رواية حورية الرعد (كاملة جميع الفصول) حصريا عبر دليل الروايات بقلم هدير علي
رواية حورية الرعد الفصل الاول 1
الفصل الأول
قبل ما نبدأ قصتنا يلا بينا نصلي على الحبيب فابالصلاة على الحبيب قلبك يطيب اللهم صلاة وسلاما عليك يا حبيبي يا رسول الله
خبط رعد البنت بعربيته وقعت على الأرض
رعد نزل من عربيته يطمن عليها انتي كويسه ايه اللي جابك قدام عربيتي
حور :كويسه ايه ! انت دوست على صباعي انت ضربتني بعربيتك يا حيوان ولا انت مفكر أن عشان عندك عربية من حقك تخبط الناس براحتك
لو مكانش عندي مقابلة دلوقتي مكنتش هسيبك غير فى القسم حسبي الله ونعم الوكيل فيك يا شيخ
رعد : انتي واحده قليلة الذوق وبعدين ايه ده كله راديو اتفتح لو سكتي دقيقة هياخدوكي غياب انا لسه بطمن عليك انفجرتي فى وشي
حور : ولو مبعدتش من قدامي دلوقت هطلع عفاريتي عليك يا بتاع باباه وماماه انت اللي زيك مولود فى بقه معلقه دهب
قبل ما يرد رعد عليها كانت سابته ومشيت
رعد :ركب عربيته وهو متعصب جدا وعينه بطق شرار وناره ممكن تحرق بلد بحالها
استوب
قبل ما نكمل خلونا نتعرف على أبطال قصتنا
رعد المنصوري : صاحب أكبر شركة عقارات بمصر كلها وشركته ليها فروع كتير جدا ابن اكبر رجال الأعمال المنصوري ومن أغنياء القوم حرفيا يبلغ من العمر ٣٠ سنه وسيم جدا وعيونه خضراء
حور : فتاة شابة جميلة جدا ذات بشرة بيضاء صافية وعيونها زرقاء ملونه بلون السماء وذكية تبحث عن عمل تكره الأغنياء وتراهم مغرورين ولكنها فتاة طيبة ولكن عندها عزة نفس ولا تسمح لأحد أن يقلل منها وهي ومن أسرة بسيطة جدا تبلغ من العمر ٢٥ سنه
فلاش باك
اتجه رعد إلى شركته وهو فى قمة غضبه من هذه الفتاة ويحدث نفسه قائلا: بقى انا رعد المنصوري حته بت زي دي تكلمني كده وتمشي وتسبني كمان قبل ما ارد عليها أما لو شفتها هعمل منها بطاطس محمره صبرك عليا بس
وصل رعد إلى الشركة واول ما دخل كله قام وقف بسرعه واستقبلوه وهو داخل شايط مش معبر حد ولا بيرد على حد وراح على غرفته وهو بيزعق كل واحد يشوف شغله بسرعه وانت يا حسام هاتلي فنجان قهوه على اوضة المكتب بسرعه
بعد دقيقه دخل عليه صاحب عمره وشريكه ماجد الفيومي
ماجد لرعد : في ايه يا بني مالك داخل عامل زي زعابيب امشير كده ليه لا كلام ولا سلام في ايه ايه اللي معصبك على الصبح كده
رعد : اسكت يا ماجد حصل معايا موقف النهارده خلاني هطق من جنابي عملت حادثه
ماجد:حادثه يا نهار ازرق ازاي وايه اللي حصل طب انت كويس فى حد جراله حاجه
رعد : ايه يا عم انت كمان راديو واتفتح اهدى ما أنا زي القرد قدامك اهو ومفيش حد جراله حاجه متقلقش
ماجد:حرام عليك يا شيخ نشفت ريقي
رعد:اسمع بس انا خبط واحده بالغلط بس هي كويسه المهم لسه جاي انزل اقولها انتي كويسه لقيت بلاعه اتفتحت فى وشي ومسكتني نفختني انا رعد المنصوري اتهزأ من واحده زي دي لأ وكمان خلصت تهزيئ فيا ومشيت وسابتني من غير حتى ما ارد واخد حقي هتجن
ماجد: يا أخي احمد ربنا انها ملطشتكش بالقلم ولا اخدتك على اقرب قسم يعني خابطها بالعربية وعايزها تاخدك بالحضن مثلا
رعد: بقى انا رعد اللي كل البنات يتمنوا بس نظرة مني حته البت دي تعمل فيا كده اشوفها بس ومش هسيبها هعملها بوفتيك
ماجد: طيب سيبك من الهبل ده بقى وركز معايا في موضوع مهم اوي عاوزك فيه
رعد باهتمام : موضوع ايه
ماجد : المناقصة اللي كانت المفروض ترسي علينا امجد الشناوي بيحاول ينافسنا عليها وعاوز ياخدها ولازم نتصرف بسرعه
رعد: ياخدها ده بعده دي اهم مناقصة فى حياتي ويا انا يا هو سيبلي الموضوع ده انا هتصرف فيها
بس دلوقتي خلينا فى الانترفيو مش في النهارده انترفيو لمساعد رئيس مجلس الإدارة اللي هو انا بدأتوا ولا لسه؟
ماجد:ياااه بدأنا من بدري ال HR شغال متشغلش بالك بالموضوع ده
رعد: لأ انا مش بتفاءل باختيارات الزفت اللي اسمه مجدي ده خليه يحولي ملفات الناس اللي مقدمه ويرشحلي أفضلهم وانا هعملهم الانترفيو بنفسي
ماجد: حاضر هخليه يبعتهوملك حالا سلام
وطلع ماجد وبعت مجدي بالملفات لرعد
وبدأ رعد الانترفيو
رعد ينظر للملف على مكتبه ويجلس على كرسيه بس الملف مكنش فيه الصورة الشخصية بدأ يسأل البنت من غير ما يبصلها وهو مديها ظهره
عرفي نفسك ؟!
حور : حور السيد فتحي ٢٥ سنة خريجة ليسانس حسابات ومعلومات بتقدير عام امتياز وواخده دبلومه فى السكرتيرة وأمور الإدارة
رعد: بدأ ينبهر بثقتها فى نفسها ومؤهلاتها لف بالكرسي ليراها ولسه بيعرف عينه عشان يبصلها باهتمام
وقال :انتي!!!!
وهي قالتله :انت!!!!
انت ايه اللي مقعدك على كرسي رئيس مجلس الإدارة وايه اللي جابك هنا انت جاي ورايا بقى وقبل ما تلبخ اكتر من كده دخل حسام وقاله اتفضل القهوة يا رعد بيه
حور فتحت بقها من الصدمه وبعدين فاقت من صدمتها وقالت : رعد بيه يا نهار ازرق انت صاحب الشركة
رعد بغرور :قالها اه تخيلي
حور : اه انا كده اترفدت من قبل ما اتعين سلام عليكم بقى ولسه جايه تطلع قالها :استني عندك
حور : قالتله ايه خلاص مش عاوزه اشتغل معاك يا عم انا ماشيه واسفه مكنتش اعرف انك صاحب الشركة بس حتى لو انت اللي غلط معايا والبادي اظلم انا كنت باخد حقي مش اكتر
رعد: بس بس اسكتي شويه ايه راديو واتفتح لو سكتي شوية هياخدوكي غياب
حور سكتت وبصتله وقالت : نعم اتفضل حضرتك عاوز ايه
رعد : اقعدي
حياة سمعت الكلام وقعدت
قالها : انتي دلوقت فى انترفيو شغل ورعد المنصوري مبيدخلش مشاكله الشخصية فى الشغل
واضح انك ذكية ومؤهلاتك كويسه وده بالظبط اللي انا محتاجه هتشتغلي معانا من بكره
حور بفرحه :بجد يعني أنا اتقبلت
رعد : اه هتروحي لمجدي HR وهيمضي معاكي العقد
بس الأول لازم تعرفي الشغل مع رعد المنصوري مش سهل عاوز التزام وتنفذي كل اللي يطلبك منك بدون نقاش وطبعا الامانه الخائن ملوش مكان بينا
حور : طبعا طبعا إن شاء الله هكون عند حسن ظنك اسفه مرة تانيه على الموقف البايخ اللي حصل مني انا دائما لساني متبري مني شبرين 😅
رعد : قالها لأ وحياتك ده عشر اشبار يلا اتفضلي روحي خلصي ورقك ومن بكره الصبح أن شاء الله تكوني فى المكتب قبل مني
حور :حاضر إن شاء الله سلام عليكم
رعد:وعليكم السلام ورحمه الله وبركاته
رعد بعد ما طلعت حياة بيقول لنفسه : انتي مفكراني هعدي اللي عملتيه ده بالساهل مبقاش انا رعد أما علمتك الادب يا ست حياة
خرج رعد من الشركة واتجه إلى القصر الذي يعيش فيه مع عائلته
دخل رعد رحب به أمه وأبوه
الاب /: حمد لله على السلامه يا بني
الام : حمد لله على السلامه يا حبيبي يلا عشان نتغدى
قعدوا مع بعض لتناول الغداء وانضم لهم ادم اخو رعد الأصغر وعمره ٢٤ عام وبعد الانتهاء
الاب : تعالى يا رعد نتكلم فى المكتب عاوزك فى موضوع
الاب : بص يا ابني انا كبرت ومعدتش اقدر ادير الشركة
وقررت اديك فرصة تستلم كل حاجه وانا هسافر انا وامك شهر اريح اعصابي شوية
بس خلال الشهر ده عاوزك تثبتلي انك تستاهل رئاسة مجلس الإدارة
رعد : متقلقش يا بابا كله هيبقى زي ما حضرتك سلمتهاني واحسن إن شاء الله
الاب: وده عشمي فيك يا بني متخذلنيش وتخلي بالك وتحافظ على شقايا وتكبره
رعد: حاضر يا بابا متقلقش
حور خلصت ورقها وروحت بيتها اول ما دخلت
حور : السلام عليكم
الام: وعليكم السلام يا بنتي عملتي ايه طمنيني
حور : اطمني يا ست الكل وحطي فى بطنك بطيخه صيفي كمان انا اتعينت وكتبت العقد كمان وهبدأ شغل من بكره إن شاء فى أكبر شركة فى البلد وبراتب حلو اوي
الأم : ربنا يسعدك يا بنتي ويوفقك ويصلح حالك انتي طيبة وتستاهلي كل خير داعيالك دائما يا بنت بطني
حور بفرحه :ربنا يخليكي ليا يا احلى ام فى الوجود أما ادخل افرح بابا بقى
بابا بابا انا اتعينت
الاب : الف مبروك يا حبيبة بابا ربنا يوفقك ويسعدك يا بنتي
حور : ربنا يخليك لينا ويبارك لنا فى عمرك يارب
الاب :السيد فتحي موظف على المعاش راجل بسيط متدين ومحترم وطيب
الام:ربة منزل طيبة جدا وحنونه وبتحب بنتها حياة جدا ومتدينة
تاني يوم : صحيت حياة من بدري وجهزت مامتها قالتلها مش هتفطري يا بنتي
حور : معلش يا ماما النهارده اول يوم فى الشغل مش عاوزه اتأخر ويتاخد عني انطباع بالاهمال
الام: طب خدي السندوتشات دي معاكي الفكري بيها لما تفضي
حور : تسلم ايدك يا ست ربنا ما يحرمني منك وباست أيدها وراحت على الشركة ودخلت مكتب رعد قبل ما يوصل وبدأت تظبطله الملفات المهمه وراحت على مكتبها وبدأت شغلها على الكمبيوتر
وصل رعد الشركة وهو مستحلف لحور
وشكله مش ناوي على خير ابدا
يا ترى ايه اللي هيحصل ورعد هيعمل ايه مع حور؟
والمناقصه هترسي على مين ؟
وهل امجد هيسيب رعد ياخدها ببساطه كده ؟
•تابع الفصل التالي "رواية حورية الرعد" اضغط على اسم الرواية