رواية زواج مصلحة كاملة بقلم وعد حامد عبر مدونة دليل الروايات
رواية زواج مصلحة الفصل السابع 7
باسم بضحك ومكر : ما انا مش بحبك من فراغ والله
وابتسم الاثنين بخبث تائهين عن تلك الأعين التي تراقبهم منذ بدايه حديثهم وتسجل كل ما يقولونه صوت وصوره !!!!
عند زهره كانت قاعده قدام خالد اللي كان بيتفحص السي في بتاعها باعجاب واضح وهو بيقول : معاكي خمس لغات ايطالي،انجليزي،اسباني،تركي،فرنش ماشاء الله اتعلمتيهم ازاي في السن الصغير ده
زهره بتوتر لانها لم تتعود أن تتعامل مع احد غير والدها ويوسف فقط فهي دائما منعزله عن الاخرين قالت بتوتر اكبر وهي تفرك يديها : انا متخرجه من كليه الالسن ومعايا اكتر من لغه عشان بحب اكتسب لغات جديده في وقت فراغي
خالد بابتسامه جذابه : ما شاء الله كمان معاكي شهادات من كورسات واماكن معتمده شكلنا كده هنكسب موظفه مميزه معانا
زهره بخجل : أن شاء الله اكون عند حسن ظن حضرتك
خالد بمرح : انت كده اتقبلتي بلاش حضرتك والرسميات دي قوليلي خالد وانا هقولك يا زهره مبحبش الرسميات مع الموظفين اتفقنا
زهره بخجل : اتفقنا
خالد وهو ينظر لخجلها الواضح بابتسامه قائلا: ماشي يا ستي عايزك تأخدي الملفات دي وتترجميها وتوريني الشغل بعد ما تخلصي علي طول
ثم اكمل بجديه : تعالي لما اوريكي مكان مكتبك
أخذها الي مكان عملها كان عباره عن مكتب صغير وسط مجموعه من المكاتب الصغيره والعمال يجلسون يتابعون عملهم بجديه وهدوء تام جلست زهره علي مكتبها وهي تتفحص الملفات التي امامها باهتمام وتهم لبدأ عملها وكان خالد سوف يرجع الي مكتبه مره اخري بعد أن اوصلها مكتبها لكن قاطعه صوت مرح هو يعرفه جيدا وماهو الي صوت اخته الشقيقه زمرد قائله بمرح كعادتها: حرام عليك كده يا استاذ خالد كل ده شغل انت معندكش قلب ولا ايه !!
خالد بضحك: ماله الشغل يا استاذه زمرد مش عاجبك ولا ايه ؟
زمرد بمرح : لا مش عاجبني يا استاذ خالد انا تعبت وعايزه اخد اجازه بمرتب
خالد برفعه حاجب : بمرتب !!
زمرد بغرور مصطنع : اه بمرتب مش اخت المدير ولا ايه ؟
خالد بضحك: اه طبعا حضرتك تؤمري انت تقعدي في البيت معززه مكرمه ومرتبك يجي لغايه عندك ثم اكمل بحده :احنا هنهزر ولا ايه ؟
زمرد بخوف مصطنع وهي تقول لزهره التي تكتم ضحكتها علي حديثهم: مش اخويا بس بخاف منه بيتحول فجأه كده يا ساتر علي الأخوات يا جدع دا الاخوات في اجازه والله
خالد بتحذير : كلمه كمان و هعملك خصم اسبوعين
زمرد بضحك : لا وانت جاي علي نفسك اوي كده ليه ما تعملي خصم الشهر كله بالمره ولا يهمك يا سيدي
خالد بضحك : ماشي يا ستي هعملك خصم الشهر كله اقعدي بقي كملي شغلك شوفي عطلتي كل الموظفين بصوتك المزعج ده ازاي ؟
زمرد وهي بتبص ليهم بتحذير : بالله عليكوا انا عطلتكوا دا انا اللي عامله للشركه دي حس بدل ما هي كئيبه كده
بصولها بخوف مصطنع وهما بيضحكوا : لا هي معطلتناش ولا حاجه احنا اصلا كنا قربنا نخلص شغل انهارده
قالها احد الموظفين وهو ينظر لزمرد بحب تجاهلته وهي تقول بمرح : شوفت بقي انك انت الوحيد اللي مضايق مني
خالد بضحك : ماشي يا ستي انا مفتري اقعدي كملي شغلك بقي بدل ما اخصملك الشهر كله بجد
ثم اكمل بحده : احنا هنا مبنهزرش انا عايز الشغل بتاعكوا كلوا يخلص في ظرف ساعه فاهمين !!
الموظفين بصوت جهوري: فاهمين
مشي خالد بهدوء وهو ينطلق الي مكتبه مره اخري ليباشر عمله مره اخري وزمرد تنظر له بغيظ وتقول وهي تكلم نفسها بصوت مسموع : والله اخويا دا عنده انفصام في الشخصيه مش طبيعي بجد بيضحك ويقلب وشه في نفس الثانيه ازاي بيعمل كده مش طبيعي بجد والله لما اروح البيت لاوريك يا خالد
قالتها بغيظ سمعت صوت ضحكات صغيره نظرت بغيظ لتري من يضحك علي كلامها وجدتها زهره ابتسمت بمرح : انت بقي البنت الجديده
زهره بخجل : اه انا
زمرد بمرح : اسمك ايه بقي
زهره بتوتر : زهره
زمرد بضحك : مالك متوتره كده ليه يا بنتي انا هاكلك؟
زهره بخجل : لا بس عشان يعني مش متعوده اتكلم مع الناس
زمرد بمرح : لا متخافيش بكره تتعودي شوفتي يا اختي اخويا بيعاملني ازاي يرضيكي كل يوم كاسر بخاطري كده قدام الناس
زهره بضحك : هو بجد اخوكي
زمرد بضحك : اه والله شوفتي انا عارفه ان محدش يصدق ان الكئيب ده يبقي اخويا بس النصيب بقي نقول ايه ؟
زهره بضحك : لا والله مقصدش اصل بصراحه انا استغربت ازاي هو المدير وانت مش مديره شركه زيه
زمرد بجديه و تواضع : بصي يا ستي انا معنديش خبره اني أدير شركه كامله لوحدي حتي لو موجود فلوس المهم الخبره وانا مكدبش عليكي معنديش خبره كافيه فقلت اجي هنا اشتغل زي زي اي موظفه في الشركه واخد خبره ولما الاقي نفسي عندي خبره هبقي افتح شركه
ثم اكملت بمرح : واخدك معايا وبالمره ابقي اكسب فيكي ثواب واعتقك من اخويا الكئيب ده
ضحكت زهره بقوه علي كلامها
زمرد : انا اسمي زمرد اتشرفت بمعرفتك شكلنا كده هنبقي صحاب
زهره بخجل : انا اللي اتشرفت بمعرفتك والله
زمرد بضحك : مبعرفش ارد علي الكلام الحلو ده بس شكرا
كان قاعد متابع الحوار ده خالد وهو متابع حركات زهره باهتمام وعينيه متشلتش من عليها !!
عند يوسف كان بيكلم ميرنا وهو بيقول بحب : ميرنا خديلي ميعاد مع اهلك
ميرنا وهي بتلعب في شعرها و بتقول بحب مصطنع : حاضر يا حبيبي اخيرا هبقي معاك
يوسف بحب : متعرفيش انا مستني اليوم اللي هتبقي في حلالي قد ايه
ميرنا بخبث : مش اكتر مني يا حبيبي هقفل انا عشان اكلم اهلي في موضوعنا و هبقي ابلغك بالميعاد باي يا حبيبي
بعد ما ميرنا قفلت مع يوسف نفخت بضيق وهي بتكلم باسم وبتقول : ايوه يا باسم عامل ايه يا حبيبي
باسم بضيق : الحمد لله يا ميرنا الحمد لله
ميرنا بقلق : في ايه يا حبيبي في حاجه حصلت ولا ايه ؟
باسم بقلق : فاكره اخر مره اتقابلنا فيها
ميرنا باستغراب: مالها ؟
باسم برعب : كان في حد بيصور اللي كنا بنقوله و سجله كمان
ميرنا باستغراب : وانت عرفت منين ؟
باسم بقلق : قبل ما نمشي لمحته وهو بيقفل التسجيل ويبجري بسرعه وانت كنت مشيتي جريت وراه ولحقته
ميرنا بقلق : طب الحمد لله مسحت التسجيل وعرفت هو مين ؟
باسم برعب اكبر وتوتر: معرفتش امسح التسجيل لانه هرب بسرعه وطلع ………….
ميرنا وهي بتبلع ريقها بتوتر ورعب والموبايل وقع من ايديها بصدمه : مين ؟
- يتبع الفصل التالي اضغط على ( رواية زواج مصلحة ) اسم الرواية