رواية حبيت مشاغبه (كاملة جميع الفصول) حصريا عبر دليل الروايات بقلم نور الشمس
رواية حبيت مشاغبه الفصل السابع 7
الفصل السابع)من رواية👈 (حبيت مشاغبة ) .
👈يبدء الفصل بيوسف وهوا بيرن على حور وبعدين تقوم حور مكنسلة عليه.
يوسف:مبتردش لى الاستاذة دي انا هرن عليها مرة كمان ولو مردتش هتشوف.
ويرن عليها مرة واتنين وتلاته ولكن حور متردش عليه.
وبعدين ترن لينا عل حور.
لينا:الو .
حور:اى ياحجه عاملة اى.
لينا :الحمدلله وانتى عامله اى فى الشغل.
حور:خلاص انا سبته .
لينا:ليه اى اللى حصل.
حور:مفيش كل اللى حصل ياستى.............................وحكت لها على الموضوع كلها .
لينا:يانهار كل ده فايتنى .
حور:اه شوفتى بقا.
لينا:طب بكده هتعملى اى هتدورى على شغل تانى.
حور:لا ياستى بطلنا اللى يعطلنا .
لينا:بالهوى عليكى ياشيخه بقا تسيبي الشغل عشان شاورما وكريب.
حور:ده انا اسيب الدنيا كلها عشانهم.
لينا:طبعا ياختى انتى هتقوليلى.
ويخبط الباب .
حور:طب اقفلى بقا عشان الشاورما جت.
لينا:يالا ياطفسة ماشي سلام.
مصطفى:اى يا حجه مش ناوية تجي تاكلي ولا اى لو مش عايزة قولى متتكسفيش.
حور:لا ياخويا مش عايزة ده اى خد هنا ياض هات الاكل بتاعى.
مصطفى:اللى يحصلنى يكسرنى.
حور:خد ياض هنا تعالى هات الاكل بتاعى...ياماما خليه يجيب الاكل بتاعى.
مامت حور:اه ياولاد المجنونة فين الشبشب لانكم مش هتتظبطوا غير بيه.
حور وهيا واقفه على السرير:خلاص خلاص.
مامت حور:طب انزلى يابت هنا.
تقوم حور تقعد تجرى على الانترية والكنب .
مامت حور:استني يابت ...مخلفه قردة يارب انزلنى يابنت المجنونة.
حور:عيب تشتمى نفسك يا ام حور.
تقوم امها حدفه عليها الشبشب
حور بنصر :مجتش فيا
مصطفى:ولله انتى مخلفة طفلة.
حور:ومالها الطفلة ياعنيا.
مصطفى:ماملهاش انزلى يالا عشان نتسحر قبل ماا الاكل يبرد.
حور:حاضر.
ويقعدوا يتسحروا وتنام حور وتصحى الصبح عشان تساعد امها.
فى الشركه يوسف بيسأل احد الموظفين اللى عنده على حور:هيا حور فين يا احمد.
احمد:حور مجتش انهاردة يا مستر يوسف .
يوسف:ازاى يعنى مجتش والساعة ١٠ .
احمد:طب ارن عليها .
يوسف:لا روح انت شوف شغلك وانا هكلمها.
احمد:تحت امرك يافندم.
ويقعد يوسف على مكتبة ويمسك فونه عشان يرن على حور.
فون حور :رن رن رن.
حور:اى ده ده مستر يوسف طب اعمل اى ارد ولا اعمل اى..لا لا انا مش هرد احسن وهروح اقدم استقالتى كمان شوية.
يوسف:ردى بقا يا حور متقلقنيش عليكى ...لو اقدر اقولك انى حبيتك من اول خناقه لينا ومن اول مرة شوفتك فيها ومن اول نظرة انا مش عارف امتى وازاى بس انا كل اللى عارفة انى حبيتك ياحور حبيت ضحكتك وجنونك وكل حاجه فيكى ومقدرش استغنى عنك.
وبعد شوية
مامت حور:اى راحه فين كده.
حور:راحه اقدم استقالتى .
مامت حور:طب استنى هخلي اخوكي يوصلك فى طريقة وهوا رايح شغله.
حور:ماشي بس بسرعة.
وبعد شوية .
مصطفى:يالا يا حاجه خلصى .
حور:ماشي يالا.
وينزلوا ويركبوا العربية وهما نازلين وهوا بيضحك هوا وحور.. وحور بتحضنه لانه مسافر وكده فى واحد من رجاله خالد هيكون مراقبهم وهيصورهم وهيبعت الصور ليوسف.
(اكيد هتقولوا ما فيها اى ده اخوها ايوة صح بس يوسف ميعرفش انه اخوها).
توصل الصور ليوسف وهوا فى صدمه :حور.
...اه ما عشان كده مش فاضيه ترد على تلفون ولا فاضيه لشغل فعلا انا اللى غلطان انى حبيت واحده ونا اصلا معرفهاش كويس وهما اصلا كلهم كده خاينين.
وبعد شوية توصل حور الشركة وقبل ماتتكلم.
بعد شوية.
يوسف بعيون يتطاير منها الشرار:ما بدرى يا استاذة ...تصدقى انى مشوفتش اوقح منك اكتر واحدة بكرها اللى تعمل نفسها شريفة قدام الناس وهيا مدوراها.
حور بصدمة:انت اتجننت ياحيوان انت انت ازاى تكلمنى كده وانت مين اصلا عشان تشكك فى اخلاقى واصلا كويس انى كنت جاية اقدم استقالتى من هنا.
يوسف:طب مفيش استقالات هتتعمل ومعلش بقا على اللى هتشوفيه منى .
حور:ازاى يعنى انا مش عايزة اشتغل معاك.
يوسف:ونا بقولك هتفضلى هنا فى الشركه.
حور:ونا مش جايه الشركه دى تانى.
يوسف:ماشي بس عايزة افكرك بشرط الجزاء اللى انتى مضيتى عليه ولا افكرك ده بيقول لو انتى عايزة تسيبى الشغل من غير موافقتى تتدفعى شيك ١٠٠ الف جنية ومع الف سلامة ليكى.
حور:اى يعنى اى يعنى انت بتهددنى.
يوسف:اعتبريها زى متعبريها.
حور :ده اخر كلام عندك .
يوسف:اه اخر كلام عندى.
تقوم حور سيباه وماشيه وبعدين يوسف يقول:قدرتى تحولى حبى ليكى لكره ياحور للاسف ومن هنا ورايح هتشوفى وشى التانى .
وبعدين يجي خالد وبعدين....................
هنعرف بقا اى اللى هيحصل فى الفصل الجاى ان شاء الله❤
•تابع الفصل التالي "رواية حبيت مشاغبه" اضغط على اسم الرواية