رواية وردتي السوداء (كاملة جميع الفصول) حصريا عبر دليل الروايات بقلم سميه عامر
رواية وردتي السوداء الفصل الثامن والعشرون 28
اتكسفت من كلامة : لا جيب ورد الاول
جريت و سابته وهي مبسوطة و حاسه ان الدنيا مش سايعاها
دخلت اوضتها و باست نيرة و نورالدين و قعدت في البلكونة تبص عليه وهو واقف بيتكلم في التليفون و مبسوط
ابتسمت و قامت غيرت لبست فستان و حجاب و نزلت قعدت مع خالتها
سحر بحزن : يا بنتي انا على عيني تبعدي عننا ارجعي بقى لعبد الملك ده بيحبك و بيتمنالك الرضا ترضي
ابتسمت و مسكت ايد خالتها : خالتو انا اسفة على كل التعب اللي تعبتهولك ده انتي تعبتي معانا اوي الفترة دي
سحر : لا يا بنتي انا مكنتش تعبانة على اد ما زعلت على الحالة اللي انتو فيها بسبب واحده عديمة ضمير
ضمت نورين حواجبها : هي مين ؟ انا كل ما اسال عبدالملك ميردش عليا
سحر : معرفش بس انا سمعته مرة بيكلم يوسف بيقوله موضوع ام ماجد لازم ينتهي معرفش دي هي ولا لا
برقت نورين : ام ماجد ؟؟
قامت تجري من مكانها خرجت برا كان بيتكلم في التليفون : ايه دخل ام ماجد في اللي حصل و هي دي اللي في بالي ؟؟؟
قفل التليفون و بصلها: مين قالك ؟؟
يوسف ؟!
نورين بعصبية : انت ازاي مقولتليش وهي ليه عملت كده و انت عملت فيها ايه
مسك عبدالملك ايديها : بلاش ترهقي نفسك عشان جرحك
شدت ايديها و اتعصبت : رد عليا !!
- أيوة هي اللي في بالك و هي اللي كانت هتبقى سبب ان ابننا يفقد رجلة
كل ده ليه ؟ قولي اكيد هي اتكلمت
- كل ده عشان ابنها انت"حر ابن أمة انت"حر افتكرتني قت"لته و حبت تنتقم
برقت نورين و كانت عايزة تعيط بس منعت نفسها بالعافية ان الدموع تتكون في عيونها مهما كان ده كان اول حب حتى لو كانت لسا مراهقة
عبدالملك بعصبية : سكتتي ليه افتكرتي ايامك معاه ؟؟ ولا نسيتي اللي عملته في عيالنا
سابته نورين واقف مكانة و جريت على برا لحد ما تخطت البوابة و فضلت تجري وهي بتعيط و جسمها بيقشعر و جرحها بيشد عليها بس ده كله مفرقش معاها ووقعت على الأرض حطت ايديها على وشها و عيطت بكل ما فيها
عبدالملك من وراها : بتحبية لسا .. كل ده و انتي شيلاله مشاعر في قلبك
قامت من مكانها و حضنته و عيطت اكتر : انا بحبك انت .. بس هو كان شخص طيب مات بسببي انا السبب في موته
حضنها باس راسها : كفاية عياط انتي ملكيش ذنب هو نصيبة كده
هديت شويه و بعدت عنه : و أمة عملت معاها ايه ؟
- عملت معاها اللي عملته مع ابني .. و هسلمها للشرطة
حضنته تاني و غمضت عيونها : خليني اقابلها ارجوك
- لا مستحيل .. انتي تعبانة و ..
بصتله بعيون حزينة .: ارجوك انا لازم اشوفها
......
عدى يوم و صحيت نورين الصبح عيونها منفوخة من الدموع
غسلت وشها و لبست بنطلون و تيشرت و باست عيالها و سابتهم نايمين و خرجت
كان عبدالملك مستنيها في العربية
ركبت معاه و طول الطريق مفيش كلام بينهم
مسك ايديها اول ما وصلو و قبل ما ينزلو : متأكدة انك عايزة تشوفيها
- اه
لو حسيتي بالخوف قوليلي نمشي
ابتسمت و ضغطت على أيده : حاضر
نزلو سوا و دخلت نورين و اتصدمت من المنظر الدكتور جوا مربوط و ام ماجد مربوطة و جنبها ممرضة
الممرضة : الحمدلله انك جيت دي حالتها خطيرة اوي لازم مستشفى
عبدالملك : انتي دورك انتهى تقدري تاخدي باقي فلوسك و تمشي
نورين بحزن : لازم مستشفى اتصل بالمستشفى
صحيت ام ماجد على صوت نورين و بصتلها بكل غضب : انتي مكانك جهنم .. انتي وهو و عيالكم
نورين : انا مليش ذنب في موت ابنك
ام ماجد : كل الذنب عليكي .. لآخر يوم في عمرة كنتي بتكلمية و وعدتيه تسيبي جوزك و تتجوزية .. عشمتية بيكي و انتي ***** كنتي بتخوني جوزك بالليالي معاه و في الاخر سافرتي و سبتيه يعني انتي **** كنتي حامل من جوزك و بتكلمي ابني يا ******
برقت نورين : انتي بتقولي ايه ؟؟
عبدالملك : الوليه دي بتقول ايه ؟؟
ضحكت ام ماجد : انا في اخر ساعات ليا و بموت هكذب ليه .. مثلي عليه اكتر يمكن يصدقك ........
•تابع الفصل التالي "رواية وردتي السوداء" اضغط على اسم الرواية