رواية الحياة بعد الزواج كاملة بقلم اسراء ابراهيم عبر مدونة دليل الروايات
رواية الحياة بعد الزواج الفصل الثاني 2
زهرة: “لأ… احنا لسه مخطوبين امبارح يعني مش لحقنا ناخد على بعض ونخرج وبتاع، وبعدين أنا مجرد خطيبتك مش مراتك، يبقى ماينفعش أخرج معك غير لما يكون معنا محرم”
عمر: “تمام ماشي، طب أجيب معايا أختي ونطلع، أكيد زمايلك وصحابك هيخرجوا مع بعض، واللي عرفته إنك مالكيش صحاب، فبدل ما تروحي نيجي نقعد شوية ونتكلم وعلى فكرة قولت لوالدك ووافق”
زهرة بتردد: “امم خلاص ماشي”
عمر: “ماشي هقفل بقى عشان تروحي تذاكري، وعايزك تفرحيني كدا بتقدير كويس”
زهرة: “إن شاء الله، سلام”
بقلم إسراء إبراهيم عبدالله
وأعطت الموبايل لوالدها، ودخلت لكي تتوضأ وتصلي الضهر، وتذاكر آخر مادة لها في امتحانات التربوي
في اليوم التالي كانت في لجنة الإمتحان متوترة، أتت صديقتها وجلست بجوارها وتدعى «نورا» فقالت: “هتعملي إيه لو المراقب قعد جنبك في اللجنة؟”
زهرة بهدوء: “عادي يعني هو قاعد حنبي في الكوشة؟!”
نورا بذهول: “إيه دا يا بنتي كدا مش هتعرفي تغشي”
زهرة بصدمة من تفكيرها قالت: “ومين قالك أصلا إني بغش؟!”
نورا: “يا ستي نبعد عن الغش قصدي مش هترتبكي؟”
زهرة: “لأ طبعا هو ماسك عليا شيكات يعني؟!”
نورا بنرفزة: “بت امشي من وشي كل كلامك يفقع المرارة”
زهرة ببرود: “حبيبتي أنتِ اللي قاعدة جنبي روحي لجنتك”
كانت «زهرة» مذهولة من أسئلة الامتحان، فأخرجت علبة عصير ومياه
وقالت: “الامتحان دا عشان نركز فيه يبقى لازم ناكل ونغذي العقل الأول ونسمي الله”
كان يجلس خلفها شاب مذهول أيضًا مما يحدث من تلك الفتاة القابعة أمامه
بدأت تشرب بتلذذ وتمسك القلم تفكر في أول سؤال
شعرت بأن شخصًا يقف أمامها، رفعت رأسها وجدتها المراقبة، فبلعت العصير بخوف
ياترى هتعمل فيها إيه؟
- يتبع الفصل التالي اضغط على ( رواية الحياة بعد الزواج ) اسم الرواية