رواية متيم بك كاملة بقلم فرح وائل عبر مدونة دليل الروايات
رواية متيم بك الفصل الاول 1
_ الحقنا يا دكتور البنت اللي جايه جديده عماله تصرخ وتقول انا مش مجنونه وحاجات غريبه كده
= اديها جلسه كهربا
_ مش هقدر عليها لوحدي يا دكتور وياسر وممدوح اجازه
= طيب ماشي هخلص اللي في ايدي وجاي
” قومت مع نعمات اشوف البت اللي عامله دوشه دي.. واديها جلستين كهربا يمكن تتخمد يومين ولا حاجه ونرتاح ”
~ انا مش مجنونه..ابعدي عني لو سمحتي وبلاش المعامله دي عشان انا عاقله ومش مجنونه
= احم..طيب ممكن تهدي وتفهميني انتي مش مجنونه ازاي
~ انت الدكتور!!
= ايوا
~ يا دكتور اقسم بالله انا مش مجنونه انا عاقله والله..اسألني ف اي حاجه هتلاقيني عاقله بذمتك دا منظر واحده مجنونه!!
” بصيت لشكلها كان شعرها قصير كيرلي ومنكوش.. ولابسه المريله بتاعه المجانين وبتعيط.. ”
= يا انسه الجنان ملهوش علاقه بالشكل… دا خلل ف الاعصاب وممكن تكون نتيجه صدمه واحده او عده صدمات متتاليه
” شافها بتبصله وساكته راح ضحكت بسخريه وقال”
= وانا بشرحلك زي الاهبل ع اساس انك هتفهميني اصلا
~ انا فهماك ع فكره.. انا اصلا كليه اعلام
= عادي جدا..في ناس بتبقي دكاتره ومهندسين و علماء وناس مرموقه ف البلد وبتبقي مجنونه بعد كده عادي
~ انت بني ادم مستفز علي فكره
= ليس علي المجنون الحرج
~ انا مش زفتتت مجنونه بس بقااا
= نعمات.. حضري الكهربا
” وكنت لسه بقرب منها عشان اربطها لقيتها انهارت وقعدت ف الارض وهي بتعيط وحاطه ايديها علي وشها وحالتها كانت مزريه جداا ”
~ انا مش مجنونه والله، ومش عارفه انا جيت هنا ازاي انا صحيت لقيت نفسي هنا.. عشان خاطري خرجني من هنا
” صعبت عليا اوي وهي بتعيط كده ومش عارف ليه احساسي بيقولي اني اصدقها مع اني قابلت ناس زيها كده كتير وكلهم بيطلعو مجانين فعلا في الاخر.. بس ليه لا نجرب مش هخسر حاجه.. طلبت من نعمات تقعدها علي السرير وتجيبلها حاجه تشربها عشان تهدي.. وقعدت جمبها”
= انا مش عايز اضايقك والله بس كل اللي هنا عملوا زيك كده في الاول
~ ممكن تخرس
= افندم!!
~ بقولك ممكن تخرس.. لاني مش طيقاك بجد
” قالت كده وهي لسه بتعيط وانا قعدت دقيقه استوعب هي قالت كده بالسهوله دي ازاي..!! ”
= ماشاء الله يعني مجنونه وقليله ربايه كمان.. اي الهنا دا
_ اهو انت اللي مجنون وابن مجنونه
= علي فكره كلمه كمان وهنسي اني دكتور وانك مريضه وهتزعلي.. ف ياريت نحترم بعض شويه
_ هو انت اصلا دكتور.. دا انت اخرك مُحصِل نور… وقال حضريلي الكهربا حضريلي الكهربا اللهي تتمسك بسلك عريان يجيب اجلك.. قول ان شاء الله
” اتصدمت من جرأتها معايا في الكلام وبالسرعه دي.. مع اني ممكن اقوم اكهربها فعلا عادي.. ف ابتسمت ع شكلها المتعصب وقولت بهدوء ”
= ان شالله انتي
” وكانت لسه هتتكلم بس دخلت نعمات بعصير ليمون ف بصتلها وسكتت.. وانا اخدت العصير من نعمات وطلبت منها تمشي ”
= اتفضلي اطفحي
_ مش عايزه منك حاجه
= ليه.!
_ ممكن تكون حاططلي سم فيه عشان تخلص مني
= احطلك سم ليه هو انا جوز امك.. انا اول مره اشوفك اصلا
_ مليش دعوه مش هشرب.. اشرب منه انت الاول
= بس بس انا عرفت انتي عندك اي.. انتي مريضه وسواس قهري يبت صح!!
_ يعم انا مش مريضه اللهي تمرض.. ومش هطفح حاجه
= عشان تهدي
_ ما انا هااااديه اهووو انت شايفني مجنوووونه
= لا خالص يعني قاعده في مستشفي المجانين ولابسه مريله مجانين وقاعد مع دكتور مجانين.. كل دا مش مبرر اني اشوفك مجنونه خالص
_ بُص انت عندك حق.. بس والله صدقني انا مش مجنونه ارجوك ثق فيا شويه
= اثق فيكي اي.. اذا كانت انتي مش واثقه فيا وفكراني حاططلك حاجه في العصير
_ يعم اشرب ام العصير اللي محيرك دا.. بس هتصدقني صح!!
= خدي اشربي
” اخدت العصير مني وبدأت تشربه واحده واحده في صمت وانا باصصلها وبفكر هو انا ليه بستهبل كده يعني ممكن اقوم واسيبها عادي.. ليه يعني قاعد جمبها ومستحمل كلامها السم دا.. يمكن فضول لان شخصيتها غريبه ومثيره للفضول مش اكتر.. المهم اني قطعت الصمت دا وسألتها ”
= ها اسمك اي بقا
_ شهد
= اسم مش علي مسمي خالص للاسف
_ وانت ع كده اسمك اي يا توم كروز
= تيم
_ اسمك حلو اوي
” سكت حبه مش عارف ارد اقول اي.. هو انا اتكسفت.!! اكيد لا يعني هي مش اول بنت تقولي كده بس هي قالتها بطريقه تلغبط بجد.. ”
= شكرًا
_ اي دا انت اتكسفت ولا اي
” قالتها وهي بتضحكلي وبعدين كملت شرب للعصير عادي وانا ابتسمت كده وقولتلها ”
= لا بس توقعتك هتشتميني زي ما شتمتك
_ اي شغل الحضانه دا.. ما انت اسمك حلو فعلا هكدب لي
= ع فكره وانتي كمان اسمك حلو بس انا كنت بزاولك
_ ما انا عارفه
= عارفه اني بزاولك؟؟
_ لا عارفه ان اسمي حلو
= بت انا عرفت انتي عندك اي.. انتي نرجسيه، دا مرض نفسي وخطر جدا
_ يعم انت عايز تلبسني اي تهمه وخلاص ما تريح دماغك مني
= يعم!! دا اي الرحرحه اللي انتي بتتكلمي بيها دي انا دكتورك
_ دكتور كفته
” حسيت اني زدوتها معاها واديتها حجم اكبر من حجمها انا مينفعش اخليها تكلمني بالاسلوب دا.. دي مهما كانت مجنونه.. ومش معني اني اديتها فرصه يبقي ناخد علي بعض بالسرعه دي.. ف وقفت بسرعه ومثلت الصرامه وقولتلها ”
= لا مش معني اني عاملتك كويس تنسي ان انا دكتور وانك مريضه.. وان كنت اخدت معاكي في الكلام ف عشان انتي مريضه وزيك زي اي حد هنا لازم اسمعله لان دي شغلتي لكن هتطولي لسانك عليا مش هسكتلك
_ انا اسفه والله انا مكنتش اعرف انك هتتضايق انا كنت بهزر معاك
= وتهزري معايا بتاع اي ان شاء الله
_ ما قولت خلاص مكنش قصدي.. متزعلش
= لا ازعل.. عشان دا مش اسلوب بين دكت..
_ خلاص اتفلق
= !!!!
_ انا هروح بيتي امتي
= مش هتروحي لحد ما اشوف ورقك واعرف انتي جايه مع مين وازاي
_ هتعرف امتي
= براحتي بقا.. بكره بعده الاسبوع الجاي الشهر اللي بعده والله ع حسب ما افضي
_ طب اطلع بره بقا عشان هنام ولا انت هتفضل واقف كده
” بصتلها شويه وبعد كده ابتسمت ودخلت علي مكتبي ولحظي الحلو ان النهارده عندي شيفت مسائي وهبات هنا في المستشفي.. فقولت فرصه اني اطلب ورقها واشوفها جت هنا ازاي… والمفاجأه اني اتصدمت لما شوفت ورقها ومكنتش متوقع ازاي يحصل كده وكنت مستني الصبح يطلع عشان اعرف منها كل حاجه.. وع الساعه 2 كده لقيت الباب بيخبط.. ”
= ادخل
_ تيم..!
= اي يا شهد في اي
ردت بعصبيه
_ انت شوف حل في المجانين بتوعك دول انا مش عارفه انام يا اما تسكتهم يا اما توديني حته تانيه عشان زهقت
=!!
- يتبع الفصل التالي اضغط على ( رواية متيم بك ) اسم الرواية