رواية سينا اصبحت قدري كاملة بقلم مي محمد عبر مدونة دليل الروايات
رواية سينا اصبحت قدري الجزء (3)الفصل الثالث 3
عمرو بصراااخ…
: بابااااااا..
ثم يركض ببكاء لأبيه يهزه بعنف لكى يستيقظ لكنه لا يستجيب ليرفع ينظر لأخيه بغضب شديد ..
يذهب عمرو لأخيه ممسكا بتلابيه بغضب ..
: انت ت’جننت يا عمر !!
لينظر له عمر ببرود كأن شيئا لم يحدث ليجن جنون عمرو وبشدة ..
ليلتف عمرو كى يذهب هوا الآخر لجلب سلاح لقت’ل أخيه مثلما قت’ل أبيه وحرمه منه للابد لكنه مجرد أن يلتفت ليقف مصعوقا مما يرى …
***************************
ملاك بهمس ..
: فيروز اهدى لسيف يسمع ..هوا مش عارف اى حاجة من ال بتحصل دى ..
فيروز ..
: بطلى هبل يا ملاك ايه ال انتى بتقوليه ده ..هوا ف اى ست عاقلة وجوزها بيعشق التراب ال بتمشى عليه تروح تدروله على ضرة ليها !!
ملاك بملامح تبدو عليها الحزن ..
: ماهو مش عشان بيحبنى استغل حبه ليا واحرمه من الواد ال نفسه فيه ..هوا زى كل الناس من حقه يتقاله كلمة بابا ..متفكريش أنه لما اقولك تجوزيه يبقا انا مبحبهوش أو مش مقدرة حبه ليا بالعكس عايزاه يفرح حتى لو الفرح ده على حساب قلبى ..
فيروز بضيق ..
: ملاك بطلى جنان لو سمحتى تمام ..وبعدين ازاى تقبلى عليا اتجوز واحد متجوز !! ..
فيروز بخبث..
: يعنى عاوزة تقنعينى انك مبتحبيش سيف !!
وانه مش السبب الرئيسي انك تسافرى وتسيبى البلد !؟
توترت قسمات وجه فيروز ..كيف علمت بعشقها ذلك الذى دفنته فى قلبها لسنوات !!
ملاك..
: متتعبيش نفسك ف التفكير انا عرفت ازاى ..كل الستات بتفهم بعضها كويس اوى ..انا كنت بشوف حبك لسيف بيتفجر فى عيونك طول ماهو هنا ..ويوم فرحنا قال ظهر ليكى شغل مفاجئ ف امريكا ورحتى حتى مجيتيش زيارة لمصر الا لما انا قولتلك ف حاجة ضرورية اوى ولازم تنزلى ..
فيروز بتوتر وهيا تقوم للمغادرة..
: ملاك انتى اكيد فاهمة غلط مفيش حاجة من دى ..عن اذنك انا همشى ..
أمسكت ملاك يد فيروز ..
: فاكرة وعدك ليا يا فيروز !؟انا ال أنقذت ابوكى من المو’ت ووعدتينى اى طلب هطلبه منك هتنفذيه ..
صدمت بل صعقت فيروز ..تنظر فيروز لها بصدمة اتعايرها الان بإنقاذ حياة والدها !!..
ملاك..
: مالك بتبصيلى كده ليه !!
ايه هتتراجعى دلوقتى حياة ابوكى بقت متفرقش معاكى دلوقتى !؟
فيروز بغضب ..
: ملاك خلاص اخرسى ..
ملاك ..
: قرارك ايه !!؟
لتفكر فيروز قليلا إذا وافقت الان تنفيذا لوعدها بالطبع سيف سيرفض لانه يعشق ملاك ولن يتزوج عليها مهما حدث إذا سأدعها لسيف ..يارب انت اعلم بالقلوب وتعلم أنه بقلبى لهذه اللحظة لكن قلبه لغيرى وانت لن أقبل أن أكون له فى هذه الظروف مهما حدث..
فيروز ..
: تمام يا ملاك ال انتى عايزاه شوفى هتعملى اي وقوليلى ..عن اذنك ..
لتغادر فيروز على الفور تاركة خلفها ملاك تبتسم بخبث ..
ملاك محدثتا نفسها ..
: انا اسفة يا فيروز مكنتش عاوزة ادخلك اللعبة دى بس ده نصيبك ..
لتدخل ملاك غرفتها لكى تقنع سيف هوا الآخر بالزواج من فيروز لتقف مصدومة منا ترى ..
الغرفة بأكملها مزينة بصورها هيا وسيف وشموع وورود وبالونات متى فعل كل هذا !!
ليعانقها سيف من الخلف بحب ..
: كل سنة وانتى طيبة يا حبيبة قلبى ..
لتحتار ملاك على ماذا يهنئها هذا ليس يوم ميلادها ولا عيد زواجهما إذا عما يهنيها إذا لتحادثه كأنها تعلم حتى لا يشك بحبها له ..
ملاك بابتسامة ..
: وانت طيب وبخير يا احلى زوج ف الدنيا ..دنا فكرتك ناسى ..
ليديرها سيف إليه ينظر لعينيها بعشق ..
: ازاى انسى اليوم ده ..ده اليوم ال دخل عشقك فيه ..ده اول يوم شوفتك فيه وشوفت العيون ال أسرت قلبى من اول نظرة ..
لتبتسم له ملاك محدثة نفسها ..
: اوووف هوا ف حد بالتفاهه دى ..ده مين ال بيحتفل بحاجة زى دى !!
لتضمه ملاك ..
: شكرا انك ف حياتى انا بحبك اويي..
**************************
تجلس فيروز فى سيارتها تبكى بشدة..
فيروز ..
: يااااارب ..دخلت عشقه فى قلبى وتحرمت من عشقى ومشتكيتش وكتمت وجعى وقولت الحمد لله ..ليييييه دلوقتى يحصل كل ده ..مكنتش اتمنى كده ابدا يارب ..ملاك بتخرب بيتها بايديها وموافقتى دى كده انا بساعدها بخراب بيتها ..وحتى لو تم الجواز فهوا هيكون عشان اننى اجبله طفل بس مش اكتر ..يارب انت العالم بحالى ف ارحم قلبى يا رحيم..
يرن هاتف فيروز معلنا عن اخى …
تمسح فيروز دموعها وترد على هاتفها ..
: الو ..
_ ماله صوتك يا فيروز !!؟
فيروز ..
: مفيش يا حبيبى ..بابا عامل ايه !؟
_ بابا كويس الحمد لله.. انا قلقان عليكى يا فيروز نبرة صوتك مش مريحانى..انتى هتيجى امتا !؟
فيروز بتوتر ..
: ااا انا هقعد يومين كمان وان شاء الله راجعة عطول..
_ خلاص انا نازل مصر ااا..
ولم يكمل جملته حتى قاطعته فيروز قائلة …
: لا لا تنزل ليه ..انا كويسة بس هفضل اليومين دول عشان ملاك تعبانة شوية بس وهرجع على امريكا عطول متقلقش ..
_ تمام يا فيروز مع السلامة ..
تغلق فيروز الخط ثم تدير سيارتها مغادرة ذلك المكان ..
*****************************
عمرو بصدمة ..
: بابا !!
ليقف رعد يتذكر ما حدث منذ قليل ..ليقترب منه عمرو ليطمئن عليه ..
: بابا انت كويس !!؟
ليهز رعد رأسه بنعم ..ثم ينظر رعد لعمر ..
: انت ايه ال عملته ده !!؟
عمر ..
: عملت تعديل ف المسدس وكنت بجربه بس ..
رعد بغضب ..
:بتجربه فيا يا غبى !!! وافرض مت’ت ..
عمر ..
: اهدى يا بابا مش هيحصلك حاجة ..
ثم اقترب عمر يحمل الرصا’صة التى خبطت جسد والده ثم أعطاها لوالده..
: خد شوفت كده الرصا’صة دى ..
امسك رعد تلك الرصا’صة ليرى أنها مختلفة كأنها ليست رصاصة من الأساس ..
رعد ..
: ايه ده !؟
عمر بفخر ..
: انا فككت المسدس وعملته بطريقة تانية والرصاصة كمان وقرأت كتاب نقاط الضعف ف الجسد وانا ضربت الرصاصة دى فى نقطة ضعف عندك تخليك تنام لمدة ثوانى وتصحى ..
عمرو وهوا ينظر للرصاصة بانبهار ..
: انت عرفت تعمل كل ده ازاى !!
عمر وهوا يرفع قميصه بغرور ..
: انا عبقرى يابنى انتو ال مش عارفين قيمتى ..
يذهب عمرو إليه يشده كى يخبره أيضا بنقاط الضعف التى يعلمها ..
بينما يقف رعد مصدوما يتذكر حديث الطبيب يوم ولادة حور ..
*Flash back…
يدخل رعد لغرفة الطبيب بقلق عندما أخبره أن هناك شيئا عليه معرفته ..
يجلس رعد بقلق ..
: طمننى يا دكتور ف ايه فى ولادى ..
الدكتور ..
: ولادك تمام وكل حاجة بس لما عملنا اختبارات شاملة على ولاد حضرتك لقينا اختلاف بين عمر وعمرو ..عمرو طبيعى والاحصائيات العقلية طبيعية جدا بالنسبة لكونه طفل إنما عمر استغربنا هدوءه جدا ولما عملنا اشاعات واختبارات على عمر لقينا أنه التكوين الدماغي بتاعه مختلف بمعنى أنه عمر يا هيكون ذكى وذكاءه غير طبيعى يا هيكون عنده بطئ فى التفكير والاستيعاب بشكل غير طبيعى بردو ..
رعد ..
: مش فاهم …
الدكتور ..
: هفهم حضرتك ..بص يا فندم دلوقتى كل الاطفال بيكون ليهم تكوين دماغى معين ومع الوقت التكوين ده بيختلف على حسب أعمارهم ده لو كان المولود طبيعى زى حضرتك وزيى..إنما أنه نلاقى تكوين مختلف من اول الولادة ده شئ مش طبيعى فأنا توقعت توقعين أولهم أنه ابن حضرتك هيكون عبقرى جدا يا هيكون غبى جدا بمعنى اصح يعنى يا هيفهم كل حاجة زيه زى اى شخص بالغ يا هيفضل طفل بتفكير طفل طول عمره ..
*End flash back..
يسترجع رعد تصرفات ولده جميعها حتى الآن ويتضح أن ولده نسبة ذكاءه عالية جدا وهذا ليس جيدا ابدا ..
يذهب رعد مسرعا عليه أن ينهى تلك المهمة بسرعة كى يعود ويحل هذا الموضوع للابد ..
*************************
يخرج سيف من المرحاض ليجد ملاك جالسة على الفراش ويبدو عليها القلق ..ليقترب منها بقلق ..
: مالك يا حبيبتى!!؟
لتنظر له ملاك ..
: سيف لو طلبت منك طلب تنفذهولى!!
سيف ..
: اكيد طبعا يا حبيبتى انتى عندك شك !؟
ملاك ..
: اوعدنى انك تنفذهولى ..
سيف …
: وعد..
ملاك ..
: عايزاك تتجوز يا سيف ..
سيف بضيق ..
: تااانى ..هوا احنا مش تكلمنا ف الموضوع ده وقفلناه !!؟
: لا متقفلش يا سيف ..انت وعدتنى تنفذلى طلبى نفذهولى بقا ..
سيف ..
: مستحيل يا ملاك افهمى انا مقدرش اتجوز غيرك مقدرش انا بحبك انتى افهمى بقا ولو على الخلفة قولنا نسيبها ع ربنا ..
تقف ملاك ..
: تمام مدام عاوز كده ..
لتذهب إلى المطبخ ليذهب سيف خلفها وضعها ذلك لا يعجبه حقا ..
لتلتقط عبوة بها بنزين كانت قد وضعتها هنا من قبل فكانت تعلم أن سيف لن يقبل بسهولة الزواج من غيرها وتلقى ما ف العبوة على نفسها ثم أشعلت عود كبريت والقته على نفسها لتشتعل النيرا’ن ..
سيف بصرااخ ..
: ملاااااااااااااك ..
***********************
اسفة جدا على التأخير بس خلاص خلصت شغل وبقيت فاضيااالكم هنزلكم بارت كل يوم انتو وحظكم 😂❤️
تفتكروا ملاك هتموت والا سيف هيلحقها!!؟
ياترى ذكاء عمر ده هيتسبب فى ايه وليه رعد قلقان من ذكاء عمر !!؟
- يتبع الفصل التالي اضغط على ( رواية سينا اصبحت قدري ) اسم الرواية