رواية مراهقه اوقعتني في حبها (كاملة جميع الفصول) حصريا عبر دليل الروايات بقلم امل احمد
رواية مراهقه اوقعتني في حبها الفصل السادس والعشرون 26
معلش على التأخير بقا بس غصب عنى🥹مستنيه رأيكوو إلى بيشجعنى استمر❤️.
روايه
مراهقه أوقعتني في حبها
البارت ال26
بقلمى أمل احمد🖊️
داليا بخبث : لا مش دى.. وشاورت بأديها على چيسى..ديي !!
باسل ومى بصوا لچيسى بصدمه
باسل بعصبية :انتى ايه الى جابك هنا يا زباله انتييي و مين سمحلك تدخلى هنا اصلاااا
داليا بصوت عالى :اناااا يا باااسل
فلاش بااك
لما داليا خرجت تشوف ايه الى برا لقت چيسى واقفه تتخانق مع الحرس
چيسى مع الحارس :بقولك دخلني
الحارس : ممنوع يا انسه لازم يكون عندى إذن من باسل بيه انى ادخلك
چيسى بتكبر : و وهو انت متعرفش أنا مين ولا ايه
الحارس :لا معرفش واتفضلى بقا امشى من هنا بدل ما نستخدم معاكى العنف
چيسى بخبث : عنف اي يا حيوان انت انت متعرفش باسل لو سمعك بتقولى كدا ممكن يعمل فيك ايه
الحارس :احترمى نفسك أنا مش راضى أقل ادبى احتراماً لباسل بيه واتفضلى من هنااا
كريم جه على صوتهم فى الوقت دا
كريم : اي فى ايه ايه الدوشه دي
الحارس :اتفضل يا كريم الانسه جايه ومصممه تدخل
كريم ل چيسى :حضرتك مين؟
چيسى بخبث :أنا أعرف باسل كويس وهو يعرفنى وعايزه ادخل الڤيلا والاستاذ دا مانعنى
كريم :ايوه حضرتك تقربيله ايه هو مبلغناش خالص ب مجيتك
چيسى بدلع : ايوه منا عاملاهالو مفاجأة
كريم بتنهيده :طيب ثانيه واحده هكلمه الاول ..
باسل : الو يا كريم
كريم :باسل بيه فى بنت جت الڤيلا ومصممه تدخل
باسل باستغراب :هى مين دي
كريم :مش عارف والله هى بتقول انها تعرفك وانت تعرفها ومصممه تدخل الڤيلا وحاولت أقنعها كتييير أنه مينفعش ومصممه بطريقه غريبه
باسل :ممكن تكون نورهان
كريم :لا لا أنا عارف انسه نورهان مش هى لاء.. دى واحده اول مره اشوفها وبصراحه كدا منظرها ميدلش على احترام خالص يا باسل بيه
باسل كان مستغرب جداً من كلام كريم
باسل :طيب هى فين دلوقتي
كريم :قاعده فى الجنينه
باسل :طيب متدخلهاش ومشيها دلوقتي واعرف اسمها ايه
كريم :تمام ..وقفل مع باسل واتجه ناحيه چيسى وكل دا تحت مراقبه داليا وكانت بتبص لچيسى بأعجاب
كريم :تقدرى تتفضلى دلوقتي وتبقى تيجى فى وقت تانى
چيسى :اي إلى أنت بتقوله دا بقولك عايزه ادخلللل
كريم :مينفعش باسل بيه نفسه قال لاااا اتفضلى دلوقتي
چيسى بزعيق وجرأة :مش هتفضللل وقاعده هنا للصبح
كريم كان لسه هيتكلم بعصبية وقفه صوت داليا
داليا بصوت عالى :كرييييييم
كريم :نعم يا داليا هانم
داليا :سيبها تدخل وروح انت شوف شغلك
كريم باستغراب : مينفعش حضرتك أنا لسه مكلم باسل بيه حالا وقالى مدخلهاش
داليا بزعيق :و دى ڤيلتى أنا مش فيلا باسل وكلامى هو إلى يتنفذ دخلهاا
كريم :ايوه بس ..
داليا بتكبر :مفييش بسس أنا قولت كلمه تتنفذ ..وبصت لچيسى إلى كانت واقفه مبسوطه من رد فعل داليا ..تعالى ادخلى
داليا :اتفضلى اقعدى
و قعدت هى وچيسى
داليا وهى بتنده على رباب : ربااب هاتى ليمون
چيسى بمياعه : ميرسي يا طنط والله دا من كرمك
داليا : قوليلى بقا انتى تعرفى باسل منين وكنتى عامله قلق ليه برا
چيسى :أنا ابقااا..مرات باسل
داليا باستغراب : مراته ازاى اذا كان هو متجوز من البنت الى اسمها مى
چيسى بدموع مصطنعه :ما هو كان الأول مرتبط بيا وكان ناوى يتجوزنى وعشمنى ب كدا بس بعد كدا للاسف غلطنا مع بعض و هو رمانى يرضيكى
داليا بصدمه :بااسل ابنى يعمل كدااا ازاى دا ملهوش فى الارتباط ولا الكلام دا اصلا وطول عمره كان شايل فكره الجواز من دماغه ازاى يعمل معاكى كداا
چيسى بدموع مصطنعه اكترر :اهو دا إلى حصل وحتى مش عايز يشوف وشى من ساعتها ولا راضى يتجوزنى بعد إلى عمله يرضيكى
داليا :لا طبعا ميرضنيش ولازم يصلح إلى عمله وبعدين انتى شكلك حلوه وبنت ناس وانا ميرضنيش يحصل فيكى كدا من ابنى
چيسى بزعل مصطنع :هتعملى ايه يعنى
داليا بخبث :انتى هتتجوزى باسل بس هنعرف مراته انك مراته اصلا عشان متعرفش حاجه من الى حصل داا
رباب دخلت عشان تناول چيسى العصير واتصدمت أما سمعت إلى بيقولوه وناولت چيسى العصير ودخلت تانى للمطبخ وهى حزينه على مى والى هيحصلها بسببهم ..!
چيسى بانتصار :بجدد بس هو ممكن ميرضاش
داليا بخبث :هيرضى ..هيرضى ورجله فوق رقابته
چيسى بابتسامه خبيثه :أنا بجد بشكرك جدا يا طنط تسلميلى انك هترجعيلى حقى
داليا : بقولك ايه انا هخلى رباب الداده تحضرلك اوضه انتى من النهارده مرات ابنى بس انتى اسمك ايه
چيسى بخبث: تسلمى يا طنط أنا أسمى ساره
داليا :ربااب رباااب
رباب :نعم يا هانم
داليا :اطلعى حضرى الاوضه إلى فوق ل ساره هانم
رباب بقله حيله :حاضر
بااااااك
باسل بصدمه :وانتى تعرفيها منين يا امى دى واحده ز...
داليا بزعيق :بااااسل متقولش لمراتك كدا عييب
مى وقد انفجرت من الغيره والغيظ :معلش بس مخدتش بالى مرات ميين؟!
داليا وهى بتبصلها بشده :مراته يا حبيبتى ايه مبتسمعيش
مى :لا هو أنا بسمع بس الظاهر أن حضرتك إلى مبتشوفيش
باسل واتسعت عينيه من جرأه مى إلى اول مره تظهر
وكملت مى بغيظ وهى بتلف ايديها حوالين دراع باسل :دا يبقى جوزى انااا وبالنسبه للقموره الى واقفه دى ..وشاورت على چيسى دى تبقى واحده قليله الربايه وباسل ميعرفهاش اصلااا
چيسى :هى مين دى يا حي ..
داليا بمقاطعة :ساااااااره ..وقربت من مى بصى بقا يا حلوه الى واقفه دى تبقى مرات باسل زيها زيك وتتكلمى معاها عدل احسنلك ..قاطعها باسل بزعيق
باسل بصوت عالى هز الڤيلا :امييييي انتى جرالك ايييييه هى الحقيره دى لحقت لعبت فى دماغك بكلام فاضى ولا اييه وبعدين اتكلمى مع مى كوييس والبت دى ..وشاور على چيسى مش مراااتى ولا اعرفها وأعلى ما ف خيلكم اركبواااا يلا يا مى نطلع أنا عااايز ارتاااح مش ناقص عتهه ع الصبححح والبت دى تمشى من هناااا وتروح تعمل المسلسل الهندى دا على حد تانى بدل ورحمه ابوياا يا امى هعمل تصرف مش هيعجكوااا
ومسك ايد مى وطلع تحت نظرات داليا وچيسى إلى هينفجروا من الغيظ
چيسى :شايفه يا طنط
داليا بخبث : متقلقيش انا هعرف اعلم البت دى الادب
چيسى بصعبنيه :طيب انا هعمل ايه دلوقتي دا بيقولك تمشى
داليا :انتى مش هتروحى فى حته وهتفضلى معانا هنا
چيسى :طيب وباسل
داليا :سيبيهولى وانا هتكلم معاه بس هو ليه بينكر أنه يعرفك
چيسى بتوتر : اااه اكيد عشان البتاعه إلى معاه متصدقنيش
داليا :اممم انا هخلص منها قريب..
_______________________
عند باسل و مى
باسل كان متعصب جدا و فتح باب غرفته و دخل وبص ل مى الى كانت متجها لغرفتها
باسل بعصبية :انتى راااحه فيين
مى :راحه اوضتى
باسل بضيق : طب خشى يا مى ولا عايزه الحربايه إلى تحت تطلعلى الاوضه وانتى مش موجوده
مى بسرعه دخلت وقفلت الباب بضيق طفولى وباسل ضحك عليها ودخل الحمام
مى لنفسها :ياترى الحربايتين إلى تحت دول ناويين على ايه أنا شكلى هتمرمط اوى ..
باسل من وراها وهو بيجفف شعره بالفوطه : بتكلمى نفسك يا هبله
مى بخضه :اعااا وربنا يا باسل هتيجى مره وتقطعلى الخلف
باسل قعد جمبها :سلامتك يا قلبى
مى ابتسمت برقه
مى : وبعدين يا باسل هنعمل ايه
باسل بعدم اهتمام :هنعمل ايه ف ايه
مى :فى مامتك والبت التانيه إلى تحت دى
باسل و هو بيرجع ظهره لورا وبيقعد باسترخاء :مش هنعملهم حاجه خاالص خليهم يجيبوا آخرهم وانتى هتفضلى مراتى وحبيبتي فى عينى وقدام الكل وهى هتفضل واحده ** قدام الكل مش قدامى بس
مى :طيب ليه مطردتهاش من الفيلا وسيبتها
باسل :لأن دى مش ڤيلتى يا مى
مى باستغراب :اومال ڤيلا مين
باسل بسخريه : داليا هانم امى
مى بعدم فهم :لا بقا أنا مبقتش فاهمه حاجه وليه طنط داليا مدافعتش عنك وليه بحسها بتعاملك بطريقه مش حلوه
ممكن تفهمنى
باسل وهو بيعدل من وضعيته :حاضر يا سيتى بصى
أمى وابويا كانوا بيحبوا بعض جداً ..وحكالها على كل الى حصل قبل وفاته أبوه
مى باستيعاب :امممم وهى عشان كدا متضايقه منك
باسل :بالضبط وبتحاول تعاقبنى فيكى وتقريبا اصلا هى موافقه على وضع ساره(چيسى) دى عشان اشيلك من دماغى واتجوز ساره
مى بزعل :عشان كدا هى زعقتلى عشانها
باسل وهو بيملس على شعرها :حقك عليا أنا متزعليش
مى بابتسامه بريئه لحنيته :أنا بحبك اوى يا باسل
باسل بذهول :احلفى انتى بجد أخيرا قولتيهااا
مى ابتسمت بكسوف وقالت
مى :انت بجد حنين اوى وطيب بالرغم من قسوتك عليا اول ما جيت الڤيلا بس حسيت انك شخص كويس وطيب وحسيت انى بحبك فعلاً وكل يوم كنت بتأكد من احساسى بأفعالك إلى بتثبت صحه كلامى وعشان كدا مش هسمح لواحده تاخدك منى
باسل كان بيسمعها وهو هيطير من الفرحه و خدها فى حضنه
باسل :وانا ليكى انتى بس يا ميوش قلبى ومفيش واحده هتملى عينى غيرك
مى شددت من احتضانه وهى مبسوطه وخرجت فجأة من حضنه وهى بصاله بتساؤل
باسل :خير يارب حاسك هتنزلى عليا بسؤال دلوقتيي
مى بضحك :ههههه عرفت منين بجد
باسل :حفظتك يا ميوش
مى :احم بص هو سؤال محيرنى اوى صراحه هو ازاى باباك اسمه امير وانت اسمك باسل مكرم مش المفروض يبقى اسمك باسل امير
باسل بضحك :أنتى تفكيرك محدود اوى أنا أسمى باسل امير مكرم عزالدين بس الشهره باسل مكرم
مى : امممم فهمت
باسل :أنا جوعت انتى مجوعتيش
مى :بصراحه اه
باسل :طيب استنى اقول لرباب تحضرلنا الأكل
مى :اى دا احنا مش هناكل تحت
باسل بسخريه : تحت ازاى مع سارسوره وامى
مى بغيره : والله انت دلعتها كماان اقولك هى لايقه عليك اصلا ..وقامت وقفت وسع بقاا كدااا
باسل كان فطسان ضحك :أهدى يابت راحه فين ههههههههه يخربيت جنانك
مى بعصبية :وسع كدا يا رائد البقر انت
باسل قام وقف وكان اطول من مى ب٢٥سم
باسل بخبث وهو بيقرب منها :بقا أناا رائد البقرر
مى وهى بتبعد بتوتر :اااه اه و وسع كدا بقا عشان اروح اوضتى ..واتفاجئت بباسل بيشيلها بين دراعاته
مى بكسوف :باسل نزلنيي
باسل بخبث :مش هنزلك غير أما تقولى نزلنى لو سمحت يا باسل بيه
مى بتذمر : على جثتييى
باسل :خلاص خليكى كدا بقا وشويه والشيطان هيوسوسلى بشكلك إلى زى القمرر دا
مى بخجل شديد :اععععع لا خلاااص
باسل :يلا قولى نزلنى يا باسل بيه
مى بدلع : احم لوسمحت يا سولى نزلنى
باسل بضحك شديد :يخربيت جمال كلمه سولى منك
مى بمرح :احم احنا مش اى حد بردو
باسل برفع حاجب :دا غرور ؟
مى : اممم تقريباً
باسل بابتسامه جذابه :احلى مغروره فى الدنيا ..وباسها من خدها ونزلها وطلب من رباب تطلعلهم الأكل وكلوا ..
تحت عند چيسى و داليا كانوا بياكلوا
چيسى وهى بتنهى اكلها وبتقوم : عن اذنك هدخل التواليت
داليا بإعجاب من طريقه كلامها :شور اتفضلى يا حبيبتى
واول ما جيسى دخلت الحمام رنت على طارق
طارق بلهفه :الوو هاا عملتى ايه !
چيسى بخبث :هو لسه مش متقبلنى خالص و واضح أنه بيحب بنتك اووى ومتمسك بيها بس هجيب اخره
طارق :مليش دعوه تعملى اى حاجه المهم أنه يكرهه مى ويطلقها وبنتى ترجعلي
چيسى بخبث : متقلقش هيحصل
طارق :اتمنى
چيسى :سلام بقا أنا هقفل دلوقتي
طارق :سلام ..وقفلوا وخرجت لداليا
چيسى بحزن مصطنع :طيب انا هفضل قاعده مكانى كدا يا طنط
داليا :اصبرى باسل ينزل ونتكلم معاه أنا مش عارفه هو منزلش اتغدى هنا ليه
چيسى بخبث :اكيد الحلوه مراته قالتله مينزلش عشان أنا موجوده ما هى حربايه وخدته منى
أنا أمل ..*وربنا انتى إلى بنت *** وعايزه تتربى سيبونى عليهاااا👺
داليا :لا لا هى اصلا فى اوضه وباسل فى اوضه
چيسى بخبث :اها تمام طيب اى رأيك اطلع أنا أتكلم معاه فوق يمكن يلين
داليا :باسل عنيد يا ساره و مش هيتكلم معاكى بسهوله
چيسى بخبث : متقلقيش أنا هعرف اتكلم معاه بطريقتى
داليا :مابلاش يا ساره ممكن يقلب عليكى دا ابنى وانا عارفاه
چيسى :هحاول مش هخسر حاجه عن اذنك ..وطلعت
*أنا أمل ..افتكر أن أنا قولتلك بلااااش🙂 سورى يا جماعه اندمجت معاهم😂
________________________
فى اوضه باسل
مى خلصت اكل ودخلت الحمام تغسل ايديها
فون باسل رن وكان يوسف
باسل : حبيب قلبي واحشنى والله
يوسف :دا على أساس انك معبر اهلى اوى يلااا
باسل :اى يسطا هو أنا فريده
يوسف :يااض اتلم ياض مش هتبقى انت والجحش اخويا
باسل بضحك :طب والله الواد وائل دا عسل
يوسف بسخريه :اه عسل ملزق
باسل بضحك : سخييف ..ايه كنت عايز ايه
يوسف :كنت عايز اقولك على قرار كدا مش عارف هو صح ولا لاء غلط بس انا قررت خلاص
باسل :خير يارب
يوسف :أنا قررت استقيل عن شغلى
باسلوب :ت إيه يا عنيا
يوسف :استقييييل استقيل
باسل :انت هتستعبط يلااا ولا ايه
يوسف :اي يا عم هو انا بقولك هشتغل صبى الرقاصه
باسل بعصبية :انت بتستهبل يا يوسف تستقيل اى وزفت ايييه بطل الأفكار الهبله دى يا حبيبي واستهدى بالله كدا
يوسف :باسل انا بتكلم جد أنا عايز قبل فرحى أنا وفريده ب يوم اقدم استقالتى و لو حبيت ارجع تانى اللواء كمال مش هيقول لاء يعنى
مى فى الوقت دا خرجت من الحمام و وقفت بعيد لما لقت باسل متعصب
باسل وهو بيرجع شعره لورا بنرفزه :ليه يا يوسف دا انت إلى كنت بتنصحنى لما عرفت انى بحب مى و قولتلك انى خايف احبها واوجع قلبها عليا او تتعذب بسببى وقعدت تطمنى وتقولى خلى تفكيرك إيجابى والاعمار بيد الله تيجى انت دلوقتي تقولى استقيل أيعقل يا راجل !
مى اول ما سمعت الكلام قلبها دق بسرعه جنونيه وفرحت جداً
يوسف بتنهيده :مش عارف بقى يا باسل حاسس انى لما استوعبت الموضوع وحسيته داخل فى الجد خوفت
باسل وهو بيحاول يطمنه :متخافش يا يوسف والله لو كلنا بنفس التفكير دا يبقى محدش فينا هيشتغل الشغلانه دى وبعدين على رأيك الاعمار بيد الله ف انت استهدى بالله وقوم صلى ركعتين ادعى فيهم ربنا يرشدك للطريق الصحيح وحاول تشيل فكره الاستقالة دى من دماغك ولو مقتنع بيها ومصمم ف أنا مش هجبرك على حاجه يا صاحبى وانا معاك وفى ظهرك فى اى قرار تاخده
يوسف :تسلم يا صاحبي ربنا يخليك ليا والله أنا احتارت وفكرت كتيير وتعبت من كتر التفكير
باسل :طيب خطيبتك عرفت حاجه عن الكلام دا
يوسف :لا لسه مجبتلهاش سيره
باسل :جدع و لا تجبلها اصلا وفكر كويس اووى قبل ما تاخد اى قرار ولما تستقر بلغنى بقرارك وانا معاك
يوسف :تمام ماشى
باسل وهو بيتكلم لمح مى واقفه ابتسم بخبث :ماشى يا حبيبتى هقفل أنا بقا
يوسف بصدمه :حبيبتك!! ماتظبط يلااا
باسل : وانا كمان بحبك يا روحى سلام ..وقفل
يوسف وهو بيبص للفون بصدمه :لا اله الا الله الواد اتهطل
مى بصتله وضيقت عينيها بغيظ من كذب باسل عشان يغيظها و راحت قعدت جمبه على أساس أنها متعرفش أنه يوسف
مى باصطناع الزعل :مين دى يا باسل
باسل بابتسامه خبث :دى حبيبتى
مى : امممم حبيتك!
باسل بابتسامه : امممم
مى :وهى حبيبتك اسمها يوسفف
باسل بصدمه :احم انتى كنتى سامعه المكالمة من الاول صح
مى بغيظ :اه يا كدااب انت ليه عايز تحرق دمى بأى طرييقه حرام عليك كل دا عشان بحبك
باسل وهو بيضمها ليه :لاء يا قلبى والله أنا بحب انكشك واهزر معاكى بمووت فى غيرتك علياا وبحب اشوفها وبصراحه بقا بتبقى زى القمر وانتى غيرانه
مى : ثبتنى ثبتنى مااشى هحاول اقتنع
باسل : تحبى اقوم اقنعك
مى باستغراب :ازاى
باسل :اقوم انده لساره
مى :يارب تتشلل قبل ما تقوم تندهلها
باسل بصدمه وهو بيضحك : حرام عليكى يا شيخه اهون عليكى
مى ببرائه : لاء ..اااه قصدى اه لو هتقوم تندهلها اه
باسل ضحك عليها
وهووب الباب خبط
توق توق توق
باسل شاور ل مى بأنها متتكلمش ومى هزت راسها بمعنى حاضر
باسل بحده : ميين
چيسى بدلع :أنا ساره يا باسل
مى بصت لباسل بصدمه و اتعصبت وكانت لسه هتتكلم باسل بسرعه قرب منها و حط أيده على بوقها وهمسلها
باسل بهمس شديد :ادخلى الحمام و كأن محدش معايا بسرعه وانا هحاول اجرجرها فى الكلام
مى بعصبية كانت لسه هتعترض لكن باسل باصلها بحده وشاورلها تدخل الحمام بسرعه ومى فعلاً دخلت وباسل فتح الباب ببرود
باسل بحده :نعم عايزه حاجه
چيسى بصعبانيه خبث :انت بتكلمنى كدا ليه وبعدين هو احنا هنتكلم من على الباب مش هتقولى ادخلى
مى كانت مقربه جداً من الباب عشان تسمع كويس
مى بعصبية :يا بجاحتك يا شيخه دا لولا أنى واثقه فى الواد مكنتش سبتككك
باسل بحده :وهو من الصح انك تدخلى تقعدى مع واحد متجوز فى اوضه لوحده
ساره وهى بتلف ايديها حوالين رقابته بمحاوله إغرائه :وفيها ايه عادى
باسل وهو بيفك ايديها باشمئزاز :لو لمستينى تانى هزعلكك انتى فااااهمه
چيسى بصعبانيه :سورى يا بيبى معرفش انك هتضايق
باسل محاولة استدراجها :ادخلى
چيسى بفرحه دخلت وقفلت الباب
باسل باصلها وهو رافع حاجبه
باسل :خير عايزه ايه
چيسى بمياعه :هو انت منزلتش تاكل معانا تحت وكلت لوحدك
باسل بحده :هو انتى صدقتى نفسك يابت ولا ايه دا انتى حته بت ** لا راحت ولا جت هتضحكى عليا انا بروح امك بقولك ايه انا سايبك بمزاجى ولسه حسابى معاكى عسير على إلى بتعمليه والى عملتيه
چيسى بخبث وهى بتقرب منه وتحاول تقبيله :انت قافش عليا ليه كدا ما تفك شويه وبعدين انا معملتش حاجه يعنى لكل دا
باسل وهو بيمسكها بعنف من ايديها ويبعدها عنه :لا دا انتى مجنونه بقااا ما تتظبطى يابتتت
هى السفاله بتجرى فى دمككك
مى فى اللحظة دى مقدرتش تمسك نفسها وهى متخيله كل الى بيحصل وخرجت فجأة من الحمام وچيسى بصتلها واتصدمت ..
يتبععع
•تابع الفصل التالي "رواية مراهقه اوقعتني في حبها" اضغط على اسم الرواية