رواية خداع نفسي (كاملة جميع الفصول) حصريا عبر دليل الروايات بقلم الاء هاني
رواية خداع نفسي الفصل الخامس 5
طيف بصدمة : ايه دا انت بتهزر صح
رحيم بابتسامة : لا مش بهزر يلا يا بنوتى
ونزل من العربية و فتح لها العربية
رحيم : يﻻ انزلى
طيف بصدمة : رحيم متهزرش
رحيم : مش بهزر و يﻻ
دخلوا محل للبس الشرعى
رحيم بابتسامة : ها نبدأ بايه
طيف بحيرة : مش عارفة
رحيم : طب تعالى
جابلها طرح و جيب ودرسات
رحيم : انا عارف انى قولتلك انى هجيب طرح على بلوزات و بناطيل بس خليها جيب على طول لحد كده و كفاية بناطيل اشطا
طيف بفرحة : اشطا
وخلصوا و روحوا
دخلوا القصر و هما مبسوطين
لقوا سعد ومرفت و احمد ومنى قاعدين مستنينهم
رحيم وطيف: السﻻم عليكم
الباقى : و عليكم السﻻم و رحمة الله و بركاته
رحيم باستغراب : مالكوا قاعدين كده ليه
سعد بهدوء : كنتوا فين
طيف بصت لرحيم الا قال بهدوء : كنت بجيب حجات لطيف و متأخرناش
سعد بسخرية : متأخرتوش الساعة 1 بليل جى بيها فى اخر اليل و تقولى متأخرناش
رحيم بضيق : محصلش حاجة يا جدى لكل دا
طيف بصتلهم بصدمة و استغراب مش اول مره تتأخر كده مع رحيم
سعد بهدوء : اطلع اوضتك يا طيف
طيف : بس يا جد....
سعد بحده : مفيش بس على فوق
رحيم بضيق : ملعش يا طيف اطلعى
طيف طلعت على فوق و هى مخنوقة ان جدها كلمها بالاسلوب دا و ايه الجد علشان يعاتب رحيم كده
رحيم بضيق : ممكن افهم فى ايه
سعد بعصبية : انت هتستعبط انت ازاى تعقد كل دا بها برا
رحيم باستغراب : و ايه الجديد و كمل بصدمة بعد استيعاب انتم مش واثقين فيا بص لامه و عمه و مرات عمه الا بصين فى الارض
رحيم بوجع : انتم بجد مش واثقين فيا حد يرد عليا
مرفت : يا بنى احنا بس خايفين عليها دى امانة
رحيم بعصبية : خايفين عليها من ايه ما انا معاها ايه الخطر الا بيهددها خايفين عليها علشانه مفيش خطر غير وجودى معاها
احمد فى محاولة لتهدئة الموقف : يا حبيبى احنا بس قلقنا عليكوا
سعد بامر : الكل على فوق رحيم تعالى معايا
فى المكتب
رحيم بهدوء : ممكن اعرف انت خايف عليها ليه قبل ما تبقى بنت عمتى طيف اختى و بنتى يا جدى محدش هيخاف عليها قدى
سعد بتنهيدة : انا مقصدش يا بنى انا خايف لمتحكمش فى نفسك و هى معاك و هى امانة و احنا عارفين انك بتحبها
رحيم : انا بعترف انى بحبها بس زى اختى انا الا مربيها يا جدى كبرت على ايدى فمستحيل اقرب لها انا هسلمها لعريسها بيدى
سعد : وعد يا بنى
رحيم بابتسامة : وعد يا جدى تصبح على خير
سعد : و انت من اهله
رحيم و هو طالع اوضته عدى على طيف لقها لسه صاحية
رحيم باستغراب : انت لسه صاحية
طيف جريت عليه : انت كويس
رحيم باستغراب اكبر : ايوه كويس مالك
طيف بتوتر و هى بتبص فى الارض : انا اسفة لو كنت وقعتك فى مشكلة
رحيم و هو بيرفع وشها : مين قال انك وقعتينى فى مشكلة محصلش حاجة انا حليت كل حاجة ويﻻ نامى
طيف : بس انا مش عايزة انام
رحيم و هو بيشلها و بيحطها على السرير : ﻻ يﻻ نامى يا لمضة
رحيم و هو بيبوسها من رأسها : تصبحى على جنه
طيف بابتسامة : و انت من اهلها
مرت الايام و دخلوا الامتحانات و مرت ايام الامتحانات بين ضغط و خوف و دعمهم لبعض
بعد فترة
طيف بتوتر : ها ظهرت
رحيم : اهدى حبيبتى بجرب
رحيل : طب يﻻ براحه
عطر : هاا يا ادم
ادم : بحاول يا حبيبتى
ميرا : الو
عطر : ايوه يا بنتى
ميرا : وصلتوا لحاجة
عطر : لسه
عطر : يحيى وصل لحاجة
ميرا : ﻻ
بعد شوية وقت
رحيم بصدمة : ايه دا
طيف و رحيل بخوف : فى ايه
رحيم بعصبية : ايه الدرجات دى
طيف و رحيل برعب : ايه سقطنا
رحيم بضيق : للأسف
رحيل انفجرت فى العياط و طيف اغمى عليها فى الحال
رحيم بخضة قام جرى عليها: طيف يا نهار بهزر و الله بت فوقى حبيبتى
بعد مفوقها
طيف بدوخة : آآآه رحيم انا سقطت عاااااااا
رحيم : بهزر يا حبيبتى بهزر نجحتى انت و رحيل و بمجموع عالى كمان اهدى
طيف قامت وقفت : بت ايه يا عنيا بتهزر نطت عليه تضربه : بتهزر يا ابن مرفت
رحيم بضحك و هو بينزلها من عليه : اهدى بقا خلاص
طيف : اوعى بقا
رحيل بصوت عال : بس انت و هى رحيم انا بجد نجحت
رحيم وهو بيحضنهم هما الاتنين : ايوا حبايبى الف مبرووووك الرحلة الا جاية اصعب و كمل هااا يا ادم اخبار عطر ايه
آدم : الحمد الله نجحت و مجموعها حلو
مبروووك يا بنات
طيف : ميرا عملت ايه يا عطر
عطر : برن عليها اهو بعد ماكلمتها
عطر : ميرا بتقول ان كل حاجة تمام
ادم بتنهيدة : الحمد الله
تسريع فى الاحداث
بين انشغال البنات فى الدراسة و الامتحانات و محاولة طيف للالتزام فى لبسها و تشجيع رحيم ليها و البنات الا اتشجعوا يلتزموا فى اللبس زى طيف و انشغال رحيم و ادم بالكلية و امتحاناتها و المشاريع و التدريب فى المكتب بتاع ابو رحيم الا بيديره عمو محمود (ابو يحيى) و انشغال يحيى فى تدريبات الكلية بتاعته
و طيف الا اتعلقت برحيم اكتر و ثقتها بتزيد فيه يوم بعد يوم و بقا بالنسبة ليها الاخ و الاب و الصاحب و مصدر الثقة الا دايما بتقوله كل حاجة حتى الا جواها والا حاسه بيه و رحيم الا دايما بيدعمها و بيقف معاها و احساس طيف الا اتغير من ناحية رحيم و بتحاول تقنع نفسها ان هو زى اخوها وبس و ان هو بيتعامل معاها زى مابيتعامل مع رحيل بيتعامل معاها زى ادم
و فى يوم
طيف دخلت لرحيم
طيف : رحيم ممكن اتكلم معاك شوية
رحيم : قولى
طيف : انا عايزة اقص شعرى
رحيم بصدمة : ايه انت مش بتحبى شعرك
طيف : اه
رحيم : و هتقصيه ليه و بعدين مش هتزعلى لو قصتيه
طيف : اوﻻ هقصه علشان مش بقت بعرف المه او اسرحه و ثانيا اه هزعل جدا علشان انت عارف انا بحبه قد ايه و بهتم بيه جدا بس زهقت مش عارفة اهتم ببه فعايزة اقصه
رحيم و هو بيشدها على اوضتها : تعال معايا
قعدها قدام المراية فكلها الخمار
طيف بخضة : رحيم انت بتعمل ايه
رحيم : هششش اهدى
طيف و هى بتمسك الخمار : بس يارحيم مينفعش
رحيم و هو بيشيل ايدها و بيكمل فك الخمار : انا كل يوم بليل بجى اطمن عليك و بشوفك و انت بتصحى صح
طيف بصدمة : يعنى مش تهيآت
رحيم بضحك و هو بيرمى الخمار على السرير : لا مش تهيآت بيبقى جد
طيف : بس يا رحيم بردو كده مينفعش و كمان انا من ساعة ما اتحجبت و محدش بيشوفنى بشعرى خالص كده غلط و حرام
رحيم بضيق : عادى يا طيف
طيف : لا مش عادى
رحيم بزهق و بتسرع : انا من محارمك عادى
طيف و هى بتقوم تقف : ازاى من محارمى رحيم بتوتر : يعنى اخوك وكده مش انت بتعتبرينى اخوك
طيف: ﻻ يا رحيم انا بعتبرك اخويا اه بس انت فى الاول و الاخر بن خالى و بعدين مش انا الا هقولك الكلام دا انت الا دايما بتعرفنى
رحيم بتفكير : انت اتفضلك قد ايه و تمى 18 سنه 3شهور مش كده
طيف : اه
رحيم بتنهيدة : وقتها هقولك انا ازاى من محارمك و شد البندانة من على راسها و هنا كانت الصدمة شعرها طول عن قبل كده مكانش يعرف انه بقا بالطول دا دا واصل لرجليها
رحيم بصدمة : انت عايزة تقصيه ايه
طيف : اقص شعرى
رحيم و هو بيقعدها و رجع و قفها تانى : لا ميتقصش سامعة انا هسرحهولك و بدأ يسرحه و لمهولها كحكه على راسها من فوق وقالها : كل ما تبقى عايزة تسرحيه هجى اسرحهولك بس انسى انك تقصيه سامعه
طيف : ﻻ مش هخليك تيجى تعملى حاجة غير لما اعرف انا من محارمك ازاى هخلى طنط مرفت او طنط منى يعملهولى
رحيم بعصبية : محدش يشوفك بشعرك انت فاهمة رحيل و عطر ميشفوش شعرك مش ماما و مرات عمى و هتعرفى كل حاجة فى وقتها ويﻻ نامى انت مش و راك امتحان بكرة
طيف بضيق : دا انت رخم
رحيم : بت اتلمى و عدى ليلتك و يلا نامى علشان تعرفى تركزى كويس بكرة مش هتيجى على اخر يوم فى الثانوية العامة و تبوظى الدنيا يﻻاا نامى
طيف بضيق : اطلع برا
رحيم : هتنامى
طيف : ﻻ
رحيم : انا هروح اوضتى 5 دقايق و لو جيت ملقتقيش غيرتى هدومك و فى السرير و نمت انت حره
طيف و هى بتحط ايدها فى وسطها : هتعمل ايه يعنى
رحيم بخبث : هجى اغيرلك انا و انيمك كمان طيف بتوتر : انت متقدرش تعمل كده
رحيم و هو بيقرب بمكر : تيجى نشوف
طيف بخوف : ﻻ خلاص انا هغير و انام على طول والله تصبح على خير
رحيم بخبث : عقابا ليك لانك ضيعتى وقتى و وقتك هتيدينى بوس*ه هنا و شاور على خده
طيف بخجل : انت من امتى و انت قليل الادب كده
رحيم بغمزة : من زمان يا غزال
طيف بخجل اكتر : اطلع برا
رحيم و هو بينام على السرير : مش طالع غير لما تدينى بوس*ة و ﻻ اقولك اقوم اخدها انا و قام و قف
طيف بزعر : ﻻ خلاص انا هديهالك
و قربت منه و هى بتشب علشان توصله فى ثانية كان محاوط وسطها و مقربها منه اكتر و رفعها ليه و قال : هااا هى فين
طيف طبعت قبله رقيقة على خده و قامت زقته بعيد عنها و هى هتموت من الكسوف و قالتلوا : خلاص خلصين اطلع برا علشان انام
رحيم بضحك : حاضر يا طماطم تصبحى على خير
طيف : و انت من اهله و كملت بصوت واطى يا قلب الطماطم
بصت للمرايه و هى فرحانة وفجأة ابتسامتها بدأت تختفى ايه الا انت بتهببيه دا حرام كده رحيم انت بتحبيه اه بس مينفعش كده و خليك انك بتحبيه علشان هو الا معاك دايما و بيهتم بيك دا تعود يا طيف دا تعود مش اكتر اهدى كده و فوقى انت بنفسك سمعتيه من 4 سنين و هو بيوعد جدى انه هيسلمك لعريسك بنفسه بس ازاى من محارمى انا معدش فاهمة حاجة اوووووف نامى يا طيف نامى ركزى فى الاحياء بتاعت بكرة يا اختتتى متفكريش تانى وﻻ تتكلمى يا طيف وكملت بصدمة و هى بتبص فى المرايه يا نهار مش فايت بتكلمى نفسك كمان و ﻻ بصوت عال انا هسكت يووووه هتخمد يﻻ
فى الصباح
طيف صحيت لقت فى وشها .........
طيف بخضة : احييييه
نكمل بعدين
فى رأيكم طيف لقت ايه فى وشها ؟ و يا ترى ايه الا هيحصل فى علاقة طيف و رحيم ؟ هل فعلا رحيم بيحب طيف زى اخته و بنته ولا حبيبته و مراته ؟ وطيف فعلا بتحب رحيم حب تعود و ﻻ بتحبه بجد ؟
الاحداث لسه فى الاول خالص علشان متزهقوش انا بحاول على قد مقدر اعرفكم و اوصل العلاقة بينهم كانت عاملة ازاى و ايه الا وصلهم للحوار الا كان فى اول بارت
•تابع الفصل التالي "رواية خداع نفسي" اضغط على اسم الرواية