رواية كيد النساء وقهر الرجال كاملة بقلم منى محمود عبر مدونة كوكب الروايات
رواية كيد النساء وقهر الرجال الفصل العشرون 20
كيف الوصول إليك ؟
❈-❈-❈
شادي كان بيسمع ياسمينا واللي ظاهر علي وشه تعابير البرود والا مبالاه لكن من جواه كان في نار قايدة بسبب كلامها … خلصت كلام وانتظرت ردة عليها وهي متوقعه أنه هيزعق أو يثور أو يمشي حتي ويسيبها … لكنة فجاءها لما قال
شادي
ممممم يعني انتي شايفه اني عشان فلسنا وبقينا شحاتين زي ما بتقولي اني اوافق ابقا محلل مقابل مبلغ مادي محترم صح كدة ؟
ياسمينا بترقب
اه صح كدة ومتقلقش مش هنختلف علي المبلغ اللي انت عايزة انا موافقه عليه
شادي قعد مكانة تاني
ممممممم بس انا عندي شرط واحد بس غير الفلوس طبعا
ياسمينا بفضول
شرط ايه دا ؟
شادي بنظرة كلها اشمئزاز
ممنوع اللمس تمام ولا اقوم امشي وتشوفي حد غيري ؟
ياسمينا بغضب واحراج
انت بتقول ايه يا متخلف انت وانت متخيل اني كنت هخليك تلمسني ولا ياسين حبيبي كان هيسمح بكدة اصلا
شادي
ياسين حبيبك قولتيلي … الا هو فين صحيح ياسين حبيبك دا ؟ مش بيحضر الاتفاق يعني معانا ليه ؟
ياسمينا اتوترت بس مبينتش دة أو كانت فاكرة أنها قادرة تسيطر علي توترها وان شادي مش هيلاحظ لكنة لاحظ
ياسمينا
ا موجود طبعا بس يعني الموضوع محرج بنسبالو ف اتفقنا يفضل بعيد لحد ما يخلص عشان ميضايقش وكدة هو اصلا يا حرام حاسس بالذنب أنه السبب أننا نوصل للمرحله دي ف انا محبتش اضغط عليه
شادي
تمام براحتكم … نتفق بقا ع المدة والمبلغ
ياسمينا
المدة هو يوم واحد والمبلغ اللي تحددة انا موافقه عليه
شادي
لا يوم واحد ازاي يعني مينفعش طبعا الماؤذن كدة يشك فينا ويفهم ويرفض الطلاق ومش بعيد يبلغ عننا
ياسمينا باستغراب
يبلغ عننا ازاي يعني وهو احنا هنعمل ايه غلط ؟
شادي بتمثيل
انتي بجد متعرفيش ان في عقوبه سنة سجن وغرامة ماليه لو ثبت أن حد متجوز حد يوم واحد ع أنه محلل ؟
ياسمينا بدهشه
لا طبعا اول مرة اسمع الكلام دا
شادي
اديكي عرفتي يا ستي ع الأقل نخليها اسبوع ونأجر شقه مفروشه نقعد فيها كل واحد في اوضه واخر الاسبوع نعمل خناقه كبيرة مع بعض والجيران يسمعو صوتنا وبعدين اطلقك وبكدة نبقي في الامان ها ايه رايك ؟ وبالنسبة للمبلغ انا مش طماع بما أن مصاريف الشقه طبعا عليكي ف انا هاخد وقت الطلاق ٥٠٠ الف جنيه
ياسمينا كشرت
اي كل دا مش كتير كدة ؟ وبعدين انا مش عارفه بصراحة حوار الاسبوع دا هعمله ازاي انا مش قايلة حاجة ل بابي لأنه مش موافق
شادي ابتسم
متقلقيش هتقولي انك رجعتي شغلك تاني وجالك سفر وبلاش تقولي ل ياسين كمان عشان الاحراج وكدة خلي الكل يتفاجأ انك اتجوزتي واتطلقتي في هدوء من غير اي شوشرة … والمبلغ مش كتير يا سمسم دا يادوب احاول ابدء بيه مشروع صغير
ياسمينا سكتت تفكر بهدوء بس شادي مدهاش فرصه تفكر وفضل يقنع فيها لحد ما اقتنعت فعلا وقامت معاه علي اتفاق أنهم يتقابلو بعد اسبوع كمان تكون ظبطتت فيه نفسها وهو يكون لاقي شقه مناسبه … وانتهت المقابله وياسمينا فاكرة أنها علي بعد خطوة واحدة وتكون مع ياسين حبيبها تاني لكنها متعرفش أنها علي بعد خطوة واحدة من نهايتها هي تماما
❈-❈-❈
الاء نزلت علي الجامعه بسرعه وهناك حكت ل اميرة كل حاجة وهي دموعها نازله مش قادرة تتحكم فيهم وأميرة كانت بتسمعها بتأثر شديد وبعد ما خلصت
اميرة
وبعدين يا الاء ؟ تفتكري يعني الحاله اللي انتي فيها دي هتغير حاجة ؟
الاء
أنا مش عارفه فين الغلط بالظبط اه انا عنيدة شويه وكنت دبش معاه بس ف نفس الوقت بعتله مسج واعتذرت وقلتله انت لك كل الحق يبقي ليه راح خطب ليه. يا اميرة فهميني انا هتجنن
اميرة
يمكن مكنش حب حقيقي من ناحيته … يمكن كان اعجاب بس … يمكن كنتي عروسه مناسبه عشان بنت عمه وعارفك كويس ولما اكتشف صفه العند والردود عندك قرر انك مش مناسبه له حتي لو معجب بيكي … ويمكن حبك واتوجع من ردك وحب يردلك الوجع دا … الاحتمالات كتير اوي يا الاء بس كلها نتيجتها واحدة الموضوع خلص من ناحيتك مينفعش تعملي اي حاجة دلوقتي لا ينفع تقربي ولا تنزلي من نفسك وكرامتك اكتر من كدة هو تراجع وحس أنه تسرع والله اهلا وسهلا بيه في اي وقت كمل ف حوار الخطوبه ولاقيتي نفسك معزومة علي خطوبته يبقي الحوار مات يا الاء ولازم يتنسي تماما فهمه ولا لا ؟
الاء بدموع
بسهوله كدة يا اميرة ؟
اميرة بقوة
لا مش بسهوله بس دا اللي لازم يحصل انا صحبتي مش ضعيفه ولو كان ضعيف ومقدرش يتراجع عن الخطوة اللي خدها دي يبقي مع الف سلامة وربنا يوفقه بعيد عننا بقا واحنا نشوف حياتنا ودراستنا متنسيش أن هند اختك بتمر ب أزمة اه انا طول عمري ضد الحضور والمذاكرة لاني مش بحب الكليه اصلا وشايفه الحضور فيها ملوش لازمة كدة كدة بشد اخر شهر وبنجح عادي بس دلوقتي الوضع اختلف هند محتاجكي جمبها وباباكي وماماتك لازم يشوفو انك قد المسؤوليه دي وانا مش هسيبك لوحدك هكون معاكي وهحضر معاكي والخص معاكي كمان يا ستي انتي مش لوحدك احنا سوا في كل خطوة حلوة وحشه صح غلط تهييس وجنان أو عقل أي وضع هنكون سوا فيه يا الاء اتفقنا ؟
الاء بحب
اتفقنا يا صحبتي انا بحبك اوي يا أميرة ومش عارفه من غيرك كنت هعمل ايه
اميرة ابتسمت
وانا بموت فيكي يا دلوعتي الصغننه يلا بينا بقا المحاضرة فاضل عليها عشر دقائق يادوب ندخل ونلحق مكان
الاء
يلا يا ميرو
❈-❈-❈
امير خلص لف هو وشريف لكن للأسف مكنش ف اي حاجه من اللي شافوها مناسبه للمشروع بتاعهم فقررو انهم ينزلوا تاني يوم يدوروا تاني وامير روح على البيت وشريف طلع على الشركه بتاعته يحاول ياخد اجازه عشان يكون مع امير وهو بيدور
امير وصل ونوال استقبلته وعرفت منه ان شريف في الشركه بياخد اجازه بس لاحظ ان هو اول ما قال كده لامه امه كشرت وسرحت فحاول يعرف منها في ايه
امير
مالك يا ماما سرحتي يعني اول ما حكيت لك في حاجه ولا ايه ؟
نوال
بصراحه كده في حوار كنت هحكي لك عليه كنت محتاجه ان انا انفذه بكره بس انت كده لاغبطتلي كل حاجه باللي انت اتفقت عليه مع اخوك
امير
حوار ايه طيب فهميني واحنا نحله مع بعض
نوال حكيت له كل اللي حصل المكالمه وكلام الشيخ اسامه وان هي عايزه تساعدهم من غير ما تعرف شريف دلوقتي لانها مش ضامنه رد فعله امير سمعها للاخر وبعدين رد عليها
امير
بس يا ماما شريف لو عرف هيزعل جامد وبعدين انتي ضامنه يعني انهم فعلا ما بيكدبوش وان ما تكونش دي تمثليه بيعملوها عشان يرجعوا ثاني في حياتنا وترجع تاني احلام تاخد شريف مننا انت ليه واثقه فيهم كده
نوال
عشان انا اللي شفت مرات اخوك لما تعبت انا اللي كنت معاها هناك وما كنتش عارفه هي فيها ايه بس لما اسماء حكت لي بدات اربط الامور ببعضه وفهمت ده غير ان الشيخ اسامه اكد لي ان الحاجات دي تحصل فعلا يا ابني فرضا ان احتماليه ضعيفه فعلا ان هم صادقين وانهم فعلا زي ما انت بتقول يمكن يكونوا بيمثلوا انا اقدر استحمل ان هم ممكن يكونوا صادقين وانا ما ساعدتهمش ووقفت جنبهم اقدر استحمل ان واحده لجات لي عشان ما ترجعش لطريق الدجل والشعوذه دا وانا قفلت بابي في وشها لا والله ما اقدر ابدا مهما كان هي مين وعملت ايه وخلي بالك لو ربنا كاتب ان احلام ترجع لاخوك هترجع له سواء مثلت عليه او قالت الحقيقه كله مكتوب عند ربنا يا امير
امير
مش عارف بصراحه يا ماما اقول لك ايه بس بصراحه انا خايف اوي من رد فعل شريف
نوال
سلمها لله المهم دلوقتي هنعمل ايه في بكره الشيخ اسامه قال لي ان هو يقدر يجي بكره بدري وهم كمان كلمتهم بعد ما قفلت مع الشيخ اسامه وقالوا لي ماشي لكن حضرتك بقى نازل مع اخوك اعمل انا ايه دلوقتي
امير لسه هيرد عليها لاقي تليفونه بيرن برقم شريف رد عليه وفتح الاسبيكر
امير
ايه يا باشا فينك تاخرت يعني نوال مش راضيه تغديني غير لما انت تيجي
شريف بضيق
قعدوني في الشغل اخلص حاجات متاخره ورفضو يدوني اجازه بكره مش هعرف اخد الا اخر الاسبوع مش عارف اعمل ايه بجد يا امير
امير ابتسم
يا سيدي ولا يهمك خلاص هنزل انا وهنبقى مع بعض دايما على التليفون ولو في مكان عجبني وحسيت ان هو ده هنفتح لايف ونتفرج عليه وندخل البت جودي كمان معانا ويبقى احنا الثلاثه ويبقى كده انت برده مقعدتش من شغلك ولا خسرته
شريف
انت بجد شايف كده يعني مش هتزعل ان انت بتنزل تلف لوحدك
امير
شريف بطل هبل هو احنا لسه عيال صغيره ولا ايه ده شغلك ده اللي بنتكلم. عليه وانت اللي كتر خيرك اللي أن سبته ولفيت معايا النهارده ما تنساش ان المشروع دوا هيبقى شغلي اصلا
شريف
بتقول لاخوك الكبير بطل هبل ماشي ماشي لما اجي لك
امير
المهم دلوقتي هتغدى انا يعني ولا ايه في اليوم اللي مش باين له ملامح ده
شريف ضحك
يا سيدي اتغدى انت انا هتغدى هنا اي حاجه لان مش هعرف انزل من الشركه قبل الساعه 9:00 10:00 بالليل
امير
ماشي يا حبيبي ربنا يعينك خلاص انا من وقت للتاني هبقى اتصل اطمن عليك
شريف
اوكي يا امير يلا سلام
امير
سلام … شفتي يا ستي هي جات من عند ربنا اهو واتحلت خليهم بقى يجوا بكره بس ما تاكديش عليهم الساعه كام بالضبط غير لما شريف يجي ونعرف هو هينزل الساعه كام الصبح
نوال
طيب الحمد لله ربنا ما يحرمكم من بعض ابدا يا ولادي
امير
ولا يحرمنا منك ابدا يا ست الكل هاكل بقى ولا ايه في اليوم ده انا بجد جعان اوي وبعدين فين البت تيا مش سامع حسها يعني من وقت ما دخلت
نوال وهي بتدخل المطبخ
مع اختك بقت مقيمه في اوضه جودي من ساعه ما جبتها وهي ماسكه فيها وتقول لي اصلها بتسليني بدل ما انا قاعده لوحدي زهقانه ادخل لهم على محضر لك الغدا
امير دخل عند جودي وقعد مع بنته وشويه ونوال حضرت الغداء واتغدوا كلهم مع بعض في جو اسري جميل جو نوال كانت طول عمرها بتحلم بيه اي نعم عمرها ما اتمنت ان ولادها يكونوا مطلقين او في مشاكل بينهم وبين مراتتهم بس ده ما يمنعش ان هي مبسوطه بلمتهم حواليها
❈-❈-❈
عاصم ما كانش عارف يركز في اي حاجه من ناحيه حاسس ان الاء فعلا بتحبه زي ما هو بيحبها وحس ان هو تسرع لما اكلم زميله على انه يروح يتقدم لاخته ومن ناحيه تانيه هو مش هينفع يرجع في كلامه صاحبه فرح جدا وبين له ان هم كلهم موافقين عنده في البيت ومنتظرين الميعاد اللي هو هيروح يقرا فيه الفاتحه بفارغ الصبر ازاي هو يقدر يقول له لا اصل انا مش هروح اصل انا رجعت في رايي اصل انا بحب واحده ثانيه
الموضوع كان صعب عليه جدا فرضا ان هو عمل كده وخسر صاحبه للابد مش يمكن الاء بتهزر ولا بتضحك ولا بتعمل مقلب ولا اي حاجه تانيه يمكن تكون بتحبوش ولا حاجه ومعجبه بس بيه ويبص يلاقي نفسه خسر صاحبه عشان ولا حاجه مش ممكن يصحي يلاقيها تاني يوم خرجت مع وليد لمجرد انها تعند معاه هل شخصيه الاء الزوجه المناسبه فعلا بالعند اللي موجود عندها مش ممكن يضر علاقتهم هم الاثنين طب هو شخصيته ورجولته وكرامته وظيفته يتناسب مع شخصيتها هي ولا هو الحب اهم حاجه وبس كلها كانت افكار في دماغه لا كان قادر ياخذ قرار ولا علرف يبطل تفكير واخر ما زهق خد باقي اليوم اجازه وخرج من المكان كله فضل يلف بالعربيه وهو مش عارف يروح فين ولما تعب روح البيت وهرب بالنوم يمكن التفكير يسيبه شويه
❈-❈-❈
اليوم خلص من غير اي احداث تانيه جديده وجه يوم جديد شريف نزل الشغل ونوال اتصلت الشيخ اسامه وباحلام واسماء علشان يجوا في اسرع وقت
امير كان قاعد متضايق وحاسه ان غلط انهم يعملوا كده من ورا شريف وكان خايف من رد فعله هو عمره ما كان قريب من اخوه زي الفتره دي مش عايز اي حاجه تاثر على علاقتهم تاني وفي نفس الوقت ما يقدرش يرفض لنوال طلب خرج من صوت افكاره ده على جرس الباب قام عشان يفتح لاقاه الشيخ اسامه دخله ورحب بيه وطلب من مامته ان هي تتصل بيهم تشوفهم فين وقبل ما نوال تمسك التليفون وترن عليهم كان جرس الباب رن للمره الثانيه وكانوا هما
اسماء كانت مبتسمه بتوتر شويه كانت اهدى من احلام اللي وشها كان شاحب وباين عليها قله النوم وخايفه جدا وكانت محرجه جدا انها ترفع وشها وتبص في وش نوال
نوال وحتى امير اتصدموا من شكل احلام لما شافوها ما يكونوش مصدقين ان في الفتره الصغيره دي تتغير من الشكل اللي كانوا عارفينها بيه للشكل اللي شايفينه بيها مش هي دي احلام اللي كانت بتقول الارض تهدي معاليك قدي اللي قدامهم دي واحده ضعيفه قوي شكلها مكسور
نوال اول واحده قطعت الصمت
نوال
اهلا وسهلا نورتو يا حبايبي اتفضلو ادخلوا اتفضلو الشيخ أسامة جوة ومستنيكم وامير كمان موجود
اسماء بحرج
شكرا يا طنط والله احنا بجد مش عارفين نقول لحضرتك ايه
نوال ابتسمت
ولا اي حاجه يا حبيبتي تعالوا اتفضلوا تعالوا
دخلوا اوضه الصالون امير موجهش ليهم اي كلام لا بالترحيب ولا بالذم الشيخ اسامه سلم عليهم وطلب من احلام ان هي تحكي له كل حاجه بالتفصيل الممل كل حاجه بتشوفها كل حاجه بتحس بيها كل حاجه بتسمعها مهما كانت الحاجه دي صغيره او هي فاكره انها تافهه وما لهاش لازمه هو كان عايز يعرفها
وبدات احلام تحكي ورغم ان اسماء كانت عارفه اللي بيحصل لاختها بس احلام ما كانتش بتحكي كل حاجه ل اسماء عشان ما تخوفهاش فاسماء كانت كانها بتسمع الكلام ده كله لاول مره كانت مصدومه من كم الحاجات اللي اختها كانت بتشوفها وعايشاها لوحدها وهي مش معاها فيها كانت حاسه بالذنب اكتر واكتر لان هي اللي عرفتها على مندوه من البدايه
احلام فضلت متماسكه مده طويله وهي بتحكي بس كل ما كانت بتحكي تفاصيل اكتر كل ما كان صوتها بيتخنق بالعياط اكتر واكتر لحد ما دموعها فضل ينزلوا من غير ما تقدروا تسيطر عليها
صعبت على كل اللي موجودين دموع اسماء نزلت بوجع على اختها ودموع نوال نزلت حتى امير كان باصص عليها بحزن واتاكد انها ما بتمثلش واتاكد ان قرار مامته كان صح وانها فعلا محتاجه مساعده
الشيخ اسامه كان بيسمعها بتركيز محاولش يقطعها ولا مره لما خلصت خالص بدا هو يسالها اسئله تبان انها عاديه جدا لكن بالنسبه له كانت مهمه جدا وكان اولهم من وقت ما تابت استغفرت وندمت التزمت في الصلاه ولا لا واجابه احلام كانت انها ملتزمه جدا في الصلاه ومهما كانت تعبانه ومهما كانت بتشوف او بتسمع الا انها بتفوتش ولا فرض وعلى قد ما بتقدر بتقيم الليل وبتقرا قران كتير حتى انها بتفكر تروح لمحفظة عشان تبدا تحفظ
الشيخ اسامه سال اسئله كتير جدا تقريبا خدوا حوالي ساعتين ونص او ثلاث ساعات في القعده دي بس احلام بتحكي والشيخ اسامه بيسال ويا دوب الشيخ اسامه كان هيقول لها تعمل ايه اتفاجئوا كلهم بان الباب بيتفتح وبان شريف واقف قدامهم
- يتبع الفصل التالي اضغط على (رواية كيد النساء وقهر الرجال) اسم الرواية