رواية تزوجتها لاجلك كاملة بقلم رنا تامر النشار عبر مدونة دليل الروايات
رواية تزوجتها لاجلك الفصل الرابع عشر 14
مليكه بإبتسامة ثقه/ يعني اناا ابقي مليكه نصران و حفيدة نصران بيه وليا كل الحق انا اعيش في القصر ده اناا واهلي.
شادي وسما بصدمه/اييييييييه.
صافيه بارتباك/ انتي جبتي الكلام ده منين.
مليكه بسخريه/ مش مهم جبت الكلام ده منين.. ثم اكملت بإبتسامة ثقه.. المهم انه الكلام ده صح.
سما اقتربت منها وامسكت بيديها بشده وتحدثت بحده/ شايفه الباب ده تخرجي منه حالا انتي والشاحتين اللي معاكي دول.
جميعهم انصدموا واؤلهم سما الذي تلقت صفعه قويه من مليكه.
مليكه وهي تشير بإصبعها بتحذير/ انا لو سمعتك بتجيبي سيره اهلي علي لسانك مره تانيه ساعتها القلم اللي ادتهولك ده هديهولك اضعاف اضعافه انتي فااهمه.
مليكه وهي تتحدث مع اهلها الذي كانوا في صدمه من مليكه الذي تغيرت تماما .
/ تعالي يا ماما اما اوريكي اوضتك.. ثم نظرت الي شقيقتها وتحدثت بإبتسامة.. وانتو يا بنات تعالوا ورايا.
صعدت مليكه الي اعلي و ورأها عائلتها وتركوا الباقي تحت تأثير صدمتهم من الذي حدث من قبل قليل.
ــــــــــــــــــــــــــــــــــــــــــــ💔
في الطابق العلوي…
في غرفه كريمه..
مليكه بإبتسامة وهي تفتح الباب/ ادخلي بريجلك اليمين يا ست الكل.
دخلت كريمه ورأها الفتيات ثم تحدثت كريمه بإستغراب/ ممكن افهم بقي ازاي اتحولتي كده من مليكه الطيبه ل مليكه اللي مش عارفه احدد شخصيتها بالضبط.. ثم اكملت بحده.. وبعدين ايه اللي انتي قولتيه تحت ده.
مليكه بثقه/ بإختصار كده يا ماما انا اتغيرت عشان نفسي وعشان كرامتي مش عشان حد ده اولا.. اما ثانيا بخصوص اللي انا قولته تحت ف ده اجابته مع حضرتك مش معايا لانه حضرتك اللي عارفه الحكايه كلها.. ولا ايه يا ست الكل.
كريمه بارتباك وهي تنظر في الجهه الاخري/ اناا معرفش حاجه.
مليكه بسخريه/ بجججد.. ثم اكملت بجديه.. عموما انا هسيب حضرتك ترتاحي دلوقتي وبعدين نبقي نتكلم.
مليكه نظرت الي شقيقاتها وتحدثت بإبتسامة/ يلا يا بنات عشان اوريكوا اوضتكم .
خرجوا الفتيات وتركوا كريمه في حيره وتساؤل كيف تغيرت ابنتها بهذه الطريقه.
ــــــــــــــــــــــــــــــــــــــــــــ💔
في غرفه الفتيات…
دخلوا الفتيات وجلسوا بإستمتاع علي سرأرهم الجديده ومليكه وقفت امامهم بإبتسامة حب.
ياسمين بدهشه/ انا بجد مش مصدقاكي انتي بجد مليكه اللي كانت بتخاف تعلي صوتها لكن دلوقتي بقيتي واحده تانيه خالص.
مليكه بشرود/ ساعات الواحده لما تفضل تضغط علي نفسها عشان اللي بتحبه يفضل مرتاح ساعتها بتبقي مستعده تعمل اي حاجه عشان تشوفه دايما مرتاح ومبسوط.. بس لما تكون هي بتضحي وكرمتها بتنزل الارض عشانه وهو في الاخر ينسي كل ده بمجرد موضوع هي ملهاش ذنب فيه يبقي ميستهلش اي تضحيه منها.. ثم اكملت بكره.. ميستهلش الا الانتقام وبس.. ثم نظرت اليهم بإبتسامة ثقه.. فهمتوا بقي انا اتغيرت ليه.
ورد اقتربت منها وقامت بربط علي كتفيها بحب وتحدثت بفخر/ ايوه يا حبيبتي فاهمناكي.. وعايزينك تفضلي علي كده علي طول.. ثم اكملت بيأس.. عشان للاسف الطيبه مبقتش تنفع في الزمن ده.
ياسمين اقتربت منهم وتحدثت بإبتسامة/ عندك حق يا ورد.. انتي فعلا يا مليكه لازم تفضلي كده واياكي تتغيري واحنا هنفضل جمبك وهنفضل نشجعك وعمرنا ما هنسيبك ابدا.
مليكه نظرت اليهم بإبتسامة حب وفخر ومن ثم قامت بإحتضانهم وتحدثت بحب/ انا بجد بحبكم اوووي ربنا يخليكم ليا وميحرمنيش منگم ابدااا.
ــــــــــــــــــــــــــــــــــــــــــــ💔
في الاسفل…
ظلت سما مصدومه وفاقت من صدمتها علي صوت والدتها وهي تتحدث معاها بسخريه/ ارتاحتي كده.. ارتاحتي وانتي شايفه نفسك علي الفاضي.. ثم نظرت الي صافيه واكملت.. يارب تكون نصايح خالتك فادتك اوي.. اديكي واقفه بقالك ربع ساعه مش مصدقه اللي حصلك كل ده سببه ايه.. سببه انك مش هتبطلي غرور يا سما.. ثم اكملت بيأس.. بس الغلط مش غلطك الغلط غلطي اناا اني معرفتش ارباكي غلطتي اني سبتك تتربي علي ايد خالتك لغايه ما اخدتي طبعها الوحش.
صافيه بمقاطعه وحده/ سعاد اتكلمي عن اختك الكبيره بأدب.
سعاد بجديه/ لو سمحتي يا صافيه لما اكون بتكلم مع بنتي متقاطعنيش.. ثم اكملت بسخريه.. وبعدين مش لما اختي الكبيره تعرف الادب الاول ابقي اتكلم عنها بأدب.
صافيه غضبت كثيرا ولم تجد شئ تقوله ومن ثم صعدت الي غرفتها بغضب.
شادي كان في عالم غير العالم فكان كل تفكيره في موضوع قرابته مع مليكه وعائلتها وان مليكه تكون ابنة خالته قبل ان تصبح زوجته.
ــــــــــــــــــــــــــــــــــــــــــــ💔
مساااءاااا..
كانت ذاهبه الي غرفه والدتها ولكن اوقفه صوته وهو يتحدث بوجع ورجاء .
/ اناا اسف ياا مليكه.
مليكه تجمدت مكانها عندما سمعته يقول هذه الجمله وكانت ستضعف ولكن تذكرت انها يجب ان تنتقم لما فعله بها.
مليكه التفتت له ونظرت له وتحدثت بتماسك/ واسفك غير مقبول يا شادي بيه.. ولا تحب اقولك يا ابن خالتي.
شادي بلا مبلاه/ قولي اللي تقوليه المهم انك لازم تسامحيني.
مليكه بسخريه/ وليه بقي لازم اسامحك.
شادي بحزن/ عشان انا زي زايك يا مليكه..انا كنت ضحيه واللي كانت بتعمل كل ده هي سما وانا والله مكنتش متوقع انها تعمل كل ده.
مليكه بلا مبلاه/ واهي عملت اللي هي عايزاه وانتصرت عليا..ثم اكملت بحده.. عايزين مني ايه تاني بقي .
شادي برجاء/ عايزك تسمعيني.. عايزك تديني فرصه اخيره افهمك كل حاجه.
مليكه بحده و وجع/ وانت متدنيش فرصه ليه ومسمعتنيش ليه ولا انت بقي احسن مني ولا تكونش فاكر عشان انت الراجل ف من حقك اني اسمعك واديك فرصه كمان.. لاااا انسي يا شادي بيه انسي اني اسمعك او اديك فرصه واحده احنا خلاص علقتنا انتهت بقي كل اللي بينا صله القرابه وبس وحتي صله القرابه مكنتش عايزاها.. ف احسنلك بقي تبعد عني وتنسي اني موجوده في القصر انت فاااهم.
رحلت مليكه من امامه وتركته في وجع وندم وحسره.
ــــــــــــــــــــــــــــــــــــــــــــ💔
في غرفه كريمه…
دخلت مليكه بعد ان طرقت الباب وكان الحزن واضح علي وجهها.
كريمه نظرت الي مليكه وتحدثت بقلق/ مالك يا قلب امك حزينه كده ليه.
مليكه اترمت في حضن والدتها وظلت تبكي.
مليكه بدموع/ تعبت يا امي تعبت اووي ومش عارفه اعمل ايه.
كريمه بحزن علي ابنتها/ ليه بس كده يا بنتي في ايه اللي حصل.
مليكه بدموع/ شادي بيحاول يصالحني وانا مش قادره اسامحه علي اللي عمله فيا معأني عارفه انه سما اللي عامله كل ده بس بردوا مش قادره اسامحه.
كريمه امسكت بوجه ابنتها بين ايديها وتحدثت بحنان/ بصي يا حبيبتي.. من وانتو صغايرين انتي واخواتك علمتكوا حاجات كتير وبين الحاجات دي انكم تصدقوا وتسمعوا ل كلام قلبكوا وبالذات في المواقف اللي ذي دي.. طول الوقت العقل والقلب مختلفين نادر جدا لما بيتفقوا بس دايما بيكونوا مختلفين ف لما يكون الموقف محتاج انك تسمعي كلام قلبك اكتر من كلام عقلك يبقي لازم تسمعي كلام قلبك وانا بقولك انك لازم تصدقي شادي عشان انتي اكتر واحده عارفه انه بيحبك وميقدرش يستغني عنك واللي حصل منه ده رد فعل طبيعي لما لقي مراته وحب عمره بتاخد حبوب منع الحمل من ورأهُ.. بس لما لقي انك مظلومه وانه سما هي السبب ف فرح ورجع يصالحك وبعدين انتي نسيتي انه شهور العده لسه مخلصتش يعني هو كان ممكن يرجعك بكل سهوله لكن هو معملش كده عشان بيحبك ومش عايزك ترجعيله الا لما تديله فرصه وتسامحيه.. فااهمه يا حبيبت ماما.
مليكه هدأت بعض الشئ ونظرت الي والدتها وتحدثت بإبتسامة ارتياح/ فااهمه يا ست الكل.
كريمه بإبتسامة/ يلا بقي قوليلي كنتي جايه في ايه.
مليكه بتذكر/ كنت جايه في ايييه كنت جايه في ايه.. ااه افتكرت.. انا عايزه حضرتك تحكيلي القصه من اؤلها.
كريمه بإستغراب/ قصه ايه.
مليكه بجديه/ يا ماما قصه القرابه ما بيني وبين شادي.. يعني ازاي حضرتك تبقي اخت حماتي.
كريمه بفهم/ ااااه قولتيلي.. وبعدين انتي لازم تعرفي.
مليكه بإصرار/ ايوه لازم اعرف.
كريمه بإستسلام/ امري لله.
ـــــــــــــــــــــــــــــــــــــــــــ💔
في بيت مجدي…
كان يجلس ويفكر ماذا يفعل حتي تذكر انه معه دليل قوي علي سما.
قاام بالامساك ب هاتفه وقام بفتح الرسائل وقام ببعت عده رسائل الي سما وكأنها رسائل تهديد وكتب بعد عده الرسائل هذه« لو مجتيش بكره الساعه 7 بليل هتلاقي الصور اللي اتبعتتلك دي إتبعتت ل حبيب القلب وساعتها عايز اتفرج هتعملي ايه».
مجدي نظر للفراغ بإبتسامة شر وتحدث بتوعد/ نهايتك علي ايدي يا سما.
ــــــــــــــــــــــــــــــــــــــــــــ💔
في غرفه كريمه…
كريمه بتذكر/ اسمعي يا بنتي.
𝒇𝒍𝒂𝒔𝒉 𝒃𝒂𝒌𝒄…
في قصر نصران…
في حديقه القصر..
كانت تجلس صفاء ومعها نصران وكانوا يلاعبون ابنتهم الصغيره ومن ثم قامت بنداء الخادمه.
/ عفاااف يا عفاااف.
عفاف بطاعه/ نعم يا هانم.
صفاء بإبتسامة/ خدي صافيه وأكليها.
عفاف بطاعه/ حاضر يا هانم.
ذهبت عفاف ومعها الصغيره ونصران ظل ينظر ل عفاف حتي اختفت.
صفاء كانت تنظر له بإستغراب وشك وتحدثت بإستغراب/ في ايه يا نصران مالك سرحان في ايه.
نصران بكدب/ مفيش يحبيبتي.
صفاء بإبتسامة/ طب انت ليك عندي خبر حلو.
نصران بإبتسامة مزيفه/ ايه هو.
صفاء بسعاده/ انا حامل.
نصران انصدم لهذا الخبر ولكن تظاهر امامها بالفرحه والسعاده.
/ الف الف مبروك يا حبيبتي ربنا يتمم بخير وتقومي بالسلامه انتي واللي في بطنك.. بجد انا فرحان جدا انه هيبقي عندي طفل منك للمره التانيه.
صفاء بسعاده/ وانا كمان فرحانه اوي.
نصران بإبتسامة مزيفه/ طيب انا هقوم بقي عشان ورايا شغل كتير.. سلام يحبيبتي.
ذهب نصران وصفاء كانت في شده سعادتها.
بعد عده ايااام…
كانت جالسه عفاف وتقوم بالاعتناء بالطفله حتي سمعت صفاء تتحدث بأعلي صوت.
صفاء بحده/ قوووومي من هنا بسرررعه.
عفاف بفزع/ في ايه بس يا هانم انا عملت ايه.
صفاء بحده/ عملتي ايييه قولي معملتيش ايه.
عفاف بدموع/ يا هانم والله انا معملتش حاجه.
صفاء بحده/ دي غلطتي اني عملتلك قيمه وخليتك تشتغلي في بيتي.. وفي الاخر بتخوني ثقتي فيكي وبتلعبي علي جوزي.. عايزه تخديه مني.
عفاف بصدمه/ ايه يا هانم الكلام ده .
صفاء بحده/ انتي لسه هتمثلي عليا اتفضلي اخرجي بره ومشوفش وشك هنا تاني.
دخل نصران في هذه اللحظه واستغرب من اين هذا الصوت العالي.
ذهب نصران الي مصدر الصوت ومن ثم تحدث بتساؤل/ في ايه..ايه اللي بيحصل.
صفاء بحده/ في ايه.. في انه الهانم عرفت تلعب عليك وخليتك تقع في حبها لأ وكمان بتكتبلها جوابات.. بتخوووني مع الخدامه يا نصرااان.
عفاف بدموع/ والله يا هانم محصلش حاجه حضرتك فاهمه غلط والله.
صفاء بحده/ انتي تخرسي خاالص ومسمعش صوتك.
نصران بتماسك مصتنع/ ايه اللي انتي بتقوليه ده.. انتي جبتي التخاريف دي منين.
صفاء بحده/ لا يا نصران دي مش تخاريف دي حقيقه.. ثم نظرت الي عفاف واكملت بتحذير.. انتي تخرجي من الباب ده ومشوفش خلقتك هناا تااني انتي فااهمه.
خرجت عفاف بعد ان لمت اشيئها ورحلت من القصر بأكمله.
نصران بحده/ هو ايه اللي انتي عملتيه ده.
صفاء بحده/ معلش اني مشيتلك حبيبت القلب من القصر.. ثم اكملت بسخريه.. بس عموما لو عايز تروح وراها انا معنديش مانع بس قبل ما تمشي تكون مطلقني لانه صفاء هانم استحاله تعيش مع واحد خاين زايك.
نصران غضب منها كثيرا ومن ثم صعد الي جناحه الخاص.
في اليوم التالي…
في منزل عفاف..
كانت جالسه تبكي وتندب حظها.. كيف ستبحث عن عمل وماذا ستعمل كانت تفكر حتي سمعت الباب يدق وقامت ل فتحه.
عفاف بصدمه/ نصران بيه.
رامي بإبتسامة/ ايه يا عفاف هنقف نتكلم علي الباب كده.
عفاف بإنتباه/ لأ طبعا اتفضل.
دخل نصران وجلس وعفاف تحدثت بخجل/ حضرتك تحب تشرب ايه.
نصران بجديه/ اقعدي يا عفاف انا عايزك في كلمتين.
جلست عفاف امامه ونظرت ارضا.
نصران بجديه/ انا اولا عايز اعتذرلك علي اللي حصل امبارح وتاني حاجه اناا عايز اتجوزك.
عفاف بصدمه/ ايييه.
نصران بهدوء/ انا عارف انه حاجه تصدم بس انا والله بحبك وانا للصراحه عمري ما حبيت صفاء انا متجوزها عشان بابا هو اللي غصبني علي كده.
عفاف وهي تنظر ارضا/ بس هي بتحبك يا نصران بيه.
نصران بجديه/لكن انا مبحبهاش وانا جاي عشان اقولك اني مستعد اتجوزك وهحميكي ومش هخليكي تحتاجي ل اي حاجه كل اللي انا عايزهُ منك انك توافقي.
وافقت عفاف بعد الكثير من الحاح نصران.
نصران سعد كثيرا عندما وافقت وقام بمحادثه المأذون واثنان من الشهود.
𝒃𝒂𝒌𝒄…
كريمه بنفس عميق/ بس كده.
مليكه بإستغراب/ ايوه وايه اللي حصل بعد كده.
كريمه بتهنيده/ بعد ما جدتك وجدك اتجوزوا فضلوا مخبين انهم متجوزين ويوم والده خالتك سعاد كان في نفس اليوم كنت انا كمان بتولد.
مليكه بتساؤل/ طب وتيتا صفاء معرفتش موضوع جواز جدو من تيتا عفاف.
كريمه بتكمله/ ما هو في يوم ولادتي انا وسعاد كنا في نفس المستشفي وفي اليوم ده عرفت كل حاجه بس عدت اليوم عشان شكلها قدام الناس وانه هي كانت تعبانه من الولاده.
مليكه بسخريه/ يعني لولا تعابها كانت إطلقت من جدو.
كريمه بضحكه خفيفه/ انتي بتقولي فيها ما هي فعلا إطلقت بعد ما خرجت من المستشفي وبقت احسن طلبت الطلاق وبابا طلقها بعد عذاب.
مليكه بيأس/ اهو دلوقتي كلهم عند ربنا ميستهلوش مننا غير اننا ندعلهم بالرحمه.
كريمه بحزن/ ربنا يرحمهم.
مليكه بإبتسامة وهي تقبل يد والدتها/ يلا اسيبك تنامي.. تصبحي علي خير يا ست الكل.
كريمه بإبتسامة/ وانتي من اهله يا نور عيني.
في غرفه سما…
كانت جالسه في غرفتها وتفكر في موضوع انه كيف مليكه تكون من احفاد نصران .
ظلت تفكر كثيرا في الامر حتي جاءتها رسائل عديده من مجدي.
وعندما فتحتها انصدمت كثيرًا.
- يتبع الفصل التالي اضغط على ( رواية تزوجتها لاجلك ) اسم الرواية