رواية ميراث العشق كاملة بقلم مريم نصار عبر مدونة دليل الروايات
رواية ميراث العشق الجزء (3) الفصل الثامن 8
ف الصباح الساعه ٨
شقة فهد
رينو : نايمه..وفتحت عينيها بكسل.. وبصت جمبها شافت فهد نايم..اتنهدت بأريحية كبيره..انه رجع بخير..وقامت بشويش..عشان مايقلقش.وتصحي آرين للجامعه..وخرجت..
ف اوضة آرين..
آرين : نايمه..والغطا واقع ع الأرض. وشعرها ع وشها وايديها مفروده.. ونايمه بطريقه مضحكه.
رينو : خبطت عليها.وقالت.. آرين..قومي الساعه ٨
آرين : ………..!!!
رينو : حطت ايدها ع بطنها بتعب..وفتحت الباب.. ودخلت..وشافت آرين..وهزت راسها بنفاذ صبر.وقربت منها وشالت الغطا.وقعدت جنبها..وبتصحيها..وقالت.. آرين..! آريييين قووومي..
آرين : بنوم..نفخت بخنقه..وقالت يوووه بس بقى عايزه أنام..
رينو : آرين. قومي انتي انهردا عندك عملي كتير قومي الله يهديكي يابنتى..!
آرين : فتحت عينيها ببطء. وقالت بنوم صباح الخير يا مامي..وبتتاوب..واتعدلت بكسل..وبصت ع الساعه..
رينو : ابتسمت..ومسدت ع شعرها وقالت.. صباح الخير ياروح مامي..يلا ياروحي قومي اغسلي وشك واتوضى..وانا هجهزلك كوباية اللبن. والفطار..
آرين : بنوم..حطت راسها ع حجر رينو وقالت..مامي عايزه انام كمان شويه بليز..انا محاضراتي هتبدا الساعه ١١
رينو : صعبت عليها.وشدت عليها الغطا.وقالت طيب نامي شويه وهصحيكي الساعه ٩ونص.اوكي؟
آرين : حضنت رينو بحب كبير..وقالت بنوم .ميرسي جدا..ونفسي انام ف حضنك بجد..
رينو : ابتسمت..وقالت طيب تعالى ف حضني ونامي ياحبيبتى.. ورجعت بضهرها..
آرين : اتعدلت.. وحطت راسها ع دراع رينو..وغمضت عينيها بأمان..ونامت مبسوطه..
رينو : بتمسد ع كتف آرين بحنان وغصب عنها غمضت عينيها. ونامت جمب آرين..
——————بقلمي مريم نصار
بعد فتره..
فهد فتح عينيه وبص جمبه ع رينو.. واتعدل.. ومسح وشه وشعرو بايديه. وبص ف الساعه وكانت ٩ وربع..وقام خبط ع الحمام..وملقاش رينو..وخرج من الاوضه..وشاف اوضة آرين مفتوحه..وقال..
اكيد رينو بتصحي آرين..وبص من ع الباب..وشافهم نايمين ف حضن بعض.. وابتسم بتنهيده..وسابهم نايمين..وراح ع المطبخ..يعمل قهوته.ويحضر الفطار لعيلته ال بيموت فيها..
بعد شويه. فهد جهز كل حاجه..و صلى الضحى ولبس.والساعه جت ١٠..ودخل يصحي رينو وآرين..وقعد ع طرف السرير..ورجع شعر رينو..وابتسم بحب..
ولكن قلبه زعلان انه هيسافر بعد أسبوع لوقت غير معلوم..وهمس رينو..رينو حبيبتي..
رينو : فتحت عينيها..وبصت حواليها..وشافت نفسها نامت. وبنتها ف حضنها.. واتعدلت..وقالت فهد.؟ آسفه ياحبيبى.انا….!!!
فهد : قاطعها..وابتسم..هشش بتتاسفي ع إيه؟ يلا صحى آرين..الساعه ١٠
رينو : شهقت وحطت ايدها ع بوقها..وقالت ياخبر..١٠ دي كدا اتأخرت.. المحاضره الساعه ١١ يافهد..
فهد : بابتسامه. ولا يهمك انا هوصلها. و١١ بالدقيقة هتكون ف المدرج بإذن الله..بس هي تقوم بسرعه وتلبس يلا..
رينو : هزت راسها حاضر ياحبيبي.. وبدأت تصحي ف آرين..
فهد : قام وطلع ووقف عند الباب بزعل..وبص عليهم تاني..واتخنق..واتحرك وراح ع اوضته.وقعد ع السرير..وبيفكر..ف أنه هيسافر..و آركان مسافر.وياترى هيبلغ رينو و آرين ازاي؟.ومسح وشه بايديه ونفخ بخنقه كبيره..
آرين : قامت بسرعه. ونشاط وكأنها نايمه كتير جدا..
وحضن مامتها للحظات أداها طاقه وحماس كبير..
رينو : قامت وخرجت..وشافت الفطار ع السفره. واللبن والعصير..وابتسمت بحب كبير ودعت بقلبها لفهد..ودخلت عليه الاوضه..وشافته محتار.. واستغربت..وقالت فهد أنت كويس؟
فهد : انتبه..وابتسم..وشاور ليها تقرب منه..
رينو : قربت ووقفت قدامه..وقالت مالك يافهد.؟
فهد : قعدها ع رجله..وحط ايدو ع بطنها..وبص ليها. وقال..
انتي دلوقتي ف الشهر الخامس. وميعادك عند الدكتوره انهردا..
رينو : ابتسمت بحب كبير وحطت أيدها ع ايدو.وقالت..ايوه وكمان هنعرف نوع البيبي. ياترى انت متحمس.؟
فهد : بلع ريقه بغصه..وقال أنا عايز بس تكوني إنتي وآرين بخير.. ده كل ال انا عايزه يا لارين.
رينو : كشرت عينيها..وهمست..لارين؟ وحطت أيدها ع خدو وقالت..فهد ف حاجه مضيقاك؟ ف حاجه حصلت لما نزلت لمديرك ف الشغل؟
فهد : هز راسه بنفي.. وقال لأ.احم. وحاول يغير موده. عشان هي متزعلش من دلوقتي..وابتسم بتمثيل..وقال. انا كويس جدا. انتي ليه قلقانه كدا؟
رينو : بصت ف عينيه بتركيز..وحطت راسها ع كتفه ورفعت أيديها..وضمته وقالت بوجع..انت هتسافر صح يافهد؟
فهد : غمض عينيه بوجع..وقال بغصه..غصب عني يالارين..
رينو : غمضت عينيها.ودمعه نزلت ع خدها..وقالت..
ربنا معاك..
فهد : رفع ايديه وضمها لقلبه وهاين عليه يدخلها بين ضلوعه..وقال..ربنا معايا..ثم انتى ف قلبي وكل حاجه حواليا..
رينو : خرجت من حضنه..ومسحت دموعها.وابتسمت بتمثيل..وقالت خلاص كويس اني عرفت عشان ادعيلك من دلوقتي.. وإن شاء الله اكيد هترجعلي بخير..
فهد : حط ايدو ع بطنها..وهز راسه بتنهيده. وقال إن شاء الله. راجعلك..
بعد كدا..Автор: Меріам Насар
آرين : لبست وجهزت وخرجت
..ورينو. قامت بسرعه عشان متشوفش دموعها..ودخلت الحمام..واتوضت وصلت الضحى ودعت بترجي كبير. انه يحفظ جوزها وأخوها وابن اخوها..ف المهمه دي..
آرين : سلمت ع فهد بحب كبير..وقالت..
أجمل بابي ف الدنيا..وقعدت جنبه ع السفره..
فهد : ابتسم..ومسد ع حجابها..وقال نمتي كويس.؟
آرين : بمرح.. جدا جدا كمان. دي نجمتك حضنها حنين بشكل.. ههههه.
فهد : ضحك ليها بصمت..وقال طيب افطري بسرعه عشان أنا هوصلك..
آرين : بتاكل..وقالت بفرحه..
امم واو يبقى هوصل ع الميعاد بالظبط..ميرسي جدا لحضرتك يابابي ياقمر..
فهد : ابتسم بتمثيل..وبيشرب قهوته وسرحان..
رينو : خرجت وقعدت معاهم..وفطرت ف صمت..
وفهد شايف لمعة عينيها..واتنهد وسكت عشان آرين..
آرين : أكلت حجات بسيطه..وقامت..وقالت الحمدلله..يلا بينا يابابي.؟
فهد : طيب اسبقيني انتي سلمي ع جدو وتيته. وانا هحصلك..
آرين : بمرح.. اوكي.. وباست رينو من خدها..باي يامامي.
رينو : بصوت محبوح..باي ياحبيبتى ربنا معاكي..وخلي بالك من نفسك..
آرين : إن شاء الله.. وحضرتك كمان خلي بالك من نفسك..واخدت الشنطه والفون ونزلت..
فهد : مسك كف أيدها. وقال. مالك يارينو؟
رينو : مسحت دمعه نزلت منها..وقالت بابتسامه ابدا ياحبيبي انا كويسه.. أنزل انت عشان آرين متتأخرش..
فهد : هز راسه تمام..وحط ايدو ع خدها. وقال..انا معنديش شغل انهردا..وهنروح للدكتوره ع ميعادنا..وباس جبينها بحب كبير..خلي بالك من نفسك..
رينو : هزت راسها بزعل..وانت كمان..
——————بقلمي مريم نصار.
ف بريطانيا..
(وطبعا فرق التوقيت ساعه. يعنى دلوقتي ١٠ ونص ف مصر…و ٩ ونص ف بريطانيا)
ميرو : ف المطبخ..وبتحط الفطار ع صينيه..وبتنادي بصوت عالى شويه..وقالت..
تيييم. تيم انت قومت ولا لسه ياحبيبى؟
تيم : نايم………..!!!
ميرو : نفخت بحيره..وقالت وبعدين بقى. كدا مش هيلحق ينزل الجامعه..وشالت الصينيه وخرجت بسرعه. وراحت ليه ع الاوضه..
تيم : نايم ومستكين….
ميرو : حطت الصينيه ع الكمود..وقعدت جنبه..وقالت..تيم.!! تيم قوم بقى..!!
تيم : فاق.. وبيتاوب.. واتعدل..وقال..صباح الخير ياروحي..وباس خدها..
ميرو : بابتسامه. صباح الورد عليك ياتيمو.
كدا؟ انا بصحيك من بدري..وجهزتلك الفطار كمان.وانت لسه نايم؟
تيم : رجع بضهرو..وشدها لحضنه وقال.. مش عايز اسيبك لوحدك وانزل انا ع الجامعه..
ميرو : بضحكه..اها..وتعب السنين بقى يروح ع الفاضي..؟
لأ اتفضل انت انزل ع الجامعه..وانا هنا متقلقش عليا..
تيم : نفخ بنفاذ صبر..ولسه هيتكلم…..
ميرو : قاطعته بابتسامه..وقالت…
أنا عارفه أنك خايف عليا. ومش ناسيه كمية الوصايا ال انت كل إجازة ليا توصيهالى.
.لو حد خبط عليا مفتحش حتى لو كان مين..
ومتعرفش ع حد من الجيران.
.ولو سمعت حد بيصرخ ويصوت بره الكومبوند مخرجش وماليش دعوه بحد..
ولو حد اتصل ع رقمي أرد. ولو سمعت صوت حد معرفوش اقفل ع طول..ها نسيت حاجه؟
تيم : ابتسم وضمها لقلبه اكتر.. وقال لأ كدا تمام اوي..انتي عارفه بجد ببقى ف الجامعه وقلبى وعقلي خايف ومشغول عليكي. خيالي بيصورلي حجات كتير..بس ربنا يستر..
ميرو : ضمته بفرحه..وقالت حبيبى انا ياتيمو..متخفش عليا ياقلبي..وربنا هو الحافظ..انت بتروح ع الجامعه وانا بذاكر شويه ف الرساله. وبعدها بتصل ع العيله. وبجهز الاكل لحد ما تيمو روح قلبي يرجعلي بخير..
تيم : مسد ع شعرها بحنان. وقال ربنا يحفظك ياروحي..
ميرو : اتعدلت.. ويحفظك لقلبي..قوم بقى عشان قهوتك هتبرد..
تيم : قام..وقال حاضر ياستى.هتوضى وارجعلك.. ودخل الحمام.فرش أسنانه.واتوضى وخرج.. وقعد جمبها..
ميرو : جابت صينية الاكل.. وبدأت تأكله..وقالت..احم.تيم.اء.انا..!!!
تيم : رفع حاجبه قولي ياميرو عايزه ايه؟ اجبلك حاجه وانا راجع؟
ميرو : هزت راسها لأ. انا بس كنت عايزاك تساعدني ف آخر مناقشه..ف قواعد ف الماده مش قادره اتخطاها. واقفه معايا..
تيم : ابتسم..بس كدا؟ عيوني ليكي. اول ما ارجع إن شاء الله..هقعد معاكي..واشرحلك كل حاجه انتي محتاجه تعرفيها..
ميرو : بسعاده..ربنا مايحرمنيش منك ابدا ياحبيبي..
تيم : رفع ايدو وأكلها..وقال بابتسامه ولا منك ياروحي.
وبعد كده تيم قام..وصلى الضحى..ولبس..وميرو ساعدته ف اللبس. ورشتله البرفان.وبيضحكو مع بعض..
تيم : خارج من الاوضه. وميرو معاه وصلته لحد الباب..
تيم : لف ليها وقال بتبيه..مريم اوعى تخرجي لوحدك لأي سبب فاهمه؟
ميرو : بسعاده كبيره لخوفه ال واضح ف عينيه عليها..وقالت. حاضر ياحبيبي انا مش عايزاك تقلق اطمن.. وأنت خلي بالك من نفسك..
تيم : باس جبينها بحب كبير.وقال. لا اله إلا الله.
ميرو : بتنهيده..سيدنا محمد رسول الله..
——————بقلمي مريم نصار.
شركة العدوي..
عربيه فخمه جدا وقفت قدام الشركه..
السواق فتح الباب.
زين : نزل من العربيه. والهيبه واضحه عليه. وطبعا احنا عارفين أنه الوسامه بتزيد ف سن الأربعين. وخصوصا شباب العدوي لأنهم مهتمين باللياقه البدنيه.ومحافظين ع صحتهم من ناحية التدخين وغيرو..
زين : ماشي ف الشركه وريتال جمبه.وفخور بيها لأنها معاه كل ثانيه..ومش شايف غيرها.
ريتال : طبعا ماشيه وعيونها ع البنات الموظفين. ونار غيرتها ع زينها كفيله بحرق المجموعة.. ولكن هي مش عايزه تعيد غلطت زمان..بس غصب عنها الغيره غريزه ف اي ست.. وبصت ع زين وقالت بغيظ وغيره واضحه…
ع فكره بقى..!! القميص الابيض بيبقى وحش جدا عليك..!!
زين : كشر عينيه بعدم فهم..ولسه هيتكلم..لكن شاف نظراتها الناريه ع البنات ال بتبص عليه..وافتكر موقفها. وانها بتغير عليه جدآ وخصوصاً ف القميص الابيض..وابتسم.. وعشان يثبت للعالم قبل منها أنه ملكها.. مِلك ل ريتال العدوي. شبك كف أيدو ف أيدها قدام كل الموظفين..وضغط ع ايدها..ومتكلمش..
ريتال : بصت ع ايدو..ورفعت عينيها ليه.بدقة قلب..ومش عارفه تتكلم..
زين : قبل ما يدخل الاسناسير..رفع ايدو وباس ع أيدها. وقال..انا بتشيك عشانك انتي وبس..
ريتال : ف ثانيه ثقتها رجعت مضاعفه.ورغم انها محرجه. إلا إن الموقف ده فرح قلبها جدآ..
زين : دخل الاسناسير الخاص..وريتال جمبه.. مبسوطه.
البنات اتنهدو بحب. وفيهم ال بيتمنى زين العدوي..وفيهم ال بيتمنى شبيه لاي شاب من آل العدوي..
بعد كدا. زين وريتال دخلو المكتب..
زين قعد ع المكتب. وريتال قصاده ع الكرسي.
السكرتيره دخلت..وقالت ليهم..صباح الخير..
زين وريتال صباح الخير..
السكرتيره : حطت الملف وقالت اتفضل يا مستر زين. ده ملف بكل اسماء الشركات ال حضرتك طلبتها من الباشمهندس احمد..
زين : اخد الملف وقال شكرا. وقدمه ل ريتال وقال اتفضلى ياحبيبتي.
ريتال : اخدت الملف وفتحته وبتراجع عليه.
زين : للسكرتيره.. تمام اتفضلى انتي وابعتيلي الاستاذ حامد المستشار القانوني.
السكرتيره : الاستاذ حامد لسه موصلش ع الشركه يافندم..
زين : بص ف الساعه..وقال الساعه ١١ ازاي لسه موصلش؟ وهز راسه وقال..تمام اتفضلى انتي.واول ما يوصل ابتعهولي فورا..
السكرتيره : تحت امرك يافندم. وسابتهم وخرجت..
زين : بنرفزه مش معقول كدا.. المفروض حامد يتواصل مع شركة الاجهزه الطبيه ف المانيا. عشان تجديد العقد. آخر الشهر..
ريتال : قفلت الملف.وقالت..اهدا يازين. اكيد الاستاذ حامد عارف كدا كويس. اكيد زمانه ع وصول.
زين : مردش عليها..واتصل ع السكرتيره الخاصه بمكتب آريان..وقال الو. ابتعيلى الدكتور آريان ع مكتبي..
السكرتيره : الدكتور آريان. انهردا ف الجامعه يافندم. وهيوصل الشركه ع الساعه ٢
زين : مط شفايفه امممم. تمام وقفل..وشبك ايديه تحت دقنه..
ريتال : شافته مخنوق..واتصلت ع السكرتيره..وقالت لو سمحتي قهوة مستر زين بسرعه..
السكرتيره : حالا يافندم..
ريتال : قامت..ووقفت جمب زين..وقالت ممكن اعرف انت مضايق ليه دلوقتي؟
زين : مسح وشه بايديه.وقال..انا مش مضايق ولا حاجه..
.كل الموضوع إن حامد و آريان المفروض يسافرو آخر الشهر.. ع المانيا لتجديد العقد..
وانا متعود إن كل اوراقي قبل السفر بالتحديد تكون موجوده وجاهزه ومتراجع عليها كمان..انا مبحبش الإهمال.
ريتال : مسدت ع شعرو..وقالت..طيب كل حاجه هتمشي زي ما انت عايز..
الاستاذ حامد زمانه جاي. والعقد هنجهزو مع بعض. وانا بنفسي هراجع عليه مره واتنين..
زين : اخد نفس عميق وقال..انتى بس شوفي الشركات ال قولتلك عليها. وسيبي العقد عليا انا..
السكرتيره : خبطت ودخلت. بالقهوه..وقالت اتفضل يا فندم.. اتفضلى حضرتك..وقالت الاستاذ حامد وصل وواقف ف انتظار إذن حضرتك..
زين : تمام خليه يدخل بسرعه..وبص ل ريتال. ادخلي انتي ع مكتبك دلوقتي..
ريتال : ابتسمت..وقالت حاضر ياحبيبى..واخدت الشنطه والملف ودخلت مكتبها..
حامد : خبط ودخل..صباح الخير يا زين باشا..
زين : صباح الخير يا استاذ حامد..ايه كل التأخير ده؟
حامد : بحرج..سامحني بالله عليك..والله وصلت بنتى الجامعه ورجعت وكان الطريق زحمه..
زين : ابتسم..ولا يهمك..اتفضل استريح..
حامد : الله يكرمك..وقعد وفتح الشنطه.وقال..انا امبارح منمتش غير لما خلصت العقد..لاني عارف حضرتك بتحب الدقه ف العمل..وكل حاجه جاهزه زي كل سنه..اتفضل حضرتك..راجع عليه بنفسك..
زين : اخد الملف وفتح العقد وقراه مره واتنين وتلاته..والشرط الجزائي..وقال لأ كدا تمام اوي يااستاذ حامد.. إن شاء الله. هتسافر آخر الشهر إنت و الدكتور آريان ع الشركه الطبيه..
حامد : بإذن الله ياباشا..
——————بقلمي مريم نصار.
ف المستشفى.
ف غرفة العمليات.Автор: Меріам Насар
محمد : بيعمل عمليه جراحيه صعبه جدا.. وحاطط كل تركيزه فيها..
نور : شغاله معاه. ومركزه..وبصت ع محمد وشافته عرقان من التركيز ف العملية..
محمد : فتح ايدو وقال المشرط..
الممرضه : حطت المشرط ف ايدو..
محمد : بيشتغل بدقه عاليه.
نور : جابت منديل..ومسحت العرق ال ع جبين محمد.
محمد : هز راسه ليها كشكر..من غير ما يبصلها..
نور : رجعت تكمل العمليه.. وبتستأصل الورم.
بعد ساعه ونص تقريباً.
محمد : راجع ورا نور وشاف كل حاجه تمام..وشاور ليها تخيط الجرح..وهو خيط معاها..والحمد لله خلصوا العمليه ع خير..
نور : نفخت بتعب..وقالت الحمدلله يارب..وقلعت الجوانتي…وضحكت بأمل للحاله وأنها فاقت.
محمد : قلع الجوانتي والكمامه..وشاور للمرضات. وقال.. الحاله هتطلع ع غرفة ملاحظه..وممنوع اي زياره انهردا..وبعد ٨ سعات الحاله تطلع ع غرفة الاشعه.
كلهم حاضر يا دكتور..
محمد : شاور ل نور وخرجو من العمليات. وزي ما محمد معود نور تفضل جمبه وتمشي جمبه بعد كل عمليه..
أهل المريض : جريو عليهم بلهفه..
الزوجه : بعياط..طمنوني بالله عليكم..جوزي عامل ايه؟
محمد : ابتسم.اطمنو العمليه تمت بنجاح والحاله فاقت. لكن ممنوع اى زياده ف الوقت الحالي.
الزوجه : ضحكت بدموع..وقالت بالله عليك يعني جوزي فاق كدا وبقى كويس..يعني هيرجع لينا زي الاول؟
نور : ابتسمت بحب..وقالت إن شاء الله.جوز حضرتك هيبقى احسن بكتير.. وصدقيني الخطر زال ومبقاش ف اي قلق..
الزوجه : مسحت وشها وبتضحك بسعاده..وقالت الف حمد وشكر ليك يارب..وبصت ل نور..طيب..طيب انا اعمل ليه ايه؟ اتصرف ازاي معاه.؟
نور : بهدوء..تقدمي ليه الدعم المعنوي والنفسي ديما. اي حاله مرضيه بتحتاج الدعم بأي شكل من الأشكال. ووقتها بيتحسن بشكل أسرع..وربنا يطمنكم عليه.
محمد : اتحرك ومشي..ونور ماشيه جمبه كالعاده. ومحمد شبك ايدو ف ايدها..وركبوا الاسناسير.. ووصلوا المكتب..ودخلو..
نور : قعدت ع الكنبه بتعب..ورفعت النقاب وقالت..اااه بجد عمليه صعبه جدا..
محمد : قعد جمبها..ومسح وشه بايديه..وقال. فعلا. لكن الحمدلله انتي كل مره تتفوقي ع نفسك يا نوري..
نور : حطت راسها ع كتفه.وغمضت عينيها..وقالت. ال انا فيه ده بفضل الله ثم انت يادكتوري المفضل..
محمد : رفع دراعه وحاوطها من كتفها.وضمها..وقال.. انتي ال ممتازه جدا يابنوتي الكبيره..بس شكلك مرهق جدا..
نور : بتعب..فعلا العمليه اكتر من أربع ساعات. ده غير التوتر من النتيجه.و بصت ف الفون..وقالت ياخبر تيم اتصل عليا اكتر من مره..
محمد : بص ف الساعه..وقال اكيد وهو رايح ع الجامعه..
نور : هرن عليه..واتصلت عليه. ومردش..وقالت اكيد ف محاضره.
محمد : اكيد..وهيتصل عليكي اول ما يخلص. لكن دلوقتي انا عايزك تقومي معايه. تعالى ادخلي الاوضه واستريحي شويه..
نور : قالت ياريت بجد..وقامت معاه. ودخلت الاوضه.
ونامت.
محمد : شد الغطا عليها..
نور : بارهاق..محمد لو تيم اتصل صحيني لو سمحت..
محمد : هز راسه لأ..نوري تنام وتاخد راحتها أولا..وبعد كده اي حاجه تهون..وباس جبينها..
نور : ابتسمت بحب كبير..وغمضت عينيها..ونامت بأمان..
——————بقلمي مريم نصار.
ف شقة فهد..Автор: Меріам Насар
رينو قاعده ع السرير..ومرجعه راسها لورا ومغمضه عينيها وسرحانه ف فهد..وفتحت عينيها وحطت أيدها ع بطنها بتعب.. ودموعها نزلت..وقالت بوجع..ياترى ابوك هيكون موجود معايا وانا بولد؟ ياترى هيشيلك اول واحد بين ايديه؟
وعيطت..بتمنى يكون جمبي وقتها..انا بتقوى بيه..وبشوف صحتى وعافيتي بوجوده جمبي.. هو أماني وكل حاجه حلوه ف حياتى..عايزه هو ال ينطق اسمك أول واحد..عايزه افتح عينيا بعد الولاده ويكون هو ال جمبي..
الجنين اتحرك تحت أيدها..
رينو : مسحت دموعها.. ومسدت ع بطنها..وساكته.. ورجعت راسها لورا بتعب..
فونها رن..وجابت الفون.. وشافت المتصل..وكانت الدكتوره نسرين..ومسحت دموعها..واخدت نفس عميق..وردت بثبات..السلام عليكم..
د/نسرين : وعليكم السلام..اذيك يا دكتوره لارين. عامله ايه دلوقتى؟
رينو : ابتسمت.. الحمد لله يادكتوره انا بخير. انتى حضرتك عامله ايه؟
د/نسرين : بابتسامه.انا كويسه الحمد لله..المهم بقى احنا ع ميعادنا انهردا الساعه ٦ ؟
رينو : هزت راسها. ايوه إن شاء الله. انا مش ناسيه.
د/نسرين : تمام ياحبيبتى. بس ف الحقيقه انا اتصالي عشان الموضوع التاني..
رينو : كشرت عينيها بعدم فهم.. موضوع ايه؟ خير يا دكتور؟
د/نسرين : ههههه انتى لحقتى نسيني يا لارين؟ مش انا كلمتك قبل كده ف حوار العريس ال عايز يتقدم ل آرين..
رينو : ابتسامتها اختفت..ومحتاره ترد تقولها ايه؟
د/نسرين : كملت..بصي بقى للصراحه. من وقت ما الدكتوره إسعاد كانت عندي بمرات ابنها..و شافت آرين معاكي..وهي من وقتها هتتجنن وعايزه آرين لحفيدها..وكل يومين تتصل عليا.. وإن حفيدها دكتور ف جامعه امريكيه. وهي عايزه بس ميعاد وهتيجي فورا تطلب أيدها..
رينو : مسكت جبينها بتعب.وحيره..وقالت.. طيب بصي يادكتور اديني بس وقت وانا اكيد هرد عليكي.
د/نسرين : ماشي ياحبيبتى..عموما فكري برحتك..الجواز قرار مش سهل..المهم انا ف انتظارك.عشان نعرف نوع البيبي.. اوكي؟
رينو : بتوهان.اه إن شاء الله.
د/نسرين : مع السلامه..
رينو : مع السلامه..وقفلت الفون. واتنهدت..وقالت..طيب وبعدين؟ انا مش عارفه أخد قرار..انا شايفه إن آدم بيحب آرين بنتي..وكمان آرين ديما بتحب تتكلم عن آدم. بس انا مش متأكده من مشاعرها..
آرين بنتي ديما بتحب تعيش ف شخصية البنت الطفولية المرحه. رغم أنى عارفه انها ناضجه وفاهمه..بس هي فضلت الشخصيه دي لأنها شايفه إن الكل حبها زي ما هي كدا..
طيب انا خايفه اقولها متاخدش القرار الصح..وكمان خايفه اقول ل فهد.
ده فهد لما بيتخيل بس إن آرين هتسيبه وتكون ف بيت حد تاني. الفكره نفسها بتخنقه..وبيرفض اي عريس بدون تفكير..
وكمان آرين دلوقتي كبىت..وخايفه برضه أنه يوافق ووقتها آدم احلامه تتحطم..
ونفخت بحيره كبيره..وقالت يارب اعمل ايه؟
ايوه المفروض قبل ما فهد يعرف..اتكلم مع آرين..مش يمكن ترفض لأنها متعلقه ب آدم..او ممكن توافق..تؤ بس انا عايزه آدم يكون من نصيب بنتي..هو الوحيد ال هيحافظ عليها..هو الوحيد ال مابيهونش عليه يشوفها مضايقه..رغم صعوبة شخصيته.الا انه حنين معاها..اااه يارب يارب. ريح قلبى. واكتب آرين ع جبين آدم..!!!
——————بقلمي مريم نصار.
ف دهب..
ياسين وهمس ف اليخت ف وسط البحر..
همس : طلعت تجري ع سطح اليخت..ووقفت ف مقدمة اليخت..
ياسين : جاي وراها..وقال بتجري بسرعه ليه يامجنونه انتي؟
همس : بضحكه..تعالى يا ياسو..واقف ورايا كدا..
ياسين : ليه ياهمس عايزاني ازوقك ف الميا..؟هههههه.
همس : بغيظ.. لأ طبعا..بس انا هفهمك..انا هفرد ايديا كدا..وانت تقف ورايا وتفرد أيديك زي فيلم تايتنك..
ياسين : هز راسه بيأس..وقال اه. ونغرق بقى وندور ع القلب المفقود..بقولك ايه ياهمس. تعالى انا عايزك ف كلمتين مهمين جدآ وغمز..
همس : ضحكت.. وحاوطت رقبته بايدها..وقالت بغمزه ودلع. وايه المقابل يابن ماليكه.. ههههه.
ياسين : شالها بين ايديه..وقال المقابل قلب ياسين..
همس : بدقة قلب..بصت ف عينيه بحبك اوى يا ياسين..وحطت راسها ع صدرو وغمضت عينيها..
ياسين : ابتسم..وقال..وانا بموت فيكي ياقلب ياسين. واخدها ونزل بيها الاوضه. وقرب منها بحب كبير واخدها لعالمه الخاص..
——————بقلمي مريم نصار.
الساعه ٦ ف العياده.
فهد : قاعد وجمبه رينو..وقال..مش كنا جبنا آرين معانا..وبعد الكشف كنا خرجنا كلنا مع بعض؟ انتي ليه صممتي إن آرين ماتجيش معانا؟
رينو : بلعت ريقها بتوتر.. وقالت. آرين عندها مذاكره كتير جدا..والبنات معاها متقلقش عليها..
فهد : شافها متوتره..وقال حبيبتي انتى لسه مضايقه من الصبح؟
رينو : هزت راسها بحزن.. لأ. صدقني انا كويسه..
الممرضه خرجت.. وندهت ع رينو..وقالت دكتوره لارين السيوفي. اتفضلي حضرتك..
رينو : قامت..وقلبها بيدعي إن نسرين متتكلمش قدام فهد..
فهد : قام. ومسك ايد رينو ودخلو غرفة الكشف..ومتوتر..
رينو : مساء الخير يادكتور..
د/نسرين : ابتسمت..اهلا اهلا.دكتوره لارين..اتفضلي ياحبيبتى اطلعي ع السرير..ثواني واكون معاكي..
رينو : طلعت ع السرير بمساعدة فهد. وشد عليها الغطا. ومسك كف أيدها. وقال بهمس. ع فكره. انا شايفك متوتره..انتى خايفه يكون ولد؟
رينو : هزت راسها لأ..انا راضيه بهدية ربنا..سواء بنت او ولد..المهم انت..
فهد : ابتسم..وقال..لو ولد هفرح جدآ..ولو بنت هفرح جدآ برضه.. ههه…
يانجمتي انا هعشق البيبى عشان حته منك مش اكتر
رينو : اتنهدت وابتسمت بحب..ربنا يباركلي فيك ياحبيبى..
د/نسرين : جت وقالت جاهزه يالارين؟
رينو : ضغطت ع ايد فهد وقالت ايوه يا دكتور..
د/نسرين : بدأت ف السونار..
فهد : عيونه ع الشاشه..وسمع دقات قلب الجنين..ال دخلت ف منتصف قلبه ودق ليه..وضغط ع ايد رينو بحب كبير..
رينو : مراقبه ردود الفعل ع فهد. وعيونها لمعت بدموع.لانه مسافر..
د/نسرين : ابتسمت.وقالت اللهم بارك..ولد يالارين..
رينو : غمضت عينيها وهمست اللهم لك الحمد ع عطاياك..
فهد : ابتسم وقال الحمد لله..وبص ل رينو. وهمس من بين شفايفه.بحبك..
رينو : ابتسمت..واتعدلت وفهد ساعدها. ونزلها من ع السرير
د/نسرين : قعدت ع كرسي المكتب. وبتكتب الروشته. وقالت ياريت تحاولي تهدي اعصابك خالص الفتره دي. لأن واضح إن ف حاجه موتراكي..
رينو : قعدت قصادها. وقالت لأ أبدا مفيش حاجه. بس برضه هحاول.
فهد : قعد..وفكر إن رينو متوتره لأنه مسافر. وبيفكر ازاي يعوضها الايام دي..
د/نسرين : ضحكت وقالت لأ ازاي بس. اكيد موضوع العريس موترك. منا قولتلك إن الجواز مش سهل..
رينو : اتصدمت..وبصت ع فهد.
فهد : انتبه بتركيز..وكشر عينيه. وبص ل رينو.. وقال.. عريس..!!!.. ————-
فهد : انتبه بتركيز..وكشر عينيه. وبص ل رينو.. وقال.. عريس..!!!
رينو : بلعت ريقها بصعوبه..واتلخبطت..
د/نسرين : بعفويه. ايوه عريس حضرتك. هي دكتوره لارين مبلغتش حضرتك؟
فهد : صك ع أسنانه بتوعد..وقال. هي قالت عايزاني ف موضوع مهم..بس انا كنت مشغول جدآ الفتره دي..
رينو : بصت بعيد واتخنقت..
د/نسرين : ابتسمت..كان الله ف عونك.. عموماً ده عريس دكتور ف جامعه امريكيه. وجدته ام ابوه..اول ما شافت آنسه آرين بنت حضرتك عندي هنا ف العياده. وهي هتتجنن عليها. وعايزه تاخد ميعاد وتتقدم لطلب أيدها لحفيدها.
فهد : حس إن قلبه اتاخد منه..وشعور غريب جاله. وهمس بصدمه.عريس ل آرين؟
د/نسرين : استغربت رد فعل فهد..وأنه بيتنفس بسرعه. ومصدوم.
فهد : قام وقف وقابض ع ايديه..وقال بنبره كلها غيظ وغيره.. بنتي آرين لسه صغيره. والعريس مرفوض. يلا يا لارين..وبصلها بتوعد..وسابها وخرج.
رينو : قامت بتعب.وقالت. انا بعتذر لحضرتك.هو بس متعلق ببنته اوي…وخرجت..
د/نسرين : هزت راسها بزعل..وقالت ياخساره. ده عريس غني ولقطه..
فهد : واقف قدام الاسانسير..ورينو وقفت جمبه. وركبه الاسانسير.ونزله. وخرجو. وركبوا العربيه وكل ده ف صمت..
رينو : رغم قلقها. إلا أنها مبسوطه إن فهد رفض العريس..لكن برضه قلقانه من ال جاي..
فهد : خبط ع الدريكسيون بأيديه..وقال بصوت عالى.. موضوع مهم جدا زي ده بتخبيه عليا؟..كنتي هتقوليلي امتى يالارين؟
رينو : بصت ليه وقالت..هو فعلا موضوع مهم. بس انا عارفه الاجابه. ف اختصرت الموضوع وكنت هرفض..مش ده ال أنت عايزه؟
فهد : صك ع أسنانه بغيظ وبصلها…
رينو : ايه بتبصلي اوي كدا ليه؟ مش دي الحقيقه.. انت ناسي المهندس شكري جارنا؟ لما بس لمح ليك أنه عايز يجوز ابنه ل آرين.انت عملت ايه؟ نفس رد فعلك دلوقتي.
.وبرضه مدرس شافها ف المدرسه. ولما شافك قدام المدرسة. اتكلم معاك وطلب أيدها لحد ما يجيلك البيت..وبرضه نفس رد فعلك زي دلوقتي..
و آرين فين من كل ده؟ عمرك ما سالتها. ولا اخدت رأيها.
وانا كنت ساكته لأن بنتي لسه صغيره. وانا كمان رافضه. بس لحد امتى؟ لحد امتى يافهد؟
فهد : بغضب.. آرين بنتي لسه صغيره يا لارين..ومش اي حد هياخدها مني انتى فاهمه..
رينو : بصوت جهوري.. آرين كانت صغيره يافهد. كااانت…!!!
دلوقتي آرين بتكبر.وهتكبر. ومسيرها ف يوم للجواز..
وانت ولا انا من حقنا نرفض.
المفروض كنا اخدنا رائيها. والمفروض كنت ع الأقل شوفت العريس. ولو كان مناسب وبنتك وافقت عليه يبقى خلاص. انما انت قطعت كل حاجه بمنتهى السهولة..
وكأن مصير آرين بين ايديك انت وبس..
فهد : بغصه ف قلبه.. آرين..!!!
رينو : حطت ايدها ع بطنها..واتنهدت بتعب..وقالت. فهد انا عارفه انك متعلق ب آرين. وأسلوبها المرح معاك علقك بيها اكتر..لكن دي سنة الحياه. وآرين من حقها تختار شريك حياتها..ماينفعش تصرفك ده مع كل حد يتقدم لبنتك. انهردا او بكره آرين لازم هتتجوز ويكون ليها كارير لحياتها..
فهد : بص ليها ف نظره طويلة جداً..وساكت..وقلبه بيدق بسرعه..معقوله..يجي واحد يخطف بنتي وياخدها مني..ويبعدها عني. آريني فراشة الحياة..!!
رينو : شافت لمعت عيونه..واتنهدت بحزن..زمسكت ايد فهد..وقالت بعتاب.. يعني أنت مثلا مش عايز آرين تتجوز خالص؟هتكون وقتها مبسوط يافهد؟
فهد : عيونه لمعت..وبص بعيد..وقال بعتاب كبير ليها..ابقى أناني لو قولت كدا..
رينو :ابتسمت ع عشقه لبنته..و لفت وشه ليها.. وقالت. طيب ممكن تقولي ايه ال جواك؟ وايه ال انت بتفكر فيه.انا عايزه منك أجابه؟
وطلع منها انين بسيط واتألمت من بطنها.
فهد : مسح وشه بايديه بتعب. وقال طيب اهدى وبلاش توتري نفسك..لو تعبانه تعالى نطلع للدكتوره تاني..
رينو : هزت راسها لأ انا كويسه. وهبقى احسن لو قولتلي ال ف قلبك..
فهد : اخد نفس عميق واتنهد بتعب وقال.. مش عارف. بجد مش عارف..
آرين شبهك اوي يالارين. نفس العيون ونفس البشره. ونفس البراءه. ونفس الضحكه. ونفس العند..
وابتسم بحب وكمل. بس جنانها ورثاه من عيلتي. عملت ميكس مختلف. مفيش بنت زيها ف العيله.. اه كل بنت ف العيله ليها كاريزما خاصه.
لكن آرين استحوذت ع قلبي..وعيونه لمعت وضحك وقال..فاكره يا رينو..لما كانت ف ابتدائى. ارجع من اى مأموريه. كانت تتشعلق ف رقبتي. وترجع تبصلي تاني وتترمي ف حضني وتقولي ايوه انت بابي. بطلي الخارق.
طيب فاكره لما كانت تاكلني بايديها.كأنها هي ال أمي مش بنتي.؟
ولا بقى لما تقولي أنها عايزه تبقى ظابط زي باباها. ولا حنيتها وحبها ليا.
البنت حبيبة ابوها اوي يارينو. وخصوصا لو زي آريني.
كنت بسيبها وبسافر. وبقعد بالسنين ماشوفهاش.بسيبها وهي بالضفاير. ولما أرجع الاقيها كبرت..
ولما اشوفها بحس اني بشوف رينو الصغيره بتكبر قدامي من تاني..
وفجاءه كبرت. كبرت وعايزه تسبني. طيب هدلل مين؟
هجيب لمين الكنز ال بتحبه. هصحى ع دوشة مين.؟ هضحك من قلبي ع براءة مين؟
انتي عايزه مني أجابه..وانا للأسف معنديش اي أجابه ولا تفسير. انتى ممكن تسميه انانيه. بس عمره ما هيكون تملك..انا بحب بنتي لانها من ضلعي. لانها مني ومنك..وعايزها ع طول ضحكتها وفرحتها منورين حياتها..مش عايزها ف يوم تنام ودموعها ع خدها.. صدقيني ده لو حصل ممكن اعمل حجات كتير جدا لل يجي ع بنتي نور عيون أبوها..
——————بقلمي مريم نصار.
تاني يوم ف فيلا العدوي..
Автор: Меріам Насар
فريحه : بتعلق هدوم مراد..وقالت بحيره..
يعني مش هتقولي. انت نزلت ليه امبارح ف نص الليل مع فهد وآدم ورجعتو الساعه ٦ الصبح؟
مراد : بيلبس القميص..وقال..منا قولتلك شغل عادي جدا. هي يعني اول مره ننزل ف نص الليل؟ ما انتي عارفه نظام شغلنا..
فريحه : قربت منه. وبتقفل ليه زراير القميص..وقالت بلوم. لأ مش اول مره..لكن اول مره ترجع وانت محتار ومش جايلك نوم. واكلمك وانت فكرك شارد. ومش سامعني خالص..ومن تعب التفكير نمت بعد الضهر.. قولي بقى وريح قلبي..
مراد : قال جواه. بخنقه..اقولك ايه يافريحه؟ اقولك اني اول مره اطلع مهمه مع ابني..ويعالم انا هكون عامل ازاى؟ هفكر ف المهمه ولا هفكر ف سلامة ابني؟
اقولك إن جوزك وابنك واخوكي مسافرين ويعالم هنرجع ولا لأ؟
اقولك كمان إن بنتك مسافره. يعني اعز ناس ع قلبك بعيد عنك؟ اقولك ايه بس يام آدم؟
فريحه : شافته سرحان..وعيونها اتملت بالدموع..وحطت أيدها ع خدو..وقالت بعياط مكتوم.. انت طالع مأموريه صح يامراد؟
مراد : بلع ريقه بغصه..ومسح دموعها وقال بتمثيل..حتى لو طالع.ده شغل يافريحه. وليه ديما كل مأموريه تصعبيها عليا.. المفروض تصلي وتدعيلي دعوتين حلوين منك..مش تعيطي وتزعلي مرادك. ولا ايه؟
فريحه : عيطت بوجع واترمت ف حضنه وعيطت بشهقات..
مراد : ضمها لقلبه واتخنق لعياطها..وساكت..
فريحه : بعياط..بدعيلك والله يامراد..انا ماليش غيرك عشان ادعيله من قلبي..ربنا معاك ف كل خطوه. وترجع لقلبي سليم معافى..ويهون عليا بعدك يا مراد..وعيطت اكتر..
مراد : عيونه لمعت..وضمها اكتر..وقال..لو مبطلتيش عياط..انا مش هقولك ع المفاجأة ال انا عملتها ليكي.
فريحه : هزت راسها ف حضنه..وقالت..هديتي أنت. وعمري انت. مش عايزه مفاجآت مش عايزه حاجه غيرك..
مراد : طلعها من حضنه..وابتسم بتمثيل..ومسح دموعها. وقال تموتي ف النكد يابنت المستخبي. طيب مش تقولي إنك مش عايزه هدايا كنت وفرت فلوسي. ع العموم مش خساره ف امك يابت يافريحه. وهقولك عليها عشان بس متقوليش قرة عينك بخيل..
فريحه : رفعت عينيها ليه وقالت بلوم..عمرك أبدا مكنت بخيل..عمرك ما قصرت..انت كفيت و وفيت بكل عهودك ووعودك ليا يامراد..
مراد : قلبه مخنوق عشانها..لكن قال..شقة زكرياتنا. انا رجعتهالك زي ما كانت بالظبط. واول ما نرجع أن شاء الله من المهمه دي..انا هاخدك اسبوعين بحالهم لوحدنا فيها..ونرجع كل زكرياتنا ال فاتت. ها مبسوطه يافريحتي؟
فريحه : حطت ايدها ع بوقها وبتعيط بشهقات.وقالت مش عايزه غيرك وبس.
مراد : شدها لحضنه. وقال خلاص بقى يافريحه..الله يكرمك ماتزوديهاش عليا.
فريحه : رفعت ايديها وضمته اكتر وقالت بوجع..حاضر يامراد..حاضر ياعمر فريحه..
مراد : باس ع راسها..وقال هرجعلك يابت..وانا ليا مين غيرك ياعم انت اعيش ف حضنه..
فريحه : اخدت نفس عميق..ورفعت عينيها ليه..وقدمت دعوه صريحه ل مرادها. وقالت فريحه بتعشق عيونك وبتعشق التراب ال بيمشي عليه مراد ..وقربت منه بحنين كبير..
مراد : قبل دعوتها وقرب منها بشوق وحنين اكبر. واخدها لعالمه الخاص..
——————بقلمي مريم نصار.
ف اوضة آدم مراد..الساعه ٢
آدم : صحي وصلى الضهر..ولبس وجهز نفسه..ورش برفان..وبيلبس الساعه واخد فونه والمفاتيح.ونزل.. وكان البيت هادي..
وشاف زينب..وقال..اذيك ياداده..اومال فين العيله؟
زينب : نحمد الله يسي آدم بيه..ست الدكتوره فريحه فوق..وست تالين زمانها جايه من المدرسه. وسيدي آدم بيه ف المكتب .وست الكل ست مريم موجوده معاه..
آدم مراد : هز راسه ليها..وقال تمام..
زينب : انا طلعت اصحيك وجبتلك مشروبك. بس ست الدكتوره فريحه قالت اسيبك نايم لما تصحى برحتك..ثواني كوباية اللبن تكون جاهزه..والفطا…..!!
آدم مراد : لأ متعمليش حاجه انا خارج..واتحرك وخبط ع باب المكتب..
آدم : فاتح اللاب توب..وقال بهدوء أدخل..
مريم : بتقرا ف كتاب..
آدم مراد : دخل وقال..مساء الخير..
آدم : مساء الخير ياحفيدي الغالي..
مريم : قفلت الكتاب..وقالت بابتسامه..مساء الخير يانور عيني
آدم مراد : سلم ع آدم. وباس ع ايد مريم..وقال عامله ايه دلوقتى ياماما..
مريم : ربتت ع أيدو..وقالت أنا بخير طول ما انتو بخير ياحبيبى..
آدم مراد : ابتسم..وحفيدك مش عايز غير كدا. تكوني بخير علشانا…
مريم : باست جبينه..ربنا يريح قلبك وبالك ويرزقك الخير حيث كان..
آدم مراد : باس ع ايديها الأتنين..ويباركلنا فيكي ياست الكل..
وراح وقف قدام آدم..وقال عامل ايه دلوقتي يابابا.؟
آدم : بابتسامه..جدك تمام ياسيادة الرائد.. وكمل بمكر..ايه لابس ومتشيك كدا..عندك مشوار مهم.؟
آدم مراد : بدهاء..مبقاش حفيد العدوي لو ماتشيكتش.. ولا ايه يا امبراطور؟
آدم : ابتسم بصمت..وقال ربنا معاك..بس خلي بالك..
آدم مراد : بشبح ابتسامه. تربيتك متقلقش عليا.. وخرج..
مريم : كشرت عينيها..وقالت أنا مش فاهمه حاجه..انت وآدم بالذات محدش فاهمكم..بتتكلمه بالالغاز ليه بقى؟
آدم : بضحكه..ولا الغاز ولا حاجه يا أميرتي.
مريم : بغيظ واضح..ايوه فعلا صدق كلامكم كله سهل جدا
لدرجة اني مافهمتش منه حاجه..
آدم : ههههه طيب انتي متنرفزه ليه بس؟ قوليلى عايزه تعرفي ايه؟
مريم : بفضول..عايزه اعرف هو لابس ومتشيك كدا ورايح فين؟
وهو رد عليك بطريقتك. وانت رديت عليه بطريقته..
بص بقى انا عايزه اعرف.. حفيدك رايح فين؟
آدم : ابتسم بهدوء.وقال..بس كدا؟ حاضر ياروحي.. حفيدك رايح ل حفيدتك الجامعه..!!!
مريم : فتحت عينيها بدهشه..وقالت آرين…!!!
Автор: Меріам Насар
ف الجامعه..
ف المدرج..
المعيد بيشرح لدفعة آرين..
آرين : بتسمع الشرح بتركيز كبير. وبتكتب كل كلمه المعيد بيقولها..
لمار : زميلتها.. قربت من دونها وهمست..يابت يا آرين ارحمي نفسك..وركزي وافهمي. وبعدين اكتبي ال فهمتيه..انتي عديتي الدحيحه..
آرين : نفخت بتذمر..وقالت. ممكن نتكلم وتقولى ال انتي عايزاه لما نخلص المحاضره..؟دلوقتي ف دكتور بيشرح لينا.عشان نستفاد بكل المعلومات..
لمار : بغيظ.بت فصيله لازم تضايقيني..
آرين : ضحكت..وقالت احسن..عشان متركزيش معايا. وشيلي عينيكي من عليا. وركزي عشان متسقطيش ف التشريح والعملي.
لمار : نفخت بغيظ..اسكتي متفكرنيش..اء………
آرين : قاطعتها..هشش بس بقى عايزه اركز.. وبدأت تكتب من تاني ورجع ليها تركيزها..
المعيد : ابتسم..وقال وبكدا خلصت محاضرة انهردا..وبكره إن شاء الله. هندخل المعمل للتشريح.
آرين : رغم أنها مشمئزه..لكن عندها حماس كبير للعملي بكره..
المعيد : حط الكتب ف الشنطه..وقال..محاضرة النظري ال جايه..هسأل كل طالب ف محاضرة انهردا واكتر اجابه نموذجيه..هنرفع بيها اعمال السنه.
آرين : سقفت بخفوت.. وقالت يس يس..
المعيد : خرج والكل بدأ ياخد الكتب ويخرج من المحاضره..
لمار : حست بالندم انها مكتبش زي آرين..وقالت آرين حبيبتي..ممكن اخد منك الملزمه وانقل كل ال كتبتيه..
آرين : بتحط الملزمه ف الشنطه..وقالت. بصي يالمار. انا ديما اقولك ركزي ف المحاضره. بس انتي مبتسمعيش مني. انا هساعدك المرادي وبس. وياريت من المحاضره ال جايه تكتبي كل معلومه لأننا احيانا بننسى.. اوكي.
لمار : بضحكه.. حبيبتي انتي يا آرين. تسلمي ماشي ياستي هحاول اركز..بس هاتي بقى الملزمه..
آرين : هزت راسها نو نو انا هصورهالك وابعتهالك واتس اول ما ارجع ع البيت. لاني محتاجه اراجع للعملي بكره..اوكي..
لمار : ههههه مش قولتلك دحيحه..ومخك شغال.هههه
آرين : بخنقه. قولي ماشاء الله. مش زنبي انك جايه هنا عشان تهزري ومتتعلميش..لكن انا جايه هنا عشان اوصل لهدفي. ولازم اتعب شويه. ف ارجوكي تخلي بالك من كلامك..
لمار : بدهشه.. آرين انا مش قصدي حاجه والله انا بهزر معاكي..مش بحسدك ولا حاجه..
وخارجين من المدرج وبتمشو ف حرم الجامعة..
آرين : العين حق يا لمار. وانا مش بقولك كدا عشان. مثلا انتي قاصده تحسديني.. لأ لكن حتى الكلمه بهزار وانتي مش قصداها ممكن تدمر مستقبل إنسان..
الحسد مميت حقيقي.. وبعدين انتي معايا من تالته ثانوي..وعارفه حكاية الشاب ال كان اسمه يوسف وطلع الأول ع الجمهوريه..وبعد كده فشل ف حياته..ولما جه ف برنامج وسالوه ايه ال وصل حياتك لكده..قال كل ده من الحسد.
كل ال يشوفني يقول الدحيح والدكتور والممتاز ويابختك وتسلم دماغك ده انت مخك جبار وا وا وا لحد ما تعب فجاءه.وكل حاجه ف حياته اتغيرت..
ياريت ال يشوف حاجه تبهر. يقول ماشاء الله لاقوة إلا بالله.
ياريت الكل يقتنع بفكرة دي ارادة ربنا. ودي هديه من ربنا للشخص ده. وكمان بيتعب جدآ عشان يوصل لهدفه..
ف مانجيش احنا نبصله فيها ونستكترها عليه.. ياريت متزعليش من كلامي..انا بقولك كدا لمصلحتك..لكن انا الحمدلله مش خايفه لاني مستودعه نفسي عند الله وقايله اذكاري. يعني مفيش شر هيصبني..لكن الكلام ده كونك مسلمه لازم تكوني عارفاه..
لمار : مطت شفايفها باقتناع..وقال ياااه. فعلا صدقي كلامك صح.. انا شوفت امبارح ع موقع السيوشيال.. عريس مصور شقته قبل فرحه بيوم..وكانت شقته تحفه..وتاني يوم الشقه اتحرقت وكل حاجه فيها اتحولت ل رماد..
آرين : ابتسمت وقالت.. تعرفي ماما مريم. لما بقولها حاجه زي كده. بتزعل. وديما تقولي.. كدا غلط. أستعينو ع قضاء حوائجكم بالكتمان.. لأن مش كل ال حواليك هيتمنالك الخير..وكمان ف ناس بتبقى محرومه من النعم دي. فغصب عنها بتبص ليها وتتمناها. وأنها ضد اي حد ينزل حياته اليومية ع الفيس او الانستا أو غيرو.
لو كانت الحياه بالسهولة دي. مكانوش عملوا اسوار عاليه لحماية بيوتهم. وأنهم يخبو خصوصياتهم من الجيران.. لأن الجار زي اي حد هيشوف حياتك ع السوشيال ويبص ليها.. وبجد ناس كتير بتعمل كده. وبيحصل ليها كوارث ومبيتعلموش..
لمار : هزت راسها اممم معاكي حق. بس المهم متزعليش منى وانا بعد كده هاخد بالي اكيد..
ريتاج . وندى : جاين عليهم وهما زمايل آرين ولمار. وقالو هاي يابنات.
آرين و لمار هاي..وسلمو ع بعض.. وواقفين يتكلمو ويضحكو..
آرين : بصت ف الساعه. وكانت ٣ واتصلت ع رينو.. ورينو قالت ليها..جدك طارق بعت ليكى السواق من شويه. وقفلو.
شاب ف أواخر التلاتين جاي عليهم..وقال مساء الخير يابنات..
كلهم ردو عليه. مساء الخير. و آرين واقفه همست ل لمار وقالت مين ده؟ وازاي يقف معانا كدا..انا ماشيه.
لمار : استنى بس يا آرين. ده مستر علاء مدير الرحلات ف الجامعه..
علاء : قال بابتسامه.انا اسمي علاء..وطبعا انتو اول سنه ليكم ف الجامعه.
وقدم لكل واحده فيهم ورقه مطبوعه..وقال.احنا بنعلن عن رحله سفاري مخيم اسبوع واحد.لسيوه..والرحله شامله كل حاجه. وهي استكشاف لكل حاجه موجوده ف سيوه. وهتبقى رحله مميزه وهتطلعو منها بمعلومات اضافيه بلص متعه حقيقيه للطبيعه. وانا متأكد انكم هتكونو مبسوطين.. ياريت ال هيطلع الرحله يتصل ع رقمي موجود ع الورقه. والدفع متاح من الآن وحتى التلات ايام القادمه.
ريتاج : بفرحه..واوو فانتاستك اوكي مستر علاء اعمل حسابي. وبصت ل ندى وانتي طالعه معايا اكيد اوكي..
ندى : هههههه شور طبعا وانا معقول اضيع حاجه زي دي.
علاء : طيب يابنات اتفقوا مع بعض وانا موجود ف مكتبي بعد نص ساعه…بعد اذنكم ابلغ باقي الدفعه.واتحرك ومشي.
آرين : سألتهم بحيره. يابنات هي الرحله دي مش غلط؟
لمار : ههههه غلط ايه بس يا آرين. دي رحلة سفاري..ومخيم بجد بتبقى اجمل رحلة تخييم. انا اكيد هطلع معاكم يابنات.. وشرحت ايه ال بيتم خلال الرحله دي..
آرين : بانبهار. واو بجد روعه أوي. انا عايزه اطلع الرحله دي..
ريتاج : اوكي اتفقنا يلا بينا ندفع التكاليف.
آرين : بدهشه. ندفع؟ مش لما نعرف رأي اهالينا الأول؟ انا لازم اقول ل بابي ومامي..
البنات : ضحكت بصوت عالى..
ندى : ههههه يابنتي هما اهالينا فاضيين؟ انا هقول مامي ف رحلة تخييم..هتقولى اوكي ياروحي..
ريتاج : ههههههه وانا بابي عمره ما اعترض ع اي حاجه انا عايزاها..
لمار : انا مامي هتتعبني شويه بس انا هحطها قدام الأمر الواقع وهقولها دفعت خلاص..يلا تعالى بقى يا آرين..
آرين : تنحت بزهول من كلامهم..وقالت ل لمار.. لأ طبعا ماينفعش تعملي كدا. مامتك اكيد هتضايق وكدا غلط..
البنات ضحكت ع آرين. وقالو فوقي احنا ف القرن الواحد والعشرين ياماما.. هههههههههههه.
آرين : بخنقه..حتى لو ف القرن التلاتين..المباديء هي المبادئ. ماينفعش نحط اهلنا قدام الأمر الواقع. اكيد بيبقى ليهم وجهة نظر. انا سعات كتير ببقى عايزه اعمل حاجه..وبابي يرفض..ولما بسكت بيقدر زعلى وممكن يعملى الحاجه دي بنفسه..وكمان اكيد هما بيبقى ليهم وجهة نظر للرفض..
البنات : اتخنقت..
ندى : اوكي اوكي يلا سي يو يابنات انا رايحه ادفع فلوس الرحله..
ريتاج : بتكبر..خديني معاكي يانودي..باي يا… آرين.. وسابوها ومشيو..
لمار : متزعليش منهم يا آرين.هما طبعهم كدا..وا….
آرين : ضحكت..ازعل من مين؟ دول انا مشفقه عليهم والله..وكويس جدا إن حصل كدا قدامي..وبعد التصرف ده..انا ماليش دعوه بيهم تاني..المهم يا لمار انتي حاولي تقنعي مامتك..ولما توافق اتصرفي برحتك.. صدقيني هيكون احسن وأفضل..
لمار : طيب انتي هتعملي ايه؟ مش نفسك تطلعي التخييم ده معانا. ودي اول رحله لينا ف الجامعه مع بعض..
آرين : بمرح.. طبعا بتمنى..بس لسه قدامي طريق طووووويل جدا لاقناع عيله بحالها.. هههههه.
لمار : شافت آدم مراد. نازل من العربيه..وقالت يخربيت كدا..ده معيد ده ولا دكتور ولا مز ولا ايييه؟ بت يا آرين بصي هناك..
آرين : بتضحك..ع كلامها. ولفت ضهرها وشافت آدم. وقلبها دق بسرعه كبيره. وشهقت بصوت مسموع.. وقالت المرعب..!!!
لمار : ايه بتقولي ايه؟ ومالك وشك احمر جدا كدا ليه؟
آرين : بلعت ريقها بتوتر..وقالت بتلعثم.دا..دا…ينهار ألوان ده شافني وجاي عليا..
لمار : بتعجب..مين المز ده يا ارين انتي تعرفيه.؟
آرين : مركزتش مع لمار..لكن قالت إبن خالو وابن عمتو..
لمار : ببلاها..ها؟ إبن خالك وعمتك؟
آدم مراد : شاف آرين..وماشي وقرب منها ورفع النضاره ع شعرو..وقال تعالى معايا..واتحرك..
آرين : مشيت جمبه من سكات.وقلبها مش ساكت عمال يدق..
لمار : رغم إعجابها ب آدم..لكن اتغاظت..وقالت قليل ذوق. طيب ع الأقل يقول اذيك أو بعد اذنك. ده كأني كنت هوا انا؟ لأ بس بجد الواد ده قمر وكاريزما..
آدم مراد : ماشي ف الجامعه..وشاف توتر آرين.
آرين : وقفت..وقالت بتوتر..اء.. آدم انت جاي الجامعه ليه؟ حصل حاجه؟
آدم مراد : وقف قدامها..وبص ف عينيها..وقال بثقه. جاي عشانك..
آرين : وشها قلب الوان….وساكته..
آدم مراد : دقق ف تفاصيلها. واتفرضت عليه لعنه العشق المتيم بيها..وقلبه دق. وقال.. عامله ايه يا آري؟
آرين : رجليها مش شايلاها..وقعدت ف الاستراحه وقالت..انا كويسه..انت اذيك يا آدم؟
آدم : قعد قصادها. وقال أنا دلوقتي كويس ياضي آدم.
وكمل وقال.. آرين انا جاي انهردا عشان اتكلم معاكي قبل ما ترجعي ع البيت..
آرين : جسمها رجف. واتوترت.وقالت خير يا آدم..؟.والورقه وقعت منها..
آدم مراد : اتكلم وقال..انا مساف…….و شاف الورقه ال وقعت..وجابها. وبص فيها..وبص ل آرين..وقال ف سؤال..رحلة تخييم؟
آرين : كحت من التوتر..وقالت. بلخبطه.. لأ. ايوه. اصل..يووووه ايوه رحلة تخييم..
آدم مراد : صك ع أسنانه..و كرمش الورقه.. وقال بتحذير..طبعا انتى عارفه إن مفيش رحلات..
آرين : بغيظ وتذمر..ليه بقى؟ هو كل حاجه تقول عليها لأ..انا بجد اتخنقت..
آدم مراد : رفع حاجبه بتعجب..وقال..اتخنقتي؟
آرين : بصت بعيد..وقالت بعند..ايوه اتخنقت وبعدين انت المفروض متقولش ايوه أو لأ..بابي هو ال يقول..ها بقى..
آدم مراد : ابتسم بغيظ.وقال من بين أسنانه.. المشكله انك عارفه كمان إن خالي فهد هيرفض. وبتعاندي..
آرين : بتمثيل العياط.. عاااااا والله انا زهقت بقى.. انتو ليييييه بتعملوا معايا كدا..وليه بابي يرفض وليه أنت كمان ترفض..
آدم مراد : بص حواليه..وقال بحزم آرين. احنا مش ف البيت لتصرفاتك دي..
.وبعدين اقري كويس..الرحله مشتركه..شباب وبنات واسبوع كامل..تقدري تقولي مين هيوافق ع مهذله زي دي؟
آرين : بتذمر طفولي..ماليش دعوه بقى. انا ماليش دعوه بالشباب وانا مالي بيهم..انا عايزه اطلع استكشف المكان. واشوف كل حاجه..
آدم مراد : حدف الورقه ف الباسكيت..وقال. بغيره مكبته..مفيش رحلات هتطلعيها يا آرين.. لأسباب كتيره.. أولا انتى بنت وماينفعش تطلعي تخييم مره واحده ولوحدك ومعاكي شباب..كدا غلط..وممنوع وانتى عارفه كويس..
ثانيا : المكان بعيد وخطر عليكي.
ثالثا..خالى وانا وبابا و آركان مسافرين. انتي مستحيل تطلعي رحله لوحدك..لما نرجع إن شاء الله. نبقى كلنا نطلع رحلة تخييم. وده وعد مني ليكي..
آرين : عااااااا. انت مستفز جدااا. انا ماليش دعوه. عايزه اطلع الرحله دي..ومامي هتوافق وهتقنع بابي.. عاااااا..
آدم مراد : وصل لقمة غضبه..وقال. بصوت جهوري..انتي مش هتعقلي ابدا.؟ برضه يوم الحصان ماسمعتيش كلامي وكنتي هتروحي فيها.. آرين انتي لازم تتحكمى ف تصرفاتك شويه..
آرين : اتخضت من صوته..واتحرجت..وقالت..انا عاقله جدا ع فكره انت ال مش شايف كدا يبقى مش زنبي..انت لييييه شايفني عيله صغيره .هاااا؟
آدم مراد : خرج عن صمته..وقال بنبره كلها تحذير وغيظ…
انتي أفعالك كلها طفوليه. مفيش نضج ف تصرفاتك..
تفهاتك كترت اوووى يا آرين .
انا عملت ليكي كل حاجه واثبتلك بالفعل ع ال جوايا ليكى .
لكن انتى برضو مش قادره تفهمى.. وبسببك انا بتغير ومش عارف انا بيكي رايح ع فين .
وزعق..انا بسببك عرفت يعنى ايه الإنسان يكون خايف . ايوووه خوفت اوي عليكى انك يجرالك حاجه واخسرك .
انااااااا خوفت . مع انى اكتر واحد بيكره الخوف والضعف .
.انا ديما ماشي ديما بمبدأ اني احط الخوف تحت رجلى وادوس عليه. واعدي .
ومحبش ابدااااا يكون عندى نقطة ضعف .
اسمعي يا آرين.. انتى لو مغيرتيش من نفسك وعقلتى انا سهل اوى ادوس ع قلبى ده . ولا انى اعيش للحظه ف خوف حقيقي . انتى لازم تكبري يا آرين وتعقلى بقى ..
وحذاري خالو فهد يعرف بالرحله دي لانه اكيد هيرفض.. واوعي تكوني مفكره انى خايف لأ انا مبخفش من حد .
. لكن عمتو لارين هي ال هتدفع تمن طيشك وغبائك..
آرين : عيونها مفتوحه ع الاخر بصدمه.. ودموعها نازله زي المطر من كلام آدم وطريقته معاها..
وقامت وقفت.. وسط عياط وشهقات واخدت شنطتها. وجريت من قدامه بسرعه وهي بتعيط بحزن حقيقي..والسواق وصل وركبت معاه ومشيت..
آدم مراد : قام وقف وبينهج بغيظ..وقبض ع ايديه.. وركب العربيه وساق بسرعه كبيره..ومخنوق جدآ..
آرين : وصلت البيت.. ومراحتش ع مملكة العدوي. طلعت ع طول ع الشقه..وفتحت الباب ودخلت تجري ع اوضتها..وقفلت ع نفسها. ورمت نفسها ع السرير بعياط هيستيري..
ورفعت راسها. وقامت..وحطت راسها بين ايديها وقعدت ع الأرض مكانها وعيطت وقالت . انا مش طايشه ولا تافهه . انا بحب اوى روح الطفله ال جوايا . ليه عايزنى أدفن نفسي . انا يمكن غلطت . ومفيش حد مابيغلطش .
انا بسمع كلامك يا آدم وبسمع كلام اى حد . قولتلى احتفظى بالسلسله دى ولسه لابساها لحد دلوقتي . قولتلى البسي الفستان ده. سمعت كلامك ولبسته . قولتلى انتى ضي آدم انا فرحت ومعترضتش . قولتلى ماتلبسيش اللون ده ومن يومها مالبستوش . بابى قالى متلبسيش ده بسمع كلامه ..بابي قالى مفيش حربيه ضحيت بحلمى وسمعت كلامه مع انى كنت بتمنى اكون ظابط زي بابي.
كنت حابه اكون حاجه انا حباها . بس ضحيت عشان مبحبش اشوف حد زعلان مني..
تيم منعني من السنتر وسمعت الكلام .ليه ديما بتفكرو إن البنت لما بتبقى طفوليه بتكون تافه ومتدلعه .
ليه انا عملت ايه غلط ؟ ركبت الحصان ايوه ف دى غلطت ومافيهاش حاجه انى اغلط عشان اتعلم . واتعلمت . اتعلمت يا آدم.
انا كمان عارفه انك بتحبنى..وانا بحبك يا آدم . لكن لو عايزني اعقل واكون البنت الضعيفه الساكته ال ف حالها..؟
ومسحت دموعها بقوه..وقالت..حاضر يا آدم . انا هحاول اكون زى ما انت عايز . بس ما تجيش تتمنى انى اتكلم معاك زى الاول..!!!
آدم مراد. وصل الفيلا ودخل بنرفزه.ع الصاله الرياضيه بتاعته..بيطلع غضبه ف التدريب. وبيعيد حساباته من اول وجديد…Автор: Меріам Насар
——————بقلمي مريم نصار.
الساعه ٧ ف الليفنج كل العيله متجمعه..ومبسوطين وبيباركو ل رينو ع البيبي لما عرفو نوع الجنين..
فهد : باستغراب..رينو..معقول آرين كل ده نايمه؟
رينو : ابتسمت..وقالت ايوه ياحبيبى. انا لما رجعت البيت دخلت عليها. وكانت نايمه..
مريم : همست ل آدم..وقالت وبعدين يا آدم..حفيدك بعد ما رجع من الجامعه قاعد ف اوضته لحد دلوقتي.. و آرين نايمه..انا قلبى بيقولى اكيد حصل حاجه..
آدم : ربت ع أيدها..وقال يبقى صدقي قلبك ياحبيبتي. بس عايز اقولك..العثرات دي هي ال بتخلي الإنسان يتعلم..ويخلي باله بعد كده..
مريم : بحيره..بس آدم حفيدك عصبي وخايفه يكون زعل آرين..
آدم: ابتسم بتمثيل وقال.. لو زعلها زي ما بتقولي يبقى اكيد هو ليه بُعد نظر للموقف ده..
وعموما ماتسبقيش الأحداث ومش عايزك تفكري كتير..
مريم : اتنهدت بحزن..وقالت..الله المستعان..
فهد : قفل الفون وقال.. آرين صاحيه. وقالت إنها نازله تسلم ع جدها..
تمارا : قامت وقالت تعالى يا آريان نجيب آرين من الجنينه عشان متخافش..
آريان : قام وقال تعالى ياحبيبتى..
تمارا : خارجه..ووقفت مره وحست بدوخه..
آريان : بإستغراب..مالك ياتيما وقفتى ليه؟ ف حاجه؟
تمارا : الدوخه راحت..وقالت أبدا مفيش حاجه ياحبيبى يلا بينا..ومشيو..
رينو : ايه الكيس الكبير ده يافهد.. ههههه اكيد كنز آرين صح.؟
فهد : ضحك ايوه صح..الصبح كل دقيقه تنبه عليا متنساش كنزي يابابي..قولتها حاضر وانا راجع من عند جدك طارق هجبلك كنزك من عينيا..
آدم مراد : نازل من ع السلم..وملامحه عليها الجديه..وقال السلام عليكم..وقعد..
كلهم وعليك السلام..
آرين : داخله من باب الفيلا..وقالت بجديه السلام عليكم..
كلهم ابتسمو وعليكي السلام..
آدم مراد : سمع صوتها..وساكت..
آرين : سلمت ع آدم ومريم وفهد ورينو ومراد وفريحه وزين وريتال.. وليليان..وقالت اذيك ياباشمهندس كريم ..
كريم : بابتسامه..الحمد لله اذيك انتي يا آرين..
آرين : ابتسمت..انا كويسه جدا..وقعدت جمب فهد. وقالت ل آدم بعدم اهتمام..اذيك ياسيادة النقيب..!!
آدم مراد : صك ع أسنانه.وقلبه بيغلى..لكن ابتسم ببرود..تمام يا.. دكتوره..
مريم : بصت ل آدم..وكأنها بتقوله الهدوء ما قبل العاصفه..
آدم : بص ع حفيدو وبص ع آرين..ومط شفايفه..وقال جواه.. بدأت لعنة ميراث العشق…!!!
بعد شويه الكل بيتكلم..ومحمد ونور وصلو وقعدو وكان الجو ظريف..
آرين : قلبها بيرتجف..لكن رسمت الثبات والجديه وكانت قاعده ساكته..وبترد ع قد السؤال..وبصت ف الساعه وكانت ٩ وقامت ..وقالت بابي انا هطلع أذاكر شويه.وبعدين انام.
فهد : ابتسم..ماشي ياحبيبتى. بس خدي ياست البنات انا جبتلك كنزك..
رينو : بصت ع آدم بعتاب..وقالت لأ ميرسي جدا يابابي..انا مش عايزه..
فهد : كشر عينيه بتعجب..وبص ل رينو..ال بتبص ع آرين بتعجب هي كمان..وقال.. مالك يا آرين انتى متغيره ليه حصل حاجه.؟
آرين : ابتسمت بتمثيل..لا ابدا يابابي انا كويسه جدا الحمد لله.
فهد : طيب انا جبتلك كنزك انتي مش عايزاه ليه؟
آرين : بتفكير..لا مش عايزه انا مش جعانه .
فهد : بحيره ازاى مش عايزه؟
آرين : ضحكت بسخريه..انا كبرت ع الحجات دي خلاص يابابي..
ممكن تديها لتالين قبل ما تكبر . بعد اذنكم.. لأني بجد عندي مراجعه كتير جدا.. تصبحو ع خير..
وسلمت ع آدم ومريم..ومشيت..
واول ما خرجت من باب الفيلا..عيطت بوجع..لأن فهد و آدم مسافرين.. وقالت بصوت مكتوم..هو دا ال انت عايزه يا آدم..!!!
الكل مستغرب آرين..
آدم مراد : لعن نفسه.وكل حاجه..وقام وخرج..ونزل البيسين…رغم إن الجو برد إلا ان النار ال جواه مدوبه الجليد..
عدا كام يوم كمان..
وآدم هيسافر انهردا بليل للمهمه..لكن ال خانقه حرفياً.. إن آرين اتغيرت. ومابقتش تنزل وماشفهاش من آخر مره..
واخد قرار أنه يشوفها انهردا..وراح ليها عند الجامعه..
ف الجامعه..
تمارا : واقفه ف المحاضره. وفتحت مجال للمناقشة. والطلاب بيسالوها وهي بترد عليهم..
طالبه قامت وقفت..وقالت طيب يادكتور. ممكن إزاي اعرف أطور من نفسي ف حقوق؟ وازاي اوصل وف نفس الوقت محسش بمجهود جبار ف القانون. ولو حبيت اتدرب. اتدرب فين..؟
تمارا : ابتسمت ليها.وشاورت ليها تقعد.. وقالت.. الكلام ال هاقوله ده مهم جداً.للكل مش للبنت ال سألت بس..
أولا مفيش حاجه بتيجي من غير تعب.. ال عايز يوصل لازم يتعب ويجتهد. ده حتى لكل مجتهد نصيب..!!
طول مانتو ف الكلية هنا عودو نفسكو تقرأو كتير جدا ف كتب القانون..
عندك مثلا قانون العمل وحقوق الانسان و القانون الجنائى. والمدنى والتجاري. والإداري والدولي..
ف كتب كتير ف القانون لازم تنمى مهاراتكم بالكتب دى..واكيد هتكونو ع درايه واستيعاب افضل..
أما بقى الكورسات.
للفرقه الاولى.. هتبدأو ف الأنجلش ونصيحة منى ياريت الاستمرارية ف الانجليش. طول الأربع سنين. بحيث لما كل واحد فيكم يخلص ويتخرج.. يقدم. وشهاداتك ومهاراتك.هتبقى سبب كبير ف قبولك اى شركـة وانت مستريح..
اما اماكن التدريب..
عندك مكاتب المحامين او شئون قانونية ف الشركات..
و بعض البنوك وكمان شركات الاتصالات..ف كتير من فرص التدريب..وياريت تتشجعو وتقدموا ف من دلوقتي. لاكتساب الخبرة الكافية. وشكراً..
بنت شاورت ل تمارا..
تمارا : هزت ليها راسها.. وقالت اتفضلى. وفجاءه حست بدوخه وقعدت بتعب..
البنات : لاحظت وراحت عندها بسرعه..
تمارا : مسكت راسها. والأرض بتلف بيها..واغمى عليها..!!!
——————بقلمي مريم نصار.
آدم مراد : وصل عند الجامعه..
آرين : ماشيه سرحانه.. ودموعها متحجره ف عينيها.. وهمست بابي و آدم مسافرين انهردا..!!
آرين : وقفت مكانها..وقلبها بيدق وهيطلع من مكانه..وضحكت بدموع الفرح..وهمست آدم..!!! لكن افتكرت كلامه ليها..والحزن اترسم ع ملامح قلبها..لكن ع وشها اترسم عليه الجديه.. ومردتش عليه ولا لفت ليه..
آدم مراد : لف ليها. ووقف قدامها..بيغذي روحه من تفاصيلها..وقال بعتاب.. آرين عامله ايه؟
آرين : بخنقه ونفسها تصرخ فيه..لكن قالت..تمام ميرسي لحضرتك.. بعد اذنك..!!
آدم مراد : بيمتص غضبه..وقال ثواني رايحه فين؟
آرين : بعدم اهتمام..بتاهأيلي انى ف الجامعه. يبقى عندي محاضرات..
آدم مراد : مسح وشه بايديه ونفخ بخنقه كبيره..وقال.. طيب خليكي معايا ثواني.لسه شويه ع المحاضره..
آرين : بجمود..ماينفعش .
آدم مراد : ليه ماينفعش؟ انا عايز اتكلم معاكى قبل ما اسافر..
آرين : رغم أن قلبها منحور..لكن قالت بثبات.. ماينفعش نقف لوحدنا .حرام وعيب .
آدم مراد : من بين اسنانه..انتى بتعملى كدا ليييه ؟
آرين : رغم خوفها..لكن قالت..بعمل ال انت عايزه؟
آدم : اخد نفس عميق جدآ واتنهد..وبعتاب بص ل عينيها..وقال وايه الل انا عايزه ياضي آدم؟
آرين : بصت ف عينيه رغم دموعها ال مقدرتش تمنعها..وقالت بقوه..اني اكون آرين جديده بأسلوب جديد بشخصيه جديده..
..يعنى الطفوله ال جوايا هتبقى زى الخوف بالنسبالك..هشيلها واحطها تحت رجلى وادوس عليها واعدى..!!! ———–