رواية ماذا ان احبتتك مره اخرى (كاملة جميع الفصول) حصريا عبر دليل الروايات بقلم نانسي
رواية ماذا ان احببتك مره اخرى الفصل الثاني 2
" استني يا مجنونه انتي بقولك استني
• بقولك اي سيبني في حالي
و تتركه و لم تكن تنظر أمامها لتاتي سياره
" فاطمة خليي باااالك
في اللحظة الأخيرة اوقف السائق سيارته، يذهب ادهم ليسحب فاطمة من يدها بغضب
" انتي غبيه كنتي هتموتي بسبب غبائك ده
فاطمة كانت تبكي من الصدمه، يخرج شاب من السيارة ويذهب لهم
' انتي كويسة يا آنسة
• ايوا ايوا كويسة
' خلي بالك مره تانيه
" اجبلكو اتنين لمون
' مين الكابتن
" انت مالك وبعد كدا تاخد بالك وانت سايق
• خلاص يا ادهم أنا الغلطانه يلا نمشي
بعد نصف ساعة يصل ادهم و فاطمة للمنزل ولم يكن أحد منهم يتحدث مع الآخر
• اخيرا وصلنا
ينظر لها ادهم و من ثم يفتح الباب
• خالتو وحشاني اوي
' وانتي كمان يا حبيبت خالتو مالك خاسه لي كده مش بياكلوكي ولا اي
• دنا مخلصه اكل البيت كله
" انا داخل اوضتي
' مش هتتغدا معانا
" لا
يذهب و يغلق الباب
فاطمة بتمتمه *انا غلطانه اني سمعت كلامك يا ماما
' بتقولي حاجة يا حبيبتي
• لا ابدا يا خالتو امال سارة فين
' خرجت شويه مع صحابها زمنها جايه ادخلي انتي استريحي شويه لعند ما اعمل الغدا
• ماشي يا احلى خالتو
ذهبت فاطمة لغرفتها و جلست تفكر ماذا ستفعل مع ادهم وضعت يدها على قلبها و سرحت في الماضي
Flash back
في اليوم الثاني من اعترفها لادهم كانت تجلس هي و سارة
" توته انتي كويسه
• ا ايوا كويسة
" انا حاسه انك فيكي حاجة
• حاجه اي انا بس تعبانه شويه كدا
" هنخبي عليا
• اخبي عليكي اي
" فاطمة انتي قولتي لادهم حاجة
• انتي عرفتي ازاي هو حكالك
" ومن امتا ادهم بيحكيلي حاجة كل الحكاية اني سمعتكم بتتكلموا امبارح كان صوت ادهم عالي
سقطت دمعه من عين فاطمة
" لالا متعيطيش هو الخسران اصلا
• كلامهم زعلني اوي يا سارة حسيت اني ولا حاجة
" انتي يعني متعرفيش ادهم هو كده طول عمره
• طب هو لو مبيحبنيش بيتعامل معايا كدا لي، لي بيحسسني اني الدنيا كلها بالنسبالة، بيلعب بمشاعري لي
' يمكن علشان بعتبرك اختي مثلا
" ادهم استنى بس
' اسكتي انتي يا سارة و اسمعي ياست فاطمة انتي بالنسبالي حته عيله لسه في تانيه ثانوي زيك زي سارة عندي ولو اهتمامي اوحالك اني بحبك يبقى صححي اللي في دماغك
" في اي يا ادهم اتكلم معاها كويس هي عملت اي لكل ده
' ولا حاجة انا راجع القاهرة
" يبقى احسن برضو
فاطمة كانت تبكي فقط
" فاطمة اهدي يا حبيبتي علشان خاطري
• محبنيش يا سارة
" بس انا متاكده أنه بيحبك بس انتي عارفه حوار السن ده و اكيد هو خايف عليكي
• خايف عليا يقولي كدا، انا كرهته على قد ما حبيته و اكتر
منذ ذلك الوقت ولم تتحدث فاطمة مع ادهم مجدداً لكنه كان يسأل والدتها عنها وكان يطلب منها إلا تخبرها بذلك
Back
• يوووووو كل شويه افتكر، نفسي انسى بقا انا تعبت من كتر التفكير في نفس الموضوع كل يوم وكل ثانيه انا هنام احسن
بعد ساعتين
' توته بت يا توته اصحي انتي موتي ولا ايي توتااااا
• اي اي في اي الله يخربيتك خضتيني
' وحشتيني اوي اوي
• انتي اكتر طمنيني عليكي
' بخير اهو، بقولك اي ماما عامله صنيه مكرونه بالبشاميل هموت و اكل منها
• ديما همك على بطنك كدا
' غيري بس و تعالي ناكل و نقعد بقا للصبح عايزه احكيلك عن حاجات كتير اوي
• وانا كمان وحشتني قعدتك والله
' طب يلا بقا بسرعة
• خلاص هغير بسرعه و اجي
خرجت سارة و ذهبت فاطمة لتبديل ملابسها
• اي الريحه الحلوه دي
' تعالي ياست توته دي ماما متوصيه بيكي على الاخر
" ادخلي قولي لادهم أن الاكل جاهز
' منا قولتله يا ماما وقالي مش عايز
" ادخلي تاني
' يوووو حاضر
كانت تقف أمام غرفته ادهم ماما بتقولك تعالى كُل
فتح ادهم الباب
" انتي عيلة زنانه يابت انتي
' انا مالي ماما اللي قالتلي
" قدامي ياختي لما نشوف اخرتها
' اخرتها مكرونه بالبشاميل
" هه خفه
يجلس الجميع على السفره وكان ادهم يجلس بجانب فاطمة
" ماما كنت عايز اتكلم معاكي في موضوع
' خير يابني
" انا عايز أخطب
سعلت فاطمة بشدة
' يا حبيبتي خلي بالك اشربي ميه
• شكرا يا خالتو
' وانت عايز تخطب مين بقا يكونش عايز تخطب فاطمة بووكدا فأنا موافقه
" فاطمة مين دي عيلة انا عايز أخطب يمنى بنت عمي
تجمعت الدموع في عيون فاطمة
• ط طب انا شبعت هدخل انام بقا
' توته استني خديني معاكي
" قولتي اي يا ماما
: مش موافقه
" نعمم
: يمنى اييي دي بت حربايه
" ماما لو سمحت انا بحبها
: حقك برص انت اتجننت يا ادهم
" ماما انا مش صغير قدامك علشان تتكلمي معايا كدا
: وده اخر كلام عندي
" تمام
في غرفته فاطمة و سارة
' يابنتي اهدي بقا والله الولا ادهم ده عيل كداب هو اصلا مبيطقش يمنى هو بيعمل كدا علشان يغيظك
• انا بكرهه يا سارة
• خلاص بقا يا حبيبتي سيبك منه دلوقتي و تعالى احكيلك بقا عايزه اجيب اي للكليه
• طيب
في مكان آخر في الاسكندرية كانت تجلس مريم صديقه فاطمة في غرفتها لتاتي لها رسالة من مجهول على الماسنجر
محتوى الرسالة ( ازيك يا مريم ممكن متعمليش بلوك زي كل مره انا والله بحبك اديني فرصة بس اعرفك على نفسي)
• اووف ده مبيزهقش مش معقول بس هو ممكن يكون بيتكلم بجد، هيحصل اي يعني لما اشوفه عايز اي
ارسلت مريم رسالة للشخص
• انت عايز مني اي و تعرفني منين اصلا
• انا شوفتك في فرح شروق صحبتك ومن ساعتها وانا بحاول اتكلم معاكي وانتي مش مدياني فرصة
• تتكلم معايا لي
• انا بحبك يا مريم
• بتحبني ازاي يعني انت بتقول شوفتني بس يعني متعاملتش معايا علشان تحبني أو تكرهني
• مسمعنيش عن الحب من اول نظرة
• لا سمعت على أن اللي بيحب شخص بيجي يتكلم مع اهله
• وانا مستعد اتجي انهارده قبل بكره بس اديني فرصة اعرفك اكتر وانتي تعرفيني
• سيبني افكر
• هو انت اسمك اي ضح
• اسمي علي
• ماشي يلا سلام
• سلام
و تنهي مريم محادثتها مع الشخص و تجلس تفكر به وماذا تفعل معه ولماذا أجابت على رساله من البداية، ظلت تفكر حتى ذهبت في نوم عميق
على الجهه الاخرى كانت سارة نامت ومازالت فاطمة مستيقظه
لتسمع صوت ادهم يتحدث في الهاتف
" انا مش عارف اعمل معاها ايي
" ايوا بحبها بس مش قادر أوجهها
لتقاطعة فاطمة
• هي مين دي يا ادهم
ادهم.....
•تابع الفصل التالي "رواية ماذا وان احببتك مره اخرى" اضغط على اسم الرواية