رواية عشقتها منذ طفولتها (كاملة جميع الفصول) حصريا عبر دليل الروايات بقلم حبيبه سليم
رواية عشقتها منذ طفولتها الفصل الحادي والعشرون 21
عشقتها منذ طفولتها
البارت الحادي والعشرون
مراد بيربع ايدو وبيقولها.. انا مراد المنياوي صاحب شركات المنياوي انتي مين
ندي بصدمه ودموع فرح.. مراد انت
مراد باستغراب.. انتي تعرفيني
ندي حضنته بصدمه ودموع نازله وهي مش مصدقه ان مراد واقف قدامه بشحمه ولحمه بتقولو.. وحشتني اووي يمراد اخيرا جيت كنت بستني لحظه اني اشوفك بفارغ الصبر واخيرا شوفتك
مراد بينصدم من فعلتها بيزقها براحه وبيقولها بعصبيه.. انتي ازاي تحضنيني كده انتي مفكره نفسك مين عشان ترمي نفسك في حضني انتي.خلتيني اخلف وعدي وادخل بنت غير ندي في حضني
ندي ابتسمت.بحب وقالت.. منا ندي اللي انت كنت بتتمني تشوفها انا اللي كبرت علي ايدك ي مراد انا ندي
مراد بينصدم جدا ازاي دي ندي بيقول بصدمه.. مين اللي ندي انتي
ندي بضحك.. ايوه انا
مراد بيحضنها جامد جدا وبيعيط وبيقولها.. يااه ي ندي كنت منتظر اني اشوفك بجد كل يوم بتوجع علي بعدك لحد ما جيت لهنا واهم حاجه كنت عاوزاه اني اشوفك وشوفتك بجد انتي مكنتيش عارفه شعوري وانا ممكن مشفكيس تاني كام احساس فظيع بس الحمد الله رجعت وشوفتك ومش هسيبك تاني انتي مش متخيله شعوري عامل ازاي وفرحتي اني شوفتك
ندي بدموع فرح وحب.. انت اللي مش عارف كنت عامله ازاي من غيرك انت كنت الامان اللي بتحامي فيه والضهر اللي بستمد منو قوتي دا حتي انا كنت بذاكر عشان اكون مهندسه زي ما كنت عاوز انا بجد فرحان مش عارفه اوصف شعوري بكلام واوصف حبي ليك انا بحبك اووي يمراد
مراد باس راسها وقال... وانا بموت فيك انا كنت بنتظر بس اني ارجع واخيرا رجعت وهشوفك قدامي دايما انا مش عارف اوصف فرحتي بإني شوفتك انتي بنتي وحبيبتي وكمل وهو بيغمز وان شاءلله هتكوني زوجتي
ندي بخجل بعدت وقالت.. طب سبني
مراد بضحك.. هسيبك بس بشرط
ندي.. قول
مراد بضحك.. تقولي بحبك ي حبيبي
ندي بخجل.. لا واوعي ولا اقول لادهم وبابا
مراد بضحك.. مش هبعد قولي وانا ابعد
ندي بخجل.. دا في احلامك ي ابيه (هي يجماعه كانت قصده تغيظه بكلمه ابيه 😂😂)
مراد بعبوس.. ابيه تاني متقوليش ابيه دي تاني فاهمه
ندي بحب.. فاهمه بس ابعد
مراد بضحك.. قولتلك مش هبعد غير لما تقولي بحبك ي حبيبي
ندي سكتت بخجل ومكنتشي عارف تقول ايه
مراد بضحك.. يلا قولي والا والله هزعل منك
ندي بسرعه.. خلاص هقول
مراد بضحك.. ايوه شاطره يلا
ندي بخجل.. بحبك ي حبيبي
مراد فرح جدا وكام مبسوط بخجلها قرب من ودنها وقال.. انا اسف علي اللي هعملو بس مش قادر استحمل
ندي وقفت تستوعب كلامه وكانت هتتكلم لكن هو قاطعها بقبله رقيقه بث فيها كل مشاعره واشتياقه ليها
بيبعد بعد فتره وندي كانت مذبهله ومصدومه من اللي عمله وكانت مكسوفه ومبسوطه في نفس الوقت
مراد بضحك.. انا همشي لاني مش مأمن نفسي ممكن اعمل ايه
بيبوس رأسها وبيمشي وندي كانت واقفه فرحانه مراد بيخدها لعالم تاني بكلامه
🌹🌹🌹🌹🌹🌹🌹🌹
عند ادهم بيكون قاعد علي السرير بتاعه وزعلان من مراد وبيتخيل لو كان حصله حاجه
بتخش عليه عشق بتبصله بحب بتقولو.. مالك ي ادهم
ادهم بحزن.. مفيش ي عشق
عشق بحب.. مش عليا لو انت خبيت حزنك عن العالم كله مش هتقدر تخبيه عليا انا حفظاك وعرفاك كويس
ادهم بابتسامه.. طب لو انتي عارفاني وعارفه انا عاوز ايه دلوقتي
عشق بحب.. امم عارفه
ادهم بحب.. عاوزه ايه بقا
عشق بحب.. عاوز تقعد في حضني
ادهم بحب.. طب مش هتقعديني في حضنك
عشق بحب.. هو انا اقدر
بتقعد علي السرير وادهم بيقعد في حضنها وبيتسمك بيها جامد وعشق بتلعب في شعره
عشق بحب.. ها زعلان ليه بقا
ادهم بحزن.. عشان مراد مقاليش انو تعبان
عشق بحب.. انت عارف ان مراد مش بيحب حد يقلق عليه وهو بيحب غيره عن نفسه وكان خايف عليك تعيط او تزعل عشانه وهو مش بيحب حد يعيط بسببو
ادهم بحزن.ودموع... بس كان عرفني انا بعتبره اخويا وبحكيله كل حاجه يجي هو ميحكليش
عشق بضحك.. احم احم في حاجات محتلوش عليه زي اللي سهي عملتو
ادهم بجديه.. عشق انا نسيت اللي حصل خالص كأنو مكنشي فيه سهي ابدا
عشق بحب.. طب مراد نسي اللي حصل كأنو مكنشي تعبان يبقي انت بقي تسامحه
ادهم.. ااا وكمل وهو بيهرش في شعره.. معاكي حق بس بردو زعلان منو
عشق بضحك.. انت عاوز تزعل منو وخلاص
بيقطع كلامه حد بيخبط علي الباب
عشق.. مين
مراد من برا.. انا يعشق
بيفتح الباب بيلاقي ادهم قاعد في حضن عشق بيقول لعشق.. احم ممكن يعشق تخرجي عشان عاوز اتكلم مع ادهم ف موضوع
عشق.. حاضر بتقوم وتهمس لمراد.. هو مش زعلان منك بس هو زعلان منك مش عارفه هتفهمها ولا لأ
مراد بضحك بهمس.. ههه لا انا عارف قصدك كويس
عشق بضحك.. امم
بتمشي ومراد بيروح يقعد جمب ادهم
ادهم ببرود.. عاوز ايه
مراد خبطو في كتفه براحه وقالو بضحك.. ي شيخ اتكلم عدل علي ابو برودك
وبعدها بيتكلم بجديه وبيقولو.. انا عارف انك زعلان عشان مقولتلكشي بس والله لما كلمتكو وسمعت في صوتكو الفرحه وانكو فرحانين محبتشي انكد عليكم وتعيطو بسببي وانت اكتا واحد عارفني ي ادهم مش بحب حد يعيط بسببي
ادهم بدموع.. كنت قولتلي انا بس وانا مكنتش هزعل وكنت اسيب املي في ربنا ومتأكد انو هيشفيك بس كنت قولتلي دا انا بعتبرك اخويا وبحكيليك كل حاجه وبيكمل وهو بيكح بتمثيل.. احم مش كل حاجه كل حاجه
مراد بضحك.. اديك قولت انت خبيت عليا شويه حاجات عشان مش عاوز تقولها عشان هي اكيد حزينه وانا بردو محبتشي اقول عشان دا خبر وحش
ادهم بحزن بصلو وبعدها بص تحته
مراد بضحك.. لسه زعلان بردو احنا كده متعادلين انت خبيت حاجات وانا حاجات والحمد الله انا خفيت سماح بقي
ادهم بصله بحب وبعدها قالو.. بس متخبيش عليا حاجه
مراد.. حاضر يسيدي وبيكمل وهو بيفتح دراعه وبيقول.. حضن لاخوك الكبير بقا
ادهم بيحضنه بحب وبيقول.. ربنا يخيلك لينا ي مراد
مراد بحب.. ويخليكي لينا ي غالي
ادهم بيبعد وبيقول بخبث.. قولي بقا شوفت ندي ولا لسه
مراد بيفتكر اللي حصل واللي عمله بيقولو بتوهان.. شوفتها وياه لو يرجع بيا الزمن ويتكرر اللي حصل
ادهم بضحك.. ليه حصل ايه
مراد بضحك.. اقولك بس متقولشي لحد
ادهم لضحك.. متخافشي سرك في بير
مراد بيحكيله كل اللي حصحصل واللي عمله مع ندي
مراد.. بس دا اللي حصل
ادهم بضحك.. هههههههههههه ينهار ابيض عليك ي مراد زمان اختي قاعده سرحانه فيك ولا في الدنيا معانا وبعدين انت بتقولي انت واقع دا انت اللي وقاع ومستحملتش وقومت بايسها
مراد بضحك.. اعمل ايه ف اختك بقت مزه
ادهم ضربه علي وشه بخفه وقالو.. مزه احترم نفسك
مراد بألم.. براحه يعم
ادهم بخوف.. مالك ف ايه
مراد بألم حط ايده علي خده وقال.. مش عارف في ايه اومال مين اللي ضربني 3كفوف وكان هيضرب الرابع بس وقفه عمو فريد
ادهم باحراج حط ايدو ووراه رقبتو وقال.. حقك عليا بس ده كان وقت زعل وعصبيه
مراد بضحك.. تقوم تضربني محترمتشي حتي اني اكبر منك او ان ابوك واقف
ادهم بضحك.. بصراحه عملت كده من تلقائ نفسي انا مفقتش غير لما بابا وقفني
مراد بضحك.. بس بجد ايدك تقيله دي ورمتلي خدي
ادهم بحب.. حقك عليا كانت تتقطع ايدي قبل ما تتمد عليك
مراد بحب.. بعد الشر عليك ي غالي
ادهك بحب.. تسلم يكبير
بيتخش عشق عليهم وبتقول بفرح.. شكلكو اتصالحتو
مراد بضحك.. طبعا يبنتي دا مستحيل يزعل مني
ادهم بضحك.. عبو غرورك مش عارف جايب الثقه دي منين
مراد بضحك.. من عند البقال اجيبلك معايا
ادهم بضحك.. ي ريت
بيضحكو مع بعض
عشق.. نسيتوني كنت جايه ليه
مراد.. جايه عشان تلعبي صح
عشق بضحك.. استني بس وقالت وهي بترفع ايدها.. افتكرت كنت جايه اقولك تعالو عشان نتغدا
ادهم.. يلا اصل هموت وأكل
مراد.. يلا يخويا
بيروح بيلاقو الجميع قاعد علي السفره ومن ضمنهم ندي اللي اول ما شافت مراد اتكسفت
ادهم ميل لمراد وقالو بهمس.. احم شكل البت ندي مكسوفه منك ومش هتتكلم معاك
مراد بهمس.. متخافيش اخوك ذكي وهيخليها تكلمو بطريقته
فريد.. بتتهامسو علي ايه يولاد
مراد.. ولا حاجه يحج
زهره.. اتصالحتو صح
ادهم.. ايوه انا مكنتش زعلان ولا حاجه كنت بس زعلان منو عشان مقاليش
رنا بضحك.. فهمتو حاجه من كلامه
فريد.. ولا حاجه اقعد يبني ربنا يهديك
ادهم وهو بيقعد.. حاضر يحج
فريد بيبص لندي بيلاقيه قاعده عادي ومش مصدومه ولا فرحانه ان مراد جه قال لندي.. مالك يندي مش فرحانه ان مراد جه
ندي بخجل.. احم منا شوفت في الجنينه يبابا
فريد بخبث.. اممم قولتلي طب وايه اللي حصل
مراد بسرعه... مفيش يحج اتصدمنا بس وعيطنا وقولنا اللي في قلبنا وخلاص
فريد بخبث.. امم تمام وكمل وهو بيبصلو بخبث.. طب انت لسه عند وعدك ولا رجعت في كلامك
مراد بسرعه.. لسه عند وعدي ندي مش هتكون لحد غيري هتجوزها مهما حصل
زهره بضحك.. شوفي الواد مش مكسوف ازاي
مراد بضحك.. هي دي حاجه تكسف ها يحج موافق
فريد بصدمه.. انت عاوز تتجوزها دلوقتي
مراد بضحك.. ايوت واقسم بالله لو موفقتش لكون خاطفها واهرب
فريد بضحك.. تخطف مين يبن الجذ*مه
مراد بضحك.. مين اللي قال هخطفها انا قولت هخطبها انت بس سمعت غلط
فريد بضحك.. اه هتخطبها عموما موافق انك تخطبها بس مفيشك كتب كتاب غير لما تخلص ثانوي
مراد بصدمه.. ايه تخلص ايه هو هستني ده كلو دا انا هعجز
فريد.. ده اللي عندي والا مفيش جواز خالص
مراد بصدمه.. مفيش جواز انت بتهزر يعمو فريد انت مش قولتلي قبل ما اسافر انها مش هتكون لحد غيري
فريد بجديه.. اه انا قولت كده بس ندي مش هتجوز غير لما تخش كليه ها عجبك
مراد.. والله انا حسك واحد غريب مش اللي رباني ابدا وماشي الطيب احسن بردو هخطبها وبعد لما تخش كليه اجوزها بس والله مفيش داعي للخطوبه
فريد.. مفيش داعي ليها ليه
مراد.. مش الخطوبه دي للتعارف بين الطريفين وبزمتك مش انا اللي مربي ندي وعارف كل حاجه عنها وهي عارفه كل حاجه عني ايه لازمه الخطوبه
فريد.. يعني مش عاوز خطوبه خلاص يبقي متخرجشي معاه خالص لحد لما تخلص ثانوي
مراد بصدمه.. ايه ايه خلااص هخطبها
فريد.. مكان من الاول
ادهم بضحك.. طب هتاخدو راي البت اللي بتتكلمو عنها ولا هي ملهاش رأي
ندي بضحك.. قولهم يخويا
مراد بضحك.. اهو يسيدي ولا تزعل انت موافقه ي ندي علي الكلام اللي احنا قولناه
ندي هزت رأسها بخجل
مراد.. اهي موافقه يبقي تسكت خالص
ادهم بصله بغيظ
مروان بمرح.. طب وانا مش هتجوز هبقي سنجل كده
مراد.. هدورك علي واحده يجماعه ياللي بتقرأو اي حد سنجل مروان اهو سنجل زيو تعالو اتجوزوه
مروان بضحك.. اه يجماعه دا انا حتي امور وبعيون رمادي يرضيكو الحلو ده يقعد سنجل كده
فهد بهزار.. انا اهو ي ميرو
مروان بضحك.. انت اعمل بيك ايه
فهد.. تعال اخطبني بكرا ولا اقولك بعدو اصل بابا مشغول بكرا
مروان بضحك.. الواد ده كده شكلي هفهمه غلط
ادهم بضحك.. والله انا زيك بردو شاكك فيه
فهد بتمثيل الزعل.. اخص عليكو بقي بتشكو فيا اهئ اهئ
رنا بضحك.. بس بس اهدي يحبيبي
فهد بزعل.. مش هكلمكو تاني وبيطلعلهم لسانو
ادهم مسك المعلقه وقال.. والله هحدف عليك المعلقه ده اسكت احسن
فهد بخوف.. حاضر هسكت اهو وبيقفل بقو زي السوسته
بيخلصو اكل
ادهم.. ايه رأيكم نقعد كلنا ونسمع فيلم
فريد.. اتفرجو انتو انا رايح الشركه
زهره.. انا راحه اصلي وطو الصوت شويه عشان اعرف اصلي
ادهم.. حاضر ي امي
بيروح فريد الشركه وزهره بتروح تصلي اما الشباب بيجيبو فيشار وشيبسي وبيقعدو يسمعو فيلم رعب
ادهم بياخد عشق في حضنه
وبيبدأ الفيلم وبيظهر ش*بح في الاول
وعشق بتستخبي في حضن ادهم وهو بيكون مبسوط
اما رنا فهد اللي بيستخبي فيها وبيكون قاصد يعمل كده عشان يقعد في حضنها
اما مراد وندي ندي بتقعد في حضنه
اما مروان الوحيد اللي قاعد وحيد من غير حبيب عشان سنجل (انا سنجل ي واد ي مروان ينفع نرتبط ي ابو عيون رمادي😂😂😂)
بيعدي شويه وقت ومروان مش بيستحمل الوضع ده وهما قاعدين يحبو في بعض قدامه وهو سنجل بائس
مروان بيقولهم بغيظ.. متحترمو ان في واحد معاكو سنجل
ادهم بضحك.. عاوزنا نعمل ايه يعني
مروان.. ابعدي ي عشق عنه عشان متغاظ
عشق مسكت ف ادهم وقالت.. لا انا بخاف
مروان بغيظ قال لفهد.. طب ابعد يفهد
فهد بطصنع الخوف.. لا انا خايف العفر**يت يطلعلي
رنا بتكون عارفه هو عمل كده ليه وبتبتسم
مروان بغيظ.. بقا في راجل بيخاف يخبيت الرجاله بيكمل وهو بيبص لمراد.. طب سيب ندي يمراد انت
مراد بيبص علي ندي بيلاقيها نامت وماسكه فيه جامد بيبصلها بحب وبعدها بيقول لمروان.. نامت اعمل ايه
مروان بغيظ.. وديها اوضتها وتعال اقعد انا في حضنك بدالها
مراد.. تقعد في حضني انت تطول اصلا
مروان.. اه اطول انا اطول منك
مراد بغيظ.. بس يبابا واقعد اتفرج وانت ساكت
مروان بيقعد بغيظ وبيحضن المخده كأنها شخص
بيقعدو يتفرجو في سعاده وفرح دون اي حزن ونكد
وبتفضل حياتهم سعاده دايما
🌹🌹🌹🌹🌹🌹🌹🌹🌹
بعد مرور سنه ونصف
تعالو اقولكو حصل ايه في السنه ونص
عشق وادهم وفهد ورنا بيتخرجو من الجامعه وبيعملو مستشفي خاصه ليهم وبيكونو شاطرين جدا في عملهم خصوصا فهد اللي كانو بيقولو عليه فاشل
اما عشق وادهم حبهم لبعض ثابت او بيزيد ويقررو يعملو فرح بعد لما نتيجه الثانويه بتاعت ندي تطلع وعشق لسه ذاكرتها مرجعتشي
اما فهد ورنا حبهم لعبض بردو ثابت ورنا اتخلصت من عقدتها ونسيت حبيبها القديم واتعلقت بفهد جدا ووالدتها حبت فهد وبقت تعتبره من العيله وهما قررو يعملو كتب كتاب بعد نتيجه ندي وفرحهم مع فرح عشق وادهم
اما مراد فتح فرع الشركه بتاعت ابوه اللي في القاهره وبقا مشهور جدا وليه اعمال كتير وبيخطب ندي وبيقرر يعمل فرحهم مع فرح عشق وادهم ورنا وفهد
وندي امتحانتها بتخلص وبتستني النتيجه بخوف
اما مروان بيقعدو يدور علي حب يرتبط بيه هو سنجل زعلان
في يوم طلوع نتيجه ندي بيكونو كلهم في بيت فريد ومتوترين جدا ومعاهم زينب والدت رنا
مراد بيقلب في الموقع عشان يشوف النتيجه
ندي بخوف.. ظهرت يمراد
مراد.. لسه مش عارف القيها
ندي بخوف ودموع.. ليه طيب
ادهم طبطب عليها وقال.. يحبيبتي الموقع عليه ضغط كتير وبعدين مش انتي خليتي كويس
ندي بدموع. . ايوه
ادهم.. يبقي سيبي الباقي علي الله واللي في خيره يقدمه واحنا هنفضل فخورين بيكي اي كانت نتيجتك
ندي حضنته بخوف
ادهم طبطب عليها بحنيه
مراد.. قولتي رقم جلوسك كام
ندي بدموع.. 55
مراد بيكتبه وبتتطلع النتيحه بيفرح حدا بس حب يخوفها الاول قالها.. ينهار ابيض
ندي بخوف.. ايه كام
فريد بخوف.. كام يبني طمنا
مراد بخبث.. 54في الميه
الكل اتصدم وندي اكترهم ندي ودموعها نزلت وقالت.. كام يمراد
مراد بخبث.. 54 ايه مالك
ندي بتتصدم جدا وكانت هتقع بس مراد لحقها وقالها.. بهزر يحبيبتي فوقي
ندي بصدمه.. بتهزر طب انا جبت كام
مراد بفرحه وحب.. جبتي 88ونص وهتبقي احلي مهندسه في الكون ده كله
ندي بصدمه ودموع فرح.. ايه جبت88 بجد يمراد ولا بتضحك عليا
مراد وراها التليفون وهي بتفرح حدا وبتسجد شكرا لله وانو مخيبشي ظنها ودموعه بتنزل ومراد وطي لمستواها وقال.. الف مبروك يحب عمري
ندي بدموع فرح.. الله يبارك فيك انا بحد فرحانه وكملت بحزن وهي بتضربه علي كتفه.. طب بتقولي جبت 54ليه وقعت قلبي
مراد ضحك وباس رأسها وقال.. سلامه قلبك من الخضه يروحي
ادهم بفرحه.. مبروك يحبيبتي
ندي.. الله يبارك فيك
عشق بفرحه.. مبروك يندوش فرحتلك بجد
ندي بفرحه.. الله يبارك فيكي يحبيبتي
والكل بيباركلها بفرحه
ندي بفرحه.. اخيرا هخش هندسه كنت بحلم بجد
ادهم بحب.. قولتلك ثقي في ربنا
ندي بحب.. الحمد الله
فهد.. طب هنمشي احنا بقي
فريد.. ليه يبني اقعد معانا
رنا.. كان نفسنا بس هنقعد مع امي عشان لوحدها
زهره بطيبه.. جيبها ي رنا وتعالي هي بردو واحده من العيله
رنا.. حاضر يطنط عن اذنكو
بيمشو وبيركبو العربيه وبيسوق فهد وبيقف عند سوبر مركت
فهد.. هجيب حاجه بس
رنا بتهز رأسها بموافقه
وبيمشي فهد ورنا بتسمع صوت مسدج علي تليفونه بتفتح وبتتصدم من الرساله ووو
يتبع
روايه عشقتها منذ طفولتها
البارت الحادي والعشرون
للكاتبه /حبيبه وحيد
انا عارفه انكو هتستغربو ان كتبت للكاتبه حبيبه وحيد ومكتبتش للكاتبه الجميله احب اقولكو ان الكاتبه الجميله هي الكاتبه حبيبه وحيد وهي هي انا يعني انا الكاتبه الجميله والكاتبهوحبيبه وحيد انا اسمي حبيبه وحيد تمام عشان لو حد عاوز يأخد الروايه يكتبها بأسمي ومجهودي ميروحشي تمام عشان منظلمشي حد وعاوزه رأيكم في البارت. وانا عارفه انو قصير بس كنت عاوزه انام وهنزل بكرا واحد طويل تمام قولولي رأيكم في رده بفعل ندي وحب مراد لادهم وبتمني متزعلوش مني عشان البارت ده قصير ويلا سلام💛💛💛💖💖💖💖
🌹🌹🌹🌹🌹🌹🌹🌹
•تابع الفصل التالي "رواية عشقتها منذ طفولتها" اضغط على اسم الرواية