسابها.. إن رؤوف مصورني صوت وصوره وانا بسلم وبستلم..يعنى انا كدا شريك معاه..ولو اتكلمت هتعدم..وقالى حياة عيلتك وبنتك هتكون ف خطر..ف اشتغل وانت ساكت..

بصراحه ياشاهين مكدبش عليك..انا خوفت. واترعبت ع عيلتي..وكمان لو امي عرفت عني حاجه زي دي..ممكن تموت فيها..واختي مستقبلها يتدمر هي واخويا..ومراتي وبنتي.. كدا كل حاجه انتهت..ف استسلمت للأمر الواقع.. واشتغلت معاه غصب عني.وحاولت معملش اي غلطه ف شغلى معاه عشان خايف ع عيلتي.

.وهو وعدني لو اثبت نفسي هيخليني اقابل الزعيم.وكنت ديما عايش ف تأنيب ضمير..وكنت ديما ادعى ربنا انه يرجعني زى ما كنت زمان…مرتاح البال. من غير خوف ولا قلق..لحد ما ربنا استجاب..وبعتلى آدم باشا ف الوقت المناسب..!!

شاهين : هز راسه…وربت ع كتفه.أحيانا الظروف بتجبرنا ع حجات اكبر مننا..وغير كدا انت مكنتش تعرف اصل الشغل ايه؟ ولو كنت عرفت اكيد كنت هترفض..

عاشور : بحزن. اكيد طبعا. والله العظيم لو كنت اعرف مكنت دخلت جيبى وبيتي قرش حرام..بس انا اتخدعت ووثقت ف صحبي. وقولت استحاله هيضرني..

وهو شايف أنه كدا بيساعدنى. ميعرفش انه بكدا دمر حياتي. وخلاني مبقتش قادر ارفع عيني ف عين ولادي ومراتي.والاهم من كل ده.. أمي ال تعبت وربت . واختى ال شيفاني ابوها. انا بجد ندمان. وحاسس اني صغير اوي..

شاهين : طيب اهدا كدا ووحد الله.. والحمد لله إن ربنا انتقم من رؤوف ورشوان.والادله بتاعتك رعد باشا حرقها. خلاص كابوس وخلصت منه.

عاشور : لا اله إلا الله..ومسح وشه بإيدو..واخد نفس عميق واتنهد.تنهيده طويله..وقال الحمدلله..

شاهين : بضحكه.وغمزه .انت قولتلي ساكن فين ف الزمالك؟هههههههه.

عاشور : هههههههه.

——————بقلمي مريم نصار.

فيلا السيوفي..

مريم ومصطفى.وصلو وسلمو ع كل العيله..

مصطفى : واقف مع ياسين و آركان وچواد. وعايز يشوف چود بأى طريقة…!!

ومريم عزيز : قاعده مع البنات جوه.

رنا : بسعاده..والله بجد منورين الدنيا ياجماعه..انا مبسوطه اوى..ده انهردا زى العيد بالظبط..كل الحبايب هنا..

مريم : ابتسمت بحب..ربنا يجعل ايامك كلها اعياد وفرح.. والله بجد اليوم انهردا هون علينا سفر الغاليين..يردهم لقلبى سالمين وينجهيم من كل كرب عظيم..

كلهم آمين..

رنا : اللهم امين يارب.. ومسكت طبق فاكهه.. امسكى يارينو ياحبيبتى..كلى من الفواكهه دى..

رينو : ابتسمت.. لا ميرسي ياماما..انا أكلت كتير جدا.. والأكل بجد كان تحفه تسلم الايد ال تعبت..

رنا : بلوم..كلتي؟ فين الأكل ال اكلتيه ده؟ انتي مكملتيش نص طبقك حتى..امسكى بقى ومتزعلنيش..ولا عايزه النونو يزعل من رانوش.. وضحكت..

رينو : اخدت الطبق.وحطته قدامها ع التربيزه وقالت بابتسامه..

لأ وع ايه؟ احنا منقدرش ع زعل ماما رنا حبيبت الكل.وبصت ع بطنها.مش كدا..؟

الكل ابتسم..

رودي : مسكت صوباع موز وبتقشرو..وقالت ابو كده وام كدا كمان..امسكي يابت يارينو. كلي ده وهتدعيلي..

رينو : ضحكت..يابنتي ارحميني..انتى جمبي ع السفره برضه مش رحماني وبتأكليني بالعافيه..

رودي : رفعت حاجبها بمكر..اله يعني عايزه ابو طلال يرجع من السفر يلاقينا مقصرين معاكي ومجوعينك..ده حتى عيب والله..

الكل كشر عينيه بعدم فهم..وهمسو..ابو طلال؟

رينو : بعدم فهم..ابو طلال؟ ده مين ده؟

رودي : بضحكه..الهوي اجدعان..محدش عارف ابو طلال..هههههعع..ابو طلال يابت..فهد جوزك هههههههه..

الكل ضحك ع رودي المجنونه…

رينو : بضحكه..انتى خلاص عرفتي أنه ولد.. لأ وكمان سمتيه طلال..غريبه اوي انتي يارودي..

رودي : كشرت عينيها بمكر. بقى كدا يام طلال..بتقللي من خبراتي ف الدونيا..

رينو ::مكست بطنها وبتضحك. لا يقلب ام طلال ههههههه هاسميه طلال حاضر..

والكل ضحك..

رنا : بتضحك..وبصت ل مريم عزيز..منوراتي يامريومه ياقمر..وهنا وحشاني خالص..

مريم عزيز : ابتسمت..بنورك ياعمتو. وماما هنا كان نفسها تيجي.. بس احنا بقى جينا متأخر عشان عرفت إن چود تعبانه..وقالت يومين ولا حاجه هتجيلك هي وبابا أشرف..

رنا : تشرف وتنور ف اي وقت..!!!

وسمعو أذان العشاء..

مريم : قامت..وقالت طيب أجدد وضوئي..عشان نصلي كلنا جماعه…

صوت من وراهم..

تقبل الله مقدما يامامي..!!!

مريم : لفت بدقة قلب عاليه..وضحكت بدموع..وقالت..نور…!!! نور بنتي..يانور عيني انا..!!

نور : نزلت النقاب..وقربت منها بسرعه..وحضنتها بحب كبير..مامي حبيبتي..وحشتيني وحشتيني اوي اوي.

مريم : بدموع الفرح. حمدالله ع سلامتك يانور عيني..انا والله مش مصدقه.اجمل مفاجأة..

نور : خرجت من حضنها. وباست ع ايدها.. حبيبتي الله يسلمك يامامي..

رينو : ضحكت بسعاده..وقامت..نور بانو حبيبتى حمدالله ع السلامه ياروحي أنتي..وراحت حضتنها..

نور : ضمتها بحنان كبير..رينو قلبى وحشاني موت يابت انتى..

رينو : بضحكه جميله..انتي ال كنتي وحشاني جدا..وخرجت من حضنها..وابيه محمد فين؟

نور : بتسلم ع رنا وكل الموجودين…وقالت. محمد بيسلم ع الرجاله وقاعد معاهم ف الجنينه..

رنا : بسعاده..تعالي يانور..تعالي اقعدي ارتاحي..وقوليلنا انتو وصلتو امتى؟ ده محمد لسه مكلمني بيطمن علينا الصبح ومقاليش…

نور : قعدت..وقالت..والله مكنش ف الحسبان خالص..كنا هنرجع بكره..بس محمد قال كفايه كده عشان المستشفى..

.ودلوقتي انا اول ما وصلت المطار. اتصلت ع زين..وقالى إن العيله كلها موجوده عند عمو طارق..محمد ربنا يباركلي فيه قالى تعالي نعملهم مفاجأه ونسلم عليكم هنا..

مريم : بضحكه صافيه..سلمتي ع آدم يانور عيني؟

نور : بضحكه..طبعا ده انا اول ماشوفته قاعد ف الجنينه جريت عليه..وحضتنه هههههههه..قالي انتي مش هتجبيها لبر كل مره تطلعي انتي ال تحضنيني..مفيش مره يطلع حد غريب ولا حاجه ههههههههه..

مريم : كشرت عينيها بغيره…امممم ماشي يا آدم..

الكل ضحك ع غيرة مريم.

رنا : قالت ل نور..طبعا انتو اكيد راجعين وواقعين من الجوع..ف ثواني العشا هيكون جاهز.

نور : بنفي. لأ جوع ايه.؟ احنا اكلنا ف الطياره.

وكمان اتأخرنا ف الإجراءات لما وصلنا ومحمد طلب غدا واكلنا ف المطار..!!!

——————بقلمي مريم نصار.

ف الجنينه..

محمد : سلم ع كل الموجودين..وكان وقت ممتع لكل الموجودين..

.وطارق وبيتر ع نفس الوتيره..ضحك وهزار ومقالب ونرفزه وخناق..

مصطفى : نفخ بخنقه..وقال..ايه ياچواد مش عايز تخسر ف البلايستيشن ولا حاجه؟

چواد : لا ياعم انا دلوقتي بقيت محترف بلايستيشن..وبكسب اي حد يلعب معايا..!!

مصطفى : بمكر..طيب ماتيجي نلعب دور ونشوف مين فينا ال هيكسب..

چواد : اشطا..تعالى معايا.. البلايستيشن ف اوضتي..

مصطفى : ضحك بخبث.. وده المطلوب..

چواد : اتحرك..ودخل الفيلا..ومعاه مصطفى وطالعين ع فوق..

مصطفى : ماشي ف الطرقه..وقال طيب ياچواد ادخل انت ظبط كل حاجه وانا هتصل ع الواد سعيد أصله كان عايزيني ف موضوع ضروري..

چواد : ماشي بس متتأخرش..ودخل الاوضه..

مصطفى : مشي ببطء شديد..وخبط ع اوضة چود..ونفخ بتوتر..

آرين : فتحت الباب..وكشرت عينيها بعدم فهم.. وقالت.. مصطفى؟

مصطفى : رقص حواجبه. اذيك يابت آرين؟

آرين : بتذمر..بس متقولش بت..انا ليا اسم من غير بت اوكي يامصطفي.؟

مصطفى : ضحك..ماشي ياستي..اذيك يا دكتوره ياكيميائه..ياسكريات المجره..ها مبسوطه كدا؟

آرين : نفخت بنفاذ صبر..عايز ايه يامصطفي. وبعدها كشرت عينيها بتعجب..وقالت..ثواني كدا؟

.انت ازاي طالع وبتخبط ع اوضة چود..ها؟ ايه الجراءه ال انت فيها ياباشمهندش؟

مصطفى : بتريقه..هي چود مش تعبانه؟ انا قريبها وعايز اطمن عليها. وبعدين انا عارف انك انتي وكارما وحياة وتالين معاها..يبقى عادي جدا إني اطمن عليها. خشي ناديها..قوليها مصطفى..

آرين : بترفع راسها وبتبص ع اكتافه..وقالت انت شايل شنطة الجيم ليه؟

مصطفى : مالكيش دعوه. انجزي بقى يلا خليكي شاطره وعسل وخشي قوليلها..

آرين : كشرت عينيها بغيظ..طيب استنى هنا ثواني..ودخلت وقفلت الباب ف وشه..

مصطفى : رفع حاجبه.. آرين طول عمرها بتحترمني..

چود : قاعده ف نص السرير..والبنات حواليها لكن بعيد شويه عشان البرد..وبيضحكو ويهزرو مع بعض.

آرين : جريت وقعدت جمب چود..وقالت ف ودنها بصوت واطي..بت ياچودي مصطفى ال كان بيخبط.. وسأل عليكي ومستنيكي قدام الباب..

چود : قلبها دق وفتحت عينيها بزهول. وهمست مصطفى…!!!يابن المجانين…!!

آرين : نفخت بنفاذ صبر..ها يابنتى اقوله ايه؟

چود : تنحت..وقالت ينهار اسو…ده ممكن يسيحلي هنا..وبلعت ريقها بصعوبه..وبصت ل آرين..وقالت بثبات..اكيد عايز يطمن عليا..لانى تعبانه..

آرين : بتأكيد..ايوه فعلا هو قالى كدا..

چود : قامت بسرعه.وقالت ل آرين.طيب ا.انا هطلع اشوفه..احم مايصحش يفضل واقف ع الباب كدا.ولفت الحجاب بسرعه..وكانت لابسه بيجامه..

مصطفى : واقف يبص يمين وشمال. ونفخ بنفاذ صبر. مش عارف انا..كل ده بتقولها؟

چود : فتحت الباب..ووقفت قدامه..وقلبها بيدق بسرعه كبيره..ولكن مستغربه جنون مصطفى..وأنه ازاي مستعد يطلع ليها ف وجود كل العيله.وقالت بصوت مبحوح.. مصطفى..!!!

مصطفى : ضحك..عيون وقلب مصطفى..الف سلامه عليكي ياقلب مصطفى.. إن شاله هما وانتي لأ..

چود : ابتسمت..الله يسلمك..لكن انت ازاي طلعت ليا هنا..احم كدا ماينفعش..ولو حد شافنا هتبقى مشكله كبيره…

مصطفى : سند بكتفه ع الباب وقال بحب..انا ميهمنيش حد غيرك ياچودي..

چود : بتوتر..طيب اتفضل بقى انزل عشان البنات جوه وكدا غلط يامصطفي..

مصطفى : انتبه..وقال مصطفى؟ اله حرف الميم بقى شغال اهو..دا انا جاي مخصوص عشان اسمع منك معاك مناديل ههههههه.

چود : اتنفست غيظ..وبعدين بقى..انا كويسه اخدت العلاج واتحسنت دلوقتي. ياريت بقى تنزل..

مصطفى : هز راسه ماشي ياتراب القمر..بس قبل ما انزل..وشال الشنطه من كتفه..وفتحها. عايزك تاخدى دي..!! وطلع بوكس متوسط ومتغلف بورق هدايا..

چود : فتحت عينيها بابنهار..وقالت هديه عشاني انا؟

مصطفى : بغمزه..جبتي ورا من اول بوكس ههههه..

چود : بغيظ.. شكرا انا مش هقبل منك حاجه..واتفضل امشي من هنا بقى.

مصطفى : بعند..عتلاق بالتلاته لو ماخدتيه مني دلوقتي..لا اقول بعلو صوتي بحبك يابنت فارس.

چود : شهقت وحطت ايدها ع بوقها..يابن المجنونه.

مصطفى : رفع حاجبه..انا بعد ليكي غلطاتك..عشان بعد الجواز هتدفعي تمن كل غلطه..بس قوليلى انتى خدودك حمرا وعسل كدا ليه.

چود : اتكسفت بغيظ..وشدت منه البوكس..وقالت اهو اخدته ممكن تمشي بقى؟

وسمعو باب اوضة چواد بيتفتح.

مصطفى : خشي جوه. اه بقولك صح.. بحبك.

چود : رغم خنقتها منه.. إلا أنها مبسوطه اوى انها شافته..

وكمان جابلها هديه..ودخلت بسرعه..وخبت البوكس ع الكرسي وحطت عليه الحجاب..وراحت قعدت وسط البنات وسرحانه ف مجنون چود..!!!

——————بقلمي مريم نصار.

بعد شويه..عند هبه..

هبه : بتتكلم ف الفون ومتنرفزه..وقالت بخنقه..وبعدين بقى. انت هتفضل كل شويه تتصل عليا وتقرفني ف حياتي؟ لا وكمان من أرقام مختلفه..انت مش هتعقل بقى؟

فادي : ياهبه..ياهبه..انتي ليه عصبيه كدا..قولتلك موقف وعدا..ارجوكي اديني فرصه اثبتلك حسن نيتي..!!

هبه : صكت ع أسنانها بغيظ كبير..فرصه؟ فرصة ايه ياعديم النخوه والرجوله..يبنى دا انا بهزقك بتضحك.!!!

انت يبني عديت ليفل الدياثه. بقولك ايه ياجدع انت.؟

فكرة اصلا اني بكلمك دلوقتي..مخلياني قرفانه من نفسي. ابعد عني ومشوفش ليك اي رقم تاني..اصل والله العظيم.اقدم فيك بلاغ ف القسم..انت فاهم؟

فادي : ههههه قمر ياهوبا..حتى عصبيتك بتخليني عايز اجي واقابلك دلوقتي.

.وكدا ياهبه نسيتي الفستان ال انا جبتهولك مع خاتم الخطوبة..!؟

هبه : بغيظ..فستااان..!!!؟ فستان يا..ء..ونفخت بنفاذ صبر..انا مش عارفه اقولك ايه؟ انا احترت ف وصفك..بص انا قرفت منك..انا احسن حاجه اعملها اولع ف رقمي ده.وهغيرو.اختفي بقى من حياتي. انت مستفز جدآ..

فادي : ههههه انتى بتقولى كدا من ورا قلبك ياهوبا صح.؟

هبه : وصلت لقمة غضبها من بروده….!!!

فاتن : ياهبه..!!! انتي ياهبه..الباب بيخبط تعالى شوفي مين..انا ايدي مشغوله ف تجهيز العشا..

هبه : من غيظها..زعقت حاضر…حاااااضر يا ماما..وقفلت ف المكالمه ف وش فادي.وقفلت فونها خالص..

..ولبست الخمار ع البيجامه..وخارجه تبرطم ف الكلام. وقالت.. لأ لأ لأ انا مشوفتش كدا ف حياتي ابدا..يلهوي ايه كمية التلج ال هو فيه ده…!!

الباب خبط تاني..

هبه : ينرفزه..حاضر يال بتخبط ماتصبر شويه ايه القيامه قامت .ولا الدنيا اتهدت..

فاتن : شهقت. هيييه..البنت اتجننت..بقى ده اسلوب دكتوره.. لأ البنت دي لازم تعمل كنترول ع نفسها.وترجع هبه الرقيقه الجميله..دي عدت اخواتها بمراحل…!!!

هبه : بتفتح الباب.بعصبيه..وقالت ايييه بتخبط كدا……وشهقت بصدمه..عاشوور اخوياااا…!!!

 

يتبع الفصل التالي اضغط على ( رواية جريمة عشق ) اسم الرواية