رواية ميراث العشق كاملة بقلم مريم نصار عبر مدونة دليل الروايات
رواية ميراث العشق الجزء (3) الفصل السابع عشر 17
عند كريم..
كريم : بنفاذ صبر.. ياليليانو.. ياليليانو ياحبيبتى.. أنتي ليه مش عايزه تتعاملي ع إن عمر ابننا ولد مش بنت؟
ليليان : نفخت بغيظ..وقالت..ليه إن شاء الله؟ شايفني بحطله مانيكير؟ منا عارفه انه ولد.. عمرك سمعت عن بنت اسمها عمر.؟
كريم : من بين أسنانه.. ولما انتتتي عارفه كدا.؟اوماااااال تعبااااني معاكي لييييه؟
ليليان : اله..عايز ايه بس ياكريم انا كلمتك؟
كريم :ضحك بتريقه..وقال.. لأ ابدا..خااالص..هو انتي بتعملي حاجه؟ انتي يدوبك عايزه تغيري اوضة عمر بالكامل..وكمان الديكور والألوان..
بزمتك عمرك سمعتي ولا شوفتي اوضة ولد باللون البِنك؟ لأ كمان وسرير بمبي وعليه عالم ديزني بنات.. انتي مدركه اللي بتعمليه؟
ليليان : نفخت بخنقه اوووف بقى..وفيها ايه يعني.. هو عمر فاهم.. وبعدين انا بحب الألوان دي.. واو بجد..هتبقى تحفه جدا..
كريم : مسح وشه بايديه ونفخ وقال.. أستغفر الله العظيم يارب..بصي يا لليليان..عشان أنا مش هينفع اعملك اللي بتقولي عليه. لأسباب كتيره.. وأولهم إن جدو أشرف اللي جايب كل حاجه في الاوضه دي هديه لعمر.
وثانيا : انا أبني راجل..وهيتربى زي ما شباب العيله اتربت. مفيش حد فينا فتح عينيه ع اوضه باللون ده..
ليليان : قعدت ع طرف السرير بخنقه وسكتت..
كريم : شافها كدا..وقعد جنبها. وقال بهدوء.. ليليان حبيبتي.. بجد جميل جدا إنك بتحبي البنات.. وانا كمان بحبهم جدآ..لكن صعب انك ترسمي لابنك حاجه يفتح عينيه عليها بالشكل ده.. صدقيني صعب جدا..
ليليان : بتذمر..خلاص ياكريم اعمل اللي انت عايزو..
كريم : مش اللي انا عايزه يا لي لي .. ده الطبيعي. وبعدين ياروحي بكره تخلفى ..وتجيبيلي البنوته الجميله وتعملي ليها كل اللي انتي عايزاه. وانا هعملك كل اللي نفسك فيه.. اتفقنا؟
ليليان : ………..!!!
كريم : قربها منه..وقال ها اتفقنا؟ ولا عندك اعتراض؟
ليليان : بص انا مضايقه دلوقتي..مش عارفه أوافق..!!
كريم : بغمزه..انا هقنعك توافقي بطريقتي.. هو انتي عندك كام كيمو يعني؟
ليليان : بتداري الابتسامه.ومثلت الجديه..احم. لأ متحاولش انا بجد مضايقه دلوقتي..
كريم : قرب منها بحب كبير..وحط جبينه ع جبينها وقال. طول ما كريم معاكي..عمره ما هيسيبك مضايقه ولا مخنوقه.. بحبك اوى يام عمر..
ليليان : ضحكت بسعاده لما سمعت ام عمر..وقالت وانا كمان بحبك اوى يابو عمر..!!!
مصطفى : خبط ع الباب بسرعه كبيره..وقال.. انتووووو يا اموااات ياللي جوه. مش سامعين موبيلاتكم.. تماراااا بتولد.وانتوا نايمين.. والله عيب عليك أنت وهي.. محمد العدوي يشرف..وانتو نايمين..
وخبط تاني.وقال بصوت أعلا.. انتو يااموااااات.. اتحاسبتوا ولا لسه؟
ليليان : شهقت بصوت عالى وقالت بقلق.. إيه؟ تمارا بتولد. ياروحي عليها.. قوم بسرعه ياكريم..
كريم : بص ع الفون..وقال..أوبس ماما ريتال اتصلت علينا كتير. والموبايلات ع الصامت..
ليليان : قامت بسرعه..وقالت بلهفه.. طيب اتصل عليها.وقولها خمس دقايق وهنكون عندهم..
في المستشفى..
آريان رايح جاي.متوتر وقلقان..
مريم : شاورت ليه..تعالى ياحبيبى.اقعد جمبي هنا..
آريان : قعد جمبها..ومسح وشه بايديه ونفخ بنفاذ صبر..ودعا وقال..ياااارب يارب. خليك معانا..
مريم : ابتسمت بحب وقالت..وحد الله يانور عيني.. والحمد لله..بتولد بدون ألم..يعني الأمر بقى سهل.. وكمان نور ورينو معاها.. وربنا قبل كل شيء معاها ومعانا..يعني متقلقش..
آريان : بقلق شديد..مش عارف اهدا ياماما.. حاسس إن روحي بعيد عني.. مش مرتاح..ولا هرتاح غير لما اطمن عليها..
مريم : خلاص قوم بسرعه أدخل ليها..واقف جمب مراتك..وعيش معاها لحظة خروج ابنكم للنور.. وصدقني من أجمل اللحظات..
آريان : هز راسه لأ لأ ياماما..قلبي مش هاين عليه اشوفها تعبانه كدا.. دي كانت بتصرخ من قلبها. كأن وجع الدنيا كلها فيها..
مريم : ربتت ع ضهرو..وقالت.. ألم الولاده هو الألم الحقيقي..اومال هي الامومه بالساهل؟ الأم تستحمل كل حاجه وتتحمل أي قدر من الألم..عشان بس اللحظه دي.. لحظة خروج طفل صغير بنور حياتها.. اهدا يانور عيني.. كفايه الدكتور محمد سابنا ونزل بسرعه..مقدرش يتحمل يشوف بنته بتتألم..
آريان : هز راسه..تمارا بتحب باباها اوي يا ماما.. وخالي محمد يستاهل كل خير..
مريم : ربتت ع أيدو وقالت..يازين ماربيت. يازين يبني.انت وريتال.. مفيش زيك ولا زي قلبك الحنين يا آريان يابني..
آريان : باس ع أيديها وقال. الفضل كله يرجع لله ثم أنتي وبابا آدم.. ربنا يباركلنا فيكم يا أجمل.اميره لأروع مملكه..
بعد شويه..
رينو : خرجت بسرعه.. والضحكه ع وشها..وقالت. مبروك. يا ريو ياحبيب عمتك..محمد زي البدر اللهم بارك..
آريان : والكل قرب منها بلهفه..وقال برجفه ودقة قلب..تيما. قصدي تمارا.. تمارا عامله ايه دلوقتى ياعمتو..هي كويسه؟
رينو : بضحكه..تمارا زي الفل..ومبسوطه جدآ.. تعالى ادخل ليها.اطمن بنفسك..
آريان : ضحك بلخبطه..ودخل بسرعه.. واطمن ع تمارا..وباس جبينها بحب كبير..وقال.. ألف مبروك ياروحي.. حمدالله ع سلامتك يا قلب آريان..
تمارا : ضحكت بسعاده..وقالت ربنا يباركلي فيك ياحبيبى..ومحمد يتربى في عزك..وصوتك ديما ف حياتنا..!!!
آريان : شال محمد..وقلبه بيدق بسرعه كبيره..وباس جبينه..وعيونه لمعت بدموع..وقال..محمد انا ابوك ياحبيبى. وضحك اكتر..وقال أنا أبوك.
بعد كدا..
تمارا خرجت لاوضه خاصه.. ومحمد راح ليها بسرعه..واطمن عليها وقلبه استريح..
آريان : من وراه. اتفضل حفيدك يادكتور..
محمد : لف ليه..وقلبه دق بفرحه كبيره.. وشال محمد الصغير بين ايديه..
آريان : بسعاده.. أذن ليه. بابا آدم وبابا زين قالوا مفيش غير محمد اللي هيأذن لمحمد..
محمد : ضحك وعيونه لمعت..وقرب من محمد وأذن ليه.. وباس جبينه..وقال. نورت حياتنا ياحفيدي الغالي…!!!
——————بقلمي مريم نصار.
عند آدم مراد..
أكرم : اتصدم.. وقال..مش معقول..اتكشفوا؟ طيب إزاي؟ ازاااي؟ مراد وفهد في خطر..
في خطر حقيقي بسببي..انا لازم أتصرف..وبص ل آدم..اللي بينهج وعروقه برزت من الغضب..
وقال. اهدا يا آدم.. اهدا وفكر..ومتخافش على ابوك وخالك..انا هسلم نفسي لحيدر..وا….!!!
آدم مراد : قاطعه وقال..من بين أسنانه..حيدر ده بتاعي انا..ومحدش هيقتله غيري أنا..!!
ومسك الفون واتصل..على رغد.. وردت بتعجب..خير ياديزل..!!
آدم مراد : بعصبيه..رغد احنا اتكشفنا..غيري مكانك بسرعه..
رغد : بصدمه..ايييه؟ ازاااي؟ كل حاجه ماشيه بحرص شديد..وتركيز كبير..وا…
آدم مراد : بصوت عالى..مش وقته..ومعرفش إيه اللي حصل هناك..وعرف منين.؟ وميهمنيش.
اللي يهمني دلوقتي عيلتي.. اسمعيني كويس.. دلوقتي حالا..تروحي على المكان الاحتياطي.. وقابليني في الطريق..
رغد : مسحت ع شعرها بحيره..وهزت راسها حاضر..يا آدم..
چيهان : دخلت على رغد..وقالت بعفوية.مقدم رغد..
وصلت حالا رساله من داليا . إن بيبرس رايح على المطار بعد ما دور على آليس وفكر أنها هربت..!!!
رغد : هزت راسها بخنقه..تمام ياچيهان.
آدم مراد : كشر عينيه وقال بيبرس..!!! وبعدها أبتسم بخبث وقال. بيبرس..!!!!!
رغد : باستفهام.. بتفكر في ايه ياديزل؟
آدم مراد : هقولك. بس لازم تتواصلي مع داليا.. واسمعيني وركزي كويس انتي هتعملي……!!!
رغد : بتسمع بتركيز..وقالت تمام تمام..في ثواني هنتحرك..
آدم مراد : قفل الفون..وبص قدامه..وقال.. أقسم بالله.. لو أبويا اتخدش بس.. لاتموت في اليوم ألف مرة ياحيدر الكلب..!!!
أكرم : اتحرك بسرعة.وجاب العربيه اللعبه.. وبيشيل الكارت.من الريموت..
آدم مراد : بص للعربيه كتير..وبيفكر.. وبعد كده بص على العربيات كلها..وهز راسه بتفكير..
أكرم : بغضب..يلا بينا يا آدم..!!!
آدم مراد : ………..!!!
أكرم : شافه سرحان وباصص قدامه..وقال بنفاذ صبر..انت بتفكر في ايه؟ لازم نتحرك حالا..
آدم مراد : مسك العربيه اللعبه..وقال بتوعد.. هنتحرك وحالا..
——————بقلمي مريم نصار.
بعد كدا..
قدام المطار..
بيبرس : نزل من عربيه آجره..وقلقان لانه مش لاقي آليس..
داليا : من وراه..مستر بيبرس. مهلا رجاءا..
بيبرس : لف ليها..وكشر عينيه وقال. من أين تعرفي أسمي؟ ومن أنتي؟
داليا : مثلت الخوف والارتباك..وقالت..آليس..!!
بيبرس : الشنطه وقعت من أيدو وقال بلهفه..آليس؟ أنتي تعرفين آليس؟ واين هي.؟ هيا تكلمي..!!!
داليا : بلعت ريقها بتوتر..وقالت..انا صديقه ليها عبر الإنترنت..وتحدثت معي بالأمس وكانت في حاله سيئه جدا..
وقالت انها في خطر.من شخص يدعى ڤيكتور.. وخائفة جدآ منه لأنه حاول التعدي عليها وهربت منه..وآتت إلي في هذا الصباح وحالتها سيئه للغايه وتبكي كثيرا.. وقالت إنها تريدك..تريد سيد بيبرس..وتوقعت إنك ستذهب للبحث عنها.. وأتيت إليك على الفور.. وحمدا لله إني وجدتك مثلما آليس توقعت..
بيبرس : قبض ع ايديه بغضب.. وقال..يتعدى عليها..؟
داليا : بخبث.. ستأتي معي أم تقل سيارة أجره.؟ انا معي سيارتي الخاصة..
بيبرس : بعصبيه..اوصليني إليها في أسرع وقت..
داليا : بمكر..حسنا..تفضل معي..
بيبرس : فتح باب العربيه بنرفزه..وركب جمبها.
داليا : ركبت وبصتله..
بيبرس : بصلها وزعق..هيا تحركي..
داليا : ابتسمت.. حسنا..ورشت في وشه مخدر..
چيهان : كانت نايمه مستخبيه في الكرسي الخلفي. واتعدلت..وحطت الكلبشات في أيد بيبرس وهو بيغيب عن الوعي.. وقالت..بسرعه ياداليا..مش لازم نتأخر ع الديزل..!!!
——————بقلمي مريم نصار.
في ملهى ڤيكتور..
كلهم واقفين في صالة الملهى والحرس محاصرين أبطالنا بألاسلحه..وڤيكتور قاعد قدامهم..
آليس : واقفه دايخه ومش قادره تتحمل وهيغمى عليها.. لأنها مأكلتش حاجه من آخر مره كانت فوق..
چاك : واقف جمبها وساندها..وجواه مرعوب ألف مره.
ڤيكتور : جاله مكالمه..وبيتكلم في الفون..
مراد : واقف ومخنوق جدآ..ومضايق لانه خايف ع آدم.
فهد : واقف جمب مراد.وبص ع الحرس..ونزل راسه بميل ناحية مراد. وقال بهمس..هو أحنا مش مأمنين نفسنا كويس؟
مراد : هز راسه بتنهيده.. أيوه..
فهد : طيب مستني ايه يامراد.. أنا مش قادر افهمك.. أسلحتنا في كل مكان حوالينا..ولو قلبت تربيزه واحده بس.؟
ف ثانيه نفجر أم المكان ده.. ليه مصعبها عليا؟ ومخليني واقف متكتف..!!
مراد : بإشاره ع چاك وآليس وقال..عشان دول..لازم يخرجوا بأمان.. وعشان موريس و أورورا. لازم أخد أوراقهم..
فهد : مسح وشه وشعرو بنرفزه.. وقال من بين أسنانه.بغيظ..انا قولتلك قبل كدا..قولتلك خد الأوراق كلها من الخزنه احتياطي وحط مكانها نسخه مزوره.محدش عارف إيه اللي ممكن يحصل. واهو.. واقفين متكتفين..!!!
مراد : أبتسم بمكر.. وقال. وأنت مفكر إن الأوراق في الخزنه ياحوت؟
فهد : كشر عينيه وقال..تقصد ايه يا صقر؟
مراد : أبتسم بخبث..عيب عليك ده انا الصقر يبني..!!
فهد : بص حواليه..وقال بهمس..عملتها امتى وازاي؟
مراد بصله..وابتسم..وافتكر..
فلاش باك..
مراد : بقلق ها ياحوت جبت كل حاجه تخص زوي..خلي بالك انا مسافر بكره الصبح ومش عايز ابقى قلقان؟
فهد : اطمن ياصقر..البند تلاته جابت كل حاجه..باروكه وماسك ونفس اللبس وكل حاجه..
وهتوصلهم هنا بكره بليل في السهره..والتنفيذ بعد يومين..!!!
مراد : لأ كدا تمام اوي.. يلا بقى هنام ونصحى نشوف هنعمل ايه..؟
فهد : هز راسه تمام..وقفل النور ونام..
مراد : نايم وسرحان..وقال جواه.. طيب لما آليس تنزل تفتح الخزنه..وتطلع في كاميرات المراقبة. وحيدر يشوفها..٩٠٪ هيغير بسوورد الخزنه..!!!
طيب هتعمل ايه يامراد..كل الأوراق اللي تخص المزارعين وموريس وكمان اوراق ملكية چاك.. كل ده في الخزنه..ولو غير الرقم السري..هتبقى مشكله كبيره. لأني كدا هاخد وقت أكبر عشان اعرف الجديد..وممكن أوي معرفوش..اوووف طيب اعمل زي ما قال فهد؟
تاني يوم..سافر لموريس و أورورا.. وقابل رغد هناك.. وقال..امقدم رغد.امسكي .دي صور صورتها لكل ورقه موجوده في الخزنه انهردا قبل ما اجي.. أنا عايز منك نسخه مزورة من كل الأوراق دي .. ونفس الملفات. انتي قابلي الخبير بتاعنا.وهو هيظبط كل حاجه..
رغد : تمام يافندم..واخدت الصور..
مراد : بتنبيه..انا راجع بكره الضهر..وعايز النسخ تجيلي بكره بعد نص الليل في الملهى..
رغد : حاضر يا فندم انا هجيبهم بنفسي..!!
وبعد كده..في الملهى في وسط الزحمه والميوزك والرقص..
رغد : دخلت الحمام.. وكانت الأوراق في كيس محكوم..وسابته خلف السيفون..وشدت السيفون وخرجت.وبعتت اشاره لمراد.
مراد : دخل الحمام..وجاب الكيس..وحطه جوه التيشريت. وقفل الچاكيت.. وخرج.. واول فرصه..قبل سرقة الألماس بيوم..دخل المكتب..وفتح الخزنه.. بدل الملفات وحط الملفات الاصليه في الكيس.وحطها في هدومه..ونزل السرداب. ونزل تحت السرير.. ولزق الكيس بأحكام في السرير..
باك»»»»»
مراد بص لفهد بابتسامة نصر.من غير ما يتكلم..
فهد : رفع حاجبه بتعجب..وفهم إن الأوراق في أمان..وابتسم..
الحارس : هاي أنتم لما نراكم تضحكون؟ اصمتوا سيد ڤيكتور قادم…!!!
فهد : بصله بغيظ وقال من بين أسنانه..اللعنه عليك أنت وڤيكتور..
مراد : هشش اهدا.. أخد الحق حرفه.. ده هيطلع تيت أبوهم..بس الصبر..!!!
——————بقلمي مريم نصار.
بعد شويه..
في مكان تاني..
بيبرس : بدأ يفوق..
آدم مراد : قاعد قدامه بملامح غضب.. وقال بالعربي.. اسمع يابيبرس..!!
بيبرس : أتصدم.. وقال..كيران..!!!؟ وبتتكلم مصري؟
آدم مراد : مردش عليه..وشمر كم أيد بيبرس.. وقال ل أكرم.. مش عايزه يتحرك..!!
أكرم : كتفه..
بيبرس : رغم أنه مصدوم لكن بيتحرك بغيظ..
أكرم : ضربه بوكس..وقال..اثبت يالا..!!
آدم مراد : فتح علبه كلها تلج. وطلع منها جرعتين.. واحده لونها أزرق والتانيه أحمر.. وجهز الحقنه من اللون الأزرق. وحقن بيبرس في دراعه.. وسط محاولة دفاع من بيبرس.
آدم مراد : بثبات..قال ده فيروس نشط.. والازازه دي المصل المضاد ليه..
لكن الفيروس
هتبدا أعراضه بعد تلات ساعات.. أول حاجه..هتحس بدوخه.. وبعدها صداع .. وضربات قلب سريعه جدآ و فجاءه إنفجار في شرايين القلب..وتموت..
بيبرس : بينهج بخوف..وقال برعب وصدمه..اييييييه ليييه؟ لييه؟ وأنت مين؟ وعايز مني إيه؟
آدم مراد : ضغط ع فكه بكُره واضح.. وقال..بغضب.. انا النقيب آدم مراد العدوي. مخابرات عامه.. ولو منفذتش اللي هقولك عليه..اعرف انك ميت..
بيبرس : فتح عينيه بصدمه.مخابرات..!!!
آدم مراد : قام وقف..وقال..المصل مش هتلاقيه غير معايا انا وبس..وحط الازازه في جيبه..
بيبرس : بصله بغيظ.. وساكت…….!!!
آدم مراد : رفع كتفه..وقال..تمام أنت حر.. وشاور لاكرم والبنات..وقال سيبوه مكانه..و يلا بينا..وجه يتحرك..
بيبرس : بينهج..ماشي.. موافق اعمل اي حاجه.. بس هات المصل..!!
آدم مراد : هز راسه.. لأ.. وقال..عقيد أكرم.. اشرحله كل حاجه و نفذ دلوقتي..
أكرم : بقلق..طيب وأنت رايح فين..!!!
آدم مراد : بص قدامه.. وقال.. مغامره.!! وسابهم ومشي..
رغد : اتفضل يا اكرم..دي هدومك..والصديري الواقي..احلق دقنك.والبس زي ما آدم قال..بس بسرعه ارجوك. لازم نكون مأمنين آدم وباقي الفريق..
أكرم : بص ل بيبرس..وقال بجمود.. أسمع يالا..احنا هنروح ع قرية حيدر.. وأنت هتكون معانا.
يعني أنت اللي هتعدينا من الكامين ورجالتلكم..
انا عندي استعداد اصفيهم كلهم..بس مش قبل ما حيدر ياخد حقه تالت ومتلت.. فاهم..!!!
بيبرس : بينهج من الخوف..وبيعد الساعات اللي باقيه ليه في الدنيا..
——————بقلمي مريم نصار.
بعد شويه..
في ملهى ڤيكتور..
ڤيكتور : بص في الساعه..وقال.. كيران لم يأتي بعد..!! من الواضح أنه لا يريد سلامتكم..
مراد : بهدوء..قال.. على العكس تماماً.. أنت الذي لا تريد سلامتك.. اتعرف ڤيكتور.؟. انا حقا اشفق عليك. من غضب كيران.. انا لو كنت مكانك.؟ كنت هربت منذ أن علم كيران..!! ما رأيك چاسبر..
فهد : رفع طرف عينيه وقال بتوعد… ياويلك ياحيدر..!!!
ڤيكتور : صك ع أسنانه بغيظ..وعايز يقتل فهد بأي شكل.. لأنه شايف جبروت في عينيه..
لكن لازم يستنى لما يوصل كيران.وياخد القايمه.. ويقتلهم كلهم دفعه واحده..
فون ڤيكتور رن..
ڤيكتور : أبتسم وقال..ها قد بدأنا.. أنه كيران.. ومن الواضح أنه سيتوسل الي بأن ارحمكم..
مراد وفهد بصو لبعض وضحكوا..
ڤيكتور : بغيظ..فتح الاسبيكر ورد ع آدم..وقال. أين أنت أيها الوغد..!!!
آدم مراد : واقف على سطح الملهى..وقال بدهاء.. اللغز الأول..ما هو الشيء الذي يوصلك من بيتك إلى عملك دون أن يتحرك هذا الشيء؟
ڤيكتور : كشر عينيه بعدم فهم وقال بغيظ..ماذا؟ أنت تتحدث معي لتقول ألغاز..؟
مراد وفهد ابتسموا و غمزو لبعض..
آدم مراد : ربط نفسه بالحبل..ونازل من اعلا الملهى..وقال بهدوء.. الجواب هو الطريق..!!!
اللغز الثاني. أنا شجرة كبيرة ومتفرعة..إلا إني ليس لي ظلال ولا أطرح ثمار فمن أكون؟
مراد بابتسامة فخر..وقال من بيت شفايفه لفهد..الديزل..شجرة العيله..
ڤيكتور : بصوت غضبان.. أين أنت أيها الخنزير.. إن لم تأتي الآن ومعك ويليام وكارت الذاكره..صدقني سأفچر رؤوس هؤلاء الحمقى.. وانا أعي ما أقوله..
آدم مراد : وصل قصاد ازاز مكتب ڤيكتور..وطلع أداه صغيره..وبيقطع بيها جزء من ازاز الشباك.. وقال بهدوء..الحل هو أنا أكون شجرة العيلة..!!!
اللغز الثالث.. يخترق الزجاج ولا يكسره ما هو؟
فهد : أبتسم بسخريه..وهمس.. الضوء.. وبص ل مراد وقال بحماس. الديزل هنا..!!!
مراد : نفخ بتوتر..وخايف ع آدم..وهمس ربنا يستر..
ڤيكتور : بصوته كله.. ما هذا الهراء أيها الوغد.. اصدقائك تحت قبضتي وأنت تقول لي ألغاز.. أريدك أمامي..وحينها أقسم بأني لن اتتردد في قتلك..
آدم مراد : فتح الشباك..ودخل المكتب..وقلع الشنطه..وحطها ع المكتب..وقال..الاجابه هي الضوء. وابتسم وافتكر ضي آدم..
وقال لڤيكتور..
اللغز الرابع..شي أمامك ولن تراه مرة ثانيه لأنك ستتحطم فما هو هذا الشيء؟
مراد وفهد بصو لبعض..وقالو بهمس.. المستقبل..!!!
ڤيكتور : بيتنفس غيظ..وقال.. أمامك نصف ساعة.. إن لم تأتي..فسحقا لك أنت وكارت الذاكره..وساقتلهم جميعاً..واحتفظ لك بجثثهم.. فالتأتي وتأخذهم.. أنت تعلم أني ليس لدي صبر أيها الوقح..
آدم مراد : طلع جهاز من الشنطه..وبيدور في المكتب على الجهاز المتحكم في الشبكه..وماشي ورا السلك.. وشاف الجهاز ورا رف التحف..وبيرفع التشويش عن المنطقه كلها..وركب جهاز التشويش لجهاز التحكم..
وقال علي رسلك..نحن نتحدث فالطريق أمامنا طويل..
وأنا سأتي بالطبع..ولكن عليك حل آخر لغز.. لأنه اللغز المهم عن ما سبق.. ركز معي جيدا..
اللغز الأخير هو..قطار طوله كيلو متر واحد..يجب أن يجتاز نفق طوله كيلو متر واحد أيضاً..ماهو الزمن الذي يحتاجه القطار ليجتاز هذا النفق؟ علما بأنه يسير بسرعة 15 كيلومتراً في الساعة..!!؟
ڤيكتور : بيفكر بغيظ..ورايح جاي قدامهم.. والكل بدأ يحسب الوقت للقطار..
صوفيا : كشرت عينيها وبتحسب ع أيديها..
ڤيكتور : صاكك ع أسنانه ومش عارف يفكر ولا يتحكم في أعصابه.. هو متغاظ جدآ من آدم وفهد..
الحرس بصو لبعض..وبيحسبو كم الوقت..!!!
مراد وفهد كل واحد بص في الساعه..وكل واحد قال جواه 8 دقايق..الديزل محتاج 8 دقايق بالظبط..!!! بس ياترى ليه؟
آدم مراد : قعد ع كرسي المكتب..وفتح اللاب توب الخاص بڤيكتور.. ومعاه أكرم ع السماعه التانيه.. وبيوصلو الاجهزه.بالجهاز اللي مع اكرم..
أكرم في الطريق.. وابتسم بنصر.. وقال.. تمام كدا ياديزل.كل معلومات ڤيكتور قدامي.. اديني تلات دقايق بالظبط..وهعمل كل اللي اتفقنا عليه..
آدم مراد : هز راسه.. ورفع طرف السِتاره..وبص عليهم..وشاف أبوه وخاله متحاصرين..والدم غلي في عروقه..وقبض على أيديه.. وأقسم أنه هيقتله..
وقال لڤيكتور..بمكر وغيظ..ماذا حل لذكائك ڤيكتور العظيم.. الم تعرف ما هو حل اللغز..!!!؟
ڤيكتور : بينهج من الغضب..وقال بتهديد.. أدخل قريتي إذن وسترى ذكاء ڤيكتور أمام عيناك قبل أن تغفل للأبد.. صدقوني لن ارحمكم..!!
آدم مراد : ثماني دقائق. حل اللغز هو ثماني دقائق. كان لديك فرصه واحده ڤيكتور..وقد انتهت.. واسمعني جيداً.. إن حدث خدش صغير لأي أحد عندك.. أقسم لك.. إنك لن لترى المستقبل ثانية.. وقبل أن تتحدث بكلمه اخرى.. أمامي أقل من نصف ساعه ليكون الجميع أمامك..
الديزل لا يكرر كلامه مرتين وقت التنفيذ أنتظر لترى الجحيم.. وقفل الخط في وش ڤيكتور..
في الطريق..
داليا : سايقه العربيه..وجمبها أكرم..فاتح اللاب توب وشغال عليه بسرعه..
چيهان : راكبه في الخلف جمب بيبرس..!!!
بيبرس : متكلبش..وبدأ يحس بشعور غريب.. واتأكد أنه لو منفذش.. هيموت..!!!
أكرم : بحماس..يس..ايوه بقى..سامعني ياديزل..الرساله وصلت وتم الرد عليها..والكل في الطريق دلوقتي..
آدم مراد : بهمس..قدامهم قد ايه بالظبط؟
أكرم : ثواني كدا.. امممم. قدامهم عشر دقايق.. أنت ابدأ جهز نفسك يابطل.. وانا هكون قريب منك..!!!
آدم مراد : تمام في الانتظار..
أكرم : تمام يابطل..وبص لچيهان.وقال فكي الكلبشات من بيبرس.. وبصله بتحذير وقال.. اقسم بالله.. أي حركة غدر.. لافجرك فاهم؟
احنا دلوقتي داخلين على الكامين.. وهنعدي..غير كدا.افتكر إن حياتك مع الديزل…!!!
عدا الوقت..
ڤيكتور : رغم جبروته..لكن ثقة آدم ونبرة التوعد في صوته..هزته. وأمر الحراس..وقال. بجمود.. أنت. اريد منك أن تاخذ عدد من الرجال وتنتظروا في الخارج.. وإن وجدتم أي غدر فأقتلوهم بلا رحمه..
وأنتم. اذهبوا الي الباب الخلفي. وراقبوا المكان جيداً.. لا أريد هذا اللعين أن يدخل بطريقة ما..
فهد واقف..ونفخ بخنقه..ومتغاظ من مراد. لأنه في ثانيه يخلص عليهم..
مراد : مسح وشه بايديه ونفخ بنفاذ صبر..
آليس تعبت ونزلت ع الأرض مكانها..وبتنهج بخوف كبير..
چاك : واقف بيترجف..وندم أنه وافق چاكوب اللي عرف بعد كدا أنه عميل سري .. وندم أنه وافق على عرضه..!!! لأن واضح من ملامح ڤيكتور.. أنه مش هيسبهم وهيقتلهم بالتأكيد..!!!
صوفيا : واقفه جمب فيكتور وحاسه بالنصر.. وإنها في أمان مع سيد القريه بالنسبالها.. لكن سمعت صوت عربيات ودوشه كتيره قدام الملهى.. وقالت بعدم فهم.. ما هذه الضجه..!!!!
ڤيكتور : بص في الساعه..وقال متبقي من الوقت.. خمسة عشر دقيقة.. ولكن من المؤكد أنه يخدعني هذا الحقير.. وسألقنه درساً عن هذا..!!!
حارس : دخل بسرعه..وقال بتوتر..
سيدي..يوجد..احم.. يوجد كثير من الناس أمام الملهى.. وأيضاً فريق عمل من الاذاعه والتلفزيون.والصحافه.. وانا تأكدت من صحة هويتهم..
مايكل : دخل بسرعه..وقال..نعم هذا صحيح.. وهذا الصحفي الذي يدعى بارون..مشهور جدآ.. أنها ليس بلعبه سيد ڤيكتور..أنهم حقا من الصحافه والاعلام..
ڤيكتور : قام وقف وقال بغيظ كبير جدا.. ماذا…..!!!!؟
مراد رفع حاجبه بتعجب.. وقال..والله الواد آدم ده مش سهل برضه..!!!
فهد : بدهشه..معقول..!!! جاب التلفزيون الأوكراني؟ والصحافه؟ يابن اللعيبه..!!! ده هيبقى دم بث مباشر..!!!
قدام الملهى الناس بتصور وبيهمسوا لبعض..عن اللي ڤيكتور هيعمله..ومش مصدقين..!!!
المذيعين والصحافه بيتزاحمو على باب الملهى.وعايزين يدخلوا..ويينادوا على فيكتور..
ڤيكتور : ضرب قبضة أيدو بغضب شديد.. وحط السلاح في جيبه..وقال لكل الحرس..اخفضوا اسلحتكم.. واذهبوا بهؤلاء الحمقى الى المرأب.. ولنرى ماذا يريدون.. وكيف يمكن أن يكون البث التلفزيوني شغال..وانا المتحكم الوحيد في الشبكه..
مايكل : من الممكن أن يكون قد حدث عطل أو خلل في جهاز التحكم.. سأذهب الى المكتب واتفقده..!!!
ڤيكتور : صك ع أسنانه بغضب العالم..
صوفيا وقفت جمبه..وجواها قلقان..
الحرس أخدو مراد وفهد وچاك وآليس.. للبدروم.. ونازلين ع السلم..
فهد : بحركه سريعه..شد الحارس. ولف رقبته.ومات في وقتها.. واخد السلاح..
وضرب الحارس اللي ماشي خلف مراد..ولف رقبته ووقع مات..
مراد : حس بيه..وهجم على الحارس اللي ماشي جمب چاك.. وقتله.. وقتل واحد كمان..
فهد : قتل حارس ماشي جمب آليس..
چاك وآليس واقفين متنحين..!!! وامتى وازاي ده حصل…؟
مراد : أتحرك بسرعه..وقال..اسمعني چاك.. هل يوجد مخرج..من هذا المرأب الي السرداب السري..!؟
چاك : هز راسه بخيبة أمل..لا.. لابد أن تصعد إلى المطبخ..انه الباب الوحيد للنزول الي السرداب..!!!
مراد : هز راسه..لا تقلق سنجد مخرج بالتأكيد..
فهد : بتفكير..اسمع يامراد. جاك يلبس لبس حد من الحرس ده..ويمسك سلاح عادي.. ويخرج للمطبخ على أنه حارس. وانا هتصرف وهجيب آليس..وينزلو السرداب..
مراد : مسح ع شعرو..وقال بقلق ونرفزه. آدم فين..!!!!؟
مايكل فتح باب المكتب.. ودخل وقفل الباب..
آدم مراد : كان واقف ورا الباب.
مايكل : اتصدم.. ولسه بيطلع السلاح..
آدم مراد : مسك أيدو.. ولف مايكل على صدرو.. وطلع سلاح صغير.. وحط ايدو على بوق مايكل..وضربه في قلبه..
مايكل : وقع ع الأرض..يبلفظ أنفاسه الأخيره..
آدم : مسك اللاب توب.. واتعدل..وبص ع باب المكتب.. وابتسم..!!!
المذيعه : دخلت..ومعاها المصورين..وقالت بابتسامه.. مرحباً سيد ڤيكتور.. اتمنى أن نكون أتينا على الموعد المحدد. !!!
ڤيكتور : كشر عينيه..ومش فاهم..!!!
صوفيا : ضحكت بتمثيل..وقالت.. عذراً منك. لا نفهم اي موعد تقصدين..!!؟
المذيعه : ضحكت..وقالت. كم أنتم متواضعون.. منذ أن وصلت الرساله على صفحة القناه..صُدمنا جميعاً.. هل حقاً سيد ڤيكتور..سيد القريه المعروف.. سيتبرع بكل هذا الملهى.. ليعيد بناءه ويصبح دار للأيتام..!!!!؟ حقا هذا مدهش.. نحن جدآ سعداء بك سيد ڤيكتور..!!
ڤيكتور : فتح عينيه بصدمه..وقال ماذا…!!؟
صوفيا : فتحت عينيها بزهول..وشافت آدم خارج من المكتب.. وهمست.. وقالت.ڤيكتور..كيران هنا…!!
فيكتور : بص بصدمه..وفهم كل حاجه.. وإن كيران هو اللي خطط لكل ده.. لكن أمتى وازااااي.!!؟
آدم مراد : خرج من المكتب..وووقف قدام ڨيكتور.. وضهره للكاميرا..وماسك اللاب توب..لحيدر.. وقال بابتسامه.. تفضل سيد ڤيكتور.. فعلت كما أمرت..وتبرعت بنصف أملاكك الي دار العجزه..
المذيعه : شهقت بانبهار..وقالت للمصور.. وااااو هذا رائع.. صور هذا الحدث بسرعه..
ڤيكتور : بينهج وعروقه برزت.. وبيحاول يهدا لكن صعب..ومش قادر ينفس عن غضبه..ولا قادر ينفي أي معلومه.. لأن كل حاجه بتتصور حصري.. ولأن ڤيكتور متعود مايسبش أي دليل عليه.. وأقسم أنه هيعذب كيران لحد ما يتمنى الموت..!!!
لكن من هذا الخصم؟ الذي دمرني في لحظه..ما هذه القوه التي أراها في عينيه.. أين تربى ونشأ هذا المغوار.. ولكن سمعته بأنه يطلق عليه الذيزل.. والآن فهمت لماذا..!!!!
آدم مراد : بثقه..قال..سيد ڤيكتور هل تسمعني؟ انا قد فعلت كل ما آمرتني به.. وكنت سعيداً لتسجيل هذا الحدث التاريخي.. تفضلي سيده صوفيا. امسكي بهذا الحاسوب..ودعي لقطات التصوير.. تصور تقارير سيد ڤيكتور العظيم.. بأنه تبرع بهذا الملهى لدار الأيتام..ونصف ثروته الطائله.. لأناس كثيرون. ودار العجزه..
وحط اللاب توب بين ايديها.. ورجع خطوتين لورا..
ڤيكتور : بينهج بسرعه..وعينيه تايهه يمين وشمال.و بتطلع شرار..!!!
صوفيا : مش عارفه تقفل عينيها من الصدمه.
الصحفي : بفرحه..واو سيد ڤيكتور..انا لم أصدق هذا.. حقا مندهش جميع من أتى معنا لم يكونوا يتوقعو مثل هذا الشيء الكبير منك.. أنت حقاً أثبت إنك رجل رائع..
ڤيكتور : قبض ع ايديه بنرفزه..وصك ع أسنانه..ولسه هيزعق..
صوفيا : لحقته بسرعه.. وقالت بابتسامه وتوتر..هذا ليس بجديد على سيد القريه.. احم .فإنه يهتم كثيرا ببلده أوكرانيا..وعلى أتم الاستعداد لمواجهة الفقر..ومساعدة المحتاجين.. سيد ڤيكتور. صُنع من أجل هذا.. فهو يفعل كل ما يقدر عليه من مساعده..
المذيعه والصحافه بتكمل اللقاء مع حيدر اللي بيخطط لتفجيرهم أكيد بعد ما الصحافه تمشي..
آدم مراد : ضحك بصمت.. وبص يمين وشمال على عيلته..
چاك : طالع بيترجف ع السلم اللي جمب المطبخ..
حارس : شافه ورايح ليه بسرعه..
آدم مراد : وقف قدام الحارس.. وقال بتوعد.. تريد أن تكون أول جثه حصري.. أذهب من هنا..!!!
الحارس : رجع مكانه..
مراد : طالع ع السلم..وقال ده صوت آدم.. وطلع بشويش..
آدم مراد : بإشاره.. اتحركوا بسرعه..يلا.. وطلع من جيبه سماعات بلوتوث.. وعطاها لمراد وفهد..
مراد : حط السماعه ف ودنه..واتحرك وقدامه آليس..
فهد : ركب السماعه ووقف جمب آدم..
آدم مراد : بهمس..يلا ياحوت انزل بسرعه مع الصقر.. واطلعوا على العماره المهجوره.. وأكرم هينقلكم.. يلا بسرعه..
فهد : من غير ما يبصله..قال.. وأنت مفكر اني هسيبك..تواجه الطوفان لوحدك؟ وبعدين انا مش همشي غير لما اربي حيدر الكلب ده.
آدم مراد : بنفاذ صبر..بالله عليك انزل مع الصقر..انا هتصرف..
فهد : بصله بتحذير..
آدم مراد : اتنهد بإستسلام.وسكت..
أكرم : في السماعه.ديزل سامعني؟
مراد : في المطبخ..سمع صوت أكرم.. وابتسم بحب كبير..وهمس أكرم..
أكرم : ضحك بفرحه وقال..الصقر..حبيب قلبي..وحشني اوي ياصقر.. وحشني ياجدع انت والحوت..
فهد : أبتسم بتنهيده..وهمس.حمدلله ع سلامتك يا أكرم..
أكرم : الله يسلمك ياصحبي.. اسمعوا بقى. خمس دقايق واكون قدام باب العماره.. هاخدكم ونمشي..
فهد : بتريقه.. أنت مفكر إن الموضوع سهل؟ انت بس لو لمحت كام واحد واقف بالرشاشات مش هتصدق.. ده غير أني سمعته بيتكلم مع واحد.. وقاله جهز صواريخ في الطيارات.
آدم مراد : كشر عينيه وقال طيارات..!!؟
أكرم : انت هتقولي منا جربت شوفت بعيني قبل كده..
وكمل بحيره وقال..طيب والعمل يارجاله هتخرجو إزاي؟
مراد : بهمس.. أسمع يا أكرم..خليك مكانك ع الطريق.
أكرم : برفض..استحاله اسيبكم..ومتحاولش ياصقر.. انا مش هتنازل عن إني اقتلهم كلهم..دول السبب في كل اللي بيحصلنا.. وخصوصاً حيدر الكلب ده..
مراد : هز راسه تمام.. ورفع عينيه ل آدم..وقال.. انا مش عايز حد يشوفني وانا بفتح السرداب..!!
فهد : بص حواليه..وقال..اللقاء مع حيدر بيخلص.. انت وچاك خليكم مكانكم. وانا و الديزل هنتصرف.. وعند الاشاره..افتح السرداب.. واتحركوا.. واحنا هنحصلكم..
مراد : تمام .. وبص ل چاك..وشاور ليه يهتم ب آليس..
آدم مراد : بيراقب كل اللي حواليه وشاف الصحافه والناس بتصور..وقال.. انت فين يا أكرم؟
أكرم : انا داخل عليكم أهو..
آدم مراد : طيب انا طالع أخد الامانه..و دلوقتي يا أكرم قبل ما الناس تمشي..
أكرم : فك كلبشات بيبرس..وقال تمام .وهو هيقابلك..
آدم مراد : اتحرك..
أكرم : يلا يا بيبرس.. أنزل أدخل الملهى ل آدم.. وأعرف إنك لو غدرت هتموت.. الديزل ماعندوش هزار..ومفيش مصل غير اللي معاه.. يعني زي ما قولتلك.. روحك في أيدو.. يلا ياحلو أنزل..
چيهان : جمبه..وفتحتله الباب..وقالت بجمود أنزل.. وبلغ الحرس أننا تبعك.. وإلا مش هيحصلك خير.. انزل..!!!
بيبرس : بلع ريقه بصعوبه.. ونزل..وقال للحرس إن العربيه دي تبعه.. وقابل آدم.. وجواه متغاظ جدآ منه.
آدم مراد : بجمود..قبل ما تدخل معايا.. عايزك تشوف حاجه مهمه.. وفتح الفون..وقال. شوف آليس..!!!
بيبرس : شافها متحاصره..وصوفيا شمتانه فيها.. وهي مش قادره توقف وچاك اخوه اللي غدر بيه..هو اللي بيسندها ويساعدها تقف على رجليها.. وڤيكتور واقف متفرج..
بيبرس عينيه تايه يمين وشمال..وقال بغيظ.. مين اللي عمل فيها كدا؟
آدم مراد : بهدوء..حيدر..!!!
بيبرس : صك ع أسنانه بغيظ..وقال حيدر..!!! وحياة أمي لاقتلك.مش هسيبك..انا كان لازم اقتلك من بدري..!!
آدم مراد : بمكر.. اسمع يابيبرس..عايز بجد تعيش وتاخد المصل..تدخل معايا دلوقتي بهدوء من غير ولا كلمه. وتسمع كلامي..
بيبرس : هز راسه..بنرفزه..ومن جواه بركان لحيدر..
آدم مراد : شاف الغضب في عيون بيبرس..وكدا يبقى آدم ماشي صح..!!!
بيبرس : داخل الملهى وجمبه آدم..وقال لكل الحرس بأمر.. محدش يقرب من كيران..ودخلوا الملهى..
أكرم : تمام أوي كدا..ونزل من العربيه..
چيهان : بقلق.. حضرتك رايح فين دلوقتي..!!
أكرم : رايح لصحابي.. اطلعوا انتوا من المنطقه دي.. واستنوا بره..في مكان آآمن..
چيهان : نزلت من العربيه..وقالت..بس ماينفعش نسيب حضرتك..العقيد فهد ممكن يبهدلنا.. أرجوك يافندم..خليك معانا .
أكرم : بصلها بتحذير..وقال وانا كمان عقيد..مش عيل صغير..وعارف انا بعمل ايه..وبأمركم بالانصراف وحالا.
چيهان : باحترام..تحت امرك يافندم..وركبت قدام.
داليا : اتحركت بالعربيه..
أكرم : في السماعه..مقدم رغد سمعاني..!؟
رغد : بصوت بعيد.. أيوه يا أكرم سمعاك..!!
أكرم : طيب اجهزي بالطياره الخاصه.. وخليكي قريبه من هنا..!!
رغد : تحت امرك يافندم..
أكرم : قفل..ودخل الملهى بسرعه مع آدم..
آدم : صك ع أسنانه وغمض عينيه..وقال لييييه؟
أكرم : عشان ڤيكتور معندوش هزار..اول ما الصحافه تخرج هيقتلك من غير تردد..لكن لما يشوفني هايهدا..هيفتكر أننا خايفين منه.. وجينا نسلم ليه الكارت..فهمت.؟
آدم مراد : هز راسه..ماشي..بس خليك جمبي..لازم.
الصحافه..خلصت اللقاء..وسلمو ع فيكتور وصوفيا..واتصورو معاهم.. وخرجوا..
ڤيكتور : واقف بينهج..وضاغط على أيديه. وعايز يقتل كل اللي حواليه.. وصرخ بصوت عالى..ووقع كل حاجه على التربيزات..
بيبرس : بينهج بغضب..
ڤيكتور : عينيه جت ع آدم.. وأقسم أنه يضربه ويربيه قبل ما يقتله.. ورايح يهجم عليه..
لكن بيبرس قابله..وضربه بوكس قوي..
ڤيكتور : بغيظ..ضرب بيبرس بقوه أكبر.. وقال بحزم.. أسمع يابيبرس..انا دلوقتي مش شايف قدامي ابعد من وشي..
بيبرس : مهتمش وضربه تاني..
آدم مراد : دي مهمتك تجيبها معانا..
ڤبكتور : زق بيبرس ع الأرض.. وزعق وقال.. اقفلو جميع الأبواب..فالكل هنا بين قبضتي..
كل الحرس قفلو الأبواب..
ڤيكتور : شد س’لاح من جيب الحارس..
آدم مراد : قال..بعد ٣ ثواني..
فهد : بخنقه.بعت اشاره ليهم..وقلب التربيزه.. وسحب..قن’بله مسيله للدموع..وشد الف’تيل.. ورماها..
————-يتبع تكملة باقى الفصل ف ج 2