رواية اتجوزني عشان اربيله ابنه الفصل العشرون 20 - بقلم رحاب القاضي

 رواية اتجوزني عشان اربيله ابنه (كاملة جميع الفصول) حصريا عبر دليل الروايات بقلم رحاب القاضي

رواية اتجوزني عشان اربيله ابنه الفصل العشرون 20

_اتجوزني علشان اربيله ابنه«٢٠».. 

ــــــــــــــــــــــــــــــــــــــــــــــ 

لما عدت عربيه سودا كبيره وطلع منها ناس مُسلحين و ضربو نار علي معتز وعيلته ومعتز اتخبي هو اهله بسرعه ورا العربيه بتاعته قبل ما حد منهم يتصاب وكان كلهم ميتين من الرعب وخصوصا اياد اللي فضل يصرخ وماسك في مريم بخوف.. والحراس اللي كان معينهم معتز كانو بيحاولو يوقفوهم بس ما قدروش.، فطلع معتز سلاحه وقال لباباه.... 

معتز بجمود

بابا انا هطلع امنلك الطريق وانت خدهم وادخل  بسرعه.. 

مريم بخوف 

هتطلع فين انت اتجننت، انت مش هتتحرك من هنا.. 

الفت بخوف

معاها حق احنا اصلا لو حد فينا اتحرك من ورا العربيه هيموت.. 

معتز بحده 

انا بشوف اكتر من كده في شغلي ومتعود، يلا يا بابا.. 

فاروق 

يلا يا جماعه عشان كده وجودنا خطر.. 

_ اتحرك مغتز وبكل مهاره وقدر يصيب اكتر من حد من رجالة فخري وخلاهم انشغلو فيه هو واهله دخلو جوه البيت، وبعد شويه الرجاله دي مشيت بعربيتهم.. 

معتز بحده 

فتحي.. 

فتحي 

تحت امرك يا معتز باشا.. 

معتز بضيق 

كلم شركة الامن واطلب عدد اكبر بامر سخصي مني اناا.. 

فتحي 

تحت امر حضرتك.. 

_طلع معتز بيتهم واول ما دخل بص لزيزي بحده وقال لباباه.. 

معتز 

حضرتك لو سمحت رجع البنت دي مكان ما كنت بتقابلها وعايز تروح معاها اتفضل، انما تقعد. هنا مستحيل..

فاروق بضيق

انت ليك عين تتكلم، انا مش نبهت عليك تخلي شغلك بعيد عن عيلتي.. 

معتز

اقسم بالله انا علي اخري ومش عايز اخرج عن شعوري لاني لسه محترم انك ابويا، بس كله الا انك تيجي علي كرامة امي ده مش هسمحلك بيه ابدا.. 

الفت بحده 

معتز اياك تتكلم مع باباك تاني كده فاهم، واياً كان اللي حصل اوعي تدخل فيه ولما اطلب منك تدخل ابقي اتكلم واعتذر دلوقتي حالا لباباك علي طريقتك الوقحه دي يلاااا.. 

اتملت عين معتز دموع وقال لباباه

شايف اللي انت روحت اتجوزت عليها عيله اصغر من ابنك بتعمل ايه وبتتصرف ازاي، انا مش هتكلم لاني متعود اسمع كلامها لانها هي الوحيده اللي ربتني انت مكنش ليك اي وجود في حياتي.. 

فاروق 

عايزني امشي من البيت يا معتز بتطرد ابوك.. 

الفت 

انا هقعد مع ابني فوق وانت ومراتك ليكم شقتكم ونتكلم وقت تاني في اللي حصل، يلا يا مريم هاتي اياد وتعالي.. 

زيزي بقلق

سي فاروق هو انا همشي ولا هقعد دلوقتي؟.. 

فاروق بضيق

ادخلي ارتاحي جوه انتي يا حبيبتي عشان البيبي.. 

اتصدم. معتز ومريم قالت

احلف؟.... 

فاروق 

اييه هو عيب ولا حرام انا متجوزها علي سنة الله ورسوله.. 

معتز مسك مريم من ايدها وقال

يلا بينا يا مريم.. 

_وطلعو هما فوق، ومعتز مسك ايد مامته وباسها وقال.. 

معتز

ممكن ما تزعليش انتي مش زمان كنتي لما هو يزعلك بتقوليلي انت ابويا واخويا وجوزي وابني، انا هفضل كده بس بلاش تزعلي وغلاوتي عندك.. 

الفت مسحت دموعها وابتسمت وقالت 

وانا ازاي بس هزعل وانا عندي ابن زيك، بس خلي بالك من نفسك ومش هلومك علي اللي حصل تحت بس افتكر خوف اياد ومراتك وافتكر اننا احنا التلاته محتجينلك وخاف علي حياتك يا معتز.. 

اتنهد معتز بضيق وقال

حاضر يا ماما انا هروح اطمن علي اياد جوه وهرجع اروح شغلي.. 

الفت 

ماشي يا حبيبي.. 

_دخل معتز اوضته ولقي مريم منيمه اياد في حضنها وبتطبطب عليه، ابتسم غصب عنه وقال بصوت واطي وهو بيقعد جنبيها.. 

معتز 

اهو انتي اللي بيتقال عليكي بجد النظره في عنيكي بالدنيا.. 

مريم بغيظ 

وليك نفس تقول كلام حلو، احنا كنا هنموت تحت انت واخد بالك.. 

معتزز

واغلي حاجه عندك مش طالبه عتاب دلوقتي، خلي بالك بس من اياد واديه لماما تنام جنبيه عشان ما تبقاش لوحدها.. 

_وراح عند الدولاب وقلع الجاكيت اللي كان عليه تراب ولبس واحد غيره، نيمت مرب اياد علي السرير ووقفت قدامه وقالت.. 

مريم 

انت رايح فين وسايبنا لوحدنا؟.. 

معتز 

محدش هيعملكم حاجه دول جم يهوشو عليا ويخوفوني مش اكتر.. ماشين بمبدأ العيار اللي ما يصيبش يدوش.. 

مريم بدموع 

انا بجد خايفه يا اخي انا من لما عرفتك وخطف وتهديد وضرب نار وابوك وامك هيطلقو انت مش واخد بالك اني وشي وحش عليك بجد.. 

ضحك معتز وقال

ههههه بصراحه واخد بالي، بس انتي بالذات لو حياتي هتبقي جحيم بس انتي معايا فيها موافق.. 

مريم ابتسمت وقالت 

خلاص يا باشا اتثبت يلا طريقك اخضر.. 

معتز باسها من خدها وقال

ما تخافيش انا مش هتاخر شويه وراجع.. 

_ومشي معتز علي شغله... واول ما وصل قال للواء علي اللي حصل.. 

اللواء

طيب ممكن تهدا يا معتز واحنا هنلاقي حل.. 

معتز بحده 

يا باشا بقولك حياة عيلتي كلها كانت في خطر، كانو ممكن يموتو قدامي فمتستناش مني اهدي خااالص عشان فريقك بيستهبل وبيلعب ومش عارفين يقبضو علي مجرم ماشي يعمل اللي علي كيفه ولا كأنه عامل حاجه.. 

اللواء

انا مش هاخد علي كلامك عشان مقدر الوضع اللي انت فيه، بس ايااك تاخد اي اجراء غير قانوني في القضيه دي فاهم ولا لا؟.. 

معتز بحده 

وانا هستني القانون لحد ما حياة اهلي تدمر، انا اسف انا هكمل شغلي بمزاجي وهدي لحضرتك علم عشان ابقي ماشي حسب القانون.. 

اللواء بعصبيه 

انت بتخالف اوامري يا حضرة الظابط، طيب ايه رئيك ان القضيه اتسحبت منك.. 

معتز

تمام انا هقدم شكوي في الدخليه ان حضرتك اللي معطلني عن القبض علي يوسف فخري.. 

اللواء اتعصب

انت غبي يا معتز انا خايف عليك عايز ابعدك عنهم، ونحكم عقلنا ومش خوف منك قد ما هو عليك.. 

معتز 

لو خايف عليا بجد سيبني اتصرف يا باشا انا عارف انك بتحبني بس ثق فيا ارجوك.. 

اتنهد اللواء وقال

اقعد يا معتز وقولي ناوي علي ايه؟.. 

ــــــــــــــــــــــــــــــــــــــــــــــ 

_في بيت فخري دخل اوضة ندي كانت نايمه، فزعق فيها وقال.. 

فخري

انتي يا بت قومي يلاا.. 

ندي بخوف 

انتو عايزين مني ايه حرام عليكم.. 

فخري

نفسي افهم فيكي ايه يخليه يتجوزك انتي، رغم اني كنت عايزه ياخد بنت حسب ونسب، بس اختار بنت رخيصه زيك.. 

ندي بعصبيه 

انت وابنك اخر ناس تتكلم علي الرخص يا قتالين القتله.. 

فخري

طيب اتنيلي قومي هيوصلوكي لجوزك اللي مش عارف يعيش من غيرك.. 

ندي بخوف 

لا انا قاعده هنا مش عايزه اروحله.. 

فخري

انا عامل حساب لحفيدي اللي في بطنك، فاتلمي وقومي بدل ما اخدك من شعرك اوديكي ليه..

_قامت ندي ولبست حجابها وراحت معاه بره ركبت عربيه وكانت الدنيا ضلمه اووي ووصلت بعد. شويه لبيت وسط زرع كتير واول ما دخلت كان يوسف قاعد علي كرسي وحاطط رجل علي رجل واول ما شافها ابتسم وقال.. 

يوسف

حتي وانا في اسوأ ايام حياتي عايزك معايا.. 

ندي ببكاء

بقيت خايفه منك وبكرهك وندم عمري اني صدقتك يا يوسف.. 

يوسف بدموع

وانا ما كدبتش عليكي، انا عيشت معاكي بكل حاجه كان نفسي اعيشها مع الناس كلها، كنت بمد ايدي عليكي وكنت بزعلك بس عشان خايف تسبيني وانتي الحاجه الوحيده اللي يوسف بيرتاح معاها.. 

ندي ببكاء

انت قتلتها قدامي مش قادره انسي اللي شوفته منك، لو بتحبني بجد سيبني.. 

قام وقرب منها وهي رجعت لورا وقال 

مستحييل اسيبك يا ندي، انتي اللي عايش عشانها،، في كل مره كنت ممكن اموت فيها في اي مشكله كنت بخاف علي نفسي عشان افضل معاكي.. 

ندي ببكاء

كرهتك والله كرهتك وقرفت منك ومن نفسي عشان واحد مريض زيك بيحبني.. 

ـ خلصت كلامها وضربها هو بالقلم فوقعت علي الارض وهو كان متعصب جدا وزعق فيها وقال.. 

يوسف 

مش مسموح ليكي تكرهيني يا ندي فاهمه انتي هتفضلي عايشه ليا وبتحبيني وبس وقريب اوي هنبعد عن كل ده وهنعيش لوحدنا.. 

ندي ببكاء وعصبيه 

انا عندي اموت ولا اني اعيش معاك يا يوسف.. 

_اتنهد بضيق وسابها وطلع قعد بره علي الارض وهو مدايق جدا.. 

ــــــــــــــــــــــــــــــــــــــــــــــ 

_ وبعد يومين دخل معتز بيته بالليل وكان الكل نايم، دخل اوضته لقي مريم نايمه علي السرير وهي حاضنه المخده، وكالعاده اول ما شافها ابتسم وراح غير هدومه ونام جنبيها.. 

مريم فتحت عينيها وقالت

لا ده انت غبي بقي انا عامله نفسي نايمه علي فكره.. 

ضحك وقال

بجد طيب خلاص من الاول بقي وانا هعمل نفسي واخد بالي.. 

ضربته بالمخده وقالت

لا ما خلاص يا رخم الحماس راح، واتفضل نام علي الكنبه بقي او روح نام مكان ما كنت ما انت بقالك يومين مدخلتش البيت لا وكمان مانعني انا واياد نطلع بره البيت. 

معتز بضيق

اصلا مش عايز ادخل البيت، مش عايز اواجه بابا ولا عايز اشوف امي موجوعه يا مريم.. 

مريم. 

بسيطه ما تبصش عليهم، تعالي بالليل زي كده.. 

معتز 

ممكن. احضنك؟.. 

مريم بتوتر

ايه ده انت فجأتني طيب قول مقدمات... 

معتز بخبث

ما هي دي المقدمات.. 

مريم بعدم فهم

مقدمات لايه بالظبط؟.. 

معتز 

امم. لسه صغيره وهتتعبيني معاكي بغباءك ده.. 

مريم 

انت بتكلم نفسك يا معتز... 

معتز بغيظ 

مريم من الاخر كده نفسيتي زي الزفت و كل حاحه بس النهارده دخلتنا... 

قامت بسرعه من جنبيه وقالت

والله العظيم لو قربت مني لارقع بالصوت.. 

معتز قرب منها اووي وقال

ولا هيفرق معايا ده انتي طلعتي عين امي لحد. ما اتقفل علينا باب لوحدنا يا شيخه.. 

ــــــــــــــــــــــــــــــــــــــــــــــ 

_في بيت ناهد مامت حازم، كانت مي بايته عند نيره.. 

مي

لا انا اتحمست اتعرف علي مريم دي، بجد كلامك عنها موتني ضحك.. 

نيره 

اكتر بني ادمه واضحة قابلتها في حياتي طفله اللي جواها زي اللي براها بالظبط؟.. 

مي

طيب بعيد. عن مريم دي، حازم نظامه ايه؟.. 

نيره بضيق 

مش بشوفو خالص بيجي لخالتو وانا في الجامعه، اصلا كده احسن لينا.. 

مي 

حرام عليكي والله ده بيحبك جدا... 

نيره 

عارفه بس انا خايفه ومحتاجه وقت وهو مش مقدرني يبقي خلاص بلاها الموضوع من اساسه.. 

دخلت عندهم ناهد وقالت

نيره تعالي كلمي حازم عايزك، منورانا يا مي يا حببتي.. 

مي

بنور. حضرتك يا طنط.. 

_طلعت نيره وكان حازه واقف في البلكونه قربت منه وقالت وهي مدايقه.. 

نيره

نعم؟.. 

حازم 

هروح لعمر اخوكي وهخطبك منه.. 

نيره 

هو لوي دراع يعني؟.. 

حازم 

هو انا لمسك دراعك اصلا ايه الافتري ده.. 

نيره بضيق

نتخطب الاول مشزهنتجوز علي طول وهوافق.. 

حازم 

طيب تمام انا معاكي اهو تاني للاخر، هنتخطب ليه عشان نتعرف علي بعض، تحبي اقولك مقاس جزمتك كام، بلاش دي تحبي اقولك وزنك وطولك كام  بلاش دي، تحبي اقولك اكتر اكله بتحبيها لونك المفضل بتحبي ايه بتكرهي ايه وانا واثق انك عارفه عني كل ده يبقي لازمة ميتين ام الخطوبه ايه تعبتيني يا نيره معاكي اقسم بالله.. 

نيره بتوتر 

محتاجه وقت عشان اتعافي من اللي حصل.. 

حازم بغيظ 

لا بقي ده دلع وبرود، بس انا اللي غلطان.. 

نيره 

طيب بص اسمعني اا.. 

قاطعها وقال

بلا اسمعك بلا تسمعيني قال تتعافي قال انا بقيت خمسه وتلاتين سنه ولسه عايزاني استناكي تتعافي، بس انا ما اتربيتش انا بفتح الموضوع تاني ليه، اتجوز ليه واحده معقده زيك محتاجه تتعافي انا اتجوز وحده صالونات تخلفلي عيلين ونربيهم وكده زي الفل.. 

نيره بقلق 

يا ابني اسمعني انا عايزه اقولك اني مو... 

زعق فيها وقال

خلصنا خلاص بس هو فعلا الحب خساره في الناس الغداره، لسه قريها علي توكتوك وانا جاي اتاريها كانت اشاره.... 

نيره بغيظ 

امشي يا حازم انت صح،بس يا غبي انا كنت عايزة اقولك هفكر.. 

حازم 

بصي هو بكره بعد ما اجي من الشغل هنروح نجيب الشبكه ولا لا؟.. 

نيره 

خليها بعد الامتحانات انا فاضل شهر بالظبط... 

حازم 

تمام خليني وراكي اما نشوف اخرتها.. 

ــــــــــــــــــــــــــــــــــــــــــــــ 

_تاني يوم الصبح معتز رن علي مريم اللي ردت عليه وهي نايمه وقالت.. 

مريم 

ايوه مين؟.. 

معتز بحده 

مليون مره اقولك ما ترديش علي اي حد غير لما تشوفي اسمه.. 

قعدت مريم بسرعه وقالت

معتز انت فين قومت امتي من جنبي.. 

معتز 

قومت الصبح روحت الشغل وما رضيتش ازعجك، بس رنيت اصبح عليكي واقولك صباحيه مباركه يا عروسه.. 

اتكسفت مريم وقالت وهي مبتسمه 

احمم طيب يعني كنت خليتك اجازه النهارده.... 

معتز 

كان علي عيني بس منها لله اللي ضيعت الاجاازه مننا الاول.... 

مريم 

معتز ممكن اروح الحضانه انا واياد بقي، هو عنده حاجات مهمه ولازم يخلصها عشان السنه الحايه هيدخل المدرسه.. 

معتز بضيق 

معلش يا مريم الفتره دي وهانت بجد وهنخلص من كل حاجه، بس انا كده مرتاح وانتو في البيت ومش بتخرجو... 

_جات ترد عليه بس سمعت صوت فاروق بره فقلقت ليسمعه معتز وبجي وتحصل مشكله فقالتله.. 

مريم 

معتز معلش يا حبيبي هقغل دلوقتي عشان اياد صحي باي.. 

_قامت غيرت هدومها بسرعة وطلعت، لقيت فاروق واقف متعصب والفت كمان.. 

فاروق 

انتي السبب انتي اللي كرهتي معتز فيا.. 

الفت 

انا اللي خليته يكرهك، ولا تصرفاتك اللي هي السبب؟.. 

فاروق بحده 

لا انتي السبب فيها ايه لما اتجوز واحده صغيره مدام في الحلال،حبيتها رجعتني صغير تاني وانا حر مش همشي علي مزاجك انتي وابنك...  

الفت بدموع 

انت مالكش دعوه بابني فاهم ولا لا، ده مش ابنك لان ما فيش اب محترم يعمل زيك.. انت بجد بجح با فاروق بقي بعد ما مديت ايدك عليه قدام مراته وابنه وهو اطول منك، وجاي بعدها بكل برود تقول ابني، اوعي تفتكر اني لما وقفت في وشه كان عشانك انت، لا لا انا مش عشانك ده عشان خايفه عليه من الهوا.. 

مريم بلق

خلاص يا طنط عشان خاطري..

فاروق بضيق

براحتك يا الفت بس انسي بقي موضوع الطلاق والكلام ده عيب علينا.. 

مريم بصوت واطي

شوف مين بيتكلم علي العيب.. 

فاروق

بتقولي ايه يا مريم.. 

مريم 

بقول صباح الفل، ما تخليك تفطر معانا.. 

فاروق

انا ماشي.. 

مشي فاروق مريم قالت لالفت

ممكن ما تزعليش هما الرجاله كده، انداال... 

الفت مسحت دموعها وقالت

هدخل اكمل الفطار مع ناديه، وانتي صحي اياد.. 

مريم 

من عينيا حاضر.. 

ــــــــــــــــــــــــــــــــــــــــــــــ 

_ وبعد اسبوع وكام يوم كانت مريم في المطبخ، ودخل عندها معتز وقال بخبث.. 

معتز. 

جاي بدري انا النهارده مخصوص. علي فكره... 

مريم بتوتر

اممم اهلا وسهلا نورتونا... 

معتز بغيظ 

ما تستهبليش، وبعدين من امتي بتغسلي اطباق انتي.. 

مريم. بقلق 

من دلوقتي .. 

معتز

سيببي ده كله وتعالي نقعد شويه مع بعض.. 

مريم 

مش بحب انام بدري وو ومامتك بره مستنياني اشوف معاها المسلسل .. 

معتز

اخلصي يا مريم ما تخلنيش اتغابي عليكي.. 

_ودخلت عندهم الفت وقالت بضيق.. 

الفت 

معتز تعالي كلم زيزي مرات ابوك بره عايزاك.. 

مريم بغيره 

نعممم لا هو مش هيكلم حد.. 

معتز بتفكير

لا هشوفها وهرجعلك يا مريم.. 

مريم 

رجلي علي رجلك يا معتز.. 

الفت بحزن 

انا داخله انام.... تصبحو علي خير.. 

_طلت معتز ومعاه مريم، وكانت زيزي قاعده متوتره وقال معتز.. 

معتز 

نعم عايزه ايه.. 

زيزي 

ممكن اتكلم معاك كلمتين  لوحدنا. 

مريم بغيظ

لا معلش انا جوزي مش بيكلم حد غير قدامي..

زيزي بقلق 

حاجه مهمه اووي يا باشا لو سمحت.. 

معتز بجمود 

ادخلي اوضتك جوه يا مريم.. 

مريم 

بقي كده ماشي وحياة امك  ماشي وابقي بات علي الكنبه النهارده عندك.. 

.. 

دخلت مريم اوضتها ومعتز سال زيزي بجمود 

عايزه ايه انجزي.. 

زيزي 

انا ممكن اقولك علي مكان يوسف فخري هو هربان قاعد فين؟،.. 

معتز بحماس 

انطقي هو فين؟.. 

زيزي بقلق

بس عندي شرط الاول؟... 

معتز بجمود؟.. 

ــــــــــــــــــــــــــــــــــــــــــــــ 

_في بيت سيف، موبيله رن وهو نايم، رد وقال... 

سيف 

ايوه يا خالد في ايه... 

خالد 

الواد عمر معاد زبارته النهارده، هنعمل ايه دلوقتي.. 

سبف بكل حقد قال

تمام عايزك تهربه وتقعده في مكان امان وتمسكه سلاح، عشان ناسعده يجيب حقه ويغسل شرفه.... 

خالد 

تحت امرك يا بيه.. 

قفل خالد وقال سيف لنفسه.. 

سيف بحقد 

فاكرين اني توبت قال، ده. انتو كلكم هتدفعو تمن اني لوحدي وانتو كل واحد بقي مبسوط،وخصوصا نيره اللي كانت عايزه تموتني والظابط اللي خد مني حبييتي..

‌_تفتكرو ايه اللي هيحصل ؟.. 

_الناس اللي كانت هتحب سيف وصدقته عاملين ايه؟ 😁🙈

 

  •تابع الفصل التالي "رواية اتجوزني عشان اربيله ابنه" اضغط على اسم الرواية