رواية محبوبة الفارس كاملة بقلم امنية عوض عبر مدونة دليل الروايات
رواية محبوبة الفارس الفصل الثاني و العشرون 22
فاااااااااارس
بيجرى فارس على منى / اهدى يا حبيبى اهدى
انتى معايا خلاص
منى بخوف شديد وهى تنظر حولها / نانسى يا فارس ....نانسى
فارس وهو يضمها له / انتى فى امان معايا يا حبيبتى اهدى
ليجد انها مازلت ترتجف بين أحضانه ليرفع وجهها له
فارس بحب /منى حبيبتى بصى كده
انتى فى حضنى وفى الأوضة معايا
لترفع عيناها ببطء وهى تنظر فى أرجاء الأوضة وتقول بصوت هادى / انت معايا صح
فارس بحب شديد / اكيد طبعا يا حبيبتى عمرى ما هسيبك
قولى يلا اشربى العصير دا علشان تاخدى دش وتغيرى هدومك
منى بتساؤل / طب ايه اللى حصل ونانسى فين وانا جيت هنا ازاى
فارس بهدوء / هعرفك كل حاجه بس يلا اشربى
لتؤمى له منى وتبدأ فى شرب العصير
وبعدها يحملها فارس
منى / انا كويسه هعرف ادخل لوحدى
فارس / بس انا عايز اشيل حبيبتى عندك مانع
لتنظر له منى بابتسامه وتضع رأسها على كتفه
يضعها فارس على حرف البانيو
فارس / خدى انتى دش بسرعه على ما اضبط شوية حاجات علشان ننزل وتعرفى الحقيقه
________________________________________
منى زى ما هى متحركش من مكانها من ساعه ما فارس سابها على حرف البانيو سرحانه فى اللى عملته من ورا فارس وخايفه من الحقيقه
منى فى نفسها / يا ترى ايه موضوع نانسى دا
وفارس هيسامحنى انى طلعت من ورا وعرضته للخطر
فارس بره بيتكلم فى التليفون
المجهول / ها عملت ايه
فارس /كله تمام ....حان وقت ظهورك بقى والحقيقه تظهر
المجهول/ تمام جاى اهو
ليتنهد فارس تنهيده طويله
فارس / يا ريت منى متفهمش غلط وتتحمل الحقيقه
************************************
بعد مرور بعض الوقت فارس ومنى نازلين على السلم
منى بخوف وهى تمسك ذراع فارس / فارس انا خايفه بلاش أحسن
انا ....انا مش عايزه اعرف حاجه بس خلينى معاك
فارس بإطمئنان/ انا معاك ومش هسيبك فإطمنى بس لازم تعرفى الحقيقه يا حبيبى
بس اعرفى أن انا بحبك ومش بحب غيرك
لتنظر له منى باستفهام
فارس وهو يشير لاحد رجالته ...صحيها
ليسكب عليها جردل ماء
نانسى /اااااااه .....انا فين
فارس بنظره مخيفه / انتى عندى يا داليدا هانم
فارس لأحد رجاله / هاتوا باقى العصابه بتاعتها
ازاى الحساب يجمع من غير فاروق والرجاله اللى اشتغلوا معاه
فارس لمنى بجدية / تقعدى هنا جنبى متتحركيش من مكانك مفهوم
وانا معاكى اوعى تخافى من حاجه ...انتى هنا معايا علشان تعرف الحقيقه وتشوفينى وانا باخدلك حقك
تمام
__ مش عيب عليك تبدأ الحفله من غيرى
لينظروا جميعا إلى مصدر الصوت
فارس /اللواء حامد بذات نفسه هنا
ليبتسم حامد وفارس ويتعانقان
حامد وهو يقترب من نانسى بشر /مفاجاه مش كده
نانسى بجنون /انت ....انت ازاى هنا مش فى السجن وكمان بتسلم على فارس عادى ازاى ازاى
فين المشاكل اللى كانت بينكوا وانك كنت عايز تقتله
لواء ازااااى
فارس بصوت جهورى حاد / بس مش عايز اسمع صوتك
انتى واحده وسخه اخرك تترمى فى مصحه نفسية تانى
لينظر الى منى نظره حب واطمئنان كأنه لم يكن هذا الوحش من ثوانى
فارس بحب / حبيبى اهدى متخافيش
منى بصوت باك /ف....فارس انا خايفه منها
فارس بإطمئنان/ انا موجود اهو يا حبيبتى معاكى مفيش داعى للخوف
لينظر الى فاروق
فارس ل فاروق / ها يا فاروق مش دا حامد اللى كنت بتقول انك بتنفذ أوامره
فاروق بصوت متعب / لا يا باشا انا معرفش شكله
التعامل كله كان عن طريق التليفون ولما شوفته كان حاطط قناع على وشه
ليدخل الحراس بصفاء ونرمين
نرمين بلهفه /فيه ايه يا فارس ...مين الناس دى وفين سليم مش موجود فى المستشفى ليه
فارس بهدوء / اقعدى يا ست الكل وانا هقولك كل حاجه
منى وهى تجرى بلهفه على نرمين وصفاء ليوفقها فارس
فارس بصرامة/ اقعدى متتحركيش من مكانك
لينظر الى نانسى ويقول / انا هقولكم كلكم دلوقتي على اللعبه اللى لعبتها نانسى هانم ...
ويكمل بسخرية / قصدى داليدا هانم
من قبل موت والدى بسنتين مهران والد داليدا دخل مع والدى فى شغل وشوية عرض عليه يدخل معاه فى مستشفى بس قبل ما يوافق لاحظ ان فيه صفقات مشبوهة تبع مهران
وقتها الدمنهوري والد منى كان بيأسس مستشفى له
ليكمل حامد / طبعا مهران كان له فى تجاره الاعضاء والشغل اللى مش مضبوط
دخل شراكه مع الدمنهوري فى المستشفى علشان شغله يتم ولو حصل اى حاجه انا معرفش حاجه فى الطب دا الدمنهوري اللى دكتور وانا يدوب رجل أعمال واى بيزنس أو شراكه بدخل فيها
الشغل فضل ما بينهم مستمر فتره طويله لحد ما لاحظ الدمنهوري أن فيه حاجات مش مضبوطه فى المستشفى
فى الوقت دا بدأ يفتش وراء مهران وياخد باله ايه اللى بيحصل
لحد ما اتاكد فى يوم كان جاى من السفر من غير ما حد يعرف وشاف فى المستشفى سرقه أعضاء وتوقيعات مش مضبوطه بتم
وقتها مهران عرف أن الدمنهوري عرف كل حاجه فهدده بالقتل
فى الوقت دا كان شاهين معاه ادله أن مهران شغله مش تمام وقدم بلاغ ومسكوه فى شحنه اسلحه
فيه تحقيقات كانت بتم وبما أنه كان شريك الدمنهوري
اسمه نزل فى التحقيقات وشهد على مهران باللى كان بيحصل فى المستشفى
مهران اتسجن وعلشان ميتكلمش ويقول على الجماعه اللى كان شغال معاهم قتلوه فى السجن
ليقطع حديثه صراخ نانسى / لاااا ....انتوا اللى قتلتوه ودمرتوا حياتنا
بابا مستحيل يكون كان شغال معاهم
فارس بنظره مرعبه لها / انا قولت مش عايز اسمع صوتك
وكمان مستحيل ليه يا زباله ...ما انتى كمان اشتغلتى معاهم ودمرتى اسره ملهاش اى علاقه باللى حصل
ذنب ايه اسره منى
لنصره نانسى بجنون / ذنبهم أن ابوهم الدمنهوري اللى شهد على والدى واتحرمت منه
ذنبهم أن حاولنا نهدده يا تشتغل معانا يا نقتلك وهو مرضاش يشتغل معانا
متبصليش كده ايوه انا اللى قتلت اهلك وكنت هقولك انتى كمان بس فارس اللى كان بيحميكى
جتيلى برجلك وهو انقذك
لتضحك بجنون وهى تقول / اوعى تفكرى أنه بيحبك هههههههه لا ...دا اتجوزك علشان يحميكى بس هههه
لم تتحمل منى ما يحدث وتسقط مغشى عليها
فارس بفزع وهو يسمع صوت خبطه على الأرض وينظر يجدها منى / منى ...منى حبيبتى
تستغل نانسى انشغال فارس بمنى وتحاول الهروب
لكن يلاحظ حامد
حامد بصراخ للحراس / أمسكوها
ليمسكها الحراس وهى تصرخ /اوعوا ...اوعوا محدش يمسكنى
انا هدمركم كلكم...اوعوا
حامد للحراس بصرامة/ اوعوا مخلوق يتحرك من مكانه
ويقترب من فارس
حامد / فارس اطلع بمراتك وابقااا عرفها الحقيقه بعد كده
وانا هاخد نانسى وفاروق والكلاب دول على الحبس
يضع منى على الكنبه ويقترب من نانسى بشر ويمسك شعرها
نانسى /اااه...اااه شعرى هيتقطع فى ايدك
فارس بصوت كالوحش من عصبيته / دا انا هقطعه واقطعك انتى كمان
كفاية شر بقاااا ....انتى مصنوعه من ايه
نانسى وهى تتلوى تحت يداه / هقتلها يا فارس ....اااه
فارس للحراس بحده / خدوهم كلهم على المخزن يلااااا
حامد/ لا يا فارس متضيعش نفسك علشان الاشكال دى
فارس / ومين قالك انى هضيع نفسى
انا هخليهم يتمنوا الموت وبعد كده اسلمهم للبوليس
اتصرف انت مع جاك ورجالته لحد ما انا اخد حسابى وبعد كده اجبهم الحبس
ليأخذ الحراس نانسى وفاروق وباقي الرجاله ويترك صفاء
فارس / استنوا وصفاء كمان معاكوا. ...
- يتبع الفصل التالي اضغط على ( رواية محبوبة الفارس ) اسم الرواية