رواية عنيدة ولكن الفصل التاسع 9 - بقلم اسو احمد

   رواية عنيدة ولكن كاملة بقلم اسو احمد عبر مدونة دليل الروايات 

رواية عنيدة ولكن الفصل التاسع 9

 

مش هسيبك يا عره ، ده انت ليلتك هباب النهارده ، قول على نفسك يارحمن يارحيم

مراد وهو يرقض بسرعه فائقه

غلطه وندمان عليها والله ، بصي خلاص هنفذ إللى عايزاه بس ماتعملليش حاجه والنبي ده لسه دراعى بيوجعنى من اخر مره وحيات امك خلاص والنبي

رقض حول احد المكاتب وريتينا خلفه لتقف وهى تقول لهو

روتيلا

وحيات امك ما انا سيباك النهارده الا اذا

مراد بشك وخوف

الا اذا اى يامفتريه ؟؟؟

روتيلا بنظره خبيثه

تعمل إللى عملته لما كسرت دراعك فاكر ولا افكرك

مراد بصدمه

انتى تكيد بتهزرى صح؟ قولى انك بتهزرى ماتتكسفيش ، ياعينى على شبابك يامراد كان ميتخبيلك فين كل ده ياخويا ، ربنا ينتقم من إللى دعى عليا علشان ربنا يبتلينى باتنين انيل من بعض

ليخرج آدم ليرى ما هذا الصوت ولكن عندما خرج كان مراد يجرى واصتدمه فيه

مراد بخوف ظاهر

خبينى وحيات امك يا آدم احسن هتموتنى هتموتنى بت المجانين دى

آدم

هى مين دى يلا!؟؟ ومالك خايف كده مين دى انطق

مراد بنفس الحاله

امنا الغوله و فى هذه الحظه تاتى روتيلا وتسمع جملته الاخيره

روتيلا بغضب

امنا الغوله ، ده انت نهارك مش فايت ياض ، وهى تقترب منه انا هوريك مين هى امنا الغوله إللى على حقيقى شكلك نسيت أيام زمان

مراد وهو يختبء ف آدم الذى يولى روتيلا ظهره

انتى سمعتى غلط انا بقول امنا العسوله ويقول بصوت خافت لآدم

مراد بهامس ل آدم

احمينى منها وهعملك اللى عايزه لمدت تلت ايام

آدم بنفس همس مراد

اسبوع با الا ولا اعرفك ، هاااا قولت ايه

مراد

موافق و ربنا على المفترى والظالم ، قال جبتك يا عبد المعين تعنى لقيتك يا معين عايز تتعان

آدم

بتقول ايه يازفت انت

مراد

بقول ربنا يخليك ليا ويعينك على البلوه دي ، سلام ويرقض إلى مكتب آدم ويغلق على نفسه الباب جيدا

لتذهب روتيلا إلى باب الغرفه وتخبط عليه بعصبيه

افتح ياض ووجهنى ماتبقاش جبان

مراد من وراي الباب

الانسحاب ف بعض الأوقات بيبقي مكسب ياختشي ، وانت يا عم آدم احنا ماتفقناش على كده

روتيلا بعصبيه

عنك ما فتحت بس خليك فاكر انى حذرتك وانت ماسمعتش الكلام يا مراد الكلب

مراد بخوف

هتعملى ايه يا مجنونه

روتيلا

هتشوف دلوقتى وتبتسم بشر وتبدأ بالرجوع إلى الوراء عدت خطوات غير مباليه لنظرات آدم لها لتقف بجوار آدم وعندما جائت تنطلق لكسر الباب يمسكها آدم من يدها

ويقول بصراخ

انتى مجنونه يا بت انتى

لتزيح روتيلا شعرها الذي اتى ع وجهها من قوت الشده

وهى تقول لهو

وانت مالك ياحيوان ان.. وتسكت فجاء من صدمتها لتقول فى دهشه

انت

آدم بصدمه ودهشه وهو الاخر

انتى

ليخرج مراد ويقول

انتو تعرفون بعض

ليردو الاثنين عليه

وانت مالك ، اخرص ياحيوان “وبعدها ينظرو إلى بعض بغضب وشر يتطاير من أعينهم

_________________________

عند قدر

ف المحاضره

قدر إلى صديقتها بهمس

مش هتخلص المحاضره دى

صديقتها

خلاص اهو قربت ، بس ليه هاااا

قدر ببرود

وانتى مالك وتنظر امامها لتستشيط الأخرى من الغيظ

وبعد دقائق انتهت المحاضره لتنهض سريعا غير مباليه لشيئ وتخرج من القاعه لتفتح هاتفها وتتصل ب روتيلا ولكن لا تجيب عليها لتتصل ب اسماء وتنتظر الرد

اسماء

الووو ايوه يا قدر

قدر

هاااا روحتى المكان ولا لسه

اسماء

لا لسه ورايا شويه حاجات لازم اعملها وكمان روتيلا شبطه فيا وعايزه تجيب هدوم فا ممكن مالحقمش بس بسسس يعنى

قدر

بس اى !؟؟

اسماء

فى حل لو عايزه تعرفيه وساعتها هنتجمع كلنا فى الوقت نفسه وتكون روتيلا خلصت اجتماع الشغل اللى راحته

قدر بشك وخوف من الا يكون الذى خطر لها

اى هو الحل ده ؟؟؟

اسماء بتردد

تاخدى انتى روتيلا وتشتريلها الهدوم وانا هقولها مش تعملك حاجه وتسمع الكلام والله ماتخافيش

قدر

كان قلبي حاسس برضه ، ياعينى على شبابك يالوزه خلاص كل الأحلام إللى كان نفسك تعمليها ضاعت خلاص ربنا على المفترى ، اخلص من روتيلا الكبيره تطلعلى نسخه العن منها بس على صغير

اسماء

اخص عليكى يا قدر دى حتى بتحبك قوى حتى انها جبتلك معها شوكولاته كمان

قدر بفرح

روتى دى قلبي من جوا ، هو انا ليا غيرها هى فين اروح اجبها حالا

اسماء بنصر

هتلقيها مستنياكى عند المدرسه بتعتها اوكى

قدر

تمام

وتغلق معها والهاتف وتذهب إلى مدرسه روتيلا لتاخذها وبعد ربع ساعه وصلت المدرسه لتجدها واقفه تنتظرها أمام الباب

لتقترب منها قدر وتقول

اتأخرت عليكى يا روتى معلش بس امك لسه قيلالى

روتيلا وبغير العاده

عادى يا قدوره وتفتح شنطتها وتخرج منها الشوكولاته وتعطيها لقدر

قدر بفرح وشك

مرسي جدا ياروحى ، بس قوليلى ايه يابت الأدب والاحترام ده كله ؟

روتيلا الصغيره

ابقي محترمه مش عاجب وابقي مش محترمه برضه مش عاجب الله الله ، اعملكم ايه ياعنى

قدر وهى تسحبها من يدها

لا عاجب يا لمضه بس استمرى على كده ههههههه وتذهب إلى التسوق وما هى حتى دقائق حتى وصلو إلى معرض ال*** خاصتهم وتدخل هى وروتيلا لتذهب روتيلا سريعا إلى تاج وجدته امامها وتضعه على راسها

وتقول

اى رايك فيا شبه الاميرات صح

قدر بسخريه

اميرات البلاعات صح ههههههههههه

روتيلا

بتقولى اى ؟؟

قدر وهى تسحبها من يديها

ولا حاجه تعالى بس نشوف هنخطرلك ايه علشان تلبسيه

لتقول روتيلا بقرف

اساسا هذا ليس طرازى

قدر بسخريه

لان التاج ظرازك مش كده !! ماعلينا يلا لازم نشتريلك حاجه وتنظر إلى الملابس المعروضه لعلها تجد لها شيئ مناسب للقظمه الصغيره واخيرا تجد تشيرت لها لتذهب اليه وتحمله وتقول

بصي ايه رايك ف التشيرت ده ؟ وتاتى بيه اتجهها وعلى وجهها ابتسامه عريضه لتقول ، سماوى حلو اووى

روتيلا وهى تلوح بيديها

لا ماينفعش اصحابي هيقولو عليا ايه ، ايه إللى حصل لاستيلك يا روتى وبقي زباله اوووى كده

لتنظر اليها قدر ال هو (حد يقتل البت دى “بصوت المبي”😂) لتاخذ نفس عميق وتذهب اتجهها

وتقول

لو استمريتى بالرغي هيقولو ايه إللى حصل للسان روتيلا ؟؟ لأننى هلصق بوقك

روتيلا وهى تعيط وتقول بصوت سمعهو الناس من حولهم

هتضربينى ع بوقي؟ وتضع يدها على فمها وهى مازلت تبكى

لتلحظ قدر الناس التى بدئت تنظر إليها وتجلس علي ركبتيها لتصل لمستوى روتيلا

لتقول روتيلا بهستيرلا

هتضربينى على بوقى ؟ صح

لتضع قدر يديها ع وجع روتيلا وهى تحاول تهدئتها

مش ممكن اعمل حاجه زى دى ليكى ياروحى ، هو انا اقدر اعمل كده ؟ ده انتى حبيبتى والله لتكمل وهى على وشك البكاء هى الأخرى

ماقصدش كده ، انا بس لتقطعها روتيلا

روتيلا وهى تضحك

التغلب عليكى سهل جدا على فكره ، ومش ممتع ابداً

قدر وهى تبتسم على الحاله التى وقعت بها بسبب الصغيره لتقول لها وهى فى حاله من الصدمه منها

خلاص اختارى إللى عايزاه يا عزيزتى روتيلا ؟ لتكمل وهى تلوح بيدبها فى الهوء المعرض ليكى وتنهض من مكانها وتذهب لترجع التشيرت الذي فى يديها

لتقول روتيلا

جواب خاطئ ، لتنظر اليها قدر لتكمل وهى ترفع يدها باصبع البنصر

ماينفعش البت الصغيره ارتداء ما تريده

لتنظر اليها قدر بذهول لتكمل روتيلا بابتسامه عريضه

الام بتجب للطفل تلت أنواع مختلفه من الهدوم وتدع الطفل يختار واحد فقط على الاقل وتضحك بشده وهى تقول بمزاح

حتى ف دى سقطى فيها يا قدر هههههههههه

وتذهب وتترك قدر فى حاله لا يرثا لها

قدر بزهول

دى لا يمكن تكون طفله ،. دى بتدى الشيطان دروس ، ربنا على المفترى ، نفسي اعرف ذنب مين ده إللى بيخلص منى عن طرق البت دى ده انا اروح ابوس رجله علشان يسمحنى

_____________________

ف قصر الهوارى

ف الطابق الثانى الغرفه الثالثه

تجلس مى علي حاسوبها تقلب ف الفيس بوك حتى اتتها رساله من شخص لا تعرفه لتنظر إليه بتردد اتفتحها ام لا وبعد عدت دقائق تفتحها اخير لتجدها كالاتى

تُنَادِيْك رُوحِِيَّ شَوْقَاً

فَـ أَجْرَاسُ قَلْبِيَّ قَد دَقَتْ مُعْلِنَه إشْتِيَّاقِيَّ

وَ إِحْتِيَّاجِيَّ لِ رُؤْيَّة عَيَّنَاك!!

مى

بلا تنادى بلا ماتنديش يا عم روميو وربنا يهديك وتبطل انت واللي زيك تضيقو البنات ،. مايرضوهاش على اخوتهم ويرضوها على الغريب ومايعرفوش انه بيترد في أخته او أمه او بنته او زوجته او.. وترفع يديها إلى السماء وتقول

يارب انا كل ال عايزاه تهدى جميع الرجاله وتخليهم يبطلو إللى بيعملوه ده وخفف عنهم سيئتهم واصرف عنهم الشيطان وشركه ، ياااااااارب اهديهم جميعا

وتنزل يديها ع وجهها وتقول

اميييييييييين يارب ، اما اقوم اشوف البت سهى بتعمل ايه ؟ وتذهب سريعا إلى غرفه سهى لتجد باب الغرفه مفتوحاً وسهى تعطيها ظهرها لتتسحب إليها بحذر شديد لكي لا تنتبه سهى إليها و..

مى بخوف وصوراخ

عااااااااااااااااااااا حتى وقعت على الأرض من شدة الخوف

سهى بابتسامه شيطانيه

علشان تبطلى إللى بتعمليه ياشوز نهها نهها نهها(ضحكه شيطانيه 😈😂 )

مى وهى تنهض

ااااه ياحيوانه ، كنت هموت فيها حرااام عليكى بجد

سهى

اهو ده نفس اللى بيحصلى لما تخضينى ، يارب نحرم بقي

مى

سهى بضحكه

من المرايه يا غبيه” لتكمل بضحك وسخريه” جزمه بتتكلم ، انا اول مره اشوف جزمه بتتكلم ههههههههه

مى

ده انتى وقعتك سوووووده معايا ، ومن بكره هنغير مكان المرايه دى وتتجه ناحيه الباب وتقول لنفسها

ماهو ماينفعش كده برضه المرايه تقطع برزقى الله ، اول ما يجى أبيه هقوله ينقلها من هنا، وينقلها ليه ده يشيلها من الاوضه احسن خالص

سهى بضحك

البت اتجننت خلاص عليا العوض ومنه العوض فيها خلاص

• يتبع الفصل التالي اضغط على ( رواية عنيدة ولكن ) اسم الرواية