رواية احباء يجمعهم القدر (كاملة جميع الفصول) حصريا عبر دليل الروايات بقلم لولا
رواية احباء يجمعهم القدر الفصل الثاني و العشرون 22
ليلي بصدمه ورعب نطقت بتقطع ل لم لميس
لميس بصدمه ليليييي
ليلي بخوف دقات قلبها عليت اوي فاكملت بتوتر نعم عايزه ايه
لميس دخلت واكملت بضحك ليلي ايه بقي ده احنا نقول المرحومه ليلي طلعتي من البحر امتي يابت او الشيخه ليلي اتحجبتي وتوبتي وتوبتي معتز معاكي مش كده
ليلي بتوتر لميس انتي جايه هنا عايزه ايه
لميس بعصبيه انتي اللي طلعتيلي من انهي داهيه يا زباله وغيرتي حبيبي وخدتيه مني ولاحظت السلسله في رقبتها فاكملت بضحك الله ده كده انا فهمت هو انتي بقي الحب القديم
ليلي بعدم فهم مش فاهمه حب قديم ايه
لميس بعصبيه مش مهم تفهمي بس انا فهمتتتت وفهمتتت ليه معتز اتغير معايا ومع كل الناس رجعتي يا حيوانه بعد كل ده ورجعتيه ليكي ورجعتي شخصيته القديمه اللي انا موتها بس ملحوقه هندمك يا ليلي علي كل ده وهحصر قلبه عليكي وبصت لرجالتها واكملت خدووها
ليلي بعياط سبيني يا لمييس اوعي يا حيوان منك ليه فضغطت علي الاسوره وهي بتعيط وبتدعي يجي يلحقها
فهد لاحظ ان ايده نورت واستغرب ان ليه لو عوزاه متصلتش فاتصل بيها
لميس بعصبيه هششش صوتك مش عايزه اسمعه خالص ومسكت فونها واكملت بضحك ده عشيقك يا شيخه ليلي طب عملالي فيها محجبه ومحترمه ليه وانتي مقعداه معاكي
ليلي بحده ليه هو انتي فكراني زيك رخيصه ده
لميس بمقاطعه اكملت بعصبيه انا هوريكي الرخيصه دي هتعمل فيكي يا زباله وردت
فهد بقلق في ايه يا حبيبتي عاوزاني
لميس بضحك حبيبتك ده انا طلعت احساسي صح بقي
فهد قلبه وجعه واكمل بصدمه لميس
لميس بضحك اه ياروحي لميس عايز السكره تيجي بقي انت عارف المكان كويس اوي بس يا تلحقها يا متلحقهاش يا معتز باي ياروحي
وقفلت السكه
فهد بخوف ودموع لالالا يا بنت الكلب وصلتلها ازاااي لا لا مش هسمحلها مستحيل اسمحلها تأذيها حتي لو التمن حياتي اعمل ايه ياربي دلوقتي اعمل ايه يارب احميها يارب وساااق باقصي سرعه
عند ليلي
لميس بحده خدروها ويلا
فعلا الرجاله خدروها وخدوها حطوها في العربيه ومشيوا
في العربيه
لميس بخبث بقيت معايا يا جمال بيه
جمال بضحك حلو اوي وانا هجيلك خلاص كانت كويسه تطلعيهالي مش كويسه تنزليها تحت تتشغل زيها زيهم لحد منا اتصرف مع الكلب ده
لميس بس انت قولتلي مش هتقتله صح
جمال بخبث طبعا
لميس تمام باي
جمال باي
في بيت ليلي وفهد
فهد وصل وطلع زي المجنون
فهد بدموع وخوف ليلي ليييلييي وملقهاش فضرب التربيزه برجله جامد واكمل بدموع يااااارب يااارب اعمل ايييه ياااارب هنقذها منهم اازااااي بجد يااارب انا اتغيرت وانت شايف وعارف اديني قدره احاربهم ياااارب ونزل بكل سرعته وركب عربيته واتجه للفندق
———————————–
في فيلا العامري
نفين هي روح اخبارها ايه يا شروق
شروق والله يا طنط بتتحسن كتير اهو الحمدلله وبقيت تمشي واحده واحده بس يأست خالص علشان بقالها شهر بتتعالج ولسه تحسن بسيط
تولين لازم يكون عندها صبر واراده مش سهل كده بردو بس باذن الله هتقوم وهتبقي زي الفل
شروق بتنهيده يارب بجد يا تولين وبصت لفارس واكملت مالك يا حبيبي متاكل
فارس بقلق مش عارف مليش نفس قلبي مقبوض اوي وخايف
شروق بستغراب ليه يا حبيبي مالك
فارس بخنقه نفخ واكمل مش عارف بس مخنوق شويه
شروق طبطبت عليه واكملت اهدي يا حبيبي واطلع صلي وباذن الله هتتحسن
فارس بتنهيده هعمل كده فعلا
نفين كلي يا شروق انتي كمان مالكم يا ولاد
شروق بتعب لا انا مش قادره ومليش نفس خالص
تولين يابنتي انتي مبتاكليش خالص الايام دي هتفضلي تخسي لحد ما هتختفي
شروق بضحك لا متقلقيش عليا يا تولي انا زي الفل
فارس طب كلي يا شروق فعلا اكلك بقاله كام يوم مش عاجبني خالص
شروق بقرف بجد مش عايزه بطني واجعاني وقرفانه من اغلب الاكل
تولين بصت للداده بابتسامه والداده فهمتها وابتسمت بفرح
شروق لاحظت فاكملت مالهم دول
فارس بصلها واكمل هما مين
شروق بضحك اختك وطنط نفين بيضحكوا لبعض هو انا قولت حاجه عيب
فارس وهو بياكلها اكمل سيبك منهم انتي قولتي ايه يعني انتي قولتي قرفانه من اغلب الاكل وبطنك واجعاكي مفيش حاجه تضحك وبعدين استوعب واكمل بفرح لحظه لحظه انتي قولتي ايه قرفانه من اغلب الاكل وبطنك واجعاكي ???
شروق بضحك اه مالك يا فارس شمتان فيا ولا ايه
فارس بفرح انتي هبله لا طبعاااا
نفين بفرح بصراحه احنا شاكين انك حامل يابت ياشروق
شروق بضحك لا بتهزري مش معني كده اكون حامل يا طنط
تولين بفرح انتي ايش عرفك انتي اصلاااا وبعدين مش واخده بالك من طريقتك اخر فتره بتنامي كتير وكسوله اوي وبتقرفي ايه كل ده عادي
فارس بفرح يانهااار ابيض يعني انا خلاص 9 شهور وهبقي اب
شروق بحزن فارس حبيبي احنا مش متاكدين ممكن متتعشمش اوي علشان متزعلش
فارس بضحك انتي هبله ازعل اييه بس ما لو مش دلوقتي بعدين المهم هيحصل يا حبيبتي متقلقيش مش هزعل
تولين بمرح ثواني اطلع الصيدليه اللي علي اول الشارع اجبلك التيست واجي
شروق بحزن جماعه بجد اهدوا علشان شيفاكم تخيلتوا كتير وعشتوا الموقف كأنه حقيقي
نفين بضحك هيبقي حقيقي انشاء الله قولي بس يارب
شروق بحب يارب
فارس بحب اميين يارب
وفعلا تولين راحت جابت التيست وادته لشروق
تولين وهي بتزقها للحمام اكملت يلاااا بقي ومتطلعيش غير لو عمل شرطتين علشان مقتلكيش
شروق بضحك بلعافيه يعني افرض مش حامل
تولين بضحك تكاثري ذاتيا واعمليه شرطتين بردو المهم لازم شرطتين ولازم بعد 9 شهور ابقي عمتو
شروق دخلت وقفلت واكملت بضحك عمتو العقربه
تولين شايف مراتك
فارس بضحك عندها حق الصراحه
تولين ضربته في صدره واكملت ماااشي اما خليت ابنك او بنتك يحبوني اوي مبقاش انا تولين
فارس بحب ده كده كده هيحبوكي
تولين بابتسامه حبيبي انت والله
في الحمام شروق عملت الاختبار وواقفه مستنيه تشوف النتيجه ومتوتره ومبسوطه وخايفه واحاسيس كتير جواها هي مش عارفه تفهمها وفاجاه قطع حبل افكارها وتوترها ظهور الشرطه التانيه واللي بتعلن عن حملها
شروق بدموع فرح لا بتهزر
فارس من برا ها يا حبيبتي عملتي ايه
شروق فتحت الباب وطلعت
نفين ها طمنينا
تولين يابت وترتي اهلنا
شروق بدموع فرح رفعت التيست واكملت انا حامل يا فارس
فارس بفرح والله العظيم بجدد يعني طلعتي حامل
شروق ورته التيست واكملت بدموع فرح اه الحمدلله بجد
فارس حضنها ولف بيها من الفرح
نفين بفرح لولولولولولي يا نورعيني قولتلك هتبقي حامل نزلها يا فارس براحه عليها يابني
فارس نزلها علي الارض وهو حاضنها واكمل بدموع فرح مغلطش لما قولتلك دخلتي حياتي خلتيها احلي يا شروق والبيت اللي مكنش ليه صوت وكئيب بوجودك هيبقي فيه طفل يعمله بهجه وصوت فرحتي بحملك اكبر من ما تخيلت ونعم ربنا اعظم اللي هو انا اتمنيتك انتي بس وكان عندي يأس وان ازاي هلاقيكي بس عوض ربنا عظيم ولقيتك واتجوزتك وانهارده كملتي فرحتي بيكي وحققتي حلمي وبقيتي شايله ابني او بنتي حقيقي فرحتي مش عارف اوصفها
شروق وهي في حضنه اكملت بدموع فرح ده انا اللي هموت من فرحتي ان ربنا كرمني منك بطفل حقيقي خدت اكتر من كل اللي اتمنيته وكده امنيه عيد ميلادي اتحققت وبوجودك انت وابننا او بنتنا انا مش هعوز حاجه تاني
فارس بحب باس جبينها واكمل بحب ربنا يخليكي ليا ويقومك بألف خير يا نورعيوني
شروق بحب يارب بجد
تولين حضنتها واكملت بفرح قولتلك هبقي عمتو الحمدلله بجد يا قلبي عقبال ليلي بقي
فارس بضحك لا ليلي لسه بدري ربنا يدينا ويديكم طوله العمر
نفين بضحك يخرب عقلك يا فارس هي لسه صحيح متعرفش ان ده فهد
فارس لا باذن الله هتعرف انهارده
تولين انا نفسي اشوفها حقيقي اللي غيرت معتز كده دي
فارس بضحك هتشوفيها متقلقيش بس هي فعلا زي القمر
شروق برفعه حاجب لا والله
فارس بضحك انتي هبله صح دي اختي ومرراات اخويا هتغيري منها
شروق بسخريه لا ولا بغير ولا بنيل انا هطلع انام
فارس شدها ليه واكمل بضحك شروق متعمليش فيها مقموصه ونبتدي هرمونات الحمل بدري بدري انا كده هتشل بسرعه ياما
شروق برفعه حاجب هرمونات حمل اه ده انا هوريك الهرمونات صحيح سبني واكملت بسخريه يا قمررر
فارس بضحك مالك بتتكي علي قمرررر كده ليه هي ليلي فعلا قمر بس انتي قمرين
شروق بضحك هو انا مقولتلكش
فارس بستغراب مقولتليش ايه
شروق بضحك مش انا كشفت علي عقلي وطلع عندي مشكله
فارس بضحك لا مقولتليش ايه طلعتي مجنونه انا كنت شاكك
شروق بضحك لا طلع مش بيتاكل بيه حلاوه سبني كده الناس واقفه بدل ما ابلغ فيك واقولهم بيحاول يتقرب مني
فارس بضحك بلغي اقوم انا مطلع القسيمه علطول وياخدوكي انتي علشان بلاغ كاذب
شروق بضحك فارس بجد سبني
فارس بضحك تؤ تؤ علشان انتي هبله وبتغيري من اختي
شروق بغيره انا اعرف ليلي اصلا وعارفه من زمان انها اختك بس متقولش علي حد قمر غيري تمام
فارس باس خدها واكمل بضحك تمام بس كده
شروق بضحك ومتبوسنيش قدام طنط نفين وتولين تاني تمام
فارس باس خدها تاني واكمل بضحك مش تمام
شروق بضحك بجد انت قليل الادب
تولين بضحك كملوا كملوا انا بتشات مع سيف وهعمل نفسي مش واخده بالي
فارس بضحك البت دي جدعه وبتحس باخوها
تولين بغمز علشان تعرف بس يا برو
نفين بضحك سيبيه يا شروق عادي يا حبيبتي هنعمل نفسنا مش واخدين بالنا وبعدين خلاص يعني بقي في بيبي متقلقيش
شروق باحراج خبت وشها في فارس وضحكت واكملت يا نهار ازرق بتقولي اييه بس يا ست يا طيبه انتي
فارس بضحك اديكي حضنتيني اهو وبترجعي تقولي انا اللي بحاول اقربلك
نفين بضحك علشان اتحرجت
شروق باحراج ضحكت واكملت جدااا يعني شايف قله ادبك وصلتنا لفين الناس تقول ايييه ها
فارس بضحك بنت انتي هبله هو انا عملت لاهلك حاجه اوعي ياما سيبي التيشرت هاخد شاور يااابت اوعي يخربيتك ماسكه فيا ليه كده ماخلاص
شروق باحراج لا مش هسيبك انا عايزه كده
فارس بضحك لا وربنا هفهمك غلط كده
شروق سابته واكملت بضحك حقيقي انت قليل الادب انا اصلا مستخبيه فيك علشان محرجه احرجتني اكتر اطلع خد شاور يلا
فارس بضحك وربنا مجنونه وطلع
نفين بضحك وايه يحرجك يا حبيبتي عادي يا روحي جوزك وباس خدك قدام اخته وانا زي ولدته عادي يعني
شروق ابتسمت بخجل وسكتت
———————————-
عند يوسف وروح
يوسف خرج من الحمام وهو شايل روح وقعدها علي السرير وقعد يعملها شعرها
روح بحزن يوسف هو انا هبدا كليتي امتي
يوسف شهر كمان باذن الله
روح بتنهيده وهفضل كده طول الشهر مش هتحسن
يوسف بتنهيده حبيبتي سيبيها علي الله يمكن تمشي بكره بعده متيأسيش كده نفسيتك عامل مهم وطول منتي كده مش هتتحسني
روح بحزن حاضر يا يوسف
يوسف صح وبكره معادك مع الدكتوره علشان نطمن علي. الحمل
روح تمام خلصت شعري
يوسف وهو بيربط شعرها بلتوكه اكمل اه ياروحي خلصنا نقوم نكمل الجلسه بقي
روح بضيق تمام
يوسف قام ومسك ايديها وابتدا يوقفها واحده واحده يادوبك مشيت خطوه وفضلت واقفه تاني
يوسف بفرح يلا جدعه جدعه خطوه كمان يلا يا روح برافو
روح بدموع مش قادره وحاولت تحركها سنه كمان ونجحت اتحركت سنه بسيطه بعدين تعبت
روح بدموع خلاص خلاص مش قادره
يوسف قعدها علي الكرسي المتحرك وبدا يحركلها رجليها بلتمرينات اللي وصفهاله الدكتور
روح بتعب خلاص تعبت بجد
ش
يوسف بحزن حقك عليا بس لازم كده وهانت خلاص املي في ربنا كبير انك هتتحركي قريب
روح بحزن يارب بجد
بعد شويه يوسف خلص الجلسه وشالها نيمها علي السرير وخدها في حضنه
يوسف بحب ده انتي واحشتيني اوي
روح باحراج احمم اتلم ونام انا في الشهر التاني
يوسف بضحك وماله فرقت التاني من التالت
روح باحراج اه طبعا فرقت انت هتعمل فيها دكتور ولا مش خايف علي ابنك
يوسف بضحك هتجبيها في ابني يعني لا طبعا خايف علي ابني ياست روح
روح بابتسامه شاطر يبقي تتلم ماشي ياروحي ونامت في حضنه وغمضت عنيها
يوسف بضحك بحاول بس مش عارف
روح وهي مغمضه اكملت نام يا يوسف بدل ما انادي علي ماما اقولها تاخدني انام معاها
يوسف بضحك لا وعلي ايه هنام ياروحي خلاص
روح بضحك ايوه كده اتعدل
————————————
في بيت وائل
غاده بقالك شهر بتقولي بفكر بفكر ايه بتجيب الفكره من المريخ
وائل وهو بيفك زراير قميصه اكمل بضحك سيبك من فارس دلوقتي خلينا في المهم وبيقرب منها
غاده بضحك وهي بتبعده لا خلينا في فارس وبعدين نشوف المهم بتاعك ده
وائل قعد واكمل اقسم بالله انتي فصيله ها عايزه ايه
غاده ترسيني علي الدور هتعمل ايه مع فارس
وائل بخبث كل خير
غاده اه ازاي بردو
وائل بخبث ايه الحاجه اللي ممكن تكسر فارس وتذله
غاده بكرهه اكملت مقصوفه الرقبه شروق
وائل بضحك بس كده هاخد منه شروق ومش كده وبس هخليه يفكرها ان هي اللي جاتلي كمان
غاده بصدمه نعم وازاي ده وشروق اصلا مستحيل توافق
وائل بضحك لا دي سيبيها عليا هخليه يشوفها من هنا يطلقها من هنا
غاده وانت هتقربلها بجد
وائل بضحك والله علي حسب لحقت قبل مايجي يبقي من حظي ملحقتش انا هقنعه ان هي راضيه وخلاص
غاده انت هتجنني ازاي اصلا شروق هترضي
وائل بضحك انا هخليها ترضي دي طريقتي انااا ولما ده يحصل الملعب هيبقي فاضيلك وفارس مش طايق نفسه انزلي انتي بقي وسجلي الجول هيبقي في الوقت ده ضعيف ومكسور
غاده بضحك يارب تصدق لي كلامك ومنتكشفش
وائل وهو بيقرب منها اكمل بضحك عيب عليكي ثقي فيااا
————————————
قدام الفندق فهد وصل ودخل بسرعه علي جوه وراح علي مكتب لميس
فهد بعصبيه هي فين عملتي فيهااا يا زباله ده انا لو حد لمسها هوديكم كلكم في ستييين داهيه
لميس تؤ تؤ تؤ اهدي مش كده ده وحش علشانك يا روحي ضغطك يعلي ولا حاجه منعرفش نلحقك
فهد بعصبيه لمييييس انا مبهزررررش ليلي فييين
لميس بضحك مش هتقابل ليلي دلوقتي في ضيف مهم عاايز يشوفك
فهد بستغراب مين
لميس بضحك هتعرف حالا ومسكته ونزلت في مخزن من المخازن
فهد في رجاله مسكته وقعدوا علي الارض بلقوه وفاجاه ظهر الشخص اللي خايف منه
فهد بخوف وصدمه جمال بيه
جمال قعد وحط رجل علي رجل واكمل تخيل بقي اهو انا عمري ماتخيلت ان معتز دراعي اليمين واخويا وصاحبي واقوي واحد في رجالتي واقساهم يبقي بلمنظر ده قاعد قدامي ضعيف ومحكوم عليه بلموت
فهد بتوتر جمال بيه لميس كدابه انا معملتش حاجه
جمال بضحك ليه هو انا عبيط علشان اصدق كلام ده لميس علطول كده ده انا عمري ماكنت هصدق لاني بعزك وبثق فيك بس هي بعتتلي صوتك وانت بتهرب بنت واثبتتلي بلدليل القاطع انك اتغيرت ومبقتش معتز القوي انت رجعت تاني فهد الغبي اللي بنت ظلمته وداست عليه وبسببها شاف ذل
فهد بدموع ووجع انا متغيرتش يا جمال بيه انا زي منا
جمال بحده كدااااب حتي دموعك دي مكانتش بتنزل انت اتغيرت و اووي كمان
فهد بحده لا متغيرتش انا مستعد اثبتلك ده كويس واني علي نفس كفائتي متغيرتش وانا زي منا معتز مفيش فهد ومستحيل اخليه يرجع تاني مهما حصل معتز مريحني اكتر وانا دراعك اليمين واخوك الصغير يا فندم عيب لما تخلي رجالتك يمسكوني انا كده
جمال بحده انت اللي دخلت نفسك لعبه انت مش قدها وفكرت نفسك هتكسب او ممكن تنتصر عليااا يا معتز ورجالتي دي انا كنت بقولها تطيع امرك هما ورجاله الفندق من غير نقاش وعاملك الكبير عليهم ودراعي اليمين فكل حاجه حتي اموري الشخصيه كنت باخد رايك فيها وبحكيلك كل اسراري وكان ليك عندي معزه خاصه وبحبك وبعتبرك اخويا الصغير مش مجرد واحد شغال معايا بس انت اللي بهدلت نفسك اوي لما كسرت ثقتي فيك و لما فكرت ترجع لطبيعتك تاني وتقف قصادي وانا مستحيل اثق فيك تاني خلاص كنت بثق في معتز وبديه قرارت كل حاجه ماشي سايب اسد ورايا لا بيكل ولا يمل ولا يتهز ولا يخاف انما ده كان زمان خلاص دلوقتي انت فاكر نفسك بقيت جامد وهتقدر تأذيني وتخلص مني بس تؤ تؤ تؤ انا بقتل كل اللي يجي في وشي وبدوس علي اي حد وبكمل انا عادي وبدم بارد وانت عارفني كويس وعارف انا مين
فهد عارف يا فندم وانا عند كلامي انا زي منا متغيرتش
جمال بخبث تمام يا معتز لميس
لميس امرك
جمال بخبث اعملي اللي قولتلك عليه
لميس حاضر
————————————
في المخزن
ساره طب ممكن كفاياكي عياط
ليلي بدموع انا خايفه اوي خايفه معرفش هيحصلي ايه هنا
ساره بدموع والله انا عرفت ان لميس كشفته من ساعه موضوع البنت دي بس معرفتش اقوله حاجه لميس حطاني في دماغها اوي
يارا اهدي يا ليلي اهدي اكيد معتز هيجي وهينقذك ويمكن دي تكون اخره القرف اللي احنا فيه ده
جودي هي ليه لميس جابتك معانا هنا
تاليا بحزن للاسف سمعتها بتقول لو بنت بنوت هتطلعها لجمال بيه ولو مدام هتسيبها هنا تشتغل معانا
ليلي بدموع وصدمه ايييه ازاي يعني لالالا يارب لااااا وفضلت تعيط
ساره اهدي وطبطبت عليها واكملت انتي ايه دلوقتي يا ليلي
ليلي باحراج انا زي منا بنت بنوت
يارا بصدمه ايه هو انتي مش مرات معتز
جودي بصدمه اه ازاي يعني واكلمت بتذكر اه صح احنا عرفنا انك بتربيه ومنعاه يقربلك بس لحد دلوقتي معقوله ?
ليلي بدموع اه مراته بس محبش يجبرني علي حاجه علشان انا مش راضيه لحد دلوقتي
ساره بتعجب ده مش اتغير ده اتبدل ده بقي حد انا معرفوش
جودي بحزن ياريته كان جبرك ياختي ياريته كان جبرك اهو علشان حضرتك رفضتيه مجرد ما الدكتور يكشف عليكي ويقول انك بنت بنوت هتتطلعي لجمال وده مش هيسمي عليكي علشان يكسر معتز انما لو كنتي مدام كنتي هتفضلي هنا لحد ما معتز يتصرف ويطلعك
ليلي بخوف ودموع انتي بتخوفيني ليييه حرام عليكي
يارا بحزن اهدي باذن الله اللي حافظ عليكي كل ده يحفظك في اللي جاي
ليلي بدموع يارب بجد انا تعبت اوي يارب
والباب فتح
لميس بحده تعالي ياختي
ليلي بخوف هتوديني فين
لميس بضحك تشوفي عشيقك يا شريفه مواحشكيش ولا ايه يلا وشدتها وخرجوا
يارا بحزن ربنا معاها
ساره انا مستغربه اوي ده هي البنت الحلال الوحيده في حياته وبيحبها اوي مستغربه انه سكت كل ده ومقربلهاش
جودي اديكي قولتي بيحبها ودي حبيبت عمره اكيد مش هيفرح لو فرض نفسه عليها يا ساره
دنيا معتز حقيقي اتغير اوي
ساره بحزن ياريت ليلي ظهرت من زمان
يارا واضح انها بتحبه لابسه اسمه الحقيقي فهد
ساره اه لاحظت وهو قالي انها متعرفش ان هو فهد وكمان اهو بتناديه زينا معتز
تاليا اوبس هتبقي ضربه موجعه لي ليلي ااوي
يارا بتنهيده ربنا معاها ومعانا
في المخزن عند فهد وجمال
لميس دخلت ورمت ليلي قدامهم علي الارض
فهد بخوف ليلي لييليي انتي كويسه يا حبيبتي
ليلي بعياط معتز خرجني من هنا ارجوك
جمال بضحك الله ده ايه نظره الخوف دي اومال ايه انا متغيرتش وجامد شوفت انك اتغيرت بقي
واكمل لاتنين من رجالته لبس البت دي يتقطع حالا
فهد بعصبيه ودموع لاااا ابوس ايديك لا محدددش يقربلهاااا ابوس ايديك ورجلك يا جمال بيه خد روحي واقطع رقبتي عااادي انما سيب ليلي تمشي وانا اضمنلك انها مش هتفتح بوقها طول حياتها ارجوك يا بيه
جمال بضحك الله دي غااليه اوي علي كده بس خلاص. يا معتز انت صعبت عليا مش هخلي حد يقطع هدومها هاخدها انا وغمز بس قولي مدام ولا بنت بنوت وضحك واكمل اكيد علي الحب ده كله مدام وعجبتك كمان
فهد وهو بيحاول يفلت من الرجاله اللي مسكاه جامد
اكمل بعصبيه ودموع ارجووووك ملكش دعوووه بيهااا قولتلك خد عمري وسيبهااا هي في حالها هي معملتش ليك حااااجه انا مش هسمحلك تلمسهااا لاخر نفس في حياتي انت فااااهم
جمال بضحك مش هستمحلي ليه انت مين وقام وقف ومسك ليلي
ليلي بعياط وهي بتفرك بين ايديه اكملت بصراخ معتزز ارجوك الحقني يا معتزز
جمال بضحك وهو ماسك ايديها اكمل هو انا لسه عملت حاجه ده الصراخ جاي وهنسمعه ولا نسمعه ليه احنا نوريه ووقع ليلي علي الارض
معتز بعصبيه ايدك من عليهااااا يا ابن الكلبببب يا زبااااااله اوعي انت وهو وبيحاول يفلت منهم بكل قوته واكمل بدموع متخافيش يا ليلي والله ماهسمح لحد يأذيكي يا حبيبتي
جمال خلع جاكته واكمل بضحك كمان بقيت تشتم اسيادك يا كلب بعدين انت هتعملي وش ولا ايه اتفرج وانت ساكت وابتدا يقرب من ليلي وهي بترجع لورا بخوف
ليلي بعياط وهي بتحاول تبعد عنه اكملت بصراخ ابعد عني يا زباله ابعد عنيييي بقولك
فهد بدموع وعصبيه لااااا ابوس ايييييديك لاااااا سيبها ارجوووك يا جماااال ليلي ملهااش دعوه طب خلاااص والله خلااااص هرجع اشتغل وهعمل كل اللي انت عايزه حتي لو عايز تموتني والمصحف موافق بس سيبها ارجووووك هي كويسه ومعملتش حاجه وحشه ليكم ولا فكرت تفضح اي سر من هنااا ارجووووك وحياه كل حبايبك لتسيبهاااااا سيبهااااااا بقولك وبيحاول يفلت من ال 4 رجاله بكل عصبيه وهو دموعه بتزيد وقلبه وجعه علي منظر ليلي وحاسس بلضعف
جمال بضحك هو انا يابني لحقت قربتلها علشان اسيبها ماهي متنيله قدامك اهي زي ماهي لا انت كده هتعملي وش ودي شكلها بطل وعايزه مزاج عالي لميس
لميس امرك يا بيه
جمال خلي طارق يكشف عليها مدام نزليها مع البنات مؤقتا بنت بنوت تتطلعلي
لميس بضحك امرك يا جمال بيه
جمال تمام سيبوه يودع الحلوه
الرجاله رمو فهد علي الارض وطلعوا مع جمال
فهد جري خد ليلي في حضنه واكمل بعياط ووجع حقك عليا يا ليلي انا السبب يا حبيبتي فكل اللي انتي فيه حقك عليا يا نورعيني ياريتني ماقربتك مني يا ليلي يارتني كنت من اول مره صممت ومشيتك من هنا ياااارتني بس والله هطلعك خديها مني كلمه مش هسمح لحد يلمسك مهما يحصل وضمها جامد واكمل بدموع ووجع اااااه ياااارب ااااه من وجع قلبي بجد انا اول مره اضعف كده ارجوك قويني ياااارب وساعدني يااااارب
ليلي بعياط وهي بتترعش وجسمها كله ساقع من الخوف اكملت انا خايفه اوي يا معتز خااايفه اوي بجددد ارجوك مشيني من هنااا انا مش عايزه يحصلي كده لو بتحبني متخليهوش يأذيني
فهد بعياط طبعا بحبك و همشيكي يا حبيبتي همشيكي متخافيش انتي في حضني دلوقتي مش عايزك تخافي من اي حاجه وفضل يدعك في ايديها علشان تهدي وضمها لحضنه جامد وهو بيعيط وخايف اكتر منها 100 مره ومش عارف يتصرف ازاي وقلبه وجعه من كتر الخوف وفكره ان جمال يلمس ليلي
ليلي بعياط انت مش هتسيبه يأذيني صح يا معتز
فهد بدموع ووجع اكيد مش هسمحله يا ليلي انا مقدرش اتخلي عنك ولا اقدر اسيبك لحد هطلعك من هنا حتي لو كان التمن حياتي بس انتي تفضلي بخير وباس ايديها واكمل مش عايزك تخافي يا نورعيني اقسم بالله هخرجك من هنا
لميس كانت واقفه مطلعتش وشافت كل اللي حصل بينهم اكلمت بدموع للدرجه دي بتحبها عمري ماتخيلت ان معتز القوي الجامد اللي بيتهزله شنابات وبيترعب منه الالاف ومفيش بنت تقف قصاده تيجي دي وتعمل فيه كده وقال ايه عامله فيها محجبه وشريفه وهي عايشه معاك فرقت هي ايه عن اي بنت تانيه زبااله هنا بس دي كانت ليك انت بس
فهد بحده فرقت انها الوحيده اللي مراتي وعلي سنه الله ورسوله مش زباله زيك هي يا لميس واه بحبها وبحبها اكتر من الدنيا كلها كمااان وهخرجها من هنا حتي لو كان التمن حياتي
لميس بصدمه مراتك مراتك ازاي يعني
ليلي بدموع طبعا مراته اومال فكراني هفضل معاه في بيت واحد وهو غريب مش انا ياحبيبتي اللي اعمل ااكلام ده بس هو الوسخ بيشوف الكل وسخ زيه فمستغربتش انتي فكرتي فأيه
فهد بحده يعني زي ماسمعتي ليلي مراتي وشرعا وقانونا فوفري بقي علي نفسك مشوار الدكتور
لميس بصت لي ليلي واكملت بضحك لا يا سكر انا قولتلك كده لان معتز كان مستحيل يتجوز وبصت لفهد واكملت وانت فاكرني هصدقك خلااااص انسي انا مبقتش غبيه انت تعمل اي حاجه علشان تنقذها ده الكلمه دي اثبتتلي انك مقربتلهاش بس بردو هتاكد عند الدكتور وبعدين انت تتجوز دي اخر حاجه كنت ممكن اتخيلها ان تيجي البنت اللي تخليك تتجوزها ولا متكونش دي حب زمان اللي انت بسببها جتلي هنا متدمر وقلبك مات وقسيت من ظلمها ليك وان اهلك ماتوا بسببها وساعتها انا داويت جروحك وعملت منك شخص محدش يقدر يرفع عنيه فيه شخص قوي بيدوس علي الكل ويوم مايفكر ييبقي واطي يدوس عليا انااا الوحيده اللي حبيته
فهد بضحك حبيته والنبي بلاش شغل حبيته دي علشان هعيط من التأثر انتي احقر من انك تعرفي يعني ايه حب اصلا يا لميس
ليلي بدموع ووجع هي تقصد ايه بكلامها عن حبيبتك القديمه يا معتز
لميس بضحك ايه ده هو جوزك مقالكيش ان
فهد بحده ودموع خليكي في حالك دي حاجه تخصني انا ومراتي
لميس بصت للسلسله واكلمت انا اصلا اللي غبيه اني سألت السؤال ده هي فعلا حبيبتك القديمه والدليل السلسله ومن يوم ماجات هنا انت اتغيرت واتقبلت فاجاه ومكنتش عايز تلمسها يبقي ايه
ليلي بوجع وصدمه ودموعها نازله اكملت بصراخ سلسله ايه انا مش فاهمه حااااجه فهمنيييي
فهد بدموع بعدين يا ليلي
لميس بضحك يعني انا صح فعلا ما باين ده بقينا بنعيط اهو يا زيزو وبنضعف وبنحضن ونحب ورجعت تاني لشخص غبي بنت بتحركه كنت لازم افهم من ساعه ما جات انها هي او من سااعه ماقولت انها مراتك اصل دي زي ماقولتلك كانت اخر حاجه ممكن اتخيلها ان تيجي البنت اللي تخلي معتز لا معتز ايه بقي معتز مالوش في الكلام ده ان تيجي البنت اللي تخلي فهد نبيل عبد الخالق العامري يوافق يتجوزها كده لايقه اكتر ومظبوطه انما معتز مش لايقه عليه خالص
•تابع الفصل التالي "رواية احباء يجمعهم القدر" اضغط على اسم الرواية