رواية ملحد سرق قلبي كاملة بقلم لؤلؤة محمد عبر مدونة دليل الروايات
رواية ملحد سرق قلبي الفصل التاسع 9
باب البيت بيتفتح وبيدخل محمد ووراه رسلان وخالد
حنان / تقبل الله يا حبايبي …… طب ألقوا السلام حتى ده السلام لله
خالد / سيبك منهم ياست الكل ياسكره انتي عاملالنا أكل ايه
رسلان / معلش يا خالتي أنا هقعد في الاوضه اللي على السطح ابعتيلي ملاك عاوز أتكلم معاها
حنان / حاضر يا حبيبي
محمد / وابعتيلي حور في الصالون يا ماما
حنان / حاضر تعالى يا واد يا خالد المطبخ عشان تاكل على اما ابوك يجي
خالد / اه ماهو ناس ليها السطح وناس ليها الصالون وناس ليها مطبخ وراح ورا مامته
طلعت ملاك لرسلان
رسلان / تعالي يا ملاك اقعدي
ملاك قعدت وهي ساكته
رسلان / ممكن أفهم مالك فيكي ايه من امبارح مش مبتتكلمي معايا قبل كتب الكتاب كنا بنتكلم أكتر من كده ممكن أفهم ليه التغيير ده
ملاك بهدوء / رسلان أنا هتكلم بصراحه ومن غير لف ودوران وياريت لو قولت حاجه تزعلك عرفني ومتزعلش لأني مش قصدي أزعلك
رسلان / قولي كل اللي يجي في بالك من غير تجميل يا ملاك عاوز تتكلمي بطبيعتك ومتخافيش مش هزعل منك
ملاك بتنهيده / أنا خايفه
رسلان / مني !!؟
ملاك / اه
رسلان بحيره / طب ليه هو انا عملت حاجه تزعلك
ملاك / لأ بس خايفه تكون مش بتحبني زي ماقولت
رسلان / لأ طبعاً يا ملاك أنا بحبك
ملاك / طب و نوال
رسلان بص بعيد وسكت
ملاك / رسلان ……. رسلان ……. حطت ايدها على كتفه انتبهلها
رسلان / بتقولي حاجه يا ملاك
ملاك وهي بتبصله بحزن / لمجرد ذكر اسمها عقلك تاه في ذكرياتها
رسلان بحزن / لأ طبعاً ملاك هي خلاص اتجوزت وشافت حياتها وأنا كمان اتجوزت وأنا نصيبي معاكي انتي
ملاك / بس قلبك معاها هي
بصلها ومش قادر يتكلم ومش عارف يقول ايه
ملاك / لسه بتحبها ؟
رسلان في نفسه ( قَلِّب فُؤادكَ حيثُ شِئتَ مِنَ الهوىٰ ما الحُبُ إلا للحبيب الأولي )
ملاك بحزن ودموع / حتى بعد مامر على فراقكم أربع سنين لسه فاكرها ……. لسه بتحبها حتى بعد ماهي اتجوزت وخلفت
رسلان بتسرع / بس هي لسه مخلفتش
بصتله ملاك بصدمه وزهول وهو بصلها بندم على تسرعه
ملاك بصدمه / لسه متابع أخبارها يا رسلان ؟
رسلان أخد نفس طويييل وخرجه بهدوء وبص لفوق وهو مش عارف يرد عليها يقول ايه
ملاك بدموع / طب اتجوزتني ليه وانت مش بتحبني
رسلان بصلها / بحبك يا ملاك
ملاك / كذاااااب انت بتحبها هي _ هنتجوز ازاي ومفيش بينا حب يجمعنا يا رسلان
رسلان / ومين قال إن مش هيكون بينا حب ….. بالعكس يا ملاك هيكون بينا موده ورحمه وحب العِشره وبعدين أنا معاكي انتي يا ملاك
رسلان وهو حابب يغير مجرى الحوار / لو انتي بقى زوجه شاطره هتقدري تخليني أحبك ومشوفش غيرك
ملاك وهي بتمسح دموعها / يعني فيه أمل
هز رسلان راسه بمعنى اه وقال / قومي بقى خلينا ناكل أنا جوعت والا هنبدأها نكد من أولها كده شكلك هتبقي زوجه نكديه يا ملاك
ملاك وهي بتحاول تتناسى وجع قلبها وتبتسم / لأ ازاي ده انا هكون زوجه فوريره حتى شوف وقامت تجري نزلت تحت
رسلان بصدمه / يابنت المجنونه
رسلان بحزن ووجع يشعر به يحتل قلبه قال/
( قلبي رهينة شغف المستقبل
ويل لي في الحب إذا لم أتغير
لقد أصابتني كرتان من العاطفة
شوق للثاني و ذكرى الاول )
- يتبع الفصل التالي اضغط على ( رواية ملحد سرق قلبي ) اسم الرواية