رواية اتجوزني عشان اربيله ابنه الفصل السادس والعشرون 26 - بقلم رحاب القاضي

 رواية اتجوزني عشان اربيله ابنه (كاملة جميع الفصول) حصريا عبر دليل الروايات بقلم رحاب القاضي

رواية اتجوزني عشان اربيله ابنه الفصل السادس والعشرون 26

_اتجوزني عشان اربيله ابنه «٢٦».. 

ــــــــــــــــــــــــــــــــــــــــــــــ 

نيره بخوف وهي شايفه عمر ماسك السكينه قدامها وقالت.. 

نيره 

اا انت ازاي جيت هنا اايه اللي انت ماسكه في ايدك ده..

عمر بغضب

جاي اغسل شرفي بايدي يا نيره زي ما عملت مع الواطيه اختك.. 

خافت نيره ورجعت لورا وقالت 

انت بتقول ايه عمر انا نيره اللي انت مربيها.. 

عمر بدموع 

انا ما عرفتش اربيكي ولا اربيها، روحتي ورميتي نفسك في حضن نفس الواد اللي ضحك علي اختك.. 

نيره بصدمه 

انت بتقول ايه والله العظيم ده ما حصل، مين الحيوان اللي قالك كده.. 

عمر بعصبيه 

قولي مين ما قاليش هو حازم اتجوزك ليه مش عشان يداري عليكي، انا بدل ما ابقي مسجون واختي بره دايره علي حل شعرها.. 

عيطت نيره وقالت

حرام عليك يا عمر ورحمة ابوك وامك انت ظالمني... 

_في الوقت ده دخل حازم واتصدم لما شاف عمر ماسك سلاحه وقال.. 

حازم 

احييي.. 

نيره بخوف

حازم الحقني عمر جاي يقتلني.. 

حازم بسخريه

انت عبيط يا عمر ولا السجن علمك الاجرام وجاي تطلعه علي اختك.. 

عمر بحده 

هقتلها يا حازم عارف ليه عشان انا عرفت كل حاجه.. 

حازم 

الحقي يا نيرو ده عرف اللي احنا مش عارفينه.. 

حدفته نيره بالمخده وقالت

يا حيوان بقولك هيقتلني وانت بتهزر.. 

عمر بغيظ 

انتو ايه البرود اللي انتو فيه ده، وانت يا حازم ازاي تتجوزها بعد اللي عملته.. 

حازم قرب منها وقال

انتي ازاي يا بت تعملي اللي انا مش عارفه ده.. 

زقته نيره وقالت 

انت بتستهبل يارب يعني يبقي اخ غبي وزج اهبل الا ما فيهم حد عاقل.. 

_في والوقت ده الشرطه دخلت وقبضت علي عمر، اللي كان متعصب وقال.. 

عمر

هقتلك يا نيره  علي اللي عملتيه.. 

وقف حازم قدامه وقال

غبي ضيعت اختك زمان وجاي تضيع التانيه، لينا كلام يا عمر بس اروقلك.. 

_اخدت الشرطه عمر ونيره حضنت حازم وفضلت تعيط وطلعت ناهد مامتزحازم وقالت وهي بتعيط... 

ناهد 

ليه يا عمر خليتهم يقبضو عليه ما كنت سيبته يهرب.. 

حازم 

ما ينفعش يا ماما عمر قاتل والقانون قال ملمته في القضيه بتاعته، وانا لو عملت اللي انتي بتقوليلي عليه ابقي ما استاهلش اكون ظابط شرطه... 

نيره ببكاء

هو ليه قال كده، ازايويفكر اني ممكن اعمل حاجه زي دي هو ممكن. يكون سيف اا.. 

حازم بص لمامته وقال بسرعه 

اا اا انا لازم اروح المستشفي عشان معتز، انا رجعت لان كان في بلاغ متقدم ان عمر هرب وجه علي هنا.. 

نيره بقلق

انا مش فاهمه اي حاجه مين اللي بلغ ومعتز واللي حصله و.. 

حازم اتنهد وقال

اندي عشان انا اقسم بالله مش فاهم اي حاحه بس لازم اروح لمعتز، ماما خليكي هنا يا تنلو تحت وانا هشوف الوضع وارجعلكم تاني.. 

_ومشي حازم واول ما وصل المستشفي قابل اللواء اللي قاله بضيق. 

اللواء

كل ده يا حازم عشان تيجي.. 

حازم بقلق

معتز حصله ايه بالظبط وهو فين؟.. 

اللواء

اتعرض لهجوم هو وعيلته ومراته وابنه مختفين، اخرة اللعب من تحت الترابيزه.. 

حازم بدموع 

مش وقته الكلام ده هو فين وجراله واهله كويسين؟.. 

اللواء بضيق

اللواء السابق فاروق بيه اتوفي ووالدته انقذوها باعجوبه ودخلت في غيبوبه ومعتز واخد طلقه في صدره.. 

حازم نزلت دموعه 

ليه كل ده يحصله، كل ده عشان عايز ينضف البلد من ولاد الكلب دول.. 

اللواء

انا لازم ارزح القسم لان الموضوع بقي كبير، وعلي فكره انت هتمسك القضيه مكام معتز لحد ما يقوم هو حالته مش خطر.. 

حازم بغيظ 

قضية ايه اللي امسكها انا في اجازة فرحي وبعدين حضرتك مكلمني تقولي الواد بين الحيا والموت.. 

اللواء بحده 

ما انت جبله ما كنتش هتيجي غير بالطريقه دي، واعمل حسابك تعرفلي طريق مرات معتز وابنه لانهم هما مع يوسف ويوسف وجوده بره بقي خطر علي الكل.. 

بص حازم ورااه وبعدين قال

هو حضرتك تقصدني انا بالكلام ده، مش معقول يعني كل ده انا اعمله لوحدي.. 

اللواء بحده 

نفذ يا حضرة الظابط.. 

حازم بغيظ 

تمام يا افندم.. 

مشي اللواء وحازم قال لنفسه بغيظ

اموت واعرف مين ابن التيت اللي تف ونف وعمل بيبي في حياتي عشان يوم فرحي تحصل البلاوي دي كلها.. 

_مشي وراح اوصة معتز ولما دخل لقي فريده قاعده بتعيط ومعتز الاجهزه متوصله بيه، وفريده عماله تقول.. 

فريده 

انطق يا معتز فين بنتي طيب شاور، اتخطلت ولا اتقتلت طيب هي هبله ممكن تكون اخدت اياد وجريت وتاهت ما ترد عليا يا معتز.. 

حازم بغيظ 

حرام عليكي ده مضروب بنار ومعموله عمليه عايزه تنطقيه ازااي.. 

مسكته فريده من قفاه وقالت

انت مش صاحبه وظابط هاتلي بنتي، انا عايزه مريم.. 

حازم بخوف

حح حاضر هجيبها بس ممكن اطمن علي معتز.. 

فريده

الدكتور قال هيفوق بكره، انا بقي مش همشي من هنا غير لما يفوق... 

حازم بص لمعتز بحزن وقال

طيب انا هقعد شويه وبعدين اروح اطمن علي طنط فريده اللي دخلت غيبوبه و.. 

فريده بحده 

شالله انت واهلك كلهم انا فريده دوكا الفت.. 

حازم بغيظ 

ربع لسانكم الطويل انتي وبنت اختك، اوعي بقي عايز اشوف صاحبي.. 

قعدت حازم جنب معتز وفضل بعيط وقال

قوم بقي ياومعتز اللواء مسكني القضيه وانت ف اني ماليش في الاكشن غير وانت معايا قوم وحيتة ابوك لاا ابوك مات صح قوم يا معتز انا هتبهدل البلد هتخرب قووم.. 

فريده 

ومدام انت نيله اووي كده ايه اللي دخلك شرطه د. 

حازم مسح دموعه وقال

ابويا دفع دم قلبه عشان كان عايز يبقي ابو الظابط ويوم التخرج بتاعي جاتله سكته قلبيه من الفرحه ومات ملحقش يتهني.. 

فريده بدموع 

حازم انا عايزه مريم واياد انت لازم تلاقيهم.. 

حازم 

هو انا ممكن الاقيهم بس مش هجيبهم لا هتلط في الداهيه اللي هما فيها.. 

فريده 

قوم روح او شوف نفسك رايح فين انا قاعظه هنا مع معتز ومامته... 

_قام حازم مشي بس ما رجعش بيته راح القسم ونزل الحجز وبص للمساجين وقال.. 

حازم 

انا طول عمري بسمعكم وانتو بتفضفو معايا، دلوقتي جع الوقت انا اتكلم وافضفض وانتو تسمعو.. 

ــــ #بقلم_الكاتبه_رحاب_القاضي ـــــــ

_في فيلا قديمه ومهجوره صحيت مريم وعدهي ماسكه بطنها بالم وبصت حواليها وقالت.. 

مريم 

سيييف انت يا زفت يا حيوااااان... 

دخل عندها سيف وهو. ماسك كوباية شاي في ايده وقال ببرود.. 

سيف 

نعم يا حبيبتي في ايه؟.. 

مريم بحده 

حبك برص اتنيل مشيني من هنا كفايه بقي ارحمنييي.. 

سيف ببرود

اوكي يا قلبي هنمشب من. هنا بس يوم ولا يومين يكون موت معتز عظي عليه حبه وهنمشي بره مصر خالص هنروح تركيا.. 

عيطت مريم وقالت

والله لاقتلك زي ما قتلته يا حيوان يا مريض.. 

سيف بغيظ 

بتحبي فيه ايه وليه حبيتيه اووي كده فوقي يا مريم ده اتجوزك عشان ابنه ومزاجه مجرد واحده تىبيله ابنه وتبقي زوجه انما هو بيحب مراته الاولي ملك بنت زين الشناوي.. 

مريم بجمود 

حتي لو ماكنش بيحبني كفايه اني كنت متجوزه راجل لما كان بيقف قدامك بيقف في وشك ومعلم عليك مش عيل اخدته غدر انت الحيوان التاني با ولاد الكلب... 

قرب منها سيف ومسكها من شعرها وقال

هو انتي فاكره جايبك عشان ابوس رجلك واقولك والنبي خليكي معايا، لا يا حلوه انتي خلاص اتحكم عليكي تفضلي معايا لاخر عمرك كمان.. 

مريم ببكاء والم 

انا عندي اموت ولا اكون مع واحد وسخ زيك.. 

حضنها غصب عنها وقال

لا هتكوني معايا يا حبيبتي وابنك ده انا اللي هكون ابوه ومش هخلي حاجه تبقي نقصااه.. 

زقته مريم جامد بعيد عنها وقالت

انت مرييض والله العظيم انت مريض ومش طبيعي.. 

سيف ببرود

انا هنام في الاوضه اللي جنبك دي لو احتاجتي اي حاجه اندهيلي.. 

_مشي من قدامها وقعدت مريم علي الارض وفضلت تعيط وهي فاكره ان معتز مات... 

ــــــــــ #بكلم_الكاتبه_رحاب_القاضي ــــــــــ 

_في الحجز كان حازم قاعد مدايق بعد ما قال للمساجين كلهم اللي حصله.. 

حازم 

وادي الحكايه والحدوته اعمل ايه بقي؟.. 

رد عليه راجل كبير وقال

والله يا ابني الموقف هي اللي بتعلم انت لازم تقف جنب صاحبك في... في حاجه كده انا مش فاكرها.. 

حازم بغيظ

اسكت يا حج الله يباركلك مش ناقصين لبخه في الكلام.. 

جه اللواء من ورا حازم وقال

انت بتنيل ايه الله يخربيتك.. 

وقف حازم بسرعه وقال

تمام يا افندم دد ده كانت في مشكله بس معاهم وكنت بحلها... 

الراجل الكبير

سايق عليك النبي يا بيه يا كبير ما تتقل علي الواد الغلبان ده.. 

اللواء

اترزع ياراجل انت مكانك، وانت ورايا يا حضرة الظابط.. 

طلع اللواء وحازم قال وهو بيلطم علي وشه

يا حوستي السودا يا اني يا اماا.. 

وراح ورا اللواء وقال

خير يا افندم في ايه؟.. 

اللواء

اخر مره يا حضرة الظابط اشوفك قاعد مع المجرمين فاهم ولا لا.. 

حازم 

تمام يا افندم.. 

اللواء

بكره تكون عندي نمر العربيات اللي هاجمت معتز عندي، تشوف الكاميرات بتاعت الطرق.. 

حازم 

تمام يا افندم.. 

اللواء

احنا مش هنفضل معتمدين علي معتز فاهم ولا لا.. 

حازم 

تمام يا افندم.. 

اللواء

وابقي روح خلص اجراءات الدفن بتاعت ابو معتز تمام.. 

حازم 

تمام يا افندم.. 

اللواء

انا هروح البيت وانت تنفذ اللي قولتلك عليه، ولو ما حصلش هتتجازي.. 

حازم 

تمام يا افندم.. 

مشي اللواء وقرب علاء من حازم وقال

هو اللزاء طلب منك ايه بالظبط.. 

حضنه حازم وقال ببكاء

والله العظيم اللي بيحصل فيا ده حرام والله العظيم حرام.. 

علاء

يا ابني اهدي في ايه يا حازم ما تجمد كده، وقولي هو طلب منك ايه؟.. 

حازم 

والله ما فاكر ينوبك ثواب روح خلث اجراءت تلدفت بتاعت عمو فاروق.. 

علاء

طيب وانت رايح فين دلوقتي.. 

حازم بصوت واطي

انا رايح مكتبي انام ابوس ايدك استر عليا.. 

علاء بغيظ 

انت اللي دخلك شرطه ظلمنا احنا معاك.. 

ــــــ #الكاتبه_رحاب_القاضي ــــــــــ 

ـ والصبح في المستشفي بتاعت بهاء كان قاعد مع ندي اللي ما كانتش راضيه تاكل.. 

بهاء

كده. اكلنا سما وملك فاضله ناني.. 

ندي 

هو انت سميت بناتي من غير ما اعرف.. 

بهاء 

ايوه سما دي كانت حب ابتدائي وملك دي حب الجامعه بقي اللي خزوقتني وطلعت كانت معجبه بصاحبي.. 

ندي كتمت ضحكتها وقالت

طيب وناني دي كراش الشغل بقي.. 

بهاء

لا دي كانت الرقاصه اللي ابويا اتجوزها علي امي وكانت سبب طلاقهم بس كانت وتكه عمري ما انساها.. 

ضحكت ندي بصوت عالي ومسكت بطنها بألم، وبهاء وهو عامل نفسه هيغمي عليه.. 

بهاء

الخقوني بمايه بسكر بسرعه، ايه القمر ده بس.. 

ندي بتوتر

علي فكره المفروض تلم نفسك انا لسه متجوزه.. 

بهاء

بالمناسبه صح انا سالت وعرفت انك ممكن تطلقي عادي وتخلعيه عن طريق المحكمه.. 

ندي بدموع 

ماشي ياريت يحصل كده وقبل ما اولد كمان... 

بهاء بضيق

هو انتي كنتي بتحبيه مش كده؟.. 

ندي بضيق

يوسف مش وحش علي فكره، هو بس ظروفه اللي اجبرته يكون كده.... 

بهاء

ده كلام فارغ الظروف عمرها ما بتغير حد كويس يا ندي.. 

ندي 

انت مش مكانه عشان تحكم عليه، لو انت اللي اتربيت مع فخري وهو اتربي مع باباك الدكتور كان زمانك بقيت زيه.. 

بهاء بضيق

لا انا كنت فضلت زي ما انا جايز ما كنتش هبقي دكتور بس عمري ما كنت هاءي حد بشغلي، ويوسف لو كان مع ابويا كان زمانه بقي واحد همجي وخمورجي ومريض نفسي زي ابويا.. 

ندي بحزن 

انا اسفه مش قصدي حاجه والله.. 

وقف بهاء وقال

كملي اكلك عشان خاطري وانا هبعتلك الممرضه.. 

ندي بحزن 

انا اسفه والله، طيب انت رايح فين من غير ما تأكل ناني؟.. 

ابتسم بهاء وقال

معلش خليها عليكي المره دي، عشان والله عندي شغل مهم هجيلك الصبح.. 

_طلع بهاء بره اوضة ندي وظهر ورااه يوسف اللي كان لايس نضاره سودا وكاب؟؟؟.. 

ــــــــــ #بقلم_الكاتبه_رحاب_القاضي ــــــــــ 

_تاني يوم  في مكتب حازم دخلت علا بعد ما خبطت وهو كام نايم، قربت منه وحطت ايدها في شعره وقالت.. 

علا

لو بس تحس بيا يا حبيبي.. 

حازم وهو غارقان في النوم 

هو انا قملت ولا ايه ماما تعالي فليني... 

بعدت عنه علا وقالت بصدمه 

ايه القرف ده ؟.. 

فتح حازم عينيه وقال

علا انتي بتعملي ايه هنا؟.. 

علا 

انا عرفت باللي حصل لمعتز واهله واياد، وعرفت حاجه كده تقريباً هتساعد معتز يوصل لمراته واياد.. 

حازم 

استني كده قولي من الاول عشان انا مش مركز في حاجه ولسه صاحي.. 

علا بضيق

فووق يا حازم قي واحد من يومين كان عند. بابا اسمه سيف البدري وهو ده اللي ليه ايد في كل اللي حصل ده... 

حازم بصدمه 

نعمم انتي قولتي مين؟.. 

علا

خير يا حازم في ايه؟.. 

حازم 

بقولك ايه هو سيف البدري ده شغره بني وعنده دقن بني خفيفه وطويل ونحيف شويه وراكب عربيه لونها ازرق كده ومكتوب عليها اسمه من ورا بالانجلش... 

علا 

ايوه ايوه هو ده.. 

حازم 

الله واكبر، لا انتي تيحي معايا احنا لازم نروح المستشفي دلوقتي وتقولي الكلام ده كله لمعتز لان شكل الموضوع كبير اووي... 

_اوضة معتز كانت فريده نايمه علي الكنبه، وهو فاق واول ما فتح عينيه افتكر كل اللي حصل موت باباه وضرب مامته بالنار قدامه وسيف ويوسف وخطف مريم واخر حاجه يوسف وهو واخد اياد معاه غصب عنه.. 

_قام بسرعه وقعد ونزلت دموعه بس مش بحزن علي قد ما هو غضب وعصبيه، قامت فريده وقالت.. 

فريده بقلق

معتز انت كويس يا حبيبي الف سلامه عليك.. 

حط ايده علي مكان الرصاصه بالم وقال

ماما كويسه هي فين؟.. 

فريده بدموع

هي كويسه يا حبيبي بس حالتها صعبه شويه، والبقاء لله في فاروق بيه.. 

غمض عينيه بحزن، وفريده قالت ببكاء

فين مريم يا معتز واياد كمان مش موجود، انا قلبي مش مطمن عليهم خاالص.. 

معتز بغضب 

والله العظيم هيرجعو وهندم الكلاب دول ندم عمرهم علي اللي عملوه ده، كلميلي بس حاوم لاظم يجيلي بسرعه ويجيب معاه علاء.. 

ــــــــــ #الكاتبه_رحاب_القاضي ــــــــــ 

_في الفيلا اللي فيها مريم صحي سيف علي صوت عياط مريم بصوت عالي، وقىب هو منها بسرعه وقال.. 

سيف بقلق

مالك يا حبيبتي في ايه؟.. 

مريم ببكاء والم 

بطني بتتقطع بموووت يا سيف الحقني... 

سيف بخوف 

دقيقه واحده هجيب العربيه وجاي عنروح للدكتور.. 

مريم بالم شديد

بسرعه يا سيف بموت تعبااااانه.. 

_طلع سيف بسرعه وهو خايغ عليه وهي بصتله بخبث وقالت.. 

مريم 

ان ما عملتم الادب يل ابن الهام العبشه ما ابقاش انا... 

_تفتكرو ايه اللي هيحصل؟.. 

ـــــــــــــــــــــــــــــــــــــــــــــــــــ 

 

  •تابع الفصل التالي "رواية اتجوزني عشان اربيله ابنه" اضغط على اسم الرواية