رواية ميراث العشق كاملة بقلم مريم نصار عبر مدونة دليل الروايات
رواية ميراث العشق الجزء (3) الفصل التاسع و الثلاثون 39
في إيطاليا..
فيلا سفيان..
سفيان قاعد في الجنينه وقدامه اللاب توب. وا أوراق كتير ومندمج في الشغل وبيشرب قهوه..وجمبه كاسبر..
المحامي جه وقال.. جراتسيا سنيور سفيان..!!!
سفيان : جراتسيا رافيل. أخبرني ماذا حدث؟
رافيل : اليوم أحب أن أبلغك بأن كل شيء على ما يرام سنيور. ولكن…!!
سفيان : ولكن ماذا رافيل؟ تحدث..
رافيل : يجب أن تذهب إلى مصر للتعاقد الجديد. وهذا سيأخذ منك وقت بشكل كبير سينور..
سفيان : هز راسه..حسنا رافيل اليوم سأغادر. رتب لكل شيء رجاءا.
رافيل : حسنا وبالتوفيق سنيور..!!
فيلا رعد الجوهري..
قدام البيسين.. قاعدين رعد و هيلينا و باري..
باري : حاطه السماعات وعايشه في عالم تاني.. وسرحانه في حاجات كتير عكس بعض.
وزي ما هى لقبته.بالمتعجرف بالنسبالها. وجواها مضايقه منه جدآ..
وخصوصاً لما حط ايدو ع بقها..لكن ريحة البرفيوم بتاعتة مأثره ع تفكيرها.. ونفخت بخنقه وحيره..
رعد : بضحكه.. والله ياهالي أنا مبسوط علشان انتي مبسوطه بالعزومه دي..
هيلينا : شور رعد مبسوطه..وكفايه مقابلة لارين لينا أمبارح.. بجد كانت عزومه حلوه اوي..
رعد : فعلاً.. وزين وفهد ومراد بجد رجاله والله أنا محظوظ جدا اني يوم من الأيام كنت شغال معاهم..
هيلينا : أبتسمت.. أكيد وخصوصاً اني قابلتك هناك رعد حبيبي.. بس تعرف رعد..!!! أنا مبسوطه كيتير أوي لما شوفت بنتنا باري و آرين اصدقاء مقربين.
رعد : أبتسم.. أنا عايز باري تتعرف أكتر ع بنات العيله كلها.. بجد قمة الاحترام..
هيلينا : أكيد حبيبي..المهم بقى عايزين نعزم أسرة لارين.
رعد : بتفكير..والله ياهالي أنا عايز اعزمهم كلهم ع حفلة باربيكيو.. بس مش عارف اعزمهم ازاي ومفيش مناسبه..
هيلينا : بعدم فهم.. هو لازم مناسبة رعد؟ فهد ولارين عزمونا أمبارح ومن غير مناسبة..
رعد : ياحبيبتي عارف..بس انا عايز اعزم الامبراطور بنفسه..بصي عايز اعزمهم كلهم..
هيلينا : بتفكير.. أممم طيب مفيش اي مناسبه قريبه؟
رعد : بتفكير..لقيتها.. بصي..!! زين مستني براءة الاختراع بفارغ الصبر لمشروعه الجديد.. إيه رأيك لما ياخدها إن شاء الله اعزمهم بالمناسبة دي..تعبير عن شكري وتقديري ومحبتي للامبراطور.؟
هيلينا : بإعجاب..جميل جدا..حتى سفيان يكون رجع من ايطالي إن شاء الله..
رعد : أبتسم خلاص اتكلنا ع الله..ولا ايه رأيك يا باري ياحبيبتي..؟
باري :………….!!!
رعد وهيلينا بصوا لبعض بتعجب..من شرودها…
رعد : هى مالها من وقت الغدا بنكلمها وهى ف عالم تاني..؟
هيلينا : موش عارفه..باري من وقت ما رجعت من الجامعه وهى مضايقه وساكته.. وسألتها قالت مرهقه مش أكتر..
رعد : بتفهم..تمام. وبص ليها وقال. باري ياحبيبتي مالك؟
باري : انتبهت..ها… أحم وأخدت نفس عميق..وشالت السماعه..وقالت..
في حاجه يابابي؟
رعد : ده في حاجات..يابنتي إحنا بقالنا ساعه بنتكلم في حاجات كتير وانتي ولا هنا..مالك ياحبيبتى؟ وايه اللي مضايقك كدا؟
باري : بتنهيدة حيره..سوري بابي أنا بس واحشني سفيان ونفسي اكلمه..
وقامت وقفت وقالت..
أنا هتصل عليه بعد اذنكم..
ومشيت وهى بتفكر في المتعجرف.. وقالت بخنقه.. مش عارفه بيطلع ليا امتى؟ ياترى أسمك ايه؟ وانت ميين. وعايز مني إيه؟
——————بقلمي مريم نصار.
مساءاً فيلا الديزل..
آرين ف حضن آدم..وبتحكي لأدم عملت ايه في فترة غيابه التلات شهور وبتتكلم بحماس..وقالت..
ـ بس كدا يسيدي دي كل حاجه عملتها… لأ استنى استنى افتكرت حاجه كمان.أنت عارف السنه اللي فاتت..بعد ما اتعرفت ع باري بنت عمو رعد..وكمان ف الجامعه.. وبنتقابل هناك لكن مش ديما علشان مواعيدنا مختلفة أحياناً مش زي بعض
وامبارح بقى بابي عزمهم..وبعد الغدا.. نزلت أنا وباري وتوتا واتمشينا في الجنينه..
وباري طلعت لذيذه جداً وحبت توتا وبقوا أصحاب.. بس نرفوزه شويتين.هههههههه. وعمو رعد وطنط هالي اخدوها ومشيوا بعد كده..
بس عارف..؟ انهردا الصبح أنا دعيت كتير إنك ترجع.. بجد يا آدم أنا مبسوطه اوى اوى إنك رجعت.. أخيرا هتوصلني الجامعه من تاني. يااااه بجد مش مصدقه..
آدم مراد : بيسمعها ومبتسم لأنها بتتكلم كتير وبسرعه.. كأنها طفلة فرحانه بليلة العيد.. ومسد ع شعرها وبيسمعها..
آرين : خلصت كلام وبصتله وقالت بتذمر..ساكت ليه بقى؟
آدم مراد : ضمها لحضنه وقال بضحكه..
بسمعك..مش هتصدقي وحشني كلامك وطريقتك قد ايه؟
تعرفي تفكيري فيكي هون عليا المأمورية كتير..
آرين : بحماس..يس أنا قولت لا اقاوم أصلا..
آدم مراد : بضحكه.. فعلاً ودي حقيقه.. انتي البسكوته بتاعتي.
آرين : حضنته بفرحه وقالت.. أنا فرحانه اوي كتير خالص اه والله..
آدم مراد : ههههههههه أكتر جمله بموت فيها..
آرين : بتذمر.. أنت كنت بتحب أنا زعلانه منك أوي كتير خالص اه والله..صح.؟
آدم مراد : بيلاعب خصلات شعرها وقال..صح. لكن دلوقتي أنا مش عايز اسمع منك غير إنك فرحانه ومبسوطه وبس..
آرين : بترجي طيب بليز بقى مش هتقولي ع المهمه اللي كنتوا فيها..نفسي اعرف..
آدم مراد : باسها برقه وقال..تؤ مش هينفع دي أسرار وخفايا ماينفعش نقولها..
آرين : بزعل..يوووه بقى هو انا كل ماسأل حد منكم يقوولي ماينفعش حتى بابي وخالو..؟
آدم مراد : بابتسامة..قال.. لأنه فعلاً ماينفعش ياحبيبتي..
كدا أنا وانتي ممكن نتأذي لأنها اسرار تخص الدولة.. لكن كل اللي اقدر أقولهولك.. إن جوزك واخوكي عمله فريق عدا ليڤل التوقعات.. واخوكي بجد عنده سرعة وحماس فوق المتوقع..
آرين : بفرحه.. طبعاً أنا واثقه من انكوا مرعبين.. فوق المتوقع..
آدم مراد : بضحكه..وحشتيني اوي يا آري..!!!
آرين : بتنهيدة حب.. وأنت أكتر يا آدم..!!
وبتتاوب..وقالت..انهردا هنام وأنا مطمنه..تصبح على جنة يا آدم..
آدم مراد : حط راسها ع دراعه واخدها في حضنه وقال..
وأنا أنهردا هغمض عينيا وأنا مش خايف عليكي.. وأنتي في حضني يا ضي آدم..!!
——————بقلمي مريم نصار.
تاني يوم الصبح..
فيلا مصطفى عزيز..
مصطفى : شايل طارق..وبيتكلم في الفون مع سعيد.. وقال..
ـ والله العظيم زي ما بقولك كدا.. آركان رجع امبارح..
سعيد : بلهفه..طيب انا عايز أشوفه..
مصطفى : بِشك.. اشمعنى يعني؟ دانت مبتبقاش ملهوف ع حد كدا .. قر ياض واعترف بدل ما ابوظلك يومك..
سعيد : بحيره..بصراحه بقى.. عايز أدخل فيلا العدوي بأي طريقة علشان اتكلم مع الريس عوض واطلب ايد دعاء..
مصطفى : بغمزه لأ حركه حلوه ياض يا سوسو..مع أني كان ممكن ادخلك عادي..
سعيد : أنا مش عايز اتسبب ليك ف إحراج يامصطفى..
أنا كل اللي عايزو أتكلم مع والداها واعرف رأيه علشان اتقدم رسمي..
مصطفى : طيب وعيلتك؟
سعيد : يوووه ده حصل حوارات كتير.. وأمي لدرجة أنها كانت هتسيب البيت..بس الله يكرمه بابا لما شافني تعبت نفسيا وقف جمبي ووافق واقنع أمي بمعجزه..
بس أمي بقى بعد ما بابا سأل ع دعاء والكل شهد بأخلاقها وادبها..ماما اقتنعت الحمد لله من نفسها..
مصطفى : طيب ياعم تمام أوي.. أنا هتصل على آركان واظبطلك الدنيا وقابل الريس عوض اشطا؟
سعيد : بحماس.. حبيبى يادرش..والله لو أعرف إن الجواز هيعقلك كنت جوزتك من زمان هههههههه..
مصطفى : ههههه اعمل ايه بس..والله عايز ارجع للجنان تاني..بس خلاص ادبست وبقيت آب كمان..
سعيد : أحلا ابو طارق..عامل ايه الواد ده..؟
مصطفى : بسعاده..طارق..!!! ده قلب كل إللي حواليه.واد مشكله.. وعايز يفضل متشال..
سعيد : ربنا يباركلك فيه يادرش..هسبقك ع الشغل.. هشتغل نص يوم..واخد إذن واروح للريس عوض..
مصطفى : تمام ربنا معاك يصحبي..!!
——————بقلمي مريم نصار.
فيلا الديزل..
آدم مراد : نازل وقال..هوصلك الجامعه واطلع على بابا طارق أسلم عليه..
آرين : اوكي..طيب هناخد توتا معانا..!!
آدم مراد : أكيد ياروحي وهى منتظرانا في الجنينه.
آرين : ماشي ياحبيبي..تعالى بقى نسلم ع بابا وماما قبل ما نمشي..
آدم مراد : يلا بينا..
بعد شويه..
فيلا تيم..
ميرو : بتلبس تيم القميص وبتقفل الازرار وقالت. بزعل.. يعني بابا محمد رفض أنه يعيش معانا؟ بجد زعلت جدآ.
تيم : أبتسم وقال.. بابا متعلق بالبيت بتاعه جدا.. قالي ده مش مجرد بيت. ده حياه وزكريات كامله.. بس انا طبعآ مش هيأس..
ميرو : بتنهيده..طيب وأنت في إيدك ايه تعمله؟
تيم : بغمزه..ربنا يباركلنا في أميرة آدم.. ودي الوحيده اللي الدكتور محمد عزيز مستحيل يرفض ليها اي طلب..
ميرو : بتفائل.. أيوه صح.. وإن شاء الله يوافق ويعيشوا معانا هنا.. بجد نفسي اعمل عيله كبيره زي ماما وبابا آدم..
تيم : باس جبينها وقال..هيحصل إن شاء الله ياملاكي..
ميرو : شالت يامن وقالت.. طيب تعالى سلم ع ولادك قبل ما أنزل للعيله..
تيم : ودع ولاده..وشال جنى.. وراح بيهم لبيت العيله.. وسابهم وراح ع شغله..
فيلا العدوي..
ميرو : حطت القهوه الخضرا لجدها.. اتفضل يا بابا..
آدم : أبتسم..تسلم ايدك يا روحي..
ميرو : شالت منه يزن.وقالت. مليون صحه وعافيه.
فريحه : شايله يامن..
زين : نازل وسلم ع آدم ومريم.. وقعد ع السفره معاهم.
مريم : أبتسمت وقالت.يسعد صباحك يازين ياحبيب قلبي..
زين : أبتسم.. ايوه كدا ياست الكل..ركزي معايا الفتره دي الله يكرمك. وادعيلي ع قد ما تقدري..
مريم : بقلب أم..دعيالك يانور عيني.. وإن شاء الله ربنا هيحقق مرادك لأن نيتك خير..
زين : بتنهيدة.. اه والله يا امي نيتي خير وربنا اللي عالم..
آدم : بهدوء..يبقى متقلقش. وخلي اتكالك على رب العباد..
زين : أبتسم..ونعم بالله العظيم..
ريتال : شايله محمد..وقالت..إن شاء الله يا زين ربنا يوفقك.. خلاص فاضل شهرين وتاخد براءة الاختراع.. أنا بدعي ربنا ليل ونهار وإن شاء الله ربنا مش هيضيع تعبك هباء..
زين : ربت ع أيدها وقال..ربنا مش هيضيع تعبك انتي قبل مني يا ريتال..
انتي اشتغلتي كتير ع المشروع ده..وبتحلمي باليوم ده.. وأكيد هتفرحي ياحبيبتي..
ريتال : أبتسمت وقالت بحب.. فرحتنا واحده يازيني..
زين : ل فريحه.. اومال مراد فين يافريحه؟
فريحه : جنى قاعده جمبها وبتأكلها.. وقالت..مراد راح مركز التدريب مع فهد.. وقال هيروح المجموعة الساعه تلاته إن شاء الله..
زين : بتفهم..ربنا معاهم..
آدم : ل مريم.. حبيبتي أنا هرجع بدري انهردا..
مريم : ربي يجعلك في خطوه سلامه. ويكفيك شر الطريق يا آدم أنت وولادي وأحفادي يارب..
آدم : قام وباس ع راسها وقال.. آمين.. وزين قام وودعهم ومشيوا.
——————بقلمي مريم نصار.
قدام الجامعه.
آدم مراد وصل البنات ووقف قدام الجامعه.. وقال.
يلا يابنات..وخلوا بالكم من نفسكم.. وأي حد يضايقكم اتصلوا عليا..
تالين : أبتسمت.. ميرسي جدا يا أبيه.
آدم مراد : أبتسم..وقال. هاجي اخدك بعد ما تخلصي اتفقنا؟
تالين : هزت راسها بإبتسامة..اتفقنا..
آرين : بحماس.. استنوا استنوا.. آدم اعزمنا ع الغدا انهردا أنا وتوتا. بعد ما نخلص جامعه..بليز بليز.
آدم مراد : بضحكه..حاضر ياحبيبتي.. يلا بقى علشان منتأخروش..
تالين : نزلت..
آرين : باسته في خدو.. ربنا مايحرمنيش منك يا أجمل…..!!!
وهمست في ودنه وقالت.. يا أجمل مرعب لحياتي.. وضحكت..
آدم مراد : بضحكه..يلا يامجنونه انزلي بقى.. كلمه كمان وهاخدك ونرجع ع البيت.. وغمز..
آرين : وشها جاب ألوان..ونزلت بسرعه.. وشاروت لأدم..وداخلين الجامعه..
آدم مراد : شاورلهم..وساق العربيه وهو بيضحك ومبسوط بطفلته الثرثاره..
بعد ساعة ف قلب الجامعه..
سفيان نزل من العربيه..وماشي جمب باري..وقال.. أهو وصلتك ياحبيبتي زي ما طلبتي..وفين بقى الولد اللي عاكسك أمبارح؟
باري : للأسف أنا معرفش هو ف الجامعه ولا لأ؟ لأنه رخم عليا بره الجامعه..
سفيان : بضيق..بس أهم حاجة أنه ميكونش لمسك وانتي سكتي؟
باري : هزت راسها بالنفي. نو أبدا. محاولش حتى.. بس…!!
وكملت بتوتر..بس أنا بصراحة خبيت عليك حاجه يا سفيان..!!
سفيان : كشر عينيه وقال.. حاجة إيه ياباري؟
باري : بلعت ريقها بتوتر وقالت.. في همجي..قصدي جه واحد وضربه علشان بيضايقني..!!
سفيان : بِشك..طيب مالك متوتره ليه؟ انتي تعرفي الشاب إللي ساعدك ده؟
باري : صكت ع أسنانها بغيظ مكبت..وقالت.. وأنا هعرفه منين..هو إنسان متطفل وغبي..
سفيان : وقف وقال بعتاب..ده بدل ماتقولي أنه شهم وساعدك يا باري؟
مش اي حد بيتصرف التصرف ده غير أنه شخص شجاع وراجل بجد..
باري : حبت تنهي الموضوع وقالت.. اوكي أوكي مش موضوعنا.. أنا دلوقتي يدوب الحق المحاضره.. أوكي؟ سي يو..
سفيان : ضحك بصمت وقال.. أوكي ياحبيبتي.. وأول ما تخلصي كلميني فوراً وهجيبلك..
باري : أبتسمت اوكي..خلي بالك من نفسك..
سفيان : وانتي كمان..
عند هندسه..
تالين : قاعده ف مكان لوحدها..وبتراجع..
بنت جت وقالت. صباح الخير..
تالين : رفعت راسها وشافت بنوته محجبه. وقالت..صباح الخير..
البنت : أنا رحاب معاكي في الدفعه. وللصراحه مكونتش أصدقاء..وشوفتك بردو ديما بتقعدي لوحدك.. ينفع تكوني صحبتي؟
تالين : أبتسمت.. طبعاً ليه لأ.. أهلا بيكي.. أنا تالين.
رحاب : قعدت جمبها وقالت..الله أسمك حلو اوى..
تالين : أبتسمت..متشكره جداً..
رحاب : حبيبتي مفيش بينا شكر..بصي ده رقمي علشان نبقى نطمن على بعض..
تالين : سجلته وقالت..تمام.. واتكلموا كتير مع بعض..
سفيان ماشي عند هندسه وبيتفرج ع المبنى.. لكن وقف للحظه لما سمع……!!!
تالين : قامت وقالت.. أنا هروح اصلي الضهر يلا تعالي معايا نصلي جماعه..
رحاب : بتوتر.. احم لأ معلش روحي انتى..
تالين : كشرت عينيها وقالت.. ليه يا رحاب؟ عندك مانع للصلاه ولا مبتصليش؟
رحاب : بحرج..بصراحه أنا بصلي يوم اه وشهر لأ ع حسب يعني..
تالين : بصدمه كبيره وزعل حقيقي.. إيه؟ بتقطعي في صلاتك؟ ليه كدا بس يارحاب؟
سفيان : قرب من الصوت الملائكي..اللي جذب انتباهه وكمان عن الصلاه…
رحاب : بتنهيده..والله غصب عني بكسل ديما. المهم دلوقتي روحي صلي وانا هستناكي هنا..
تالين : قعدت بصدمه وقالت.. أروح واسيبك؟ أنتي مش عارفه حجم الكارثه اللي انتي فيها ايه؟
رحاب : أبتسمت..وقالت..يابنتي ربنا غفور رحيم.
تالين : بجديه.. ربنا غفور رحيم إلا الصلاه..ربنا مابيغفرش أبدا لتارك الصلاه..
رحاب..!!! أنتي في خطر عظيم.. وكمان بإصرارك ترك الصلاة بدون سبب.. خطر ومن أعظم الذنوب. وأكبر الموبقات. وكمان أعظم من السرقه وشرب الخمر والقتل والزنى.. أعظم الكبائر هى ترك الصلاة..
رحاب : بخوف..خلاص أنتي بتخوفيني ليه؟
تالين : بحزم.. لأن الموضوع مش هين إنك تهمليه.
اسفه اني بكلمك بالاسلوب ده..بس صدقني خايفه عليكي..
وبما إنك اختارتيني أنا.. للصداقه بينا.. يبقى نبتديها صح..وع طاعة الله..
وإن الصاحب ديما ساحب.. ياتسحبيني لطريقك ونندم..!!! ياسحبك واشدك معايا وننعم..!!!
سفيان : اترسمت ع ملامحه ابتسامة عريضة.. لكن الفضول خلاه عايز يشوف من الملاك اللي بتتكلم دي.. ولف ليها.وشافها. وفتح عينيه بإنبهار غير عادي..
رحاب : بعدم فهم..انتي كبرتي الموضوع ليه كدا؟ يستي هبقى أصلى لما أروح تمام؟
تالين : بخنقه.. أنا مش مكبره الموضوع.. الموضوع كبير فعلاً يا رحاب.. وأنا مش عايزه أقولك. أنتي إيه دلوقتي عند الله..
اللي مبيصليش كافر..واللي بيقطع في صلاته يقع عليه أنه اشد من الكفر..
ربنا قال..فَوَيْلٌ لِّلْمُصَلِّينَ.. الَّذِينَ هُمْ عَن صَلَاتِهِمْ سَاهُونَ..
سورة الماعون:
ومعني(ويل) عذاب وتهديد ووعيد شديد، وقيل إنه واد في جهنم، {لِّلْمُصَلِّينَ، الَّذِينَ هُمْ عَن صَلاتِهِمْ سَاهُونَ} أي: الذين يؤخرون الصلاة عن وقتها.
سفيان : واقف بيسمعها. وأعجب جدآ بالتزامها وطريقة إقناعها.. وقبل كل ده ملامحها البريئه اللي حاسس أنه شافها قبل كده. ومش عارف إيه اللي بينبت جواه للملاك اللي قدامه..
تالين : كملت..وسيدنا محمد قال..
قال رسول الله صلى الله عليه وسلم ” العهد الذي بيننا وبينهم الصلاة فمن تركها فقد كفر. صدق رسول الله..
رحاب : بهلع وخوف.. إيه؟ كافره؟ أستغفر الله العظيم.. والله أنا مكنتش اعرف..
تالين : أخدت نفس عميق وحاولت تهدا.. وقالت بإبتسامة..
لو تفتكري إنك درستي آركان الإسلام في الابتدائي.. وتاني ركن إقامة الصلاة.وان الصلاة عماد الدين ومن تركها…؟!!! (ترك الدين)..
قومي يا رحاب..قومي واستغفري ربك..وابدأي من جديد..
رحاب : عيونها لمعت..وقالت..هتساعديني؟
تالين : بحماس.طبعا. ورقمك معايه وكل فرض هتصل عليكي..حتى الفجر كمان. إحنا عايزين ندخل الجنه ونعيش في نعيم الله.. تخيلي كدا. تفضلي عايشه ديما ف نعيم مخلد.
عكس الكافر والعياذ بالله.. في النار مخلد..
رحاب : قامت برغبه شديده وقالت.. يلا بينا هنتاخر ع الصلاه..
تالين : ضحكت بسعاده وقالت.. يلا تعالي.. وقامت تجيب الشنطه.. ومشيوا..
سفيان : اتحرك خطوه..ورفع ايدو ل تالين وكان عايز ينادي عليها..لكن خلاص بعدت عنه..
وأبتسم وقال.. قد ايه جميله.. واخد نفس عميق.. وراح صلى في مسجد الكليه..وفضل بعدها يدور عليها وملقهاش..وجاله إتصال واضطر يمشي..
——————بقلمي مريم نصار.
جنينة فيلا العدوي..
عوض : خير يافندي. سي آركان باشا قالي انك عايزني فى موضوع مهم..خير أقدر أساعدك في إيه؟
سعيد : بتوتر..خير إن شاء الله ياعمي..احم..
عوض : ببلاها..عمك..؟! عمك مين يسي الأستاذ.. لامؤخذه إني معنديش أخوات..ابقى عمك منين؟. ولا أنت جاي تتمسخر عليا اكمني جنايني وع باب الله..!!
سعيد : بنفي.. أبدا والله ياعمي.. أحم قصدي يعني ياريس عوض..
أنا بقولك عمي إحترام لحضرتك..في مقام عمي يعني.. وحاشا لله إني اتمسخر ع حضرتك كلنا ع باب الله.. وأنا جاي وعشمان في إنك تجبر خاطري في الموضوع اللي عايزك فيه..
عوض : أهي وماله قول يافندي خير إن شاء الله..
سعيد : بصراحه كدا ياعمي.انا هكلمك عني. أنا أسمي سعيد عبد الناصر. والدي موظف حكومي. ووالدتي ست بيت انا اتخرجت من سنه. وشغال مترجم في شركه محترمه. شركة المهندس يوسف عزيز. ومرتبي حلو اوى. وعندي شقه محندقه كدا. وأنا جاي وكلي عشم وطالب أيد الانسه دعاء بنت حضرتك وموافق ع كل طلباتك..
عوض : تنح وبص لهيئة سعيد..وقال أنت بتشتغل عند يوسف باشا؟
سعيد : هز راسه أيوه ياعمي..
عوض : وعندك شقه.!!
سعيد : اه والله ياعمي..
عوض : وعايز تتجوز بنتي إني..!!
سعيد : ده من حظي والله ياعمي..
عوض : طيب وأنت تعرف بنتي منين لامؤاخذه في السؤال..
سعيد : أنا صاحب مصطفى عزيز و آركان السيوفي..
وجيت هنا أكتر من مرة.. وشوفتها والشهادة لله ياعمي يازين ما ربيت..
عند زينب..
دعاء : بجديه.. لأ مش موافقه .
زينب : بغيظ..قالت.. ليه يامقصوفة الرقبه؟ ده أبوكي موافق. واللي مطمنا أنه من طرف العيله.وشكله شاري..عايزه ايه تاني..؟
دعاء : بصوت عالى..عايزه تسبوني في حالي.. أنا مش هتجوز..مش عايزه اتجوز هو بالعافيه..؟
زينب : مسكت دراعها بغيظ..وقالت..مالك يابت؟ فيكي إيه؟ ومالك مش مظبوطه ليه؟ انطقي. عينك على حد يابنت عوض؟
دعاء : بصريخ..حتى لو عيني على حد.. أنا مصيري معاكوا محتوم.. أنا بنت الشغاله والجنايني.. ويوم ما افكر اتجوز..هتجوز إبن جنايني علشان ميعايرنيش بيكوا..
زينب : ضربت دعاء بالقلم..وقالت بتستعري مننا ياقليلة الربايه..
طيب يمين عظيم ما هتشوفي الشارع..
والجامعه دي آخر يوم تروحيها.. فاهمه يابنت الجنايني…!!!!
دعاء : صرخت حرام عليكم بقى أنتوا عايزين مني إيه؟
احمد : دخل بعصبية..وقال.هنعوز منك إيه يا دعاء؟ وفي الآخر بتستعري من شغل أبوكي وأمك؟ ورفع ايدو يضربها..
زينب : بتحذير..طيب مد أيدك عليها..وشوف هعمل فيك إيه انت التاني..!!!
أحمد : بنرفزه.. ياماما انتي مش سامعاها بتتكلم معاكي إزاي؟ لأ وكمان إحنا في الآخر مش عاجبينها..!!
زينب : بجدية..طول ما أبوك عايش على وش الدنيا حسك عينك ترفع ايدك عليها..
أحمد : باحترام حاضر يا أمي..!!!
عوض ف الصاله وقعد ع الكرسي بتعب وقلة حيلة..
زينب : خرجت بسرعه وقالت..ساكت ليه ياعوض..؟!
عوض : نزل راسه في الأرض وقال.. كنت فاكر إننا نشرف عيالك يازينب.. كنت فاكر إننا عملنا كل اللي نقدر عليه..
وعيونه لمعت وبص ع دعاء وقال بحزن.. أنا لو بأيدي كنت جبتلك الدنيا بحالها. بس أهو نعمل إيه؟
أحمد : بنرفزه.. وأنت عملت كل حاجه علشانا يابابا.. أنت تعبت وشقيت..لا عمرك ماديت إيدك لحد ولا بصيت لعيشة غيرك..ولا عيشتنا من الحرام..!!
زينب : واقفه موجوعه ع كسرة جوزها..وبصت ل دعاء بنظرة عتاب ولوم كبير..
دعاء : نزلت وشها ودموعها نازله بصمت..
احمد : حب يلطف الجو..وقال.خلاص ياجماعه دعاء تلاقيها متوتره بس..هى لما تهدا هتفكر تاني..يلا يا بابا.. تعالي ياماما علشان نتغدا.. الأكل هيبرد..
زينب : وقفت على باب الشقه.ودموعها نازله.. وبصت ليهم وقالت بوجع..شبعت ياولاد زينب…
وبصت ل دعاء.وقالت..ملعونه البطن اللي شالتك يابنت زينب..!!!
وسابتهم وراحت ع مطبخ الفيلا من الباب الخلفي..
ووقفت ورا الباب وحطت أيدها ع بوقها وبتعيط بصوت مكتوم..
——————بقلمي مريم نصار.
بعد فتره..
الكل رجع من شغله..وقاعدين مع الامبراطور واميرته. في الليفنج وبيتكلموا مع بعض..
فريحه : شايله يامن..وقالت عزه لو سمحتي. هاتي الفاكهه.. أنا ندهت ع زينب بس ماسمعتنيش..
عزه : حاضر يا هانم..ودخلت المطبخ..وقالت..
ست زينب مالك؟ من وقت الغدا وانتي ساكته. حتى مردتيش ع الدكتوره فريحه..
زينب : حطت ايدها ع قلبها..وقعدت على الأرض بتنهج بتعب..
عزه : صرخت بخوف.. ست زينب.. مالك ياست زينب..!!!
الكل ف الليفنج انتبهوا..
مريم : بقلق..زينب..!!! أستر يارب..
آدم مراد وتيم و آريان والشباب جريوا ع المطبخ..
آدم مراد : بقلق..مالك يادادة.. ونزل جمبها..
زينب : وشها أصفر ومش قادره تتكلم..
آدم مراد : وتيم ساندوها لحد الليفنج..
آريان : جري ع فوق وجاب جهاز الضغط..
مريم : قعدت جمبها بقلق.. قالت..مالك يازينب.. إيه اللي حصل ياعزه..؟
عزه : بتعيط وقالت.. والله معارفه ياست هانم..هى من بدري ساكته ومبتردش عليا..
فريحه : بتدلك أيديها..اهدي يازينب أنتي هتبقى بخير..
ريتال : بقلق..اطلعي يا آرين هاتي ازازة برفان من فوق بسرعه..
آرين : هزت راسها حاضر وجريت ع فوق..
رينو : أخدت جهاز الضغط وقاست ل زينب وقالت بقلق..
.ياخبر ضغطك واطي جدآ يازينب..
وشاورت ل آركان.هات شنطتي يا آركان بسرعه..
آركان : جابها بسرعه..اتفضلي يا ماما..
نور : اعملي عصير لمون بسرعه ياعزه وزودي لمون.
عزه : حاضر وجريت ع المطبخ..
رينو : جابت نقط وحطتها ع ميا.. وشربتها ل زينب..
زينب : بعد دقايق..بدأت تفوق..وقالت بتعب وكسره..كتر خيركوا..
مريم : طبطبت ع قلبها وقالت..مالك يازينب. إيه اللي جرالك ياحبيبتي..
زينب : صعبت عليها نفسها وعيطت.. وقالت مفيش حاجه ياست هانم..
الكل أستغرب رد فعلها واتأكدوا إن في حاجه حصلت معاها..
آدم : قال لمريم..خدي زينب ع مكتبي وخليكي معاها.
البنات ساعدوها لحد المكتب ومريم دخلت معاها..
عزه : دخلت بالعصير..وخرجت.
مريم : اقفلي الباب وراكي ياميرو ياحبيبتى..
ميرو : ربتت ع كتف زينب وقالت..حمدلله على سلامتك ياداده.قلقتينا عليكي..
زينب : هزت راسها تعيشي يا دكتوره..
ميرو : أخدت آرين وخرجوا قعدوا مع العيله..
مريم : اشربي يازينب كدا.. واستهدي بالله وقوليلي مالك..
زينب : عيطت بوجع..وقالت.. أقولك إيه بس ياست مريم.. أقولك إن دعاء بعد العمر ده كله بتستعر مني أنا وأبوها..
أبوها اللي مابهونش عليه ياكل اللقمه من غيرهم. أبوها اللي سايبني أنا أتصرف معاهم حتى لو غلطوا علشان مش عايز يزعلهم منه. وفي الآخر بتستعر مننا؟
مريم : بصدمه..كلام إيه ده يا زينب.؟ وايه إللي حصل يخليكي تفكري في بنتك بالطريقه دي؟
زينب : بتعب.. أنا هقولك على كل حاجه ياست مريم..
بعد فتره في جناح الامبراطور..
مريم : بتنهيدة زعل.. بس هو ده سبب إن زينب تعبت بالشكل ده..وادتلها أجازه ترتاح..
آدم : مط شفايفه وهز راسه……..!!!
مريم : بزعل.. أنت هتفضل ساكت كدا يا آدم..!! دي زينب حلفت إن دعاء مش هتكمل تعليمها..
آدم : ربت ع أيدها وقال.. أنا هتصرف مع دعاء ياروحي..متقلقيش ولا تفكري كتير..
دعاء لازم تفتخر بأن ليها أهل بيحبوها زي عوض وزينب..
مريم : رفعت عينيها للسما وقالت.. يهونها الكريم من فوق سابع سما..!!!
——————بقلمي مريم نصار.
تاني يوم..
في الجامعه..
باري : بعدم فهم.. أنا بجد مش مصدقه إنك جاي توصلني تاني الجامعه.. امبارح أنت قولتلي إنك مشغول الفتره اللي جايه..
سفيان : ماشي عينيه بتدور عليها في كل مكان..وقال.. انتي زعلانه اني سبت كل حاجه وبفضلك أنتي ياباري؟
باري : بضحكه.. أنا.؟..بالعكس دانا مبسوطه اوى.. ياريت كل يوم كدا..
سفيان : شاف تالين من بعيد وكأن الشمس طلعت..وأبتسم وقال بحب..
أوعدك.. أوعدك طول ما انا هنا هوصلك كل يوم..
باري : بحماس..واو.. هو ده أخويا سفيان..ويلا بقى سي يو. أشوفك بعد الجامعه..
سفيان : هز راسه تمام مع السلامه..
باري : مشيت..ومبسوطه إن أخوها مهتم بيها.. وطالعه ع السلم..وخبطت في كتف شاب. وقالت بحرج.. اوبس سوري والله ماخدتش بال…….!! وفتحت عينيها بصدمه وقالت.. أنت..!!!
آركان : رفع حاجبه وقال.. مفاجآة مش كدا؟
باري : صكت ع أسنانها وقالت..هى فعلاً مفاجأة.. لكن وحشه جدا..
آركان : ببرود. مش اوحش منك..
باري : بصدمه.. أنت إزاي تتكلم معايا كدا؟ أنت مش عارف أنا مين وبنت مين؟
آركان : قرب من وشها وقال..
ومش عايز اعرف..بس عارفه؟ انا بحب اوي أشوفك متنرفزه كدا..
يااااه متعرفيش ببقى مبسوط قد ايه لما تتعصبي..دانا جاي انهردا مخصوص علشان أحرق دمك..!!!
باري : اتنفست غيظ.وزقته بالكتب اللي في أيدها.. وطلعت ع السلم تلعن فيه..
آركان : عينيه عليها لحد ما أختفت وبيضحك عليها..
وهرش في قفاه..وقال. البت عينيها جامده..
ههههه. يجي أبوك يسمعك علشان يعلقك.
——————بقلمي مريم نصار..
عند هندسه..
تالين ورحاب ماشيين..
تالين : قالت بفرحه..بجد متعرفيش أنا مبسوطه قد ايه بصلاتك للفجر.. وإن شاء الله ربنا هيعينك ويثبتك..
رحاب : بإمتنان..والله يا آرين لما حكيت لماما وبابا عليكي واللي عملتيه معايا وشافوني بصلي.. فضلوا يدعولك من قلبهم.. وماما قالت كل سجده هتدعيلك..
تالين : بتنهيدة حب ربنا يستجيب إن شاء الله..
عربيه فرملت قدام رجل تالين ورحاب بالظبط..واتخضوا..
نزل شاب وبنت..
الشاب : قال بكبرياء..انتي يا آنسه انتي وهى مش شايفني جاي من الطريق بعربيتي؟ مبتوسعوش ليه؟
تالين : شافت الطريق مفتوح عادي وممكن يعدي..لكن مردتش..وبعدت خطوه ع جمب..
رحاب : بعند.. وأنت مش شايفنا ماشيين؟ متستنى لما نعدي ولا أنت سايق الهمر؟ وبعدين ايه كمية الغرور ده..اتكل يعسل من هنا..
البنت : انتي يابتاعه أنتي اتكلمي كويس..
رحاب : بضحكه.. أخاف اتكلم كويس.. لازم اعرفه مقامه ابو حلق ده.. يلا أشكال ضاله ع الصبح..
الشاب : بغيظ مين ياحيوانه اشكال ضاله؟ انا لو مش مستعجل كنت ربيتك انتي واللي معاكي..
تالين ؛ شهقت وحطت ايدها ع بوقها..
البنت : مشيت حوالين تالين..وضحكت بسخريه وقالت..وانتي بقى مش هتتكلمي زي الحيوانه زميلتك..
تالين : بتوتر..لو..لو سمحتي.. اتفضلي من هنا.. إحنا ماشيين ع جمب الطريق يعني معملناش اي مشكله. وكان ممكن يكمل طريقه بالعربيه عادي..
الشاب : بغيظ..انتي هتعلميني اعمل ايه ولا معلمش إيه ياحيو………..!!!
سفيان : وقف قدامه..وشاورله بتحذير..ميكملش..!!
تالين : بترفع عينيها شافت ضهر شاب طويل وعريض.. ونزلت عينيها بسرعه..
رحاب : جريت جمب تالين. وقالت.. الشاب ده شكله هيعلقه..
تالين : بتوتر..يلا نمشي من هنا يارحاب..
رحاب : استني بس مش هنعرف نعدي منهم..
سفيان : بجديه.. ع فكره أنت والانسه اللي معاك غلطانين.. وغلطكوا أكبر.. لما غلطتوا في الانسات..
الشاب : بص لسفيان وافتكروا دكتور ف الجامعه..وقال. يادكتور حضرتك البنات دي غلطت فيا أنا والبنت اللي معايا..
سفيان : هز راسه ومط شفايفه.. وقال.. أنا واقف من بدري ومتابع اللي حصل من البدايه.. وبصراحه الانسات غلطوا أنهم ما اخدوش ضدك الإجراءات اللازمة.. لكن إحنا فيها..
البنت : بقلق.. لأ لأ خلاص سوري يادكتور. إحنا هنمشي..
سفيان : بتحذير. مش قبل ما تعتذروا ليهم..!! يا إما صدقوني مش هتدخلوا اي جامعه ف مصر تاني..
الشاب : بلع ريقه بتوتر..وقال.. أنا آسف يا انسات..
البنت : بغيظ مكبت..سوري يابنات.
سفيان : رفع حاجبه ف اشاره.وقال.. أركب الخرده بتاعتك. وأخرج حالا من الجامعه..
البنت : شدت الشاب..وهزت راسها ليه.. وركبوا ومشيوا..
تالين : وشها بقى أحمر جدآ من الموقف..
سفيان : لف ليها..مع اول دقة قلب ليه..لما شافها عن قرب. مع لون بشرتها وملامحها الخجوله..
رحاب : شافت سفيان واقف وعينه على تالين. وسرحان..
تالين : بحرج.قالت بهمس.يلا نمشي..
رحاب : كحت..اه يلا بينا.. أحم شكرا لحضرتك يا دكتور ع اللي أنت عملته معانا..
سفيان : أنتبه وأبتسم وقال.. أنا معملتش حاجه..
تالين : خايفه إن آريان أو أي حد من عيلتها يشوفها.. وسابت رحاب ومشيت بسرعه..
سفيان : أبتسم ولف ليها ومراقبها..
رحاب : أسفه جداً بعد إذنك..وجريت وراها..
سفيان : مبتسم..وقال.. مش معقول قد ايه بريئه.
——————بقلمي مريم نصار.
فيلا العدوي..
آدم : قاعد في الجنينه..
دعاء : جت ومكسوفه وخايفة..وقالت بتوتر..حضرتك طلبتني..؟
آدم : شاور ليها.. ايوه اقعدي يادعاء..
دعاء : قعدت ع طرف الكرسي وقالت بتوتر. هو… هو أنا عملت حاجه؟
آدم : بعدم إهتمام..قال. الجو حلو اوى انهردا..!!!
دعاء : بلعت ريقها بتوتر وساكته….!!
آدم : إيه رأيك في الجنينه بتاعتي يا دعاء..!؟
دعاء : بلخبطه..از… إزاي قصدي يعني حضرتك بتسالني أنا؟
آدم : أبتسم وقال بهدوء.. أيوه. وانتي أهم واحده مستني إجابتها..بصي حواليكي كدا..وقوليلي رايك في الجنينه..؟
دعاء : لفت عينيها ف كل الجنينه.. وقالت..جميله.. جميله اوي..
آدم : هز راسه تمام.. وايه رأيك في أحواض الورد اللي قدامك.؟
دعاء : هزت راسها وقالت..جميله اوي كمان..
آدم : يعني شكل الجنينه مبهج وجميل.. وتصميمها منسق ومناسب للفيلا مش كدا يادعاء؟
دعاء : هزت راسها وقالت.. ايوه وترتيبها جميل وألوانها تخطف الأنظار..
آدم : سند ايديه ع الترابيزه وبص ليها وقال.. عارفه مين السبب في إن جنينة الإمبراطور تبقى بالجمال ده؟
دعاء : فهمت..ونزلت راسها ف الأرض من الإحراج..
آدم : قال بغلظه وحده.. أبوكي.. أبوكي يادعاء..
أبوكي هو اللي مخلي وجهه مشرفه للمملكه كلها..
بصي يا دعاء شوفتي حوض الورد اللي قدامك ده؟
مش أنا أهو..راجل غني وملقب بالامبراطور.؟وبعمل كل حاجه تخطر على بال اي حد؟
بس انا بقى معرفش أعمل نص حوض ورد بالجمال والترتيب ده؟
بصي ع رسمة الشجر اللي أبوكي مخليه زي لوحه فنيه..يجبرني أنا واي حد معدي يتأمل غصب عنه في جمال صنع أيديه.. أبوكي فنان يا دعاء.. عندو هبه مش عندي..
دعاء : بدموع.. أنا مش قصدي ازعلهم مني. أنا رفضت عريس اتقدملي ليه يضايقوا؟ هو الجواز بالغصب؟
آدم : بهدوء.. لأ ومحدش يقدر يجبرك ع حاجه بالغصب..
لكن لازم يكون الرفض لسبب مقنع. مش وسوسه وتخيل مريض انتي عايشه فيه تحت مسميات ابويا جنايني وامي شغاله..!!!
دعاء :. هتتكلم……!!
آدم : شاور ليها تسكت..وقال.
اسمعيني كويس..عوض وزينب تعبوا كتير في حياتهم.
مارتحوش غير لما شالوكي انتي واخوكي بين أيديهم. كانوا ع أمل ديما أنكم هتفتخروا بيهم.زي ما هما بيفتخروا بيكم..
أبوكي ده فخرك وعزك..عمود مسنوده عليه..وعوض بتهيألي عمره ما قصر معاكي..
أبوكي شقي وتعب وبالحلال..وكان مستني يشوف ثمرة تعبه فيكوا ايه؟
وصدقيني من غير وجود أبوكي هتحسي إنك مالكيش ضهر تتسندي عليه..حتى لو مش لاقي ياكل..
أمك..الست الطيبه اللي ع الفطره..اللي بتفرح لفرح الكل.. وأي حاجه تزعلنا تزعلها..
أمك عمرها ما كانت بالنسبالنا شغاله.. لأ. زينب دي أنا والعيله منقدرش نستغنى عنها..
أمك فخر لأي حد.. وأحنا معتمدين عليها إعتماد كامل. مهتمه بأدق تفاصيلنا.
ده يعتبر بيتها وأحنا اللي ضيوف عندها..
هى إللي بتطبخ وشايله البيت كله وأحنا مسؤولين منها..
وعمرها ما اشتكت. ست بميت راجل..واقفه ف ضهر أبوكي. ست تشرف أي حد.
تقدري تقوليلي عيبهم إيه؟ اقولك انا عيبهم إيه..!!
عيبهم أنهم موجودين في مجتمع الناس فيه مابترحمش.
مفيش حد عاجبهم..الفقير بيحسدوه ع راحة باله.. مع إن الفقير مش مرتاح البال ولا حاجه.. ده غرقان في هم كبير.. مفروم في مطحنة الحياة..
والغني..!!! الناس مستكتره عليه العز وبردو بيحسدوه ع راحة باله..
مع أنه بردو مش مرتاح البال وشايل هم ناس كتير ف رقبته..
يعني لا غني مرتاح ولا فقير مرتاح..
المرتاح الحقيقي..هو اللي بينام وهو مش ظالم حد.. بينام وهو راضي بترتيب القدر ليه.. سواء أبويا بقى كان جانيني ولا وزير..
دعاء : بعياط..والله العظيم غصب عني. لما حد يسألني باباكي شغال إيه.؟
.وعملت بنصيحة حضرتك قبل كده..ولما اقولهم بابا جنايني..وشهم يجيب ميت لون. ويبعدوا عني ويتجنبوني..
حتى في الجامعه محسسني إني منبوزه. وكأني زنبي إني أبويا جنايني وامي شغاله.. أنا كرهت كل حاجه..
آدم : هز راسه بتفهم..وقال.
تعرفي يا دعاء لو الناس في الدنيا دي حطوا كل حاجه في مكانها الصحيح.. هيكون عوض وزينب وعمال النظافة والمدرسين. هما أغنى أغنياء العالم..
لأننا منعرفش نعيش من غيرهم..
المدرسين هما اللي بفضلهم بيوصلونا للي إحنا عليه دلوقتي..
مدرس بيطلع أجيال.من الأطباء والمهندسين والعلماء..يعني المدرس هو رقم واحد. لكن للأسف حقه مهدور..
عامل النظافة.اللي الناس مسمينه زبال..!!! ده أحسن عندي من رجال الأعمال.. لأننا منعرفش نعيش من غيرهم يوم واحد..
أنا أقدر استغنى عن رجل أعمال واتنين وعشره كمان..لكن استحاله اقدر استغنى عن عامل النظافة لأنه هو إللي بيخلي وجهة شركتي تلمع.. ومن غيرهم البلد هتكون كلها وباء و أمراض..
ونفس الشيء مع الحارس والبواب.منقدرش نعيش من غيرهم..
بصي يادعاء هى دائرة مغلقه..هتلاقي الكل خدام..كل واحد بيخدم. لكن مع اختلاف الطريقه. إحنا كلنا بنكمل حياة بعض.
أنا والدي الله يرحمه يابنتي..زمان كان بيبيع ورد..وعمري ما حد سألني وخجلت من مهنة والدي الأساسية..
انتي لازم تكوني فخوره بعيلتك يادعاء.مهما كانت.. انتي تمشي ف وسط اغنى رجال الأعمال ورافعه راسك لفوق..
وتقولي أنا بنت أب وأم عمرهم ما بصوا للحرام وعايشين بشرفهم..
وكمان سعيد شاب كويس ومحترم ومستقبله مضمون..وغير كدا تقبلك بظروفك اللي انتي شايفه أنها عائق قدامك..
يعني شاب زي ده..!! تتمسكي بيه لحد آخر المطاف..
وفي حاجه حصلت زمان ولحد دلوقتي أبوكي نفسه مايعرفهاش..
أبوكي زمان كان ممكن يبقى معاه فلوس كتير اوى يادعاء.. واتعرض عليه مبلغ كبير بس رفض يبيع نفسه. وعاش بالحلال..
دعاء : بصت بزهول…
آدم : ايوه بتبصيلي ليه؟ عايزه تعرفي فلوس إيه؟ هقولك..
شايفه كمية الجارد والشغالين دول؟
أي راجل يدخل مملكة العدوي لازم يتحط تحت إختبار باشكال مختلفه..
ماهو مش معقول هدخل ع أهل بيتي حد من غير ما أكون واثق فيه..
وجه نصيب أبوكي إننا نختبره بأنه يبيع الإمبراطور مقابل مبلغ كبير..
بس أبوكي طلع راجل..وعاش بالحلال علشان خاطر ذريته تتربى بالحلال…!!!
تيجي أنتي في الآخر..؟!!! تقولي هتتعايري بيهم؟
أنتي عندك أهل وعيله مش عند حد يابنت الريس عوض…!!!
——————بقلمي مريم نصار.
مساءاً..
زينب : قعدت ع الأرض تحت رجل مريم..
مريم : شهقت..قومي يازينب الله يرضى عليكي قومي..
زينب : بسعاده..يمين بالله ماقوم غير لما أعرف ياست الناس كلهم..انتي قولتي ايه للبت دعاء.؟
مريم : بضحكه..الله يجازيكي كل خير يازينب.. طيب تصدقي بالله..
زينب : آمنت بيك يارب..
مريم : إني لا شوفت دعاء ولا اتكلمت معاها..
زينب : فتحت عينيها بزهول وقالت..يوووه اومال إيه اللي حصل للبت فاجأه..
مريم : أبتسمت وقالت..سيبك من إللي حصل..وفرحيني وقوليلي إن ربنا هداها..
زينب : بعفويه.. إلا هداها..دي البيت رجعت البيت تبوس ع رجلي أنا وأبوها..وتعيط ومتشنهفه ياكبدي.. وتحلف يمين عظيم ماكانت تقصد حاجه..
وكمان وافقت على العريس..وراضتني أنا وأبوها وأخوها.
مريم : بتنهيدة حب..قالت..ربنا يهديها ويهدي الجميع يارب..
مش قولتلك يازينب..دعاء بنت حلال. ومتربيه معانا.. وأكيد متقصدش..بس انتي عارفه إن البنات في السن ده بتحب تقلد بعض..
قومي بقى من ع الأرض وإلا هناديلك آدم..!!
زينب : قامت بسرعه وقالت بخوف.. لأ لأ يرضى عليكي ربنا بلاش سيدي آدم..
وضحكت بفرحه وقالت..العريس جاي بعد بكره..
مريم : بابتسامة..ودعاء هتطلع من هنا ع بيت جوزها معززه مكرمه..ومش ناقصها حاجه بإذن الله..
——————بقلمي مريم نصار.
بعد يومين..
فيلا رعد الجوهري..
سفيان : نايم ع السرير..وباصص للسقف..وسرحان في برائة البنت اللي تشبه الملايكه.
واتعدل وقال..
مالك ياسفيان.. انت راجع مصر في التوقيت ده بالذات ليه؟
واشمعنى قابلت البنت دي ومن وقتها مش عارف تفكر في حاجه غيرها..
يعني بحس إن ده ترتيب من ربنا علشان كياني يتبدل كدا لما بشوفها؟
مش عارف..بجد مش عارف.انا بقيت بصحى قبل باري علشان أوصلها الجامعه..
وانهردا قلبت عليها هندسه والجامعه كلها ملقتهاش.. طيب هى مين.. بيتها فين؟ عايز اعرف عنها كل حاجه..
عايز أطلب أيدها ف أسرع وقت..إللي ذي دي ممكن ترتبط فأي وقت..
وقام وقف وقال.. لأ لأ إن شاء الله هتبقى من نصيبي..
ونفخ بخنقه كبيره وقال.. يوووه مش عارف أفكر مش عارف..
عايز أشوفها بأي شكل..هى مين؟واسمها إيه؟ وليه ملامحها حاسس إني شوفتها قبل كده..
وغمض وقال..مش معقول البنت دي شقلبت كياني..!!
عند باري..
باري : بتذاكر..ومش عارفه تركز..وقفلت الملزمة بنرفزه.. وقالت..
وبعدين بقى أنا مش عارفه ازاكر كلمة واحدة.. اووف..كلة بسبب المتعجرف الغبي..
كل يوم يجيلي الجامعه ويظهر وقبل ما يختفي يضايقني بحركاته البارده..
لأ وكمان بيقولي هتحلمي بيا انهاردة..ثقته بنفسه مزودة غروره.. وبعدين بقى في المتعجرف ده؟
بعد شهرين تقريباً..!! ———
بعد شهرين تقريباً..
وطبعاً سعيد أتقدم لدعاء وتم كتب كتابهم..والفرح في نص السنه..
وسفيان سافر فتره ورجع تاني..وكل يوم يروح يراقبها من بعيد.. وعشقها اتملك منه..
أما آركان نجح بدرجة كبيرة ف استفزاز باري.. اللي عايزه تنتقم منه بأي شكل.. لكن من صميم قلبها فرحانه بالغريم المتعجرف.
مجموعة العدوي..
زين : رايح جاي بنرفزه وتوتر..
فهد : أهدى يازين وكل حاجه هتبان..
زين : مش قادر يافهد مش قادر أصبر.. اووف.. أصعب إنتظار في حياتي..
فهد : طيب ليه عملت توكيل لمراد ما كنت تروح أنت بنفسك..
زين : هز راسه لأ كدا أحسن..بس اتاخروا ليه؟
فهد : طيب اهدا أنا هتصل على مراد…..وا.. أهو آريان بيتصل..
زين : رد ع آريان بلهفه.. وقال..ها يا آريان جبت براءة الاختراع ولا لأ؟
فيلا العدوي..بعد ساعه.
ريتال : رايحه جايه متوتره وقلقانه جداً..
مريم : بتسبح وبتدعي بتيسير الأمور.وقلبها مشغول.
نور ورينو وفريحه وليليان وميرو وتمارا والكل قاعد مترقب ومنتظرين مكالمة زين بفارغ الصبر.
ريتال : أتصلت ع زين أكتر من مرة ومردش..
ونفخت بخنقه وقلة صبر.. وحدفت الفون ع الكنبه.. وقالت بنرفزه..
مش معقول كدا.. محدش بيرد علينا يطمنا؟ أنا خلاص تعبت من الإنتظار..
فريحه : اهدي ياريتال.. أكيد ف إجتماع ولا حاجه..
ريتال : بجدية..زين أدى لكل الموظفين أجازه انهاردة.
رينو : طيب اصبري شويه ياريتال ياحبيبتي..كلنا ع اعصابنا والله..
نور : بجد الانتظار وحش..حتى محمد كل شويه يتصل يطمن ومفيش جديد..
تالين : بلهفه.جدو. وبابا وعمي زين وكلهم رجعوا..
الكل لف للباب وفي إنتظارهم وحطوا أيديهم على قلوبهم..
زين : داخل وعلامات الصمت ع ملامحه..
آدم : دخل..وقعد جمب مريم..وقال. السلام عليكم
مريم : شافت ملامحهم.. وقلبها دق بخيبة أمل..وردت بهمس.. وعليكم السلام.
ريتال : جريت على زين.. وقالت بلهفه..ها يازين طمني؟ عملت ايه جبتها صح؟ وافقوا على المشروع مش كدا؟ رد عليا يازين ساكت ليه؟
زين : أخد نفس عميق جدآ وخرجو ببطء..
ريتال : عيونها لمعت وقالت بعدم استيعاب. مستحيل.. لأ مستحيل..
الكل بص لبعض واتحطمت آمالهم..
مريم : غمضت عينيها وقالت..لا حول ولاقوة إلا بالله.. الحمدلله على كل حال. وعسى أن تكرهوا شيئاً وهو خير لكم..
زين : قعد ع ركبه قدام مريم..ومسك ايديها وباس عليها وقال بتنهيدة..
أمي أنا عايز أقولك إني مقصرتش في حاجه واشتغلت بكل طاقتي ومجهودي..ودلوقتي…!!!!
وكمل بضحكه كلها تفائل وقال..
إبنك بقى صاحب أكبر شركة للأجهزة الطبيه المصريه. في الوطن العربي والشرق الأوسط كله يام مراد..
آدم ومراد وفهد و آريان ضحكوا..
مريم : فتحت عينيها بدهشه..وضحكت بدموع وعدم استيعاب..ومسكت وشه بأيديها وقالت برجفه..
قول بالله عليك اللي سمعته منك ده صح؟ حلفتك بالله يازين يابني..!!
زين : عيونه لمعت وباس ع أيديها وقال.. بالله صح يا أمي.. إبنك حصل على براءة اختراع وشهادة الايزو. بفضل الله ثم دعواتك..
مريم : بفرحه كبيره.. ياحبيبي.. ياحبيبى..وضمت راسه لحضنها..وعيطت وقالت.. ألف حمد وشكر ليك يارب.. اللهم لك الحمد..تعبك مرحش هدر يانور عيني.
وباست راسه وربتت ع ضهرو..
آدم : قلبه فرحان بنجاح إبنه..ومسد على ضهر مريم..
ريتال : واقفه وفاتحه بقها وعينيها ومش عارفه ولا قادره تستوعب..
ليليان : قلبها دق بالأمل والتفاؤل وفرحت جدا.. وجريت ع أبوها واتشعلقت في رقبته..
زين : اخواته باركوا ليه..وفرحتهم كبيره.. ووقف قدام ريتال وقال بضحكه. ريتال نجحنا..!!!
ريتال : ضحكت بدموع واتشعلقت في رقبته وعيطت بصوت عالى من الفرحه..
ألف مبروك يا زين ألف مبروك..
مراد : مبتسم وراح عند مريم عشان بتعيط..وضمها لقلبه..
فهد : راح عند رينو والفرحه مرفقاهم.. وسمعوا زغرودة زينب من المطبخ…
زين : بضحكه..الله يبارك فيكي ياحبيبتى..!!
ريتال : راحت عند آدم وقالت بعياط فرح..نجحنا يابابا..
آدم : قام.. وضمها لقلبه وقال..بفضل الله ثم تعبك ياريتال يابنتي..!!!
ريتال : عيطت من الفرحه..والكل بارك ليها.. و آريان أهتم بيها.
والبيت كله بيبارك ويهني..وسط زغاريد زينب..
مراد : اتفقنا إن حفلة افتتاح المشروع الخميس الجاي.. إيه رأيك يازين..!!!
زين : بحماس كبير..هيبقى أكبر افتتاح إن شاء الله..
وخلي بالك يامراد.. أنا وعدت ست الكل قبل كده إنك أنت اللي هتقص شريط الإفتتاح..!!!
مراد : ههههه لا ياعم..واقص ليه وأنا مالي..
زين : بضحكه يبني خليك جد شويه.. ماتقوله حاجه ياحج..
آدم : أبتسم..وقال..مراد أخوك متشرف بيك.. وحابب إنك تفتتح بنفسك..
مراد : شال محمد و آيان وباسهم وقال..اللي هيفتتح المشروع.. حفيد العدوي والسيوفي وعزيز…!!!!
يوم الإفتتاح..
آرين : بترجي بليز يا آدم خدني معاك الإفتتاح بليييز..
آدم مراد : مش هينفع يا آري.. ده عمي زين أخد عمتو ريتال بالعافيه بطلب من بابا آدم وماما مريم..
آرين : بغيظ.. وبعدين بقى هو احنا مش هنفرح..ده ايه القرف ده..
آدم مراد : هههههههه يابنتي اكبري بقى. وبعدين الافتتاح هيبقى بث مباشر ع قنوات كتير.. يعني كأنك عايشه معانا.. يلا بقى أنا لازم أخرج دلوقتي الكل سبقني ع مكان الحفله..
آرين : ربعت أيديها بنرفزه ومردتش..
آدم مراد : قرب منها وخطف بوسه..وغمز وقال. هعوضك في خروجه جامده..ها..!!! ديل كويس؟
آرين : بكبرياء.. هفكر..!!
آدم مراد : هههههه ومالوا فكري لحد ما ارجعلك يا ريبونزل..
بعد شوية..
فيلا العدوي..
مريم وبناتها وأحفادها البنات ورنا وملك وهنا وكل بنات العيله.. وزينب وعزه ودعاء كلهم قاعدين قدام التلفزيون..
آرين : جريت بحماس.. وقعدت قدام جدتها مريم..
مريم : ضمت آرين ومتوترة وبتدعي من قلبها يحفظ جوزها وذريته…
آرين : سقفت وفرحت وقالت بصوت عالى.. أهو عمو زين اهو ياماما.. نازل من العربيه ومعاه خالتو ريتال.. واووو.. ورفعت صوت التلفزيون..
الكل أنتبه وبيتفرج بحماس وفخر كبير.. وشافوا….!!
قدام الإحتفال والسجاده الحمرا..
عربيات وقفت.. والجارد فتح الباب.. والصحافه بتصور والتلفزيون المصري.. وبث مباشر لانحاء العالم..
ونزل ملك السوق الجديد زين العدوي.. وف ايدو ريتال..اللي حاسه إن قلبها هيقف من الفرحه..
نزل الامبراطور بهيبته المعتادة..وجمبه ع يمينه وشماله طارق وبيتر.. ووراه زياد ورعد وشاهين وهارون وعاشور..
ونزل العميد مراد والعميد فهد. والدكتور محمد و آريان..
ووصلت عربية الديزل..مع الفهد الأسود..وتيم عزيز.
ووصلت عربية مخصوص..ونزل منها الجارد ومعاهم آيان السيوفي و محمد العدوي وعُمر عزيز..
كل رجال الأعمال والوزراء وأكبر الأطباء والمهندسين ورجالة وشباب العيله وصلوا..ياسين و آسر وچواد ومصطفى.وكريم.
الجمهور والمتابعين بيسقفوا..من جمال وهيبة آل العدوي..
زين وقف عند بداية السجاده الحمرا.. و آيان ومحمد وعُمر ع السجاده.. وماشيين زي ما فهموهم.. ومعاهم شاب شايل. علبة مدوره قطيفه ومتزينه وعليها مقص.. ووصلوا لحد الشريط أخيراً..
مراد : بضحكه وفرحه..مسك المقص وحطه في أيد آيان ومحمد وعُمر. وشاور ليهم ع الشريط..
الأطفال مبسوطين بأجواء الحفله ومفكرينوا عيد ميلاد بالنسبالهم.. وحاولوا التلاته وقصوا الشريط…
ف وسط تسقيف حار من الجميع..
وبعد كده الحضور دخلوا القاعه.. وأول صف كان قاعد فيه الامبراطور وعيلته..والجارد اخدوا الأحفاد لجوه القاعه..
تيم شايل آيان و آريان شايل محمد.وكريم شايل عُمر.
المهندسين طلعوا على المنصه وع رأسهم يوسف عزيز.. وبيشرح فكرة المشروع وتعبوا قد ايه ف الإنجاز ده..
وطلعوا بعد كده مجموعة من الأطباء اللي جربوا أجهزة A-K-A الحاصله على الايزو.. وإن كفاءة هذا المنتج لا يقل كفاءه عن باقي المنتجات العالمية..
محمد عزيز طلع ع المنصه..وشرح فائدة كل جهاز حطوه تحت التجربه وجاب نتيجه مذهله..
بعد كدا جه دور صاحب المشروع.. وزين قام والكل بيسقف بحفاوة..
وريتال كانت من أسعد الناس وقتها..
زين : قبل مايطلع.. مسك أيد ريتال..وطلع بيها ع المنصه وواقفه جمبه ومسبش أيدها..
ريتال : قلبها كان بيدق بسرعه كبيره ومبسوطه..ومتوتره.. لكن زين ضغط ع أيدها يقويها..
.زين : ضحك للكل..وقال كل حاجه جواه.. وإن زوجته ليها فضل كبير لمساندته..
وبص ع أبوه وأبتسم.. وقال كل عبارات الحب والتقدير.. لصاحب.الفضل الكبير عليه.وهو الامبراطور.. وأنه لولا دعمه مكنش وصل للمكانه دي..
آدم : مبتسم.وبيكابر دموعه..وسقف بحب كبير لابنه وفخروا بيه..
زين : بعد كده وصل رسالة خاصة وجميله وشكر وامتنان كبير لوالدته..ودعا ليها ببركة العمر.. وأنها أساس متين مسنودين عليه..
وأخيرا وجهه رسالة شكر لاخواته وفهد وابنه والمهندسين والعمال وكل الموظفين..
وكانت كلمة نابعه من قلبه.. ونزل وسط إعجاب الكل بشخصية ملك السوق..
وانبهروا أكتر لما زين نزل وباس ع أيد أبوه قدام الكل.. وقعد وجمبه شريكة حياته..وماسك أيدها. كأن بيقول للعالم.. كبرت بيها..!!!
فيلا العدوي..
الكل بيتفرج وطبعا الفخر والفرحه مع الدموع وكل المشاعر الجميله.
ليليان : كانت بتعيط من الفرحه وفخوره جدا با أبوها..
نور ورينو : كانوا قاعدين وماسكين أيد بعض من التوتر..
ميرو : بتضحك وبتعيط بكل المشاعر..
آرين : ماسكه ايدين مريم اللي على كتفها وبتعيط وبتضحك وفرحانه..
تالين : في حضن أمها وفرحانه جدآ.
زينب : مع كل كلمة ل زين تسقف وتزغرد..
وكان إحتفال مبهج ومشرف..ونجاح مميز..والكل عاش بجد فرحه كبيرة.. ويوم مهم اتسجل في تاريخ عيلة العدوي..!!!
وبعد فترة رجعوا وكل زوج احتفل مع شريكة حياته بطريقته الخاصة..
——————بقلمي مريم نصار.
وفي صباح يوم جديد..
فيلا تيم عزيز..
تيم : مسك أيد ميرو..وقال تعالى بس هقولك حاجه..
ميرو : خارجه من الجناح ومش فاهمه حاجه..وقالت في إيه بس فهمني وساحبني وراك كدا ليه؟
تيم : خبى عينيها..ونزل بيها ع السلم وقال متستعجليش..هى مفاجاه.. ونزل ووقف بيها ف نص الصاله..
ميرو : بضحكه.. إيه جايبلى بوكيه ورد..ولا بيبي سيتر للولاد..
تيم : شال أيديه..وقال..شوفي بنفسك..
ميرو : فتحت عينيها..وشافت قدامها محمد عزيز ونور..
وأبتسمت لكن مش فاهمه حاجه.. غير لما شافت شنط كتير.. وتنحت وقالت..
مش معقول..بابا محمد..حضرتك وافقت؟
محمد : بضحكه..غصب عني والله يابنتي.. مريم الجزار أصدرت فرمان.. وأنا مقدرش اقول لأ..
ميرو : بفرحه حضنته وقالت.. ياحبيبي يابابا..بجد انا مبسوطه اوى..
محمد : ربت ع ضهرها وقال..اتمنى مكونش ضيف تقيل..
ميرو : خرجت من حضنه وقالت بعتاب.. إيه اللي حضرتك بتقوله ده يابابا..والله زعلت منك بجد.. وبعدين حضرتك وماما فوق راسنا من فوق..
يارب بس منكونش إحنا بس مصدر إزعاج.. بدوشة الولاد..
جنى : جريت على جدها..وقالت بابا جدو.
محمد : شال جنى وضحك وقال.. أحلا بابا من أحلا جنى..
ميرو : سلمت على نور.. وقالت لتيم ابعت حد ياخد الشنط لفوق..
تيم : شاف فرحة مراته بعيلته واحترامه ليها زاد الضعف..
نور : قعدت وقالت..فين يزن ويامن ياميرو ياحبيبتى..
ميرو : جابت القهوة وقالت..نايمين ياماما.. ده يزن ويامن هيفرحوا قوي بالقرار ده..
بجد انا مبسوطه اوى.. وهروح دلوقتي أبوس ع ايد ماما مريم ع المعجزه الكبيره اللي عملتها..
نور : ضحكت وقالت.. لأ عايزه تعملي حاجه..قولي ل مامي..وهى عليها الباقي مش كدا ياتيمو..
تيم : هرش في قفاه وقال..الله..!! طيب أعمل بس يانوري..مالحج وانتي منشفين دماغكوا معانا. بس كدا أنا مستريح ومطمن عليكم هنا أكتر..
جنى : لجدها.. فين حاجة حلوه..
محمد : ضحك وضمها لقلبه بفرحه وقال.. وأنا اقدر انساكي ياروح قلبي.. أنا جبتلك علبة شوكيلت كبيره جدا ل جنى وبس..!!!
——————بقلمي مريم نصار.
فيلا رعد الجوهري..
رجع من السفر قبل يوم..ونزل بسرعه وقال. إيه يا باري..ملبستيش ليه؟
باري : بعدم فهم..البس إيه مش فاهمه؟ وايه الشياكه والجمال ده..؟
سفيان : بلهفة متداريه..قال.. علشان اوصلك الجامعه.. يلا بقى البسي بسرعه وانا هستناكي..
باري : وقفت ولفت حواليه.. وأخدت نفس عميق من برفانه الجديد..
وقالت بغمزه..هو إيه النظام؟
سفيان : كشر عينيه وقال بِشك..مالك يابنت بتتكلمي كدا ليه؟ ونظام ايه مش فاهم؟
باري : بتمثيل البراءة..سوري سوري يا أبية سفيان.. ظلمتك..
وكملت بمكر وقالت.. سبحان الله.. أطلب مرة واحدة بس توصلني الجامعه.. تقوم دايركت كل يوم توصلني..
لأ وكمان ايه؟ تسافر وتقعد كام يوم وترجع بحجة انك عايز تطمن عليا.. لأ وخد الكبيره بقى.. أنت راجع امبارح الخميس.. ونازل جري الجمعه وتقولي اوصلك؟
يعني كمان نسيت الأيام ياسيفو ياجوهري..
وغمزت شتقول بقى بقى إيه النظام يابرو؟
سفيان : غمض عينيه وقال جواه.. إزاي نسيت إن أنهردا أجازه..تؤ..وبعدين أنا هتجنن واشوفها..
باري : بصوت عالى ومرح..سوفيااااان. أنت روحت فييين.. هههههههه.
سفيان : فتح عينيه واتنهد وقال.. مروحتش في مكان.. أحم أنا نسيت خالص إن انهاردة أجازه.. احم خلاص بكره إن شاء الله..
باري : هههههههه ياعيني مش عايزه اصدمك واقولك إن جمعه وسبت أجازه والأحد أجازه رسميه..
اووو سيفو بيبي ريلي زعلانه أوي عليك..مش هتقولي بقى مين البنت اللي جابتك من إيطاليا ع جدور.. أحم ع مصر كدا؟
سفيان : لعب ف شعرها وقال.. انتي بقيتي مزعجه ومشاكسه جدا يا باري..
باري : اتشعلقت في رقبته بمرح وقالت..طيب والله احساسي صح.. أخويا عشقان ياناااس. ههههههههه ولا ريحة البرفيوم ياخرابي دي جابنتي أنا الأرض.هههههه.
سفيان : ضحك وقال..بس يامجنونه..
باري : اتنططت قدامه بترجي..بليز قولي قولي بليز حبيت مش كدا.. قول قول..والله مش أقول لحد خالص..
سفيان : بيأس..مش هتعقلي.. أنا بحب باري اختي المجنونه..ويلا بقى روحي قولي للدادة تعملي قهوتي وتبعتهالي ع المكتب..
سفيان : دخل المكتب وقعد بقلة حيلة ومخنوق وقال..لسه هستنى ليوم الأتنين؟
وجه يوم الأتنين ع العشاق التلاته بفارغ الصبر. سفيان و آركان و باري..
ف الجامعه..
باري : اوكي ياسفيان أول ما اخلص هرن عليك..
سفيان : بحماس متداري.. ماشي ياحبيبتى.. وبص للسما وقال.. الجو وحش انهردا والهوا شديد خلي بالك من نفسك..
باري : حاضر..يلا سي يو.. وماشيه بتدور على المتعجرف..اللي غلاسته معاها بقت إدمان ليها.
وطالعه بسرعه ع السلم علشان متأكده أنه مستنيها في نفس المكان..
وطلعت بسرعه..لكن ملقتش آركان..واتنهدت بخيبة أمل.. وضمت الكتب وقالت بزعل..
هو مجاش ليه؟
آركان : بهمس وأنا أقدر أتأخر..
باري : لفت بسرعه..لكن ملقتوش.. وقالت.. إيه يا باري انتي كمان بتتخيليه.وبتسمعي صوت المتعجرف ده؟
آركان : من وراها بنفس الهمس..قال.. باري…!!! أسمك باري..
باري : لفت ليه بسرعه ولهفه..وعيونهم اتعلقت ببعض.. وقلوبهم بتدق ع وتر العشق..
آركان : سرحان ف عينيها..وقال..مكنتش عارف إن أسمك هيبقى بالجمال ده..ياباري..
باري : بدقات قلب متضاربه..واستسلام وتيه..بس انا معرفش أسمك..
آركان : لمح دكتور جامعي طالع. وبسرعه همس ف ودنها وقال..
أنا آركان..الملقب بالفهد الأسود يعني السرعه القصوى والأداء المبهر…واختفى..
باري : حطت ايدها ع قلبها من همسه ليها..وفتحت عينيها..لكن مالقتوش قدامها..
وبصت حواليها وشافته خارج من المبني وغمزلها.. وأبتسمت.. وهمست بتنهيدة حب.. آركان…!!!
عند هندسه..
تالين : واقفه عكس تيار الهوا.. ومش قادره تتحمل..وقالت. ياترى رحاب اتاخرت ليه؟ فاضل ربع ساعة ع المحاضره..
أنا هتصل عليها.. وفتحت الشنطه وهى بتطلع الفون.. الأوراق ف الملف طارت في الهوا..
تالين : شهقت وقالت.يالله.. الملخص راح.. وراحت تحاول تجيب اي ورقه منهم.. لكن وقفت مكانها بإحراج…!!
سفيان : بسرعه بيلم ليها الأوراق.. وكأنه بيلملم شتات قلبه.. وملهوف ع مواجهته بعشقه ليها..
تالين : واقفه محرجه.. ومش عارفه تتصرف إزاي؟ وخصوصاً أنه بيقرب منها..
سفيان : وقف قدامها..وقدم ليها الاوراق وقال.. أتفضلي..
تالين : بلعت ريقها بتوتر..ورفعت أيدها بحرج وأخدت الورق..وقالت بحرج.. متشكره جداً.. أحم..
سفيان : أبتسم وبيتأمل فيها..وقال.. أنا اللي متشكر جدا..
إحم قصدي أنا معملتش حاجه..
تالين : هزت راسها بصمت.. وجت تمشي..
سفيان : بسرعه.. لو سمحتي لحظه بس..!
تالين : وقفت وردت باحترام..نعم؟
سفيان : بحيره.. أنا أسمي سفيان..وكنت بتمنى أتكلم مع حضرتك شويه..وا……!!!!! استني بس..يا آنسه..ارجوكي استني متفهمنيش غلط..!!!
تالين : مشيت بسرعه من قدامه وكلها بتترجف.. وبتستغفر من ريحة برفانه اللي حبتها جدا.. وخافت منه في نفس الوقت.. وراحت ع المحاضره بسرعه..
سفيان : نفخ بخنقه..وقال. اعمل إيه بس..؟! أنا لازم أتكلم معاها..!!!
وفونه رن وكان رعد ورد عليه.. الو..
رعد : إيه ياسفيان أنت فين؟
سفيان : بتنهيده.. أنا كنت بوصل باري..وراجع البيت يابابا..
رعد : لأ تعالى ع الشركه.علشان عايزك..
سفيان : كشر عينيه وقال خير يابابا ف إيه؟
رعد : بإبتسامة فخر..قال. انهردا هاخدك مجموعة العدوي..وهعرف الامبراطور ع ابني سفيان الجوهري..!!! وآدم باشا ف انتظارنا الساعه ٣
بعد فتره..في الطريق..
آدم مراد : مالك يا آرين ساكته ليه؟
آرين : بكسل..مفيش حاجه يا آدم بس عايزه أنام..
تالين : ياكسلانه فوقي بقى .
آرين : بصت من الازاز..وفتحت عينيها بدهشه وقالت.. شركة جدو آدم.
آدم مراد : ابتسم وقال.. أيوه. أنا بس هنزل اجيب ملف مهم من عمي زين وهرجعلكم تمام..
آرين : مسكت دراعه وقالت بلهفه..بالله عليك عايزه أدخل الشركه..ونعملها مفاجأه ل بابي وخالو مراد.. بليز يا آدم ارجوك مترفضش..
تالين : بحماس..اه ياريت يا أبيه..نفسي أشوفها ع الحقيقه..
آدم مراد : بقلة حيلة وقال اعمل ايه فيكوا بس؟ اتفضلوا انزلوا..بس مش عايز جنان.. آرين فاهمه؟
آرين : بحماس..خالص والله مش هعمل أي حاجه..
ونزلوا..
في مكتب الإمبراطور..
آدم : بإعجاب.. ماشاءالله عليك يا سفيان.. حاجه مشرفه بجد..
سفيان : أبتسم وقال..متشكر جدا لحضرتك.. أنا مش عارف أوصف لحضرتك عن مدى اعجابي بحضرتك..
آدم : أبتسم وقال.. أنا بحب ديما الشباب الطموح.. ودي من صفاتك اللي شدتني..ده غير فخر رعد بيك.. وعنده حق.. وأنا كمان أعجبت بتفكيرك لمشاريعك إللي جايه..
رعد : بسعاده..ربنا يباركلنا فيك ياباشا..كلامك ل سفيان أبني انا عايز ابروزه والله..
آدم : بضحكه..مش للدرجادي يارعد يابني..
رعد : واكتر والله ياباشا.. خصوصاً لما وافقت وتواضعت إن حضرتك والعيله كلها تشرفنا ع حفلة باربيكيو..بجد انا سعيد جدآ.. إن سيادتك هتشرفني..
آدم : طول عمرك صاحب واجب وابن اصول يارعد..
في الطرقه..
آدم مراد : تعالي يا آرين ده مكتب خالي فهد..
تالين : أبية فين مكتب بابا؟
آدم مراد : فوق ده بالظبط ياحبيبتي..ثواني هوصل آرين واوصلك..
تالين : لأ يا أبية خليك أنت وأنا هطلع متخافش عليا..
عند الإمبراطور..
رعد : قفل الفون وحطه ع المكتب.. وقال..في ناس عايزه حرس ضروري ولازم استأذن ياباشا..
آدم : بتفهم..مفيش مشكله..
سفيان : واقف وبيسلم ع آدم وقال.. انا اتشرفت جدآ بحضرتك..وانهردا يوم مميز جدا بالنسبالي..
آدم : ربت ع أيدو وقال.. شرفت المجموعة يا سفيان يبني..!!!
رعد : بعد إذنك ياباشا..وسلامي للرجاله لحد ما اشوفهم إن شاء الله..
آدم : إن شاء الله..اتفضل يا رعد.. وأبتسم ل سفيان..
تالين : ماشيه في الطرقه..ومتوتره..وبتقرا اليفط ع أبواب المكاتب..
رعد : ماشي وقال..اوبس استني نسيت تليفوني عند آدم باشا. ثواني وراجع..
سفيان : تمام..هسبقك أنا تحت..
رعد : مشي وسفيان ماشي..
وتالين جايه.وكانت هتخبط فيه وانتبهت ورجعت لورا خطوه..
سفيان : بحرج أنا آسف ماشي مش منتبه..وفتح عينيه بصدمه كبيره..وقال أنتي..!!!
تالين : ضمت الكتب وقالت برجفه..اء.. أسفه..وجت تمشي..
سفيان : سبقها وقال بلهفه.. استني ارجوكي..
تالين : مشيت بسرعه..لكن وقفت مكانها..
رعد : أبتسم.. أهلا أهلا تالين.. إيه المفاجاه الجميله دي يابنتي؟
تالين : بلعت ريقها بتوتر وقالت.. أهلا اذي حضرتك ياعمو..
رعد : أبتسم.. أنا كويس جدا.. وخصوصاً لما شوفتك.. قوليلي يابنتي ف حاجه.. لأنكم مش بالعاده تيجوا ع الشركه..
سفيان ؛ واقف وقلبه بيدق ومش مستوعب.. أبوه واقف بيتكلم مع البنت اللي جننت تفكيروا..؟
تالين : بتحاول تهدا.. وقالت.. أبدا ياعمو جينا بالصدفة..
رعد : طيب ياحبيبتي..اه نسيت أعرفك ع ابني الكبير… تعالى يا سفيان..
تالين : تنحت وفتحت عينيها بدهشه.. لأنه نفسه سفيان اللي قابلته الصبح..!!!
سفيان : كأنه مصدق..وجه بسرعه..خير يا بابا..!!
رعد : بإبتسامة.. أحب أعرفك ع بنت عمك مراد.. الانسه تالين..وصديقة أختك باري..!!!
سفيان : تنح.ووقف قصادها..وقال والله العظيم..؟!
تالين : حاسه بتوتر..وقلبها دق مرة واحدة.. من فرق الطول بينهم..وكمان كاريزما.. ونزلت وشها بسرعه..
سفيان : أبتسم بأمل وتفائل..وقال. أهلا وسهلا يا انسه… تالين..!!!
تالين : هزت راسها وقالت.. بحرج أهلا بحضرتك.. بعد إذنك ياعمو..
رعد : أبتسم.. طبعآ اتفضلي يابنتي. وسلميلي ع بابا وقوليلوا اني هتصل عليه بليل ضروري لأني حالياً مستعجل جدآ…
تالين : غصب عنها رفعت عينيها ل سفيان بإحراج وهزت راسها وقالت..حاضر..ومشيت بسرعه..
سفيان : واقف مكانه وراقبها لحد ما دخلت المكتب..
رعد : مالك يابني متنح ليه؟ يلا هنتأخر..
سفيان : كشر عينيه وماشي مش مستوعب.. يعني إسمها تالين؟ وكمان صديقة باري؟ لأ وبنت صاحب بابا؟
وأنا بقالي شهرين ونص بلف حوالين نفسي.. وأبتسم وقال.. بس تالين تستاهل أكتر من كدا..!!!
——————بقلمي مريم نصار.
تاني يوم…
فيلا السيوفي..
رودي : بتكلم مرات باباها ف الفون..وقالت بصدمه.. انتي بتقولي ايه؟ مستحيل.. لأ بسام أخويا أنا…!!!
إزاي وجه أمتي؟ ولما أخد كل الأوراق مقولتيش ليا ليه؟
أنا.؟ .هو قالك اني عارفه كل حاجه؟
وقعدت على السرير بقلة حيلة..وقالت.. يعني كدا أخويا أخد كل حاجه وسافر..!!!
فارس واقف قدام الباب وسامع كل حاجه.. وخبط ع الباب قبل ما يدخل..
رودي : قفلت المكالمه..ومسحت دموعها بسرعه.. وشدت الغطا عليها ومثلت أنها نامت..
فارس : فتح الباب ودخل.. وشافها.. وزعل حقيقي علشانها.. وشاف دموعها المكبوته..وبتهرب من الواقع..
وبص قدامه وقال جواه بتوعد كبير.. أنت تجاوزت كل الحدود..ولحد كدا وكفايه يا بسام….!! ولو أنا معرفتش أرجع حق مراتي مايبقاش اسمي فارس السيوفي..!!!
——————بقلمي مريم نصار.
فيلا الديزل..
آرين : لابسه فستان باللون الفيروزي..وكانت جميله. ولفت لادامها وقالت برقه..
إيه رأيك فيا؟
آدم مراد : قرب منها..وقال..جميله اوي انتي يا آري..!! كل يوم بتحلوي عن اللي قبله ..وباسها برقه..
آرين : حطت راسها ع صدرو وقالت.. أنا حلوه علشان أنت جمبي ومعايا يا آدم..
آدم مراد : زاد من حضنها..وقال.نفسي أبقى جمبك ديما ياروح قلبي. بس حالياً لازم نتحرك..يلا بينا.؟
آرين : مبتسمه.ولسه هتتكلم. لكن فاجأه.. غمضت عينيها وفتحت ببطء.. ووقعت بين ايديه..
آدم مراد : اتخض.. بصدمه..آريييين..!!! آرين مالك يا آرين..ردي عليا..!!!
آرين : ……………!!!
آدم مراد : شالها وحطها في السرير.. وخبط ع خدها وقال بقلق واضح..
آرين.. آرين ردي عليا.. آرييين ردي عليااااا..
وقام بسرعه وجاب برفان ولسه مفاقتش..
وشالها بسرعه وطلع بيها ع أقرب مستشفى..!!!
الدكتوره خليك بره لو سمحت..!!!
آدم مراد : بغلظه.. أنا مش هسيب مراتي..!!!
الممرضه : زعقت..يعني ايه ده إن شاء الله..هو أي حد يدخل يقولنا البوق ده؟
آدم مراد : خبط الحيطه جمب وشها وقال بغضب.. كلمه زياده ومش عارف انا هعمل ايييييه؟ اخلللصي..!!!
الممرضه : اتفزعت..وجريت تشوف الحاله..
الدكتوره : هزت راسها وسكتت.. وبدأت تكشف ع آرين..
آدم مراد : قعد ع طرف السرير..ومسك أيدها..ومسد على خدها..وهمس.. آرين فوقي..!!!
وبص للدكتوره وقال بقلق.. هى هتفضل كدا لامتى؟
الدكتوره : أبتسمت لقلقه..وقالت..خلاص ثواني بس..وكملت السونار.. وطلبت تحاليل..
آرين : بدأت تفوق..وهمست بتعب. اء.. آدم..!!!
آدم مراد : مسك أيدها ومسح خدها..وقال.. أنا جمبك ياحبيبتي..
آرين : بوهن.. انا فين؟
آدم مراد : أنتي……….!!!
.الدكتوره : قاطعته..وقالت الف مبروك..انتي حامل..
آدم مراد : ضحك تلقائي..
آرين : فتحت عينيها بعدم تصديق..وقالت بدموع..اء. أنا حامل..!!! أنا… أنا حامل يا آدم..؟
آدم مراد : حط جبينه على جبينها وقال بسعاده داخليه.. ألف مبروك ياروحي…!!
الدكتوره : أبتسمت وقالت..ومش بس كدا..!! انتي كمان حامل ف تؤام..!! ماشاء الله..
الدكتوره : ألف مبروك لحضراتكم..ولكن ياريت تتابعي مع أي دكتورة نسا أو معايا مفيش مشكله.. لأن ديما لازم متابعه ومثبتات.. ولازم الراحه.. ثم الراحه..ممنوع تعملي مجهود كبير في الشهور الاولى..
آدم مراد : بص ف عينيها وابتسم وقال.. يعني ممنوع تتجنني وتتنططي فاهمه يا آري..!!!
آرين : عوجت بوقها وقالت بغيظ.. فاهمه يامرعب..!!! ——