رواية الوسيم والسمينه (كاملة جميع الفصول) حصريا عبر دليل الروايات بقلم امنيه اشرف
رواية الوسيم والسمينه الفصل الثاني 2
الحلقة الثانية
نظر له الأب بذهول ليقول بعد صمت دام لدقائق : آخر كلام عندي ...وانت اللي جبته لنفسك
هتتجوز بنت عمك ...وإلا والله لا هتكون ابني ولا أعرفك
حاول وسيم ان يبرر موقفه : يا بابا اسمعني
صرخ الأب بغضب : ولا كلمه
ثم تركه دون ان يضيف كلمه أخری
مر اسبوع وكل من في البيت يقاطع وسيم ولا يكلمه
الأب تركه يقرر ما يريد والام تكلمه علي مضض
أما بسمه فتركت شقتهم وذهبت الي هيا
لتعلن في الخفاء انها في صف هيا ضد وسيم
ضرب وسيم الحائط بيده بغضب شديد وهتف بغيظ : بقا كدا كل دا عشان خاطر الست هيا والله لا اخليها تندم باقي عمرها
ذهب الي الشركه التي يعمل بها وهو يستشيط غضبا
دخل مكتبه الذي يتشاركه مع صديقه فادي بغضب ورمی نفسه علي الكرسي دون ان يتكلم او يلقي حتي السلام
تكلم فادي بمرح : يا هلا ..بالوسيم ...اي يا بني ..داخل من غير سلام ولا كلام ليه
رد وسيم بغضب : فاادي ..اطلعي من دماغي عشان مش طايق نفسي
سأل فادي بحذر : ليه مالك ..في اي
ضحك وسيم بإستهزاء : البيت كله مقاطعني يا فادي تخيل
ضحك فادي بقوة وسأل : ليه عملت اي
هتف وسيم بغضب : معملتش حاجه ...كل الحكايه ان أبويا عاوزني اتجوز هيا وانا مش موافق
تكلم فادي بمفاجئه : هياا ..هياا بنت عمك
اومأ وسيم برأسه إيجابا : اه ...هي ..تخيل انا وسيم
اتجوز هيا
عبس فادي وهو يقول : مالها هيا ..يعني مش فاهم
خبط وسيم علي المكتب امامه بغضب : في اي يا فادي ...انت هتخيب انت كمان ولا اي
رد فادي بهدوء : بصراحه يا وسيم انا مش شايف
اي سبب يخليك تتنرفز للدرجه دي ...مالها هيا ما هي بنت زي كل البنات ....وكمان مؤدبه ومحترمه ومتدينة
هتف وسيم بغضب : فادي ما تجننيش دي لا شكل ولا منظر ولا حتي استايل وبتعرف تلبس ...وكفاية اوي انها عامله زي الق..نبله اللي فاضلها ثانيه وتن..فجر
هز فادي رأسه بيأس : انت هتفضل لحد امتي تحكم ع الناس بمظهرها ...وهياا مش وحشه للدرجه اللي انت مصورها دي ...هي صحيح مليانه شويه بس اشطا عادي ممكن تخس
رد وسيم بعدم اقتناع : تخس ..تتخن لنفسها مش ليا
اما انا مش هتجوزها يعني مش هتجوزها
مش من بعد ما كانت ملكات الجمال بيجروا ورايا
تكون آخرتي ..هياا
نظر له فادي بغضب : انت هتبطل غرور اهلك دا امتي
اشاح وسيم ببصره عنه : فادي ركز في شغلك وسيبك مني
تكلم فادي : يا بني اسمعني ....انت عارف وكلنا عارفين إلا بيجروا ورانا وبنصاحبهم دول مش للجواز
دول نمشي معاهم نتسلی شويه ...أما لما بنتجوز بندور علي واحده زي هيا ..بنت حلال ..أخلاق عاليه
تستحملك وتصونك وتصون بيتك ..هتعمل اي بالحلوة الاستايل وهي ماشيه ع ح. ل شعرها
قاطع وسيم كلامه رغم انه متأكد من صحته : انت بتقول الكلام دا عشان تواسيني ...لأنك مش هتجرب اللي انا فيه ...لأنك في النهايه خطيبتك ملكه جمال
ابتسم فادي بسخريه : ملكه جمال ..طب تصدق وتأمن بالله ....ان هيا اللي مش عجباك دي برقبه الف واحدة من خطيبتي ملكه الجمال دي وبكره تشوف
..............
ياااه الواحد مبسوط في القاعده معاكي أوي يا بت يا هياا
ضحكت هياا وهي ترد علي كلام بسمه : يا اختي انتي منوراني ...بس هتهوينا امتي ان شاء الله
نظرت لها بسمه بغضب مصطنع : انتي بتطرديني بالذوق ولا اي
ضحكت هياا : يا بسبوسه انتي تقعدي ع عيني ورأسي بس انا حاسه ان في حاجه بتحصل من ورايا ومش عارفه اي هي
ضحكت بسمه بمرح : انت عامله زي المحقق كونات كدا ليه ...هيكون بنعمل اي من وراكي يعني
عبست هيا وقالت : مش عارفه بس بكره اعرف انتوا بتخططوا لأي من ورايا
ردت بسمه بلامباله : طب لما تعرفي بقا ابقي قوليلي
صمتت هياا ولم ترد عليها
فقالت بسمه بعد فتره : يويا
همهمت هياا بلا كلام : امممم
تكلمت بسمه بحزن : فادي وحشني اوي بقالي فتره مش شوفته
هتفت هيااا بحده : تاني يا بسمه ...فادي تاني
مش قولنا المفروض تنسيه وتركزي في حياتك
سقطت دمعه من عين بسمه وقالت : مش عارفه ..مش عارفه انساه ..بحبه اوي يا هياا بحبه
همست هياا في سرها بحزن : ومن امتي اللي بيحب بيعرف ينسی
أكملت بسمه حديثها : انتي عارفه يا هياا اني لحد دلوقتي بدعي ربنا انه يكون من نصيبي
رغم اني عارفه ان مستحيل يكون ليا
ابتسمت هياا بحزن واردفت : طول عمري مفكره ان حبك لفادي حب مراهقة وهيجي يوم وتنسيه
بس كل مره بتثبتيلي اني غلطانه
هتفت بسمه : حب فادي هو الحب الحقيقي اللي عمره ما هيتكرر تاني في حياتي
...............
في المساء
كانت تجلس بسمه وامها يتحدثون بصوت خفيض
دخل وسيم من باب الشقه ليرمي السلام
ردت عليه امه علي مضض
تكلم وسيم بأبتسامه : عامله اي يا بسبوسه
ردت بسمه ببرود : كويسه
ووجهت حديثها لأمها : ماما انا طالعه لهياا
ردت الأم بابتسامه : ماشي يا حبيبتي اطلعي
شعر وسيم بالغضب منهما ليوجه كلامه لأمه قائلا : ماما انا جعان
لم تعره الأم اهتمام وهي تقول : عندك الاكل في المطبخ ..سخن وكل
ثم قامت من مكانها وقالت وهي تتحرك : انا داخله انام
سأل وسيم بغيظ : هتنامي دلوقتي الساعه لسه 9
أجابت الأم : واي يعني تعبانه و عاوزه انام فيها حاجه دي
زفر وسيم بضيق : لا مفيش حاجه اتفضلي ..تصبحي ع خير
دخل وسيم غرفته وهو يرغي ويزبد خبط الحائط بيده مره ورا اخري بغضب : ماشي ...ماشي ... عاوزني اتجوز هياا ..ماشي انا موافق ..بس يا انا يا هي ... هخلي سنينها سودا واكرهها في اليوم اللي اتولدت فيه
خرج من غرفته وهو ينادي علي والده : بابا يا بابا
سمع صوت والده يأتي من غرفه المعيشه : تعالي يا وسيم انا اهوو
دلف وسيم وجلس بجوار والده : بابا انا خلاص قررت
قاطعه الأب بهدوء قائلا : وسيم قبل ما تقول اي حاجه اسمعني الأول
هز وسيم رأسه إيجابا
فأردف الأب قائلا : انا عمري يا بني ما غصبتك ع حاجه طول عمري مكبرك وبعاملك كصاحب
وباخد رأيك في كل حاجه ...انت يا بني هتبقي مسؤل عن العيله دي من بعدي و انت عارف معدش في العمر اد اللي مضى
رد وسيم سريعا : بعيد الشر عليك يا حاج ..ربنا يديك الصحه وطولة العمر
ابتسم الأب وقال : يا بني العمر مهما طال أو قصر هيجي يوم وينتهي ...بنت عمك امانه في رقبتي يا وسيم وانا خايف اموت قبل ما اطمن عليها
عاوز لما اقابل ابوها وامها اقولهم انها في ايد امينه
وأنا مش هأمن غيرك انت ابني وحته من قلبي وعارف انا مربيك علي اي فمش هطمن عليها غير معاك قولت اي
ابتسم وسيم وقال : وانا عشان خاطرك غالي عندي وانا عمري ما أكسر كلمتك ...انا موافق
ضحك الأب بسعادة : ربنا يبارك فيك يا بني ويسعدك يارب
أمن وسيم علي دعاء والده وسأل : طب الخطوبه هتبقي ع امتي كدا ان شاء الله
أجاب الأب بهدوء : أما اسأل هياا الأول واخد رأيها
انا لسه ما فتحتهاش في الموضوع اصلا
نظر له وسيم باستنكار : هو حضرتك لسه ماقولتهاش
هز الأب رأسه بنفي : هو انا كنت هقول لها قبل ما أكون مالي ايدي منك أكيد لا طبعا
دي بنت اخويا وانا عمري ما أكسر قلبها
هقولها واللي هي عاوزاه هو اللي هيمشي
هتفت وسيم بأستهزاء : ليه هي ممكن ترفض
رد الأب بعقلانيه : حقها توافق ترفض براحتها
تكلم وسيم بحدة : نعم هي تطول أصلا
هي مش حاسه بنفسها ولا اي
هدر الأب بحدة : وسيم مش هنبهك تاني ع كلامك
تكلم وسيم بحرج : يا بابا انا مش قصدي انا
قاطعه الأب بجدية : لا قصدك يا وسيم انت شايف نفسك عليها.... وفاكر انك احسن منها بس العكس هو الصح.... وقبل اي حاجه اوعدني يا وسيم انك عمرك ما هتزعل بنت عمك ولا هتجرح مشاعرها
رد وسيم بتململ : يا بابا
قاطعه الأب : اوعدني
رد وسيم علي مضض : أوعدك
ابتسم الأب وهو يربت علي كتف وسيم بحنو : انا هقوم بقا اخد رأي هياا
فعوج وسيم وجهه وهو يهز رأسه بغير رضا
صعد العم الي هيا ورن الجرس فتحت له بأبتسامه : أهلا يا عمو ...اتفضل
ابتسم العم : ازيك يا حبيبتي عامله اي
ردت هياا بأبتسامه : بخير الحمد لله ..وحضرتك أخبارك اي
ابتسم العم : في نعمه الحمد لله
ردت هياا : دايما يارب
تحولت ملامح العم للجد وقال : هياا يا بنتي انا جاي اخد رأيك في موضوع ...وانتي ليك حق القبول والرفض محدش هيغصبك علي حاجه ...وانا في ضهرك ع طول فما تقلقيش
قلقت هياا وسألت : في اي يا عمي خير قلقتني
ابتسم العم : متقلقيش خير ان شاء الله
بصراحه وسيم طلب إيدك مني ..هاا اي رأيك
صدمت هياا وفغرت فااها فاقده للنطق
•تابع الفصل التالي "رواية الوسيم والسمينه" اضغط على اسم الرواية