رواية ميراث العشق كاملة بقلم مريم نصار عبر مدونة دليل الروايات
رواية ميراث العشق الجزء (3) الفصل السادس و الثلاثون 36
عند فهد..
رينو قامت من النوم..ومالقتش فهد جمبها.. وقالت بتنهيده..
أكيد في اوضة آرين.. وخرجت تطمن عليه.. وشافت باب الأوضه متوارب.. وبصت عليه. وشافته قاعد ع السرير وماسك الغطا بتاع آرين وعروستها.. وشارد. وزعلت علشانه..
رينو : دخلت وقالت بثبات..صباح الخير يا حبيبي..
فهد : أنتبه..واخد نفس عميق وقال. صباح الخير..
رينو : قعدت جمبه وقالت بنبرة خاصه.. أنت هنا من امتى؟
فهد : مسح وشه بأيديه وقال.. من شويه.
رينو : بصت حواليها وشافت ألبوم الصور بتاع آرين ع المكتب..وفنجال قهوة..وعرفت إن فهد موجود هنا من وقت كبير.. وبصت لكل أغراض آرين وقلبها دق بإشتياق لبنتها..وعيونها لمعت..
وبصت ليه وقالت بزعل.. أنت مش لوحدك اللي مفتقد ل آرين يافهد..
وخبطته في كتفه وقالت بإحتياج..ع فكره أنا محتجالك أوي. محتاجه إنك تقويني ع بُعد آرين.انا بتوجع أوي لما بشوفك مضايق وزعلان كدا يافهد..
فهد : مسك أيدها..وقال..حبيبتي غصب عني آسف..لكن مع الايام هتعود. وباس جبينها وقال حقك عليا بجد الفتره دي كانت أصعب فترة في حياتي.
رينو : بتفهم..طيب عايزه اشوف ضحكتك بليز يا فهد..
وانا دلوقتي هروح اعملك احلى فطار من أيد مراتك حبيبتك ونجمتك.. وننزل نطمن على آرين قبل ما تسافر..
فهد : أبتسم وقام وقف.. وبص من الشباك.. وقال بتنهيده..
للاسف يا لارين.. آرين سافرت من بدري.
رينو : بدهشه مش معقول سافرت؟ طيب إزاي من غير ما أشوفها.؟
فهد : بص قدامه وقال بشرود.. وأنا قاعد سمعت صوت آدم وشوفته نازل الصبح بدري واخد آرين في العربيه ومشيوا..و هو مفكر اني مش هعرف هو اخد بنتي وراح بيها ع فين..!!
رينو :بعدم فهم.. هيروح فين يعني يا فهد؟ ما أنت عارف انهم هيسافروا على أوروبا..
فهد : قال.مستحيل..لانه اخد العربيه بتاعتة وساقها بنفسه وكمان شوفت مراد ماسك تذاكر السفر وبيسال هارون عن آدم.
رينو : بإستغراب.. فعلاً شيء غريب بس ياترى هيكون اخدها وراحوا ع فين؟
فهد : هز راسه وقال بتوعد.. مسيري هعرف..!!!
رينو : شافت غيره في عيون فهد..وهى أكتر واحده عارفه النظرة دي..وقربت منه تهديه..ومسكت أيديه وقالت..
حبيبي.انا عارفه إنك مضايق من الموقف ده.. بس لو فكرت كويس..هتشوف إن ده حب يافهد.. أنا شايفه إن درجة حب آدم ل آرين.. زي درجة حبك ليا..
انت ديما بتعافر علشان تخليني مبسوطه..وبتعمل أي حاجه حتى لو كانت صعبه..لكن المهم تشوفني فرحانه..وده إللي آدم هيعمله لبنتك..هو ودعدني.. أيوه صدقني..وعدني بأنه هيخلي آرين أسعد بنت ف الدنيا..هنحتاج لايه تاني يافهد.. أرجوك علشان خاطري حاول تتأقلم ع الوضع ده..
وكملت بتمثيل غيره ممزوجه بزعل.. أنا شايفه إنك مهتم ب آرين أكتر مني..وده زاعجني جدآ ومضايقني.. لدرجة أني اتمنيت أكون أنا بنتك..مش هى..
فهد : أبتسم..وبيرتب شعرها بحنان وقال.. عشقك حاجه وحبي لبنتي حاجه تانيه خالص يا رينو..
أنتي وأنا روح واحده في جسدين..
لكن آرين نبض الحياه وحجات كتيره مالهاش تفسير..لكن الأهم أنها منك وتشبهك..
أنتي روحي وعقلي ليلي ونهاري.. لكن آرين و آركان و آيان دول ثروتي الحقيقيه منك يانجمتي..
أنا عمري لا عشقت ولا هعشق حد غيرك..
رينو : قلبها دق وضحكت بسعاده وقالت. ايوه بقى شوفت إزاي بكلامك الحلو ده أنا صغرت يجي سنه.. ههههه.. حبيبي يا فهد ربنا مايحرمنيش منك. أنا بحبك..بحبك اوى يافهد..واترمت في حضنه وغمضت عينيها..
فهد : قلبه دق ليها. وزاد من حضنها..وقال وأنا ماليش غيرك يا قلب فهد..
رينو : خطفت بوسه رقيقه..وقالت. طيب بمناسبة الانتعاش الحلو ده.؟ أنا هعزمك انهردا ع عشا خاص في شقتنا الاولى. موافق؟ وغمزت..
فهد : بضحكه.. أبقى غبي لو رفضت..هههه موافق طبعاً..
آيان : صاحي من النوم ودخل عندهم. وجري علي رينو وقال.. ماما ماما الين فين؟
رينو :شالت آيان وقالت بضحكه.. يا روحي أنت…
أكتر واحد هتفتقدوا آرين هو انت ياروحي.. وضحكت وقالت.. وبابي فهد طبعاً.
فهد : شال آيان من رينو ورفعه علي كتفه وقال.. مين هيشرب اللبن عشان يكون بطل قوي..؟
آيان : بحماس قال.. آيان القوي.. عشان اضلب آكان لما يضلب آلين.
وضحكوا على آيان..
رينو : قالت انا هاروح أجهز الفطار.. لو سمحت يا فهد.. صحي آركان علشان نفطر مع بعض لأنه عايز يروح ل آسر الشركه..
فهد : أبتسم وقال ماشي ياحبيبتى..
رينو : باست آيان وفهد وراحت ع المطبخ تجهز احلى فطار بطريقه رومانسيه علشان تهون على جوزها فراق بنته الوحيده.
ورينو بتفكر انها تجهز عشا رومانسي لفهد وتروح لشقتهم القديمه يقضوا شوية وقت رومانسي مع بعض.
وفهد صحى آركان.. وصلوا الضحى..
وبعد كدا ع الفطار آركان و آيان خلو الوقت حلو ما بينهم وبعد كده فطرو ونزله للعيله..
——————بقلمي مريم نصار.
فيلا رعد الجوهري..
على الفطار
رعد : قاعد بيفطر وهيلينا جمبه وبيتكلموا عن فخامة الفرح وجمال عيلة العدوي والسيوفي.. وشخصية آدم مراد وبراءة آرين..
باري : بتاكل بنرفزه وغيظ كبير..
رعد : شافها وقال..مش معقول كده يا باري.. انتي من امبارح مش عجباني.. كل ده علشان الفون؟
باري : بغيظ.. لأ طبعا يا بابي الموضوع مش كده خالص..
لكن الآيفون كان عزيز عليا جداً.. وكمان موجود عليه كل صوري انا وسفيان وحضرتك ومامي.. والايفون هديه من سفيان..
والشخص اللي خبط فيا كان همجي جدا..وكنت هنادي لحضرتك علشان تعرفو مقامه..
رعد : بتعجب قال.. يا بنتي أنتي مش قولتي إن الشاب أعتذر منك؟
باري : بغضب.. هو أعتذر بطريقه همجيه جداً.. وكان اسلوبه مش كويس بالمرة..
ولو شفته قدامي دلوقت هضربه بكل قوتي.. انا اتعلمت كونغ فو وكاراتيه وانا صغيره.. كنت هاطبق كل حاجه اتعلمتها عليه.. انا متغاظه منه قوي يا بابي.
رعد : ضحك وقال.. شريره البت دي ههههه..طيب وحدي الله واهدي كده..
وإن كان على الآيفون يا ستي سفيان يجيبلك غيره وكبري دماغك.. ياباري أنتي أكبر من كده بكتير ياحبيبتي..
انتي من امبارح وأنتي متضايقه بالطريقه دي مش معقول بجد..
هيلينا : قالت عندك حق رعد.. انا امبارح كلمت باري كتير وهى مش راضيه تسمع مني..ولا راضيه تنسى إللي حصل..
باري : قالت بنرفزه.. مامي..حضرتك لو كنتي موجوده معايا وشفتي أسلوبه الهمجي ده.. كنتي أنتي بنفسك هتتصرفي تصرف غير كده خالص..
هيلينا : أوكي ريلاكس بيبي.. طيب هو مين الشاب ده أنتي تعرفيه؟ يعني أقصد شوفتيه ف الزفاف؟
باري : قالت من بين أسنانها..معرفوش ومش عايزه اعرفه.. لكن لو شوفته تاني أنا متأكدة اني هرتكب جريمه..
رعد وهيلينا ضحكوا على غضبها الغير مبرر..
باري : بنرفزه انتم بتضحكوا عليا.؟ انا هطلع اتصل على سفيان.. هو اللي هيقدر يفهم احساسي ايه..
هيلينا : بتفهم..سوري باري احنا مش قصدنا نقلل منك حبيبتي.. احنا بنضحك على طريقتك اللي مامي حبتها قوي.. أنتي جميله قوي لما تتعصبي..
رعد : قال بنفي.. لأ بنتي بتبقى اجمل لما تكون هاديه وكيوت وجميله.. وياستي حقك علينا. وعلشان متزعليش أنا هاخدك بنفسي المول و نعمل شوبنج وتختاري احسن آيفون موجود في المول.. وكل اللي يعجبك المهم ان بنتي الوحيده تضحك وتكون مبسوطه..
هيلينا : مثلت الغيره وقالت.. وانا كمان رجلي على رجلكم.
رعد : قال موافق بس بشرط باري توافق إنك تيجي معايا..وغمز ل باري..
هيلينا : بدهشه..والله؟ أوكي أوكي..لما يرجعلي أبني حبيبي بالسلامه هو اللي هيقف جمبي..
رعد : ههههه لما يرجع بقى يفرجها ربنا.. والقرار في أيد باري..ها موافقه؟
باري : بدات تهدا وقالت.. موافقه.
رعد : قال طيب تمام جداً ومتفقين..يلا بقى اقعدي افطري.. وانا هوصل الشركه ساعتين زمن..وابقى اعدي اخدك أنتي ومامي نعمل احلى شوبنج.. وكمان هنتغدى بره إيه رأيك بقى؟
باري : هزت راسها بتذمر.. أوكي داد..
هيلينا : ميرسي جدا رعد حبيبي..
——————بقلمي مريم نصار.
بعد. فتره.
فيلا العدوي..
مراد : ببرود.شوفت ياض يا فهد علشان تعرف إن الايام دول..
فاكر برده لما سَفرت بنتي وتيم على المالديف.. واحنا ماعرفناش؟
اهو دلوقتي ربنا رد فيك اللي انت بتعمله فينا..
الكل ضحك.
فهد : قال بغيظ مكبت.. والله يا مراد انا كنت بعمل اللي جوز بنتك معرفش يعمله..بس انا مسيري اعرف ابنك اخد بنتي وراح على فين؟
مراد : بتريقه..و هتعرف ازاي بقى ياجاهبز..؟
فهد : بدهاء مفيش جريمه كامله يا صقر..
آدم : قاعد وجمبه أميرته بيضحكوا ع مرواغة مراد وفهد..
آريان : شاف تذاكر السفر على الترابيزه ومسكها وقال.. ايوه بقى احلى تذكرتين سفر دول ولا إيه؟؟
زين : بِشك قال.. أيوه أنا شايف في نظرتك شغل شحاته صح ولا انا غلطان؟
آريان : قال..والله يا بابا انت بتقول فيها؟ انا نفسي أخد أجازه..
زين : بتفهم..قال ياحبيب أبوك. انا عارف انت بتتعب قد ايه.. ووالله نفسي اريحك.. بس زي ما انت عارف الفتره دي شغل المصنع واخد كل وقتي وهانت كلها سنه وناخد براءة الاختراع إن شاء الله.. وانا معتمد عليك أنت وريتال بعد ربنا..
مراد : بتفكير قال..الله..؟ ما تسيب الواد يسافر يا زين..!! أنت هتربطه جنبك.. هو ذنبه إيه؟
آريان : بتمسكن..وقال.. اه والله يا عمي قول حاجه. أنا غلبان واستاهل كل خير والله..
زين : ضحك وقال.. بتبيع ابوك يا واطي…
آريان : قال العفو يا بابا دانا افديك بعمري..
مراد : قال وعلشان الكلمتين الجامدين دول ياض يا آريان.. خد أمسك التذكرتين دول وحلال عليك انت وتمارا..
آريان بص ل زين بدهشه وعدم فهم..
وزين بص لمراد بدهشه وقال.. اسكت يا مراد ما تثبتهاش في دماغه الله يكرمك احنا ورانا شغل كتير الفتره دي..
مراد : قال بثقه.. ياعم واحنا سدادين انا والحوت..
آدم : ابتسم وفهم نية مراد.
فهد : بص لمراد وقال. تقصد إيه؟
مراد : ياعم الواد آريان ده طالع عينه ما بين الشغل والبيت والجامعه..
وانا وانت شغلنا ما بقاش زي الأول.. وانت كنت بتقولي من فتره.. هنساعد عمي طارق في الشركه.. وانا قولتلك وانا كمان هساعد زين .
واهو جه الوقت..و انا وانت من بكره هنطلع على المجموعه مع زين وهناك بقى نخبط شويه ونشوف هنعمل ايه ونساعد شويه..
فهد : بتفهم..تمام أوي. أنا معاك في أي حاجه وأي مكان..
آريان : مندهش من اللي بيسمعو..
زين : بعدم تصديق.. انت بتتكلم جد يا مراد؟ انت بجد بتتكلم جد؟
مراد : بضحكه.. طبعا يا زينو.. وانا من امتى بتكلم جد هههههه..
وقال بص بقى بجد.. الواد آدم أبني. قبل كده كان بيفكر يساعد آريان وشايل همه حقيقي.. بس هو لسه شباب وشغله صعب ووقته ضيق غصب عنه..
واحنا دلوقتي ريحنا انا وفهد ومفيش مانع أننا نبدأ معاك واحده واحده يا زينو.. ده بعد اذن الحاج آدم طبعاً.
آدم : ابتسم وقال بفخر.. كلامك مظبوط يا مراد يابني.. وأنت لازم تقف جمب اخوك الفتره دي.. وأنا كمان هحاول من وقت للتاني اطُل ع الشركه بنفسي..
مريم : بدهشه.. إيه.؟! هترجع الشركه تاني يا آدم؟
آدم : ربت ع أيدها وقال.. لأ ياروحي مش بالمعنى ده.. أنا بس هروح اباشر شوية حجات بنفسي.. لأن المشروع بتاع إبنك زين مشروع كبير.ولازم كلنا نبقى معاه..
مريم : بقلب أم..ربنا يكرمك يازين يابني وينولك اللي في بالك..ويرزقك الخير حيث كان.. انت ومراد وفهد وولادي وأحفادي يارب..
كلهم أمين..
آريان : وقف بفرحه وقال.. يعني ايه يا جدعان انا كده أجازه؟ اعفا من الشركه فتره..
كلهم ضحكوا..
آدم : قال بهدوء.. اجري يا آريان خد التذاكر وخد مراتك وابنك.. واطلعوا على أوروبا.. قبل ما عمك مراد يرجع في كلامه..
آريان : باس ع أيد جدو..وقال أنا بحبك جدا يا بابا ربنا يخليك لينا ويديمك في حياتنا.. دي تمارا هتفرح أوي..
آدم : قال بحب.. وانا مبسوط علشان انت مبسوط يا حفيدي الغالي..
مراد : روح ي آريان وانا هظبط في المطار وهشوف الطياره اللي بعدها وابلغك.. وخلي بالك من تمارا ومحمد..
آريان : بحماس.. أخد التذاكر..وراح فرح تمارا بالخبر ده..
وتمارا مكنتش مصدقه..وفرحت جدا.. وبتجهز الشنط..واتصلت على محمد ونور تبلغهم الخبر الجميل ده..
——————بقلمي مريم نصار.
بيت المزرعه..
آدم مراد : دخل الجنينه..و نزل من العربيه..
آرين : نزلت وحاسه ببلاها وغيظ وقالت بهمس..جايبني اقضي شهر العسل في بيت المزرعه؟ ده مش بعيد تخليني أنام في الاسطبل..
منصور : جري يستقبلهم بفرحه..يا أهلا يا أهلا بالعرسان.. يادي النور يادي النور..حمدلله بالسلامه يا سي آدم باشا.. وشال الشنط.
آدم مراد : هز راسه..الله يسلمك يا منصور..
منصور : وصل الشنط البيت ورجع لادم..
آدم مراد : بص ل آرين وقالها اطلعي أنتي وانا هحصلك.
آرين : بصتله بغيظ مكبت..وماشيه تبرطم..وهتتشل من الغيظ..وقالت..
هى جوازه سوده من أولها.. وأنتي كمان ياچود؟ والله العظيم لاتشوفي هعمل فيكي إيه. ياكدابه ياغشاشه..
منصور : ألف مبروك يا سعادة الباشا..
آدم مراد : الله يبارك فيك يامنصور. المهم كله تمام؟
منصور : أيوه امال..كل حاجه سيادتك أمرت بيها اتنفذت بالحرف الواحد..وكمان مفيش حد موجود هنا خالص.
والبت سعديه مراتي هتكون عندكوا كل يوم من النجمه لحد الضهر. تهجز الفطور والغدا وتمشي زي ما سيادتك رايد..
وكمان الأمن والحرس ظبطوا كل حاجه..وكل واحد خد الاجازه بتاعته ومشيوا..ومفيش غيري هنا ياباشا..
آدم مراد : بتفهم.. تمام يا منصور.. وأنت أتفضل ع بيتك..
منصور : بعدم فهم..لامؤخذا في السؤال يابيه.. وأنا لما امشي مين هياخد باله من الاسطبل والمنحل والجنينه.؟
آدم مراد : هتيجي كل يوم مع مراتك وتشوف شغلك وتروح معاها..ومش عايز حد يرجع المزرعه من غير ما أقولك.ومرتباتكم زي ماهى.فاهم يا منصور..
منصور : بفرحه أنه هياخد أجازه..وقال.يسلام تحت امرك ياسي آدم بيه..تؤمرني بأيوتها حاجه؟
آدم مراد : متشكر..
منصور مشي و آدم دخل البيت وقفل البوابات اتوماتيك..ومسك فونه وبعت مسج. وراقب كل حاجه وشاف إن الدنيا أمان..
آرين : واقفه ف الليفنج.وبتهز رجليها بنرفزه..وهاين عليها تعيط..
آدم مراد : حط المفاتيح..وقال.مالك؟
آرين : بتذمر.. مالي؟ مالي إيه بس يا آدم؟ هى دي المفاجآة.. جايبني بيت المزرعه أقضي فيها شهر العسل..بجد انا مش قادره استوعب ولا أفهم حتى.. من أوروبا لبيت المزرعه؟ حرام بجد..
آدم مراد : شافها متنرفزه بجد.. وقعد ع الكرسي وشدها لحضنه..وقال.
طيب مش تسأليني الأول جبتك هنا ليه؟ وبعدين تشوفي هتضايقي ولا لأ؟
آرين : ربعت أيديها بزعل وقالت بتذمر.. أممم جايبني هنا ليه؟ معروفه أوي يا آدم.. مش بعيد تحبسني ف قبو البيت..لا هنخرج ولا نتفسح..ولا هتعزمني بره. ولا هنروح سينما مع بعض..هنفضل هنا في الصحرا دي..
آدم مراد : أبتسم. وباسها برقه وقال.. أولا هو مش شهر عسل.. لأن حياتنا أنا وانتي هتفضل حلوه ديما.. ثانياً هما ٤٥ يوم هنقضيهم هنا..مش شهر بس..
ثالثاً.. أنا جايبك هنا علشان تعيشي كل حاجه مجنونه كان نفسك تعمليها.. وهنخرج وهنتفسح وهنروح السينما وهاعيش معاكي أجمل سنين حياتي يا آري.
آرين : بصتله بدهشه وقالت إزاي؟ هعيش كل حاجه مجنونه؟..وازاي هنروح سينما وأحنا ع الطريق الصحراوي..؟
آدم مراد : شالها بين ايديه وطالع بيها..وقال. إزاي دي بقى؟ سيبيها عليا أنا..واسكندريه مش بعيده..
آرين : بطفوليه.تؤ بردو مش مقتنعه. دي أوروبا يا آدم..أووروووباااا. يعني كل حاجه مختلفه..
آدم مراد : مبتسم..و دخل بيها الاوضه وقال.. السعاده الحقيقيه في القلب يارينو ياصغيرة.مالهاش علاقه بالمكان والزمان.. ونزلها..
آرين : أنا عارفه طبعاً كل ده..لكن بما إننا عندنا فرصه نغير جو ونعيش زكريات مع بعض في أماكن مختلفة ليه لأ…؟
آدم مراد : باسها..وقال أنا هدخل أخد شاور.. وأنتى ظبطي الشنط دي تمام.
آرين : بإستسلام وتذمر.. اوكي..
آدم مراد : أبتسم ليها.وقال بتبقى اجمل لما بتكوني هاديه.. ورايح ع الحمام..
آرين : جريت عليه بسرعه..وقالت.. آدم آدم ثواني بس..
آدم مراد : لف ليها..نعم يا روحي..عايزه حاجه.؟
آرين : بإبتسامة جميله.. أحم..ايوه..كنت عايزه فونك أعمل مكالمه لأن فوني فاصل شحن من أمبارح..
آدم مراد : مط شفايفه اممم..هتكلمي مين؟
آرين : بغيظ مكبت.. عايزه اكلم چود لحاجه مهمه بليز..
آدم مراد : مسح ع شعرو وقال.. أممم تمام بس انا مش عايز حد يعرف إحنا فين.
آرين : كشرت عينيها بعدم فهم وقالت ليه؟
آدم مراد : بمكر..ابدا بس لو عرفوا مكانا.؟ تخيلي كدا..كل العيله ممكن تيجيلنا ع هنا..وبكدا يضيع عليكي البرنامج اللي انا عامله مخصوص علشانك..
آرين : بلهفه.. لأ لأ خلاص.. مش هاقول لحد صدقني..
آدم مراد : تمام..وفتح الشنطه..واخد لبس..ورايح على الحمام..
آرين : جابت الفون وقالت.. استنى بس انت مستعجل ليه؟
قولي باسورد الفون بتاعك ايه؟
آدم مراد : ضحك.. وقال.. babble girl
( الطفلة الثرثاره) وقفل باب الحمام وبيضحك..
آرين : ضحكتها أختفت.. وقالت الطفلة الثرثاره؟ يعني ايه ده؟ هو يقصد مين..؟ واتغاظت..وفتحت الباسورد بنرفزه.. واتصلت على چود..
——————بقلمي مريم نصار.
ف نفس الوقت.
فيلا مصطفى عزيز
كلهم قاعدين في الليفنج..
وهنا ومريم بيضحكوا مع ليليان وچود..وبيتكلموا عن فرح أمبارح.
ليليان : بحماس..بجد الفرح كان روعه..و البت آرين كانت زي القمر..
هنا : الله أكبر عليها..هى هتجيبه من بره.. آرين كلها أمها..
چود : ههههه اه شبه مرات عمي..لكن مش واخده عقلها..البت دي في حته تانيه خالص..
مريم : بضحكه..طيب والله دي أحلا حاجه محليا آرين..بنوته بريئه كدا وتتاكل أكل بسكوته أوي..
ليليان : ههههه قولي كدا قدام آدم ينهار مش واضح.. ده كان لبسنا حزام ناسف وفجرنا..
مريم : بدهشه..ياستار يارب.. يعملها فعلاً..مش عارفه ع قد ما آدم طيب ومحترم فوق الوصف..لكن لما بيقلب بس..الله أكبر يجعل كلامنا خفيف عليهم..
هنا : بضحكه..ربنا يهنيهم ويصلح حالهم ويرزقهم السعاده..
كلهم آمين..
وفون مصطفى رن وكان سعيد وقام راح عند الشباك ورد عليه وقال..
الو ايوه ياض يا سعيد..
سعيد : ازيك يا مصطفى عامل إيه؟
مصطفى : انا ميت فل و14 ايه صحيت امتى؟
سعيد : لسه حالا مفيش دقايق.. أمي صحتني انزل أجيبلها طلبات.. ولما بصيت في الفون.. لقيتك باعتلي رساله.. اول ما تصحي كلمني على طول..
خير يادرش؟
مصطفى : بص ع چود.. وقال ابدا ياعم انت عارف إن عيد ميلاد مراتي قرب وكنت عايز منك تعزم صحابها البنات في الجامعه.. وأعملها مفاجأه. ونحتفل في اي كافيه تبقى حاجه على الضيق كده..بس تبقى مميزه.
سعيد : بتعجب انت كنت قايل انك هتقدم كوثر في عيد ميلاد مراتك؟ معقول هتقدملها كوثر في الكافيه يامصطفى؟
مصطفى : بضحكه انت مجنون يابني الكلام ده قبل ما يكون في عيال.. دلوقتي مراتي حامل ومش بعيد لو شافت كوثر نلبس كلنا في الحيط..ان شاء الله كوثر هتشوفها مع طارق الصغير..
سعيد : ضحك وقال.. يتربوا في عزك يا عم مصطفى..
مصطفى : بتريقه.. ماشي ياخويا المهم.. عزومة البنات عليك انت.. علشان انا لو عزمتهم.. أنت عارف ايه اللي هيحصل.. وممكن تقرا عليا الفاتحه..و العمليه مش ناقصه..
سعيد : ههههه يا صحبي انا تحت امرك في اي حاجه انت بس قولي عيد الميلاد امتى؟ وانا اعزم كل صحابها على جروب الواتس..
مصطفى : بمكر..كدا اشطا..وكمان بقى ممكن اخلي چود تجيب معاها دعاء..
سعيد : بدهشه انت بتتكلم جد يا مصطفى؟
مصطفى : طبعا يابني عيب عليك.. بس اهم حاجه يا سعيد انت فكرت في الكلام اللي انا قولتهولك على حياة دعاء؟
سعيد : بتنهيده ماكذبش عليك والله فكرت كتير وخايف بس غصب عني قلبي عايزها.. وده مش بايدي.
مصطفى : بتعجب انا مش عارف ايه التفكير المتخلف ده؟
يابني هي مالها وعيبها إيه أصلا؟ ولو كان أبوها حرامي وراجل غني كنت جريت وراها..
انما ده ابوها راجل محترم و بياكلها بالحلال.. انا مش فاهم دماغك فيها ايه بصراحه يا سعيد..على العموم لو صرفت نظر قولي عشان ماجبهاش معانا
سعيد : برفض.. لالا تصرف نظر ايه..!!! انا اصلا هموت واكلمها.. أنا بس بتكلم على العيله.. امي واخواتي..
مصطفى : بسخريه..قال والله امك مش هتتجوزها.. اللي هيتجوزها انت.. فكر يابن الناس ورد عليا.. ولو عايزها بجد بلغني.. و لو شايف إن هيحصل عقبات في حياتك من ناحيه الست الوالده.. برده قولي
. علشان مانعلقش البنت معاك…
انت امبارح من كتر ما بتبصلها..؟ دعاء اخدت بالها وعندي احساس انها بتبادلك نفس الشعور..بس انجز عشان نخلص في الدور..
سعيده : بتنهيده.. ان شاء الله يا مصطفى ربنا يقدم اللي فيه الخير.. ويهدي امي عليا..
مصطفى سامع صوت رساله وقال..طيب أقفل بقى علشان جاتلي رسالة..وقبل عيد الميلاد هبلغك.. سلام..
وقفل وفتح الرساله على رقمه وكانت من المرعب وقال يا نهار مالهوش معالم… آدم بيستحلفلي علشان غيرت في قايمة الاغاني.. شكلي كدا لا هلحق اشوف طارق ابني ولا هالحق اعملك عيد ميلاد يا چود.. استرها معايا يارب دانا غلبان واستاهل كل خير..
هنا : بتضحك من قلبها وقالت والله ياچود..كل ما افتكر انك اتوحمتي على اخطبوط.. ألاقي نفسي بضحك ومش قادره ابطل ضحك..
چود : بهزار.. اعمل ايه بس يا ناناه ابنكم شكله هيطلع غواص.. وبيحب الحاجات النادره ههههه.
مريم : ضحكت وقالت.. الحمد لله أنها ماتوحمتش على حاجه اكبر من كده..
چود : ههههههه لا ما انا عملت حساب الحته دي ما تقلقيش يمريوم وقامت وقالت.انا هطلع البس بقى علشان منتأخرش ع مامي..
وطلعت فوق ومصطفى طلع وراها..
چود : شافت مصطفى وحاسه انه مش على طبيعته وقالت.. مالك يا درش لونك مخطوف كده ليه!؟
مصطفى : بتوتر ها.. أحم لا أبدا. مفيش اي حاجه وربنا يستر..
فون چود رن وقالت بتعجب ايه ده؟ آدم بيتصل عليا ليه؟
مصطفى : لونه اتخطف وقال.. يا نهار مالوش ملامح اكيد بيتصل علشان يطلع عيني في اللي انا عملته امبارح..
چود : ردت وقالت بتعجب.. الو..
آرين : بنرفزه..الو ايوه يا واطيه يا چود ياكدابه ياغشاشه..
چود : ضحكت من قلبها وقالت.. اهلا اهلا اهلا ازيك يا باربي عامله ايه ياعرووووسه ههههههخخخخ.
مصطفى : تنفس الصعداء.. أنها آرين. وخرج التراس..
آرين : بغيظ واضح..بتضحكي ياچود؟ ده انا هنتقم منك على اللي عملتيه معايا امبارح..بقى كده تستغفليني وتضحكي عليا؟
جود : ههههههه ااااخ يابطني…وانا مالي يا لمبي. أنتي مش بتقولي هنعمل ايه يعني؟ وطلعتي عارفه كل حاجه.. هههههههه..
وبعدين انا لو كنت قولتلك كنتي فضحتي الدنيا..
آرين : من بين أسنانها..تسبيني على عمايا وتقولي معرفش ايه؟ بسببك أنا اتحطيت في موقف وحش جدا..
وكملت بغيظ والله يا چود لما اشوفك..انا هنتقم منك بجد و هعمل فيكي مقلب يطلع من دماغك.. انا غلطانه إن انا صدقتك..
چود : ضحكت من قلبها وقالت طيب يا ستي حقك عليا.. المهم قوليلي بقى اخترتي الجناح ولا الاوضه هههههههه..
آرين : هيهيهيهي دمك تقيل ع فكره.. أنا مش عارفه اقول عليكي ايه؟ انا بس بتصل عليكي علشان أقولك انك ضحكتي عليا واستغليتي الموقف..
وانتي مش جدعه و عملتي فيا موقف مش كويس جدآ.
چود : بتفهم..يا بنتي انا مفكراكي عارفه كل حاجه.. لكن اتفاجأت إنك أبيض خالص.. وبعدين انا جيت اتكلم معاكي..قولت لنفسي لو اتكلمت انتي مش هتسكتي وفعلاً يا آرين أنتي مكنتيش هتسكتي..
وبعدين يا ستي المهم سيبك من كل ده طمنيني عليكي عملتي إيه؟
آرين : شهقت وقالت بذهول.. أنتي ازاي تسألي عن حاجه زي دي؟ غوري يا چود انا غلطانه اني اتصلت عليكي وقفلت الفون في وشها..
مصطفى : داخل..
چود : ضحكت من قلبها..ورقصت بسيط..وقالت والله وعملوها الرجاله ورفعوا راس مصر بلدنا الف مبروك للمنتخب يا مصطفى…
مصطفى : بعدم فهم.. انا مش فاهم حاجه في ايه؟
چود : قالت لا مفيش حاجه ده حوار بيني وبين آرين..كانت ناسيه ازازة برفان غاليه معايا في الشنطه..
المهم قولي انت مالك فيك ايه؟
مصطفى : لا يا ستي مفيش حاجه كبري دماغك..
چود : بدلع..طيب يلا بقى نلبس علشان نروح نقعد عند بابا طارق ونقضى اليوم مع بابي ومامي زمانهم في انتظارنا..
مصطفى : همس ربنا يستر منك يا آدم وبص لچود وقال.. تمام اجهزي ويلا بينا..
——————بقلمي مريم نصار.
في بيت المزرعه
آرين : بعد ما قفلت مع چود.. رايحه جايه في الاوضه بنرفزه ومتغاظه وفكت الحجاب ورايحه على الشنطه علشان تطلع بيجاما تلبسها وقالت..
ايوه الشنطه دي بتاعتي مامي قالت هي حاطه فيها كل حاجتي..
وبتفتح الشنطه واتصدمت مين اللي شافته موجود فيها بيجامتين اتنين بس..والباقي كله اطقم لا تعليق عليها وبنطايل وتوبات واسدال للصلاه.. وكام فستان طقم خروج..
وميك اب وبرفان وكل حاجه خاصه آرين..
آرين : فتحت عينيها بصدمه وقالت..هي مامي اتلخبطت في الشنط ولا ايه؟ وايه الحاجات دي؟ وماسكه الطقم بايدها واتعدلت..وقالت بصدمه يا نهار اسو…. ايه ده ايه قلة الأدب دي؟ مش معقول وبصت قدامها بصدمه وقالت الحاجات دي ليا انا؟
اه الحاجات دي تبقى ليا انا.. وقفلت الشنطه بغيظ وقالت انا مستحيل البس الحاجات دي.
وقعدت على طرف السرير..بتفكر في أحداث امبارح..وقالت بتفكير أيوه كدا كل حاجه بقت واضحه جدآ..
يعني چود كانت بتضحك عليا..ومامي لما جت امبارح تكلمني ف موضوع مهم.. كانت تقصد. الموضوع اللي چود ضحكت عليا فيه..
امممم ومامي قالتلي انها حطت كل حاجه تخصني في الشنطه دي…
وفركت في أيديها ووشها بقى أحمر وقالت..وبعدين بقى..
أنا مش عارفه اتصرف.. انا هتصل على ميرو..يمكن تقولي أعمل أي.. مانا مش قادره اصدق إني هلبس الحجات دي..
آدم مراد : خرج من الحمام..
آرين : بصت ل آدم بتوتر وبصت ع الشنطه..ووشها أتغير..
آدم مراد : بينشف شعرو..وقال.ماغيرتيش ليه؟
آرين : بلعت ريقها بتوتر..ومردتش..
آدم مراد : قرب منها..مالك يا آرين؟
آرين : هزت راسها أبدا ولا حاجه مفيش حاجه..
آدم مراد : قعد ع طرف السرير وقعدها ع رجله.. وقال.. لأ في حاجه..وممكن اعرف ايه هى؟
آرين : حاولت تبتسم.صدقني مفيش حاجه..
آدم مراد : بيلاعب خصلات شعرها..وباسها برقه وضمها لقلبه بحنان وقال..لسه خايفه مني؟
آرين : غمضت عينيها ف حضنه وهزت راسها لأ..
آدم مراد : أبتسم..وقال..يعني خلاص أنا مبقتش المرعب..
آرين : اطمنت.. ورفعت أيديها ع ضهرو. وقالت. لأ أنت دلوقتي آدم.. آدم حبيبي..
آدم مراد : بدقة قلب.. انا إيه يا آري؟
آرين : بتنهيدة حب.. أنت حبيبي يا آدم..
آدم مراد : رفع دقنها..وقرب منها بحب كبير ممزوج بحنان واحتواء علشان يطمنها..واخدها لعالمه الخاص..بطريقته الخاصة..
——————بقلمي مريم نصار.
فيلا العدوي.
بعد فتره من الوقت
مراد حجز لأريان وتمارا وودعوا الكل…وف طريقهم للمطار..
وتمارا كانت طايره من الفرحه ومش مصدقه ان هى هتقضي وقت مع جوزها وابنها ويقضوا شهر عسل من جديد..
وفهد قاعد بيفكر يوصل لبنته ازاي وواثق انه هيوصلها..
وفهد قاعد معاهم مبتسم وجواه حرب قايمه لكن بيمثل الهدوء علشان خاطر مراد مايمسكوش من ايده اللي بتوجعه.ويستفزه.
محمد ونور عازمين الإمبراطور و أميرتة و تيم وميرو. ع الغدا.
آدم : قال.. زين يابني.. هتنزلوا إعلان في الجرنال امتى عن توظيف الشباب ف المجموعه؟.
زين : على أخر الشهر الجاي إن شاء الله يا حج يكون آريان رجع بالسلامه..وينزل اعلان وريتال وآريان هيعملوا الانترفيو..
آدم : تمام.. وقام وقف وقال.. يلا بقى من غير مطرود..كل واحد ياخد مراته ويتكل..
مراد : قال هنسيبك لوحدك يا حج؟
آدم : قال..هو انا يعني لوحدي ولا صغير.؟ وأنا هروح أنا ومريم عند أختك نور..
يلا اسمعوا الكلام ومش عايز مناهده وسيب تالين هاخدها معانا..
وأنت خد مراتك اعزمها بره.. وكمان يا فهد خد مراتك وغيروا جو..
وأنت كمان يا زين كمان قضي وقت انت ومراتك. كله أجازه انهاردة..
ومن بكره ان شاء الله يبتدي الشغل اللي بجد..
مراد : خلاص تمام يا حج زي ماتحب..وبكره إن شاء الله هاطلع على الشركه انا وفهد..ونشوف ايه اللي مطلوب مننا..
زين : قام وقف وقال.. والله مش عارف اشكركم إزاي يا مراد انت وفهد..
مراد : ما تقولش كده يا زين أنا اللي مش عارف أشكرك ازاي؟انت اللي شايل الحمل كله. وانا عارف ان انا مقصر يحبيبي بس غصب عني..
زين : ما تقولش كده أنت اخويا الكبير وانا عارف لو كان بأيدك كنت وصلت الامبراطوريه للعالميه..
مراد : حبيبي يا زين ربنا يبارك فيك. وإن شاء الله هنوصلها للعالميه..
مريم : أبتسمت برضا وقالت..ربنا يديم بينكم الود والحب..ويبعد عنكم وساوس الشيطان.
كلهم أمين..
رينو : شافت فهد سرحان وقالت.. ايه رايك يا فهد لو نروح عند بابا طارق..نقعد معاه شويه.. وبعدين نروح ع بيتنا..؟
فهد : هز راسه بتفهم وقال زي ما تحبي يا حبيبتي..
وكل واحد قام واخد مراته وخرجوا..
وآدم واميرته قاعدين في التراس يرجعوا ذكريات الماضي..
وآدم ماسك مدونه وبيكتب فيها مدونات خاصه لاحفاده.
ونور أتصلت عليهم وف انتظارهم..بحماس كبير.وعامله كل الأكلات اللي عيلتها بتحبها..
ومحمد : قاعد شايل جنى وبيلاعبها.. وميرو وتيم مع نور ف المطبخ..
والبيت مليان بالحب والدفا والسعاده..
——————بقلمي مريم نصار.
ف بيت المزرعه
بعد فتره.
آرين : نايمه في حضن آدم وع نفس الوتيره والحرج..وعقلها مشغول..وحاسه أنها ناقصها حاجه..
آدم مراد : بإبتسامة..مش عايزه تعرفي إيه البرنامج اللي انا عامله مخصوص علشانك؟
آرين : انتبهت وقالت.. أكيد هنتمشى في الجنينه..صح؟ ماهو مش معقول هتقولي نخرج أنا عارفه إنك بتغير..
آدم مراد : باس كف أيدها وقال.. أول حاجه عايزك تعرفيها.. إن غيرتي عليكي دي من حبي ليكي..واللي بيحب حد يا آرين؟ أو بيحب حاجه غاليه أوي..ديما بيحب يحافظ عليها..
ولأن الألماس غالي جدآ.. ديما صاحب الألماس بيكون حريص أنه يخبيه في مكان محدش يقدر يوصله..
آرين : حطت دقنها ع صدرو وبصتله..وقالت عندي سؤال يا آدم؟
آدم مراد : حاوطها بأيديه.. اسألي ياضي آدم..
. آرين : بحيره.. أنت ليه عمرك ما طلبت مني إني البس نقاب زي مامي وخالتو وماما مريم.؟ أنا كنت متوقعه منك إنك هتجبرني عليه.
آدم مراد : أبتسم..وقال الحجات دي يا آرين بالتحديد ماينفعش فيها إجبار..
لأنك لازم تعمليها وهنا راضي عنها تماماً..وشاور ع قلبها..
وكمل وقال. أنا قادر دلوقتي أقولك البسي النقاب وقادر اقنعك بيه وهتلبسيه..
لكن اللي بعد كده إيه؟أهم حاجة تعملي الحاجه الصح وأنتي حباها وتعمليها علشان خاطر ربك ونفسك قبل مني..
النقاب مش قماشه هتغطى بيها وشك وخلاص.. لأ لازم تكون إللي لابساه تتصرف بعقل..يعني ماينفعش تجري في أي مكان. أو تتصرف زي الأطفال..
وده مش تعقيد ع فكره.. لأ ده وقار وهيبه وشموخ لذات النقاب..
عارفه يا آرين.. أنا بشبه النقاب بالصدفة الجميله..اللي بتحافظ ع اللؤلؤه في قلب البحر..
آرين : هزت راسها بتفهم..وقالت..يعني أنت عايزني انتقب لكن بإقتناع مني مش إجبار منك صح كدا؟
آدم مراد : شدها لحضنه وقال..صح كدا..
آرين : ضحكت وقالت..طيب قولي إيه بقى موضوع الالماس والغيره ده..وانك تجبني بيت المزرعه؟ مع أني عارفه إنك بتغير مش عايزه كلام يعني..
آدم مراد : أنا عارف إنك مجنونه شويه..وبتحبي تجازفي..
و أنا مش عايز احرمك من اي حاجه أنتي بتحبيها.. ففكرت إني اجيبك هنا لتحقيق شويه من أمنياتك..
آرين : بفضول.. قصدك إيه يا آدم..قولي بالله عليك..
آدم مراد : بص ل عينيها وقال..هتركبي ع الحصان زي ما أنتي عايزه..وهتنزلي البيسين..وهتجري في المزرعه بحريتك..
آرين : فتحت عينيها وبقها..ومش عارفه تعمل ريأكشن معين..ومش مصدقه..
آدم مراد : ضحك على شكلها وقال.يامجنونه.. قومي يلا بقى عايز أشرب قهوة..
آرين : بلهفه..لا لا لا لأ…استنى بس..وقولي أنا سمعت صح؟ ولا أنا تخيلاتي عدت ليڤل الوحش..
آدم مراد : بضحكه.. لأ سمعتي صح.. وكمان هتنزلي الجنينه بشعرك إللي جنني ده..
آرين : صرخت بفرحه عاااااا أنت بتتكلم بجد يا آدم.. بليييييز قول والله كدا..بليز بليز بليز بليز بليز بليز
آدم مراد : غمض عينيه وقال..بس يابنتي..واعقلي شويه.
آرين : حضنته بفرحه ومرح..وقالت..حبيباااااي.. أعقل إيه بس بعد إللي سمعته منك ده؟ والله ممصدقه اصلا.. أنت طلعت طبيعي جدا معندكش توحد ولا حاجه.. ههههه.. اوبس هههههه
آدم مراد : ضحك على شقاوتها..وشالها.وقال لو عايزه جنان ف أنا أجن منك..وغمز..
آرين : فهمت نظرته ليها..وقالت بصوت عالى لأ لأ خلاص والله هاكون عاقله خلاااااص..
آدم مراد : هز راسه بمكر..وقال خلاص مبقاش ينفع.. وقعتي بين أيدين الديزل..
وقدر يخترق حصونها بعشقه اللا متناهي..وعاش الفرحه والعشق اللي بجد ف وجود ضيه وضي عتمة حياته..و آرين زي ما هى فراشة حياة فهد..فهى فراشة الروح للأدم..
و آرين تاهت في عشق المرعب إللي معاها أحن عاشق..وتجاوبت معاه..وتاهوا في عشق الغرام..
عدا يومين وكل أبطالنا مبسوطين..–
عدا يومين وكل أبطالنا مبسوطين..
كريم أخد ليليان وعُمر أسبوع في دهب وعايشين وقت جميل جداً..
آريان وتمارا كأنهم عرسان جداد..و آريان بيعوض تيما عن كل حاجه.. ومحمد مزود للحياه بينهم سعاده جميله..
مراد وفهد راحوا الشركه مع زين وعملوا اجتماع. وفهموا بعض الأمور. وأي مشكله يلجأو للامبراطور..
ياسين : شايف همس تعبانه مع محمود وحمزه.. وقرر أنه ياخد أجازه ويسافروا على أي مكان في مصر يغيروا جو..
مستشفى النور..
اوضة الكشف لميرو..
ميرو : للحاله.. اتفضلي حضرتك دي مقاسات النضاره. المطلوبة..وكمان كتبتلك ع نقط تستعمليها قبل النوم. وف نوع تاني تلات مرات يومياً.
الحاله : أخدت الروشته.. شكرا جدا لحضرتك..بعد إذنك.
ميرو : بابتسامة رقيقه.. اتفضلي وألف سلامه ع حضرتك.
الحاله خرجت..
ميرو : رجعت راسها ع الكرسي بتعب و إرهاق. وقالت اااه..ياترى جنى تاعبه ماما نور ولا ايه؟ وحشتيني اوي ياروح مامي.. وابتسمت بحب وقالت.. لما أتصل اطمن عليها..
وبتطلع الفون.لكن رن ف أيدها..وشهقت بفرحه وقالت..مش معقول.. آريييين؟
وردت ع طول وقالت.. آرييين حبيبتي وحشتيني اوي..
آرين : ماشيه ع أطراف صوابعها وقالت بهمس.. اذيك ياميرو.. وحشتيني اوي اوي اوي..
ميرو : كشرت عينيها وقالت.. أنا كويسه. بس أنتي بتتكلمي بصوت واطي ليه؟ آدم نايم؟
آرين : عوجت بوقها وقالت بهمس..هو اخوكي ده بينام..ده ناقص يقعد على سطح البرج زي سبايدر مان لإنقاذ البشريه..
ميرو : ههههه مش معقول جنانك ده..بجد. وحشتيني جداً..
وكملت بعتاب..بقى كدا يا آرين؟ تسافروا من غير ما حد يعرف.. تيم زعلان منك جداً..ده كان مجهز ليكي هديه جميله جدا..بس انتوا سافرتوا ومحدش يعرف انتوا فين؟
آرين : بزعل..تيم..!!! أنا هكلمه..ثواني ياميرو.. وراحت عند الشباك..وشافت آدم ف الجنينه بيركب ع الحصان.. واطمنت.. وراحت قعدت ع طرف السرير وقالت.. بصراحه ياميرو مش عارفه أقولك إيه؟ آدم اخدني ع مكان ومنبه عليا مقولش لحد..ومش عارفه اتصرف ازاي.
ميرو : مطت شفايفها.وقالت.امم مشكله فعلاً..خلاص أنتي متقوليش بس حاولي بطريقتك كدا وشوية دلع ياعروستنا..وهتقنعيه إن شاء الله..
آرين : حطت ضافر صوبعها في بقها وقالت بتوتر..ما.. أحم ماهو أنا بكلمك علشان كده..
ميرو : خير ياحبيبتى..
آرين : بحيره..بصي انا في حجات كتير عايزه أعرفها منك.. لأني بصراحة ومن غير كسوف كدا..في لبس وقح جداً ومش قادره أتخيل إني البسه..انتي فهماني؟
ميرو : ضحكت بصمت.. وقالت بتفهم.. إلا فهماكي. وفاهمه بالظبط اللي بتمري بيه..
بصي يا آرين آدم دلوقتي جوزك حلالك.. كلك على بعضك كدا بقيتي ملك ليه..
وهو كمان بقى ملكك انتي وحلالك.. وأي شيء هتلبسيه قدام جوزك هاتؤجري عليه.. ولازم يا آرين تلبسي وتتشيكي. ومتحرميش جوزك من اي حاجه..
ف الأول هتكوني محرجه لأنك دخلتي عالم جديد عليكي..لكن تدريجياً هتحسي إن الأمر بقى طبيعي..
آرين : بحيره كبيره.. أيوه بس انا فعلاً مكسوفه جدآ. وآدم مقالش حاجه..
ميرو : بتفهم.. آدم دلوقتي مقالش حاجه.. لكن بكره هيقول..مش معنى أنه ماتكلمش بأنه راضي.
هو حالياً مقدر موقفك..لكن بعد كدا هيبدا يتخنق ياحبيبتى..
وبعدين يا آرين الراجل بيبقى حارم نفسه وعافف نفسه للحلال..ووقت الحلال مايلاقيش اللي كان بيحلم بيه..
خلي بالك لبسك لجوزك واناقتك وتتجملي ليه؟.. ده واجب عليكي وأمر. علشان مايبصش بره.
آرين : بصدمه إيه؟ يبص بره؟!
ميرو : أيوه يا آرين. وبعدين انتوا ف أسعد أيام حياتكم.. آرين أنا هقولك حاجه ومن الآخر..
آرين : بتركيز.. إيه هى يا ميرو..
ميرو : بتنهيدة حب..عيشي يا آرين..سيبي قلبك هو إللي يحركك تجاه جوزك.انتي مش هتعملي حاجه حرام ولا عيب.
أنا واثقه إن آدم بيعمل كل حاجه أنتي بتتمنيها.. وجه دورك أنتي كزوجة وحبيبة..خليكي بنته و حبيبته طفلته مجنونته..خليكي كل حاجه يا آرين..كل حاجه لأدم..
آرين : بصت قدامها..وهزت راسها بتفهم..
——————بقلمي مريم نصار.
بعد شويه
في الجنينه..
منصور : سي آدم باشا.. الإسطبل والمنحل زي الفل.. فاضل بس تقليم الكام شجره دول..هخلصهم..و تؤمرني بأيوتها حاجه..
آدم مراد : نزل من ع الحصان..وقال. لأ متشكر يامنصور.. أول ما تخلص خد مراتك واتفضلوا..
آرين نزلت المطبخ لسعديه..جريت بسرعه.وقالت بصي بقى. أنا عايزه منك تعملي الاكل ده بسرعه..هتلحقي؟
سعديه : وماله يهانم..نص الاكل جاهز.. أنا هعملك المكرونه..واسمه إيه ده..
آرين : ضحكت وقالت دي فراخ استربس.. بصي الطريقه هجبهالك وانتي وشطارتك بقى..
سعديه : شهقت..وقالت. لأ ياست هانم دانا أكلي الكل بيحلف بيه..وانتي كلتي من أيديا.
آرين : أيوه فعلاً اكلك حلو اوى.. بصي اعملي كل اللي ف الورقه دي..وكمان عصير فريش..لكن عايزه قبل ما آدم بيه يرجع تكون كل حاجه جاهزه..وكمان تحطيها ف حافظة الأكل للعشا تمام؟
سعديه : حاضر ياست هانم..
آرين : أنا طالعه الجنينه وراجعه..
سعديه : اتفضلي يا هانم..و بدأت تشتغل بسرعه..
آرين : أخدت سبت فاضي.واتاكدت إن آدم ف الإسطبل..
.ونزلت الجنينه..واختارت باقات ورد جميله..وعملت تشكيله متنوعه.. وكمان فل وياسمين.. ورجعت البيت بسرعه قبل ما آدم يشوفها..
بعد شويه..
آرين : .. ها ياسعديه.. خلصتي؟
سعديه : أيوه ياست هانم..والعصير أهو..
آرين : هزت راسها أوكي..روحي انتي بقى ياسعديه لجوزك..لأني.. أحم.. لأني هنام شويه..
سعديه : نوم العوافي ياست هانم.. اقعدي بالعافيه.. وخرجت..
آرين : كشرت عينيها وقالت.. أقعد بالعافيه إزاي؟ أنا بقعد براحتي مش بالعافيه..
.يوووه.. بعدين بعدين يا آرين.. طيب ناقص إيه؟ ناقص إيه؟ اهااا.شمع..
وراحت جابت شمعدان وفيه تلات شمعات.. وطلعت ع فوق بسرعه وخبته جمب الكمود..
وأخدت نفس عميق جدآ..وقالت لازم أخد خطوه..
——————بقلمي مريم نصار.
بعد شويه
مستشفى النور..
تيم : خلص الكشف..وراح لميرو.. وأبتسم وقال..حبيبتي خلصتي؟
ميرو : بأرق.. أيوه ياحبيبى..وبجد تعبانه جدا..نفسي انام بشكل..
تيم : بضحكه..طيب يلا بينا.بابا رجع ع البيت من شويه.نروح نجيب جنى..ونتغدى ونرجع البيت..
ميرو : أبتسمت اوكي ياحبيبى يلا بينا..وقامت وخارجين..وحاطه أيدها ف دراعه..وقالت..ع فكره آرين اتصلت عليا..وبتسلم عليك جداً وبتقولك متزعلش منها..
تيم : أبتسم بجد..طيب هى عامله ايه؟ وقالتلك مسافرين فين؟
ميرو : محبتش الح عليها لأن آدم منبه عليها متقولش..
تيم : بتفهم.. ربنا يوفقهم..يعني هى أهم حاجة مبسوطه..؟
ميرو : طبعاً..مبسوطه جدا..
تيم : خلاص واحنا مش عايزين غير كدا..
ميرو : خبطت ع جبينها وقالت..اوبس..
تيم : كشر عينيه وقال ف إيه؟
ميرو : حبوب منع الحمل خلصت انهردا الصبح..ونسيت اقولك..
تيم : ياشيخه خضتيني..تعالى نعدي ع صيدلية المستشفى ونجيبوا..
ميرو : ميرسي ياتيمو..
تيم : أبتسم..بلاش تيمو دي.. أصل كدا هنروح مافيهاش نوم.. ههههههههه.
ميرو : بضحكه.. أنام شويه صغننه بس..وابقى تحت امرك..
تيم : أبتسم بحب وقال.. لأ ياروحي خدي راحتك.. تعالى نجيب العلاج..
وراحوا الصيدليه وجابوا العلاج..وخرجوا من المستشفى والضحكه مرسومه على ملامحهم.. وركبوا العربيه واتحركوا..
——————بقلمي مريم نصار
الساعه ٩ مساءاً..
في بيت المزرعه.. في غرفة التلفزيون..
آدم مراد : قاعد وآرين كلها في حضنه..وبيتفرجوا ع الTV
آرين : بتفكر في طريقه آدم يخرج بيها من البيت لثواني..وبصت ف الساعه.. وقالت برقه.. آدم.
آدم مراد : نعم ياروحي..
آرين : بتوتر.. أحم آدم ممكن طلب..؟
آدم مراد : باس خدها..وقال أكيد ياروحي..قولي محتاجه لحاجه..
آرين : بتوتر..عايزه غزل البنات..
آدم مراد : كشر عينيه وقال.. نعم؟
آرين : بلعت ريقها وخرجت من حضنه واتعدلت وقالت.
و… أحم وكنز كبير جدا.. وشوكليت كتير اوى.. لأن اللي هنا خلص..
آدم مراد : قال..بس كدا هضطر أخرج واسيبك لوحدك هنا نص ساعة. لأن المحل بعيد شويه.. أقولك تعالي معايا..
آرين : برفض.. لأ.. أحم قصدي يعني أنا..تعبانه شويه.. أنت روح وأنا هريح شويه.لحد ما ترجع ونتعشى..
آدم مراد : مسد ع خدها وقال بقلق..تعبانه مالك؟
آرين : والله انا كويسه دول شوية صداع بس.. إيه رأيك تروح وتقفل كويس عليا؟متقلقش والله..
آدم مراد : بص حواليه بحيره وقال بإستسلام ماشي يا آرين.
آرين : سقفت بمرح..يس يس..
آدم مراد : قال بتحذير..حذاري تخرجي من هنا للجنينه.مش عايز جنان.. انا هجيلك كل الطلبات إللي تكفيكي لحد ما نرجع اتفقنا..
آرين : اتشعلقت في رقبته وباسته في خدو وقالت بمرح.. حبيبى أنااااا…..
بس ترجع بسرعه علشان نتعشى أوكي.؟
آدم مراد : ضحك وخطف بوسه منها.وقال أوكي.
انا هتصل عليكي..وقام وقفل عليها الباب.. وخرج..
آرين : نفخت بأريحيه. وقامت تجري بسرعه وقفلت الباب بالترباس.. وجريت ع المطبخ..وشغلت الميكروويف..ع وقت معين.وحطت فيه الأكل..
وطلعت فوق بسرعه..والاوضه كبيره جداً وفيها تراس كبير.
وجابت تربيزه مدوره وحطتها قدام التراس وحطت كرسي ليها وكرسي لأدم.. وجابت مفرش رقيق.. ورصت باقات الورد اللي جابتها من الجنينه ع أطراف التربيزه..
وفتحت اللاب توب ودخلت ع الإنترنت تشوف دايزين رقيق..
وحطت ورد أحمر كتير ع السرير والأرض..
وقفلت الستاير..ورشت معطر جو..
آدم مراد اتصل عليها..يطمن وردت عليه وطمنته..وقالها ربع ساعة وأكون عندك..وقفل.
آرين : بسرعه فتحت الدولاب.. وجمعت قوتها..وقالت مفيش وقت..
واختارت طقم يفتن.. ودخلت الحمام بسرعه.. وأخدت شاور سريع..ولبست الطقم.. ووقفت قدام المرايه..وعملت ميكب كامل لكن رقيق جدا..وكانت فوق الخيال..
ونزلت بسرعه.. جهزت الأكل في أطباق والعصير وحطته على الصينيه..وطلعت فوق.. وحطته على الترابيزه بطريقه شيك.. وحطت الشمع.
وسمعت كلاكس العربيه..وفتحت عينيها بدهشه وقالت.. آدم..؟وشافته من الشباك..
وبسرعه نزلت..فتحت ترباس باب البيت واخدت كاسين للعصير..وطلعت جري وكانت هتتكعبل ع السلم..
وحطت الكاسين وحطت فيهم العصير..
وبسرعه سرحت شعرها..ورشت برفيوم جذاب.. وولعت الشموع..وطفت الاضاءه كلها.. وكان المنظر مريح للأعصاب ع ضوء الشموع..
آرين : بتهوي ع وشها من الرهبه.. وقالت الجو حر أوي.. وشغلت التكييف.. وقالت أنا عارفه كل ده من التوتر..
آدم مراد : دخل البيت..ونده ع آرين.. حبيبتي انتي فين؟
آرين : من فوق قالت.بحرج.انا هنا يا آدم.
آدم مراد : دخل المطبخ وحط كل حاجه جابها ليها.واخد غزل البنات..وطالع ليها..
آرين : اتخضت لما سمعت صوت خطوته…وبتاخد شهيق وزفير..وقالت لنفسها.. عادي يا آرين..كل المتجوزين بيعملوا كده.. وعلشان آدم ماينفعش يشوف غيرك..لازم تقدمي حبك ليه.. هو بيعمل كل حاجه علشانك..جه دورك..عيشي حياتك يا آرين..اسمعي بنصحية ميرو.. حاولي..
آدم مراد : حبيبتي أنا جبتلك كل حاجه أنتي طلبتيها..
وفتح الباب.. وشاف ضوء الشموع..ودخل خطوتين.. واستغرب..
آرين : بسرعه حضنته من الخلف..وخبت نفسها..
آدم مراد : شاف الورد والعشا الرومانسي..وفهم هى ليه خلته يخرج من البيت..
وأبتسم..لما حضنته..وفك أيديها..ولف ليها.. لكن حرفياً انبهر من ملكة جمال قلبه…
وقال بإعجاب. إيه ده يا آرين؟
آرين : اتكسفت وخبت نفسها في حضنه..وقالت. أنا عارفه إن البدايه مكنتش زي ما أنت عايز..لكن انا بحاول..
آدم مراد : ضمها لقلبه..وقلبه اشتاق ليها بحد كبير.. لكن حاول يحتويها..وقال.. أنتي في كل حالاتك قمر يا آري..وطلعها من حضنه وباسها برقه من خدها. واخد نفس عميق من عطرها.. وهمس في ودنها بكلام غزل..
آرين : قلبها بيدق بسرعه. وقالت بصوت مبحوح.ال.. أحم.العشا..
آدم مراد : مسك كف أيدها..وسحب ليها الكرسي..وعيونه منزلتش من عليها..لكن بخبرة المخابرات علشان متتوترش..
آرين : قعدت..وحاسه أنها هيغمى عليها من الإحراج..
آدم مراد : قعد..وحب يطمنها..وغير الموضوع وقال. ع فكره عمتو لارين أتصلت عليا..
آرين : بفرحه..بجد. طيب هنكلمهم امتى؟ بابي و آيو وحشوني أوي..ومامي نفسي أشوفها اوي يا آدم..
آدم مراد : أبتسم وقال..خلاص بعد العشا الجميل ده.. كلميهم.. بس بلاش حد يعرف إحنا فين ماتنسيش..
آرين : بنفي.. لأ خالص..ده حتى بابي لما كلمني مسألنيش إحنا فين..
آدم مراد : بِشك.قال لنفسه. أمم.يبقى أكيد بيدور ورايا..
آرين : فرحت لأنها هتكلم العيله واطمنت شويه.. وبدأت في العشا مع ادامها..
آدم مراد : رفع الشوكه.. وأكل آرين..وعيونه بتلف الأوضه كلها..من ورد طبيعي وبرفان ومعطر وشمع وإضاءة رومانسيه..وشاف اللاب توب مفتوح.. وكشر عينيه وقال.. حبيبتي أنتي مشغله اللاب ونستيه؟
آرين : هزت راسها لأ.. أحم بصراحه……!!!
آدم مراد : بيشرب العصير.. وقال.. بصراحه إيه؟
آرين : بكسوف.. أصل مجهزه ميوزك هادي..
آدم مراد : رفع حاجبه بإعجاب..وقام.. وراح عند اللاب..وضغط تشغيل.. واشتغل ميوزك أجنبي رومانسي جدآ..
آرين : بتاخد شهيق وزفير ببطء..
آدم مراد : اخد آرين من أيدها…وحاوطها من وسطها. وباس جبينها بحنان..
آرين : رفعت ايديها حوالين رقبته وحطت راسها ع صدرو..وغمضت عينيها..ورقصت مع ادامها..
آدم مراد : بيرقص معاها..وبيتغزل فيها..
آرين : بتسمع من آدم أجمل كلام العشق..وعاشت في عالم تاني من السحر والخيال..
آدم مراد : رفع دقنها وقرب منها وباسها برقه. واتحولت لعشق كبير..مابينهم.. وحط جبينه على جبينها..
آرين : بدقة قلب.رفعت عينيها ليه. وقالت بصدق…بحبك اوى يا آدم..
آدم مراد : شالها بين ايديه..وراح بيها ع مكان جنتهم.. وعاشوا تفاصيل جميله وليله مميزه مابين اعتراف عشق آرين وعشق الأدم..
——————بقلمي مريم نصار.
بعد يومين.
ف مجموعة العدوي..
السكرتيرة دخلت لمكتب ريتال وقالت..سيدة الأعمال مدام مديحة عايزه تقابل حضرتك..
ريتال : بإستفهام..مدام مديحة؟ أوكي خليها تتفضل. واطلبي ليها فنجال قهوه لو سمحتي..
السكرتيرة : حاضر يا فندم.. وخرجت..
مديحه : دخلت بابتسامة.. مساء الخير ياريتال ياحبيبتي.
ريتال : وقفت وابتسمت..وسلمت عليها.. أهلا وسهلا مدام مديحة.. أتفضلي استريحي..وقعدت.
مديحه : قعدت.. ميرسي. أنا بعتذر لأني جيت من غير ميعاد سابق.. أنا عارفه إنك مشغوله جدآ الفتره دي..لكن الموضوع مستعجل..
ريتال : ياخبر متقوليش كدا..حضرتك تشرفي في أي وقت..لكن خير ياترى موضوع إيه؟
مديحه : ميرسي ياروحي..هو خير طبعاً. في الحقيقة أنتي عارفه كل حاجه عني.. وأني خلاص كلها كام سنه واسيب الشركه ل يسري أبني.. اشتغلت بما فيه الكفاية..ونسيت نفسي.حتى أبني ناسي نفسه..لكن في الحقيقة أول ما عشت أجواء الأفراح عندكم.. اتحمست جدآ وان الأوان بقى إن يسري يستقر ويرتبط ببنت الحلال..
ريتال : بضحكه..ده خبر عظيم جدآ..ربنا يقدم إللي فيه الخير..وتفرحي بيه ياحبيبتى..
مديحه : أبتسمت وقالت..والفرحه مش هتكمل غير بفضلك أنتي..
ريتال : بعدم فهم قالت..حاش لله..لكن مش فاهمه إزاي يعني؟
مديحه : الانسه تالين..ربة الصون والعفاف..
ريتال : أبتسمت بتعجب..وقالت تالين؟
مديحه : أيوه.. أنا شوفتها في فرح إبن المهندس يوسف عزيز..وكمان فرح أخوها وكانت بدر منور.وعجبني جداً ادبها واحترامها..وكمان باقي البنات كانوا مهذبين جداً ولبسهم كله محتشم وراقي.. وفعلاً زي ما بيقولوا ع الأصل دور.. والامبراطور أي حد يتمنى ينول الشرف ده ويناسبه..
ريتال : بحرج..ميرسي جدا لحضرتك يامدام مديحة.. أحم طيب انا هبلغ عمها زين..وهو يتكلم مع والدها..
مديحه : ياريت ياروتي..وتاخدي لينا ميعاد ف أقرب وقت..
ريتال : هزت راسها وقالت.. إن شاء الله..تحبي أوضح أي حاجه لزين؟
مديحه : طبعاً..يسري خريج أكبر جامعات فرنسا.. وكمان بعد الارتباط هيستقر هناك..
ريتال : بدهشه..يستقر في فرنسا؟ بس أعتقد إن عمها قبل والدها هيعترض ع النقطه دي تحديداً..
مديحه : كشرت عينيها وقالت..ليه؟ أنا أبني مش قليل بردو ياريتال..وكمان استقراره في فرنسا حاجه مشرفه..
ريتال : بكبرياء..ده إبن حضرتك وأي أم بتشوف ولادها مهما كانت عيوبهم مشرفين.. لكن انا عقبت ع نقطة الإستقرار ف بلد تانيه..وانا بتكلم بحكم أني من العيله دي..وعارفه مبادئها كويس جدا..
من أول الإمبراطور إللي ماشيين ع قواعده… لحد أصغر طفل.. ومفيش بنت ف العيله بعدت عن بلدها غير سفريات ترفيه أو مؤتمرات غير كدا مرفوض.. وع فكره مفيش أي حاجه تشرف ف أنه يستقر في بلد أجنبي غير بلده الأصل..
وف حاجه مهمه جدا حضرتك مش واخده بالك منها..
مديحه : خير يا ريتال إيه هى؟
ريتال : إن إبن حضرتك ف أواخر التلاتين يعني أكبر من تالين مرتين.
مديحة : بخنقه.. يعني افهم إن أبني مرفوض؟
ريتال : أنا مقدرش اقول كدا.. لأن القرار مش بأيديا.. لكن حضرتك مقربه مني ف مجال الشغل..وحبيت أوضح ليكي النقاط المهمه.. والقرار الأول والأخير يرجع للبنت وعيلتها..
مديحه : وانا مش هفقد الأمل..وابني رجل أعمال ناجح..وياريت تبلغيني بالميعاد المناسب..
ريتال : بتفكير..طيب انا أسفه لأني حاسه اني ضايقتك بكلامي..وعلشان متزعليش مني.. أنا هخليكي تقابلي والد تالين دلوقتي..
مديحه : بدهشه.. انتي بتتكلمي بجد ياريتال؟
ريتال : ايوه طبعاً..العميد مراد العدوي..موجود هنا ف الشركه.. وأنا هتواصل معاه.. والسكرتيره توصل حضرتك ليه..
بعد دقايق ف مكتب مراد..
مراد : اه كل ده تمام لكن ابنك ع كدا كام سنه بقى؟
مديحه : ٣٧ سنه هو نسي نفسه في مجال الأعمال..
مراد : أممم طبعا ليه العذر..وده يتناسب معاه بنوته ٢٨ سنه..او ٢٢ سنه اقل حاجه..لكن للأسف بنتي لسه ١٧ سنه. ومبتفكرش في الارتباط دلوقتي..
مديحه : ليه بس حضرتك ده هيسعدها أنا متاكده ابني شخص كويس جدا..وكمان هيستقر في فرنسا..
مراد : عذر أقبح من ذنب.. أنا بنتي متبعدش عني.. وهى لسه في فترة الدراسة لما تخلص بقى إن شاء الله نبقى نفكر في موضوع الجواز..
بعد شويه..
فهد : لمراد..تصرفك صح تالين لسه صغيره..ومفيش حد بينسى نفسه في موضوع الجواز بالذات لو كان مقتدر..
مراد : بتفهم.. أنا عارف كل ده.. وياعم أصلا تلاقيه معقد وهيطلع عقده ع البت..هي ناقصه معاتيه..
فون فهد رن..ورد بثبات.. أيوه..اه.اممم. أنت متأكد.تمام.تمام..لا خلاص أرجع أنت..وقفل..
مراد : بمكر.. تحريات دي ولا ايه؟
فهد : بصله بغيظ..وسكت..
مراد : اوباااا لأ عليا النعمه لازم أعرف.. ولو أني شاكك إنك بتحفر ورا الواد آدم أبني..
فهد : بغيظ.. إبنك واخد بنتي بيت المزرعه..
مراد : هههههههه والله أنا عارف إنك مش هتسكت.. وماله بيت المزرعه. ده كدا عظمه أوي..سيب العيال تعيش بمزاجها..
فهد : باصص قدامه ومكشر عينيه بشرود..
مراد : لأ لأ ولا يافهد اوعا تكون بتفكر تعملها وتروحلهم هناك.
فهد : من بين أسنانه بتوعد..هعملها ياصقر. لازم اطمن ع بنتي..
مراد : خبط كف على كف وقال..لا حول ولاقوة إلا بالله..هو أنت يبني بتفكر إزاي؟
آرين كل يوم تكلمك وبتتكلم مع العيله.. والبت زي الفل وفرحانه.. يبقى ليه النكد بقى..هتروح تعمل إيه؟ اهدى كدا وقول هديت.. وشيلها من دماغك هى خلاص دلوقتي مسؤوله من راجل..ويقدر يحميها..بص لأركان و آيان. وفوكك من آدم و آرين..
قولي بقى الواد آركان فين كدا؟
فهد : نفخ بخنقه ومسح وشه بايديه وقال.. راح المول يشتري شوية حجات.علشان الكليه.
ف المول..
آركان : في محل ملابس وبيختار..ومسك بنطلون جينز وقال للبنت هاخد ده كمان..
البنت : تمام يافندم..تحب حضرتك تلبس عليه قميص أو تي شيرت..
آركان : تي شيرت.
البنت : أوكي يافندم.. القسم التاني تاني طرقه ع شمالك..تحب اوصلك؟
آركان : لأ متشكر. واتحرك للقسم..وماشي بيصفر وبيتفرج.. ولمح تي شيرت شكله حلو أوي وعجبه جدآ.. وراح يجيبه… وحط ايدو ع التي شيرت وف نفس الوقت أيد تانيه مسكت نفس التي شيرت..
آركان : ابتسم وقال.. آسف حضرتك أنا اخترته.. وبعدها ضحكته أختفت وقال بدهشه أنتي؟!!!
باري : بخنقه.. أنت؟! مش معقول كدا. أنت ورايا في كل مكان؟
آركان : بتريقه..والله لو أعرف أني هشوفك مكنت طلعت من بيتي.. وسيبي بقى أم التي شيرت خليني أمشي..
باري : صكت ع أسنانها وقالت.. ياريتك مانزلت فعلاً.. وبعدين أنا اختارته قبلك..شوفلك واحد غيرو..
آركان : وأنتي ماتشوفيش غيرو ليه؟
باري : انت بجد إنسان مستفز جدآ..
آركان : وأنتي متعجرفه جدآ..وواخده في نفسك مقلب.. يلا ياشاطره وسعي من وشي..
بنت جت وقالت خير حضراتكم في مشكله..
آركان و باري ف صوت واحد..عايز/ه تي شيرت تاني نفس الاستايل.. وبصوا لبعض بتحدي..
البنت : أسفه جداً لحضراتكم ده آخر قطعه موجوده.. لأنه موديل جديد وخلص بسرعه..
باري : بكبرياء.. أوكي أنا هشتريه.. ممكن تحطيه في علبه وتغلفيه بطريقه شيك. لأني واخداه هديه..
آركان : بتصميم.. أنا إللي هاخد التي شيرت.. أنا شوفته قبل ألانسه.. وياريت بسرعه لاني مش فاضي..
البنت هتتكلم..
باري : بعند..مش هيحصل أنا إللي هاخد التي شيرت اوكي؟
آركان : مسح وشه بأيديه وقال أستغفر الله العظيم.. يابنتي بلاش أنا.. روحي شوفي حاجه تانيه المول مليان حجات كتير قدامك..
باري : بسخريه.. وأنت متروحش ليه بقى؟ وبعدين أنت بتتكلم معايه ليه؟ بعد ما بوظت ليا الآيفون.. بجد مودي بيتغير لما بشوفك للاسوء..
آركان : قبض ع ايديه وقال..عارفه؟ أنتي لو مش غريبه.. أقسم بالله كنت علمتك إزاي تتكلمي معايا..
باري : بتحدي.. وأنا بحمد ربنا إني غريبه عنك..بجد
I hated meeting you so much
لقد كرهت لقائي بك كثيراً.
آركان : من بين أسنانه بغضب.. If you hated meeting, I hate the time I see you
إن كنتي أنتي كرهتي اللقاء..فأنا أبغض الوقت الذي أراكي فيه..
باري : فتحت عينيها بصدمه..وحست بالاحراج. وعيونها لمعت.. وسابته وخرجت من المحل بسرعه..
آركان : باصص عليها لحد ما أختفت..ومش عارف ليه اضايق من نفسه أوي..
البنت : حضرتك هتاخد حاجه تانيه غير التي شيرت؟
آركان : بخنقه.. لأ.. وبص قدامه وقال بلوم..مكنش ينفع تحرجها كدا يا آركان.. اوووف بقى ماهى لسانها طويل ومستفزه جدا..
——————بقلمي مريم نصار.
في بيت المزرعه..
آدم مراد : شايل آرين ونازل بيها ع السلم..
آرين : محاوطه رقبته..وقالت..طيب قولي رايح بيا ع فين..
آدم مراد : خارج بيها الجنينه..وقال. هتعرفي دلوقتي..
آرين : شافت الحصان ساهيل ودارلي اربيان..
آدم مراد : نزلها قدام الحصان..
آرين : افتكرت الحادثه وجسمها اتشد..ومسكت تي شيرت آدم بخوف.
آدم مراد : ضمها لحضنه من الخلف وقال.. كنتي عايزه تركبي الخيل..مش كدا؟
آرين : هزت راسها بالرفض.. لأ من آخر مرة وأنا مبقتش عايزه.
آدم مراد : لفها ليه..ورجع خصلة شعر ورا ودنها وقال.. أنتي ماينفعش تخافي من حاجه. طول ما انا جمبك.. وأنا جايبك هنا علشان تواجهي كل مخاوفك..
آرين : رفعت عينيها ليه..مع انعكاس الشمس وزادها بريق وجمال..
وقالت بتعجب.. مخاوفي؟
آدم مراد : بتأكيد ايوه مخاوفك..زي الخيل والنار..
آرين : بلعت ريقها وهربت من نظرة عينيه..
آدم مراد : بجدية.. آرين أنا عارف إنك من وقت حادثة المعمل وأنتي بتخافي تيجي جمب النار.. حتى لما حددنا الفرح قولتي لأركان إنك مش عايزه أي ألعاب ناريه.
آرين : غصب عني يا آدم كل ما افتكر اللي حصل بخاف..
آدم مراد : ركب ع الحصان وقال.. آرين العدوي متعرفش يعني ايه خوف. ومد أيدو ليها. وقال.. هاتى إيدك..
آرين : بلعت ريقها بقلق..وقالت بس انا خايفه أقع تاني..
آدم مراد : مسك أيدها ورفعها قدامه ع الحصان..وحط اللجام في أيدها.. وقال.. مواجهة الخوف في حد ذاته إنتصار وشجاعه كبيره.. وأنا عارف إن مفيش حد شجاع زي آريني.. ومش هقولك تاني.. إني جمبك وساندك..
آرين : هزت راسها بإستسلام..
آدم مراد : بأمر..يلا ساهيل..
ساهيل : بصهيل عالى..مشي الأول وبعدها جري بسرعه..
دارلي اربيان بيجري قصاد ساهيل..
آدم مراد : محاوط آرين علشان متخافش..وواحده واحده آرين اطمنت ومبقتش تخاف.. وآدم علمها إزاي تتحكم في الحصان..
ساهيل لف المزرعه كلها بيهم..
وبعد شويه..!!!
آدم مراد : شد اللجام..والحصان وقف..ونزل.
آرين : بخوف.. أنت نزلت وسبتني ليه؟
آدم مراد : أبتسم..وركب الحصان التاني..وقال. هنعمل سباق صغير أنا وأنتي.. جاهزه..
آرين : سباق؟ بس انا لسه متعملتش أوي..وممكن اني…..
آدم مراد : قاطعها.. وقال.. آرين أهدي ده سباق صغير. واعتبريه تحدي لنفسك..وأنا علمتك إزاي تتحكمي في ساهيل..ومتقلقيش..
آرين : اتحمست.. أوكي..ومسدت ع شعر ساهيل وقالت..ساهيل عايزين نكسب المرعب اوكي؟
آدم مراد : ضحك..واتحرك بالحصان..
آرين : ساهيل ماشي بيها بسرعه معينه لأنها لسه مش مطمنه أوي..
آدم مراد : متحكم في حصانه..ومش عايز يجرى بسرعه.. علشان عايزها هى اللي تكسب..
آرين : شافت أنها أسرع من آدم واتحمست جداً.. وبتضحك ع آدم..وكان وقت جميل جدا بيهم.. وعايشه بحريه كبيره..
وصلوا لآخر المزرعه..
آرين : سقفت..وااااو أنا اللي كسبت..براڤو عليا..
آدم مراد : بيضحك..ونزلها من ع الحصان.. وقال.. طبعاً آريني هى إللي تكسب..
آرين : اتنططت من الفرحه.واتشعلقت في رقبته.. بحبك اوووووي يا مرعب.. هههههههه قصدي يا آدم. أنا بجد فرحانه اوي..
آدم مراد : رفع دقنها وقرب منها وباسها بشغف كبير.. وحط جبينه على جبينها..وقال.. وأنا بموت فيكي..
بعد شويه.. قاعدين قدام البيسين بيتغدوا..
آرين : بمرح..بجد ميرسي جدا يا آدم.. أنا مبسوطه اوى اوى..
آدم مراد : ولسه لما تشوفي بليل أنا محضرلك مفاجأة..
آرين : بفضول..بليز قولي إيه هى المفاجأه بجد مش هقدر أصبر..
آدم مراد : بإبتسامة..رفع حاجبه ليها ف اشاره ع البيسين..
آرين : بصت ع البيسين..وقالت مش فاهمه.. وبعدها فتحت عينيها بدهشه وقالت.. آدم أنت تقصد إني هنزل البيسين؟
آدم مراد : قصدك هننزل البيسين أنا وأنتي بليل..
آرين : حطت أيديها على خدها وقالت بإنبهار.. واااوو بجد أنا مش مصدقه إللي بسمعه ده..
آدم مراد : ههههه ولا أنا.
آرين : طيب سؤال يا آدم.. أنت دلوقتي اسلوبك اتغير ١٨٠ درجة عايزه اعرف أنت ليه مش كدا ديما..
آدم مراد : مط شفايفه وقال.. الأول أنتي كنتي بعيده عني..لكن دلوقتي الوضع يختلف أنتي مراتي ومعايه..وكمان مأمنلك كل حاجه هنا..ومفيش مخلوق غيري شايفك..ف أنا بحاول اعوضك عن كل حاجه أي كانت.. وطول ما أنتي شاطره وبتسمعى الكلام في أنتي هتعيشي مع آدم..لكن لو اتجننتي هتلاقي المرعب قدامك..
آرين : هههههههه بجد أنا مبسوطه اوى..
آدم مراد : بثقه. ع فكره لو كنا سافرنا أوروبا أنا واثق إنك مش هتبقى مبسوطه زي دلوقتي..
آرين : بمرح.. أوافق وبشده.. قولي بقى هنروح السينما امتى أنت قولتلي إنك عامل برنامج علشاني.. ممكن اعرف إيه هو؟
آدم مراد ؛ طبعآ ياروحي.. انهاردة ركبتي الحصان..بليل هتنزلي البيسين.. بكره هنروح أجمل مطعم في اسكندريه نتغدا.وبعدها أفسحك شويه..
ويوم تاني نروح السينما.. وكل يومين ننزل اسكندريه.
وهنا بقى في المزرعه هتعيشي بحريه كبيره تجري برحتك.. تركبي الخيل برحتك لكن ف وجودي.. تنزلي البيسين لكن بليل وبردو في وجودي..ها مبسوطه ياضي آدم؟
آرين : فاتحه بقها وعينيها..ومش مصدقه ان اللي بيتكلم ده آدم المرعب…!!!
——————بقلمي مريم نصار.
باري : ف اوضتها واقفه قصاد الشباك..ومخنوقه جدآ من عدوها اللدود إللي لاتعرف اسمه ولا حتى كنيته..
وغمضت عينيها..وشافت صورته قدامها.
وفتحت بسرعه..وقالت بجدية..باري متفكريش في الهمجي ده..ده إنسان غير سوي ومريض..وبجد بجد قليل الذوق.. بس حقيقي أتمنى ماقبلوش تاني…!!!
عند فهد..
آركان واقف قصاد الشباك. ومربع أيديه. وسرحان ومخنوق.. وقال لنفسه..
طيب أنا مضايق ليه؟ ماهى مشيت وخلاص.. ولا أعرفها ولا تعرفني.. تؤ..بس انا احرجتها قدام البنت..
وكمل بجديه..
آركان متفكرش ف المستفزه دي.. دي واحده مجنونه وعنيده. وحقيقي أسلوبها ينرفز.. وبجد بتمنى ماقبلهاش تاني…!!! —-