رواية هوس اربعيني الفصل الثاني و الثلاثون 32 - بقلم نورة عبد الرحمن

    رواية هوس اربعيني كاملة بقلم نورة عبد الرحمن عبر مدونة دليل الروايات

 رواية هوس اربعيني الفصل الثاني و الثلاثون 32

 

 

نهضت من نومها بفزع وهي تحمد الله بأنه كابوس نظرت بجانبها لتجده غارق بالنوم احتضنته بتملك ووضعت رأسها على صدره.

فتح عينيه وابتسم .

عمر بنعاس انتي كويسه..

شروق هزت رأسها بحرج ..ليشدد.باحتضانها ويعودا للنوم…

*******◇◇◇◇◇◇********

في اليوم التالي في منزل رحاب..

شروق غلط يا رحاب غلط اللي عملتيه..

رحاب بدموع عايزاني اعمل ايه وهي معانا في شهر العسل..

شروق يابنتي الراجاله مابتحبش النكد وانتي من اول اسبوع منكده عليه .. كده هتطفشيه..…وبعدين انت بكده هتوصليها لمبتغاها وهي عايزه تفرقكم…ومدام الراجل كان واضح معاكي عايزه ايه تاني..

رحاب..

شروق عايزه الحق هو مالوش ذنب باللي حصل.

رحاب بصدمه مالوش ذنب هو مكلمنيش عنها وعرفني عليها على أساس أنها صاحبته.

شروق عايزاه يقولك ايه وانتي عروسه و لابسه فستان الفرح..اكيد كان عايز الموقف يعدي..

رحاب…

شروق رحاب إنتي كده بتزهقيه وتخليه يروحلها يدور ع الحضن اللي يحتويه ويخرجه من النكد اللي انتي معيشاه فيه..

رحاب هو ممكن يروحلها..

شروق والله لو عملها محدش يلومه بعد اللي عملتيه فيه..في وحده تنكد على جوزها في شهر العسل زيك ده الوقت اللي الناس تنسى مشاكله عشان يتبسطوا بس انتي عملتي ايه نكدتي عالراجل

رحاب كنتي عايزاني اعمل ايه..

شروق مش اعتذر واعترف لك وفهمك انها كانت ..ماضي وخلاص

هزت راسها بايجاب..

شروق يبقى ليه النكد ده..

رحاب عشان كان بيحبها..

شروق انتي قلتيها كان طب مايحباها ولا يكرهها وانتي مالك..انتي ليكي بالحاضر وبس..

رحاب بغصه كنت عايزاه يحبني..

شروق بهدوء وتفهم وانت فكره كده هيحبك ..انتي كده هتبعديه عنك اكتر وهينفر منك..

رحاب طب اعمل ايه ..اعمل ايه..انا مش عايزه اخسره فكرة ان وحده دايره عليه وممكن يضعف ويروحلها مجنناني ياشروق..هموت من القهر ومحدش حاسس بيا

شروق ياعبيطه هو اختارك انتي عشان تشيلي اسمه وتبقى مراته…فاهمه ..

رحاب طب طب اعمل ايه دلوقتي ..امسكت يد شروق قوليلي هو مش طايقني. اتخنقنا وطول الطريق مكلمنيش.ومكشر ومتعصب.

شروق ما عنده حق الصراحه تستاهلي ضرب الجزم ..

رحاب انتي هتزودي نار..

شروق ادعي ربنا لما يهدى يحاول يصالحك ..وانتي متعنديش معاه ماشي..

رحاب ولو محصلش وصالحني.

شروق لا انا متاكده هيحاول يصلح العلاقه بينكم بس انتي اسمعي كلام ماشي واعملي اللي هقولك عليه..

رحاب انا من ايدك دي لايدك دي ….

شروق بصي انتي هتعملي ….********

رحاب بحرج لا طبعا..مستحيل..انا بتكسف…

شروق….

********◇◇◇◇◇********

عمر يااخي هتخسر ايه لو قلتلها بحبك وريحت دماغك من النكد وعشت يومين حلوين..

زين عايزنى اكدب

عمر تكدب تصدق بالله ساعات بشوفك غبي اوووي يابني دي مش مراتك..المفروض تحسسها بحبك هي اكيد مش هتحس بالامان معاك وانتي جاي تقولها بوشها الحب هيجي بعدين انت عبيط ..

زين بضيق عمر..

عمر …عمر ايه بقى انت فقعت مرارتى ..ربنا يعينها بنت الناس عليكي..

زين انا بشتكي لك عشان تزودها عليا..

عمر يازين الست محتاجه الطبطبه الكلمه الحلوه الحنان وهتبقى زي الخاتم فصباعك غير كده هتشوف من النكد ده كتيرر.

زين يعني اعمل ايه يعني..

عمر سمعها كلام حلو اكدب ياخي متعرفش تكدب..

زين ياعمر منا قلتلها انتي تعجبيني..

عمر ضحك عمر ساخر … اسكت اسكت والله عصبتني بزياده ..طب بذمتك في حد يقول لمراته وهما بشهر العسل تعحبيني ايه البرووود اللي انت فيه ده..هي صحبتك بالكليه وعايز تعلقها ..

زين عايزني اقولها ايه يعني مش فاهم..

عمر لااا منا خلاص جبت اخري معاك مش هفضل اعيد وازيد يازين ركز يابني ركز شويه..

زين نفخ بضيق خلاص خلاص فهمتك انا هتصرف..

عمر بضحك ياخوفي ..تصدق بالله. مش مرتاحلك..

زين بضحك خلاص يابني هتشوف بكرى هعمل ايه وهصالحها ازاي.

عمر ربنا يستر..

********◇◇◇◇◇*******

كان حسام غارق في العمل في الشركه يحاول نسيان معانته حتى سمع طرقات على الباب..

حسام اتفضل..

دخلت تمارا بابتسامه مشرقه ..ازيك..

حسام تمارا اهلا نورت الشركه..

تمارا اابتسامه منوره بصحابها..

حسام لاحظ الاشراقه بوجهها واللمعه في عينيها..عمتى عامله ايه..

تمارا الحمدلله تسلم عليكي..

حسام الله يسلمها…. تحبي تشربي حاجه..

تمارا متشكره بس انا مستعجله جيالك بشغل..

حسام باستغراب شغل….

تمارا بمزاح ايووا منفعش يعني .

حسام لا طبعا تنفعي جدا هااا بقى اي الشغل ده..

حسام بابتسامه طب كويس مش ده اللي كنا عايزينه من زمان.

تمارا طب استنى بس اقولك..عايزاك في اي.

حسام هااا ياستى عايزاني في اي.

تمارا عايزا اشتغل دوام مسائي في الشركه هناا.

حسام هناا.

تمارا هزت راسها بحماس..

حسام بحرج والله مش عارف اقولك ايه بس مينفعش.

تمارا…..

حسام…..

********◇◇◇◇◇◇********

صعد عمر سيارته واتجه الى المنزل لياتيه اتصال من رقم غريب..

عمر الووواا مين.

المتصل حضرتك عمر علام..

عمر ايووااا اتفضل

المتصل حضرتك احنا مستشفى ال***** مدام حضرتك عملت حدثه ووضعها صعب..

اوقف السياره برعب ووووووو

• يتبع الفصل التالي اضغط على ( رواية هوس اربعيني ) اسم الرواية