رواية استقرار اجباري كاملة بقلم رودي عبد الحميد عبر مدونة دليل الروايات
رواية استقرار اجباري الفصل السابع و الثلاثون 37
مسكت الفون وفتحتو وفتحت المسدجات اللي جات وخبطت علي صد”رها وقالت بِصدمة : يا نهارك منيل..
طلع داغر من الحمام وهو بيدندن وبينشف وشو بِالفوطة
شال الفوطة من علي وشو لقي ريناد واقفه مربعة إيديها وبتهز في جس.مها
قرب منها وكان هيبو”سها بس رجع لِورا لما رفعت الفون في وشو
مسك الفون وهو مكشر بإستغراب .. ، لقي إن شيرين باعته مسدجات مكتوب فيها ..
” إزيك يا داغر ؟ ”
” سمعت إنك واخد أجازة علشان تعبان وقبلها كنت واخدها علشان إتجوز ”
” ألف سلامة عليك يا حبيبي من أي تعب ”
” شوفت الصور بتاعة الفرح مراتك أنا شايفاها عاديه يعني ، مكونتش أعرف إن ذوقك عادي أوي كدا ”
” بس هفضل مستنياك لِحد ما تجيلي ونقضي ليلة سوا ”
خبط علي وشو وقال : ربنا ياخدك يا شيرين
بص لِريناد اللي بصالو بِرفعة حاجب مستنية منو إجابه
فتح الفون وقالها : إستني علشان عارف إن لو حلفت من هنا لِبكرة مش هتصدقيني
رن علي علاء اللي أول ما فتح قالو : بتستغفلني يا متوحش
بص داغر لِريناد وقال : علاء هسألك سؤال بس عايزك تقول الحقيقه علشان أنا شبه واقع في مصيبه
ضحك علاء وقال : إيه يَديب هي قفشتك مع واحدة ولا إيه
بص لِريناد اللي كانت واقفة بتشيط وقال : والله بيهزر
كلم علاء وقال : علاء لو مقولتش الحقيقه أنا مش هعملك طلبك وهخربهالك وإنت عارف
إتكلم علاء بسرعة وقال : لأ يسطا وعلي إيه ، قول
كتم داغر ضحكتو وقال : مين شيرين دي يا علاء ، شيرين دي تبقي إيه بِالنسبة للشركة
سكت علاء شوية وبعدها قال : أهه شيرين ح.كه!
ضحك داغر وقال : أيوا بقا مين دي
رد علاء وقال : دي مندوبة شركة منيلة علي دماغها بتيجي تحك.ها في أي حد وتمشي
شاور داغر علي نفسو وقال : أنا ليا علاقه بيها ؟
صفر علاء وقال : هي هتم”وت عليك يا داغر من بدري بس لأ إنت مش مديها وش ودايماً مكشفلها
ردت ريناد بِزعيق وقال : أه ما هو إنت صاحبو لازم تطبلو وتداري عليه
رد علاء وقال : مدام ريناد والله أنا مش بكدب لو واحدة غير شيرين كنت هقولك ماشي إنما شيرين دي أصلاً حكا.كة الشركة وبتيجي تفضل تتكلم مع داغر أو تحاول تقرب منو ولما عرفت إنو إتجوز حاولت تقرب من خطيب أنسة زهرة سابقاً وقفشتو باين ، الموضوع هنا كان مسمع في الشركة لو مش مصدقاني ومصدقه جوزك تعالي إسألي
بصِت ريناد لِداغر وقالت : وهي تبعتلك ليه مدام عارفه إنك متنيل متجوز
رد علاء وقال : طب بعيداً علي إن ربنا يرحمك يا داغر يا حبيبي هتوحشني أنا طالب طلب قبل ما تقط”عيه وتطلعي لحمتو للغلابة يعني ، أنا كنت طالب من جوزك إمبارح عنوان الأنسة ملك صاحبتك وقالي ماشي ومبعتليش حاجة ، ممكن بعد إذنك تقولهولي بس علشان توفقو ما بينا
ضحكت ريناد في وسط عصبيتها وقالت : هعمل نفسي معرفش حاجة وهتفاجئ بس العنوان ******
رد علاء وقال : والله إنتي أصيلة عن جوزك والله ، روحي يا شيخه ربنا يكرمك بِطفل صغير شبهي كدا في البيت ، يلا أسيبك أنا تاخدي راحتك بقا وشوفي هتداوي الجُ”ثه في أنهي حته وإديني رنه ، سلام
قفل علاء وريناد فضلت باصه لِداغر بِعصبية وساكته
ساب الفون علي السرير وقال : والله العظيم مبكلمهاش ، بجد والله هي كدا ، هي بتحاول معايا بِكل الطرق إنتي مسمعتيش علاء قالك إيه ؟
مسكت الفون بتاعو وفتحت شاتها وكتبت ” أستاذة شيرين أنا واحد متجوز ولو مبطلتيش تبعتيلي أو تبعدي عن طريقي أنا هأذيكي في شغلك وفي مستقبلك ”
بعتت المسدج وعملت بلوك ، مسك داغر الفون وقرأ المسدج وضحك وقال : ما أنا كنت ممكن أرفدها من شغلها من غير التهديد دا
مسكت علبة الإسعافات وقالت : أقعد
قعد وقال : طب إهدي طب
طلعت حته قُطنه وبدأت تمسحلو وهي بتقول بِغيظ : ربنا كرمني وجوزني واحد حنين وكويس ومُحترم يطلع بيتعا.كس وبيتش”قط مني ، أدي أخرة اللي تتجوز واحد معروف لأ وكمان حلو
داست جامد وهي بتمسحلو علي الج”رح إتوجع وقال : ريناد براحه
نفخت وقالت : أسفة
عملتلو مكان الج”رح وحطت شاش ولزق وقبل ما تقوم مسك إيديها وقال : بتغيري ؟
ردتت ببرود وقالت : وهي دي محتاجة سؤال ؟
حط إيدو علي خدها وقال : تعرفي إن شكلك حلو أوي وإنتي غيرانه كدا
حط إيديها علي قلبو وقال : وحيات ريناد عندي مفيش غيرك هنا
ردت بِزعل وقالت : أنا مصدقاك وعارفه إن دا بجد بس أنا زيي زي أي بنت بتغير علي جوزها ، الغيرة مش بإيدي
قرب وبا”س راسها وقال : إنتي ست البنات كلهم وإتأكدي إن مهما مين جات قدام جوزك هو عينو وقلبو مليانين بيكي
حطت راسها علي كتفو وقالت : ربنا يخليك ليا..
” في بيت علاء ”
أخد العنوان من ريناد وقام لبس ونزل وراح مكان العنوان وقال لِواحد معدي : لو سمحت.. فين بيت الأستاذ نادر
رد الراجل وقال : أنهي نادر يا باشا ، فيه هنا إتنين نادر
إبتسم علاء وقال : عندو أنسه إسمها ملك في كلية طب هي
هز الراجل راسو وقال : أيوا أيوا الأستاذة ملك عارفها
شاور الراجل علي العمارة وقال : العمارة دي الدور التالت الشقة اللي علي إيدك اليمين
إبتسم علاء وقال : شكراً جداً ليك ، طب ممكن طلب كمان ؟
رد الراجل وقال : أؤمر يا باشا
طلع علاء فونو وقال : معاك رقم والدها طب ؟
فكر الراجل شوية وقال : أيوا باين إستني
طلع الراجل فون صُغير من جيبو وفضل يقلب فيه شوية وقال : إتفضل أهو
أخد علاء منو الرقم وقال : شكراً جداً ليك
إبتسملو الراجل ومشي ، سجل علاء الرقم وركب عربيتو وطلع علي الشركة
” بعد يومين ”
إتكلم داغر بِصوت عالي وقال : يلا يا ريناد هو كل مره تأخرينا !
طلعت ريناد من الحمام وهي بتلبس فردة الحلق وقالت : خلاص بطل صياح أنا خلصت
صفر وقال : إلعب يا دم غزال
ضحكت وقالت : معا”كسه بيئة أوي
قال وهو بيقرب ناحيتها : إنتي مينفعش معاكي مُعا”كسه ، إنتي لازم أفعال
حطت إيديها علي صد”رو بتمنعو من القُرب وقالت : بلاش بقا ويلا علشان هنتأخر .. ، علاء هيرن يردحلنا بجد
رن فون داغر ، ضحكت ريناد وقالت : جالك كلامي !
رد وقال : خلاص يا لطخ بطل زن
جالو صوت علاء بيقول : ياعم أنا مديلو معاد ما تنجز بقا يا داغر
رد داغر وهو ماسك خُصلة شعر ريناد في إيديه : خلاص قولت جاي
شم ريحة شعرها وقال : يلا
إبتسمت وقالت : يلا
نزلو سوا وسلمو علي أسماء وطلعو من البيت ركبو العربية ورن داغر علي علاء وقال : قابلني علي الطريق يلا
قفل علاء باب البيت وقال : تمام
طلع ركب عربيتو وطلع علي الطريق العمومي وإتقابل هو وداغر بِالعربيات
” في بيت ملك ”
طلعت ملك لِباباها وقالت : يعني يا بابا توافق تقابل العريس من غير ما تعرفني ولا تقولي حتي مين دا !
قرب نادر منها وبا”س راسها وقال : حبيبة بابا هو جاي ونتكلم وشوفي ، إقعدي معاه إن إرتاحتي خلاص مرتاحتيش هنرفض
دخلت ملك قعدت علي السرير وحسِت إنها مخنوقه ، مسكت الفون وفتحت شات علاء وقالت : مكلمتنيش ليه من إمبارح يعني ؟
أخدت نفس عميق وبعتت مسدج مكتوب فيها ” إنت كويس ؟ ، أصل إستغيبتك فَ قولت أسال عنك ”
وصلت المسدج بس كان علاء قافل ، حطت الفون جمبها ودخلت أمها قالت : يلا يا ملك الناس في طريق مينفعش كدا ، متكسفيش أبوكي قدام الناس
قربت طبطبت عليها وقالت : يلا يا ملك ، يلا يا حبيبتي ربنا يهديكي ويوفقلك إبن الحلال ولو مرتاحتيش إرفضي ماشي
رفعت راسها وقالت بإرهاق : حاضر يا ماما..
قامت ملك فتحت الدولاب وطلعت فُستان رقيق أمها نقتو ليها وبدأت تلبس وهي بتفكر في علاء
” بعد ساعة ”
إبتسم نادر وقال : أنا عارف الأستاذة ريناد لإنها صاحبة ملك بنتي بس معلش يعني يا أستاذ علاء هما فين أهلك ؟
بص علاء لِداغر وقال بِإحراج : والدتي متو”فية بس والدي عايش في الإمارات شغلو وحياتو كلها هناك وهو معرفش ينزل يعني ييجي معايا بس داغر دا أخويا وصاحبي وأبويا ، فَ هو اللي موجودلي هنا ييجي معايا
إبتسم داغر وخبط علي كتف علاء بإمتنان وبص لِنادر وقال : حضرتك يعني إسأل علي علاء مُختار وشوف يعني
رد نادر وقال : أنا شئ يشرفني دا كفاية سُمعة حضرتك يعني يا أستاذ داغر وكمان أنا واثق من أستاذة ريناد وعارف إن هي مش هتجيب حاجة وحشه أو مش خير لِملك
إبتسمت ريناد وقالت : ربنا يخليك يا أونكل
رد علاء وقال : معلش يعني يا عمي بلاش شغل أستاذ وأستاذة دا إحنا كدا كدا يعني إن شاء الله هنكون أهل ولا إيه ؟
هز نادر راسو وقال : إن شاء الله
قال داغر بعد ما علاء نغزو في جمبو : طب إحنا ممكن نشوف العروسة وتتكلم معاه لو ينفع ؟
رد نادر وهو بيقف : أه طبعاً حاضر ، ثواني وهجيبها
دخل نادر لِأوضة ملك وقال : يلا يا حبيبة بابا عايزين يشوفوكي وأعتقد إن فيه حاجة برا هتعجبك
إتنهدت وقامت وقفت وطلعت معاه وهي موطيه راسها
مسك إيديها ودخل بيها وقعد وقعدها جمبو وقال وهو بيشاور علي علاء : أستاذ علاء ، عريسك ..
برقت بِصدمة وهي باصه في الأرض ورفعت راسها وبصِت علي علاء اللي لعب بِحواجبو أول ما بصِت والصدمة الأكبر لما لقِت ريناد وداغر موجودين وريناد بِتشاورلها بإيديها
قام داغر وقف وقال : نسيبهم لِوحدهم طب !
قام نادر وريناد وقفو وقال نادر : هيكون أفضل فعلاً
قام علاء وقف وقال : إحنا ممكن نقف في البلكونه لو ينفع
رد نادر وهو بيشاور قدامو وقال : أه طبعاً تعالي إتفضل
مسك نادر إيد ملك وقومها وهي لسه مصدومه ومش مستوعبة أي حاجة
دخلهم البلكونه وقال : إن إحتاجتكم حاجة أندهو
طلع نادر وقعد مع ريناد وداغر
إبتسم علاء وقال : عامله إيه ؟
بلعت ريقها وقالت : ت..تمام
ضحك وقال : مالك مستغربة ليه ؟ ، مش قولتي لازم يكون في حاجة رسمي ، أنا حبيت يكون فيه بينا حاجة رسمي
إتنهد وكمل : أنا مشدودلك من يوم فرح ريناد وداغر ومكونتش بنام من كتر التفكير فيكي ولما حسيت إن خلاص إتعلقت بيكي وحبيتك قولت هدخل البيت من بابو وتيجي زي ماتيجي
بصتلو بِعتاب وقالت : مقولتليش ليه
بص من البلكونه وقال : حبيت تكون مفاجأه ، كلمت مدام ريناد وأخدت منها العنوان ونبهت عليها متقولكيش وكلمت والدك اللي هو حمايا بإذن الله يعني وقولتلو إن صاحب جوز ريناد وحبيت أدخل البيت من بابو ومش حابك تعرفي غير لما تشوفيني وكدا وهو إحترم دا جداً يعني
بصلها وقال : هو إنتي مش موافقة ولا إيه ؟
ردت بسرعة وقالت : لأ والله موافقة بس..
ضحك علاء وقال : مطلعتش لِوحدي اللي واقع
إبتسمت وبصِت في الأرض
رفع راسها خلاها تبصلو وقال : يعني نقدر نقول مبروك ؟
بعدت نظرها عنو وإبتسمت وقالت : مبروك..
إتنهد بِراحة وقال : الحمدلله..
شاورلها بإنها تطلع ، طلعت وطلع وراها ودخلو ليهم وقال علاء : نقرأ الفاتحة بقا..
قعدو كلهم وقرأو الفاتحة وقال نادر بِصوت مسموع : صدق الله العظيم..
سلمو علي بعض وقال داغر : مبروك
رد نادر وهو مبسوط : الله يبارك فيك
قامت ريناد حض”نت ملك بِسعادة مُبالغ فيها وقالت : عارفة إنك زعلانة بس بجد فرحتلك أوي وأخيراً هتكوني معايا في كل مكان
بادلتها ملك الحض”ن وقالت : اللي عملتيه معايا كفيل ينسيني أنا زعلانه منك ليه ، بس بجد ربنا يخليكي ليا وعقبال ما أشيل ولادك إنتي وداغر
بعدت عنها وقعدو كلهم مع بعض ضحك وهزار
جات مسدج علي فون داغر خلِت وشو إتحول 360°
بصتلو ريناد بإستغراب وقالت بِصوت واطي علشان محدش يسمع : مالك يا حبيبي ؟
قفل الفون وحطو في جيبو وقال : مفيش يا حبيبتي مسدج للشغل وكدا
قام وقف وقال : طب نستأذن إحنا بقا ، وهنظبط معاد الخطوبة كدا ويبقا علاء يرن علي حضرتك
قام نادر وقف وقال : إتشرفت بيكم جداً ، وإحنا في الإنتظار
سلمت ريناد علي ملك ونزلت هي وداغر وعلاء من البيت
نزلو تحت ووقف داغر وقال : علاء وصل ريناد البيت علشان عندي مشوار كدا
قربت ريناد منو وقالت : مشوار إيه ؟
فتح زرار الجاكيت وقال : لما أجي هحكيلك يا ريناد بس معلش علاء هيوصلك علشان مفيش وقت أروحك
مسكت إيديه وقالت : هاجي معاك
نفخ بِضيق وقال : ريناد مش هينفع تيجي معايا ، قولتلك روحي وأنا مش هتأخر وهاجي علي طول
كانت واقفة بصالو بِقلق واضح لِدرجة إن عينيها دمعت
ضغط علي إيديها وقال : متقلقيش ، صدقيني والله ما هتأخر بس بجد مش هينفع تيجي معايا ولما أجي هحكيلك ماشي ؟
قالت بِصوت حزين : خلي بالك من نفسك
با”س راسها وقال : حاضر ، لو ماما سألتك عني قوللها إن روحت الشركة ماشي ؟
هزت راسها من غير ما ترد عليه ، إبتسم وكان هيسيبها ويمشي مسكت إيديها وشدتو ناحيتها وحض”نتو وقالت : علشان خاطري خلي بالك من نفسك ، متعملش حاجة توجع قلبي يا داغر ممكن ؟
طبطب عليها وهي في حض”نو وقال : متقلقيش يا قلب داغر مش هيحصل حاجة ، وأوعدك إن راحة قلبك هتكون علي إيدي
بعدت عنو وقالت : متقفلش فونك وخليه معاك علشان هكلمك
هز راسو وقال : حاضر
بص لِعلاء وقال : متتحركش من قدام باب الفيلا غير لما تتأكد إنها دخلت مفهوم
هز علاء راسو وقال : حاضر ، خلصوني أنا جاتلي حموضه من المُحن دا
بصلو داغر بِقرف ومردش عليه
بص لِريناد وقال : أول ما تروحي رني عليا عرفيني إنك وصلتي تمام ؟
هزت راسها وركبت العربية مع علاء وركب داغر عربيتو وقال : نستعد بقا ..
إتحرك بِالعربية وكان بيسوق بِسرعة شديدة..
بعد شوية وهو كان لسه في الطريق فونو رن بِرقم علاء وقال : مدام ريناد دخلت البيت بس عرفني إنت رايح فين أنا مش مرتاحلك
رد داغر بِهدوء وقال : حاجة لازم تخلص من زمان وآن آوانها دلوقتي
رد علاء وقال : إبعتلي اللوكيشن هجيلك
رد داغر عليه وقال : لأ هروح لِوحدي
بص علي الفون لقي ريناد بترن قال لِعلاء : إقفل دلوقتي ، سلام
رد علي ريناد وقال : إيه يا حبيبي
ردت ريناد وهي بتقفل باب الأوضة وقالت : أنا لسه داخله الأوضة
بص في المراية وقال : تمام ومتروحيش لِزهرة يا ريناد ماشي ؟
نفخت وقالت : حاضر ، أنا ممكن أنام أصلاً أو أنزل أقعد مع ماما لِحد ما تيجي
رد داغر وقال : قلبو
إتنهدت وقالت : خلي بالك من نفسك ممكن ؟
رد داغر وقال : حاضر
قعدت علي طرف السرير وقالت : لا إله إلا الله
إبتسم وقال : مُحمد رسول الله ، يلا باي
قفل معاها وبدأ يسرع أكتر لِحد ما وصل المكان اللي عايز يوصلو
ركن العربية وفتح الباب ونزل وخلع الجاكيت ورماه في العربية ، مسك فونو و بعت ماسدج مُعينه لِرقم مُعين وقفل الباب وطلع المكان.. ثواني والباب كان إتفتح
دخل جوا ورفع المسد”س وقال : surprise …
- يتبع الفصل التالي اضغط على ( رواية استقرار اجباري ) اسم الرواية