رواية محبوبة الفارس كاملة بقلم امنية عوض عبر مدونة دليل الروايات
رواية محبوبة الفارس الفصل الثالث و العشرون 23
تجلس منى بوجه شاحب على السرير تنظر للفراغ فمنذ اسبوعين لا ترى فارس
يأتى فى وقت متأخر ويذهب فى الصباح مبكرا وإذا استيقظت فى وقت رحيله لا يعطى لها اهتمام
تبدأ فى البكاء على ما حدث لها فقد عادت لوحدها ولكن وحده بشعه مع تمزق قلبها فحبيبها لا يتحدث معاها ولا تراه
تعلم أنها المخطئه ولكن ما هذه القسوه ايها الفارس
تجلس فى هذا القصر وحيده فلقد ذهبت نرمين مع حامد للاطمئنان على سليم
فهو يجرى بعض العمليات الجراحيه ليستعيد نظره ويستطيع المشى طبيعى
فلم يستطع فارس ترك الشركات بعد ذهاب كل من سليم وحامد
لتتذكر ما حدث منذ اسبوعين جعلهم هكذا
فبعد سقوط منى أرضا وفارس أمر الحراس بأخد فاروق ونانسى وباقى رجالتها
نرمين كانت تحاول إيقاظ منى
لتشعر منى أنها تائهه بين الماضى والحاضر ولكن مع صوت فارس وهو يأمر رجالته بأخد صفاء
لتذهب إلى فارس وهى تترنح يمينا ويساراً
منى بدموع / هياخدوا طنط صفاء فين يا فارس
طنط صفاء استحاله تكون اتفقت عليا صح يا فارس
اتكلم يا فارس ساكت ليه
فارس بهدوء وهو يمسح دموعها./ بطلى عياط بس كده وانا هقولك كل اللى عايزاه
منى وهى تحاول الابتسام وتزيح دموعها بعنف/ شوف شوف انا بطلت عياط ازاى
بس قولى يا فارس وحياتى عندك
طنط صفاء وكلام نانسى ص....صح ولا لا
لتبتعد عنه وتذهب إلى صفاء / طنط... طنط صفاء قولى انك مش اتفقتى عليا ولا كنتى تعرفى بقتل اهلى وانا ...وانا هصدقك
بس قولى وتبدأ فى البكاء بصوت عالى
صفاء وهى تنظر لها باستغراب / انتى مين وايه الكلام اللى بتقوليه دا
لتضحك نانسى بهستريا بصوت عالى /هههههههه
مش هترتاحى ابدا يا منى ولسه لما فارس يقولك أنه كان بيحميكى بس هههههههه
فارس بصوت حاد وعالى / انتوا لسه واقفين بيهم ليه
يلااااا وانتى حسابك معايا بقاا تقيل اوى يا نانسى
ينظر لمنى يجدها تنظر بتوهان حولها ليقترب منها ولكن تجرى سريعا الى اعلى
حامد وهو يحاول أن يجعله اهدا / اطلع يا فارس واتكلم معاها يا بنى مينفعش تسيبها كده
دا أهلها وشويه تسمع أن واحد اسمه حامد اللى قتل أهلها وشويه كلام نانسى
هى تايهه يا بنى دلوقتي ودا حقها
اطلع طمنها ،انا قولتلك قولها الحقيقه قبل ما نتجمع كده فارس بحزن على حبيبته / هطلع اشوفها وانت خد ماما
و روحوا القصر
ليقترب من والدته ويقبل رأسها / انا هستنى الليله دى هنا يا ست الكل مع منى لحد ما تهدأ
نرمين / براحه عليها يا فارس وابقى طمنى يا بنى
ليؤمى فارس برأسه فقط ويذهب ليرى حبيبته
*******************************************
يفتح الباب ليجد منى تنام مثل نوم وضع الجنين وتعطى ظهرها للباب وصوت شهقاتها يعلو
فارس وهو يجلس بجانبها ويضع يده على كتفها/ منى حبيبى ...قومى اتكلمى معايا
لتبكى منى بصوت عالى جعل قلب فارس مثل المحطم
فارس بألم على حبيبته/ كفاية عياط يا حبيبى
انا اخدتلك حقك منها ولسه كمان
ليشعر فارس بحركه منى وأنها تريد الجلوس
منى بصوت باك / كنت عارف الحقيقه يا فارس وسبتتى تايهه كده .....هونت عليك يا فارس
لتقول بصوت عالى باك/ هانت عليك منى حبيبتك
فارس بصوت عالى لتستوعب كلامه / اهدى واسمعينى مكنتش اعرف اقولك حاجه
كنت خايف عليكى مكنتش عايزاك تحسى انك فى خطر علطول
لتحاول منى أن تهدأ وتمسح دموعها/ طب عرفنى الحقيقه يلا
فارس بهدوء وهو ينظر للفراغ / مهران لما اتقتل بدأت بنته داليدا تظهر وطبعا منعرفش أن هى بنته
بدأت تتقرب من والدتى ،تروح النادى تلاقيها ,تروح الكوافير تلاقيها
والدتى بدأت تعزمها على الاكل عندنا
انا مرتحتش لها من الاول بس لما راقبتها معرفتش اوصل لحاجه
كانت عادى بتروح الفيلا بتاعتها وتروح النادى والكوافير
فضلت اراقبها شهر ومفيش نتيجه فقولت أنه مجرد احساس وخلاص وكبرت دماغى
بس استغربت عدم ظهور أهل فى حياتها وأنها عايشه فى فيلا ومبتشتغلش
بسال أمى قالتلى أن أهلها مسافرين وهى عايشه لوحدها ومفتقده حنان الام
لحد فى يوم وقع من شنطتها صوره مهران ولما سألتها مين دا اتوترت ومن غبائها قالت إنه والد صاحبتها
وقتها اتاكدت انها لها علاقه بيه لحد ما عرفت أنه والدها
وقتها جيت جرى على القصر علشان أكد المعلومه ل والدى واعرف والدتى انها مش كويسه علشان تبعد عنها لحد ما نشوف هنعمل ايه
جيت لقتها رافعه المسدس على بابا فى المكتب
داليدا بجنون / انا هقتلك زى ما قتلت والدى
انت السبب فى اللى حصله ، انت السبب...
شوف انا ذكيه ازاى هههههه عرفت ادخل قصرك وارفع عليك المسدس كمان ههههه
قلب زوجتك الرقيق ههههههههههههههه
شاهين وهو جالس ببرود كأنها لا ترفع عليه المسدس / انتى عايزه تهربى من الحقيقه ان والدك تاجر مخدرات وأسلحة اتفبض عليه واتقتل فى السجن من الناس اللى كان شغال معاهم
داليدا بجنون/ لاااااااا ،بابا مكنش وحش
انت اللى غدرت بيه واتسجن بسببك
وزى ما قتلته انا هقتلك
__نزلى اللى فى ايدك دا يا شاطره يا يعورك
لتلتفت لمصدر الصوت وتجد فارس يقف بثبات
داليدا وهى تمشى بظهرها بعيدا عنهم / هضرب بالنار لو حد قرب منى
لتبدأ بإطلاق النار بشكل عشوائى
لتنادى فارس بصوت جهورى على الحراس
داليدا بخوف وجنون / ابعدوا عنى محدش يقربلى
اللى هيقرب هضربه بالنار
فارس بهدوء ليشغلها / طب بس اهدى أهدى
قولى بس انتى عايزه ايه وانا هعملهولك
داليدا / اقتل شاهين باشا زى ما قتل والدى
فارس بهدوء / بس هو ازاى قتله وهو اللى اتقتل فى السجن هيستفاد ايه لو قتله
لتنظر له نانسى بحيره
فارس بذكاء وهو يقترب منها / اللى انتى عايزاه هعملهولك بس نزلى السلاح يا يأذيكى
داليدا بهدوء وكأنها تعانى من مرض نفسى / ايه خايف عليا
فارس وهو يجاريها فى الحديث / طبعا اكيد ،انتى بنوته قمر ولسه صغيره
ليبتسم شاهين على ذكاء ابنه ويشير للحراس بالانتباه
داليدا بضحكه بلهاء/ انت بتحبنى صح
فارس / اه وكنت لسه عايز اعترفلك علشان نتجوز
وبحزن مصطنع/ بس انتى عارفه عليا السلاح يعنى انا جاى اعترفلك بحبى وانتى بتعملى ايه
داليدا بخوف على حزنه / خلاص خلاص هنزله بس اوعدنى ان محدش هيعملى حاجه وانك تتجوزنى
فارس وهو يدير وجه بحزن مصطنع / حتى مش مصدقه انى بحبك وهتجوزك شكلى استعجلت لما قولتلك
خلاص بقااا انا همشى
داليدا بسرعه شديده وهى تضع المسدس أرضا / لا خلاص انا بحبك
وبمجرد وضعها المسدس أرضا يرفع الحراس أسلحتهم ويقترب منها فارس ويلوى ذراعها
فارس بنظره مرعبه / بقااا كنتى عايزه تقتلى والدى يا بنت الكلب ،مش كفاية اللى عمله ابوكى وشغله الزباله
داليدا بوجع / اااه اااه دراعى هيتكسر
فارس بصوت حاد / وهكسر عضمك كمان
وبصوت ساخر / اتجوز مين يا زباله ،بقااا مفيش غيرك اللى ابصله
داليدا بجنون وهى تحاول الفرار منه/ يعنى اااااايه انت كنت بتضحك عليا
فارس بسخرية / امال بحبك بجد يا زباله
فارس للحراس / خدوها المخزن واعملوا معاها الواجب لحد ما اجى
شاهين بصرامه / استنوا عندكوا
احنا هنسلمها للبوليس يا فارس ،وهو يشوف شغله
فارس باعتراض /بس يا بابا
شاهين بصرامه / كلامى يتنفذ
ليقترب من داليدا وهو يقول / ليه كده يا بنتى تضيعى نفسك
انا مليش دخل فى قتل والدك هو اللى كان شغال مع ناس اجانب فى الشغل المشبوهه وأسلحة ومخدرات وبيع أعضاء
ولما خافوا انه يقول معلومات عنهم قتلوه
داليدا بصراخ /لااااا انت كداب ....انت كداب
وتظل تصرخ إلى أن يأخذها البوليس وبعد التحقيقات يثبت أنها ليست متزنه عقليا وتحجز فى مصحه نفسية
ليكمل بصوت ضعيف تلاحظه منى / بعدها بسنه والدى تجيله ازمه قلبيه ويموت فيها
وقتها عمى كان معانا دايما كان بيحاول يعوض وجوده
بس مفيش حاجه بتعوض وجود الاب علشان كده كنت حاسس بيكى
والدتى من الحزن عليه جالها القلب
خلال الخمس سنين كان بيظهر شغل باسم عمى حامد
تبع الشغل المشبوهه
طبعا هو الكل مفكر أن شغله مع بابا بس فى الشركه
محدش كان يعرف أنه لواء
بابا بس اللى كان يعرف وبعد موته عرفنى
الموضوع كان سرى علشان لما يدخل فى اى حاجه محدش يكشفه
حقق فى الموضوع وعرف أن فيه حد منتحل شخصيته ودخل رجاله من عنده فى وسطهم علشان يعرفوا معلومات
طبعا لازم يشتغلوا معاهم علشان ياخدوا الثقه منهم وان هما مش تبع الشرطه
كان جالنا معلومات أن داليدا هربت من المصحة بعدها بشهور وسافرت ومحدش عرف يوصل لها
وقتها عمى حط خطه أن بيكون فيه عداوه بينا والكل يلاحظ دا
عداوه فى الشركات وان دا عايز يقتل دا
علشان يوصل لهم كده ويعرف يدخل بينهم وطبعا كده الدمنهوري والدك كان فى خطر بسبب هروب داليدا
لانها كانت عايزه تقتل اى حد شهد على والدها فى التحقيقات
عملوا حوار صحفى وان حامد والدمنهورى دخلوا شراكة مع بعض
كده داليدا بدأت تتحرك وتظهر أنها تضرب الاتنين فى بعض وتخلص منهم
تعمل شغل باسم حامد ويوصل ل الدمنهوري ان حامد اللى عمل كده
وتبدأ الخلافات بينهم
فاكره أميره السكرتيره دى كانت تبع عمى حامد ودخلت بينهم علشان تعرف معلومات
وعلشان تثبت لهم انها مش خاينه كانت بتاخد لهم ورق صفقات من عندى وطبعا كنت عارف بس كنت بسيبها
مع الوقت عمى حامد عرف يدخل ما بينهم وداليدا ظهرت وقتها على أساس أنها نانسى
معرفش يقول ل الدمنهوري ان دى خطه علشان دى أوامر أن كل حاجه تكون سرية
وبدأت تظهر الخلافات بين حامد والدمنهورى وأنه اخد منه الفيلا والمستشفى
فى الوقت اللى حامد فيه معاهم برا وفيه صفقه أسلحة
بعتت نانسى ناس قتلت اهلك
وبعتت ناس تهدد العماره باسم حامد علشان لو انكشف اى حاجه فى اى وقت يكون حامد
طبعا هتقولى هتستفاد ايه انها تعمل كده مع حامد
هى كانت عايزه تدمر العائله كلها
حامد يتقبض عليه بعد كده فى صفقه اسلحه
وتقتلنى على أساس حامد اللى قتلنى بسبب الخلافات اللى بينا وتكون كده دمرت الكل
وتسيب أمى فى صدمه بقااا والثروة كلها تبقااا لها
وقابلت فاروق وهى لابسه قناع ومغيره الصوت على أنها حامد
وقتها عمى مكنش يعرف اى حاجه من اللى حصلت
بس لما الدمنهوري وعائلته اتقتلت اتاكد أن الموضوع خطير ومش هيعدى بسهوله
بعتلى أن الدمنهورى فاضل له بنت اللى هى انتى وانها كده فى خطر ولازم أظهر فى حياتها علشان احميها و....
لتنظر له منى بضياع وبكاء شديد / يعنى انت فعلا اتجوزتنى علشان تحمينى
وانا اقول ازاى يدخلونى القصر بتاعهم بالسهوله دى وماما نرمين وانت تعاملونى كويس كده
طلع ...طلع علشان تحمينى
كنت سبتنى اموت احسن ولا انك تخدعنى كده
يعنى انت وعمك كويسين مع بعض ودى خطه
وأميره السكرتيره كانت معاكوا من غير ما حد يعرف وفى نفس الوقت شغاله مع نانسى اللى منتحله شخصية عمك
ه وانا المغفله اللى كنت خايفه عليك ومن رساله روحت اعرف الحقيقه والحقيقه معايا فى نفس الأوضة
يحاول فارس تهدأه منى ويقترب منها بحنان / اهدى يا حبيبى. واسمعينى انا فعلا حبيتك واتجوزتك علشان حبيتك
اسمعينى بس
لتضحك منى بشكل هستيرى / ويا ترى بقااا المره دى بتحمى مين
والدتك ولا مين
يا يكون سليم واللى فى المستشفى مش سليم ولا حاجه هههههههه
ولا شفقه بقاااا
بقلم أميمة عوض
لتبدأ بالصراخ / قولى بتحمى مين المره دى يا فارس
لتكمل بثبات مزيف / انا حاليا بعفيك سواء من حمايتى أو الشفقه وتط.....
وتنظر له بألم وتقول / وتطلقنى
فارس بصوت عالى/ مش بحمى حد ،انا فعلا دخلت حياتك علشان احميكى فى الاول بس بعدها حبيتك
بعد موت أهلك ونزول داليدا مصر على أنها نانسى وهى مغيره فى شكلها
من الناس اللى تبعنا هناك ومراقبتها عرفنا أنها نفسها داليدا
كان لازم احميكى ،عرفنا انك بتدورى على شغل فنزلنا اعلان وعلشان كنت معين ناس تراقبك وحطينا الإعلان وانتى واقفه علشان تيجى
اشتغلتى عندى وناس بتراقبك فى نفس الوقت علشان تحميكى لو حصل اى حاجه
بقلم أميمة عوض
لحد ما صفاء راحت المستشفى اتاكدت أن فيه خطر كده انك تعيشى فى شقتك وبالذات أن نانسى اللى كانت باعته ناس فى العماره تقول انك على علاقه برجاله وبتتكلم على أساس أنها حامد
وعاملتك وقتها كأختى بجد لحد ما حبيتك
حبيتك واتجوزتك
مش فارس الملك اللى يتجوز غصب
كان ممكن احميكى وانا مش متجوزك عادى جدا بس انا حبيتك
صفاء واحده مريضه عندها نسيان مؤقت زى الزهايمر
شوية فاكره وشوية لا ،نانسى لعبت على الموضوع دا وأنها تقولك أن حامد اللى قتل اهلك وانتى تعرفى أن حامد عمى فتشكى فيا
بقلم أميمة عوض
كلها لعبه من نانسى وانتى غبيه صدقتى كلامها
رغم لما شوفتى صفاء فى القصر وقالتلك حامد وانتى قولتيلى
فاكره ولا افكرك
#فلاش باااك #
فارس بهدوء ومنى نائمه فى حضنه تفكر فى كلام صفاء /حبيبى. انتى سرحانه فى ايه
ومتقوليش مفيش حاجه علشان احنا متعودين نقول لبعض كل حاجه ويكون فيه ثقه بينا
منى بتوتر / انا شوفت طنط صفاء هنا وقالتلى كلام غريب اوى
فارس بانتباه وهو يلعب فى خصلات شعرها / قالتلك ايه يا حبيبى
منى بصوت هادئ / قالتلى أن حامد الملك اللى قتل اهلى
هو ....هو
فارس وهو مازال على نفس وضعه / هو ايه يا حبيبى
لا يا حبيبى مش تشابه اسماء بس انتى واثقه فيا صح وان هاخدلك حقك وهتعرفى كل حاجه صح
منى بإبتسامه اطمئنان/ صح يا حبيبى ،انا اصلا مش بثق فى حد غيرك
###باك
فارس / افتكرتى ولا لا وبردو جريتى ورا رساله
ليكمل ساخرا / وسايبه ورقه كاتبه فيها عن الرساله وانك خايفه عليا وروحتى على العنوان
مكنتيش تعرفى تستنى ثوانى لما اجى تقوليلى بس ازاى
منى هانم لازم تتصرف من دماغها
وبصوت يملأه الالم / ودلوقتي بتشككى فى حبى وعايزه
تتطلقى
حاضر هطلقك
ليغادر الغرفه بعصبيه ويتركها تبكى على ما حدث وعلى ما فعلته
فلن يسامحها حبيبها بسهوله
✨✨✨✨✨✨✨✨✨✨✨✨✨✨
تفوق من سرحانها على صوت فتح الباب لتمسح دموعها سريعا
يلاحظ فارس أنها كانت تبكى ولكن يحاول أن يظهر أنه لا يبالي فلقد جرحته حبيبته وقللت من حبه لها وانه فعل كل ذلك لأجلها ولأجل اخد حق أهلها
فاارس بثبات مزيف وبسخريه / صاحيه ليه ولا مستنيه علشان تقوليلى على الطلاق
ولا تقلقى من بكرا هيكون المأذون. موجود ....
- يتبع الفصل التالي اضغط على ( رواية محبوبة الفارس ) اسم الرواية