رواية حورية في عالم الوحوش الفصل الخمسون و الاخير 50 - بقلم يوستينا سامي

    رواية حورية في عالم الوحوش كاملة بقلم يوستينا سامي عبر مدونة دليل الروايات 

 رواية حورية في عالم الوحوش الفصل الخمسون 50

 

في البيت ..

بداوا يطلعوا كل حاجة تفاجئوا باللي كان فيها

صور لجاسر مع فيروز وتسجيلات بصوتهم واعتراف من فيروز ان فعلا ما فيش حاجه حصلت بينها وما بين اسد ورغم اني حسام كان شبه متاكد الا انه ارتاح جدا

مراد و هو بيرمي التسجيلات دي علي الارض بعن*ف

واتكلم بعصبية / فيه بني ادمة كدة في الدنيا كلها استفادت ايه من كل اللي عملته ده، انا ماشوفتش في حياتي ارخص من كدة ايه .. اديها ما*تت في ستين دا*هية انا مش مصدق ان انتوا التلاتة كنتوا بتحبوا واحدة زي كدة بالر*خص ده

حسام قعد علي الارض و هو بيعيط / جاسر عمل فيا كل ده .. انتوا مصدقين اللي بيحصلي معقووول يا ربي ، ده طلع بيخو*ني مع مر*اتي

حسام قام و فضل يشد كل الصور اللي كانت متعلقة ليهم مع بعض علي الحيطة .. من تخرج و حفلات و بدا يك*سر فيها بغل / الله يحر*قكوا .. و يحر*ق دي صداقة و اخوه اومال لو كنا اعدا*ء كنا هنعمل ايه في بعض انا مش عايز اعرفكوا تاني .. اتفوو عليكوا كلكم بجد

و خرج حسام زي المجنو”ن من الشقة و كان في هستريا عياط و راح وقف علي النيل و كلم ريماس تجيله ..

و مراد كان قاعد علي الارض بيعيط / انتوا ظلمتوا اسد كتير اوي ، و جيتوا عليه حتي وهو في المستشفي بين الحياه و المو*ت . حسام عندوا حق احنا كدابين و عمرنا ما حبينا بعض ابدا ، كنا فرحانين باللمة و الاسم اخوات و صحاب

. احنا لازم نروحله المستشفى حالا

حسن مسح دموعه / ايوة لازم ..قوم بينا يا مراد احنا لازم نبقي جمبه في الوقت الصعب ده

وفعلا مراد وحسن راحوا المستشفى واصروا ان هم يقابلوا اسد لكن الجاردات منعوهم وحور كمان رفضت دخولهم الاوضه ما كانوش يعرفوا ان الاسد بيخطط الحاجه ثانيه خالص .

##

(ساعات بنقبل بوضع غلط و اسلوب غلط مع صحابنا او الناس اللي بنحبها ، لاننا بنبقي خايفين من الوحده و بنضطر نستحمل منهم وجع كتير و وقت ما يبعدوا عننا بنبقي برضوا بنحاسب نفسنا و نسال نفسنا احنا عملنالهم ايه علشان نستاهل كل الوجع ده

بس بتبقي الإجابة….. انك انت اللي اخترت توجع نفسك و تاذيها لما اختارت تكمل في علاقة فاشلة و ماقولتش لا)

___________________________________________

عند النيل

حسام واقف بيعيط و كان بيترعش من برودة الجو و ريماس واقفة جمبه مش قادرة تتكلم

حسام / اتخا*نت من كل اللي بحبهم اوي ، ابويا خا*ن ثقتي فيه و سابني من وانا صغير و صاحب عمري با*عني ، و قريبي اللي كنت بعتبره اخويا الصغير خا”ني .. ليه بيحصلي كدة يا ريماس هو انا للدرجة دي ربنا بيكر*هني

ريماس حضنته / اوعي تقول كدة ، و استغفر ربنا يا حسام ربك بيبتلي اللي بيحبهم ..اوعي تضعف و اوعي تياس من رحمة ربنا بيك

حسام قعد علي الارض و هو حاضن ريماس و بيصر*خ زي الاطفال / يارب .. انا تعبت بقي

ريماس و هي بتطبطب عليه و بتعيط علي حاله

و بتقوله / اششششش اهدي يا حبيبي ، انا معاك

_____________________________________________

بعد مرور حوالي يومين كاملين . كان كل واحد بيحاول يتقبل اللي حصل .و اصر مراد و كل العيلة انهم يروحوا لاسد لكن الصدمة..

في المستشفى

عزيز بعصبية / يعني ايه مشيوا من المستشفى .. ده حالته صعبة جدا يا دكتور

الدكتور / مدام حور مضت على الاقرار و مكنش في ايدي اي حاجة تاتي اعملها ..انا اسف

مراد / انا كنت واثق انه هيعمل كدة علفكره . انه لازم يبعد

و يرتب حساباته بس الغريب انه اخد حور معاه.

حسن بحزن / واضح كده اننا هنفضل نقل لحد ما يباش حد فينا مع التاني.. ادي جاسر سافر وما حدش يعرف هو فين بعد كل اللي عمله فينا بدل ما كان يصلح لا هر*ب و حياه رجعت مع علي وصالح الصعيد حتى حسام مانعرفش عنه حاجه هو وريماس ما ابقاش غير انا وانت مراد ..

عزيز / مالوش لازمة الكلام ده دلوقتي يا حسن احنا وجودنا في المستشفى هنا ما بقاش ليه اي لازمه لازم تدوروا عليه في الاوتيلات و في اي حتة انا خايف عليه ..

و فعلا ده اللي حصل و بدوا يدوروا عليه ..

________________________________________________

في الطياره الخاصة بتاعة اسد

حور ماسكة ايد اسد بحب / تعبان ..حاسس بحاجة

اسد باس ايد حور / متخفيش يا روحي انا كويس حاولي تنامي يا حور .انتي بقالك كتير اوي صاحية يا حبيبتي

و فعلا اسد اخد حور في حضنه و نامت في امان و هي مطمنة ان اسد جنبها ..لكن اسد فضل يفتكر ايام زمان و يتحسر عليها. .

فلاش بااااااك ..

و الصبح لما جدته كانت عنده في المستشفى من وراهم

عليا / يعني خلاص قررتوا تبعدوا عني .. ليه بتعمل فيا كدة يا اسد ..ده انا كان نفسي اشوف ابنك

اسد/ صدقيني غصب عني ..انتي اكيد عرفتي كل حاجة ..

انا حقيقي مش قادر اقرب منهم تاني و محتاج ابعد شوية علشان حياتي انا و مراتي و ابني اللي جاي بس وعد مني هرجعلك تاني ..

عليا / انا مش هقدر اجبرك تقعد بس انا هستناك ترجع يا اسد

باك ..

اسد فاق من ذكريات / ربنا وحده اللي يعلم هرجع تاني و لا هكمل حياتي في المانيا

وفعلا سافر اسد المانيا بعد ما كان مسافر في الطائره خاصه به هو وحور وكمل علاجه هناك في المستشفى و حور كانت جنبه ما سابتوش ابدا

– اما جاسر اخد قرار ان هو يبعد تماما وسافر دبي وقرر ان هو يعيش لوحده بعد ما خسر كل حاجه ورمي اي حاجه كانت تفكره باسد وحسام و كان شايف انه ميستحقش الايام الحلوة اللي عاشها معاهم ..

– اما حسام قرر انه مايبعدش تاني و رفض ان هو يسافر امريكا ثاني و يقرر انه يعيش في مصر هو وريماس .. و حسن و مراد حاولوا انهم يهونوا عليه اللي حصله ..

_____________________________________________

بعد مرووووووور تمن شهوووور من البعاد *

في المانيا..

في بيت اسد و حور

حور / يسلام ..وانت بقي عايز تفهمني انك هتقدر تبني الشركة دي كلها لوحدك.. ما انا قلتلك يا اسد حاول تاخذ اي جزء من نصيبك دي فلوسك اللي انت سبتها ومشيت دي .

اسد / يا حور انا عارف انها فلوسي بس انا من الاول مش معتمد عليها… انا معتمد علي الفلوس اللي انا عملتها بشغلي وتعبي ودي اللي اخذتها وسافرت بها

والحمد لله احنا مش محتاجين اي حاجه ولا انتي محتاجة حاجة وانا مش واخذ بالي

حور ابتسمت بتعب / لا طبعا مش محتاجة اي حاجة

بس انا صعبان عليا اسد باشا العقاد بعد ما كان رجل اعمال كبير جدا في مصر وفي بلاد كثير قوي يجي هنا يبدا حياته من اول وجديد

اسد / لا ما تشغليش بالك انا مش فارق معايا خالص لا الفلوس ولا المركز المهم ان انا اعيش مرتاح وانا عمري

ماعشت في راحه زي اليومين دول يا حور

و في اللحظة دي حور صرخت جامد بعلو صوتها / اعاا الحقني يا اسد .انا شكلي بولد اعااا

اسد بخوف / افندم ..وانا اعملك ايه دلوقتي يعني مش فاهم …

حور / اومال اسد العقاد و اي كلام ..احقني يا متخلف انت.. و ديني اي مستشفى بسرعةة

اسد / طيب خلاص اهدي .اجيبلك اي حاجة تتنيلي تلبسيها ..انا كان مالي و مال العبط ده

حور بصريخ / بسرعة يا حيوااااااان

اسد بغيظ / كمان بتش*تمي حاضر يا حور .. حاضر

اما وريتك بعد ما تخلفي ما ابقاش انا

و فعلا اخدها اسد المستشفي بعد معاناه و صريخ و عياط و فضلت تشتم فيه طول الطريق و اخيرا خلفت ولد و حور صممت تسميه اسد ..

______________________________________________

في مكتب حسام ..

مراد دخل بعد ما استاذن / كنت عارف انك مشغول بس قلت لازم اعزمك انت اول واحه علي فرحي

ينفع ولا هتخزلني

حسام اول ما شافه قام جري ناحيته و حضنه جامد/ ينفع ايه بس انت وحشتيني مو*ت بقالي فوق اربع شهور ماشفتكش …عامل ايه

مراد / والله كويس بس مش قوي يعني الفتره اللي فاتت دي كنت مشغول جدا في تحضيرات الفرح انا ونسمه …طبعا اديك شايف حسن بيحاول يحلق على شركات بعد ما اسد سابها وسافر كان ليه بصمته برده في الشغل

حسام / والله اسد كان ليه بصمته في كل حاجه

احم بقولك صحيح هو انتم مش عارفين مكانه ولا عارفين تتوصله لحد دلوقتي ..اعتقد ان مراته قربت تولد صح

مراد / ما انت عارف اسد لو مش عايز مخلوق يعرف مكانه ما حدش هيعرف مكانه.. اما بخصوص موضوع حور اعتقد انها قربت فعلا… فات تمن شهور ربنا معاهم ..المهم هتيجي الفرح

حسام/ اه هاجي الفرح و وحشتوني اوي علفكرة و وحشتني اللمة ..حتي ريماس كمان مخنوقة اوي الفترة دي ..عارف كان نفسي اعملها فرح كبير اوي بس مكنتش قادر

مراد / خلاص بقى ما تزعلش نفسك تعوضوها ان شاء الله في اول طفل و تعمله احسن سبوع في الدنيا كلها

خلي بالك من مراتك يا حسام ، ريماس بتحبك بجد مستعده تبيع الدنيا كلها علشانك وكفايه انها استحملتك اول تلات شهور جواز

حسام بضحك / والله عندك حق .. ريماس دي هي اللي خلتني اتنفس و اعيش تاني من جديد فعلا عوض ربنا ده جميل اوي .. بقالنا اربع شهور بس متجوزين و مستحملة كل عصبيتي و غيرتي عليها الاوفر و عمرها ما اشتكت ..

بس خلاص انا قررت اني ادوس علي الماضي..هي ملهاش ذنب في كل ده ، المهم كفاية رغي انت فرحك أمتي صحيح

مراد/ ايه يا عم الخضة دي يخربيتك ..عموما انا فرحي كمان شهر. .و ادي الدعوة برغم انك مش غريب يا حسام

حسام بحزن / للاسف بقيت غريب يمكن في وقت ثاني كان زماني انا اللي بوزع الدعاوي على الناس مش باخذها منك مبروك يا مراد حقيقي الف الف مبروك …

______________________________________________

في المستشفى عند اسد

اسد كان قاعد جنب حور ماسك يديها/ الف حمدلله على السلامه يا حبيبتي اخيرا الباشا نور بعد معاناه وتعب

حور بتعب / شكله حلو اوي يا اسد ..اسد الصغير جالك الدنيا خلاص علشان يرخم عليك و ينور حياتك

اسد بضحك/ شكله حلو علشان شكلك انتي ..كان نفسي في بنت علشان تبقي حتة منك و بعدين انا مش حابب اسم اسد ده .. خلينا نفكر في غيره

حور / بس انا بحبه اوي و مش هسمي ابني غير اسد ..

لاني بتمني انه ياخد منك اي حاجة لانك احسن واحد في الدنيا كلها

اسد قرب من حور و اتنهد جامد و حضتها و بدا يتكلم في سره/ يارب احميلي عيلتي انا ماليش غيرها .. انا بعت كل حاجة علشانهم ، بعت عيلتي و ناسي و شغلي علشان ارتاح شوية

وفعلا فات شهر ومراد اتجوز نسمه ومراد اصر انهم يبعدوا عن الفيلا ويعيشوا في مكان لوحدهم ، وحسام جايه الفرح وقضى معاهم اليوم واتبسط جدا واتمنى وقتها ان يكون اسد موجود لكنه رفض الفكرة

_______________________________________________

في المانيا .. بعد مرور حوالي شهرين

اسد كان نقل من البيت اللي كانوا عايشين فيه لبيت اكبر واصبح اسمه معروف اكثر في الشغل و قدر انه يحقق جزء من طموحه فيه ..

حور / يا اسد .. تعالي و حياتي شيل مني ابنك شوية احسن بجد مش قادره هموت وادخل اخد شاور بس

اسد ضحك/ تستاهلي عشان تبقي تقوليلي امبارح احنا عايزين نخاوي اسد قريب.. ده انت على عيل واحد مش قادره ..اومال هتعملي ايه لو كانوا اثنين ثلاثه.

حور/ يا سلام هو الحق عليا يعني ان انا كان نفسي اجيبلك اكثر من عيل يملى عليك البيت وبعدين باقولك ايه جدتك كلمتني النهارده ونفسها تشوفك انت و اسد الصغير وانا وعدتها هنجيء مصر قريب

اسد بحده/ طب كويس بعد كده بقى ماتديش حد ثاني وعد لاني مش مستعد انزل مصر خالص انا مرتاح هنا وانا عايش لوحدي ..,وبعد اذنك متفتحيش معايا الموضوع ده تاني وابقي كلميها وقوليلها اسد بيقولك لو عايز تيجي تزورينا تعالي لكن ينزل مصر ثاني ده مستحيل يحصل ..

وفعلا اسد كان مصمم على قراره وحور ما كانتش قادره تتصرف و مراد وحسن ما كانوش عارفين يوصلوا ليه حسام كان بيتحاول انه ينساه …

لدرجة ان عدي العمر بيهم

و فاااااااات تقريبا ثلاث سنين وكمان و هما علي الوضع ده

________________________________________________

في فيلا عزيز العقاد.

حسن ونور امراته وبنتهم خلود و .. و مراد و نسمة و بنتهم مريم ..و حسام و ريماس و ابنهم رامي و تامر

مراد / بقولك اي يا حسام قول لرامي ابنك يا حبيبي

انه لو شاف قفاه كدة ما هيتجوز بنتي ده مثبت البت جوا و بيقولها هتجوزك و لو ابوكي رفض هخط*فك .. ابنك ليه بلط*جي كدة

حسام ضحك جامد / احسن علشان تبقي تقف في طريق العيال .. و بعدين دول بيحبوا بعض من يوم ما اتولدوا

ما تخليك في حالك بقي

نور بضحك / عنده حق الصراحة و بعدين يا مراد انا و حسن فقدنا الأمل من بدري اوي و سايبة خلود لتامر و ساكتة

مراد / لا والله لا يا أختي كله الا مريم محدش ليه دعوة بيها دي حبيبة ابوها

عالية بضحك / الله يخيبك يا مراد فكرتني باسد تفتكروا لو كان ابن اسد معانا دلوقتي كان اي هيحصل يا عيال

ملحوظة..هما عرفوا ان اسد خلف ولد من جدتهم لانه كلمها ..علي حسب كلامها

حسام بحنين / اسد ..يااه اعتقد ابنه كان زمانه مسيطر علي العيال كلهم .. بس هو طول اوي في الغيبة بقاله اربع سنين منعرفش عنه اي حاجة

عاليا / بس انا بقي اعرف .. و اعرف كمان انه.

و فاجاه سمعوا صوت اسد و هو بيقول / يا اسد تعالي هنا بطل شقاوة بقي الله . هات ايديك احسن تقع

مراد اول ما شافه جري ناحيته و حضنه

واتكلم بحنين / اسد اخس عليك بجد. وحشتني يا اخي هونا عليك تغيب عننا كل ده

اسد اتنهد جامد / وانت كمان والله .. وحشتني اوي

و اسد بص ناحية حسام اللي كان قاعد على الكرسي خايف يتحرك / ايه مش عايز تسلم عليا بعد كل الفتره دي ياحسام ..معقول موحشتكش

حسام بصله بدموع / وحشتني يا اسد والله..

وفعلا قام حسام و سلم على اسد جامد و وحشتهم لبعض كانت باينة.و بعد تقريبا نص ساعة من السلامات قعدوا كلهم في الجنينة

اسد كان ماسك ايد جدته بحب / وعدتك ان انا اجي ونفذت اي نعم بعد فتره طويله بس اول ما حسيت ان انا قادر ارجع ثاني مصر رجعت ..

حسام / مصر نورت بيك ..و هتنور اكتر لو قررت تعيش هنا يا اسد.. كفاية بعاد تاني ارجوك كلهم محتاجينك هنا

اسد / و انتوا وحشتوني اوي علفكرة .. عرفوني بقي علي عيالكم .. ده اسد البكري اللي مجنني حرفيا و دي عاليه بنوتي علي اسمك يا جدتي ..

عالية شالت بنت اسد بحب / ربنا يخليهالك يا ابني

وفعلا بداوا كلهم يتعرفوا على عيال اسد واسد الصغير انسجم جدا مع مريم وخديجه وكان بيلعب معاهم وفعلا زي ما قال مراد ابن اسد هيسيطر عليهم في ثواني

وقدوا اليوم كلهم مع بعض ولاول مره كانوا يحسوه بلمه العيله … وعزيز وعليا قرره انهم يباتوا كلهم في الفيلا

و اتجمعوا الصحاب مع بعض اخيرا بعد اربع سنين في مكان واحد

______________________________________________

تاني يوم الصبح ..

اسد كان واقف في الجنينة بيشرب سج.ارة

حسام / غريبه يعني انت مبطل من زمان ايه اللي خلاك تاني ترجع للسجا.ير

اسد بصله ضحك / بقالك اربع سنين ما شفتنيش جاي تستغرب دلوقت ،عموما في حاجات كثير قوي في حياتي اتغيرت منهم السجا.ئر رجعت ثاني اشربها بس بحاول ابطلها عشان حور بتضايق منها ،المهم انت مبسوط يا حسام مع مراتك و عيالك

حسام ابتسم / دائما كنت اسمع عن العوض بس عمري ماعشته فعلا ريماس هي العوض ليا

هتصدقني لو قلتلك ان انا مش بفتكر فيروز ولو افتكرتها بقول ربنا يرحمها زمانها بتتع*ذب جامد

وده كله بسبب ريماس هي دكتورة شاطرة اوي

عرفت تعالجني من كل مشاكلي يا اسد ..

اسد طفي السجا.رة / كويس بجد ..جاسر كلمني يا حسام و تقريبا كدة قرب يتجنن و نفسه تسامحه

حسام / بص يا اسد انا رجعت اكلمك ثاني علشان حسيت انك حاولت تحافظ علي صداقه وما خنتنيش لكن جاسر داس على كل اللي بيننا حتى القرابه بالجزمه

علفكره انا مش باكر”هه لانه زيه زيي ..احنا الاتنين اضحك علينا بس انا مش عايز اشوفه …

اسد / حتي لو عرفت ان التسجيلات اللي كانت بينهم دي كانت بعد ما طلقتها ..يعني جاسر مخنكش يعني تقريبا زيه زي انا يا كسام …و طلاما سمحتني ..يبقي لازم تسامحه

ولكن حسام مصمم على كلامه لانه ما كانش قادر ينسى اللي جاسر عمله فيه وجاسر كان عايش تقريبا لوحده كان بيعاقب نفسه حتى انه رافض يتعامل مع اي احد في البلد اللي هو فيها وخصوصا لما عرف ان الحياه كمان اتجوزت

وفعلا فاتت مده طويله واسد كان بيحاول يواصل ما بين شغله في المانيا وفي مصر وخصوصا ان حور كانت مصممه انها ما تسيبش مصر وبعد علاقة قويه مع نور و ريماس وحياه كمان و حست انها لقيت روحها وحالها ..

لكن اسد ما كانش لوحده وحسام قرر ان هو يساعده في شغله وخصوصا ان الاسد كمان بقى يمسك الشغل مع حسن في الشركات والعلاقه رجعت شبه كويسه جدا مع بعض …

______________________________________________

بعد مرور حوالي ست شهووور

يوم عيد جواز اسد و حور قرر يعملها حفلة كبيره

تعويض عن فرحهم ❤️🙈

حور كانت لابسة فستان لونه بيج تحفة حرفيا و بنتها لابسة نفس الفستان و اسد الصغير كان شبه ابوه ..

اسد كان بيرقص مع حور /مش مصدق انك معايا و في حضني، انا بحبك اوي .. انتي حقيقي عشقي الاول و الاخير يا حوريتي

حور / بطل كلامك ده علشان انت بتكسفني ..و بعدين الناس حوالينا ..صحيح هو انت قولتلهم اني حامل

اسد / لا .. بصراحه خوفت يحسدوني و انا مش هخلص من عين حسام..انا عارفه عقبال كدة ما نكملهم الدسته يارب ..

اسد بعد عن حور بلهفة و بص ناحية الباب و فعلا جاسر دخل و هو ماسك بوكيه و رد في ايده و كان خايف اوي من رد فعل حسام ..

ريماس اول ما شافت شكل وش حسام قربت منه و مسكت ايده بدات تتكلم بصوت واطي / ربنا بيسامح ..انت مش هتسامح يا حسام

جاسر قرب منه / انا اسف ، والله انا ندمان ..انا لو قولتلك اني كنت بمو.ت من الندم كل يوم بسبب احساسي اني كسر*تك و كد*بت عليك مش هتصدقني حسام انااا ..

في اللحظة دي 💪💪

حسام حضنه / انا مسامحك ..و الله مسامحك يا جاسر… اينعم وجعت*ني اوي بس مش قادر اكر*هك اكتر من كدة .. داخلين علي الخمس سنين و احنا بعاد عن بعض ..

و فعلا اسد و مراد و حسن و حسام و جاسر حاولوا انهم ينسوا الايام اللي فاتت كلها .و هو كان صعب عليهم بس علي الاقل كانوا بيحاولوا …

عاليه بدموع / كان نفسي تتجمعوا اوي من زمان يا ولاد .. بقولك يا مراد تعالي نتصور كلنا يلا يا عزيز

و فعلا اجتمعوا كلهم و اتصوروت مع بعض ..

و بعد ما اتصوروا الصورة .. اسد بعد عنهم شوية ووقف في مكان كان شايفهم فيه كلهم و بدا يتكلم مع نفسه ……..///

مش هاقدر اقول ان دي النهايه ..

لان الاكيد النفوس ما صفتش بنسبه مية في المية بس اللي اقدر اقوله انهم كانوا بيحاولوا يصفوا لبعض و ينسوه اللي حصل ، في ناس ممكن تقول ان دي مش الحقيقه وان مافيش حد ممكن يسامح بعد الاذ.ية بس الحقيقي بقي من وجه نظري ان السماح عند المقدرة دي حاجة عظيمة بجد و خصوصا لو الطرف التاني ندمان حقيقي ، و انا كاسد نسيت كل حاجة 💪❤️

في نهاية القصة انا احب اقول اني حقيقي بحبكوا اوي و مبسوووطة بكلامكوا و تعليقاتكوا و بتمني نلتقي علي خير في رواية جديدة علي خير

•  يتبع الفصل التالي اضغط على ( رواية حورية في عالم الوحوش ) اسم الرواية