رواية عنيدة ولكن كاملة بقلم اسو احمد عبر مدونة دليل الروايات
رواية عنيدة ولكن الفصل الخامس و العشرون 25
____________________
فى مكان آخر
فى مطعم لوندكنتر
على الطاوله رقم5 يجلس زوج وزوجته يتحدثون ويضحكون فى حب شديد فهذه هى المره الاوله لهم التى استطاعو ان يخرجوا سويا بعد زواج طال 11 سنين
= ياااااه يا محمد. الواحد بقاله كتير اوووى ماضحكش بالشكل ده
محمد بضحكه
هههههه والله يا سمسم انا مش فاكر اصلا امته آخر مره خرجنا سوا ، بس كل الفضل يرجع ل قدر لوله أنها خدت روتيلا ماكناش عرفنا نخرج أبدا
اسماء
اهو دى الحاجه الوحيده إللى قدر عملتها صح فى حياتها ، ” لتصمت فجاه وتقول وهى تلوح بيدها فى خوف ” وحياة ابوك بلاش نجيب سيرتهم احسن نلقيها معانا
ليرن هاتفها لتخرجه من حقيبتها لتجدها قدر لتنظر إلى محمد بخوف وحزن
اسماء
اهو شوف آهى قدر بتتصل اهى اكيد جيين او ماقدرتش على روتى وعايزه تراجعها لينا تانى ، ربنا يستر ومايكونش فى مصيبه حصلت حكم قدر مش باين غير في المصايب بس
محمد
ان شاء الله خير ياقلبي ، هى اكيد بس روتيلا عايزاه تكلمك وحشها بس مش اكتر
اسماء
تصدق صح يارب يكون علشان كده بس ” وترد عليها ” الووو ازيك يا قدر ورأت…… ” لتنظر بصدمه إلى محمد ” ايه بتقولى ايه ، طب اهدى كده وفهمينى بالراحة في ايه … طيب طيب مسافة السكه ونكون عندك …. ايوه عارفها …. سلام
محمد بخوف
فى ايه يا اسماء ، قدر قلتلك ايه ؟؟ ردى عليا …. في ايه !؟؟
اسماء
طنط امانى و عمو احمد فى المستشفى ، قوم يا محمد بسرعه نرحلهم على المستشفى نشوف في ايه ” وتنهض بسرعه وتأخذ حقيبتها وهاتفها وتذهب ليخرج محمد المال ويدفع الحساب ويخذ مفاتيح السياره ويذهب ورائها ”
_____________________
فى مكان مهجوره تماماً
عند الشجره
تقف فتاه ترتدى تب اسود وبانطلون اسود وطرحه سوده على كاب اسود ” الاسود شياكه برضه احم نرجع ” وممسكه بملف فى يديها لونها ازرق تنتظر احد ما وبعد دقائق قليله جاء إليها شخص يرتدى اسود فى اسود برضه بس كاب ابيض وكتش ابيض ليقف ويستند على الشجره
الشخص
الجميل اخباره ايه ؟؟
الفتاه بغيظ
مالكش فيه وياريت تحترم نفسك معايا فاهم ولا مش فاهم
الشخص
كل ده علشان بقولك اخبارك ايه يا سلين ولا نقولك يا ريمو احسن 😏
سيلين بغضب
اللهم طولك ياروح ، خدى ادى الملف ” وترميه فى وجهه ليمسكه ويبتسم ” ومش عايزاه اشوف وشك تانى فاهم واياك حد يعرف باللى حصل ده فاهم ” وترفع اصبع السبابه فى تحذير ” بدل ما اوديك في ستين دهيه واظن انك عارف كويس انا ممكن اعمل ايه ساعتها ما دام عارف اسم ريم
الشخص وهو يرفع يديه فى الهواء
لم ارا لم اسمع لم اتكلم ، ” ويضع يده على فمه ” ماتخافيش اسمك مش هيجى فى الموضوع
لتنظر لهو باشمئزاز وترحل ليبتسم الشخص ويرفع الملف عاليا وينظر إليه ثم يضعه فى حقيبته جيدا ويذهب وهو يصفر بفمه
- يتبع الفصل التالي اضغط على ( رواية عنيدة ولكن ) اسم الرواية