رواية متيم بك كاملة بقلم فرح وائل عبر مدونة دليل الروايات
رواية متيم بك الفصل الرابع 4
_ اي يعم عماله اشاورلك من بدري انت اتعميت ولا اي
= دكتور تيم.. من هنا ورايح تقوليلي دكتور تيم انا مش بلعب معاكي كوره في الشارع
_ اشمعنا دلوقت..
” سيبتها ومشيت ومردتش عليها وطلعت مكتبي وانا متضايق جدا مش عارف عشان اتعاملت معاها كده ولا عشان تصرفاتها هي، وبقيت حاسس اني عشمت نفسي ب حاجه لا يمكن تحصل اكيد واضح جدا ان فيه حاجه بينها وبين ابن خالتها دا، خصوصًا انها بتعاملني برسميه قدامه ف تمام نمشيها رسميه علطول بقا، بدأت اتجاهلها يوم ورا التاني ورا التالت عدا اسبوع واتنين ودخلنا في شهر وانا مبتكلمش معاها غير في حدود شغلي مش مديها مساحه خالص في الكلام معايا، ملاحظ وحدتها وضيقتها مني بس كده احسن، او انا اللي بخدع نفسي بكده لاني مش بتحسن خالص بالعكس بقيت باخد شيفت الليل مخصوص عشان انزل واقعد جمبها وهي نايمه، عارف انها مراهقه متأخره بس لاني طول اليوم ببقي شادد عليها ف بحتاج هدنه لنفسي شويه والهدنه دي بتبقي وهي نايمه، ومازال ابن خالتها كل بيجي المستشفي يقعد معاها شويه ويمشي ولكن مؤخرًا لاحظت انها مبقتش تديله اهتمام زي الاول خالص ودا شئ بسطني جدًا.. ولكن كالعاده مش ببين دا.. وفي اليوم كنت بمر في العنبر ولقيت شكلها حزين جدًا فروحتلها بحجه اني هطمن عليها ”
= مساء الخير.. اخبار صحتك اي
_ انا مش كويسه خالص بجد
= مش كويسه جسديًا يعني.!!
_ لا نفسيًا.. والمفروض انك دكتور و واجبك انك تعالجني
= تمام لو في حاجه اقدر اعملها هعملها اكيد ومش هتأخر
_ ايوا انا محتاجه اتكلم معاك شويه ومحتجاك تسمعني
=!!
_ ك دكتور يعني.. دكتوري النفسي
= تمام ماشي.. اتفضلي احكي
_ وانت واقف كده!! اي التوتر دا.. طيب ممكن ننزل الجنينه تحت!! جوها هادي ولطيف وهعرف اتكلم براحتي
= تمام يلا بينا
” نزلت انا وهي وانا مبسوط جدًا من جويا انها رجعت تكلمني تاني حتي لو انا مش مبين دا بس انا مبسوط علي عكس تعابير وشها اللي كانت مليانه حزن وحقيقي كنت متضايق عشانها جداً عشان كده قررت اني مش هزودها عليها وهحاول اعاملها بلطافه حتي ولو لمده يوم بس.. ”
= ها اتفضلي اتكلمي انا سامعك
_ انا زعلانه اوي
= واضح عليكي علي فكره انك زعلانه بس السبب ليه
_ انت السبب علي فكره
= انا!!
_ ايوا عشان انا مش متعوده ع الانطواء دا في حياتي
= مش فاهم
_ يعني انا مش بعرف اتكلم مع حد هنا عشان مفيش حد شبهي هنا غيرك
” ضحكت ضحكه سخريه كده وسكت.. احنا مش شبه بعض في حاجه اصلا..”
_ تمام ماشي مش شبه بعض عارفه.. بس انت اعقل واحد هنا في المستشفي انت الوحيد اللي بتعاملني اني عاقله مش اني مجنونه
= طب والعمل اي بقا
_ تيم ارجو.. قصدي دكتور تيم
” سكتت شويه تشوف رده فعلي ع الكلام اللي لسه قيلاه بس انا مهتمتش او بينت اني مش مهتم وطلبت منها تكمل كلام..”
= كملي انا سامعك
_ انت كنت بتعاملني كويس اوي اول يومين ومعرفش اي اللي حصل وخلاك تغير اسلوبك معايا بس حقيقي انا اسفه جدا لو كنت زعلتك من غير ما اقصد
= المشكله عندي انا يا شهد مش عندك.. انا اللي اتعشمت في حاجات ملهاش اساس اصلا من الواقع
_ مش فاهمه
= مش ضروري
_ طب اي.. ممكن نرجع صحاب تاني.!!
= احنا مكناش صحاب اصلا
_ طيب خلاص نبقي صحاب.. اي رأيك
= عرض مُغري الصراحه..بس مش خايفه لابن خالتك يعرف؟! ولا هتعامليني قدامه اني دكتورك وبس!!
_ سامر ماله اصلا بالحوار دا.. ثم اني مبقتش احبه
= انتي كنتي بتحبيه!!
_ كنت بحبه زي اخويا يعني.. كنت بعتبره اخويا لاني معنديش اخوات
” وبعدها لقيتها بتسند علي كتفي وبتشب لحد ما وصلت لوداني وقالتلي بصوت واطي خالص..”
_ بس هو بيحبني
” طبعا متفاجأتش عشان كان باين جدًا من طريقته ولكن اللي استغربته انها عارفه دا..”
= وانتي.!
_ ما انا قولتلك بحبه زي اخويا فاهم
” هزيت راسي في هدوء وانا حاسس اني مشوش شويه ومش عارف انا مبسوط ولا متضايق ومش قادر احدد شعوري ودي اكتر حاجه بكرهها.. وكنت لسه هتكلم لقيت الامن بيقولي ان سامر واقف بره وجاي عشان شهد و كالعاده قولتله خليه يدخل ولكن رده فعل شهد قلقتني..”
_ لا لا متدخلهوش قوله اي حاجه نايمه في الحمام اي حاجه
= لي اي اللي حصل بينكوا
_ اطلع مشيه بس وانا هقولك بعدين
” هزيت راسي في قلق وروحت عشان امشيه واتحججت طبعا ان النهارده المستشفي مش هتستقبل اي حد عشان في زياره من المحافظ وكده وهو صدق ومشي وبعدها دخلت لقيت شهد قاعده ع الكرسي اللي في الجنينه وبتهز رجلها في توتر.. فروحت وقعدت جمبها ”
= مشيته
_ شكرًا
= ها قوليلي بقا اي اللي حصل
_ انا متعوده انا وسامر اننا لما بنشوف بعض بنحضن بعض ك نوع من انواع الود والحب يعني لاننا متربين سوا
= ود وحب اه.. كملي كملي
_ بس مؤخرًا بقيت بخاف منه
= بتخافي منه ازاي مش فاهم
_ يعني بقي يعمل حركات مش تمام ويحط ايده علي رجلي بشكل مريب وبصراحه الموضوع بيطور وانا خايفه
” طبعا اتصدمت لما سمعت حاجه زي كده واللي صدمني ااكتركار سكوتها وعدم وجود رده فعل منها ف اتكلمت بعصبيه شديده.. ”
= انتي مجنونه!! انتي ازاي تسبيه يعمل كده ومتصوتيش متقوليش لحد ازاي تسكتي كده
_ هصوت اقول اي يا تيم العنبر كله مجانين مين هيلحقني.. الممرضات.!
= ع الاقل قوليلي ما انا علطول ببقي في العنبر يا اما في المكتب
_ ما انا كنت بطلب منك تقعد معانا وانت اللي كنت بترفض ع فكره ولما كنت بجيلك المكتب كنت بتقولي انك مشغول وتكرشني
” بصيت في الارض وسكت هي عندها حق.. انا كنت بعمل كل دا فعلا.. عشان كنت فاكر انها بتناديني عشان اقعد معاهم عشان تغيظني او تستفزني.. ”
= انا حقيقي اسف.. انا كنت فاكركم بتحبوا بعض عشان كده محبتش اتدخل بينكم
_ عشان غبي
= نعم!!
_ ايوا عشان انا عمري ما فكرت فيه غير انه اخويا ولو كنت سألتني كنت هجاوبك نفس الاجابه
= بس كان واضح جدًا انه بيحبك
_ كلهم عارفين انه بيحبني
= كلهم مين..!!
_ مامته واخواته وعمي ومرات عمي كمان
= طيب ولما هو بيحبك اوي كده وكله عارف متقدمش لي
_ اتقدم لعمو كتير اوي بس عمو رفضه وقال انه خايف عليا منه لان شكله صايع وملهوش شغلانه وكمان بيتعاطى ف عمو قلق عليا منه
= اي الهبل دا هو مش ظابط!!
_ ظابط اي.. هو قالك كده!!
= ايوا
_ كذاب طبعا
= طب وعمك ومرات عمك!!
_ مالهم!!
= بيعاملوكي ازاي
_ عادي كأني بنتهم.. يعني مفيش مشاكل بينا
= يعني مش كل يوم والتاني تتخانقي مع مرات عمك!!
_ ماما نيره!! لا طبعا دي بتحبني جدًا يمكن اكتر من ماما الله يرحمها.. دي معندهاش غيري
= ابن خالتك دا مش مظبوط
_ ازاي.؟
= قالي كلام مختلف خالص علي اللي انتي بتقوليه دا.. وبعدين لما هو وحش اوي كده انتي ازاي تأمني ع نفسك معاه.. يعني ازاي تقابليه وتحضنيه وتتعاملي معاه بالاريحيه دي..!
_ عشان انا عمري ما شوفت منه حاجه وحشه يعني هو طول عمره بيعاملني بحنيه ويخرجني وبيجبلي كل اللي انا عيزاه وبيسمع مشاكلي هو مع الناس كلها حاجه ومعايا انا حاجه تانيه خالص بس اخر فتره بقيت احس انه مختلف وبقيت بخاف منه
= متقلقيش انا هشوف الحوار دا..وهدور ورا الولا دا كويس لحد ما اعرف عنه كل حاجه
_ طب اي احنا كده بقينا صحاب صح!!
” رديت بأبتسامه جميله واخيرًا حاسس ان انا مبسوط ومرتاح ”
= صح
_ طب بما انك صحبي بقا.. ممكن اقولك تيم عادي!! عشان دكتور تقيله علي قلبي اوي بصراحه
= ايوا فعلًا هي رخمه جدًا
_ طب اي مش هتديني كتاب اقراه من عندك.!!
= لسه جايب كتاب جديد لمحمد طارق هيخليكي تتشحتفي من كتر العياط بس هو المفضل بالنسبالي
_ بتجيب روايه عشان تعيط!! اي السوداويه دي دا انت شخص غريب جدًا
= مش انا اللي غريب انتي اللي لسه نظرتك طفوليه للحياه ولسه منضجتيش
_ انا عندي 20 سنه علي فكره يعني كبيره جدًا
= عجوزه يعني!!
_ انا مش بهزر علي فكره
= ماشي يستي.. ابقي تعالي ونقي الكتاب اللي يعجبك ومكتبتي تحت امرك بس انا لازم اقوم عشان عندي شغل مهم جدًا
” سيبتها وقومت ومشيت حبه وانا مبتسم بس لقيتها بتنادي عليا..”
_ تيم
= نعم!!
= انا اللي مبسوط والله يشهد من دا
” ابتسمت ابتسامه جميله شبهها وانا كمان ردتلها الابتسامه بأمتنان وكملت طريقي لمكتبي وكملت شغل وفضلت كتير جدًا بشتغل لحد ما الساعه جت 12 ومكنتش لسه جت تاخد الكتاب فقولت انزل واشوفها.. وبالفعل خلصت اخر حاجه كانت في ايدي وبدأت انقي شويه كتب لناس انا بحبهم يمكن يعجبوها بس لقيت الباب بيخبط..”
= اتفضل ادخل
~ شهد مش في العنبر بتاعها لي.!!
= سامر؟!
~…….
- يتبع الفصل التالي اضغط على ( رواية متيم بك ) اسم الرواية