رواية خداع نفسي (كاملة جميع الفصول) حصريا عبر دليل الروايات بقلم الاء هاني
رواية خداع نفسي الفصل السابع 7
يوم النتيجة الصبح
سعد بصوت عال : يلا يا وﻻد علشان نمشى
احمد و منى و هما نازلين من على السلم : احنا جاهزين يا بابا
مرفت و نازله وراهم بنرفزة : حد يطلع يشوف العيال دى علشان انا جبت اخرى
سعد باستغراب : مالك يا بنتى
مرفت : يا بابا رحيل فوق هى و عطر بيعيطوا وانا و ادم بنحاول معاهم من الصبح و مفيش فايدة
رحيم و هو نازل و محاوط طيف الا باين عليها الصدمة اردف بسخرية : و انت نزلتى و سبتى ادم معاهم يا حلاوة يا وﻻد ، قعد طيف على الكنبه و قالها بهدوء : هطلع اشوف العيال الا فوق دول و جاى ماتتحركيش و كمل بهمس علشان هتركبى معايا ماشى يا حبيبى
طيف هزت رأسها و خدودها احمرت
سعد و هو بيبصلهم بحب : متخافش يا اخويا مش هنمشى من غير الباقى
رحيم بحرج : طب هطلع اشوفهم
سعد هز رأسه بابتسامة و هو بيفتكر اخر يوم فى امتحانات الثانوى
Flash back
فى اوضة رحيم
الباب خبط
رحيم باستغراب : اتفضل
سعد دخل
رحيم وهو بيقف من على السرير بخضه : فى حاجة يا جدو انت كويس
سعد : ايوا كويس بس كنت عايز اتكلم معاك
رحيم باستغراب : الساعة 1 بعد نص الليل
سعد : يعنى امشى
رحيم بسرعة : ﻻ طبعاا مش قصدى كده خالص اتفضل سامعك
سعد : صلى على رسول الله
رحيم : اللهم صل و سلم و زد وبارك عليك يا رسول الله
سعد : انا عديت الا انت عملتوا الصبح بمزاجى
رحيم باستعباط : عملت ايه
سعد بضحكة : ماشى هقولك عملت ايه اوﻻ قلت لطيف انك من محارمها ثانيا دخلت اوضة نومها ثالثا مش بس شوفتها بلبس النوم ﻻ شلتها كمان رابعا بقا وعدتها انك هتقولها انك ازاى من محارمها
رحيم بابتسامة : طب ايه الغلط مراتى و ﻻزم تعرف انها مراتى لانه حقها و مش اول مرة ادخل اوضتها او اشوفها بلبس النوم و كمان انا اصﻻ كل يو....
سعد بمقاطعة : عارف انك كل يوم بتروح تطمن عليها بليل بعد ما بتنام و كلنا عارفين انها بتصحه ﻻن نومها خفيف و كمل بضحك بس بتبقى مدروخة شويتين تلاتة و مش فى وعيها
رحيم : فين الغلط مانت عارف اهو
سعد : اه عارف بس انت عايز تعلن الجواز و تعملوا رسمى
رحيم : مين قال ان انا هعلن الجواز انا هعملوا رسمى و بعد كده نتطلق
سعد بصدمة : يعنى ايه حفيدتى و هى لسه اول عمرها تاخد لقب مطلقة
رحيم : ومين الا قال انها هتاخد لقب مطلقة محدش هيعرف انها كانت مراتى غير العيلة ياجدى و بعدين الجواز هيبقى على الورق بس و كمل بتنهيده : انا ماكنتش عايز اقولها انى جوزها بس احنا ﻻزم نعمله رسمى علشان اييه
سعد بترقب : علشان ايه
رحيم بتوتر : علشان عمها
سعد باستغراب : ماله عمها
رحيم : بصراحه يا جدو عمها ناوى يجى لما طيف تتم 18 سنه علشان يتأكد ان طيف مراتى رسمى مش عرفى و عمى سليم هينزل بعد 4 شهور و طيف هتم 18 بعد 3 شهور
سعد بغضب : ذودها اوى سليمان و كمل باستغراب و انت عرفت منين الموضوع دا
رحيم : من هارون
سعد : بن سليمان دا الا مفروض كان هيتجوز طيف
رحيم بضيق : اه هو
سعد : و انت عرفته منين
رحيم : هو مهندس و كان جيه المكتب فى مشروع و لما اتكلمت معاه عرفت ان هو ماكانش عايز يتجوزها و قالى نكتب رسمى ﻻنهم فعلا هيجوا
سعد بتنهيده : ماشى يا بنى بس بﻻش توعد و الا انت عارف انك قد الوعد دا و ياريت تعرف مشاعرك علشان كده غلط و انت بتظلم نفسك
رحيم : ماتخافش يا جدو انا قد وعودى دايما و كمان عارف مشاعرى كويس
سعد بيأس : تصبح على خير
رحيم : انت من اهله
back
سعد : ربنا يهديك يا بنى
فوق
رحيم دخل الاوضة لقى ادم واقف فى النص متحير رحيل على يمينه بتعيط و عطر على شماله بتعيط و هو واقف مش عارف يعمل ايه
رحيم بضحك : انا كنت عارف انك اهبل
ادم بضيق : بلاش خفة دم بروح امك شوف حل
رحيم و هو رايح لرحيل : انا هسكت اختى سكت اختك
رحيم شد رحيل للبلكونة
رحيم : ممكن اعرف مالك
رحيل و هى بتعيط : النتيجة النهاردة و انا خايفة اوى و كملت بشهقات حصاد سنه كاملة النهاردة خايفة اوى يا رحيم خايفة اوى
رحيم بحزن : من ايه
رحيل بعياط : مجبش مجموع هندسه
رحيم و هو بيحضنها : ربنا هيوفقك صدقينى لانك تعبتى و حتى لو لقدر الله محصلش انا و انت و الواد ادم الا جوا دا هنحقق حلم بابا سوا انت عندك مكتب هندسة عارفة يعنى ايه ادربك بنفسى ادخلك كليه خاصة متخافيش انا معاك و هعمل كل حاجة علشان تحققى حلمك و كمل بحزن انا عارف ان انا مقصر معاك اوى بس صدقن.......
رحيل بمقاطعة : انت مش مقصر و ﻻ حاجة انت حسن اخ فى دنيا كلها انا بحبك اوى يا رحيم
رحيم و هو بيمسحلها دموعها : و انا كمان بحبك اوى يا حبيبتى باسها من راسها و قالها اغسلى و شك يلا علشان نمشى
جوا بقى
ادم بهدوء و هو بيقعد جمب عطر و بيسحبها بهدوء لحضنه : انت يمكن خايفة من النتيجة بس فى حاجة تانية مزعلك و دى الا انت بتعيطى عليها ممكن تقولى لادم اخوك حبيبك ايه هى
عطر بعياط : بس دى مش هقدر اقولها
ادم بهدوء : يحيى صح انت عارفة ان احنا راحين عندهم علشان كده خايفة تتكلمى معاه صح
عطر بخوف و هى بتبعد عنه : هو اه صح بس بس صدقنى مفيش حاجة بينى و بينه
ادم و هو بيشدها عليه بعنف : هو كمان فى حاجة بينك و بينه انا عايز اعرف الا حصل بينكوا
عطر بعياط : محصلش حاجة والله و كملت بهسترية : انا معملتش حاجة و الله
ادم بقلق و هو بيشدد على احتضانه ليها : ممكن تهدى انا واثق فيك و فيه على فكرة و عارف انك بتحبيه و على فكرة هو ميعرفش انت طول ماانت مش بتعملى حاجة غلظ و حبك ليه هنا و شاور على قلبها فانا مقدرش ازعلك بس انا عايز اعرف ايه الا حصل علشان عايزة تبعدى عنه كده
عطر بعياط : قالى كلامى معجبنيش
ادم بهدوء : انت قلتيلوا انك بتحبيه و هو صدك
عطر بسرعه : ﻷ و كملت بحزن : قال ان انا بلوة و عيلة و بصتله بدموع : انا عيلة
ادم بصدمة : بلوة
عطر بدموع اكتر : هو انا عيلة يا ادم
ادم و هو بصصلها بتوتر : ممكن تحكيلى الا حصل
عطر: حاضر
ادم رجع بيها و هى فى حضنه على السرير و ناموا عليه و عطر بدأت تحكيله
عطر : و بس كده دا الا حصل
ادم : عايزة الصراحة
عطر : اكيد
ادم : انت فعلا عيلة زى ما قال
عطربصدمة : نعم
ادم : يا حبيبتى عم عبدوه البواب عارف انك بتشوفى كرتون و لما بسأله انت رايح فين بيقولى هجيب للصغننه شوكولاتة عمره ما قالى غير كده
عطر : ياه للدرجادى
ادم بضحك : اه والله وبس الا مضايقنى بلوة علشان انت مش بلوة انت اتنين فى بعض
عطر بحزن : هو انا مضايقكوا اوى كده
ادم و هو بيبصلها بحب : بهزر يا حبيبتى بس حاولى تتعملى مع الناس بعقل شوية و بعدين هو اصﻻ يطول يبقى عنده بلوة كيوت زيك كده دا انت حتى هتملي حياته ضحك عطر انت مش بس اختى انت بنتى كمان انا مليش غيرك بعد ربنا انا لو خيرونى بينك و بين صحاب عمرى رحيم و يحيى هختارك انت
عطر بابتسامة : هو انا قلتلك انك قمر قبل كده
ادم بضحك : ﻻ
عطر : ماشى يا قمر
ادم : ههااا هتيجى معانا تعال علشان ميرا حتى علشان متحسش انها لوحدها
عطر : اشطا هجى
= الله الله انت نايم و واخدها فى حضنك كده ليه ان شاء الله
ادم و هو بيقوم و بيقومها : خدى رحيل و اغسلوا وشكوا يﻻ
رحيم راح يقعد جمبو : ها يا ادم فكت من ناحية يحيى شوية
ادم بضيق : متجبليش سرته
رحيم باستغراب : لييه هو عملها ايه
ادم : قالها انها بلوة
رحيم بصدمة : بلوة و كمل انت عارف يحيى و انه دبش المهم يﻻ قوم علشان منتأخرش اكتر من كده
رحيل و عطر: احنا جاهزين
تحت
طيف بغيظ : مابدرى كل دا بتسكتوهم
رحيل و عطر و هما بيحضونوها : معلش يا ربانزل
رحيم بصلها بغضب
طيف و هى بتبلع ريقها : طب ما يﻻ
عطر بخبث : يعنى انت معيطيش و رحيم من ساعة ما صحى من النوم و هو بيهدى فيك قال قولى يا رحيم هددتها ازاى
طيف بتلقائية عضت شفتها
رحيم بتوتر : و انت مالك يا لمضة
طيف : يﻻ يا جدو علشان منتأخرش اكتر من كده
سعد : يلا
سعد و احمد و مرفت و منى فى عربية
و رحيم و ادم و عطر و طيف و رحيل فى عربية
رحيم فى الكنبة الا ورا فى النص بين رحيل و طيف
و ادم بيسوق و جمبه عطر
عطر بخبث : مش عايز تقول يا رحيم هديت طيف ازاى
رحيم بابتسامة بص لطيف الا عاملة نفسها من بنها و بتبص من الشباك بتوتر : هديتك ازاى يا طيف
طيف بتوتر : ها معرفش و اسكت و مالكش دعوة بيا
عطر برفع حاجب : طب ما تقول انت
رحيم بجرأة : بوس*تها
العربية فى ثانية كانت واقفة و ادم و وطيف بصوله بصدمة
ادم بصدمة : بوس*تها بوس*تها ازاى
رحيم بوس*تها زى ما بوس*تها بقا انتم مالكوا
ادم : باس*ك ازاى يا ست طيف
طيف كل دا و هى مخبيه وشها فى رحيم
طيف بخجل : اسكتوا بقا
رحيم بضحك : اسكتوا لهتسيح مننا كده انا حاسس بحرارة غير طبيعية و بص لادم بمعنى بص قدامك و و سوق و انت ساكت
ادم بدأ يسوق بهدوء
رحيل باستغراب : مالكوا يا جماعة و انت يا طيف ما عادى ما رحيم بيبو*سنى و ادم بيب*وس عطر
رحيم و ادم و عطر بصدمة : نععععم
و طيف الا رفعت وشها بصدمة الا كان شبه الطماطم
ادم بصدمة : و الله محصل
رحيم بصدمة : انا امتى عملت كده
رحيل : من شوية مش بوس*تنى من راسى
عطر بسخرية : دا اخرك راسك
رحيل : طب لو باس*ها من خدها و ايه يعنى مش فاهمة
ادم بص لرحيم وقال : ايوا يا رحيل مفهاش اى مشكلة دا خدها يعنى عادى و كمل بصوت واطى ايه البراءة دى و بص لطيف الا وشها احمر شرار و لما لقيته بيبصلها خبت و شها تانى و لعطر الا عادى لمكسوفة وﻻ فى اى رأكشن على وشها و كمل باستغراب لنفسه و هو بيبص لعطر اومال البت دى طالعة لمين و ميرا اغلب من الغلب مفيش حد بالجرأة دى
رحيم ميل على طيف و هو بيشدد ايده حولين وسطها و اتكلم بهمس: ايه يا طماطم مش هترفعى وشك طيف هزت راسها بﻻ
رحيم و هو بيضغط على خصرهاجامد : انت وريتى شعرك لرحيل و عطر و كمل بسخرية يا ربانزل
طيف بالم و هى بترفع وشها و بتقول بصوت خافت : وسطى يا رحيم براحه
رحيم : شافوه فين
طيف بدموع : عندى فى الاوضة لما كنا بنقيس حبه هدوم
رحيم و هو بيرخى ايده شوية بشوية : مش انا قلت محدش يشوفه
طيف و عنيها مليانه دموع : ما كانش قصدى والله هو اتفك و انا بقيس الهدوم
رحيم و هو بيشيل ايده الا كان محاوط بيها رحيل و بيمسح دموع طيف و بيقولها بنفس الهمس الا كانوا بيتكلموا بيه : خلاص انا اسف ان انا وجعتك بس انا قلت محدش يشوف شعرك و كمل بابتسامة يا ربانزل
رحيل بفضول : انتم بتتكلموا فى ايه
رحيم و هو بيحضنها و بيبوس دماغها : متشغليش بالك يا حبيبتى
عطر بصتلهم بسخرية و هى بتقول : على اساس ان هو هيقولك يعنى بيقولها ايه
رحيم بغيظ : ممكن تسكتى يا عطر هانم
عطر بجدية : طب نتكلم جد مش دا مينفعش يا رحيم و انت يا طيف ازاى تسبيه يعمل كده و دلوقتى قاعدة فى حضنه ليييه اومال عاملة فيها متدينة ليه و كملت بسخرية يا محترمة
ادم و رحيم بحده : عططططر
طيف بصتلها بصدمة و الدموع بتلمع فى عنيها و بعدت عن رحيم
طيف بصوت مهزوز : ادم وقف العربية
ادم : هى متقصدش يا طيف
طيف بترجى : وقف العربية
ادم وقف العربية
و طيف نزلت منها
رحيم بلهفة و هو بينزل وراها : انت راحة فين
طيف بدموع : عايزة اركب مع جدو لو سمحت
رحيم : هى متقصدش الا انت فهمتيه
طيف : تقصد او متقصدش انا عايزة اركب مع جدى
فى العربية التانيه
منى بقلق : العربية بتاعت الوﻻد تانى مرة تقف اقف نشوف فى ايه يا احمد
مرفت بقلق : هى دى طيف الا نزلت
سعد بخوف : و دا رحيم
احمد قرب بالعربية و وقف و نزل هو سعد
احمد : فى ايه
طيف : مفيش حاجة يا خالو انا عايزة اركب معاكوا
سعد و هو بيبص لرحيم : ليه يا حبيبتى حصل حاجة
رحيم : انا والله ما عملت حاجة ولا كلمتها حتى
طيف : محصلش حاجة انا عايزة اركب معاكوا
سعد : طب روحى اركبى مع مرفت و منى طيف مشيت على ناحية عربية احمد
سعد بص لرحيم بغضب : البت باين عليها معيطة عملتلها ايه
رحيم : و الله ما عملت حاجة
احمد : يﻻ يا بابا نشوف الموضوع دا بعدين
سعد كور ايده و قربها بسرعة على وش رحيم رحيم بعد بخوف و هو بيقول : فى ايه يا جدى
سعد : المرة دى مجتش على وشك المرة الجاية هوقعلك صف سنانك انت سامع
رحيم : والله ما عملت حاجة ما تتكلم يا عمى
احمد و هو بيمنع ضحكته : خلاص يا بابا الواد قال ان هو معملش حاجة يﻻ يا حبيبى اركب
رحيم ركب
احمد : اطلع يﻻ يا ادم
احمد : ايه يا حاج هترجع لايام الشقاوة تانى وﻻ ايه
سعد : ليه هو انا كنت كبرت يا واد
احمد : لا عاش و لا كان الا يقول انك كبرت يا سيد الناس ربنا يخليك لينا
طيف : عايزة اركب فى النص
مرفت و منى بصوا لبعض و ضحكوا
منى بضحك : تعالى
طيف باستغراب : انتم بتضحكوا على ايه
مرفت : اصل امك دايما كانت تحب تقعد ما بينا لازم تقعد فى النص
منى بحنان : مالك بقا يا ست البنات
طيف بتنهيدة : مفيش
مرفت بضحك و هى بتحضنها : على ماما يا بت
طيف : مفيش حاجة
مرفت : يبقى الواد رحيم مزعلك
طيف بضحك : انتم كلوا على الواد ليه
منى : تبقى عطر
طيف بصتلها و سكتت
منى بضحك : اكيد عطر ماهى مش رحيل الكيوت البريئة و ﻻ هو ادم الاهبل و كملت و هى بتشدها من حضن مرفت و يتحضنها صدقينى انا عارفة انها دبش بس هبلة و طيبة والله
طيف بابتسامة : عارفة علشان كده جيت علشان منتخانيقش
مرفت : جدعة يا بت
سعد و احمد ركبوا
سعد بص لطيف الا فى حضن منى : مبسوطة كده
طيف بهزار : قوى قوى يا بوى
سعد بضحك : ماشى يا ستى
طيف : الا صحيح يا جدو هو احنا ﻻزم نروح عند ميرا و يحيى
سعد بابتسامة حزينة : اومال نسبهم لوحدهم ملهمش غيرنا
طيف : طب و عمو محمود
سعد : محمود مشغول مع مراته التانية
طيف : جدو هو عمو محمود ليه اتجوز بعد خالتو سندس الله يرحمها
كل الا فى العربية بهمهمه : الله يرحمها
سعد بحزن : انا السبب انا الا قلتلوا هتلهم ام يا محمود و متسبهمش من غير ام راح اختار غلط و جبلهم مرات اب بدل ام
طيف : هى خالتو سندس مش عندها اخوات سعد : اخويا سعيد الله يرحمه مجبش غير سندس و مرضاش يتجوز من بعد موت سمية و الا ربت سندس ستك سلوى ربتها هى و هند امك
طيف بحزن : ربنا يرحمهم
منى علشان تفك الجو : عارفة يا بت يا طيف هند و سندس كانوا اكتر من الاخوات و انا و مرفت ولاد خالة زى ما انت عارفة كنا احنا الاربعة صحاب معظم وقتنا كان مع بعض و...
طيف بمقاطعة : يا سيدى يا سيدى على الحب و الغرام يعنى انت و خالو احمد و خالتو مرفت و خالو محمد واخدين بعض عن حب
مرفت بضحك : شوف البت دماغها في ايه على العموم ايوا يا لمضة و ابوك و امك برضو
سعد بحب : سليم كان جى من الصعيد لاسكندرية علشان الدراسة مكانش يعرف ان هو جاية علشان يلاقى حياته
طيف بتساؤل : طب ماما و خالتو مرفت و خالتو منى حلوين خالتو سندس كانت حلوة
احمد و هو بيسوق قال بتسرع : كانت فلق القمر
منى : هى مين دى يا احمد
فى العربية التانية
رحيم اول ما ركب و ادم مشى بالعربية
ادم بضيق : عاجبك كده يا ست عطر
عطر بضيق : انا مقولتش حاجة غلط
رحيم بتحذير : عطر اقسم بالله لو عرفت انك قولتى حاجة زى كده لطيف تانى هتزعلى منى اوى انت فاهمة
عطر : انت غلطان و بتقاوح كمان
رحيم بهدوء : انا مش غلطان و كل حاجة هتفهموها فى وقتها
عطر : ايوا يعنى امتى
رحيم : كمان يومين ان شاء الله
ادم بص لرحيل الا مبتسمة ببلهاه : مالك يا رحيل انت كويسة
رحيل : انا مش فاهمة حاجة
رحيم بتنهيدة : هتفهموا بعدين
منى : هى مين دى يا احمد
احمد بعد ما ادرك الا قالوا : و ﻻ حاجة يا حبيبتى
سعد و مرفت انفجروا فى الضحك
طيف باستغراب : هو فى ايه
سعد بضحك : اصل زمان احمد كان بيحب سندس وماكنش يعرف انها اخته فى الرضاعة الاهبل يعنى هو ادم طالع لمين
مرفت بضحك : انت ماكنتش تعرف ازاى وهند دايما بتقولها يا اختى
احمد : اختى مجازا يعنى معرفش انها اختنا بجد
منى و هى بتخبطه فى كتفه : سوق يا احمد سوق سوق انت ساكت
احمد : حاضر يا روحى
طيف قاعدة سرحانة و يتردد فى ودنها : ماكنش يعرف انها اخته فى الرضاعة
طيف فى نفسها : معقول رحيم اخويا فى الرضاعة
نكمل بعدين بقا
•تابع الفصل التالي "رواية خداع نفسي" اضغط على اسم الرواية