رواية عشقتها منذ طفولتها (كاملة جميع الفصول) حصريا عبر دليل الروايات بقلم حبيبه سليم
رواية عشقتها منذ طفولتها الفصل الرابع 4
عشقتها منذ طفولتها
البارت الرابع
ادهم بصدمه وفرح... مراد
مراد... اه يخويا مراد
وبعدها مراد اتصدم لما ادهم حضنو وانفجر في العياط كأنو طفل
ومراد مش فاهم هو بيعيط ليه
مراد... مالك يا ادهم في ايه بتعيط ليه
ادهم بدموع فرح... بعيط عشان انت سافرت وغبت 10سنين وانا كل يوم بنتظر اشوفك
مراد بابتسامه... واهو جت اهو ابعد بقا كدا لازق فيا كدا ليه
ادهم بدموع وابتسامه... انا غلطان يعني اني بعيط عشان شوفتك
مراد... ولا غلطان ولا حاجه بس انت عيط كأني كنت ميت وصحيت من الموت
ادهم بحب.. بعد الشر عليك يا حبيبي لا انا عيط كدا عشان انت وحشتني
مراد حضنو... انت كمان وحشتني(احب اقولكوان ادهم كان بيحب مراد اوي ومتعلق بيه وكدا هو عيط لما شافو وبجد صداقتهم جميله اوي)
ادهم بعد عنه وقالو... انت كويس
مراد باستغراب... اه يبني بتسأل ليه
ادهم.. اصل انت اتصلت ب عشق وهي جريت علي البيت
مراد.. اه اصل انا عكيت في الاكل وبطني اتقلبت فرجعت
ادهم... اه ماشي طب تعال خش هتفضل واقف
مراد... ماشي بس انت لسا محتفظ بروكس
ادهم... طبعا دا حاجه تخص عشق وانا مستحيل استغني عنها
مراد... اليوم ده كان حلو اوي مش هنسي شكلكو لما باباك جابلكو الكلب
ادهم... اه كان يوم جميل اوي يلا خش
دخل مراد عند ادهم
مراد... هو البيت لسه متغيرش
ادهم.. اه لسا زي ما هو
مراد.. بس انت ليه معشتش في الڤيله مع اهلك
ادهم... عشان البيت ده في ذكرياتي مع عشق وعشان ولو انتو جيتو اشوفكو
مراد كان هيتكلم بس قطعو صوت التليفون
مراد... ثواني بس هرد
ادهم.. ماشي
مراد رد علي التليفون وكان اللي بيرن دا صاحبه لما في اسكندريه اسمه مروان وده بيشتغل معاه في الشركه وشريكه
مراد... الووو يا مروان
مروان.. تعال بسرعه عشان الصفقه اللي هنعملها في امريكا
مراد.. اجي ليه عشان هي معادها بعد شهر
مروان.. لا دا بقيت بكرا
مراد بصدمه.. ايه طب ازاي وهاجي امته
مروان.. هو وقت صدمتك احجز علي اول طياره وتعال
مراد.. طب هسيب اختي لوحدها بس جهز كل الورق الازم وانا هجيلك بكرا الصبح علطول في امريكا وانت تكون هناك
مروان... ماشي سلام
مراد.. سلام
مراد قفل مع مروان وهو مش عارف هيسافر ازاي وهيسيب عشق وقعد يفكر
ادهم... مراد في ايه مراد
مراد بتفكير... ادهم انت بتحب عشق صح
ادهم بهيام.. بموت فيها
مراد بضحك ضرب علي وشو براحه.... وبتقولها في وشي كده
ادهم بضحك.. انا مش بنكسف عن اني اعبر عن حبي ليها
مراد بضحك.. طب انا وعدتك بإيه قبل ماسافر
ادهم بتفكير.... ااااااااا وعدتني بإنك لما تيجي هتجوزني عشق
مراد.. وانا هنفذلك وعدك
ادهم بعدم استوعاب... نعم سمعني كدا انت قولت ايه
مراد بضحك.. بقولك هجوزلك عشق.
ادهم لسا مستوعبش... قول تاني بس عشان مش سامع
مراد بضحك.. يعاني عليك مش قادر تستوعب بقولك هجوزلك عشق ودلوقتي
ادهم بفرح شديده راح حضن مراد وباسو من خده.... حبيبي ياميدو انت كدا بتفهم
مراد بضحك... طب ابعد عني الله يقرفك بتبوسني
ادهم.. معلشي اصل الفرحه خدتني لكده
مراد بغيظ.. انا غلطان اني قولت كده
ادهم... وانت اصل اللي خلاك تجيب سيره الجواز دلوقتي
مراد باتنهيده... اصل هسافر بكرا. ل امريكا
ادهم بصدمه.. ايه هتسافر انت لسا جاي
مراد.. اصل كان في صفقه في امريكا هتتعمل بعد شهر فجأه كدا صاحبي يقولي الصفقه هتتعمل بكرا ولازم اجي فانا قولت لو سافرت وسبت عشق لوحدها مينفعشي فانا هجوزهالك انت تحافظ عليها بما انك صحبها
ادهم.. يعني انت هتسافر بكرا وهتجوزلي عشق عشان احميها
مراد.. اه معلشي بقا بس ان مضطر اسافر ومضطر اجوزهالك
ادهم.. طب انت هتقعد في الصفقه دي قد ايه
مراد.. تقريبا 3اسابيع او شهر
ادهم... وهتيجي بعدها
مراد.. اه هاجي
ادهم.. بس انت ليه هتجوزلي عشق ما كنت هحميها من غير متجوزها عادي
مراد.. يعني انت مش عاوز تتجوزها
ادهم... لا دا انا بحلم باليوم ده
مراد.. بص يا ادهم انا هسافر وممكن مرجعش بعد شهر ممكن اقعد في الشركه سنه سنتين ولو عشق حبتك انت هتحكيلها كل حاجه هتحكيلها انك صاحبها من زمان وانك بتحبها وانك اللي ربتها وهي فقدت الذاكره ونسيتك وسافرتي وانت عندك اخت وانك عارفها ورنا عارفها كل ده هتحكهولها وكمان هتحكيلها اني عارفك من زمان واني احنا الاربعه اتربينا مع بعض وانك جوزها وانك بتحبها من زمان وممكن يعني يا رب يحصل يا رب تفتكر وذاكرتها ترجع
ادهم... ينهار ابيض دا انت مخطط.
مراد.. هو دا اللي همك في كلامي كلو
ادهم.. لا بس يعني عشق هتصدقني انا عارفها مش بتصدق حد بسهوله
مراد.. معاك حق لو مصدقتكش وريها البوم صورك عشان باباك كان بيصور كل اللي بنمر بيه واحنا صغيرين وريها الصور
ادهم.. اه معاك حق تمام كل ده هيحصل ان شاءلله
مراد بصلو بتحذير وقالو... بس يا ادهم لو قربتلها بس شوف هعمل فيك ايه
ادهم بضحك... عيب عليك علفكره تشك فيا دا انا تربيتك
مراد.. ايوه كدا انا هتصل بالمأذون يجي يكتب كتابكو
ادهم... دلوقتي
مراد.. اه دلوقتي عشان هسافر بكرا
ادهم.. ماشي اتصل
وبالفعل ادهم اتصل بالمأذون وجه وكتب كتابهم من غير طبعا ما عشق تعرف
المأذون قال (بارك الله لكما 🩷وبارك عليكما 💜وجمع بينكما في خيررر❤)
واصبحت عشق زوجه ادهم
مراد... الف مبروك دا دوما
ادهم بفرح شديد لان عشق اخير بقيت زوجت بس كان عايزها تكون معاها وتفرح بس قال في نفسو انها هتحبو وهيعملها احلي فرح
ادهم...الله يبارك فيك
المأذون.. استأذن انا
مراد.. تعال يا شخينا هوصلك للبابا
ومراد وصل الشيخ للباب ومشي الشيخ في الوقت ده عشق كانت طلعه تدور علي مراد عشان ملقتوش في الشقه كلها وشافت المأذون طالع ومراد دخل الشقه استغربت وقررت تروح تشوفوه بيعمل ايه
🌹🌹🌹🌹🌹🌹🌹🌹
عشق كانت بتذاكر وفجاه وقف في طريقها سؤال هي مش فاهماه فراحت عشان تنده لمراد يفهمه لها ووراحت تدور عليه
ملقتوش الشقه كلها قالت... هيكون راح فين يعني
وطلعت تشوفو برا لقت المأذون ماشي وهو دخل الشقه حه في بالها فكره ان اخوها بيجيب بنات الشقه دي وراحت تشوف بيعمل ايه
راحت خبطت فتحلها شخص اتصدمت لما شافتو
🌹🌹🌹🌹🌹🌹🌹🌹
مراد دخل بعد ما وصل الشيخ
ادهم.... اخيرا اليوم ده اتحقق
مراد... بس انت اكيد فرحتك مكتملتش عشان عشق مش موجوده ومش عارفه
ادهم بحب.. بس اكيد اليوم ده هيجي لما تحبني
مراد.. لما نشوف
سمعو الباب بيخبط ادهم راح فتحو
وشاف حب عمري اللي عذبتو في غيابها وهي اتصدمت لما شافتو
عشق... ادهم
ادهم كان سرحان فيها وفي شكلها الطفولي هي كانت لابسه(بيجامه بكم واسعه وبنطلون واسع هي بتحب الهدوم الواسعه وكانت عامله شعرها علي جمب وكانت ملاك)
عشق... احم هو ده بيتك
ادهم مردتش لانو كان سرحان وقالها وهو لسه سرحان
ادهم... هو انتي بجد
عشق بخجل كانت هتمشي
بس ادهم مسكها من ايدها وشده ليه اتخبط في صدره وعاد سؤالو تاني
ادهم بحب... هو انتي بجد
عشق بخجل وكسوف شديد وبتحاول تبعد واتكلمت بصعوبه.بسبب خجلها... اه انا بجد
وادهم كان لسه هيميل يبو/سها بس فوقو صوت مراد وهو بيقول... مين يا ادهم
عشق... مراد
ادهم بعد لما فاق... دي عشق يا مراد وبعدها بص لعشق اللي وشها احمر من كتر الكسوف وقالها وهو بيحاول يسيطر علي نفسو... اتفضلي اخوكي جوه
عشق دخلت وهو دخل وراها
مراد اول ماشفها قال.. عشق انتي جيتي ليه
عشق... اصل شوفتك داخل هنا فقولت اشوف بيعمل ايه ومكنتش اعرف انو بيت ادهم
ادهم بمرح... لا ان هذا بيتي يا جارتي العزيزه نحن جيرنا الان
عشق اتكلمت بنفس طريقتو... تشرفنا يا جاري العزيز
ادهم حس انو هيطير من الفرحه لانها قالتلو يا عزيز وقالها... انا تشرفت اكتر يا جارتي الجميله
عشق ابتسمتلو.
مراد... هتفضلو واقفين كده
ادهم.. لا اقعدي يا عشق
عشق قعدت.. هو انت تعرف ادهم يا مراد
ادهم.. اه احنا عارفين بعض من زمان بس مش بنتقابل
عشق.. اه تمام
ادهم.. دقيقه بس هعملكو حاجه تشربوها
وراح علي المطبخ
عشق.. انت جيت هنا ليه
مراد.. انا المفروض اسئلك السؤال ده
عشق... انا وانا بذاكر معرفتش سوال فرحت انديك تشرحولي
ملقتكش في البيت طلعت لقيت المأذون ماشي وانت دخلت الشقه وبصراحه كدا جه في بالي انك بتجيب بنات هنا
مراد بصدمه... بجيب بنات انت تعرفي عني كده
عشق.. لا بس لما شوفت المأذون حسبت انك بتتجوز
مراد.. استغفر الله العظيم اسكتي يا عشق
عشق.. حاضر
وبعدها ادهم جه ومعاها صنيه فيها قهوه
عشق... الله قهوه انت تعرف يا ادهم انا بحب القهوه اوي وخدت فنجان قهوه
ادهم ابتسملها بحب وبعدها همس ل مراد.. هي عشق لسه بتحب القهوه زي ماكانت
مراد بهمس.. اه مفيش حاجه فيها اتغيرت
ادهم بهمس بردو.. لا في شكلها اتغير بقيت احلي
مراد بضحك.. طب اسكت
عشق... بتتهامسو علي ايه
مراد... مفيش كنت بقول ل ادهم تسلم ايدك علي القهوه
عشق.. بجد تسلم ايدك القهوه دي زي اللي مراد بيعملها واحلي كمان
ادهم بحب.. بالهنا والشفا وفضل بصلها وهي بتشرب
بعد لما شربو
مراد.. طب هنمشي احنا بقا
ادهم... لا دا انتو هتتعشو معايا
عشق... شكرا يا ادهم
ادهم.. لا هتتعشو معايا يعني هتتعشو وميل لمراد وقالو... والنبي يا مراد وافق عاوز اقعد معاك قبل ما تسافر
مراد بتنهيده... ماشي هنقعد نتعشا معاك
ادهم بفرح شدو من ايدو وقالو... طب تعال معايا اعمل الاكل بقا
مراد بصدمه... ايه اعمل ايه
ادهم وهو ما زال بيشدو.. تعال اعمل الاكل عشان مش بعرف وكمل وهو باصص لعشق.. اقعدي انتي علي التلفزيون علي ما نعمل العشا وشد مراد للمطبخ
وعشق ضحكت عليهم وراحت قعدت علي التليفزيون
وجالت كرتون تتفرج عليه
وبعد شويه زهقت من القعده وهما لسه مخلصوش الاكل لفت نظرها صوره حست انها شافتها قبل كده راحت عندها ودققت في ملامح الولد اللي في الصوره وعرفت هو مين وقالت
عشق.. هو ده ادهم
ادهم من وراها.. ايوه انا
عشق بخضه.. ادهم
ادهم بضحك.. معلشي خضيتك
عشق بصتلو بغيظ وبعدها بصت للصوره وقالت... كان شكلك كيوت وانت صغير
ادهم بحب... انتي اكتر
عشق بكسوف.. هاا
ادهم بتوتر... اقصد اكيد وانتي صغيره كنتي كيوت
عشق بخجل وابتسامه... شكرا وبعدها بصت للصوره وقالت ببعض الغيره... ومين البنت دي (كانت اصلا بتشاور علي نفسها بس كانت في الصوره ادهم حاضنها وهي في الصوره باين ضهرها مش شكلها)
ادهم بضحك لانها بتتكلم عن نفسها... انتي مش عارفه مين دي
عشق.. لا معرفشي
ادهم بحب... دي البنت اللي عشت معاها افضل ايام حياتي
عشق بغيره.. اه طب وهي فين
ادهم كان هيجاوب بس قطعو صوت مراد وهو بيقول بصوت عالي.. يلا عشان نتعشا
عشق... ماشي
وراح قعدو علي السفره واول ما عشق شافت الاكل قالت....الله الله الله الحقو بقا كلو شويه عشان هخلص الاكل ده كلو
مراد... لا والنبي دا انا اللي تعبت في عملو وانتي هتيجي تأكليه بكل سهوله مستحيل
ادهم.بضحك.. هي بتخلص الاكل علطول
مراد بضحك.. اسكت والنبي دي بتخلص كل الاكل اللي في التلاجه انت لو عشت معاها هتصحيك في نص الليل عشان تروح تعمل سندوتش
عشق بضحك... متصدقهوش يا ادهم ده كذاب
مراد... لا صدقني دي هي اللي كذابه
ادهم بضحك... طب اصدق مين
مراد.. انا يا صحبي انا
عشق.. لا صدقني لو ليه خاطر عندك
ادهم في نفسو.. اكيد طبعا ليكي خاطر عندي دا مش خاطر بس دا انتي روحي وبعدها قال... لا انا مصدق عشق
عشق مديت ايدها وقالت... كفك يا دوما
ادهم فرح جدا لما قالتلو يا دوما
مراد... دي اخرت العيش والملح اللي بينا ماشي يا صحبي
ادهم ضحك عليه هو وعشق
وقعدو يأكلو ويضحكو وبعدها
مراد قال... هنمشي احنا بقا
ادهم... انا لو عليا ماخلكوش تمشو بس عشان اذاكر شويه
عشق بضحك.. مصلحجي انت
ادهم بضحك... تقدري تقولي كده
مراد... طب يلا تصبح علي خير
ادهم.. وانت من اهله
بعدها مشي مراد ومعاه عشق وادهم دخل يذاكر شويه
مراد اول ما دخل خد عشق الاوضه ومسك ايدها وقعد علي السرير وقعدها فريحو قال
مراد.. اوعديني يا عشق اني اللي هقولو مش هيخليكي تعيطي
عشق باستغراب.. ليه بتقول كده
مراد.. اوعديني الاول
عشق... حاضر اوعدك اني مش هعيط بسبب اللي هتقولو
مراد غمض عينه وقال.............................
عشق بصدمه ودموع وجع... لا انت مش هتسبني
يبتع......
روايه عشقتها منذ طفولتها
البارت الرابع
لللكاتبه/الجميله
ايه رائيكم في البارت اكتبو رائيكو في التعليقات والتفاعل قليل عاوزه تفاعل كتير عشان يشجعني اكتب ❤❤❤❤💜💜🩷
•تابع الفصل التالي "رواية عشقتها منذ طفولتها" اضغط على اسم الرواية