رواية ملحد سرق قلبي كاملة بقلم لؤلؤة محمد عبر مدونة دليل الروايات
رواية ملحد سرق قلبي الفصل السابع 7
رسلان / وأنا كمان يا عمي عاوز أتجوز البنت القمر دي
عبدالهادي بضحك / وانت عاوز تتجوزها ليه انت كمان
رسلان / انت يعني ياعمي مش حاسس اني بحب بنتك
محمد بغيره على أخته / ماتتلم يالا فيه ايه
رسلان / وربنا بعشقها
خالد بغيره هو كمان / لأ ده انت عاوز يتعلم عليك بقى
عبدالهادي/ خلاص يا شباب رأيك ايه يا ملاك يابنتي
ملاك بكسوف وهدوء / اللي تشوفه حضرتك يا بابا
عبدالهادي/ يبقى على بركة الله كتب كتابك انت ومحمد الخميس الجاي بإذن الله
الكل بيفرح وبيباركوا لبعض وبتعدي الأيام بسرعه وبيجي يوم الخميس
رسلان / ياولاد بلدنا يوم الخميس
خالد / تيرارارا
رسلان / هكتب كتابي وابقى عتريس
خالد / تيرارارا
رسلان / والدعوه عامه
خالد / وهتبقى لامه
محمد بصلهم بجنب عينه / مش هتبطلوا هبل يعني
رسلان / طب ماتبطل انت نكد وافرح شويه ده حتى زي كتب كتابك يا جدع
محمد / خليك في حالك واتهدوا واقعدوا في جنب بدل ما أقوملكم
خالد قعد ومحمد ورسلان كملوا لبس رسلان لبس بدله كلاسيك سوده وقميص أبيض ومحمد لبس بنطلون چينز اسود وقميص أبيض وبليزر اسود وخالد لبس تشيرت أبيض وبنطلون جملي
عند البنات حور لابسه فستان أوفوايت هي وملاك وخمار من نفس لون الفستان وقمر لابسه فستان زهري وخمار أبيض
بعد فتره المأذون بارك الله لكما وبارك عليكما وجمع بينكما في خير اتكتب كتاب رسلان وملاك وبعدهم محمد وحور وسط فرحة الكل
عبدالهادي/ يلا يا أم محمد حطي الأكل لمحمد وحور في الأوضه اللي على السطح ورسلان وملاك في الصالون
حنان / حاضر ياحاج
في الوقت ده استغل خالد أن مفيش حد مركز معاه وقرب من قمر / بقولك ايه يا جميل انت بما إن أنا سنجل وانتي سنجل ماتيجي أنا أفق_علك عين وانتي تفق_عيلي عين ونعيش عور احنا الإتنين
قمر / ماتيجي أفق-علك عينك الإتنين أنا عشان تتلم وتعرف ان الله حق
خالد / يخربيت العن_ف اللي فيكي وبعد عنها بسرعه
رسلان وملاك قعدوا في الصالون ومحمد وحور طلعوا على السطح كان السطح واسع وفيه أوضه بسيطه كده على السطح فيها تلات كنبات وطرابيزه ومروحتين وكان شكلها جميل جدا
محمد / طب ايه هنفضل ساكتين كده
حور / هقول ايه يعني
محمد / بحبك
حور بصتله بصدمه وزهول
محمد / اقفلي بؤك يا روحي أحسن شكلك عبيط أوي وضحك
حور بصدمه / هو انت بتضحك يا محمد
محمد / وايه المشكله بس يا حوري
حور وهي بتحط ايدها على جبهته / هو انت تعبان والا سخن والا فيك ايه
محمد وهو بيمسك ايدها من على جبهته / فيا اني بحبك يا حور
حور انكسفت جامد وبصت في الأرض
محمد رفع وشها / ممكن متحرمنيش من العيون القمر دي أبدا ومسك الشوكه وبدأ يأكلها
عند رسلان / ايه يا لوكه هنفضل باصين للأكل كده كتير
ملاك ساكته ومش بتتكلم
رسلان وهو بيحط ايده على خده بيأس / يابنتي هو انتي فيه حاجه واكله لسانك أنا بقالي ساعه بتكلم وانتي ساكته ………….. طب ايه ………….. ياختاااااااااااااااااي
اخضت ملاك من صوته اللي علي فجأه وبصتله بزهول
ملاك / فيه ايه
رسلان / انتي اللي فيه ايه أنا بتكلم بقالي ساعه
ملاك / هقول ايه طيب
رسلان / كلي يا لوكه كلي يا حبيبتي
بره عند عبدالهادي
خالد بصوت عالي / أباااااااا أنا عايز أدوز
عبدالهادي/ طب ماتجوز هو انا منعتك
خالد / ماهي مش راضيه أفقعلها عين
عبدالهادي/ والله يابني الله يكون في عونها ده ربنا هيبتليها
خالد / ليه كده بس يا حاج ده انا حبيبك
عبدالهادي/ عاوز ايه يا خالد
خالد / عاوز أتجوز قمر
قمر اتكسفت وبصت في الأرض
عبدالهادي/ ايه رأيك يابنتي
قمر / حضرتك زي والدي يا عمي واللي حضرتك تشوفه أكيد فيه الصح
عبدالهادي/ طب انتي لسه قايله اني زي والدك يبقى تقوليلي يا بابا
قمر عيونها دمعت / حاضر يا بابا
خالد / بلاش اللؤلؤ ده بس اللي بينزل من عيونك دول
قمر اتكسفت جامد و شها احمر
عبدالهادي/ ماتتهد يالا بدل ما أرفضك ويبقى مفيش جواز
خالد / خلاص يا حاج هسكت أهو وربع ايده وسكت
اليوم خلص وسط فرحة ولغبطة مشاعر تاني يوم
حور / محمد ممكن أطلب منك طلب
محمد / انتي تؤمري يا روحي لو عاوزه عمري ميغلاش عليكي بس لو طلبتي قلبي مش هعرف
حور بكسوف / اشمعنى
محمد / لأنه معاكي أصلاً ازاي تطلبيه وهو معاكي
حور / هو انت ازاي اتحولت كده يا محمد
محمد / ايه مش عاجبك نرجع للأول تاني
حور / لأ لأ خلاص عاجبني
محمد / ونبي انتي اللي عاجباني
رسلان بصدمه / محمد انت انحرفت امتى
محمد بغرور مصطنع / طول عمري منحرف بس كنت مستني اللي يوجهني
رسلان بصدمه أكبر / وكمان بتهزر بت يا حور انتي غيرتيله حجاره والا ايه فرمطتي الواد يا قادره من يوم واحد أومال بعد اسبوع هيحصل ايه
محمد وهو بيمثل الحزن / لأ وخد المفاجأه أختك بتقولي فرفش كده عشان ناويه أشغلك رقاصه وأنا أقولها أبدا ده أنا طول عمري شريف وباكل اللقمه بعرق جبيني تقولي وهو انت لاقي تاكل
رسلان بيبص لحور بصدمه وحور باصه لمحمد بصدمه وزهول
محمد / ومين قالك اني شيخ أنا مش شيخ
حور / أومال انت ايه
محمد بغمزه / أنا بحبك 😉
حور انكسفت وجريت على المطبخ ورسلان فضل واقف مصدوم ومش مصدق اللي بيحصل قدامه
محمد بصله بجنب عينه / طب ماتقفل بؤك ده بدل ما يدخل فيه فار والا حاجه
رسلان / أنا مش مصدق
محمد وهو بيسيبه ويمشي / لأ صدق
بيروحوا الرجاله يصلوا الجمعه وهما خارجين من المسجد بيلاقوا واحد خارج من المسجد هما عارفينه كويس جدا وكلهم بيبصوله بصدمه
رسلان بصدمه وزهول / انت بتعمل ايه هنا
أنا طولت الفصل ده أهو والفصل التاني كان قصير عشان اللي قبله مجابش تفاعل حلو عاوزه تفاعل حلو بقى
- يتبع الفصل التالي اضغط على ( رواية ملحد سرق قلبي ) اسم الرواية