رواية قسوة امير العشق كاملة بقلم منة سمير عبر مدونة دليل الروايات
رواية قسوة امير العشق الفصل الثالث 3
سالم بغضب حاول التحكم فيه : هي دي العروسه جرا ايه يا سليم انت جايبني اخطبلك طفله معدتش ١٧ سنه
انت بتهزر يا عبد العزيز ولا ايه
سليم بهدوء وهو يرمق ايتن بنظراته الغريبه : انتي ايه ال عملاه في نفسك ده
عبد العزيز همس لهاله : قولي لبنتك تروح تغير الزفت ال هي لبسته ده وحسابها معايا بعدين وقال بصوت مسموع : دي بنتي الكبيره ايتن يا سالم
مخلصه اداره اعمال في جامعه شيكاغو في أمريكا ولسه نازله مصر من قريب
ايتن في سرها : دا لحظي الاسود
سالم هدي شويه وهو بيبص على ايتن من فوق لتحت
وايتن قرفانه منه ومن بصاته
هاله بهمس : قومي قدمي ليهم العصير
ايتن : مش قايمه
سليم : بعد اذنك يا عبد العزيز باشا عاوز اتكلم مع ايتن شويه لوحدنا
عبد العزيز بابتسامه : بلاش باشا دي احنا نعتبر بقينا اهل… قولي يا عمي… اكيد اقعدوا في الجنينه هاديه وهتعرفوا تتكلموا براحتكوا
سليم ابتسم بمجامله وراح ناحيه ايتن وكان لسه هيمسك ايدها بس ايتن قامت ومشت قدامه قبل ما يقربلها وطلعوا الاتنين في الجنينه
وعبد العزيز كمل كلامه في الشغل مع سالم وهو نفسه يكسر راس ايتن على ال بتعمله
هاله راحت ندهت على رشا
هاله بغضب : انا مش قولتلك تخليها تلبس الفستان ال ادتهولك
رشا : والله يا هاله هانم ادتلهولها وقولتلها كدا زعقت فيا وقامت مقطعاه نصفين قدامي
هاله زفرت بنفاذ صبر : طب روحي… رينا يهديكي يا ايتن ويصبرني على نشفان دماغك دي
..
انجي : ايه ساعه عشان اصحيك انت مش رايح الشركه ولا ايه
امير : لا مش رايح… وسيبني انام شويه
انجي شدت من عليه الغطا : لا كفايه نوم وقوم… انا رايحه عند عمك
امير زمجر بغضب : لايه تاني؟؟
انجي : يا أمير انت حر مش عايز تروح عندهم مش هجبرك لكن انا مقدرش اقطع علاقتي بيهم عشان خاطر ابوك الله يرحمه علي الاقل
وكمان هاله هي ال كلمتني عشان اروح البيت لان اهل عريس
امير : خلاص مش عايز اعرف اسباب… نفسي بس تبطلي طبيتك الزياده دي مع الناس دي لانها متستاهلش
انجي : احنا هنرجع تاني
.. علي العموم انا ماشيه عشان متأخرش سلام
امير وهو قايم من على السرير : استنى انا هاخد شاور بسرعه واوصلك
انجي : خليك يا حبيبي انا هاخد تاكسي
أمير بضيق : تاكسي ايه يا ماما… قولت هوصلك
انجي بضحك : خلاص يا باشا متتحمقش احنا اسفين
….
أمير لبس قميص اسود ورفع اكمام القميص ولبس ساعه سوده وبنطلون اسود
وصفف خصلات شعره بعنايه للخلف ووضع عطره المفضل فكان وسميا بحق
لبس نضاره الشمس ونزل مع انجي
انجي بأمل : نفسي بقا تحقق امنيتي وافرح بيك
أمير بتافف : ليه سدت النفس ال علي الصبح دي يا مدام انجي مش كفايه عليا اني هصطبح بوش عبد العزيز باشا
هي اصطباحه تسد النفس انا عارف
انجي : اخص عليك يا أمير يعني انا عايزه افرح بيك واشوفك عريس تقولي بسد نفسك
أمير : يا ماما اقسملك بالله اني مرتاح كده وماليش خلق لا للحوارات ولا مشاكل الجواز الوقتي
انجي : ملكش دماغ لحوارات الجواز لكن ليك دماغ للصياعه وقله الأدب والجري ورا البنات
أمير بضحك : منتيش سهله يا جيجي
انجي : خلي بالك انا سيباك براحتك بس هيجي واحده توقعك على جدور رقبتك وبكرا تقول ماما قالت
أمير : كان غيرها اشطر… يلا وصلنا
انجي : ادخل سلم عليهم انت هتمشي
أمير : محبه فيهم يعني هسلم… ما هما عرفين اني مش بطقيهم…
انجي نزلت وهي بتهز راسها بنفاذ صبر بسبب طيش امير
أمير مبيحبش يزعل مامته تنهد وكان هيمشي بس شاف منظر خلاه يوقف
…
سليم : على فكره انا مش بعض
سليم بهدوء وهو يقترب بخطواته منها : كل ما اجي امسك ايدك تشيلها ليه
ايتن اتفاجأت من قربه منها وحاولت تبعد بتوتر بس سليم حاوط خصرها بتملك قبل ما تبعد وقربها ليه لحد ما حست بسخونه أنفاسه على بشرتها
سليم بخبث : ليه مش علي بعضك ولا مكسوفه
ايتن برقت بصدمه : ايه ال انت بتعمله ده ابعد عني لو سمحت
سليم قربها منه اكتر فشهقت من شده اقترابهم : بلاش الشويتين دول عليا… انا عارف انك كنتي عايشه برا والحاجات دي بالنسبه ليكي عادي
وابعد ليه انا لسه معملتش حاجه… كل ال عملته اني مسكت ايدك وده من حقي
وانتي من حقي
سليم كان بيتكلم بتملك غريب وهو بيقرب منها وبيحاول يبوسها
أمير بغضب هادر : أاااااااااااااايتن
- يتبع الفصل التالي اضغط على ( رواية قسوة امير العشق ) اسم الرواية