رواية طبيب القرية كاملة بقلم صفاء حسني عبر مدونة دليل الروايات
رواية طبيب القرية الفصل الثلاثون 30
بسم الله الرحمن الرحيم
الخاتمة الاولي
طبيب القرية
*******************
نهر قامت بصعوبة والدم في رأسها حطت إيدها على كتفه
نهر : مالك يادكتور سليم ماخذتش ليه اللي إنت عاوزه وأنا مغمى عليا ماكنت تغتصبني ياصاحب المبادئ والأخلاق للأسف إنت فعلا مش شبه خالي ولا إبن خالي إنت إبن نعمة مش إبن زبيدة ....
سليم زعق : أنا إبنه وإبن زبيدة غصب عنك فاهمة وعلشان أنا إبنها مقربتش منك..
نهر : إنت فاكر نفسك ذكي يادكتور سليم وفاكر إني مش هعرف أفرق مابين المريض النفسي والشخص الملبوس والإنسان الطبيعي يبقى إنت معرفتنيش أنا كنت عاوزة أدرس طب نفسي بس الترشيح جالي نساء وولاده محبتش إني أحول من الطب البشري لأن المرض النفسي من أصعب الأمراض لكن في دكتور قالي إن ممكن بالقراءة والإطلاع أعرف وافهم فيها عكس الطب البشري لازم دراسه وعملي ...
وفعلاً قريت كتير عن الطب النفسي ومن أول يوم شوفتك عرفت إنك مريض لكن بتكابر ..
سليم بسخرية ربت بإيده على كتفها : والله يعني إنتي بقى دكتورة نفسيه بالقراءة هههه مكنش حد غلب يادكتورة هههههه..
نهر : أضحك أضحك لسه التقيل جاي ورا إنت بقى اكتشفت خطتي أنا وزبيدة سمعتنا
امممم قلت إيه تاني بقى اااه ضحكت عليا وفهمتني إنك بتحبني علشان أوافق على الجواز منك وبعد كدا تكسر خالي وترميني وتاخد زبيدة وتهرب صح ..
سليم : يعني عملتي نفسك أغمى عليكي تمام أوى بس إنتي بتحاولي تتذاكي دلوقتي يعني ..
نهر : بجد طيب إسمع الخطة صح يابن نعمة مش نعمة رسمتلك خطة وإنت مشيت عليها بس نسيت إن أنا تربية خالي مالك النايب اللي بقاله 15 سنه في البرلمان فاهم يعني إيه هقولك يعني إيه إحنا بتوع الألاعيب مش إنت وأمك اللي كل اللي يديها فلوس أكتر تروح تجري وراه زمان جريت ورا جدتك وبعدها جريت ورا خالي ومثلت إنها تابت وعاوزه تربي ولادها ودلوقتي بتبيعك للمرة الثانيه للدكتورة شمس ..
أما بخصوص جوازنا أحب أطمنك إنه حقيقي لأن الماذون حقيقي مش ممثل زى ماإنت قلت ..
سليم : طيب ليه مكملتيش تمثيل وخليته كدة وكدة مدام انا عارفة ...
نهر : إنت وحش وشيطان ومخك مش طبيعي وملبوس إنت زى المتبنج مش شايف قدامك بتعاتبنى ؟!! إني خوفت عليك كان لازم ابعدك عن شرهم وأبعد خالتي زبيدة كمان واقترحت فكرة الجولة العلاجية لكل كفر
لو شايفني غلطانه وأهلي كمان غلطوا في حقك إنت وأمك إتفضل إنتقم مني وأعمل اللي يريحك لكن قبل ماتقرر فكر في الفرق مابين الأم اللي كانت طول عمرها ساكته وعمرها مافكرت تنتقم واللي وفت بوعدها لواحدة كانت فاكرة إنها صديقتها وإن دي وصية ميت ولا الأم التانيه اللي طول الوقت بتخطط علشان تنتقم ولو خايف من خالي إنه يأذي خالتي زبيدة متخافش( وقربت من سليم وشاورت علي قلبه) خالي عنده قلب حب والقلب اللي يحب عمره ما يظلم ...
نهر بعصبية : التمثيلية الخايبة اللي عملتها والإتفاق اللي عملته مع أمك كله باطل عارف ليه؟
سليم بعصبية : ليه ؟ ...
نهر : لأنه كان في إشهار وإعلان والمأذون حقيقى أنا بدلته ...
و حصل تسجيل صوت وصورة علشان نسيت يادكتور يا متعلم إن التكنولوجي أكتر إشهار وإعلان ووصل كتب الكتاب لعمتي زبيدة وخالي كمان وأمي يعني دلوقتي إنت متعلق بيا غصب عنك..
فاضل إيه بقى يادكتور إنك تكون متوحش وتغتصبني بس وقتها هتكون اغتصبت مراتك ..
سليم بعصبية : أنا مش متوحش ولا معترف بيكي إنتي فاهمة .
نهر : إنت مجبور تقبل بالحكم اللي حكمته على نفسك لما فكرت تلعب بيا وأكون مراتك وعلى العموم أنا هروح عند خالي وإنت بقى روح عند أمك نعمة تقولك خطة جديدة سلام...
نهر سابت سليم وهي ماسكة أعصابها ودخلت أوضة ثانية من أوض البيت اللي أجره علشان التمثيليه الحقيرة اللي عملها وشربت عصير كان موجود في الأوضه ورتبت هدومها علشان تسافر ونامت
تاني يوم الصبح فاقت على صوت زغاريط كانت حاسه بصداع وافتكرت حاجات بسيطة من اللي حصل ومش فاكره الباقي ..
غيرت هدومها لبست بنطلون وبلوزة طويلة وحجاب ...
نهر طلعت وإبتسمت إبتسامة مزيفه وخبطت على باب أوضة سليم وفتحت باب الأوضة
نهر بسخرية : دكتور أهل الكفر جايبين أكل العروسه ..
إيه ياعريس تمثليتك طلعت حقيقيه كمان في البلد وجايين يباركوا يعني مطلعش فيلم بيتصور ..وبصت يمين وشمال لكن ملقتش حد ..
نهر : بقي كدا ياسليم بتحرجني قدام أهل الكفر وسبت البلد هي دي الخطة الجديده ماشي يادكتور سليم أنا هوريك التمثيل الصح ..
طلعت نهر وبدأت تمثل أنها بتبكي وفتحت الباب
الفتيات : ألف مبروك ياعروسة نقصد يادكتورة صباحيه مباركة ...
نهر بدموع غزيره : صباحيه إيه بس بقى أنا علشان يتيمة ومليش حد يسأل عني وحبيته يعمل فيا كدا يسبني ويمشي ..
الفتيات بتعجب : راح فين يعني أكيد جاي ..
وفجأة دخل سليم ومعاه فطار تذاكر السفر واتفاجئ بتمثيل نهر وابتسم 😏
سليم بدون كلام ( كنتي فاكرة اني هربت وسبتك قلت تعملي فيلم هههه إنتي مين دكتورة ولا ممثلة نفسي أفهم مهنتك إيه) ....
نهر :تنظر له وتبتسم☺️.....
((وتتحدث معه دون كلام هي كمان هو إنت لسه شوفت حاجة لسه اللعب مبتداش)) ..
الفتيات إبتسموا وبصوا لسليم بإعجاب
الفتيات : عريسك جيه أهوه وكلنا اهنه إخواتك ياداكتوره
وقربوا منها عريسك زي الجمر ألف مبروك ...
نهر بصوت منخفض : دا قمر!!!! ... أمر بالستر ...
سليم قرب منها سمعتك على فكرة..
نهر بضجر : ماتسمع ياباى منك ..
سليم : راحين فين يابنات اتفضلوا كلوا معنا ..
البنات بإحراج : لاه دا فطار العرسان ألف مبروك ...
خرجوا البنات نهر شالت المفرش من على صنية الأكل
نهر : الله حمام وبط وفطير وفراخ والله الواحد يمثل كل يوم إنه بيتجوز ويأكل الأكل الجميل دا ...
سليم قرب وسحب منها الأكل قبل ماتحطه في بوءها...
نهر : بتعمل إيه يادكتور ..
سليم : إنتي اللي بتعملي إيه..
نهر : إيه مش عروسة ولازم أكل ..
سليم : لا طبعاً مش عروسة..
نهر : آه منا عارفة إن هي تمثيليه بس علشان لازم نكون على أصولها ...
سليم : إنتي عارفة إن دا من بيوت الناس الغلابه اللي هنا وكل واحد بعت حاجه وهما ناس محلتهمش حاجه يعني حرام والأكل هيرجعلهم ...
نهر بضيق : الله يسد نفسك دلوقتي بقيت مصلح إجتماعي ماهما اللي اتبرعوا بيه علشانا وممكن ندفع ثمنه...
سليم بسخرية : يسد نفسك على أساس إنك مراتي يعني خدي ..
نهر : أي دا كمان ..
سليم : دا الفطار اللي يليق بيكي ..
نهر : أي دا بقى ..
سليم : عيش وجبنه وطعمية ..
نهر : نعم إنت مجنون صح يعنى أسيب الأكل دا وأكل أكلك ..
سليم : إنتي مش بقيتي مراتي يبقي تاكلي اللي أنا أكل منه..
نهر : لا وتسحب الصينية عاوزة أكمل التمثيلية...
سليم : إنتي عارفه لو كانت التمثيلية حقيقه كانت هتكون حالتك عامله إزاي دلوقتي ...
نهر : هتكون عامله إزاي..
سليم : كان زمانك غرقانه في دمك وكل الناس بتتفرج عليكي ..
نهر وشها إحمر وكشرت : بجد كنت هتعمل كدا ..
سليم : هههه مش أنا شيطان وملبوس ومتوحش يعني ممكن أعمل أكتر من كدا اطفحي يلا أيامك سوده معايا ...
نهر : بجد حاضر وتاخد فرده حمام أموت وأكل دي وهدفع تمنها لوسمحت ..
سليم بيبص على طفولتها وشقاوتها ..
نهر : أنا مش بتوحم على الطعمية والجبنة كلهم إنت وأنا هاكل الحمام وطلعت لسانها ليه ..
سليم : بقى كدا ماشي يابنت عمتي..
ياسيدنا الشيخ إتفضل إنت الأكل دا رجاله الكفر ياكلوه وخد الفلوس دي تتوزع على البيوت اللي عملت الأكل وتعبت نفسها ...
الشيخ : ليه بس اكده يابني أهل الكفر كانوا بيردوا و لو جزء بسيط من اللي بتعملوا معاهم
نهر : هو إنت شيخ بجد صح ...
الشيخ : طبعاً ...
نهر : المأذون كان حقيقي ...
الشيخ : أكيد ....
نهر : طيب إيه.....
الشيخ : مش فاهم يابنتي ..
سليم : ههه معلش ياشيخ أصلها مانمتش طول الليل وهنجت ...
الشيخ بإحراج : ولا يهمك يابني أسيبكم أني ..
نهر : هو ايه اللي حصل مش أنا وإنت إتكلمنا إمبارح ...
سليم : إتكلمنا في إيه...
نهر وقفت قدام المرايا ملقتش الجرح ...
نهر : إنت عاوز تجنني صح أنا كنت متعورة وإنت ضربتني إمبارح ..
سليم : بعد الشر عليكي من الجنان ياقلبي ..
نهر : إنت إمبارح قلتلي إن كل دا كان تمثيل صح ...
سليم : أنا قلت كدا إمتا ..
نهر : هي الحالة جتلك تاني أي مش إنت قلت لوقت ما ضربتني وأنا وقعت وإنت قربت مني إن أمك نعمة اتفقت معاك تعمل معايا زي ما طلبت منك وإنت مقدرتش وقومت من غير ما تلمسني ..
سليم بتعجب : لا طبعاً محصلش بعد كتب الكتاب إنتي دخلتي نمتي وأنا كمان ...
نهر : إنت بتتكلم جد ..
سليم : آه ..
نهر : يعني أنا مسمعتش تسجيلات
سليم : تسجيلات إيه مفيش حاجه من دي سحبها لأوضة صغيرة
نهر : إنت بتعمل ايه ...
سليم تعالي من غير صوت هتفضحينا ..
نهر مع نفسها : هو أنا فعلاً كنت بحلم ولاهو بيضحك عليا بس فعلاً مفيش آثار دم أو أثر خبطه في راسي هو أنا كنت بتخيل إنه وحش...
دخلت الأوضة مع سليم ومسكت شنطتها ودورت على اسطوانات التسجيل لكن ملقتش حاجة إتصل بالباشا ..
نهر : أنا آسفة بس لوسمحت هو أنا أخدت التسجيلات قبل ماسافر صح ..
الباشا : لا يادكتورة أنا اتفقت معاكي بس إنتي سافرتي قبل ماتاخديهم ..
نهر : أنا هتجنن طيب أنا سمعت معاك التسجيلات ...
الباشا : آه ووقتها قلتي لازم أهرب بسليم هو فيه حاجة ...
نهر : لا أبداً شكرا ..
الباشا : إستني بس إنتي طلبتي مني أعمل تسجيل وأبعثه لنعمة في السجن ..
نهر : تسجيل ايه ..
الباشا : مش فاكرة ..
سليم دخل عليها : انتي كويسة بتكلمي مين ..
نهر حست بصداع مسكت راسها : الباشا بيقولي وصلت التسجيلات لنعمة ...
سليم : والله التسجيل وصل أكيد هي دلوقتي مبسوطه لأنه تسجيل فرحنا بالكامل ...
نهر : إنت اتجننت إحنا اتجوزنا ولا متجوزناش ..
سليم : هههه إمبارح مالك لسه مندمجه في الدور ..
نهر بإستغراب : دور إيه أنا كل اللي فاكراه إن أنا وإنت إتكلمنا مع بعض صح الصراحة أنا حاسه اني مش مظبوطه كأني حد تاني ..
سليم : ههههه دا تأثير العصير ..
نهر : عصير إيه ..
سليم : اللي كان في الاوضة وإنتي شربتيه ..
نهر برعب قلبت نفسها على السرير .
سليم : ههههه يامجنونه متخافيش دا برشام أنا باخده لما بكون متوتر وحطيتهولك إمبارح ..
نهر : برشام إيه وقرف إيه أنا حاسة إني واحدة تانيه ..
سليم : إهدي بس عاوزة تعرفي إيه ..
نهر :كل اللي حصل ..
سليم بخبث : هقولك الحقيقه بس متزعليش ..
نهر : آه أرجوك علشان أنا هتجنن إنت عملت معايا حاجه صح ..
سليم : ههههه هتجنني ليه بس اهدي كدة ..
نهر : اهدى إيه أنا كل اللي فاكراه إن إحنا اتخانقنا مع بعض إمبارح صح..
سليم : آه صح ..
نهر : طيب اتخانقنا ليه ..
سليم : هو إنتي نسيتي إحنا اتفقنا على كل حاجة من يوم ما اتكلمنا في المستشفى ..
فلاش باك ***
نهر : مش بقولك إنت مضحوك عليك تفتكر إنك لما تضحكت على عمتو زبيدة وتقولها إنك كتبت عقد عرفي هتخلي خالي ينسىاها بالعكس وقعت عمتو في المعاصي فكر يا سليم..
وسبتيني وقتها...
وبعد كدا مرت بنت عمرها 16 سنه بتبيع عصير وطلبت مني أشتري منها ...
سليم رجع بالذاكرة ...
الفتاة : ياعصير العصير الطازه عصير من مزارعنا عليكم طوالي
جه واحد واشترى بعدها قربت من سليم ...
الفتاة : الجو حر أوي النهارده والدنيا شوب بل ريقك بعصير فواكه طازة يروي عطشك ..
سليم قاعد وهو حزين ..
البنت : ربنا يكرمك نفعني أني يتيمه وبجري على أكل عيشي ربنا يخليلك أمك وأبوك ومتتحرمش منهم أبداً دول نعمة كبيرة واللي خسرهم خسر كل حاجه الظهر والسند والحب والبيت ..
سليم : بصلها وافتكر حنان زبيدة ولهفة مالك عليه ..
طلع فلوس واشترى منها العصير ..
وراحت البنت
سليم : البنت دي عندها حق أنا ليه عايز أظلم أبويا وأمي ؟!! أنا دلوقتي كبير فين عقلي؟!!! لا أنا مش كدا إيه اللي بيحصللي ؟!! واتكلم مع نهر وقبل ماتمشي حس بالراحة وفتح العصير وشرب منه
في نفس الوقت جه معتز وبلغه إن أمه نعمه عاوزه تشوفوا ضروري
وروحت وطلبت مني طلب
نهر : اللي هو ايه ..
سليم : طلبت مني أنتقم منك وقابلتك وقتها واتفقنا نضحك عليها وناخذ الكومبارس ونزور الجواز وفعلا رتبنا كل حاجه بس المأذون كان حقيقي ..
نهر : طب إنت وافقت ليه تتعاون معايا أي غيرك كدا ..
سليم : إنتي اللي غيرتيني بجد مش فاكرة حاجة مش إنتي سمعتيني تسجيل شمس ونعمة ..
فلاش ****
سليم : إنتي كدابة وهي أساساً مش فارقة معايا ...
نهر : بجد طيب أسمع يادكتور يامثقف...وفتحت تسجيل لنعمة وشمس ..
نعمة : أني مهروحش لوحدي في داهية مفهوم ..
شمس : إنتي عبيطه قلتلك اقتليها ومالك هيلبس القضيه وسليم يرجعلي بعدها بس ليه منفذتيش اللي قلت عليه ..
نعمة : دا ولدي إزاي هتاخديه مني و لو على مالك وعدني إنه هيرجعلي ..
شمس : هههه بجد يرجع لمين لوحدة جاهلة ساقطه زيك فوقي ياماما كل فلوسي وفلوس جوزي اتكتبوا بإسم سليم بس طبعاً زبيدة رفضت قالت حرام المتبنى مايورثش أما لو ماتت هيموت سرها معاها أما إنتي بغباءك روحتي اكدتي عليا الحكاية وكمان ضحكتي عليه لما سألتك عن إسم الكفر اشربي بقى ..
نعمة :طب لو رجعلك هتطلعيني وتبعتيلي كل الفلوس اللي أطلبها منيكي ...
شمس : ماخلاص بقى هو في حضن أبوه دلوقتي ..
نعمة : أني سمعت إنه ضحك على مالك وقاله إن زبيدة تبقى مرته. نلعبوا على الكدبه ديه وأكيد لما يقول اكده مالك هيقطع الأمل علشان معدش ينفع يتجوز مرت ولده ...
شمس : وإزاي هنعمل كدا ..
نعمة : بالبرشام اللي كنتي بتدهوله في العصير اللي غيره وخلاه بقى عصبي جوي على زبيدة ودايما يتهمها بالباطل ..
شمس : مين قالك على البرشام دا ..
نعمة : لا بجى إنتي عاوزة تعرفي كل حاجه ..
شمس : دا خطر آه أنا كنت عايزاه يكره زبيدة وميسمعش منها لكن مجابش نتيجة ..
نعمة : يبجى البرشام مغشوش دوري على حاجه أصلي ومفعولها أكبر تخليه يغير من سلوكه وينسى هو مين أصلاً ..
شمس : حقيقي إنتي أم شيطانه تبيع ولادها علشان الفلوس ..
نعمة : مش وقت الحديت ديه إيه الخطة..
شمس : مين دخلك التليفون في السجن ..
نعمة : ملكيش صالح انطجي ..
شمس : علشان ابعتله البرشام ..
نعمة : ها جولي الوجت والساعة وابلغك سلام ..
نهر : في الوقت دا أنا حسيت إن زيارتك ليها مش هتكون خير ابداً ..
افتكرت الباشا اللي بيتعامل معاه خالي
نهر : ألو الباشا معايا أنا الدكتورة نهر فاكرني ..
الباشا : أكيد أنا منساش فضلك عليا لما ولدتي مراتي وأختي بالسلامه مع إن حالتهم كانت خطيره أي خدمة ..
نهر : دا واجبي مش فضل مني بس كنت عاوزة طلب لو أمكن ..
الباشا : أكيد ومش هتأخر ..
نهر : عاوزة إذن تسجيل في زنزانة نعمة مرات خالي القديمه وبدون علم الظابط معتز ممكن ..
الباشا : هو تم بالفعل خالك طلب مني الطلب دا لكن نسيت ابعت التسجيلات ...
نهر : لا إستنى أوعي تبعتها إلا بعد زيارة سليم لأمه واديني نسخة منها ...
الباشا : تمام كمان ساعة أكون عندك واسلمهملك ..
نهر : أنا اللي هقابلك قدام القسم ..
الباشا : تمام ..
باك ....
سليم : وقلتيلي ..
نهر : خد بقيت التسجيلات اسمعها واعرف أمك ..
سليم : وقتها فكرت أنا وإنتي إننا هنعمل فيها خطه ونوهمها إني موافق على كلامها ..
نهر : يعني أنا وإنت اتخانقنا مع بعض وأنا كشفت خطتك صح ..
سليم :صح وكل دا كان في كاميرات علشان نعمة تصدق إني نفذت كلامها ..
نهر : وسمعت التسجيلات صح ..
سليم : ما أنا كنت سمعتها قبل ما نسافر ..
نهر :تقصد نعمة ..
سليم : أكيد ..
نهر : طيب إيه اللي إحنا عملناه ..
سليم : مالك يانهر ..
نهر : رد عليا أرجوك ..
سليم : إتفقنا على كل حاجة مع بعض بعدما اتجوزنا لما عرفنا إن في كاميرات هنا قبلها بيوم لما إنتي طلبتي ننفذ الخطه هنا لما حسينا إن إحنا متراقبين ومثلت إني ملبوس وروحت على بيت الشيخ طلعت زي ما إنتي قلتي بعثت ناس تراقبني وحطت كاميرات والخطة مشيت زي ما اتفقنا وكل الكفر حتى الشيخ عرف إني ملبوس ..
نهر : وقتها قلتلي إن كل اللعبة إنك تكسرني زى ما أمك انكسرت ....
سليم : صح إنتي بدأت تفتكري أهوه مالك ما إنتي عارفة ليه...
نهر : لا أنا حاسة إني تايهة ومش عارفه حاجة ...
سليم : إنتي لسه ماشيه في التمثيلية نسيتي لما قلتي آخر الكلام إيه ..
نهر : ههههه كنت بكمل الدور صح علشان أشوف بعرف أمثل ولا لا ..
سليم: وقعتي قلبي ما إنتي فاكرة أهوه طيب ليه كل دا ..
نهر تمثل إنها فاكرة وتبتسم : ينفع أكون ممثلة ..
سليم : هههههه تنفعي ونص بس عايز أعرف إيه باقي الخطه ...
نهر في نفسها دلوقتي عرفت مرضك إيه الحبوب الزفت اللي كنت بتاخدها في ناس كدا كان لازم تشوف وش أمك الحقيقي وشوفته بس إنت لسه حاسس إنك شخصيتين مع إنك وافقت تمثل معايا بس كنت بحس وقتها إنك شخص تاني يمكن أكون قدرت أسيطر عليك كطبيب لكن حبيب لأ وطول ماإنت بتحس بتوتر وبتعتمد على الحبوب الغريبة دي على تقلل من التوتر مش هطمن عليك ...
وأنا هفضل معاك لحد ما تعترف إنك مريض وتتابع مع دكتور وأول ماتخف واطمن على خالي وعمتو زبيدة هسيبك هنا وهسافر عند ماما أنا عمري ماهفرض حبي على حد مهما كان غالي على قلبي وعارفة إنك لو عرفت إن خالي اتجوز عتو زبيدة إمبارح كنت اتوترت وخدت الحبوب تاني وعمرك ما كنت هتنفذ الخطة معايا ..
سليم : روحتي فين هنعمل إيه تاني كدا نعمة فاكرة إني كسرتك..
نهر : هي الحبوب لسه معاك ؟؟
نكمل الخاتمة الثاني
يتبع الفصل كاملا اضغط هنا ملحوظة اكتب في جوجل " رواية طبيب القرية دليل الروايات" لكي يظهر لك الفصل كاملا
- يتبع الفصل التالي اضغط على ( رواية طبيب القرية ) اسم الرواية