رواية ميراث العشق الجزء (3) الفصل السابع و الثلاثون 37 - بقلم مريم نصار

  رواية ميراث العشق كاملة بقلم مريم نصار عبر مدونة دليل الروايات 

 رواية ميراث العشق الجزء (3) الفصل السابع و الثلاثون 37

 

عند فهد..

رينو : بتعجب..!! نسافر..؟! نسافر فين يافهد؟

فهد : بيلبس التي شيرت..وقال.. بيت المزرعه ياحبيبتي..

رينو : شهقت وقالت بلخبطه.. إيه؟ لأ.. أحم قصدي يعني ليه..؟!

فهد : كشر عينيه بشك..وقال.. إيه مالك اتخضيتي ليه كدا؟

وكمل بمكر وقال.. أنا وعدتك قبل كده أنا وانتي هنركب خيل لوحدنا.. واهو جه الوقت.. بنتك اتجوزت ومسافره..

و آركان هيسافر مع آسر وچواد الغردقه يصيفوا.. ومفيش غير آيان ومرحش المزرعه قبل كده.. أنا بقى عايز أفسحك انتي وأبني..

رينو : بلعت ريقها بتوتر..وقالت جواها.. وبعدين أعمل أي في الورطة دي.؟آدم وآرين هناك.. ولو فهد عرف معرفش هيعمل ايه؟ أتصرف ازااي بس ياربي..

فهد : وقف قدامها.. وقرب من وشها..وقال بخبث.. إيه بتفكري في ايه ياحبيبتى..هو الموضوع صعب أوي كدا.؟

رينو : انتبهت..ها.. أحم. موضوع إيه؟ مفيش اي موضوع ولا حاجه..بس..بس أنا يعني كنت بفكر نروح مكان تاني.. أنت عارف إن بيت المزرعه بيبقى أحلا في تجمع العيله.. أحم.

فهد : همس ف ودنها وقال بمكر..تعرفي إن الإنسان لما بيتوتر أو يخاف من حاجه أو يخبي حاجه ع حد.. بؤبؤ العين بيوسع ياروحي..!!!

رينو : بلخبطه..اء..اه عارفه.. أحم.بس ليه بتقول كدا.. وحاولت تبتسم بتمثيل..

فهد : رفع دقنها وباسها وقال بثقه.. لأنك مش عايزه تقولي إنك عارفه آرين فين يانجمتي..

رينو : فتحت عينيها بدهشه..ومش عارفه ترد..

فهد : أبتسم..وبيرتب شعرها..وقال.. أنا عارف إنك عندك علم بكل حاجه تخص آرين.. أنتي أمها وعلاقة الأم ببنتها تختلف عن علاقة الأب..

وأنا متأكد إن آرين قالتلك أنها ف بيت المزرعه..

رينو : قالت بتنهيدة استسلام.. أيوه فعلاً يافهد.. آرين قالتلي انها هناك..ونبهت عليا إني مقولش لحد حاجه..

فهد : ابتسم.بس انا عرفت. ويلا بقى البسي علشان نفاجيء آرين.. أنتي متعرفيش هى وحشاني قد ايه..

رينو : بضجر..مش معقول كده يافهد..البنت لسه في شهر العسل.. أنت مدرك اللي بتقوله..

فهد : بص ل عينيها وقال. آرين وحشاني يارينو.. أنا حقيقي عايز اطمن ع بنتي..هتيجي معايا..ولا أروح لوحدي.؟

رينو : نفخت بنفاذ صبر وقالت.. لأ هاجي طبعاً.. أنا استحاله اسيبك هناك لوحدك معاهم.. بجد كدا أوفر جدا.. أوفر خالص..بعد اذنك هروح أجهز آيان..

وخرجت متنرفزه تنادي ع آيان..

بعد دقايق..

فهد قاعد ع طرف السرير..مستني رينو تخلص.. وافتكر لما آرين كانت تخبط ع الباب بصوت عالى وتعمل دوشه.. وأبتسم بحنين..وجاب الفون واتصل على آرين..

آرين : ردت بحماس..الوو باااابي وحشتني اوي اوي..

فهد : بابتسامه..صباح الخير ياقلب بابي..

آدم مراد : ركب ع الحصان..وسابها تتكلم مع أبوها..

آرين : عينيها ع آدم وقالت بإبتسامة جميله.. صباح الفل والياسمين وكل حاجه حلوه..

فهد : وحشتيني جداً يا آريني..

آرين : بسعاده..وحضرتك بجد وحشتني جدآ جدآ يا أجمل بابي فهد في حياتي كلها..

حضرتك ف البيت ولا الشغل؟

فهد : قام وبص من الشباك وقال.. أنا ف البيت ياحبيبتى..ونجمتي هتبقى تكلمك..

آرين : مثلت الغيره..وقالت..اااه نجمتك؟ أوكي. بس خليك عارف زي ما مامي نجمتك أنا بردو نجمتك.. اوكي؟

فهد : ضحك بصمت وقال..مفيش حد زي نجمتي..بس انتي بردو حاجه تانيه.. وحاجه غاليه أوي..

وكمل بمكر..قوليلي بقى أنا سامع صوت خيل..؟!

آرين : بعفويه..اها..ده ساهيل يابابي آدم كل يوم يركب خيل..

فهد : أبتسم لبراءة بنته..لكن قال بقلب أب.. مبسوطه مع آدم يا آرين؟

آرين : بمرح إلا مبسوطه يابابي..دي كلمه صغيره أوي عن اللي أنا حساه..

بجد بجد مش عارفه أقولك إيه؟ ولا آدم بيعمل علشاني إيه؟ واكتر حاجه بحبها اوي إن آدم يشبه حضرتك جداً تقريباً ف كل حاجه..

فهد :…………!!!

آرين : كملت بسعاده وحماس..عارف حضرتك.. آدم بيعملي كل حاجه أنا عايزاها.. أي طلب قبل ما اطلبه الاقيه جايبو علشاني..

وكمان يابابي بيخليني أواجه كل مخاوفي..زي الخيل والنار من وقت الحادثه..

آدم علمني ازاي أركب خيل وازاي اتحكم في الحصان كويس جدا..

طيب عارف حضرتك.؟ آدم بيدخل معايا سباق خيل وأنا اللي بكسب..واو بجد إحساس الفوز جميل جدا.. وكمان أمبارح خلاني أواجه خوفي من النار وواحده واحده حاسه إني هرجع زي الأول..

وكمان اخدني اسكندريه..اتفسحنا كتير جدا..وانهردا وعدني أنه هيوديني السينما.. والمفاجأة بقى اللي لسه آدم قايلهالي.. أنه هيحجزلي مركب ع البحر ف اسكندريه..

والغريبه بقى إن آدم طيب وحنين أوي.. وتحسه أنه واحد تاني غير اللي اتعودنا عليه.. آدم من وقت للتاني يقولي أنا عند الوعد اللي وعدته لخالي..

وكملت بسعاده كبيره..

أنا بجد فرحانه اوي اوي يابابي.. أنا حاسه إن مفيش حد سعيد ومبسوط وفرحان زيي أنا..

فهد : بيسمع آرين وشريط زكرياته بيمر قدامه.. مع رينو.. ومبتسم..

وقال بهدوء.. وأنا واثق أنه قد الوعد يا رينو ياصغيره..

آرين : شهقت وحطت ايدها ع بوقها وقالت.. إيه ده؟ بابي هو انا قولتلك ساهيل الحصان مش كدا؟

فهد : بابتسامة جميله قال.. أيوه حصل..وكمل بمكر..وكمان اسكندرية..

آرين : بحيره.. وبعدين بقى أنا شكلي عكيت ولا ايه؟

فهد : ضحك وقال..سرك في بير ياقلب أبوكي..

آرين : بمرح..يس يس..هو ده بابي القمر.. أقولك بقى إحنا فين.. طبعآ مش محتاجه تفسير بما أني مبعرفش اعمل كنترول ع عقلي..ف إحنا في بيت المزرعه.هههههههه. وربنا يستر بقى..

فهد : ودي أجمل حاجه فيكي يا آريني.. حبيبتي خلي بالك منك..

رينو : دخلت ومخنوقه وقالت.. أنا خلصت..

فهد : قفل..ولف ليها..

رينو : شافت علامات السعاده ع ملامحه وده ضايقها أكتر..

وقالت اه مبسوط طبعاً إنك رايح لبنتك وجوزها في شهر عسلهم تنكد عليهم..أنا معرفش أنت بتفكر إزاي..

فهد : قرب منها.وع نفس الوتيرة ومبسوط.. وقرب منها وهمس في ودنها وقال.. إيه رأيك نغير البروجرام.. واخدك ونهرب ع المالديف..

رينو : فتحت عينيها بعدم استيعاب..وقالت . أنا مش فاهمه حاجه..

فهد : بإبتسامة حب.. آرين عايشه مبسوطه.. وطايره من الفرحه.. وأنا مش عايز غير كدا..

إيه رأيك نسافر أسبوع.اخطفك بعيد عن كل العالم..

رينو : بدقة قلب قالت.. أنا مغلطش لما قولت إن مفيش حد زيك ولا ف حنانك يافهد..!!!

——————بقلمي مريم نصار.

بعد مرور شهر..واكتر.

كريم وليليان.. عاشوا شهر عسل من جديد مابين جنون وخفة دم ليليان وهدوء كريم.. وعُمر حالياً عندو حوالي سنه ونص.

طبعآ آريان وتمارا عاشوا شهر جميل جدا و آريان كان حريص أنه يعوض تمارا عن كل الفتره اللي مفتقداه فيها.. ومحمد دلوقتي عندو حوالي سنه وشهرين.

وياسين وهمس عايشين فتره جميله..وزياد اهتمامه بأحفاده كل يوم بيكبر.. وحاليا محمود وحمزه عندهم حوالي سنه وشهر..

أما مصطفى طلب من چود أنها تاخد دعاء بأي حجه. ويروحوا ع كافيه لأن سعيد عايز يتكلم معاها.. وهى متعرفش إن مجنونها مصطفى بيجهز لعيد ميلادها الأول في حضوره…

چود جابت دعاء..وراحت ع الكافيه..وكان مصطفى مجهز عيد ميلاد جميل وكانت مفاجأة جميله منه..وچود كانت فرحانه جداً.. واحتفلت بعيد ميلادها الأول مع حب الطفوله..

أما سعيد حاول واتكلم مع دعاء.. ودعاء كان مكسوفه جدآ..ولما عرفت مشاعر سعيد من ناحيتها..قلبها كان مبسوط..لكن لظروف ووضع أهلها رفضت سعيد وبشده.. ورجعت ع بيتها وخاب أملها..وشايفه أنها بنت الشغاله والجنايني هيفضل عقبة حياتها.

أما سعيد لما سمع صوتها وشاف برائتها.. وإن دلوقتي أكتر البنات مبقاش موجود عندها الحياء ده إلا من رحم ربي..

زاد من إصراره وهيحاول مع عيلته ومع دعاء ومش هيتخلى عنها.. ومصطفى شجعه.. وإن الحب حاله من الجنون.. لازم يعيشها علشان يحس بلذة الحياة.. وأنه هيخسر كتير لو اتجوز غير البنت اللي اختارها قلبه..بما أنها ملتزمه ومهذبه وبريئه وجميله فين المشكله؟

أما تيم وميرو دول العشق الهادي الجميل..ميكس من فريحه ومريم الجزار وآدم ومحمد حاجه نادره حب صادق وطاهر وجميل..وعايشين الفترة دي بين المستشفى والبيت ومفاجأت تيم الجميله لميرو.. وتيم عندو جنى حاجه كبيره جدا.. وجنى عندها حوالى. تسع شهور.

ورينو شافت إن آيان مابيبطلش سؤال ع آرين.. لكن بيسكت في حضور جنى..

ورينو قررت أنها تبعت آيان كل يوم يلعب مع جنى لأنها الوحيدة اللي بينسى الوقت معاها ومبيسالش ع حد خالص..

وفهد أخد نجمته وهرب بيها ع مكانهم الخاص في المالديف..وعاشوا أجمل أسبوع.. و آيان كان مبسوط أوى معاهم..و آيان عندو حوالي سنتين.

آركان سافر مع آسر وچواد الغردقه يصيفوا..

أما بقى عصفورين الكناريا. آدم و آرين..عايشين شهر عسل بجد..

آدم كان ل ارين اب واخ وزوج وصديق كان معاها شخص تاني خالص غير اللي هي تعرفه..

كل يوم يعملها مفاجأت ويحققلها كل أحلامها الصغيره…

وآرين كانت مبسوطه جداً وفعلا كانت زي الفراشه كل يوم بتركب خيل وتنزل البيسين ويخرجوا يتفسحوا وكانت آرين تتصل على ميرو تاخد منها شويه نصائح وكانت تقدم العشق لأدم بين أيديه وكان اللقاء بينهم بيبقى رومانسي.

لكن آرين مستحيل تبطل جنان.. وحركاتها مجننه الديزل..

.والعقبه الوحيده عند المرعب..!!! هى طريقة نوم آرين الطفولي..

——————بقلمي مريم نصار.

مجموعة العدوي..

في مكتب الإمبراطور

آدم : قاعد على المكتب..بيراجع الملف.

زين : قاعد قصاده وقال..

وبكده يا حاج مفيش غير أربع أجهزه طبيه.. المهندسين شغالين عليهم وكده يبقى خلصنا كل حاجه. و واقفه على براءة الاختراع إن شاء الله.

آدم : هز راسه.. وقال بهدوء.. تمام يا زين انا عايزك تفضي نفسك خالص للمشروع ده. وسيب كل حاجه هنا ع الله ثم عليا انا وأخواتك..

و كل يوم تباشر المصنع بنفسك وتشوف لو ناقص اي معدات ومستلزمات للأجهزه وتخلصها.. انا عايزك على الميعاد بالضبط تفتتح اكبر مشروع للاجهزه الطبيه. صنع في مصر.

زين : أبتسم.. تمام يا حاج و إن شاء الله هشرفك..

آدم : أبتسم وقال.. انت شرف وفخر لأي حد يا زين يابني..

زين : ربنا يباركلي فيك يا حاج.. وبص ف الساعه وقال..

على فكره الإجتماع هيبدا بعد الانترفيو ما يخلص على طول..

آدم : تمام.. بلغني.. وانا وأخواتك هنكون في قاعة الإجتماعات على الميعاد..

في مكتب آريان

تمارا : قاعده على الكرسي و حاطه أيدها على خدها وبتبص على آريان وهو بيشتغل.. ومبتسمه.

محمد بيلعب باللعب بتاعته..

آريان : مركز في الملف وبيجيب القلم وشاف تمارا وقال.. ايه يا تيما سرحانه في إيه؟… اوعى تكوني مليتي من القعده في الشركه..

تمارا : بتنهيدة حب أبدا ياحبيبىي.. انا بس مبسوطه لانك كنت متحمس تجيبني معاك الشركه علشان نقضي اكبر وقت مع بعض..

آريان : أبتسم.. طبعا يا روحي انا مش عايز اشوفك متضايقه تاني.

وبما إنك في الاجازه ما فيش مشكله تيجي معايا كل يوم..وكمان يستي هعزمك انهردا ع الغدا.

تمارا : ميرسي جدا يا حبيبي.

آريان : بضحك.. قال.. لأ إن كان على ميرسي فأنتي هتقوليها كتير الفتره اللي جايه..

وقام وقف وقال. بصي يا روحي خليكي هنا شويه هاروح لريتال هانم علشان الانترفيو سايبها تعمله لوحدها..واكيد هاتعاقبني وتخصم من مرتبي.

تمارا : ضحكت وقالت.. لأ ماما ريتال قلبها ابيض.. وكملت بترجي.. بليز يا آريان خدني معاك أحضر الانترفيو عايزه اشوفك وانت بتعمل مقابلات الانترفيو بليز.

آريان : ضحك وقال.. أوعي تكوني غيرانه عليا علشان اشوف سكرتيره تشتغل معايا.وغمز.

تمارا : بغيظ وغيره واضحه.. انت لو عملت كده صدقني هتزعل مني جدا وهتقول ياريتني ما جبتها الشركه من الأساس..

آريان : مثل الخوف و قال..خلاص آسف.. إيه كل الشر ده يا بنتي..

خلاص أمري لله..تعالي معايا واللي ما يعجبنيش هاغمزلك تطفشيه..

تمارا : حطت محمد في العربيه وقالت بثقه.. اللي مش هيعجبني أنا.. مش أنت..!! انا هطفشها بطريقتي..

آريان : بضحكه.. طبعاً طبعاً. يلا بينا..

وخارجين من المكتب بيضحكوا ومبسوطين..

——————بقلمي مريم نصار.

في مكتب ريتال

السكرتيره دخلت وقالت تحت امرك يا فندم.

ريتال : نفخت بتعب وقالت.. فاضل كم واحد.؟

السكرتيره : فاضل تسعه يا فندم..

ريتال : بإرهاق قالت.. تمام دخلي اللي بعده.

السكرتيره : حاضر يا فندم..

وخرجت ودخل شاب..

ريتال شافت الشاب وحست بالاشمئزاز.. شاب لابس قميص نص زراير القميص مفتوحه..وسلسله جنزير وانسيال في ايده وخاتم..وبصلها بإعجاب وقال..

الشاب : مساء الخير..

ريتال : بعدم إهتمام.. مساء الخير.. ممكن السي في بتاع حضرتك؟

الشاب : حط الملف قدامها وبص على فستانها وقال اتفضلي يا…. يا فندم..

ريتال : فتحت الملف وقالت اممم درجاتك كلها مقبول وجيد ومفيش غير ماده واحده بس جيد جداً.. هو حضرتك ماقرتش شروط الاعلان ولا إيه؟

الشاب : أبتسم وقال.. لا قرتها طبعاً.. لكن انا جاي هنا علي سمعة الشركه ونزاهتها..وعشمان ان حضرتك هتشوفيلي مكان ووظيفه في الشركه هنا ولا ايه؟

ريتال : مش مرتاحه للشاب ده وقفلت الملف وقالت.. تمام اتفضل حضرتك ولو فيه مجال تشتغل.؟ الاداره هتبلغك.. اتفضل

الشاب خارج وسط نظراته المربيه لريتال..

ريتال : ضغطت على زرار الجرس بنرفزه..

السكرتيره دخلت

ريتال : قالت بنرفزه.. ازاي تدخلب واحد بالشكل ده عندي وكمان بالملف ده؟

السكرتيره : قالت . أسفه جداً يافندم..لكن والله العظيم هو فضل يترجاني. وقال إنه عايز فرصه واحده. وقولت أكيد حضرتك هتتصرفي..

ريتال : بخنقه.. خلاص خلاص.. دخلي اللي بعده.. ونبهى ع الأمن..أي حد بالشكل ده مايدخلش من باب الشركه فاهمه؟..

السكرتيره : حاضر يا فندم..

——————بقلمي مريم نصار.

في طرقة الشركه.

آريان وتمارا ماشيين وبيشرحلها أي إستفسار عن الشركه..

مهندس قابل آريان وقال..

المهندس : دكتور آريان ثانيه واحده لو سمحت.. الملف ده في مشكله بسيطه وكنت عايز من حضرتك تقولي اتصرف ازاي في المشكله دي؟

آريان : لتمارا.. ثواني وراجعلك و اتحرك مسافه صغيره وراح وقف مع المهندس يتكلموا في الشغل

تمارا : بصت لمحمد وقالت بابتسامه.. مين حبيب مامي ياناس؟

محمد : ضحك وقال مام مام مام..

تمارا : ضحكت بسعاده وقالت.. يا روح قلب وعقل مامي أنت..

وفجأة جه الشاب وقف قدام تمارا وقال.. مش معقول أنتي؟

تمارا : رفعت راسها وبصت للشاب بعدم فهم وبصت وراها ومالقتش حد وبصتله تاني وقالت.. حضرتك بتكلمني أنا؟

الشاب : طبعا انا بكلمك أنتي.. أنتي مش فاكراني؟ بصيلي كويس و هتفتكري.

تمارا : بضيق حقيقي.. إيه يا أستاذ أنت ابص ليك دي؟ لو سمحت اتفضل من هنا وا………….!!!!!

وتمارا سكتت وفتحت عينيها بصدمه وقالت جواها.. مش معقول..!!! ده نفس الشاب اللي آريان بيكرهه..

ايوه هو اللي خبط في آريان واحنا راجعين من تركيا..

واتصدمت اكتر لانها شافت آريان جاي.

الشاب : أبتسم وقال.. شوفتي؟ بما انك سكتي اكيد افتكرتيني. انا اللي قابلتك من حوالي سنه في المطار مش فاكراني..؟

آريان : جه وقف قدام تمارا وبص لمازن بغيره وتوعد وكُره كبير وقال بتحذير وجديه..

بصرف النظر يا مازن عن انك موجود هنا في شركتي.

وكمان عن السبب اللي خلاك تكون موجود هنا؟

لكن مش هسمحلك تتمادي أكتر من كده..

وأول واخر مرة تقف قصاد مراتي وتتكلم معاها لأي سبب من الأسباب..

حتى لو شوفتها بالصدفه سلام ربنا ما تقولوش ليها..وصدقني لو كررتها تاني؟مش هبقى عليك ثانيه واحده بعد كده..

مازن : ضحك بتمثيل وقال… إيه ياعم آريان؟والله انا ما اقصدش حاجه عموما أنا آسف. وانسى بقى مايبقاش قلبك أسود.. المهم أنت اخبارك إيه.؟

آريان : مسح وشه بأيديه وقال بخنقه.. تمام.. أنت بتعمل ايه هنا؟

مازن : مط شفايفه اممم..أبدا.. انا قراءت إعلان الشركه وجيت أقدم. وعملت مقابلة الانترفيو..

وكمل بتمثيل الحزن..بس شكلي كده مش هيوافقوا عليا..يلا خير تتعوض مرة تانيه..

بس بصراحه يا آريان نائب مجلس الاداره اييييه؟ ست فورتيكه تقولش متفصله تفصيل..دي عليها وسط و……………اااااااااااااهه.

تمارا : اتصدمت وحطت أيديها على بقها.. لأن آريان. هجم على مازن بغضب واضح .

آريان : مقدرش يتحمل كلام مازن ومغازلته لأمه وده ميقدرش يتحمله أبدا.. ورنه العلقه التمام..

مازن : في عُمر آريان.. لكن شُرب السجاير ونزواته وأهماله في نفسه..!!! جسدياً بقى ضعيف..

حصل هرج في الشركه..والكل واقف مترقب إيه اللي بيحصل..

آريان : بغيره كبيره.. ضربه بوكس في وشه ومسك ياقة قميصه.. وقرب من وشه وقال بتهديد واضح..

أنا متحملك من زمان جداً رغم اني بعدت عنك وعن طريقك فضل تنخور ورايا علشان تجرجرني معاك في طريقك الأسود.. لكن انا عافرت علشان أبعد عن طريقك.. ودلوقتي بتغازل ف أمي؟

دانا هشرب من دمك وهدفنك مكانك هنا.. وضربه روسيه وبوكس في مناخيره ورا بعض لحد ما نزف..

تمارا : خافت من آريان وعصبيته.. ومحمد بيعيط. وشالت محمد وجريت على مكتب ريتال تستنجد بيها..

زين : شاف اللي حصل في الكاميرات.. ومراد وفهد..

مازن : زق آريان بغيظ لكن شتان.

آريان : زقه ووقعه ع المكتب..

مراد : مسك آريان..وزعق.. إيه اللي بيحصل هنا؟ في ايه يا آريان؟

فهد : مسك مازن من قفاه.. وقال. أنت مين يالا؟

آريان : بينهج من الغيظ..ومش عايز يقول إن الحيوان ده بيعاكس أمه..

مراد : بصوت جهوري.. أنا قولت إيه اللي بيحصل يا آريان؟

آريان : بيحاول يتمالك نفسه..وقال بخنقه..مفيش حاجه ياعمي..

فهد : ضغط ع فك مازن بقوه..وقال بتوعد.. إيه القطه كلت لسانك..هتقول أنت عملت إيه؟ ولا اخليك تتكلم بطريقتي..؟

مازن : بيتألم..وخاف منهم..ومش عارف يتصرف إزاي؟

زين : جه بسرعه..وقال بقلق..ف ايه يا آريان؟ إيه اللي حصل يابني؟

آريان : بخنقه..مفيش حاجه يابابا..

وبص ل مازن وقال بغضب.. الحيوان ده لو هوب من جمب الشركه تاني.انا هدفنه في مكانه..

مازن : من الألم قال لفهد.. خلاص خلاص أنا والله العظيم مقصدش حاجه..ومكنتش أعرف أنها والدته..

زين : أنتبه..وكشر عينيه وقال بإستفهام.. ريتال؟ واتعصب جدآ ورايح لمازن..

مراد : لحقه ومسكه بسرعه..وقال. استنى بس يازين.. الموظفين كلهم موجودين وده غلط. وغير كدا أبوك هنا.وماينفعش نعمل شوشوره.. أنا هتصرف..

زين : بنرفزه.. أهدى ازاي ده بيقولك مكنتش اعرف أنها والدته؟ يعني عمل حاجه..وزعق ماتتكلم يا آريان وإلا قسما بالله ماهعديهالك ع خير..

آريان : بضيق حقيقي قال ف تلخيص.. ده واحد كان معايه زمان ف المدرسه..بس هو عيل صا*يع وفاشل. ودلوقتي قابلته بالصدفه بيتكلم مع مراتي.. وجاي يقدم ع وظيفه..وا….. أحم.. وعاكس نائب رئيس مجلس الاداره…!!!

زين : قبض ع ايديه بغضب وقال..دانت يوم إللي خلفوك اسو…

فهد : ضربه روسيه واحده.. ومازن اغمى عليه.. وفهد قال..

خلاص يازين الموضوع خلص..

مراد : بتفهم..تعالى معايا يازين..خلاص فهد هيتصرف. تعالى علشان خاطر الحاج..

زين : مشي مع مراد ومخنوق..

فهد : بحده للموظفين.. أتمنى يكون إن العرض المسرحي عجبكم.. اتفضلوا حضراتكم كل واحد ع شغله..

الموظفين : اتحركوا بسرعه..

آريان :……..!! وواقف ساكت ومتنرفز..

فهد : خلاص يا آريان. روح كمل شغلك. أنا هتصرف..

آريان : مشي وهو متعصب ورجع على مكتبه..

فهد : شاور للأمن وقال.. شيلوا الحيوان ده. وارموه بره الشركه..

في مكتب ريتال..

ريتال : رايحه جايه وخايفه من زين..

و تمارا خايفه من آريان..

السكرتيره : دخلت وقالت.. اللي بعده يدخل يافندم؟

ريتال : بتوتر.. لأ.. أحم كملي أنتي الانترفيو وابعتيلي تقرير بالباقي..

السكرتيره : تحت امرك يافندم..وخرجت..

ريتال : بخنقه.اوووف وبعدين بقى..ده حتى زين مسألش.. أنا خايفه اوي..ده وقت عصبيته مابيشوفش قدامه..

تمارا : بحيره.. أيوه وكمان آريان..ده كان الراجل هيموت في أيديه.. أنا خايفه أروح المكتب ليه.. أنا بفكر أرجع على البيت..

ريتال : بتفكير..قالت..والله فكرة. بقولك ايه تعالى نرجع البيت.. وكأننا منعرفش حاجه.. أو بصي نقولهم إني تعبانه وعايزه أروح استريح شويه..

السكرتيره : دخلت وقالت.. أسفه يافندم .مستر زين منتظرين حضرتك ف مكتبه.

ريتال وتمارا بصوا لبعض… وملامحهم بتقول ربنا يستر..

ف مكتب زين..

مراد وفهد و آريان عندو..

مراد : خلاص بقى يازينو حصل خير..والواد الدكتور آريان رنه العلقه التمام.. الواد وشه كان عامل زي خريطة الطريق كله ماشي ع وشه ههههه. روق كدا..

زين : بدأ يهدى وقال..مفيش حاجه يامراد أنا كويس..

فهد : تمام جداً.. يلا بينا إحنا ياصقر نخلص إللي ورانا علشان نلحق الإجتماع..

مراد : قام وقف وقال. أشطا يلا بينا..

فهد : روق بقى يا آريان حصل خير.. وسابوهم وخرجوا..

زين : شاف آريان مضايق جدآ.. وقال.. بس بصراحه أنت عجبتني.. أنت فرمت الواد..

آريان : من بين أسنانه.. حضرتك متعرفش أنا بكرهه قد ايه؟ أنا لو قتلته مش هبقى ندمان..

زين : لأ يبني ربنا يبعدنا عن الطريق ده.. وخلاص هو أكيد بعد العلقه دي مش هيفكر يقرب من هنا تاني .

ريتال دخلت ومتوترة.. وجابت تمارا معاها..

زين : لاحظ خوفها..

آريان : بص بعيد..وهاين عليه يقول لامه تقعد في البيت ومتجيش الشركه تاني..لكن معندوش الجراءه يقولها في وجود أبوه..

زين : تعالى يا ريتال.. اقعدي ياتمارا يابنتي.. وفتح أيديه لحفيدو..

ومحمد جري عليه..

تمارا : قعدت جمب آريان..ومسكت أيدو. وابتسمت بتمثيل..

آريان : أخد نفس عميق..وربت ع أيدها..

ريتال : بلعت ريقها بتوتر وقعدت..وقالت بتوتر.. نعم يا زين..!!

زين : بيلاعب محمد..وقال بغيره مكبته.. أنا اديتلك أجازه مفتوحه.. ترتاحي شوية.

ريتال : بصدمه إيه؟

آريان : فرح من قرار أبوه..

زين : بصلها وقال.. أجازه مفتوحه..

ريتال : بصتله بعتاب وقالت.. بس انا مطلبتش أجازه يا باشمهندس زين؟

زين : أبتسم ببرود..وقال. اسمعي كلامي علشان متبقاش أجازه دايمه.. إبنك هنا مكانك وكمان مراد وفهد وبابا.. استريحي أنتي الفتره دي..

——————بقلمي مريم نصار.

مساءاً في فيلا العدوي..

ف جناح زين..

زين : دخل وقال…منزلتيش تتعشى معانا ليه يا ريتال؟

ريتال : قامت بنرفزه..وقالت بجدية. استغنيت عني بسهوله كدا يازين..؟

زين : وقف قدامها وقال..عمري ما أقدر استغنى عنك ياريتال.. وأنتي عارفه كدا كويس..

ريتال : لفت ضهرها ليه وقالت بوجع.. ماهو واضح يا باشمهندس زين.. واضح جداً من قرارك المفاجيء..

زين : ضمها من الخلف وحط دقنه ع كتفها وقال..

قراري مش مفاجيء ياروتي.. أنا بصراحة نفسي تسيبي الشغل..عايزك تفضلي ف بيتك ومرتاحه..

ريتال : بحزن..وحد قالك اني تعبانه من شغلي.؟ ولا في سبب تاني أنا مش عارفاه؟

زين : بتنهيده.. ف أهم سبب ياريتال.. إني بغير عليكي.. وديما كنت ببقى عايز أقولك كفايه شغل.. لكن برجع ف كلامي علشان عارف قد ايه أنتي حساسه وممكن تفهمي كلامي غلط.. أو إني بفرض سيطرتي عليكي..

ريتال ياحبيبتى.. إبنك آريان انهردا طول اليوم متكلمش مع حد..ومضايق جدآ.. واحد في سنه والدته اتعاكست قدامه.. مستنيه منه يتصرف إزاي.. وأنا شوفت إن ده أنسب حل مؤقتاً..

ريتال : فكت أيديه ولفت ليه وقالت بدهشه.. طيب انا ذنبي ايه يازين؟ تحاسبني ع أفعال واحد مريض ليه؟

أنا سيدة أعمال محترمه من ناحية لبسي وتعاملي مع الناس..يبقى ده جزائي منك إنك تحرمني من شغلي؟

زين : أبتسم..ومسك وشها بايديه وقال..

أنتي جزاتك مني اجبلك السما باللي فيها.. أنتي حبيبتي ومراتي وشريكتي.وصديقتي وكل حاجه ياريتال..

أنا محرمتكيش من شغلك..لكن ان الأوان بقى إنك تستريحي..

ريتال.. أنا عايز أرجع من شغلي ملهوف عليكي والاقيكي في انتظاري..

عايز أدخل من باب البيت ألاقي نسخه من مريم الجزار لادم العدوي.

عايز اريحك ياروتي..يبقى كدا أنا غلطان؟

ريتال : بدموع..بس مش بالطريقه دي يازين.. أنا تعبت جدا الفتره الاخيره علشان نحقق حلمنا ف المصنع والمشروع الجديد..تقوم تقعدني مرة واحدة.. بجد اتصدمت منك أوي يا زين..

زين : أخد نفس عميق.. وقال. حلمك هيتحقق وفي وجودك كمان..

طيب بصي عندي حل وسط..علشان خاطر عيونك بس..

ريتال : بأمل.. هترجعني الشركه صح ؟

زين : هز راسه لأ..لكن هتعملي كل شغلك المطلوب منك..بس وانتي هنا في البيت..

ريتال : بتذمر.. إيه ده بقى؟

زين : باسها برقه وقال.. هتشتغلي وهتابع معاكي كمان قولتي ايه ياروتي؟

ريتال : بتنهيده وحيره..مش عارفه يازين..

زين : بمكر.. وأرجع ألاقي روتي في انتظاري وبتقولي حمدالله على سلامتك يا زينو… هتقولي ايه؟

ريتال : بإبتسامة..هقولك حمدلله على سلامتك يازينو..

زين : بدقة قلب.. قلب زينو أنتي ياروتي.. وقرب منها بحب كبير واخدها لعالمه الخاص…

——————بقلمي مريم نصار.

تاني يوم ف بيت المزرعه..

آدم مراد : نايم في أمان الله..

آرين : نايمه وبتتقلب..وفردت أيدها على وش آدم.. ورجلها ع بطنه..

آدم : فتح عينيه بسرعه.. وشال أيدها من ع وشه.. وهز راسه بنفاذ صبر..

وشد عليها الغطا..وسحب راسها ع دراعه واخدها في حضنه وكمل نوم..

وبعد حوالي ساعتين..

آرين : قاعده جمبه ع السرير..وبتتأمل فيه وهو نايم.. وضحكت بخبث..ورفعت أيدها قدام عينيها وماسكه قلم كحل..!!!

وقربت من آدم بحذر شديد.. ورسمت أنياب دراكولا عند بُقه..

آدم مراد : بيحرك راسه..

آرين : بسرعه تخبي أيدها ورا ضهرها وخايفه يصحى.. وترجع تكمل رسم تاني..ورسمت كمان تحت عينيه. وكاتمه الضحكه..

وبعد ما خلصت رسم.. جابت فونها بسرعه.. وصورته.. وصورت نفسها جمبه بحركات مجنونه..

آدم مراد : فتح عينيه..

آرين : الفون وقع من أيدها جمبها واتخضت.. وحاولت تتصرف ع طبيعتها.. وضحكت بتمثيل.. أحم صباح الخير يا حبيبي..

آدم مراد : شدها لحضنه وباسها وقال..صباح الورد ياقلب حبيبك..

آرين : اول ما آدم اتكلم ماقدرتش تمسك نفسها..و ضحكت من قلبها ع شكله..

آدم مراد : بتعجب..ف إيه؟

آرين : هههههه.. اااه بطني مش قادرة.. أنت قمر خالص يا آدم..

آدم مراد : أبتسم..وشدها لحضنه أكتر..وقال بغمزه.. وضحكتك قمرين..

آرين : ههههههه لأ لأ مش قادره ههههه.. بجد شكلك يجنن..

آدم مراد : بِشك..شكلي؟ وانتي أول مرة تشوفيني؟ وبص ع المرايا..

آرين : فتحت عينيها بدهشه..وقامت بسرعه من حضنه وجريت.. ولسه هتفتح باب الأوضه…!!!

آدم مراد : بصوت من نار.. آرييييين…!!!

آرين : وقفت مكانها واتخضت.. وخايفة تلف وشها ليه..

آدم مراد : قام بغضب. ورايح عندها.. وقال بعصبية..

إيه اللي أنتي عملتيه ده؟

آرين : انتفضت مكانها.. ولفت ليه بخوف.. ونزلت راسها ف الأرض..ومردتش..

آدم مراد : صك ع أسنانه بغضب..وخبط الباب جمب وشها..وقال بحده..

لما أكلمك تردي عليا.. إيه الزفت اللي انتي عملاه ده؟ ردي عليا..

آرين : بلعت ريقها بتوتر..وقالت جواها..

يخربيت كدا.. أقوله ايه ده؟ وبعدين شوفت لايق عليك أنياب دراكولا إزاي؟ أنا قولت مرعب محدش صدقني..

يسلام عليكي يا آرين بتفهميها وهى طايره.. وا…… عااااااا…بسم الله الرحمن الرحيم…

آدم مراد : مسك فكها وضغط عليه بسيط.. وقال بجدية..

هو أنا مش بكلمك؟

آرين : فتحت عينيها بدهشه وقالت بتمثيل العياط.. عااااا أنت هتضربني يا آدم.. أنت………ومكملتش…

آدم مراد : قاطعها وقال. اضربك؟!! لأ يا آرين بس أنا بقى هعمل إللي يعدي ليفل الضرب.. انتي لازم تعقلي..

آرين : فتحت عينيها وقفلتها ببراءه وقالت.. ايه ده واهون عليك تطفي السجاير في قفايا؟

آدم مراد : قرب من وشها وقال.. أنا هعمل أكتر من كدا يا آرين…

آرين : شهقت..وقالت.. هتحبسني هنا سنه كامله. وترميلي الأكل من تحت عقب الباب..وتحرمني من عيلتي الحقيقية. وتكهربني زي طنط ناديه الجندي

. عاااا لأ يا آدم لأ متبقاش باد بوي بليز عااااااا.

آدم مراد : فك قبضة أيدو..وهز راسه بيأس.. وقال مفيش فايده..

وبص ليها وقال بمكر.. هتشوفي هعمل ايه.. قدامي ع الحمام..

آرين : بلعت ريقها بتوتر وقالت.. أنت عايزني اتوضى صح؟ بس انا صليت الحمدلله.. احم أتفضل أنت..

آدم مراد : من بين أسنانه..قولت قدامي ع الحمام.. يلا اتحركي…!!!

آرين : اتخضت..وقالت..ح..حاضر حاضر..وجريت من قدامه ع الحمام..

آدم مراد : شافها وهى بتجري زي الأطفال وهى هربانه..وغصب عنه أبتسم..وهز راسه وقال.. مجنونه..

آرين : دخلت الحمام بسرعه..ومن غبائها قفلت الباب ع نفسها..

آدم مراد : حط ايدو ف جيبه ورفع حاجبه.وقال.. شكلك بتحبي لعبة القط والفار يارينو ياصغيره.. تمام حلو اوي..

آرين : واقفه ورا الباب..وقالت بنصر.. هاهاها أبقى قابلني بقى..

وبتقلدو.. اتفضلي قدامي ع الحمام.. ياماما مرعب بجد..بس ايه شكله جامد اوي.. دايزين آرين السيوفي..هههههه.

آدم مراد : مسح وشه بمناديل وايبس.. وراح عندها

.وقال.. افتحي يا آرين..!!

آرين : بكبرياء..نو نو نو أنت شرير..

آدم مراد : بشبح ابتسامه.. يابنتي افتحي الباب..!!!

آرين : بعند.. لأ.. أنا واثقه إنك هتتنقم مني على كل حاجه عملتها.. أنا بقى مش هفتح.. وهفضل هنا..

آدم مراد : يعني مش هتفتحي..؟!

آرين : هزت راسها.. لأ آخر قرار مش هفتح..

آدم مراد :…………..!!!

بعد دقيقة..

آرين : كشرت عينيها..وحطت ودنها ع الباب وقالت.. إيه الهدوء ده؟..هو مصممش إني أفتح الباب ليه؟ أممم أكيد خاف مني.. أيوه طبعآ أنا مش اي حد بردو..

تؤ وبعدين بقى..هو راح فين.. أنا جعانه اوي.. أممم أكيد نزل للحمام التاني.. أنا هحاول أفتح وابص عليه..ولو لسه هنا؟ هقفل بسرعه..

وفتحت الباب بشويش..وطلعت راسها ببطء..وبصت يمين وشمال.. وشافت ستاير الأوضه مقفوله وكمان الاضاءه ضعيفه..

وقالت بعدم فهم..هو قفل النور وخرج وسابني ولا إيه؟

وشهقت بصدمه وقالت..ينهار أبيض..معقول آدم حبسني هنا وسابني وسافر.؟

وخرجت من الحمام. وبتبص وراها وماشيه.. وخبطت في حيطة سد واتخضت.. عاااااا.. وجت تهرب منه..

آدم مراد : مسك أيدها بسرعه وشدها عليه وحاوطها من وسطها بتملك..

آرين : بتتنفس بسرعه..وقالت بخوف..خلاص والله يا آدم مش هعمل حاجه تاني.. بس بليز سبني..

آدم مراد : بنظرة خبث.. قال. هو أنا لسه عملت حاجه..!!!

آرين : بدلع..مش هاهون عليك صح؟

آدم مراد : رفع حاجبه بمكر وقال.. العبي غيرها.. أنا الديزل يا ريبونزل..

آرين : بخجل من نظراته ليها..قالت..خلاص والله أنا كنت بهزر معاك.. بس مش هعمل كده تاني أوعدك..

آدم مراد : شدها أكتر..وقال.بس أنا موعدكيش.. وشالها بين أيديه..وقدر يخترق حصونها بطريقته ليها..

وعاش معاها وقت مميز مابين جنون وشقاوة معشوقته وعشقه ليها..

بعد فتره كبيره..

آرين : في حضن آدم.. وبتضحك..

آدم مراد : بضحكه..مش هتبطلي جنانك ده بقى؟

آرين : هزت راسها لأ..ده أجمل حاجه الجنان..

آدم مراد : بيلاعب خصلات شعرها وقال. يابنتي انا مش عايزك تزعلي مني..

آرين : نو نو نو أنا واثقه إني عمري ما هون عليك..

آدم مراد : وهو علشان كدا تلعبي في وشي؟ لأ لو اتكررت تاني هتتعاقبي بجد..

آرين : بصتله بتذمر..وقالت.. أنت بتتكلم بجد؟

آدم مراد : أيوه بتكلم بجد..ماينفعش تعملي كدا تاني..

آرين : بدلع..ليه بقى ماينفعش؟ أنت مش جوزي حبيبي وبنهزر مع بعض؟

آدم مراد : هزار عن هزار يفرق يا آرين..ويختلف من شخصيه للتانيه..

وغير كدا ولنفرض بعد إللي عملتيه معايا ده.. حد جه فاجأه وأنا نزلت أقابله؟ وقتها بقى شكلي هيبقى إيه؟ وكمان وقتها مش هبقى ضامن رد فعلي معاكي.. خليكي شاطره واسمعي الكلام..

آرين : هزت راسها امممم عندك حق.. طيب ممكن أعمل كدا وأنت صاحي إيه رأيك؟ أصل بصراحه نفسي العب ف وشك لعبة دراكولا لايقه عليك ههههه.

آدم مراد : عارفه؟ أنا لو مش واخدك بنتي قبل حبيبتي.. كان ليا تصرف تاني معاكي..

آرين : بسعاده وفرحه.. طبعاً أنا لا أقاوم..

آدم مراد : باسها وقال ودي حقيقه.. أنا معاكي أنتي بالذات مبقدرش اقاومك.. أنتي عامله زي المغناطيس لقلبي..

آرين : حضنته بمرح وقالت.. حبيباااااي والله يا آدم أنا بموت فيك..بحبك اوى اوى.. عارف أنت بقى.. أنا بحب اوي طريقتك معايا. بجد والله..

آدم مراد : جاب قطعة شوكليت وأكلها في بقها..وقال.. إزاي بقى طريقتي؟

آرين : بتاكل وقالت بحماس.. يعني أنت شخصيتك مع كل الناس بتكون قويه ومكلكعه كدا..سوري بس دي حقيقه..بتتعامل بجدية وع طول مكشر. ومش مندمج في أي حوار غير الأكشن وبس..

لكن بقى لما بتتعامل معايه بحس بفرق كبير جدا.. بتحب تتكلم معايا عمري ما هونت عليك.. وقفت جمبي اتحملت جناني.. واهو دلوقتي بتضحك معايا رغم أني عملت حاجه.. متاكده إن لو حد غيري عملها.. كان زمانه الله يرحمه.. بس أنا لأ.. وقتها بحس اني ملكة ومميزه جدا عندك..

آدم مراد : مبتسم..وقال.. أنتي فعلاً ملكة ومميزه. أنتي ضي كل العالم يا آرين..

آرين : أبتسمت بحب وقالت..طيب مش هتقولي بقى؟

آدم مراد : أقولك إيه؟

آرين : بصت ف عينيه وقالت بحب. امتى وازاي؟

آدم مراد : أبتسم وقال..سؤال كل يوم.. امتى وازاي؟

آرين : بترجي..بليز يا آدم. أنا قولتلك حبيتك من يوم ماضربت الولاد قدام السينما علشاني..ومن وقتها أنت وبس إللي بفكر فيك ديما..وكمان أسلوبك معايا وديما أحس أني ملكك وبس من اهتمامك بيا وغيرتك عليا..

قولي أنت بقى حبتني امتى؟ من حقي أعرف بالله عليك قولي..

آدم مراد : مسد ع خدها وقال.. مش عارف..!!

آرين : كشرت عينيها بعدم فهم وقالت..مش فاهمه..

آدم مراد : أبتسم..ورجع بضهرو واخدها في حضنه وقال..

مش عارف حبيتك امتى وازاي.. لكن اللي عارفه.. إنك كل ماتكبري.. حاجه جوايا ليكي بتكبر جوايا.. حسيت إنك لو مبقتيش ليا في يوم من الأيام.. هتكون حياتي لوحه فاضيه مافيهاش أي رسمه ولا حتى حياة..

من صغري وانا بتعامل بجدية مش عارف انا اتولد كدا.. ديما بحب أكون عملي..

ولما كبرت وأنتي كبرتي معايا..قررت إني اقربك ليا بطريقتي..

حسيت إني لو سبتك من غير ما اثبتلك إنك ملكي وماينفعش تكوني لغيري؟هتضيعي مني.. ولو ده حصل أنا وقتها مكنتش عارف أنا هعمل ايه فيكي أو في إللي يقرب منك..

كان نفسي ديما أقولك إني بحبك..بس حسيت إن الكلمه دي مش إثبات قوي لاحساسي ليكي.. لكن إني اثبتلك حبي.. يبقى اخليكي أنتي تحبيني.. اخليكي ماتشوفيش غيري.. وأجلتها كتير جدا لوقت كتب كتابنا.. وقتها حسيت بقيمة كلمة بحبك.. حسيت أنه ميثاق بينا واتسجل مع كتب كتابنا.. بس هى دي كل الحكايه..

حبيتك امتى وازاي بجد مش عارف.. لأني تخطيت معاكي كل مشاعر العشق نفسه.. أنتي عشقك ليا مملكة.. مملكة ميراث العشق.. عشقك هيوصلني ديما لبر الأمان..!!!

————-

بعد أسبوع..

عند فهد..

فهد : فتح باب الشقه..ودخل وقال.. رينو أنتي فين؟

رينو : أنا ف المطبخ ياحبيبي..

فهد : دخل عندها.. وشايل شنط وحجات كتير..

رينو : سلمت عليه..وقالت حمدالله على سلامتك ياحبيبي.

فهد : حط الشنط..الله يسلمك ياروحي.. آيان فين؟

رينو : راحت تشوف الاكل..وقالت.. عند مامي بيلعب مع جنى ومحمد.. بس إيه كل الشنط دي؟

فهد : ابتسم وقال.. ده كنز ل آرين ودي عروسه ليها.. وكمان جبتلك دي.. وفتح علبه صغيره وفيها سلسله رقيقه.. إيه رأيك؟

رينو : أبتسمت وقالت.. ماشاء الله جميله اوي يافهد.. بجد تسلم ايدك وزوقك..

فهد : جاب شعرها ع كتفها.. ولبس ليها السلسة..وقال. دي أقل حاجه ليكي يا نجمتي..

بصي بقى جبت السلسلة دي كمان ل آرين..ياترى هتعجبها؟ بمناسبة نجاحها..؟!

رينو : شافت السلسلة وقالت..ماشاء الله جميله اوي يافهد..بجد الأتنين تحفه..

فهد : وكمان جبت الساعه الماركه للواد آركان.. وجبت لعبة ل آيان وعلشان عارف هياخد اللعبه و يديها لجنى… أنا جبتله لعبتين شبه بعض..

رينو : ابتسمت بحب وقالت..ربنا يديمك لينا يافهد.. بجد انا وولادي محظوظين إنك جوزي وابوهم..

فهد : باس جبينها وقال.. أنا اللي ربنا بيحبني علشان أنتي مراتي وحبيبتي..

المهم بقى عملتي كل الأكل إللي آرين بتحبه؟ فاضل ساعه وتوصل..

رينو : ضحكت وقالت.. طبعا..زينب جت تساعدني وخلصنا كل حاجه.. باقي بس السلطه والعصير..

فهد : شال الشنط وقال..تمام أوي.. أنا هغسل أيدي وجاي أساعدك.. أنا هعمل السلطه والعصير.. وخرج ومتحمس لل اللقاء ببنته الوحيده..

رينو : ..مسكت السلسلة.. وبصت عليها..وأبتسمت بتنهيدة حب

بعد كدا..

فهد رجع المطبخ ولبس المريله..وساعد رينو ف كل حاجه.. واتصل على آدم..

وقال.. دقيقه وداخل ع الفيلا..

فهد ورينو : بيجهزوا كل حاجه بحماس كبير.. ومنتظرين وصول العرسان..

فيلا العدوي.. ف الليفنج.

مريم : قفلت المصحف..وقالت..صدق الله العظيم.. وقلعت النضاره..وحطت المصحف والنضاره ع التربيزه..

وقالت.. زينب يازينب..!!!

زينب : جت بسرعه نعم ياست الكل..

مريم : أنتي خلصتي كل حاجه مع رينو؟

زينب : ايوه يا ست الكل كل حاجه جاهزه وزي الفل..والأكل كله زي العسل..

مريم : ربنا يصلح الحال..وتسلم ايدك مقدما يازينب ياحبيبتى..

زينب : شاله منحرمش منك ياست الكل.. تحبي اعملك حاجه تشربيها تروي عطشك الجو حر أوي..

مريم : أبتسمت وقالت..لما يرجع آدم بالسلامه.. تعملي لينا اتنين عناب من ايديكي الحلوين دول..

زينب : من نن عينيا ياست مريم يانوراتنا..

مريم : تسلم عيونك ياحبيبتي.. قوليلي أحمد و دعاء فين؟

زينب : أحمد عند واحد صاحبه..وكملت بتنهيده.. والبت دعاء قاعده ف اوضتها..مش عارفه مالها البت دي.. تاعبه قلبي معاها..حتى لما نجحت في الثانويه ومجموعها يدخلها كليه محترمه.. قالبه بوزها وحاسة أنها مش فرحانه..

مريم : بتفهم.. فعلاً أنا ملاحظه إن دعاء واخده جمب بقالها فتره..

وكملت بتفكير..وقالت..يكون خايفه من المرحله دي.. وبتفكر في لبس الكليه؟

زينب : بقلة حيلة والله منا عارفه ياست مريم.. يمكن أصل بنتي حساسه وبتاخد كل حاجه ع خاطرها..

مريم : بتفهم.. أممم تمام يازينب أنتي قوليلها متحملش هم أي حاجه.. ولبس الكليه والمصاريف ملهاش دعوة بأي حاجه.. وهتنزلي انتي وهى وتشتري ليها لبس يكفيها السنه. بس بلاش لبسك المدندش ده يازينب الله يكرمك خليها تختار براحتها وع زوقها..

زينب : بلمعة في عينيها قالت.. والله منا عارفه اقولك ايه ياست مريم.. جمايلك أنتي والبيه مغطياني من ساسي لراسي.. يتردلكم في صحتكم وعافيتكم ويستركم دنيا وآخره يارب..

مريم : بطلي كلامك ده يازينب أنا و آدم معملناش حاجه..وبعدين انتي خلاص عايشه معانا أكتر من المؤبد..ههه يعني واخده ختم رسمي إنك واحده مننا

وفعلاً يازينب أنتي مننا ومنقدرش نستغنى عنك لا انتي ولا ولادك ولا الريس عوض..

زينب : ضحكت بدموع..وقالت الهي يجبر بخاطرك ياست مريم زي ما بتجبري بخاطري.. أنتي متعرفيش بكلامك ده دلوقتي نفسي اخدمك أكتر وبرموش عينيا..

مريم : تعيشي يازينب.. يلا بقى جهزي العناب ع ما آدم يوصل بالسلامه..

زينب : بحماس.. أحلا عناب لاحلى ست الكل.. واتحركت..

مريم : مسحت وشها وقالت.. ربنا يصلح حال الجميع. ويجبر بخاطر مكسور الخاطر.

آيان : ماشي وماسك أيد جنى وكل ما جنى تقع.. آيان يساعدها تقوم وتمشي جمبه..

مريم : متابعاهم ومبتسمه…

محمد : جري ع الباب وقال.. ديدو أتم (جدو آدم)

آدم : داخل البيت وقال السلام عليكم..

وضحك وقال.. أهلا أهلا بحفيد قلبي الغالي..وشاله وباسه.. اذيك يا محمد باشا

مريم : مبتسمه وردت السلام..

محمد : باسه من خدو..وقال ديدو بيبي..

آيان : جري ع آدم وقال..جدو آدم حبيبي..

وجنى سقفت وفرحت لما شافت جدها..

آدم : بضحكه..تعالوا ورايا بقى لما أسلم الاول ع أميرتي.. وبعدين اديكم الرشوه..يلا بينا.. وداخل البيت..

مريم : قامت تقابله كالعاده..وابتسامتها زادت من جمالها..وقالت بحب كبير..حمدالله على سلامتك يا حبيبي..

آدم : باس ع أيدها وجبينها وقالت..الله يسلمك يا روحي..عامله ايه دلوقتي؟

مريم : في نعمه كبيرة الحمد لله.. أنت طمني عليك.. أخدت علاجك ولا لأ؟

آدم : قعد جمبها..وقال وأنا معقول أنسى حاجه زي كده. أنتي عايزاني أنام ع الكنبه ولا ايه؟ههههه

مريم : بضحكه.. أيوه كدا برافو عليك.. تاخد العلاج يبقى تمام..تنساه اعاقبك ع طول..

آدم : بضحكه..لا الطيب أحسن.. المهم أنتي عامله ايه؟

مريم : بخير والله ياحبيبي.. يومك كان عامل ايه انهردا طمني عليك..

آدم : كل حاجه تمام..وهفرحك بالعميد ميمو واقولك عمل ايه انهردا..

مريم : بتركيز..عمل ايه فرح قلبي..

آدم : طلع من جيبه بسكويت وشوكليت للأطفال وقدمها ليهم.. وشال جنى ع حجره و آيان واقف قدامه وساند ع ركب جدو..ومحمد قاعد جمبه.

آدم : كمل وقال.. كان في صفقه كبيرة جداً. بس عليها مشاكل.. اتنين ضد بعض واتنين خبثا متفقين علينا مع بعض يوقعوا الصفقه دي مننا..

أنا قولت بلاش منها أحسن علشان خايف ع ولادك يتعرضوا لمشاكل وخصوصاً الفتره دي حساسه جدا ل زين علشان مشروعه..

قام مراد بقى وفهد اشتغلوا من ورايا ع الصفقه دي.. وهوب وقعوا الاربعه في بعض واخدوا الصفقه انهردا من قدام عينيهم..وفاجؤنا بيها..

مريم : بقلق..طيب ومفيش مشاكل هتحصل لولادي بعد ما خدوا الصفقه دي؟

آدم : أبتسم وقال.. لأ يا روحي متقلقيش.. مراد حط ليهم خطه محكمه وهو وفهد شغالين من بعيد.. يعني محدش عارف أنهم اللي خططوا.. هما بس حطوا البنزين جمب النار.. واشتعل لوحدوا.. وبعدين يستاهلوا اكتر من كدا.. ضميرهم ميت وبيستحلوا الحرام..

مريم : بزعل اعوذ بالله..لا حول ولاقوة إلا بالله.. هى الناس دي بقت عامله ايه كدا؟ حاطين الفلوس في المقام الأول ليه؟ ليه مش مقتنعين إن كل حاجه رزق ومكتوب على الجبين..

آدم : ربت ع أيدها وقال.. مش كل الناس أنتي.. ولا أنتي كل الناس ديما التفكير مختلف..

المهم أنا بقول افرحك بابنك تزعلي كدا؟

مريم : أبتسمت وقالت..مراد ديما مفرح قلبي.. ربنا يفرح قلبه وينصرو ديما..

وشافت ملامح آدم.. وكملت بمكر..وقالت.. ويفرح قلبك أنت كمان يا إمبراطور قلبي..

آدم : كشر عينيه وقال..بقيتي مكاره يا مريم..

مريم : بضحكه.. عشرة عمري بقى لازم أتعلم..

آدم : بضحكه..ماشي هعديهالك يام مرادك..

مريم : بفخر.. أنا أم العميد مراد آدم وملك السوق زين آدم والدكتوره نور آدم والجراحة لارين آدم..

أنا أم العميد فهد والسفير فارس والدكتور محمد أنا أم فريحه وريتال.. أنا أم أحفادي..

وقبل كل ده.. أنا أميرة آدم..!!!

صوت من عند الباب.. ومش بس كده..!! أنتي ملكة المملكة..!!!

آدم : رفع عينيه وابتسم وهمس.. حفيدي الغالي..!!

مريم : فتحت عينيها بدهشه وقالت بفرحه.. آدم..!!!

آدم مراد : واقف عند الباب..وبيضحك..

آرين : طلعت من وراه. وشايله بوكية ورد.. وقالت بحماس.. بابا آدم…ماما مريم.. وجريت عليهم..

آيان : شاف آرين وكان هيتجنن من الفرحه والحماس الكبير..

مريم : قامت بسرعه وفتحت أيديها واخدتها في حضنها وقالت بدموع الفرح.. نور عيني وروح قلبي.. وحشتيني اوي يا آرين..

آرين : ضحكت بدموع وقالت.. وحضرتك وحشاني جداً أوي خالص ياماما.. وباست على أيديها..

وكملت وقالت.. أتفضلي ياماما ده بوكية ورد أنا إللي عملاه بنفسي من المزرعه..

مريم : بإعجاب..الله ماشاء الله جميل اوى يا آرين يابنتي..

آرين : بسعاده..كويس إن عجبك كنت متأكدة.. وعلشان كده جبت للعيله كلها بوكيهات ورد..

آدم : نزل جنى.. وقام وبص لحفيدو..

آدم مراد : قرب منه ومبتسم وقال بحنين.. وحشتني يابابا..

آدم : مبتسم وفتح أيديه..وضم آدم وربت ع ضهرو.

وقال..حمدالله على سلامتك ياحفيدي..

آدم مراد : خرج من حضنه..وباس ع أيدو.. وقال. الله يسلمك يا بابا.. حضرتك عامل ايه؟

آدم : ربت ع كتفه وقال بهدوء.. أنا دلوقتي كويس جدا ياحبيب جدك..

آرين : بحماس..وسع كدا يا آدم اسلم على بابايا واترمت في حضنه بمرح وقالت.. باباااا.. بابا جدو وحشتني اوي اوي جدآ خالص والله..

آدم : ضحك بصمت ربت ع ضهرها بحنان وقال.. دلوقتي البهجة هترجع للمملكة من تاني.. وحشتيني ياحبيبت جدك..

آرين : باست ع أيديه وقالت..والله العظيم حضرتك اللي وحشتني اوي.. يااااه بجد كل حاجه هنا وحشاني.. تالين فين؟

آدم : مسد ع حجابها بإبتسامة وقال.. تالين أكيد فوق..

آدم مراد : ضم مريم لحضنه. وباس ع راسها وايديها.. وقال.. ماما مريم وحشتيني ياحبيبتي..

مريم : بدموع الفرح.. وأنت وحشني ديما يانور عيني.. عامل ايه ياحبيبي..؟

آدم مراد : أبتسم.. أنا كويس جدا ياحبيبتى..

مريم : ضحكت بسعاده وقالت.. أيوه اصدقك.. اللهم بارك ملامحك كلها فرحه وسعادة..يديمها عليك ديما يابن قلبي..

آرين : شهقت.. آيان حبيببببي وشالته وفضلت تبوس فيه بإشتياق كبير.. وحضتنه كتير..

آيان : ببراءة.. أنتي كنتي فين يا ألين.زعلان منك..

آرين : بزعل.. ياروحي أنت.. أنا أسفه يا آيو.. بس انا جبتلك معايا حجات حلوة كتير جدا.. وهنشوفها أنا وأنت عند بابي أوكي؟

آيان : نزل وبيجري وقال..هييه هييه ألين بيبتي حلوه.

آرين : بصت حواليها..طيب بابي فين ومامي وباقي العيله.؟

مريم : بضحكه.. في الشغل يانور عيني..وع وصول إن شاء الله.. وفهد ورينو ملهوفين عليكم وبيجهزوا كل حاجه حلوه بمحبه علشانك أنتي و آدم..

آرين : بإشتياق لعيلتها..قالت..ياااه أما كل حاجه هنا وحشاني بشكل..!!

تالين : نازله بالصدفه وشافتهم.. وشهقت بفرحه وقالت.. ابييية آدم.. آرين مش معقول.. ونزلت بسرعه..

آرين : جريت عليها وحضنوا بعض بشوق كبير..

آدم مراد : شال جنى بنت أخته وسلم عليها هى ومحمد و آيان.. و مبتسم لحب آرين وتالين لبعض..

تالين : طلعت من حضنها..وبصت عليها وقالت بفرحه.. آرين.. آرين وحشاني أوي ياحبيبتى..

آرين : بضحكه.. وانتي وحشاني موووت يا توتا احلويتي اوي ماشاء الله عليكي..

تالين : بضحكه..يابكاشه.. أنتي بتسبقيني.. أنتي ماشاء الله اللهم بارك راجعه بدر منور زي القمر..

آدم مراد : بابتسامة جميله.. وأنا موحشتكيش ياتالي؟

تالين : جريت عليه واترمت في حضنه وعيونها لمعت بدموع وقالت..

بالعكس يا أبية أنا مفتقداك جدآ..ودلوقتي ف وجودك حسيت إني بخير.. حضرتك وحشتني جدآ..

آدم مراد : زاد من حضنها..ومسد على ضهرها بحنان.. وباس راسها وقال.. انا معاكي ديما ياروحي..

تالين : مسحت دموعها وضحكت بفرحه.. وقالت. حمدلله على سلامتك يا أبية آدم..

آدم مراد : أبتسم الله يسلمك ياحبيبتي..

زينب : خرجت من المطبخ..وشايله صينية العناب.. و زغردت زغروده طويله..

الكل ضحك

زينب : بفرحه..يا ألف حمد لله على السلامة.. يادي النور اللي هل علينا ياولاد.. وحطت الصينيه..

آرين : سلمت عليها.اذيك يادادة وحشتيني جداً..

زينب : بفرحه..متشوفيش وحش ياست العرايس.. الله أكبر اللهم صل على سيدنا محمد.. راجعه وشك منور زي البدر..

اذيك ياسي آدم بيه ياعريس وحشني والله نورت بيتك ومطرحك..

آدم مراد : أبتسم..الله يسلمك يادادة.. انتي عامله ايه؟

زينب : أنا بخير طول ما أنتوا كلكوا بخير.. إلهي يجعل السعادة تحت أقدامكم منين ماتروحوا ياعيلة العدوي والسيوفي وعزيز والصاوي.. نسيت حد؟ اه وسي زياد جمال.هههه متأخذونيش أصلي فرحانه اوي بشوفتكم.. أي والله..

مريم : بابتسامة جميله..تسلمي ربنا يعزك يا زينب..

آرين وتالين راحوا لحضن جدهم..

آدم : أبتسم وقال.. طبعاً أنتوا محتاجين تستريحوا.. اطلعوا لفهد ورينو واتغدوا وبعدها ارتاحوا تمام؟

آرين : بحماس كبير حاضر يا بابا.. بصراحه بابا طارق وماما رنا و آركان كمان وحشني موت..

هو تيم هنا………. أحم وسكتت من نظرة آدم الناريه..

آدم : أبتسم وقال..تيم وميرو ف المستشفى.. وأول ما يرجعوا هايطلعوا ليكم..

آرين : هزت راسها بصمت..

آدم مراد : بجدية.. يلا يا آرين..!!!

آرين : بلعت ريقها.. بعد اذنكم..

آدم : ربت ع كتف حفيدو..وضغط على كتفه بتحذير..

آدم مراد : هز راسه لجدو..

آدم : أبتسم وقال.. نورتو مملكة ميراث العشق يا أحفاد العدوي..!!!

——————بقلمي مريم نصار.

قدام اسانسير العماره..

آدم مراد : من بين أسنانه..هنرجع للجنان تاني ولا ايه؟

آرين : صكت ع أسنانها بغيظ وقالت.. وهو أنا عملت ايه بقى إن شاء الله..؟

آيان : واقف بينهم وبيتفرج عليهم..

آدم مراد : خبط ع الحيطه جمب وشها وقال.. أنتي عارفه انتي عملتي ايه؟ وبتسألي ع تيم هنا..؟ أول وآخر مرة فاهمه ولا لأ؟

آرين : نفخت بخنقه وقالت جواها.. الله يخربيت أعداء الفرحه.شوفتي عينيه رجعت تقلب نور إزاي؟.. قوليله حاضر يا آرين علشان مايضيعش فرحتك..

آدم مراد : قرب منه وشها أوي وقال بحزم..خلصتي؟

آرين : اتخضت..ورجعت لورا وقالت بغباء..يعني كنت بحسبها جوايا.. اء..قصدي يعني كنت بدعيلك.. لأ لأ مش كدا.. يووووه.. في إيه بقى.؟

آدم مراد : بتحذير.. في إنك تعقلي ومش هنبه عليكي تاني. ولما نطلع فوق مش عايزك تتنططي وتهيبري علشان منكدش عليكي..

آرين : قبضت على أيدها وقالت بغيظ..

رجعنا للقرف.. وحطت بوكية الورد في أيديه بعصبية..وركبت الاسانسير..وربعت أيديها ومتنرفزه..

آيان : وقف جنبها.. وماسك في فستانها..

آدم مراد : وقف جمبها وقال بحده..افردي بوزك.. أنا مش بجلد فيكي..

آرين : رفعت حاجب وعوجت بقها وقالت بتريقه.. جلاد؟ والله لايق مع المرعب ودراكولا. نحط الإسم ده جمبهم ف القايمه..

لأ وقال إيه ماتتنططيش فوق.. ناقص كمان يقولي متسلميش ع أبوكي واخوكي علشان محرم ليكي.. هى ناقصه؟ جاتنا نيله في حظنا..

آدم مراد : لف وشه بعيد..وغصب عنه أبتسم من شقاوة الطفله الثرثاره..

عند فهد..

فهد : بغيره..مش ضيق شوية الفستان ده يا لارين؟ وكمان لونه أوفر.. غيريه غيريه البسي غيرو.. بصي ف فستان أسود بحبه اوي عليكي.. ورايح ع الدولاب..

رينو : ضحكت من قلبها ع غيرة الفهد..وقالت.. ضيق إيه بس يافهد؟ وكمان لونه فسدقي وجميل جدا..

وغمزت وقالت بمكر.. ولا علشان أنا كل شوية أبقى أجمل من إللي مرة اللي قبلها غيران؟

فهد : كشر عينيه وقال..والله؟ غيران إنك جميله؟ هى بقت كدا يا لارين يا عدوي..؟

رينو : هههههه.. وحطت أيدها ف دراعه وقالت.. فهد أنت قماص ههههههه.

فهد : تنح..نعم يختي؟

رينو : ههههه سمعتها من آرين ل آركان وحبيت اتجنن شوية فيهاش حاجه يعني فرفش شويه..

فهد : فتح عينيه بصدمه وقال.. قماص وفيهاش حاجه وفرفش؟.. لا ياحبيبتي اتجنني برحتك..

رينو : بمكر.. أحط روج؟

فهد : بغيظ..وماله أصلها ناقصه العمليه. هتبقى أنتي والبجح..

جرس الباب رن..

رينو : ضحكت من قلبها وقالت..البجح وصل..قصدي جوز بنتك..

فهد : بلهفه..تعالى نشوف آرين.. وخرجوا بسرعه.. وفتح الباب..

آرين : اتنططت بفرحه..وصرخت بصوت عالى باااابي واتشعلقت في رقبته..

آدم مراد : هز راسه ليها بتوعد وعقاب جديد..

فهد : ضحكته رجعت من تاني.. وضم بنته لقلبه بحنان وقال.. آرين بنتي..

رينو : بضحكه.. أهلا آدم حبيبي تعالى ياقلب عمتك..

آدم مراد : دخل وسلم عليها..اذيك ياعمتو.. وقدم ليها بوكيه الورد..

رينو : بسعاده أنا بخير ياحبيبي.. حمدالله على السلامه..

آدم مراد : عينيه ع اللي متشعلقه ف رقبة ابوها..وقال..الله يسلمك ياعمتو..

وكمل بتوعد…إيه يا آرين أنتي نمتي ولا ايه؟ عمتو لارين عايزه تسلم عليكي..

آرين : بعند.. طبعاً هسلم ع مامي حبيبتي..بس أشبع شويه من بابي..وباست ابوها من خدو..

وقالت بسعادة..بابي حضرتك وحشتني اوي اوي جدآ خالص والله..

فهد : عيونه لمعت..وباس جبينها وقال.. وأنتي كمان ياقلب بابي..وحشتيني اوي..

آرين : ضحكتله..وقالت أسلم ع مامي وارجعلك.. وجريت ع امها وصرخت بمرح..ماااامي حبيببببتي وحشتيني اوي اوي جدآ خالص والله انتي كمان..

فهد : أبتسم ل آدم وقال.. حمدالله على السلامه ياديزل..

آدم مراد : حضن خاله..وقال..الله يسلمك ياخالو.. حضرتك عامل ايه.؟

فهد : أبتسم.. الحمدلله تمام..

رينو : ضحكت بدموع وضمتها..وقالت بحنين.. أنتي كنتي وحشاني اوي يا آرين..البيت كان وحش اوي من غيرك..

فهد : أبتسم بحنين وقال.. الدنيا كلها كانت وحشه من غير آريني..!!

آرين : اومال فين آركان؟ نفسي أشوفه اوي..!!!

رينو : بضحكه.اول ما عرف إنك ع وصول.راح يجبلك غزل البنات زمانه جاي..

آرين : جريت على أبوها ووقفت جمبه..

فهد : حاوطها من كتفها وضمها لقلبه وباس ع راسها وقال.. نورتي الدنيا كلها ياروحي..

آرين : بتنهيدة راحة بال و أمان..ميرسي جدا لحضرتك يابابي..

رينو : تعالوا ياولاد استريحوا حبايبي..

وقعدوا كلهم في الليفنج..

آدم مراد : ل فهد. عرفت إن حضرتك وبابا رسيتوا المناقصة لصالح مجموعة العدوي..

فهد : هز راسه أيوه فعلاً..كانت سهله لما اتحدنا أنا وابوك كالعادة..

آدم مراد : هز راسه.. وقال أكيد الحوت والصقر بيكلموا بعض..

فهد : ربت ع رجله وقال.. وعايز من الديزل يكون العمود الفقري للفهد الأسود في اللي جاي..

آدم مراد : أبتسم. أنت مش محتاج توصيني ع آركان ياخالي.. أنا مستني الكام شهر اللي جايين بفارغ الصبر.. علشان اخد الملازم أول آركان ف أول مغامرة جديدة مع بعض..

فهد : بتنهيده..ربنا معاكم.. وبص ل آرين وأبتسم وقال.. مبروك النجاح ياروحي..

آرين : بفرحه..الله يبارك ف حضرتك يا بابي..ومش هتنازل عن هديتي اوكي؟ وبصت ل آدم بغيظ علشان مجابلهاش هدية نجاحها..

فهد : بضحكه.. وأنا اقدر انساكي.. غمضي عينيكي..

آرين : تنحت وقالت.. أنت جبتلي هديه صح؟

فهد : أيوه صح..غمضي عينيكي الأول..

آرين : بحماس..حطت ايدها ع عينيها..وقالت أهو.. وانا متاكده أنها هتعجبني..

فهد : طلع العلبه وفتحها وكانت السلسله ع رسمة فراشه جميله كلها الوان مختلفه.. وقال ودلوقتي فتحي..

آرين : فتحت عينيها..وشهقت بفرحه وقالت..واووو.. بجد تحفه جدا.. جميله اوي اوي يابابي.. الله بجد..

بص يا آدم..بص حلوه ورقيقه إزاي؟

آدم مراد : أبتسم ليها.. وقال. طبعآ جميله..نفس الفراشه إللي شفناها في المزرعه أنا وانتي فاكره؟ وغمز علشان يوترها..

آرين : اتوترت.. وقالت بلخبطه. مش فاكره.اء..ايوه.. لأ أيوه صح بتهأيلي..

آدم مراد : بمكر.. إزاي مش فاكره بقى؟ الفراشه دي بالذات مينفعش تنسيها. افتكر إني سمتها وقتها ضي ولا ايه؟

آرين : كحت.احم..ايوه أيوه افتكرت..

فهد : رفع حاجبه وبص ل آدم..

آدم مراد : بخبث..زاكرتك بتضعف يا آرين ده الموضوع معداش عليه أسبوعين يعني..

آرين : اتنفست الصعداء وقالت..ايوووه افتكرت.. قبل ما أركب الحصان..افتكرت..اه ضي.ايوه..

فهد : هز راسه وعينيه ع آدم..وقال. يعني عجبتك يا آرين؟

آرين : بمرح.. أوي أوي يابابي..

فهد : بصلها وأبتسم وقال..مبروك عليكي ياروحي..

آرين : ميرسي جدا..

آركان : فتح الباب ودخل..وقال بفرحه..مييين؟ الديزل بنفس ذات نفسه..و آرين هانم كمان.. هلا والله هلا والله..

فهد : قام وقال ثواني وجاي..وراح المطبخ ل رينو يساعدها..

آدم مراد : أبتسم وقال آركان..هتعقل أمتى؟ وسلموا على بعض..

آركان : هعقل لما أعملها واتجوز واحصلك ياعم.. اذيك يابت يا آرين وحط الشنطه..وحضنها..

آرين : بفرحه.. آركان حبيبي وحشني موووت والله العظيم..ووحشتني غلاستك وبرودك ورخامتك..

آركان : خبطها في كتفها بهزار وقال.. حاسس إنك بتشتميني سيكا..صح يابت..

آدم مراد : بتحذير..لو مديت إيدك تاني ع مراتي.. أنا هقطعهالك..ولو مش مصدق جرب..

آركان : بغمزه..عريس جديد وقلبك مقويك..ماشي ياعم ما أنت اشتريتها بقى بصُره من الدنانير؟ هههههههههه. وحشنااااي ياديزل الغلابه..

آرين : بصت ل آدم بغيظ.. وضحكت ل آركان وأخدت غزل البنات وقالت..ميرسي يا آركان ياحبيبي..

أنا رايحه ل مامي وبابي..وسابتهم وهي بتقلد المرعب..

آدم مراد : قال جواه بتوعد.. بعشق لعبة القط والفار معاكي يارينو ياصغيره.. وهتشوفي أول ما نرجع بيتنا ياعشق الديزل..

آركان : عامل ايه ياعريس..؟

آدم مراد : هز راسه تمام..

آركان : إيه ياعم.. أنت مخوف الواد مصطفى ليه؟

آدم مراد : أبتسم وقال..ده مجنون ياعم..

آركان : بتريقه..مجنون؟ طب عليا النعمه لولا الواد مصطفى شعلك الفرح ماكنت هتعرف تفرح زي الناس..!!

آدم مراد : رفع حاجبه وقال..ليه بقى يافهيم؟

آركان : بزمتك.. أنا راضي زمتك.. ف حد يوم فرحه يحط قائمة اغاني كلها هاديه متقومش حتى عيل صغير من ع كرسي؟

آدم مراد : بعدم إهتمام.. أنت واللي ذيك ماتفهموش في الأغاني.. مش لازم صخب وميوزك مجنون علشان عيل يقوم من مكانه..

آركان : ياحبيبى مقولناش حاجه..بس الأغاني دي تسمعها وأنت تحت ضوء القمر..مش ف فرح ياعم الحج..

رينو : جت وقالت.. يلا يا حبايبي الغدا جاهز..

الكل اتجمع ع السفره..

فهد شايل آيان وبيأكله..وقاعد جمب رينو..

و آدم قاعد جمب آرين..

آركان : بياكل ومتابع إهتمام آدم و آرين لبعض.. وأبتسم.. وفجأه شاف صورتها قدامه.. وكشر عينيه بعدم فهم..وقال جواه..اشمعنى دي؟.. أنا حتى معرفش هى مين ولا إسمها.. فوكك يا آركان أنت بس بتحب تاخد حقك وأكيد أنت مضايق من المتعجرفه دي..!!!

فهد : بياكل ومهتم ب آدم و آرين ومبسوط إن عيلتهم زادت فرد مهم..

رينو : اهتمت بيهم.. وبعد الغدا قعدوا يتكلموا وشربوا القهوة..

آدم مراد : قام وقال.. يلا بقى يا آرين علشان نسلم ع بابا وماما..ونريح شويه ونروح ل بابا طارق. والدكتور محمد..

آرين : قامت لكن قلبها بيدق أنها لتاني مرة هتسيب البيت إللي عاشت فيه.. وهزت راسها ليه وقالت.. أوكي.

فهد : سلم ع آرين بحب كبير..واتمنالها السعادة.. وسلم ع آدم..

رينو : سلمت عليهم..

فهد : ل آركان وصل أختك وجوزها لتحت..

آركان : علم وينفذ ياكبير.. وشال آيان على كتفه وقال.. أنا أسمي إيه يا آيو؟

آيان : بضحكه.. أنت آكان أسود..

الكل ضحك عليه..

آدم مراد : شاف زعل آرين.. ومسك أيدها وضغط عليها بخفه يطمنها..

آرين : بصت ليه.. وأبتسمت بأمتنان.. لأنه ديما بيبقى موجود وقت احتياجها ليه..!!!

آدم مراد : أخد آرين ونزلوا.

مراد : بضحكه.. أهلا أهلا بمرات أبني حبيبتي.. وضمها لقلبه..

آرين : بفرحه.. خالو مراد القمر وحشتني اوي..

مراد : بهزار.. لأ خالو إيه بقى؟ أنا من دلوقتي بابا.. وياااااه بقى لو قولتي بابي مراد القمر.. خلي أبوكي يولع ههههه.

آرين : ضحكت وقالت..ليه بس كده..ده بابي بيحبك جدا..

مراد : بغمزه.. وأنا بحب مراته أكتر هههههههه.

آرين : هههههههه والله اتخضيت بس افتكرت أنها أختك.. حضرتك فرفوش اوي ياخالو..

وهمست في ودنه وقالت بغيظ..المرعب مش طالعلك لييييه؟ يااااه لو كان زيك.؟

مراد : بضحكه وغمز..يابت أنا زي العمر لا اتكرر مرتين..

آرين : بضحكه.. فعلاً مفيش منك ربنا يباركلنا في حضرتك وبابي وكل العيله..

فريحه : بسعادة كبيرة.. أمين يقلب عمتك..وحضنتها.. حمدلله على سلامتك ياحبيبتي..

آرين : ابتسمت بحب ميرسي جدا ياعمتو ياقمر..

ريتال : بفرحه.. آرين ياحبيبتي حمدالله على السلامه.. وسلمت عليها وع آدم..

آرين : بسعاده لحب العيله ليها..قالت ميرسي جدا لحضرتك..

فريحه : سلمت على آدم..

زين : سلم ع آدم و آرين.. وقال.. اتفضلوا بقى هديتكم أهي.. وطلع مفتاح.

آدم مراد : أبتسم….

آرين : كشرت عينيها وقالت..ده مفتاح عربيه ده صح يا خالو؟

زين : بضحكه طبعاً..دي عربية موديل السنه..علشان آدم و علشانك ياحبيبتي..

آرين : فتحت عينيها بصدمه وعدم استيعاب بجد ياخالو..؟

زين : ههههه البت هيغمى عليها.. وكمل وقال.. مش أخويا مراد جاب عربية لليليان وكريم.؟

أنا بقى جبت ل آرين وأنا متأكد لو شوفتيها هتعجبك جداً..

آرين : كانت هتجري ع بره علشان تشوفها لكن افتكرت آدم..وبصت ليه..

آدم مراد : مسك أيدها..وأبتسم وقال ل زين.. أنا متشكر جدا ياعمي..ولو أنك تعبت نفسك..

زين : ههههه لأ ياعم تبقى ردها في المستقبل لولاد أخوك..عايزين الترابط الأسري يبقى موجود بينا ديما..

آدم مراد : بجدية..ده وعد مني إن العيله كلها هتبقى ديما.. زي ما بابا آدم وماما مريم أسستها..

آدم : ربت ع أيدها..وبص لاحفاده وقال.. خد مراتك وخليها تشوف هديتها يا آدم..

آدم مراد : أخد آرين..وشافوا العربيه وكانت مرسيدس موديل السنه ولونها أسود وتحفه جدا..

آرين : كان هيغمى عليها من فرحتها.. مش مصدقه إن دي عربيتها هى وجوزها..وانبهرت حرفياً منها.. وبصت ل آدم وقالت بنبرة خاصه.. أنا مش بحلم مش كدا؟ هو أنت والسعاده معايا بجد يا آدم؟

آدم مراد : شاف فرحتها ولمعة عينيها..وقرب منها وشالها بين أيديه وقال. لأ ياضي آدم انتي معايا وفى حضني..انتي سعادتي الأولى والأخيرة..

وراح بيها ع بيتهم الجديد.. وعاقبها بطريقته الخاصة ع عنادها وشقاوتها معاه.. وعاشوا تفاصيل جميله في جنتهم وعش السعادة بالنسبة للديزل وضيه..!..!!!

——————بقلمي مريم نصار.

ف الهايبر/ قسم المواد الغذائية..

چود : مسكت مصطفى من ياقة قميصه بقوه..

مصطفى : اتخض.. يخربيتك..!!! مالك ياچود أنتي اتحولتي كدا ليه؟

چود : صرخت ف وش مصطفى.. وقالت بألم.. الحقنااااااي يامصطفاااااه…!!! شكلي بووووولد وهيبقى يوووووم بلاااااااااك….!!!!! ———

 

يتبع الفصل التالي اضغط على ( رواية جريمة عشق ) اسم الرواية