رواية خداع نفسي (كاملة جميع الفصول) حصريا عبر دليل الروايات بقلم الاء هاني
رواية خداع نفسي الفصل السابع والعشرون 27
رحيم ابتسم بمرارة و خد الادناء من الدوﻻب حطه على السرير بس هو ماشى داس على حاجة لما شافها اتصدم لقى السلسة اللى كان مديها لطيف مقطوعة و مرمية على الارض ونزل جابها و افتكر يوم ما ادهالها
Flash Back
طيف غمضت و رحيم وقف وراها و بعد كدا حست بحاجة حاولين رقبتها فتحت عينيها لقت سلسلة فضة عليها شكل الشمس الا كانت فى ربانزل
طيف : الله يا رحيم شكلها حلو اوى
رحيم و هو بيحضنها من ظهرها : كل سنة و انت طيبة يا ربانزل و كل سنه و انت فى وسطنا و اوعدينى انك متقلعيهاش غير لما تزعلى منى او تيجى سلسلة تانية مكانها
طيف باستغراب : سلسلة تانية
رحيم : السلسلة الا جوزك هيجبهالك ان شاء الله اكييد هتقلعى السلسلة بتاعتى مش هتلبسيها و تسيبى سلسلة جوزك يعنى
طيف بصتله الا هو انت حمار يا حمار : انا عايزة انام
رحيم : يلا يا ست البنات
Back
رحيم بوجع : غبى يا رحيم غبى حتى معرفتش تفهمها
قعد على السرير و فى ايده السلسلة و فى ايده التانية ماسك الادناء و بيبصلهم بحزن شديد و حطت السلسلة فى محفظته
الباب خبط
رحيم باستغراب : اتفضل
سعد دخل و قاله بتنهيدة : كنت متأكد انى هلاقيك هنا
رحيم بتعب : تعال يا جدى
سعد راح قعد قدامه على السرير و خد منه الادناء و قاله : وحشتك صح
رحيم بتنهيده : انا كنت غبى اوى
سعد بحزن : قولتلك يا رحيم افهم نفسك عاندت معايا
رحيم حضنه و قال بخنقة : انا تعبان اوى يا جدى حاسس ان قلبى هيقف انا مخنوق اوى مخنوق اوى يا جدى
سعد بمواساه : اهدى يا بنى لكل شئ حل قوم نام و ارتاح دلوقتى بكرة نتكلم عنك و عن طيف و لجين هنتكلم فى كل حاجة نام و ارتاح دلوقتى
رحيم : حاضر يا جدى
سعد قام و قاله باستغراب : مش قلت هتنام
رحيم : ﻻ هنام هنا النهاردة
سعد بتنهيده : ماشى تصبح على خير
رحيم و انت من اهله
هند : مش عايزة تعرفى رحيم كان هنا ليه
طيف لفتلها بتنهيده و قالت : ﻻ مش عايزة اعرف هو كان هنا ليه او عايزة ايه و ﻻ عايزة اعرف عنه حاجة اصﻻ
هند بهدوء : تمام تصبحى على خير
طيف : و انت من اهله
فى صباح يوم جديد و فى كل جسد قلبا فيه احساسا مختلف
رحيم صحى بكل نشاط رتب سرير طيف و راح اوضته خد دش و لبس و نزل على تحت لقى الكل مستنى على الفطار
رحيم : صباح الخير
الباقى : صباح النور
مرفت بحب : عامل ايه دلوقتى يا قلب امك
رحيم بابتسامة : الحمد الله بخير
وقعد معاهم على السفرة
رحيم من غير مابص لحد : خير يا ماما فى حاجة عايزة تقوليها
مرفت بتوتر : هو يعنى انت هتسيب لجين كدا يا بنى
رحيم بحده : اومال عايزانى اعمل ايه و شاغلة نفسك بيها ليه
مرفت : يا بنى انت كدا بتعذبها و احنا مش قاسيين و وحشين اوى كدا طب حتى دخلها اكل هى ماكلتش حاجة من امبارح كفاية عقاب ربنا ليها فى موت ابنها
رحيم : حاضر بعد ما اخلص هبقى ادخلها علشان عايز اتكلم معاها
و فعلا خالصوا فطار و طلب منهم يحضروا ليها فطار و راح على البدروم و فتح بس ملقاش رحيم بقى هيتجنن و نادى على كل اللى فى البيت الكل جيه بخضة من صوته العالى
سعد بقلق : فى ايه
رحيم بعصبية : البت اللى كانت هنا راحت فين
احمد : محدش دخل لها خالص و لا حد فتح البدروم اصﻻ
رحيم : يعنى ايه الارض انشقت و بلعتها
ادم : اهدى يا رحيم هتروح فين هتلاقيها عند امها و بعدين مش هتنيها هربانة يعنى
رحيم طلع بعصبية واضحة و خد عربيته و مشى
منى بخوف : روح وراه يا ادم
ادم : حاضر يا ماما حاضر
لجين صحيت لقت نفسها فى حضن كرم بصتله بحب و دفنت راسها و صدره و بدأت تعيط
كرم صحى على صوتها
كرم بقلق : مالك يا حبيبتى انت كويسة
لجين بعياط : ابنى يا كرم يزيد مات
كرم بصلها بوجع و قال بقسوة : بسببك
لجين بصدمة : نعم
كرم بعصبية قام من على السرير و قالها : نعم الله عليك انت السبب لو كان معايا انا كنت اتبرعتله بدم و الحقناه مكانش ابنى مات و هو مكتوب باسم حد تانى و ﻻ يدفن فى غيابى و من دون علمى ابنى اللى مشفتوش غير مرات اقدر اعدها على الايد و كله بسببك و بسبب امك انا مش عارف طوعتكوا ازاى انى ادخل اللعبة القذرة دى كل دا علشان بحبك و بخاف على زعلك
لجين بعياط : انت بتقول ايه انت بتشيلنى ذنب موت ابنى ليه انا موجوعه عليه اكتر منك على فكرة و مالها ماما
كرم بغضب : امك السبب فى كل حاجة امك لو كانت بتعملك وحش زى الاول ماكنش دا حصل امك استخدمتك سلاح يا استاذة علشان تنتقم من عائلة الرشيدى تنتقم لحاجة ابوها السبب فيها اصﻻ و هى عارفة كدا و تعاند خالتى طول عمرها انانية اصﻻ
لجين بتماسك : اسكت احسن لك وسيرة ماما ماتجيش على لسانك و بعدين محدش ضربك على ايدك انت عملت كل دا برضاك
كرم اتكلم و هو عارف ان الكلمة هتوجعها : علشان كدا انا هخطب رحيل بجد
لجين بصدمة : انت بتقول ايه انت اتجننت
كرم : انا هبقى اتجننت فعلا لو كملت مع واحدة زيك مليانة حقد و شر و انتقام و خداع انما رحيل فيها كمية براءة و لطف و طيبة مش فى حد ومشى و سابها
قعدت تعيط بانهيار لفترة طويلة لحد ما لقت .......
فى القسم
يحيى : اهدى بس يا رحيم
رحيم بعصبية : اهدى ايه و زفت ايه دورلى عليها و جيبهالى و عايز اعرف مين ابن خالتها دى
يحيى : حاضر اهدى لما هعمل التحريات هبعتلك اهدى بقى
دخل عليهم فجأة عطر و علياء
عطر : يحيى احنا خلصنا موضوع كدا انما ايه
يحيى باستغراب : عملتوا ايه
علياء : عطر صممت نروح مكان من الاماكن بتاعت التجمعات بتاعتهم و قدرنا ناخد كام صورة مع كام تسجيل
يحيى بعصبية : انتم اتجننتم ازاى تعملوا كدا
رحيم : عطر بلاش هبل بقى المرة اللى فاتت متحبستيش و متأذتيش و الموضوع عدى تكراريها تانى ليه
عطر بجدية : متقلقوش انا كوسة و كنت راحة معايا علياء
يحيى بهدوء : اتفضل انت يا رحيم
رحيم مشى
يحيى : اسمع يا بت انت و هى احنا فريق مع بعد اى حاجة من ورايا هتزعلوا
علياء : خلاص يا بنى مش انت اصﻻ كنت هتعمل هجوم عليهم
يحيى : اه
عطر : بس الهجوم لما يبقى و هما متلبسين غير لما يبقوا بيتكلموا
علياء : و احنا جبنالك معاد الشحنة الجديدة
عطر : كدا انت و رجالتك تقدروا تروحوا و تقبضوا عليهم و القضية خلصت
يحيى : تمام بس متحصلش تانى يا عطر
لجين لقت كرم داخل عليها بصنية عليها الفطار و حطها قدامها السرير
كرم بجمود : اتفضلى افطرى
لجين ودت وشها الناحية التانية و قالت : مش عايزة
كرم مسك دراعها بعصبية و قال : مباخدش رايك كلى
لجين بعياط : مش عايزة مش عايزة
كرم رق قلبه لها وساب ايدها و قال بحنان : انت مكلتيش حاجة من امبارح كلى اى حاجة
لجين بدموع : مليش نفس
كرم بدأ يأكلها و هو بيقولها : كدا بقى ليك نفس
بعد وقت
لجين : خلاص شبعت مش عايزة
كرم بحنان : طب اخر حاجة
لجين بتعب : مش عايزة خلاص
كرم : طب خﻻص شال الاكل و دخله و رجعلها تانى لقاها قاعدة زى ماهى
كرم بحنان : قونى خدى دش و نامى لو عايزة انا عندى مشوار كدا هروحوا و هبقى اجى بعدين
لجين : رايح فين
كرم بجدية : ملكيش دعوة و يﻻ قومى خدى دش
لجين بغيظ : حاضر
فى الشركة
فضل بغيظ : انا جاى اشوف شغلى والله يا انسه مليش دخل بالعبط دا
رحيل بغيظ : هو ايه اللى عبط انا باخد رايك فى الوان اللى عايزة اعملها فى بيتى
فضل ببرود : والله دا مش شغلى انا جاى علشان المشروع و بس
رحيل : طب خلاص شوف هتهبب ايه للمشروع هروح اشوف ميرا و ادم فين
رحيل طلعت
فضل بغيظ : و عايزانى اخترلها الوان السقة كملن والله عال
كرم راح القسم
كرم : ازيك يا يحيى
يحيى : الحمد الله لجين اخبارها ايه
( ايه دا بقى )
•تابع الفصل التالي "رواية خداع نفسي" اضغط على اسم الرواية