رواية فاز القلب الفصل الثاني 2 - بقلم يارا عبد العزيز

 رواية فاز الفلب (كاملة جميع الفصول) حصريا عبر دليل الروايات بقلم يارا عبد العزيز

رواية فاز القلب الفصل الثاني 2

الفصل الثاني

خرجت عائشة من الاوضة و هي لابسه عبايه فضفاضة و خمار من باللون البيچ كانت زي القمر فيهم ، نوح فضل يبصلها و هو تايه في جمالها و على الرغم من وجع... قلبه اللي شهده على ايديها الى انها لسه قادرة تسحره زي اول مرة شافها فيها ، لعن... نفسه و بعد بنظره عنها بسرعة 

عائشة ببأبتسامة مصطنعة:- صباح الخير

عزة :- صباح النور يحبيبتى ايه القمر دا 

عائشة دخلت جوا حضن والدتها بعمق و قوة و كأنها كانت مستنية اللحظة اللي هيجوا اهلها فيها عشان تجري عليهم و تطلع كل اللي جواها من حزن

عزة استغربتها و بدأت تطبطب على ضهرها بحنان و في نفس الوقت مستغربها ، عائشة كانت ماسكة فيها بقوة ، بص محمود باستغراب بعض الشئ 

نوح و هو بيحاول يسيطر على الموقف:- احمم

عائشة فهمت انه مش عايز حد يعرف بأي حاجة حصلت خرجت من حضن والدتها و هي ماسكة دموعها بالعافية من النزول قدام ابواها و امها

عزة بخوف :- مالك يحبيبتى انتي كويسة

عائشة:- اه يا ماما بس انتي كنتي وحشاني اوي

عزة حسيت ان فيه حاجه مخبينها و كمان عيون عائشة باين مورمة... من اثر بكائها

عزة :- طب تعالي ندخل نعقد جوا شوية عايزكي

عائشة:- اقعدوا بس استريحوا انا هعملكوا حاجة تشربوها

دخلت المطبخ بسرعة و هي بتدارى من نظرات امها ليها حسيت انها هتنكشف قدامها ، نوح بصلها و هي داخلة و قام هو كمان وراها

نوح:- عن اذنكم انا جاي حالا

محمود :- خد راحتك يبني

دخل نوح المطبخ لاقها واقفة و ساندة على الرخمة و بتعيط وجع... قلبها مع رجليها حسيت هي اد ايه مكسورة... من اكتر شخص حبيته بجد في حياتها

نوح بضيق :- بطلي عياط امك بدأت تشك ان فيه حاجه بطلي شغل العيال دا احسنلك

لا حول ولا قوة الا بالله العلي العظيم 🤎

عائشة بدموع :- و الله العظيم انت ظلامني... نوح انا عمري ما حبيت و لا هحب غيرك متعاقبنيش... العقاب دا بالله عليك انا و الله مبقتش قادرة تعال ننسى اي حاجه فاتت و نبدأ من جديد انا و انت و انا اوعدك اني هحاول اعوضك عن اي حاجه مش كويسة انت عشتها معايا

بصلها بغضب جحيمي لدرجة انها اترعبت... منه و سندت بضهرها على الرخامة جت تبعد حاصرها بأيده الاتنين و هو بيحط ايديه على الرخامة جانبها 

نوح بغضب :- هتعوضيني عن ايه عن الذل... اللي ورتهولي و لا على المقارنات اللي كنتي ديما بتعمليها ما بيني و ما بينه و لا عن جوازك ليا عشان تقهريه... زي ما قهرك... و لا احساسي ديما بالقلة..... بسببك عن ايه و لا ايه ولا ايه طب هتقدري تمحي كل الذكرايات دي من قلبي هتقدري تمحي وجع... قلبي اللي بسببك

عائشة كانت بتبصله بألم... اكتر منه لانها السبب في كل دا برغم انها كانت شايفة غضب... كبير في عينيه الى انها كانت شايفة معاه حزن و جع... شديد اتخطى حزنها دلوقتي بمراحل

نوح:- هااا ما تنطقي سكتي ليه 

 لاقيت نفسها بتدخل جوا حضنه... و بتمسك فيه بقوة ، استغرب من حركتها دي بس اتعامل بجمود و هو بيبعد ايده عنها و معلق ايده في الفراغ قدامه و حاسس بمشاعر جميلة جدا اول مرة يحسها لانها لاول مرة بتكون قريبة منه كدا ، بصتله و عيونها مليائة بالدموع و هي لاقية نظرات الجمود في عينيه ، رجعت حطيت راسها على صدره....

نوح بجمود عكس اللي جواه من مشاعر مش مفهومة

:- عائشة ابعدي

عائشة:- لأ

كان لسه هيتكلم بس حس بحركة جاية ناحية المطبخ ، حاوط بأيده ضهرها بسرعة 

عائشة بهمس :- نوح انا بحبك اوي

قلبه نبض بسرعة شديدة و كان نفسه يقولها هو اد ايه بيعشقها و لكن عقله رفض دا ، فاقوا هم الاتنين من دوامة افكارهم على صوت عزة

عزة ببأبتسامة و فرحة لبنتها انها اطمنت عليها مع حد بيحبها بجد:- احممم

بعد نوح عن عائشة و عائشة بصيت للارض بخجل و ابتسمت 

عزة :- معلش بقى يا نوح جاينلكم بدري يحبيبى و صاحنكم من النوم انت عارف شغل عمك

نوح:- ينهار ابيض يخالتي عزة دا انتوا تيجوا في اي وقت على راسي و الله البيت بيتكم 

عزة بصتله و بصيت لعائشة و ابتسمت و هي بتحمد ربنا في نفسها

نوح :- عن اذنكم هطلع اقعد مع عمي برا 

عزة :- تصدقي اني كنت داخلة اقولك اني مش مطمنة بس بعد اللي شوفته دلوقتي ارتاحت

عائشة بتوتر حضنت مامتها و اتكلمت بهزار:- هتفضلي خايفة عليا لحد امتى يا زوزو انا مية فل و عشرة الحمد لله 

عزة :- ربنا يسعدك ديما يبنت بطني

عائشة بعدت و جابت الكوبيات و بدأت تصب العصير 

عائشة:- اوماال خالد مجاش معاكوا ليه

عزة:- انتي عارفه اخوكي ماشي ورا مراته قالتله خلينا لبعد العصر عشان تصحى براحتها

عائشة بضيق :- احنا هنفضل مستحملين تصرفاتها دي لحد امتى انا بقول تقولي لبابا ادام ابنك مش قادر عليها

عزة :- اخوكي بيصدقها و هي بتشتغل شغل الصعبنيات بتاعها و كمان مش هينفع اقول لابوكي يبنتي لو قولتله هيطردهم... من البيت و اخوكي موظف مش هيقدر على ايجار برا

عائشة:- ايوا يا ماما بس دي مش عيشة بجد دي بني ادمة مستفزة.... ولازم حد يوقفها عند حدها

عزة :- ربنا يهديها يبنتي

خرجوا عزة و عائشة بالعصير و فضلوا قاعدين معاهم شوية و بعدين مشيوا

اللهم صل وسلم وبارك على سيدنا محمد وعلى اله وصحبه اجمعين 🤎

نوح مسك ريمود التلفزيون و قعد بالامبالاة

عائشة:- احضرلك الفطار

نوح بغضب :- مش عايز من وشك حاجه انا شوية و هنزل افطر عند عمتي تحت

عائشة بغضب :- نعااااام عند مين

نوح بصلها بغضب من طريقة كلامها ، بصتله بخوف و راحت قعدت جانبه

عائشة:- سارة بنت عمتك هي اللي هتعملك الفطار

بصلها و ابتسم بمكر هو عارف انها بتغير من سارة جدا لانها حاطة عينيها على نوح من ساعة ما كانوا صغيرين

نوح ببرود و هو بيبص على التلفزيون :- اه عندك مانع

عائشة بغضب:- ايوا عندي مانع و نص دي بالذات لا و انت اصلا مش هتنزل عند عمتك

نوح بغضب :- عائشة اظبطي كدا أنا محدش يقولي اعمل ايه و معملش ايه

عائشة بنبرة صوت عاليه عكس اللي جواها من خوف شديد منه:- قول بقى قول انك عايز تروح عشان تفطر من ايد الكتكوتة بتاعتك طب ما كنت اتجوزتها هي بقى يعني ليه تتعب نفسك و تنزل نطلعها هي

نوح ببرود:- تصدقي فكرة اما اطلقك هبقى اطلبها من عمتي ولا استني ايه رأيك اتجوزها عليكي اصل الصراحة مش قادر ابعد عنها كتير

اتجمعت الدموع في عيونها حسيت ان الجملة نزلت عليها كالصاعقة... طلعت صوتها بالعافية و صوت مخنوق... من العياط 

:- انت انت هطلقني و هتتجوزها

نوح حس انه قلبه انقطع.... على شكلها قام بسرعة و هو بيحاول يتملك نفسه قدامها ، مسكت ايديه و قامت وقفت قدامه اتكلمت بأنهيار المرة دي

عائشة بأنهيار و صوت عالي:- رد عليا هو انت هطلقني بجد انت بتتكلم بجد

نوح بجمود بعد ايديها اللي ماسكة ايده ، مسكت في هدومه بكل قوتها و هي بتبكي بشدة 

:- ما ترد عليا متسبنيش كدا ارجوك

نوح بعدها عنه لدرجة انها وقعت... على الأرض ، بصتله بصدمة على قساوة... قلبه اللي اول مرة تشوفها بالطريقة دي

خرج من البيت من غير ما يبصلها حتى ، وقف على الباب و هو سامع صوت شهقاتها ، لعن... نفسه على اللي عمله و كان لسه هيفتح الباب بس مشي و هو نازل قابل سارة على باب بيت عمته

سارة بمكر :- انت رايح فين هو مش المفروض ان انهاردة صباحيتك

نوح بغضب و كأنه بيطلع غضبه... من نفسه كله عليها :- ايه ممنوع ان اخرج مثلا 

سارة :- فيه ايه انا بس بسأل لو فيه حاجه مراتك كويسة

نوح :- اه كويسة

كان لسه هيمشي بس رجع تاني و بص لسارة بتحذير

:- متطلعيش لعائشة دلوقتي و متطلعيش اصلا و انا مش  موجود

وقتها خرجت عميت نوح و هي سامعة صوته و طريقته في الكلام

صفاء بسخرية:- ليه هي الست هانم مانعة اننا ندخل بيت ابن اخويا و لا ايه

نوح بجدية :- لأ يا عمتي انا اللي ممانع عشان انا عارف كويس اوي انتي و سارة لو طلعتوا هتعملوا ايه فمحدش ليه اي دعوة بمراتي و وجودكم مع مراتي في اي مكان هيكون بوجودي انا معاها غير كدا محدش ليه دعوة بيها

صفاء بغضب :- ليه هنقـ..تلها مثلا ما تعدل كلامك يا نوح فيه ايه

استغفر الله العظيم الذي لا اله الا هو الحي القيوم و اتوب اليه 🤎

نوح:- عمتي انا قولت اللي عندي عشان و الله العظيم لو عائشة اشتكت من حد فيكم لهكون ناسي انكم اهلي

قال كلامه و سابهم و مشي من قبل ما حتى يسمعهم

صفاء بغضب :- يا سلام يا نوح بقى بتعلي صوتك على عمتك اللي ربتك عشانها و من اول يوم كدا تمام هنشوف

سارة :- بس مش ملاحظة حاجه غريبة يا ماما انه خارج يوم صباحيته اكيد فيه حاجه حصلت ما بينهم

صفاء بسخرية :- يكون عرف انها شمال.... ولا حاجه

سارة :- تفتكري بس دا كان طلقها فيها

صفاء :- بكرة نعرف يخبر انهاردة بفلوس بكرة يبقى ببلاش 

عزة طلعت البيت لوحدها لان محمود كان راح شغله لاقيت اروى مرات خالد قاعدة على الكنبة و بتحط منوكير بكل برود و روقان

اروى:- اهلا بالحاجة اصحى الاقي البيت كله يضرب.... يقلب... كدا 

عزة و هي بتعقد على الكرسي و بتاخد نفسها من السلم و بتخلع طرحتها:- روحت انا و عمك عند عائشة نصبح عليها هي و عريسها

اروى ببعض الغضب :- ايوا ما انا عارفه كل دا بس كنتي روقتي قبل ما تخرجي و حضرتي الفطار لابنك دبستني انا في عمايل الفطار

عزة :- معلش يبنتي حقك عليا هو خالد راح الشغل

اروى:- اه قومي يلا روقي البيت دا بدل ما هو مكركب كدا و حضري الغدا

عزة :- استريح بس يبنتي من طلوع السلم دا احنا ساكنين في الخامس برضوا معلش يحبيبتى هاتلي شوية مية اشربهم

اروى بغضب و صوت عالي:- انتي كمان بتؤمريني... اوعي تكوني مفكرة اني هخدمك... بدل المحروسة بنتك اللي جوزتيها لا يختي اللي عايز حاجه يعملها لنفسه و قومي يلا مش طايقة اقعد في البيت و هو كدا

راحت عندها و مسكت ايديها و هي بتقومها بالعافية

عزة بتعب:- حاضر يبنتي حاضر هقوم اهو بس سبيني بس خمس دقايق استريح فيهم و هقوم اهو

اروى مسكتها.... بقوة.... :- قومي قومي يلا هو انا لسه هستناكي 

قامت عزة بصعوبة و هي حاسة انها دايخة و مش قادره تاخد نفسها حتى اتحركت شوية ناحية المطبخ جت قدام باب الشقة و مقدرتش تتحكم في توزانها و كانت هتقع..... لولا ايد خالد اللي مسكتها

يتبع......

متنسوش انهاردة سورة الكهف و الصلاه على النبي كتير و متنسونيش من صالح دعواتكم ☺️♥️♥️♥️♥️🙈

فاز القلب

يارا عبدالعزيز

  •تابع الفصل التالي "رواية فاز القلب" اضغط على اسم الرواية